Artikolu 1

Artikolu 2

Artikolu 3

Artikolu 4

Ir-RGħ għandu jirrapporta lill-Kunsill dwar l-implimentazzjoni ta’ din id-Deċiżjoni abbażi ta’ rapporti regolari mħejjija mis-Segretarjat Tekniku. Ir-rapporti tar-RGħ għandhom jifformaw il-bażi għall-evalwazzjoni mwettqa mill-Kunsill. Il-Kummissjoni għandha tipprovdi informazzjoni dwar l-aspetti finanzjarji tal-proġett imsemmi fl-Artikolu 1.

Artikolu 5

ANNESS

DOKUMENT TA’ PROĠETT

Appoġġ tal-Unjoni għat-Tisħiħ tal-Effettività Operazzjonali tal-OPCW permezz tal-Immaġni bis-Satellita

1.   Kuntest

Il-proċessi analitiċi tal-OPCW jeħtieġu korroborazzjoni u verifika tal-informazzjoni evidenzjarja pprovduta bl-aktar modi robusti disponibbli. L-immaġni bis-satellita, filwaqt li mhumiex l-uniku sors ta’ informazzjoni evidenzjarja, jistgħu jipprovdu indikaturi u korroborazzjoni li mhux disponibbli minn sorsi oħra u b’hekk jipprovdu għarfien analitiku siewi li jista’ jintuża biex tiġi żgurata l-implimentazzjoni sħiħa tal-Konvenzjoni dwar l-Armi Kimiċi (CWC). Ċentrali għal dan hija kapaċità suffiċjenti istituzzjonalment, li minnha l-immaġni u l-analiżi tal-immaġni jistgħu jiffaċilitaw ippjanar aktar dettaljat u robust tal-missjoni, mitigazzjoni tar-riskji għas-sigurtà għat-timijiet skjerati, kif ukoll informazzjoni evidenzjarja u analiżi għal verifika aktar kosteffettiva.

Permezz tal-implimentazzjoni tad-Deċiżjoni tal-Kunsill PESK/2017/2303, l-OPCW iserraħ fuq l-informazzjoni unika li l-analiżi tal-immaġnijiet tas-SATCEN tipprovdi kemm għall-ippjanar tal-missjoni kif ukoll għall-analiżi tal-informazzjoni. L-isforzi tal-OPCW biex jitwettqu intervisti aktar bir-reqqa tax-xhieda, biex jikkorroboraw id-dikjarazzjonijiet tax-xhieda u biex jidentifikaw b’mod aktar preċiż il-postijiet ta’ interess issaħħew permezz ta’ immaġni bis-satellita. Mill-2014, l-immaġni bis-satellita tar-Repubblika Għarbija Sirjana (SAR) saħħew l-għarfien tas-sitwazzjoni u s-sigurtà u naqqsu r-riskju għall-missjonijiet fuq il-post tal-OPCW fir-rigward tal-postijiet fejn għandhom isiru żjarat u spezzjonijiet. L-integrazzjoni tal-analiżi tal-immaġni fl-ippjanar operazzjonali ppermettiet lit-timijiet tal-OPCW jirfinaw l-azzjonijiet tagħhom fuq il-post billi jipprovdu lill-membri tat-tim b’immaġnijiet kważi f’ħin reali taż-żona li fiha jkunu ser jiskjeraw. L-analiżi tal-immaġni uriet li hija u ser tkompli tkun faċilitatur strateġiku tal-isforzi analitiċi tal-OPCW.

Barra minn hekk, għadd ta’ investigazzjonijiet ta’ allegazzjonijiet ta’ użu għadhom pendenti kif ukoll Deċiżjonijiet tal-Kunsill Eżekuttiv (KE) li jagħtu mandat għal żjarat addizzjonali fuq il-post, missjonijiet ta’ ġbir ta’ informazzjoni u investigazzjonijiet li għadhom jeħtieġu appoġġ permezz ta’ immaġni bis-satellita. Il-kapaċitajiet analitiċi uniċi pprovduti mis-SATCEN ippermettew lit-timijiet awtorizzati tal-OPCW biex jikkorroboraw informazzjoni minn sorsi oħra u biex janalizzaw aktar bir-reqqa l-inċidenti ta’ użu allegat fis-SAR. L-analiżi tal-immaġni bis-satellita wriet li hija indispensabbli għat-timijiet tal-OPCW involuti fis-SAR. Lil hinn mill-attivitajiet b’mandat tagħha relatati mas-SAR, l-OPCW tipprevedi rwol dejjem akbar għall-analiżi tal-immaġni bis-satellita f’każijiet ta’ allegazzjonijiet ta’ użu ta’ armi kimiċi barra mis-SAR biex tiġi ffaċilitata l-implimentazzjoni tal-attivitajiet relatati mal-Artikolu IX tas-CWC (konsultazzjonijiet, kooperazzjoni u ġbir ta’ informazzjoni), kif ukoll fil-każ ta’ adeżjoni futura possibbli mas-CWC għall-istati pussessuri.

2.   Fini tal-Proġett

2.1.   Objettivi Ġenerali tal-Proġett

L-objettiv ġenerali tal-Proġett huwa li jiżgura l-kapaċità tas-Segretarjat li jiffaċilita l-implimentazzjoni tal-Artikolu IX tas-CWC (konsultazzjonijiet, kooperazzjoni u ġbir ta’ informazzjoni) u Deċiżjonijiet relatati tal-KE tal-OPCW, permezz tal-forniment ta’ servizzi ta’ immaġni li jindirizzaw lakuni fl-għarfien tas-sitwazzjoni għall-missjonijiet, b’tali mod li jikkontribwixxi għat-tnaqqis fil-vulnerabbiltà tal-iskjerament tal-OPCW u jimmassimizza l-effiċjenza analitika tal-OPCW.

2.2.   Objettivi Speċifiċi

—	L-espansjoni tal-kapaċità tal-OPCW sabiex tappoġġa l-attivitajiet obbligatorji tal-OPCW (DAT, FFM, IIT, eċċ.) permezz ta’ analiżi tal-immaġni bħala sors ta’ prova jew ta’ korroborazzjoni tas-sejbiet;

—

L-użu ta’ analiżi tal-immaġni mmirati għal żoni ta’ interess (siti, rotot, eċċ.) fl-ippjanar għal Missjonijiet awtorizzati mill-OPCW (inċidenti ta’ użu allegat (IAU), spezzjonijiet ta’ sfida (CI), żjara ta’ assistenza teknika (TAV), eċċ.) biex tiżdied is-sigurtà u l-fiduċja fil-preċiżjoni tal-verifika.

2.3.   Riżultati

Ir-riżultati mistennija li l-Proġett ser jikkontribwixxi għalihom huma kif ġej:

—	L-użu ta’ immaġni u analiżi, fir-rigward tal-evidenza mmirata, biex jinfurmaw u jikkorroboraw is-sejbiet tat-timijiet u l-proċessi ta’ verifika;

—	Il-minimizzazzjoni tar-riskji għas-sigurtà u żieda fl-għarfien tas-sitwazzjoni biex jiġi ffaċilitat l-ippjanar l-aktar effiċjenti possibbli tal-Missjoni tal-OPCW.

3.   Deskrizzjoni tal-Attivitajiet

Attività 1 — L-abilitazzjoni tal-OPCW biex twettaq b’mod effettiv, permezz tal-kapaċità ta' immaġni, sorveljanza xierqa u li tipprovdi rappurtar meħtieġ lill-organi li jfasslu l-politika tal-OPCW (KE u CSP)

Din l-attività tfittex li tipprovdi, permezz tal-immaġni u l-analiżi tal-immaġni, lill-OPCW bil-kapaċità li tinforma lill-impriżi evidenzjarji analitiċi mmirati, filwaqt li tottimizza l-ippjanar (allokazzjoni u sforzi) tal-OPCW għal żieda fl-effiċjenza tal-missjonijiet u tnaqqis fil-vulnerabbiltà.

Attività 2 — L-abilitazzjoni tal-OPCW permezz tal-kapaċità tal-immaġni biex twettaq attivitajiet ta’ verifika b’mod preċiż, effettiv u sikur u tipprovdi assistenza mitluba lill-Istati Partijiet

Din l-attività tiffoka fuq il-forniment ta’ servizzi ta’ immaġini, skont il-bżonn, għal talbiet varji għal ġbir ta’ informazzjoni tas-CWC ippreżentati mill-Istati Partijiet (IAU, CI, TAV, eċċ.), kif ukoll l-ottimizzazzjoni tal-ippjanar tal-OPCW (allokazzjoni u sforzi) għal żieda fl-effiċjenza tal-missjonijiet u tnaqqis fil-vulnerabbiltà.

4.   Tul ta' żmien

It-tul ta’ żmien totali stmat tal-implimentazzjoni ffinanzjata permezz ta’ dan il-proġett huwa mistenni li jseħħ u jintemm fuq perijodu ta’ 48 xahar.

5.   Benefiċjarji

Il-benefiċjarji mill-proġett ser ikunu persunal u timijiet tas-Segretarjat Tekniku tal-OPCW; u l-partijiet ikkonċernati tas-CWC inkluż l-Istati Partijiet.

6.   Viżibbiltà tal-UE

L-OPCW għandha tieħu l-miżuri xierqa kollha, b’kunsiderazzjonijiet raġonevoli ta’ sigurtà u miżuri ta' viżibbiltà/komunikazzjoni disponibbli għall-proġett, biex tippubbliċizza l-fatt li dan il-proġett ġie ffinanzjat mill-Unjoni.