32019D1930

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Deċiżjoni implimentattiva - 2019/1930 - EN - EUR-Lex

Help

Search tips

Need more search options? Use the Advanced search

Document 32019D1930

Deċiżjoni ta’ Implimentazzjoni tal-Kummissjoni (UE) 2019/1930 tat-18 ta’ Novembru 2019 li temenda d-Deċiżjoni ta’ Implimentazzjoni (UE) 2019/570 fir-rigward tal-kapaċitajiet tar-rescEU (notifikata bid-dokument C(2019) 8130) (Test b’rilevanza għaż-ŻEE)

ĠU L 299, 20.11.2019, p. 55–60 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/dec_impl/2019/1930/oj

Date of document:: 18/11/2019; Data ta' adozzjoni
Date of effect:: 19/11/2019; Jidħol fis-seħħ Data tan-notifika
Date of notification:: 19/11/2019
Date of end of validity:: No end date

Author:: Il-Kummissjoni Ewropea, Id-Direttorat Ġenerali għall-Protezzjoni Ċivili u l-Operazzjonijiet tal-Għajnuna Umanitarja Ewropej (ECHO)
Responsible body:: ECHO
Form:: Deċiżjoni implimentattiva
Addressee:: L-Istati Membri
Additional information:: Rilevanza għaż-ŻEE

Treaty:

Trattat dwar il-Funzjonament tal-Unjoni Ewropea

Legal basis:

32013D1313 - A32P1PTG)

Link

Select all documents mentioning this document

Modifies:

Relation	Act	Comment	Subdivision concerned	From
Modifies	32019D0570	Żieda	anness I taqsima 3	19/11/2019
Modifies	32019D0570	Żieda	anness I taqsima 4	19/11/2019
Modifies	32019D0570	Żieda	anness I taqsima 5	19/11/2019
Modifies	32019D0570	Żieda	artikolu 1 punt (c)	19/11/2019
Modifies	32019D0570	Żieda	artikolu 1 punt (d)	19/11/2019
Modifies	32019D0570	Żieda	artikolu 1a	19/11/2019
Modifies	32019D0570	Żieda	artikolu 3a	19/11/2019
Modifies	32019D0570	Żieda	artikolu 3b	19/11/2019
Modifies	32019D0570	Sostituzzjoni	artikolu 1 punt (b)	19/11/2019
Modifies	32019D0570	Sostituzzjoni	artikolu 2 paragrafu 1	19/11/2019
Modifies	32019D0570	Sostituzzjoni	artikolu 2 paragrafu 2	19/11/2019

Modified by:

Relation	Act	Comment	Subdivision concerned	From	To
Corrected by	32019D1930R(01)	(IT)
Corrected by	32019D1930R(02)	(MT)

Link

EUROVOC descriptor:

Subject matter:

Directory code:

15.20.30.00 Ambjent, konsumaturi u saħħa / Konsumaturi / Protezzjoni tas-saħħa u s-sikurezza

HTML

PDF

Official Journal

20.11.2019

Il-Ġurnal Uffiċjali tal-Unjoni Ewropea

L 299/55

DEĊIŻJONI TA’ IMPLIMENTAZZJONI TAL-KUMMISSJONI (UE) 2019/1930

tat-18 ta’ Novembru 2019

li temenda d-Deċiżjoni ta’ Implimentazzjoni (UE) 2019/570 fir-rigward tal-kapaċitajiet tar-rescEU

(notifikata bid-dokument C(2019) 8130)

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Deċiżjoni Nru 1313/2013/UE tal-Parlament Ewropew u tal-Kunsill tas-17 ta’ Diċembru 2013 dwar Mekkaniżmu tal-Unjoni għall-Protezzjoni Ċivili (1), u b’mod partikolari l-punt (g) tal-Artikolu 32(1) tagħha,

Billi:

(1)

Id-Deċiżjoni 1313/2013/UE jistabbilixxi l-qafas legali tar-rescEU. rescEU hija riżerva ta’ kapaċitajiet fil-livell tal-Unjoni li għandha l-għan li tipprovdi assistenza f’sitwazzjonijiet predominanti fejn il-kapaċitajiet eżistenti fil-livell nazzjonali u dawk impenjati mill-Istati Membri għar-Riżerva Ewropea ta’ Protezzjoni Ċivili ma jkunux jistgħu jiżguraw rispons effettiv għal diżastri naturali u dawk maħluqa mill-bniedem.

(2)

Id-Deċiżjoni ta’ Implimentazzjoni tal-Kummissjoni (UE) 2019/570 (2) tistabbilixxi l-kompożizzjoni inizjali ta’ rescEU f’termini ta’ kapaċitajiet u r-rekwiżiti ta’ kwalità tagħha. Il-kapaċitajiet inizjali tar-rescEU ikkonsistew minn kapaċitajiet ta’ tifi tan-nar fil-foresti mill-ajru bl-użu ta’ ajruplani u ħelikopters.

(3)

F’konformità mal-Artikolu 12(2) tad-Deċiżjoni 1313/2013/UE, rescEU għandu jiġi ddefinit billi jitqiesu r-riskji identifikati u dawk emerġenti, il-kapaċitajiet ġenerali u l-lakuni fil-livell tal-Unjoni. Wieħed mill-oqsma fejn rescEU jenħtieġ li jiffoka b’mod partikolari huwa l-qasam tar-rispons mediku ta’ emerġenza.

(4)

Fil-qasam tar-rispons mediku ta’ emerġenza, huma meħtieġa analiżi tar-riskji identifikati u emerġenti kif ukoll tal-kapaċitajiet u l-lakuni fil-livell tal-Unjoni li tiżvela li huma meħtieġa l-kapaċitajiet tar-rescEU għall-evakwazzjoni medika mill-ajru ta’ vittmi ta’ diżastru (“Medevac”) u ta’ tim mediku ta’ emerġenza tat-tip 3 (“EMT tat-tip 3”).

(5)	Sabiex jiġi evitat kull riskju ta’ trażmissjoni minn pazjenti b’mard li jittieħed ħafna, jenħtieġ li jkun hemm żewġ tipi differenti ta’ kapaċitajiet ta’ Medevac, l-evakwazzjoni ta’ vittmi ta’ diżastri b’mard li jittieħed ħafna u vittmi oħra ta’ diżastri b’mard li ma jitteħidx.

(6)

Tim mediku ta’ emerġenza (“EMT”) huwa tim utilizzabbli ta’ persunal mediku u persunal ewlieni mħarreġ u mgħammar biex jikkura pazjenti affettwati minn diżastru. L-Organizzazzjoni Dinjija tas-Saħħa tikklassifika t-timijiet mediċi ta’ emerġenza taħt tliet tipi differenti skont il-livell tal-kura li joffru. Minħabba li bħalissa l-ebda Stat Membru ma għandu kapaċità tat-tip 3 tal-EMT li tista’ tirrispondi għal talba mill-gvern għal dan il-livell ta’ kura klinika, din hija lakuna fil-kapaċità ta’ reazzjoni fil-livell tal-Unjoni.

(7)

Il-kapaċitajiet ta’ Medevac u EMT tat-tip 3 huma kapaċitajiet li jistgħu jirrispondu għal diżastri ta’ probabbiltà baxxa b’impatt għoli u, fejn xieraq u jekk definiti bħala kapaċitajiet stabbiliti biex iwieġbu għal riskji ta’ probabbiltà baxxa b’impatt għoli permezz ta’ atti ta’ implimentazzjoni kif previst fl-Artikolu 32(1)(ha) tad-Deċiżjoni Nru 1313/2013/UE, tkun ipprovduta assistenza finanzjarja sħiħa tal-Unjoni biex jiġu żgurati d-disponibbiltà u l-iskjerament għal tali kapaċitajiet.

(8)	Sabiex tiġi żgurata l-implimentazzjoni tal-Artikolu 12(2) tad-Deċiżjoni 1313/2013/UE, il-kapaċitajiet ta’ Medevac u EMT tat-tip 3 jenħtieġ li jiġu inkorporati fil-kompożizzjoni ta’ rescEU.

(9)	Skont l-Artikolu 12(4) tad-Deċiżjoni 1313/2013/UE, ir-rekwiżiti ta’ kwalità għal kapaċitajiet ta’ reazzjoni li jiffurmaw parti minn rescEU għandhom jiġu stabbiliti wara konsultazzjoni mal-Istati Membri u abbażi ta’ standards internazzjonali stabbiliti, fejn tali standards diġà jeżistu.

(10)

Minħabba n-nuqqas ta’ standards internazzjonali stabbiliti għall-kapaċità ta’ evakwazzjoni medika mill-ajru, ir-rekwiżiti ta’ kwalità għall-kapaċitajiet ta’ evakwazzjoni medika mill-ajru jenħtieġ li jkunu bbażati fuq ir-rekwiżiti ġenerali eżistenti għall-moduli skont ir-Riżerva Ewropea ta’ Protezzjoni Ċivili u l-aħjar prattiki fi ħdan il-Mekkaniżmu tal-Unjoni. Ir-rekwiżiti ta’ kwalità għal EMT tat-tip 3 jenħtieġ li jkunu bbażati fuq standards minimi pprovduti mill-Organizzazzjoni Dinjija tas-Saħħa.

(11)

Sabiex tingħata għajnuna finanzjarja mill-Unjoni għall-iżvilupp ta’ kapaċitajiet bħal dawn skont l-Artikolu 21(3) tad-Deċiżjoni 1313/2013/UE, jenħtieġ li jiġu definiti il-kostijiet totali stmati tagħhom. Jenħtieġ li l-kostijiet totali stmati jiġu kkalkulati billi jitqiesu l-kategoriji tal-kostijiet eliġibbli stabbiliti fl-Anness IA ta’ dik id-Deċiżjoni.

(12)	Għalhekk, jenħtieġ li d-Deċiżjoni ta’ Implimentazzjoni (UE) 2019/570 tiġi emendata.

(13)	Il-miżuri pprovduti f’din id-Deċiżjoni huma skont l-opinjoni tal-Kumitat li jissemma fl-Artikolu 33(1) tad-Deċiżjoni Nru 1313/2013/UE,

ADOTTAT DIN ID-DEĊIŻJONI:

Artikolu 1

Id-Deċiżjoni ta’ Implimentazzjoni (UE) 2019/570 hija emendata kif ġej:

L-Artikolu 1 huwa emendat kif ġej:

(a)

il-punt (b) jinbidel b’dan li ġej:

“(b)	il-finanzjament tal-kapaċitajiet matul il-perjodu tranżitorju msemmi fl-Artikolu 35 tad-Deċiżjoni 1313/2013/UE;”;

(b)

jiżdiedu l-punti (c) u (d) li ġejjin:

“(c)	l-ispejjeż totali stmati tal-kapaċitajiet ta’ evakwazzjoni medika mill-ajru rescEU;

(d)	l-ispejjeż totali stmati tal-kapaċitajiet tat-tim mediku ta’ emerġenza tat-tip 3 tar-rescEU.”;

għandu jiddaħħal l-Artikolu 1a li ġej:

“Artikolu 1a

Definizzjonijiet

Għall-finijiet ta’ din id-Deċiżjoni għandhom japplikaw id-definizzjonijiet li ġejjin:

(1)

“kapaċità ta’ evakwazzjoni medika mill-ajru (‘Medevac’)” tfisser kapaċità ta’ reazzjoni li tista’ tintuża għall-evakwazzjoni mill-ajru ta’ pazjenti b’mard li jittieħed ħafna kif ukoll mard li ma jitteħidx, bħal pazjenti li jeħtieġu kura intensiva, pazjenti li jeħtieġu li jiġu immobilizzati matul it-trasport fuq streċers u pazjenti li huma mweġgħin ħafifa;

(2)	“EMT tat-tip 3” tfisser tim ta’ emerġenza skjerabbli ta’ persunal mediku u persunal ewlieni ieħor imħarreġ u mgħammar biex jikkura pazjenti affettwati minn diżastru u li jipprovdi konsultazzjoni ta’ pazjenti inpatient għal kura kirurġika kumplessa, inklużi kapaċità ta’ kura intensiva.”;

fl-Artikolu 2, il-paragrafi 1 u 2 huma ssostitwiti b’dan li ġej:

“1.

rescEU għandu jikkonsisti minn dawn il-kapaċitajiet:

—	kapaċitajiet tat-tifi tan-nar fil-foresti mill-ajru;

—	kapaċitajiet ta’ evakwazzjoni medika mill-ajru;

—	kapaċitajiet ta’ tim mediku ta’ emerġenza.

Il-kapaċitajiet imsemmija fil-paragrafu 1 għandhom jinkludu:

(a)	kapaċitajiet tat-tifi tan-nar fil-foresti mill-ajru bl-użu tal-ajruplani;

(b)	kapaċitajiet tat-tifi tan-nar fil-foresti mill-ajru bl-użu ta’ ħelikopters;

(c)	kapaċitajiet ta’ evakwazzjoni medika mill-ajru ta’ pazjenti b’mard li jittieħed ħafna;

(d)	kapaċitajiet ta’ evakwazzjoni medika mill-ajru għall-vittmi ta’ diżastri;

(e)	kapaċitajiet ta’ tim mediku ta’ emerġenza tat-tip 3: Kura Inpatient b’Riferiment.”;

Jiddaħħlu l-Artikoli 3 a u 3b li ġejjin:

“Artikolu 3 a

Kostijiet totali stmati tal-kapaċitajiet ta’ evakwazzjoni medika ta’ rescEU

1. Il-kategoriji tal-kostijiet kollha msemmija fl-Anness IA tad-Deċiżjoni 1313/2013/UE għandhom jitqiesu fil-kalkolu tal-kost totali stmat tal-kapaċitajiet ta’ evakwazzjoni medika mill-ajru tar-rescEU.

2. Il-kategorija msemmija fil-punt 1 tal-Anness IA tad-Deċiżjoni Nru 1313/2013/UE tal-kost totali stmat tal-kapaċitajiet ta’ evakwazzjoni medika tal-ajru għal pazjenti b’mard li jittieħed ħafna u kapaċitajiet ta’ evakwazzjoni medika mill-ajru għal vittmi ta’ diżastri għandha tiġi kkalkulata abbażi tal-prezzijiet tas-suq fiż-żmien meta l-kapaċitajiet jiġu akkwistati jew mikrija f’konformità mal-Artikolu 12(3) tad-Deċiżjoni Nru 1313/2013/UE. Meta l-Istati Membri jiksbu, jikru jew jagħtu b’kirja l-kapaċitajiet tar-rescEU, huma għandhom jipprovdu lill-Kummissjoni evidenza dokumentata tal-prezzijiet attwali tas-suq jew, fejn ma jkunx hemm prezzijiet tas-suq għal ċerti komponenti ta’ dawk il-kapaċitajiet, evidenza ekwivalenti.

3. Il-kategoriji msemmija fil-punti 2 sa 8 tal-Anness IA tad-Deċiżjoni 1313/2013/UE tal-kost totali stmat għal kapaċità ta’ evakwazzjoni medika mill-ajru għal pazjenti b’mard li jittieħed ħafna u kapaċitajiet ta’ evakwazzjoni medika mill-ajru għal vittmi ta’ diżastri għandhom jiġu kkalkulati mill-inqas darba matul il-perjodu ta’ kull qafas finanzjarju pluriennali, b’kont meħud tal-informazzjoni disponibbli lill-Kummissjoni, inkluża l-inflazzjoni. Dan il-kost għandu jintuża mill-Kummissjoni biex tipprovdi għajnuna finanzjarja annwali.

4. Il-kost totali stmat msemmi fil-paragrafi 2 u 3 għandu jiġi kkalkolat fejn mill-inqas Stat Membru wieħed jesprimi interess biex jakkwista, jagħti k’kirja jew jikri tali kapaċità rescEU.

Artikolu 3b

Il-kost totali stmat tal-kapaċitajiet tat-tim mediku ta’ emerġenza tat-tip 3

1. Il-kategoriji tal-kostijiet kollha msemmija fl-Anness IA tad-Deċiżjoni 1313/2013/UE għandhom jitqiesu fil-kalkolu tal-kost totali stmat tat-tim mediku ta’ emerġenza tat-tip 3: Kura Inpatient b’Riferiment.

2. Il-kategorija msemmija fil-punt 1 tal-Anness IA tad-Deċiżjoni Nru 1313/2013/UE tal-kost totali stmat għal tim mediku ta’ emerġenza tat-tip 3: Il-Kura Inpatient b’Riferiment għandha tiġi kkalkulata abbażi tal-prezzijiet tas-suq applikabbli fiż-żmien meta l-kapaċitajiet jinkisbu, jingħataw b’kiri jew jinkrew f’konformità mal-Artikolu 12(3) tad-Deċiżjoni Nru 1313/2013/UE. Meta l-Istati Membri jiksbu, jikru jew jagħtu b’kirja l-kapaċitajiet tar-rescEU, huma għandhom jipprovdu lill-Kummissjoni evidenza dokumentata tal-prezzijiet attwali tas-suq jew, fejn ma jkunx hemm prezzijiet tas-suq għal ċerti komponenti ta’ dawk il-kapaċitajiet, evidenza ekwivalenti.

3. Il-kategoriji msemmija fil-punti 2 sa 8 tal-Anness IA tad-Deċiżjoni Nru 1313/2013/UE tal-kost totali stmat għal tim mediku ta’ emerġenza tat-tip 3: Il-Kura Inpatient b’Riferiment għandha tiġi kkalkulata darba matul il-perjodu ta’ kull qafas finanzjarju pluriennali, b’kont meħud tal-informazzjoni disponibbli lill-Kummissjoni, inkluża l-inflazzjoni. Dan il-kost għandu jintuża mill-Kummissjoni biex tipprovdi għajnuna finanzjarja annwali.

4. Il-kost totali stmat msemmi fil-paragrafi 2 u 3 għandu jiġi kkalkolat fejn mill-inqas Stat Membru wieħed jesprimi interess biex jakkwista, jagħti k’kirja jew jikri tali kapaċità rescEU.”;

5.	l-Anness I huwa emendat kif jinsab fl-Anness għal din id-Deċiżjoni.

Artikolu 2

Din id-Deċiżjoni hija indirizzata lill-Istati Membri.

Magħmul fi Brussell, it-18 ta’ Novembru 2019.

Għall-Kummissjoni

Christos STYLIANIDES

Membru tal-Kummissjoni

(1) ĠU L 347, 20.12.2013, p. 924.

(2) Id-Deċiżjoni ta' Implimentazzjoni tal-Kummissjoni (UE) 2019/570 tat-8 ta’ April 2019 li jistabbilixxi r-regoli għall-implimentazzjoni tad-Deċiżjoni Nru 1313/2013/UE tal-Parlament Ewropew u tal-Kunsill fir-rigward tal-kapaċitajiet tar-rescEU u li temenda d-Deċiżjoni ta’ Implimentazzjoni tal-Kummissjoni 2014/762/UE (ĠU L 99, 10.4.2019, p. 41).

ANNESS

Fl-Anness I, għandhom jiżdiedu l-Artikoli 3, 4 u 5 li ġejjin:

“3. Kapaċitajiet ta’ evakwazzjoni medika mill-ajru ta’ pazjenti b’mard li jittieħed ħafna;

Kompiti

—	Trasport bl-ajru, inkluż trattament matul it-titjira ta’ pazjenti b’mard li jittieħed ħafna (HID) għal faċilitajiet tas-saħħa speċjalizzati fl-Unjoni.

Kapaċitajiet

—	Inġenji tal-ajru li għandhom il-kapaċità li jittrasportaw pazjent wieħed jew aktar ta’ HID għal kull titjira;

—	Kapaċità ta’ titjiriet lejl u nhar.

Elementi prinċipali

—

Sistema għal trattament mediku għal matul it-titjira ta’ pazjenti HID, inkluża kura intensiva (1):

—	Persunal mediku mħarreġ b’mod xieraq biex jipprovdi kura lil pazjent wieħed tal-HID jew aktar;

—	Tagħmir tekniku u mediku apposta abbord biex tingħata kura lill-pazjenti HID matul it-titjira;

—	Proċeduri xierqa li jiżguraw l-iżolament u t-trattament ta’ pazjenti HID matul it-trasport bl-ajru.

—

Sostenn:

—	Ekwipaġġ tal-ajru adattat għall-għadd ta’ pazjenti HID u l-perjodu ta’ żmien tat-titjira;

—	Proċeduri xierqa li jiżguraw it-trattament ta’ tagħmir u skart kif ukoll dekontaminazzjoni skont standards internazzjonali stabbiliti, inkluża, fejn applikabbli, leġiżlazzjoni tal-Unjoni rilevanti.

Awtosuffiċjenza

—	Ħażna u manutenzjoni tat-tagħmir tal-modulu;

—	Tagħmir għal komunikazzjoni mas-sieħba rilevanti, notevolment dawk responsabbli mill-koordinazzjoni fuq il-post.

Skjerament

—	Disponibbiltà għat-tluq sa mhux aktar minn 24-il siegħa wara l-aċċettazzjoni tal-offerta.

—	Għal evakwazzjonijiet interkontinentali, l-abbiltà li titwettaq titjira ta’ 12-il siegħa mingħajr riforniment ta’ fjuwil.

4. Kapaċitajiet ta’ evakwazzjoni medika mill-ajru għall-vittmi ta’ diżastri;

Kompiti

—	Trasport bl-ajru ta’ vittmi ta’ diżastri għal faċilitajiet tas-saħħa fl-Unjoni.

Kapaċitajiet

—	Inġenji tal-ajru b’kapaċità ġenerali li jittrasportaw mill-inqas sitt pazjenti fil-bżonn ta’ kura intensiva u b’kapaċità għat-trasport ta’ pazjenti fuq streċers jew pazjenti bilqiegħda, jew it-tnejn li huma;

—	Kapaċità ta’ titjiriet lejl u nhar.

Elementi prinċipali

—

Kura medika matul it-titjira, inkluża kura intensiva:

—	Persunal mediku mħarreġ kif xieraq li kapaċi jipprovdi trattament mediku abbord għat-tipi differenti ta’ pazjenti;

—	Tagħmir tekniku u mediku apposta abbord biex tingħata kura xierqa kontinwa lid-diversi tipi ta’ pazjenti matul it-titjira;

—	Proċeduri xierqa li jiżguraw it-trasport u t-trattament matul it-titjira tal-pazjenti.

—

Sostenn:

—	Ekwipaġġ tal-ajru u persunal mediku adattat għall-għadd u għat-tipi ta’ pazjenti u l-perjodu ta’ żmien tat-titjira.

Awtosuffiċjenza

—	Ħażna u manutenzjoni tat-tagħmir tal-modulu;

—	Tagħmir għal komunikazzjoni ma’ sieħba rilevanti, notevolment dawk responsabbli mill-koordinazzjoni fuq il-post.

Skjerament

—	Disponibbiltà għat-tluq sa mhux aktar minn 24-il siegħa wara l-aċċettazzjoni tal-offerta.

—	Għall-ajruplani, l-abbiltà li titwettaq titjira ta’ sitt sigħat mingħajr riforniment ta’ fjuwil.

5. Kapaċitajiet ta’ tim mediku ta’ emerġenza tat-tip 3: Kura Inpatient b’Riferiment

Kompiti

—	Il-provvista ta’ kura inpatient b’referiment u kirurġija kumplessa kif deskritta mill-inizjattiva globali tal-EMT taħt l-Organizzazzjoni Dinjija tas-Saħħa (id-WHO).

Kapaċitajiet

—	Kapaċità ta’ trattament minimu skont l-istandards tal-inizjattiva globali tal-EMT taħt id-WHO;

—	Servizzi ta’ bi nhar u ta’ billejl (li jkopru 24/7 jekk ikun meħtieġ).

Elementi prinċipali

—	F’konformità mal-istandards tal-inizjattiva globali tal-EMT taħt id-WHO.

Awtosuffiċjenza

—	Jenħtieġ li t-tim jiżgura li jibqa’ awtosuffiċjenti matul iż-żmien kollu tal-iskjerament. L-Artikolu 12 tad-Deċiżjoni ta’ Implimentazzjoni 2014/762/UE japplika u, barra minn hekk, japplikaw l-istandards tal-inizjattiva globali tal-EMT taħt id-WHO.

Skjerament

—	Disponibbiltà għat-tluq f’ħin massimu ta’ 48-72 sigħat wara l-aċċettazzjoni tal-offerta, u kapaċità li jkun operattiv fuq il-post fi żmien ħames - sebat (5-7) ijiem.

—	Kapaċità li jibqa’ operattiv għal mill-anqas tmien (8) ġimgħat barra mill-Unjoni u għallinqas 14-il jum fi ħdan l-Unjoni.”.

(1) (1)Sistema bħal din tista’ tinkludi l-approċċ ristrett.

Top

All

Choose the experimental features you want to try