This document is an excerpt from the EUR-Lex website
Document 32017R1352
Commission Delegated Regulation (EU) 2017/1352 of 18 April 2017 amending Commission Delegated Regulation (EU) 2015/98 on the implementation of the Union's international obligations, as referred to in Article 15(2) of Regulation (EU) No 1380/2013 of the European Parliament and of the Council, under the International Convention for the Conservation of the Atlantic Tunas and the Convention on Future Multilateral Cooperation in the Northwest Atlantic Fisheries
Regolament Delegat tal-Kummissjoni (UE) 2017/1352 tat-18 ta' April 2017 li jemenda r-Regolament ta' Delega (UE) 2015/98 dwar l-implimentazzjoni tal-obbligi internazzjonali tal-Unjoni, kif imsemmi fl-Artikolu 15(2) tar-Regolament (UE) Nru 1380/2013 tal-Parlament Ewropew u tal-Kunsill, taħt il-Konvenzjoni Internazzjonali għall-Konservazzjoni tat-Tonn tal-Atlantiku u tal-Konvenzjoni dwar il-Kooperazzjoni Multilaterali Futura dwar is-Sajd fil-Majjistral tal-Atlantiku
Regolament Delegat tal-Kummissjoni (UE) 2017/1352 tat-18 ta' April 2017 li jemenda r-Regolament ta' Delega (UE) 2015/98 dwar l-implimentazzjoni tal-obbligi internazzjonali tal-Unjoni, kif imsemmi fl-Artikolu 15(2) tar-Regolament (UE) Nru 1380/2013 tal-Parlament Ewropew u tal-Kunsill, taħt il-Konvenzjoni Internazzjonali għall-Konservazzjoni tat-Tonn tal-Atlantiku u tal-Konvenzjoni dwar il-Kooperazzjoni Multilaterali Futura dwar is-Sajd fil-Majjistral tal-Atlantiku
C/2017/2358
ĠU L 190, 21.7.2017, pp. 1–4
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 18/04/2017; Data ta' adozzjoni
- Date of effect:
- 22/07/2017; Dħul fis-seħħ Data tal-pubblikazzjoni +1 Ara Art. 2
- Date of end of validity:
- No end date
- Author:
- Il-Kummissjoni Ewropea, Id-Direttorat Ġenerali għall-Affarijiet Marittimi u s-Sajd
- Responsible body:
- MARE
- Form:
- Regolament delegat
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32013R1380 - A15P2
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32015R0098 Sostituzzjoni artikolu 2 punt 1 22/07/2017 Modifies 32015R0098 Tħassir artikolu 2 punt 2 22/07/2017 Modifies 32015R0098 Sostituzzjoni kapitolu III 22/07/2017 - Instruments cited:
- Link
- EUROVOC descriptor:
- Subject matter:
- Directory code:
-
- 04.10.10.00 Il-qasam tas-sajd / Politika komuni tas-sajd / Miżuri strutturali
|
21.7.2017 |
MT |
Il-Ġurnal Uffiċjali tal-Unjoni Ewropea |
L 190/1 |
REGOLAMENT DELEGAT TAL-KUMMISSJONI (UE) 2017/1352
tat-18 ta' April 2017
li jemenda r-Regolament ta' Delega (UE) 2015/98 dwar l-implimentazzjoni tal-obbligi internazzjonali tal-Unjoni, kif imsemmi fl-Artikolu 15(2) tar-Regolament (UE) Nru 1380/2013 tal-Parlament Ewropew u tal-Kunsill, taħt il-Konvenzjoni Internazzjonali għall-Konservazzjoni tat-Tonn tal-Atlantiku u tal-Konvenzjoni dwar il-Kooperazzjoni Multilaterali Futura dwar is-Sajd fil-Majjistral tal-Atlantiku
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1380/2013 tal-Parlament Ewropew u tal-Kunsill tal-11 ta' Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (1), u b'mod partikolari l-Artikolu 15(2) tiegħu,
Billi:
|
(1) |
Ir-Regolament (UE) Nru 1380/2013 jipprevedi l-obbligu tal-ħatt l-art tal-qabdiet kollha tal-ispeċijiet li huma suġġetti għal-limiti ta' qbid u, fil-Mediterran, anki l-ħatt l-art ta' qabdiet ta' ċerti speċijiet li huma suġġetti għad-daqsijiet minimi (“l-obbligu tal-ħatt l-art”). L-Artikolu 15(1) ta' dak ir-Regolament ikopri l-attivitajiet tas-sajd fl-ilmijiet tal-Unjoni jew minn bastimenti tas-sajd tal-Unjoni barra l-ilmijiet tal-Unjoni f'ilmijiet li mhumiex taħt is-sovranità jew il-ġurisdizzjoni ta' ebda pajjiż terz. |
|
(2) |
Ir-Regolament tal-Kunsill (KE) Nru 1386/2007 (2) jistabbilixxi l-miżuri ta' konservazzjoni u ta' infurzar li japplikaw fiż-Żona Regolatorja tal-Organizzazzjoni tas-Sajd fl-Atlantiku tal-Majjistral (NAFO) (3), li l-Unjoni ssieħbet magħha fl-1978. Ċerti Miżuri ta' Konservazzjoni u ta' Infurzar tan-NAFO jistabbilixxu obbligu tal-iskartar għall-qabdiet u għall-qabdiet aċċessorji ta' ċerti speċijiet li għalihom għandu japplika l-obbligu tal-ħatt l-art. |
|
(3) |
L-Artikolu 15(2) tar-Regolament (UE) Nru 1380/2013 jagħti s-setgħa lill-Kummissjoni tadotta atti delegati għall-fini tal-implimentazzjoni ta' obbligi internazzjonali fid-dritt tal-Unjoni, inkluż, b'mod partikolari, derogi mill-obbligu tal-ħatt l-art. |
|
(4) |
Ir-Regolament ta' Delega tal-Kummissjoni (UE) 2015/98 (4) jipprevedi d-derogi mill-obbligu tal-ħatt l-art li japplikaw mill-1 ta' Jannar 2015 rigward qabdiet u qabdiet aċċessorji tal-kapelin, li skont il-Miżuri ta' Konservazzjoni u ta' Infurzar tan-NAFO jridu jiġu skartati. |
|
(5) |
L-obbligu tal-ħatt l-art se jibda japplika mhux aktar tard mill-1 ta' Jannar 2017 għal speċijiet oħrajn li jiddefinixxu s-sajd, inklużi l-ispeċijiet li jinqabdu fiż-Żona Regolatorja tan-NAFO. |
|
(6) |
Skont l-Artikolu 5 tal-Miżuri ta' Konservazzjoni u ta' Infurzar tan-NAFO, xi stokkijiet li jinqabdu fiż-Żona Regolatorja tan-NAFO huma suġġetti għal-limiti tal-qbid, minbarra l-istokk tal-gamblu tat-Tramuntana fit-Taqsima 3M tan-NAFO, fejn il-ġestjoni ssir permezz tal-allokazzjoni tal-isforz. |
|
(7) |
L-Artikolu 6 tal-Miżuri ta' Konservazzjoni u ta' Infurzar tan-NAFO jistabbilixxi l-limiti għaż-żamma abbord ta' qabdiet aċċessorji tal-istokkijiet li huma suġġetti għal-limiti tal-qbid jew tal-isforz meta dawn l-istokkijiet jinqabdu bħala qabda aċċessorja ma' sajd ieħor. L-Artikolu 6(3)(d) tal-Miżuri ta' Konservazzjoni u ta' Infurzar tan-NAFO, implimentat bl-Artikolu 4(2) tar-Regolament (KE) Nru 1386/2007, jgħid li fejn tapplika projbizzjoni fuq is-sajd iż-żamma abbord ta' speċijiet li huma kklassifikati bħala qabdiet aċċessorji għandha tkun limitata għall-massimu ta' 1 250 kg jew 5 %, skont liema wieħed minn dawn ikun l-ikbar. |
|
(8) |
Barra minn hekk, l-Artikolu 14 tal-Miżuri ta' Konservazzjoni u ta' Infurzar tan-NAFO, implimentat bl-Artikolu 10 tar-Regolament (KE) Nru 1386/2007, jistipula li ebda bastiment ma għandu jżomm abbord ebda ħut li jkun iżgħar mid-daqs minimu applikabbli, u li l-ħut li jkun iżgħar minn hekk għandu minnufih jintefa' lura l-baħar. |
|
(9) |
L-Anness I.A tal-Miżuri ta' Konservazzjoni u ta' Infurzar tan-NAFO jistabbilixxa tabella tal-kwoti annwali għall-istokkijiet kollha tan-NAFO li huma suġġetti għal-limiti tal-qbid. |
|
(10) |
Flimkien, l-Artikoli 5, 6, u 14 tal-Miżuri ta' Konservazzjoni u ta' Infurzar tan-NAFO joħolqu l-obbligu li l-qabdiet li jkunu iżjed mil-limiti stabbiliti tal-qbid jew tal-qbid aċċessorju jiġu skartati. Rigward il-bastimenti tal-Unjoni li jistadu fiż-Żona Regolatorja tan-NAFO, huwa kkonċernat is-sajd skont in-NAFO li ġej: il-bakkaljaw (fit-Taqsimiet 2J3KL, 3M, 3NO), il-barbun ilsien il-kelb (fit-Taqsimiet 3L u 3NO), il-barbun tat-tbajja' Amerikan (fit-Taqsimiet, 3M u 3LNO) il-klamar tal-pinen qosra (fis-Sottożoni 3 u 4), il-barbun denbu isfar (fit-Taqsimiet 3LNO), il-ħalibatt tal-Groenlandja (fit-Taqsimiet 3LMNO), ir-rebekkini u r-raj (fit-Taqsimiet 3LMNO), ir-redfish (fit-Taqsimiet 3LN, 3M, 3O u fis-Sottożona 2, u fit-Taqsimiet 1F u 3K), il-merluzz abjad (fit-Taqsimiet 3NO), u l-gamblu tat-Tramuntana (fit-Taqsimiet 3LNO). Għalhekk jeħtieġ li jiġu ċċarati s-sitwazzjonijiet li fihom l-obbligu tal-ħatt l-art ma japplikax, biex tiġi żgurata l-konformità tal-Unjoni mal-obbligi internazzjonali tagħha u tinħoloq ċertezza legali għas-sajjieda. |
|
(11) |
Jixraq li jiġi kkoreġut l-isem taż-Żona tan-NAFO li għaliha huma maħsubin biex japplikaw il-miżuri stipulati fir-Regolament ta' Delega (UE) 2015/98, billi t-terminu “Iż-Żona tal-Konvenzjoni tan-NAFO” jiġi ssostitwit bit-terminu “Iż-Żona Regolatorja tan-NAFO” f'dak ir-Regolament. |
|
(12) |
Għalhekk, ir-Regolament ta' Delega (UE) 2015/98 għandu jiġi emendat skont dan. |
|
(13) |
Fid-dawl tal-iskadenzi li ġew stabbiliti fl-Artikolu 15(1) tar-Regolament (UE) Nru 1380/2013, dan ir-Regolament għandu jidħol fis-seħħ immedjatament wara l-pubblikazzjoni, |
ADOTTAT DAN IR-REGOLAMENT:
Artikolu 1
Ir-Regolament ta' Delega (UE) 2015/98 huwa emendat kif ġej:
|
(1) |
L-Artikolu 2 huwa emendat kif ġej:
|
|
(2) |
Il-Kapitolu III tar-Regolament ta' Delega (UE) 2015/98 huwa mibdul b'dan li ġej: “KAPITOLU III IŻ-ŻONA REGOLATORJA TAN-NAFO Artikolu 6 Il-kalkolu tal-limiti tal-qabdiet aċċessorji 1. Il-limiti tal-qabdiet aċċessorji msemmijin f'dan ir-Regolament japplikaw għall-istokkijiet (l-ispeċijiet u t-taqsimiet ikkumbinati flimkien) elenkati fl-Anness I.A tal-Miżuri ta' Konservazzjoni u ta' Infurzar tan-NAFO. 2. Għal kull stokk, il-kalkolu tal-perċentwal tal-qabda aċċessjorja msemmi f'dan ir-Regolament huwa bbażat fuq il-proporzjon bejn il-qabda ta' dak l-istokk li jinżamm abbord u l-qabda totali tal-istokkijiet kollha li jinżammu abbord. 3. Il-limiti u l-perċentwali li jissemmew f'dan ir-Regolament jirreferu għall-piżijiet tal-qabdiet li jkunu miżmuma abbord meta ssir spezzjoni, u jiġu kkalkulati skont it-Taqsima abbażi taċ-ċifri fil-ġurnal ta' abbord dwar is-sajd. Permezz ta' deroga, il-kalkolu tal-livelli tal-qbid aċċessorju ta' ħut tal-qiegħ ma għandux jinkludi l-qabdiet tal-gamblu tat-Tramuntana fil-qabda totali li jkun hemm abbord. Artikolu 6a Derogi ġenerali b'rabta maż-Żona Regolatorja tan-NAFO 1. B'deroga mill-Artikolu 15(1) tar-Regolament (UE) Nru 1380/2013, il-ħut li jinqabad fiż-Żona Regolatorja tan-NAFO 'il fuq mil-limitu stabbilit allokat minn att vinkolanti tal-Unjoni ma għandux jinżamm abbord. 2. L-Artikolu 4(2) tar-Regolament (KE) Nru 1386/2007, li jipprojbixxi li jinżamm abbord il-qbid aċċessorju li jkun iktar minn 1 250 kg jew 5 %, skont liema minnhom ikun l-iżjed, ta' speċijiet li l-limitu tal-qbid tagħhom ikun stabbilit għal żero b'att vinkolanti tal-Unjoni, għandu japplika b'deroga mill-Artikolu 15(1) tar-Regolament (UE) Nru 1380/2013. 3. L-Artikolu 10 tar-Regolament (KE) Nru 1386/2007, li jeħtieġ li jintefa' lura l-baħar il-ħut kollu li jkun iżgħar mid-daqsijiet minimi stabbiliti fl-Anness III ta' dak ir-Regolament, għandu japplika b'deroga mill-Artikolu 15(1) tar-Regolament (UE) Nru 1380/2013. Artikolu 6b Il-bakkaljaw fit-Taqsimiet 3NO tan-NAFO B'deroga mill-Artikolu 4(2) tar-Regolament (KE) Nru 1386/2007, sakemm il-limitu tal-qbid ikun stabbilit għal żero minn att vinkolanti tal-Unjoni, il-bakkaljaw li jkun qabda aċċessorja ta' aktar minn 1 000 kg jew 4 %, skont liema jkun l-iżjed, fit-Taqsimiet 3NO tan-NAFO, ma għandux jinżamm abbord. Artikolu 6c Il-barbun tat-tbajja' Amerikan fit-Taqsimiet 3LNO tan-NAFO B'deroga mill-Artikolu 4(2) tar-Regolament (KE) Nru 1386/2007, sakemm il-limitu tal-qbid ikun stabbilit għal żero minn att vinkolanti tal-Unjoni, il-barbun tat-tbajja' Amerikan li jkun qabda aċċessorja ta' aktar minn 15 % fit-Taqsimiet 3LNO tan-NAFO f'attività tas-sajd mmirata lejn il-barbun denbu isfar, ma għandux jinżamm abbord. Artikolu 6d Il-barbun denbu isfar fit-Taqsimiet 3LNO tan-NAFO 1. B'deroga mill-Artikolu 4(2) tar-Regolament (KE) Nru 1386/2007, sakemm il-limitu tal-qbid ikun stabbilit għal żero minn att vinkolanti tal-Unjoni, il-barbun denbu isfar li jkun qabda aċċessorja ta' aktar minn 2 500 kg jew 10 %, skont liema jkun l-iżjed, fit-Taqsimiet 3LNO tan-NAFO, ma għandux jinżamm abbord. 2. Meta jkun eżawrit il-limitu tal-qbid tal-barbun denbu isfar, assenjat min-NAFO lill-Partijiet Kontraenti mingħajr porzjon speċifiku tal-istokk, il-barbun denbu isfar li jkun qbid aċċessorju ta' aktar minn 1 250 kg jew 5 %, skont liema jkun l-iżjed, ma għandux jinżamm abbord. Artikolu 6e Ir-redfish fit-Taqsima 3M tan-NAFO Tul iż-żmien li jkun temporanjament magħluq is-sajd immirat lejn ir-redfish fit-Taqsima 3M tan-NAFO minħabba li jkun intlaħaq livell ta' 50 % tal-limitu tal-qbid annwali, ir-redfish li jkun qbid aċċessorju ta' aktar minn 1 250 kg jew 5 %, skont liema jkun l-iżjed, fit-Taqsima 3M tan-NAFO, ma għandux jinżamm abbord.” |
Artikolu 2
Id-dħul fis-seħħ
Dan ir-Regolament jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-18 ta' April 2017.
Għall-Kummissjoni
Il-President
Jean-Claude JUNCKER
(1) ĠU L 354, 28.12.2013, p. 22.
(2) Ir-Regolament tal-Kunsill (KE) Nru 1386/2007 tat-22 ta' Ottubru 2007 li jistabbilixxi miżuri ta' konservazzjoni u ta' infurzar li japplikaw fiż-Żona Regolatorja ta' l-Organizzazzjoni tas-Sajd fl-Atlantiku tal-Majjistral (ĠU L 318, 5.12.2007, p. 1).
(3) Ir-Regolament tal-Kunsill (KEE) Nru 3179/78 tat-28 ta' Diċembru 1978 li jirrigwarda l-konklużjoni mill-Komunità Ekonomika Ewropea tal-Konvenzjoni dwar il-Kooperazzjoni Multilaterali Futura dwar is-Sajd fl-Atlantiku tal-Majjistral (ĠU L 378, 30.12.1978, p. 1).
(4) Ir-Regolament ta' Delega tal-Kummissjoni (UE) 2015/98 tat-18 ta' Novembru 2014 dwar l-implimentazzjoni tal-obbligi internazzjonali tal-Unjoni, kif imsemmi fl-Artikolu 15(2) tar-Regolament (UE) Nru 1380/2013 tal-Parlament Ewropew u tal-Kunsill, taħt il-Konvenzjoni Internazzjonali għall-Konservazzjoni tat-Tonn tal-Atlantiku u tal-Konvenzjoni dwar il-Kooperazzjoni Multilaterali Futura dwar is-Sajd fl-Atlantiku tal-Majjistral (ĠU L 16, 23.1.2015, p. 23).
