EUR-Lex Access to European Union law
This document is an excerpt from the EUR-Lex website
Document 32016R2223
Commission Implementing Regulation (EU) 2016/2223 of 5 December 2016 concerning the classification of certain goods in the Combined Nomenclature
Regolament ta' Implimentazzjoni tal-Kummissjoni (UE) 2016/2223 tal-5 ta' Diċembru 2016 dwar il-klassifikazzjoni ta' ċertu prodotti fin-Nomenklatura Magħquda
Regolament ta' Implimentazzjoni tal-Kummissjoni (UE) 2016/2223 tal-5 ta' Diċembru 2016 dwar il-klassifikazzjoni ta' ċertu prodotti fin-Nomenklatura Magħquda
C/2016/8363
ĠU L 336, 10.12.2016, p. 19–21
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 05/12/2016; Data ta' adozzjoni
- Date of effect:
- 30/12/2016; Dħul fis-seħħ Data tal-pubblikazzjoni +20 Ara Art. 3
- Date of end of validity:
- No end date
- Author:
- Il-Kummissjoni Ewropea
- Responsible body:
- Directorate-General for Taxation and Customs Union, TAXUD
- Form:
- Regolament implimentattiv
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32013R0952 - A57P4 32013R0952 - A58P2
- Link
- Link
- Link
- Select all documents mentioning this document
- Instruments cited:
- Link
- EUROVOC descriptor:
- Subject matter:
- Directory code:
|
10.12.2016 |
MT |
Il-Ġurnal Uffiċjali tal-Unjoni Ewropea |
L 336/19 |
REGOLAMENT TA' IMPLIMENTAZZJONI TAL-KUMMISSJONI (UE) 2016/2223
tal-5 ta' Diċembru 2016
dwar il-klassifikazzjoni ta' ċertu prodotti fin-Nomenklatura Magħquda
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 952/2013 tal-Parlament Ewropew u tal-Kunsill tad-9 ta' Ottubru 2013 li jistabbilixxi l-Kodiċi Doganali tal-Unjoni (1), u b'mod partikolari l-Artikolu 57(4) u l-Artikolu 58(2) tiegħu,
Billi:
|
(1) |
Biex tiġi żgurata l-applikazzjoni uniformi tan-Nomenklatura Magħquda annessa mar-Regolament tal-Kunsill (KEE) Nru 2658/87 (2), jenħtieġ li jiġu adottati miżuri li jikkonċernaw il-klassifikazzjoni tal-prodotti msemmija fl-Anness ta' dan ir-Regolament. |
|
(2) |
Ir-Regolament (KEE) Nru 2658/87 stabbilixxa r-regoli ġenerali għall-interpretazzjoni tan-Nomenklatura Magħquda. Dawk ir-regoli japplikaw ukoll għal kull nomenklatura oħra li hija bbażata, b'mod parzjali jew kollha kemm hi fuqha, jew li żżid xi sottodiviżjoni magħha u li hija stabbilita b'dispożizzjonijiet speċifiċi tal-Unjoni, bl-għan tal-applikazzjoni ta' tariffi u miżuri oħra relatati mal-kummerċ tal-prodotti. |
|
(3) |
Skont dawn ir-regoli ġenerali, il-prodotti deskritti fil-kolonna (1) tat-tabella stabbilita fl-Anness għandhom jiġu klassifikati taħt il-kodiċi NM indikat fil-kolonna (2), minħabba r-raġunijiet stabbiliti fil-kolonna (3) ta' dik it-tabella. |
|
(4) |
Huwa xieraq li jiġi stipulat li l-informazzjoni vinkolanti dwar it-tariffi maħruġa għall-prodotti kkonċernati minn dan ir-Regolament u li ma tikkonformax ma' dan ir-Regolament, tkun tista' tibqa' tiġi invokata mid-detentur, għal ċertu perjodu, skont l-Artikolu 34(9) tar-Regolament (UE) Nru 952/2013. Dak il-perjodu għandu jkun ta' tliet xhur. |
|
(5) |
Il-miżuri stipulati f'dan ir-Regolament huma konformi mal-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Il-prodotti deskritti fil-kolonna (1) tat-tabella stabbilita fl-Anness għandhom jiġu klassifikati fin-Nomenklatura Magħquda taħt il-kodiċi NM indikat fil-kolonna (2) ta' dik it-tabella.
Artikolu 2
L-informazzjoni vinkolanti dwar it-tariffi li ma tkunx konformi ma' dan ir-Regolament tista' tibqa' tiġi invokata skont l-Artikolu 34(9) tar-Regolament (UE) Nru 952/2013 għal perjodu ta' tliet xhur minn meta jidħol fis-seħħ dan ir-Regolament.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-5 ta' Diċembru 2016.
Għall-Kummissjoni
Stephen QUEST
Direttur Ġenerali
Direttorat Ġenerali għat-Tassazzjoni u l-Unjoni Doganali
(1) ĠU L 269, 10.10.2013, p. 1.
(2) Ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (ĠU L 256, 7.9.1987, p. 1).
ANNESS
|
Deskrizzjoni tal-prodotti |
Klassifikazzjoni (Kodiċi NM) |
Raġunijiet |
|
(1) |
(2) |
(3) |
|
Oġġett (hekk imsejjaħ “mikroskopju diġitali”) ta' forma ċilindrika ta' tul ta' madwar 10 cm u dijametru ta' madwar 3 cm. Il-mikroskopju diġitali huwa mgħammar b'erba' dijodi li jemettu d-dawl, b'sensur b'semikonduttur komplementari metall-ossidu (CMOS) u b'kejbil b'konnettur USB. L-oġġett jaħdem biss flimkien ma' magna awtomatika tal-ipproċessar tad-dejta (ADP) u ma għandux kapaċitajiet ta' reġistrazzjoni inkorporati fih. Il-mikroskopju diġitali għandu l-kapaċità li jkabbar oġġetti f'firxa ta' bejn 10 — 200 darba permezz ta' lenti ottika, u li jieħu ritratti u filmati vidjo li wara jistgħu jiġu rreġistrati fuq magna għall-ipproċessar awtomatiku tad-dejta (ADP) permezz ta' softwer apposta. Ara l-istampa (*1). |
8525 80 19 |
Il-klassifikazzjoni hija determinata mir-regoli ġenerali 1 u 6 għall-interpretazzjoni tan-Nomenklatura Magħquda, min-nota 5(E) tal-Kapitolu 84 u mill-kliem tal-kodiċijiet NM 8525 , 8525 80 u 8525 80 19 . Il-prodott għandu l-kapaċità li jiffunzjona bħala unità ta' input għal magna ADP, bħala kamera tat-televiżjoni, u bħala mikroskopju diġitali. Il-klassifikazzjoni bħala unità ta' input għal magna ADP taħt l-intestatura 8471 hija eskluża minħabba li l-oġġett iwettaq funzjoni speċifika li mhijiex ipproċessar tad-dejta. Il-klassifikazzjoni bħala mikroskopju ottiku kompost taħt l-intestatura 9011 hija eskluża wkoll, minħabba li dan l-oġġett m'għandux il-karatteristiki ta' oġġett taħt dik l-intestatura (ara wkoll l-ewwel paragrafu u t-tieni paragrafu (I) tan-Noti ta' Spjegazzjoni dwar is-Sistema Armonizzata għall-intestatura 9011 ). Billi stampa tal-oġġett imkabbar bil-mikroskopju tista' tiġi viżwalizzata u, jekk ikun meħtieġ, tiġi rreġistrata b'magna ADP biss wara li din tittieħed mis-sensur CMOS, l-oġġett għandu x-xejra ta' kamera tat-televiżjoni. Għaldaqstant, l-oġġett għandu jiġi kklassifikat taħt il-kodiċi NM 8525 80 19 , bħala kamera tat-televiżjoni. |
(*1) L-istampa qiegħda biss għal raġunijiet ta' informazzjoni.
