This document is an excerpt from the EUR-Lex website
Document 32014R1069
Commission Implementing Regulation (EU) No 1069/2014 of 10 October 2014 derogating from Council Regulation (EC) No 73/2009 as regards the retention period for the suckler cow premium for 2014 in Spain
Regolament ta' Implimentazzjoni tal-Kummissjoni (UE) Nru 1069/2014 tal- 10 ta' Ottubru 2014 li jidderoga mir-Regolament tal-Kunsill (KE) Nru 73/2009 f'dak li jirrigwarda l-perjodu taż-żamma għall-primjum tal-baqar li jreddgħu għall-2014 fi Spanja
Regolament ta' Implimentazzjoni tal-Kummissjoni (UE) Nru 1069/2014 tal- 10 ta' Ottubru 2014 li jidderoga mir-Regolament tal-Kunsill (KE) Nru 73/2009 f'dak li jirrigwarda l-perjodu taż-żamma għall-primjum tal-baqar li jreddgħu għall-2014 fi Spanja
ĠU L 295, 11.10.2014, p. 47–48
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 10/10/2014
- Date of effect:
- 01/08/2014; Applikazzjoni Ara Art. 2
- Date of effect:
- 11/10/2014; Dħul fis-seħħ Data tal-pubblikazzjoni Ara Art. 2
- Date of end of validity:
- No end date
- Author:
- Il-Kummissjoni Ewropea
- Form:
- Regolament implimentattiv
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32009R0073 - A142PTR)
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Derogation 32009R0073 Deroga artikolu 111 .2 L2 01/08/2014 - Link
- EUROVOC descriptor:
- Subject matter:
- Directory code:
-
- 03.30.10.00 Agrikoltura / Strutturi agrikoli / Miżuri soċjali u miżuri strutturali
|
11.10.2014 |
MT |
Il-Ġurnal Uffiċjali tal-Unjoni Ewropea |
L 295/47 |
REGOLAMENT TA' IMPLIMENTAZZJONI TAL-KUMMISSJONI (UE) Nru 1069/2014
tal-10 ta' Ottubru 2014
li jidderoga mir-Regolament tal-Kunsill (KE) Nru 73/2009 f'dak li jirrigwarda l-perjodu taż-żamma għall-primjum tal-baqar li jreddgħu għall-2014 fi Spanja
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 73/2009 tad-19 ta' Jannar 2009 li jistabbilixxi regoli komuni għal skemi ta' appoġġ dirett għal bdiewa fi ħdan il-politika agrikola komuni u li jistabbilixxi ċerti skemi ta' appoġġ għal bdiewa, u li jemenda r-Regolamenti (KE) Nru 1290/2005, (KE) Nru 247/2006, (KE) Nru 378/2007 u li jirrevoka r-Regolament (KE) Nru 1782/2003 (1), u b'mod partikolari l-Artikolu 142(r) tiegħu,
Billi:
|
(1) |
Skont it-tieni subparagrafu tal-Artikolu 111(2) tar-Regolament (KE) Nru 73/2009, primjum għall-baqar li jreddgħu jista' jingħata lill-bdiewa dejjem jekk ikunu żammew fl-azjenda tagħhom ċertu għadd ta' annimali għal tal-anqas sitt xhur konsekuttivi minn dakinhar li jkunu ressqu l-applikazzjoni għall-primjum tal-baqar li jreddgħu. L-istess obbligu japplika fejn l-Istati Membri jħallsu primjum nazzjonali addizzjonali għall-baqar li jreddgħu skont l-Artikolu 111(5) tar-Regolament (KE) Nru 73/2009. |
|
(2) |
Spanja infurmat lill-Kummissjoni li partijiet tal-pajjiż jgħaddu minn nixfa twila u eċċezzjonali, b'konsegwenza ta' defiċit pluvjometriku qawwi meta mqabbel mal-medja fit-tul, wara għadd insuffiċjenti ta' jiem ta' xita sinifikanti mill-1 ta' Ottubru 2013 sal-lum. Din is-sitwazzjoni mġebbda twassal għad-deterjorament tal-mergħat kif ukoll għall-iskarsezza jew għall-kwalità iktar dgħajfa ta' għalf disponibbli, b'mod li tinħoloq qagħda ekonomika diffiċli ħafna għall-bdiewa li jinsabu fiż-żona milquta min-nixfa, u li jżommu merħliet sħaħ f'sistemi ta' tgħammir estensivi, u jridu jirrispettaw il-perjodu ta' żamma stipulat fit-tieni subparagrafu tal-Artikolu 111(2) tar-Regolament (KE) Nru 73/2009. |
|
(3) |
Din is-sitwazzjoni wasslet għal emerġenza, bi problemi prattiċi u speċifiċi serji għall-bdiewa li jżommu baqar li jreddgħu minħabba l-kostijiet miżjuda għall-għalf u għat-trejjiq tal-bhejjem. Għaldaqstant, sabiex il-bdiewa li jgħammru l-baqar li jreddgħu u li jinsabu fiż-żona milqutin min-nixfa jkunu jistgħu jkomplu jlaħħqu mal-impenji finanzjarji tagħhom mingħajr ma jitilfu d-dritt tagħhom li jirċievu l-primjum tal-baqar li jreddgħu skont l-Artikolu 111 tar-Regolament (KE) Nru 73/2009, jixraq li jitqassar il-perjodu ta' żamma msemmi fit-tieni subparagrafu tal-Artikolu 111(2) ta' dak ir-Regolament f'dak li jirrigwarda s-sena ta' applikazzjoni 2014. |
|
(4) |
Skont id-dati tat-tressiq tal-applikazzjonijiet għall-primjum tal-baqar li jreddgħu fil-perjodu ddeterminat minn Spanja, il-perjodu ta' żamma stipulat fl-Artikolu 111(2) tar-Regolament (KE) Nru 73/2009 jista' jintemm bejn it-2 ta' Settembru 2014 u l-10 ta' Diċembru 2014. Sabiex il-bdiewa kollha kkonċernati jkunu jistgħu jibbenefikaw minn din id-deroga, jixraq li dan ir-Regolament japplika b'mod retroattiv. |
|
(5) |
Il-miżuri stipulati f'dan ir-Regolament huma konformi mal-opinjoni tal-Kumitat ta' Ġestjoni għall-Pagamenti Diretti, |
ADOTTAT DAN IR-REGOLAMENT:
Artikolu 1
F'dak li jirrigwarda s-sena tal-kalendarju 2014, b'deroga mit-tieni subparagrafu tal-Artikolu 111(2) tar-Regolament (KE) Nru 73/2009, il-perjodu ta' żamma minimu msemmi f'dik id-dispożizzjoni għandu jitqassar għal ħames xhur konsekuttivi minn dakinhar li titressaq l-applikazzjoni għall-primjum tal-baqar li jreddgħu.
L-ewwel paragrafu għandu japplika lill-bdiewa li jinsabu fil-Komunitajiet Awtonomi ta' Spanja elenkati fl-Anness ta' dan ir-Regolament.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mill-1 ta' Awwissu 2014.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-10 ta' Ottubru 2014.
Għall-Kummissjoni
Il-President
José Manuel BARROSO
(1) ĠU L 30, 31.1.2009, p. 16.
ANNESS
Komunitajiet Awtonomi Spanjoli kif imsemmija fl-Artikolu 1
|
|
Andalusija |
|
|
Murcia |
|
|
Valenzja |
|
|
Aragona |
|
|
Il-Gżejjer Baleariċi |
|
|
Kastilja-La Mancha |
|
|
Kastilja u León |
|
|
Il-Katalonja |
|
|
Madrid |
|
|
Extremadura |
