EUR-Lex Access to European Union law
This document is an excerpt from the EUR-Lex website
Document 32013D0457
2013/457/EU: Council Decision of 16 September 2013 appointing a Judge to the European Union Civil Service Tribunal
2013/457/UE: Deċiżjoni tal-Kunsill tas- 16 ta’ Settembru 2013 li taħtar Imħallef għat-Tribunal għas-Servizz Pubbliku tal-Unjoni Ewropea
2013/457/UE: Deċiżjoni tal-Kunsill tas- 16 ta’ Settembru 2013 li taħtar Imħallef għat-Tribunal għas-Servizz Pubbliku tal-Unjoni Ewropea
ĠU L 247, 18.9.2013, p. 37–37
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 30/09/2019
18.9.2013 |
MT |
Il-Ġurnal Uffiċjali tal-Unjoni Ewropea |
L 247/37 |
DEĊIŻJONI TAL-KUNSILL
tas-16 ta’ Settembru 2013
li taħtar Imħallef għat-Tribunal għas-Servizz Pubbliku tal-Unjoni Ewropea
(2013/457/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari r-raba’ paragrafu tal-Artikolu 257 tiegħu,
Wara li kkunsidra t-Trattat li jistabbilixxi l-Komunità Ewropea għall-Enerġija Atomika, u b’mod partikolari l-paragrafu 1 tal-Artikolu 106a tiegħu,
Billi:
(1) |
Skont l-Artikoli 2 u 3(1) tal-Anness I għall-Protokoll Nru 3 dwar l-Istatut tal-Qorti tal-Ġustizzja tal-Unjoni Ewropea, anness għat-Trattat dwar l-Unjoni Ewropea, it-Trattat dwar il-Funzjonament tal-Unjoni Ewropea u t-Trattat li jistabbilixxi l-Komunità Ewropea tal-Enerġija Atomika, u wara r-riżenja b’effett mill-1 ta’ Ottubru 2013 tas-Sinjura Irena BORUTA, għandu jinħatar imħallef tat-Tribunal għas-Servizz Pubbliku tal-Unjoni Ewropea (minn hawn ’il quddiem “it-Tribunal għas-Servizz Pubbliku”) għall-perijodu mill-1 ta’ Ottubru 2013 sat-30 ta’ Settembru 2019. |
(2) |
Saret sejħa pubblika għall-applikazzjonijiet (1). |
(3) |
Il-Kumitat previst permezz tal-Artikolu 3(3) tal-Anness I għall-Protokoll Nru 3 ltaqa’ fl-4 u l-5 ta’ Ġunju u fit-2 u t-3 ta’ Lulju 2013. Fi tmiem id-diskussjonijiet tiegħu, hu ta l-opinjoni tiegħu dwar l-idoneità tal-kandidati biex jeżerċitaw id-dmirijiet ta’ Imħallef fit-Tribunal għas-Servizz Pubbliku u ma’ din l-opinjoni hemeż lista ta’ kandidati li għandhom l-esperjenza tal-ogħla livell l-aktar adatta. |
(4) |
Għaldaqstant huwa adatt li tinħatar waħda mill-persuni inklużi f’dik il-lista bħala Mħallef tat-Tribunal għas-Servizz Pubbliku, għall-perijodu mill-1 ta’ Ottubru 2013 sat-30 ta’ Settembru 2019, filwaqt li tiġi żgurata kompożizzjoni ekwilibrata tat-Tribunal għas-Servizz Pubbliku fuq bażi ġeografika l-aktar wiesgħa possibbli minn fost iċ-ċittadini tal-Istati Membri u fir-rigward tas-sistemi ġuridiċi nazzjonali rappreżentati, |
ADOTTA DIN ID-DEĊIŻJONI:
Artikolu 1
Is-Sur Jesper SVENNINGSEN huwa b’dan maħtur Imħallef għat-Tribunal għas-Servizz Pubbliku tal-Unjoni Ewropea għall-perijodu mill-1 ta’ Ottubru 2013 sat-30 ta’ Settembru 2019.
Artikolu 2
Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, is-16 ta’ Settembru 2013.
Għall-Kunsill
Il-President
L. LINKEVIČIUS