Edizzjoni speċjali bil-Kroat: Kapitolu 02 Volum 016 P. 283 - 284
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32011R0313
Commission Regulation (EU) No 313/2011 of 30 March 2011 concerning the classification of certain goods in the Combined Nomenclature
Regolament tal-Kummissjoni (UE) Nru 313/2011 tat- 30 ta’ Marzu 2011 dwar il-klassifikazzjoni ta' ċerti prodotti fin-Nomenklatura Magħquda
Regolament tal-Kummissjoni (UE) Nru 313/2011 tat- 30 ta’ Marzu 2011 dwar il-klassifikazzjoni ta' ċerti prodotti fin-Nomenklatura Magħquda
ĠU L 86, 1.4.2011, pp. 55–56
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
- Date of document:
- 30/03/2011
- Date of effect:
- 21/04/2011; Dħul fis-seħħ Data tal-pubblikazzjoni +20 Ara Art. 3
- Date of end of validity:
- No end date
- Author:
- Il-Kummissjoni Ewropea
- Form:
- Regolament
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 31987R2658 - A09P1PTA)
- Link
- Link
- Link
- Select all documents mentioning this document
- Instruments cited:
- Link
- EUROVOC descriptor:
- Subject matter:
- Directory code:
Language
HTML
PDF
Official Journal
|
1.4.2011 |
MT |
Il-Ġurnal Uffiċjali tal-Unjoni Ewropea |
L 86/55 |
REGOLAMENT TAL-KUMMISSJONI (UE) Nru 313/2011
tat-30 ta’ Marzu 2011
dwar il-klassifikazzjoni ta' ċerti prodotti fin-Nomenklatura Magħquda
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KEE) Nru 2658/87 tat-23 ta' Lulju 1987 dwar dwar in-nomenklatura tat-tariffa u l-istatistika u dwar it-Tariffa Doganali Komuni (1), u b’mod partikolari l-Artikolu 9(1)(a) tiegħu,
Billi:
|
(1) |
Sabiex tiġi żgurata applikazzjoni uniformi tan-Nomenklatura Magħquda mehmuża mar-Regolament (KEE) Nru 2658/87, hu neċessarju li jiġu adottati miżuri li jikkonċernaw il-klassifikazzjoni tal-prodotti msemmija fl-Anness ma' dan ir-Regolament. |
|
(2) |
Ir-Regolament (KEE) Nru 2658/87 stabbilixxa r-regoli ġenerali għall-interpretazzjoni tan-Nomenklatura Magħquda. Dawk ir-regoli japplikaw ukoll għal kwalunkwe nomenklatura oħra li hi bbażata, parzjalment jew kollha kemm hi, fuqha jew li żżid kwalunkwe suddiviżjoni addizzjonali magħha u li hi stabbilita minn dispożizzjonijiet speċifiċi tal-Unjoni, bil-għan tal-applikazzjoni ta’ tariffi u miżuri oħra relatati mal-kummerċ tal-oġġetti. |
|
(3) |
Skont dawk ir-regoli ġenerali, il-prodotti msemmija fil-kolonna nru (1) tat-tabella mniżżla fl-Anness għandhom jiġu kklassifikati taħt il-kodiċi tan-NM indikata fil-kolonna nru (2), minħabba r-raġunijiet stabbiliti fil-kolonna nru (3) ta' dik it-tabella. |
|
(4) |
Huwa xieraq li jkun stipulat li informazzjoni tariffarja li torbot u li nħarġet mill-awtoritajiet tad-dwana tal-Istati Membri rigward il-klassifikazzjoni ta' oġġetti fin-Nomenklatura Magħquda, iżda li mhijiex skont dan ir-Regolament, tkun tista', għal perjodu ta' tliet xhur, tibqa’ tkun invokata mid-detentur, skont l-Artikolu 12(6) tar-Regolament tal-Kunsill (KEE) Nru 2913/92 tat-12 ta' Ottubru 1992 li jwaqqaf il-Kodiċi Doganali tal-Komunità (2). |
|
(5) |
Il-miżuri previsti f'dan ir-Regolament tfasslu b’konformità mal-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Il-prodotti deskritti fil-kolonna nru (1) tat-tabella kif tidher fl-Anness għandhom ikunu klassifikati fi ħdan in-Nomenklatura Magħquda taħt il-kodiċi tan-NM indikat fil-kolonna nru (2) ta' dik it-tabella.
Artikolu 2
Informazzjoni tariffarja vinkolanti maħruġa mill-awtoritajiet doganali tal-Istati Membri, li ma tikkonformax ma' dan ir-Regolament, tista' tibqa’ tiġi invokata għal perjodu ta' tliet xhur skont l-Artikolu 12(6) tar-Regolament (KEE) Nru 2913/92.
Artikolu 3
Dan ir-Regolament għandu jidħol fis-seħħ fl-għoxrin ġurnata wara dik tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-30 ta’ Marzu 2011.
Għall-Kummissjoni, f'isem il-President,
Algirdas ŠEMETA
Membru tal-Kummissjoni
ANNESS
|
Deskrizzjoni tal-prodotti |
Klassifikazzjoni (Kodiċi tan-NM) |
Raġunijiet |
|
(1) |
(2) |
(3) |
|
Biċċa għamara (l-hekk imsejħa “mejda ta' taħt it-televiżjoni”) b'kejl ta' madwar 80 × 40 × 45 ċm. Il-prodott jikkonsisti minn wiċċ u żewġ xkafef magħmula mill-ħġieġ ittemprat trasparenti, u erba’ saqajn ċilindriċi ta' madwar 45 × 5 ċm magħmula mill-metall. Il-prodott jista’ jerfa’ sa massimu ta' 80 kg. Il-komponenti tal-metall u dawk tal-ħġieġ jikkostitwixxu madwar 47 % u 44 %, rispettivament, tal-valur totali tal-prodott. (*1) Ara l-istampa. |
9403 20 80 |
Il-klassifikazzjoni hija ddeterminata mir-Regoli Ġenerali 1, 3 (b) u 6 għall-interpretazzjoni tan-Nomenklatura Magħquda, u l-kliem tal-kodiċi NM 9403 , 9403 20 u 9403 20 80 . Imwejjed u għamara simili li nħadmu minn materjal differenti huma kklassifikati skont il-materjal li ntuża sabiex jinħadem l-appoġġ (is-saqajn u l-qafas), sakemm, skont l-applikazzjoni tar-Regola Interpretattiva Ġenerali 3(b), il-materjal li ntuża għall-wiċċ jagħti lill-mejda l-karattru essenzjali tagħha, pereżempju, billi jkun ta' valur ogħla (ara wkoll in-Noti ta' Spjegazzjoni tan-NM taħt l-intestatura 9403 ). Il-Klassifikazzjoni taħt il-kodiċi tan-NM 9403 89 00 bħala għamara ta' materjal ieħor (ħġieġ) hija għalhekk eskluża, peress li l-wiċċ tal-ħġieġ, li huwa ta' valur inqas mill-appoġġ tal-metall, ma jagħtix lill-prodott il-karattru essenzjali tiegħu. Konsegwentament, il-prodott għandu jiġi kklassifikat skont il-materjal tal-appoġġ. Għaldaqstant, il-prodott għandu jiġi kklassifikat taħt il-kodiċi tan-NM 9403 20 80 bħala għamara oħra tal-metall. |
(*1) L-istampa hi purament ta' natura informattiva.
All