Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32009L0025

Direttiva tal-Kummissjoni 2009/25/KE tat- 2 ta’ April 2009 li temenda d-Direttiva tal-Kunsill 91/414/KEE fir-rigward tal-estensjoni tal-użu tas-sustanza attiva pyraclostrobin (Test b’relevanza għaż-ŻEE)

ĠU L 91, 3.4.2009, p. 20–22 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

Legal status of the document No longer in force, Date of end of validity: 13/06/2011

ELI: http://data.europa.eu/eli/dir/2009/25/oj

Date of document:
02/04/2009
Date of effect:
23/04/2009; Dħul fis-seħħ Data tal-pubblikazzjoni + 20 Ara Art. 3
Date of transposition:
03/08/2009; L-aktar tard Ara Art. 2
Date of end of validity:
13/06/2011; Ara 31991L0414
Author:
Il-Kummissjoni Ewropea
Form:
Direttiva
Addressee:
Is-sebgħa u għoxrin Stat Membru: il-Belġju, il-Bulgarija, ir-Repubblika Ċeka, id-Danimarka, il-Ġermanja, l-Estonja, l-Irlanda, il-Greċja, Spanja, Franza, l-Italja, Ċipru, il-Latvja, il-Litwanja, il-Lussemburgu, l-Ungerija, Malta, il-Pajjiżi l-Baxxi, l-Awstrija, il-Polonja, il-Portugall, ir-Rumanija, is-Slovenja, is-Slovakkja, il-Finlandja, l-Isvezja, ir-Renju Unit
Additional information:
Rilevanza għaż-ŻEE, Id-Direttiva li temenda
Treaty:
Trattat li jistabbilixxi l-Komunità Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 31991L0414 Tlestija anness 1 23/04/2009
Instruments cited:
Link

3.4.2009   

MT

Il-Ġurnal Uffiċjali tal-Unjoni Ewropea

L 91/20

DIRETTIVA TAL-KUMMISSJONI 2009/25/KE

tat-2 ta’ April 2009

li temenda d-Direttiva tal-Kunsill 91/414/KEE fir-rigward tal-estensjoni tal-użu tas-sustanza attiva pyraclostrobin

(Test b’relevanza għaż-ŻEE)

IL-KUMMISSJONI TAL-KOMUNITÀ EWROPEA

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 91/414/KEE tal-15 ta’ Lulju 1991 li tikkonċerna t-tqegħid fis-suq ta’ prodotti għall-ħarsien tal-pjanti (1), u b’mod partikolari t-tieni inċiż tat-tieni subparagrafu tal-Artikolu 6(1) tagħha,

Billi:

(1)

Bis-saħħa tad-Direttiva tal-Kummissjoni 2004/30/KE (2), il- kienet inkluża bħala sustanza attiva fl-Anness I tad-Direttiva 91/414/KEE.

(2)

Meta kien qed japplika għall-inklużjoni tal-pyraclostrobin, il-manifattur tagħha, BASF SE (minn hawn ‘il quddiem “in-notifikatur”), issottometta dejta dwar l-użi biex jiġu kkontrollati ċerti fungi, liema dejta appoġġjat il-konklużjoni ġenerali li tgħid li jista’ jagħti l-każ li prodotti li jipproteġu l-pjanti li fihom il-pyraclostrobin ikunu mistennija jissodisfaw ir-rekwiżiti ta’ sikurezza stabbiliti fl-Artikolu 5(1)(a) u (b) tad-Direttiva 91/414/KEE. Għalhekk, il-pyraclostrobin kienet inkluża fl-Anness I ta’ dik id-Direttiva bid-dispożizzjonijiet speċifiċi li l-Istati Membri jistgħu jawtorizzaw biss użi tagħha bħala fungiċida.

(3)

Barra l-kontroll ta’ fungi f’ċerti użi agrikoli, in-notifikatur issa applika għal emenda f’dawk id-dispożizzjonijiet speċifiċi fir-rigward tal-użu tal-pyraclostrobin bħala regolatur fit-tkabbir tal-pjanti. Sabiex tkun appoġġjata din l-estensjoni tal-użu, in-notifikatur issottometta informazzjoni addizzjonali.

(4)

Il-Ġermanja evalwat l-informazzjoni u d-dejta sottomessi min-notifikatur. F’Ottubru 2008 l-Ġermanja informat lill-Kummissjoni li waslet għall-konklużjoni li l-estensjoni tal-użu mitluba ma tikkawżax riskji oħrajn barra dawk li diġà kienu kkunsidrati fid-dispożizzjonijiet speċifiċi għall-pyraclostrobin fl-Anness I tad-Direttiva 91/414/KEE u fir-rapport ta’ reviżjoni tal-Kummissjoni dwar is-sustanza. B’mod partikolari, din l-estensjoni ma tinvolvix biss modifikazzjoni tal-applikazzjoni tal-parametri kif iffissati fid-dispożizzjonijiet speċifiċi tal-Anness I tad-Direttiva 91/414/KEE.

(5)

Għalhekk huwa ġustifikat li jkunu modifikati d-dispożizzjonijiet speċifiċi għall-pyraclostrobin.

(6)

Għalhekk huwa xieraq li tiġi emendata d-Direttiva 91/414/KEE skont dan.

(7)

Il-miżuri stipulati f’din id-Direttiva huma skont l-opinjoni tal-Kumitat Permanenti għall-Katina Alimentari u s-Saħħa tal-Annimali,

ADOTTAT DIN ID-DIRETTIVA:

Artikolu 1

L-Anness I tad-Direttiva 91/414/KEE huwa emendat kif stabbilit fl-Anness għal din id-Direttiva.

Artikolu 2

L-Istati Membri għandhom jadottaw u jippubblikaw sa mhux iktar tard mit-3 ta’ Awwissu 2009, il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma’ din id-Direttiva. Għandhom jikkomunikaw minnufih lill-Kummissjoni t-test ta’ dawn id-dispożizzjonijiet u t-tabella ta’ korrelazzjoni bejn dawn id-dispożizzjonijiet u din id-Direttiva.

Għandhom japplikaw dawn id-dispożizzjonijiet mill-4 ta’ Awwissu 2009.

Meta l-Istati Membri jadottaw dawn id-dispożizzjonijiet, dawn għandu jkun fihom referenza għal din id-Direttiva jew għandhom ikunu akkumpanjati minn tali referenza fl-okkażjoni tal-pubblikazzjoni uffiċjali tagħhom. L-Istati Membri għandhom jiddeterminaw kif għandha ssir din ir-referenza.

Artikolu 3

Din id-Direttiva għandha tidħol fis-seħħ fl-għoxrin jum wara dak li fih tiġi ppubblikata f’Il-Ġurnal Uffiċjali tal-Unjoni Ewropea.

Artikolu 4

Din id-Direttiva hija indirizzata lill-Istati Membri.

Magħmul fi Brussell, 2 ta’ April 2009.

Għall-Kummissjoni

Androulla VASSILIOU

Membru tal-Kummissjoni

(1)  ĠU L 230, 19.8.1991, p. 1.

(2)  ĠU L 77, 13.3.2004, p. 50.

ANNESS

Fl-Anness I tad-Direttiva 91/414/KEE, ir-ringiela 82 hi sostitwita b’dan li ġej:

“82

Pyraclostrobin

Nru CAS 175013-18-0

Nru CIPAC 657

methyl N-(2-{[1-(4-chlorophenyl)-1H-pyrazol-3-yl]oxymethyl}phenyl) N-methoxy carbamate

975 g/kg

L-impurità ta’ manifattura d-dimethyl sulfate (DMS) huwa kkunsidrat li huwa ta’ riskju tossikoloġiku u ma għandux jaqbeż konċentrazzjoni ta’ 0,0001 % fil-prodott tekniku.

fl-1 ta’ Ġunju 2004.

fil-31 ta’ Mejju 2014.

L-użi bħala fungiċida u regolatur għat-tkabbir tal-pjanti biss jistgħu jiġu awtorizzati.

Għall-implimentazzjoni tal-prinċipji uniformi tal-Anness VI, għandhom jitqiesu l-konklużjonijiet tar-rapport ta’ reviżjoni dwar il-pyraclostrobin, u b’mod partikolari l-Appendiċi I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa tal-Annimali fit-28 ta’ Novembru 2003. F’din il-valutazzjoni ġenerali, l-Istati Membri:

—

għandhom jagħtu attenzjoni partikolari għall-ħarsien tal-organiżmi akkwatiċi, speċjalment il-ħut.

—

għandhom jagħtu attenzjoni partikolari għall-ħarsien tal-antropodi terrestri u l-ħniex.

Miżuri ta’ tnaqqis tar-riskju għandhom ikunu applikati fejn hu xieraq.

L-Istati Membri għandhom jinfurmaw lill-Kummissjoni skont l-Artikolu 13(5) dwar l-ispeċifikazzjoni tal-materjal tekniku kif kummerċjalment manufatturat.”
Top