Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32007L0037

Direttiva tal-Kummissjoni 2007/37/KE tal- 21 ta’ Ġunju 2007 li temenda l-Annessi I u III għad-Direttiva tal-Kunsill 70/156/KEE dwar l-approssimazzjoni tal-liġijiet ta’ l-Istati Membri relatati ma’ l-approvazzjoni tat-tip ta’ vetturi bil-mutur u l-karrijiet tagħhom (Test b’relevanza għaż-ŻEE)

ĠU L 161, 22.6.2007, p. 60–62 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document No longer in force, Date of end of validity: 28/04/2009; Impliċitament imħassar minn 32007L0046

ELI: http://data.europa.eu/eli/dir/2007/37/oj

Date of document:
21/06/2007
Date of effect:
12/07/2007; Dħul fis-seħħ Data tal-pubblikazzjoni + 20 Ara Art. 3
Date of transposition:
04/01/2008; L-aktar tard Ara Art. 2.1
Date of end of validity:
28/04/2009; Impliċitament imħassar minn 32007L0046
Author:
Il-Kummissjoni Ewropea
Form:
Direttiva
Additional information:
Rilevanza għaż-ŻEE, Id-Direttiva li temenda
Treaty:
Trattat li jistabbilixxi l-Komunità Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 31970L0156 Tlestija anness 1 12/07/2007
Modifies 31970L0156 Tlestija anness 2 12/07/2007
Modified by:
Relation Act Comment Subdivision concerned From To
Corrected by 32007L0037R(01) (IT)
Implicitly repealed by 32007L0046 29/04/2009
Instruments cited:
Link

22.6.2007   

MT

Il-Ġurnal Uffiċjali ta’ l-Unjoni Ewropea

L 161/60

DIRETTIVA TAL-KUMMISSJONI 2007/37/KE

tal-21 ta’ Ġunju 2007

li temenda l-Annessi I u III għad-Direttiva tal-Kunsill 70/156/KEE dwar l-approssimazzjoni tal-liġijiet ta’ l-Istati Membri relatati ma’ l-approvazzjoni tat-tip ta’ vetturi bil-mutur u l-karrijiet tagħhom

(Test b’relevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 70/156/KEE tas-6 ta’ Frar 1970 dwar l-approssimazzjoni tal-liġijiet ta’ l-Istati Membri relatati ma’ l-approvazzjoni tat-tip ta’ vettruri bil-mutur u l-karrijiet tagħhom (1) u b’mod partikolari t-tieni inċiż ta’ l-Artikolu 13(2) tagħha,

Billi:

(1)

Id-Direttiva 2006/40/KE tal-Parlament Ewropew u tal-Kunsill tas-17 ta’ Mejju 2006 relatata ma’ l-emissjonijiet minn sistemi tal-kondizzjonament ta’ l-arja fil-vetturi bil-mutur u li temenda d-Direttiva tal-Kunsill 70/156/KEE (2) hija waħda mid-direttivi separati taħt il-proċedura ta’ l-approvazzjoni tat-tip tal-KE li kienet stabbilita bid-Direttiva 70/156/KEE.

(2)

Id-Direttiva 2006/40/KE tirrikjedi vetturi mgħammra b’sistema ta’ kondizzjonament ta’ l-arja ddisinjata li jkollha gassijiet fluworinati li joħolqu l-effett tas-serra li għandhom potenzjal ta’ tisħin globali ogħla minn 150 sabiex jiġu approvati skond it-tip f’dak li għandu x’jaqsam ma’ l-emissjonijiet minn sistema ta’ kondizzjonament ta’ l-arja.

(3)

Wara l-introduzzjoni tal-proċedura ta’ l-approvazzjoni tat-tip tal-KE u l-adozzjoni tar-Regolament tal-Kummissjoni (KE) Nru 706/2007 tal-21 ta’ Ġunju 2007 li jistipula, skond id-Direttiva 2006/40/KE tal-Parlament Ewropew u tal-Kunsill, dispożizzjonijiet amministrattivi għall-approvazzjoni tat-tip KE tal-vetturi, u test armonizzat għall-kejl ta’ telf minn ċerti sistemi ta’ kondizzjonament ta’ l-arja (3), jeħtieġ li jiżdiedu elementi ġodda għal-lista ta’ informazzjoni fl-Anness I għad-Direttiva 70/156/KEE u r-rekwiżiti tad-dokument ta’ l-informazzjoni għall-għanijiet ta’ l-approvazzjoni tat-tip KE tal-vetturi fl-Anness III għal dik id-Direttiva.

(4)

Sabiex tiġi żgurata l-koerenza tal-proċedura ta’ l-approvazzjoni tat-tip KE, ir-rekwiżiti l-ġodda introdotti b’din id-Direttiva għandhom japplikaw mill-istess data bħal miżuri adottati skond id-Direttiva 2006/40/KE u r-Regolament (KE) Nru 706/2007

(5)

Id-Direttiva 70/156/KEE għandha għalhekk tiġi emendata skond dan.

(6)

Il-miżuri previsti f’din id-Direttiva huma skond l-opinjoni tal-Kumitat għall-Adattament għall-Progress Tekniku,

ADOTTAT DIN ID-DIRETTIVA:

Artkolu 1

L-Annessi I u III għad-Direttiva 70/156/KEE huma emendati skond l-Anness għal din id-Direttiva.

Artikolu 2

1.   L-Istati Membri għandhom jadottaw u jippubblikaw, sa mhux aktar tard mill-4 ta’ Jannar 2008, il-liġijiet, ir-regolamenti u d-dispożizzjonijiet amministrattivi meħtieġa sabiex jikkonformaw ma’ din id-Direttiva. Għandhom jikkomunikaw minnufih lill-Kummissjoni i-test ta’ dawn id-dispożizzjonijiet u tabella ta’ korrelazzjoni bejn dawn id-dispożizzjonijiet u din id-Direttiva.

Għandhom japplikaw dawn id-dispożizzjonijiet mill-5 ta’ Jannar 2008.

Meta l-Istati Membri jadottaw dawn id-dispożizzjonijiet, se jkollhom referenza għal din id-Direttiva jew se jkunu akkumpanjati b’referenza tali fl-okkażjoni tal-pubblikazzjoni tagħhom. L-Istati Membri għandhom jiddeterminaw kif rgħandhom isiru referenzi tali.

2.   L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li jadottaw fil-qasam kopert minn din id-Direttiva.

Artikolu 3

Din id-Direttiva għandha tidħol fis-seħħ fl-għoxrin jum wara dak li fih tiġi ppubblikata fil-Ġurnal Uffiċjali ta’ l-Unjoni Ewropea.

Magħmul fi Brussell, 21 ta’ Ġunju 2007.

Għall-Kummissjoni

Günter VERHEUGEN

Viċi-President

(1)  ĠU L 42, 23.2.1970, p. 1. Id-Direttiva kif emendata l-aħħar bid-Direttiva 2006/96/KE (ĠU L 363, 20.12.2006, p. 81).

(2)  ĠU L 161, 14.6.2006, p. 12.

(3)  Ara paġna 33 ta’ dan il-Ġurnal Uffiċjali.

ANNESS

Id-Direttiva 70/156/KEE hija emendata kif ġej:

1)

Fl-Anness I, jiddaħħlu l-punti li ġejjin:

9.10.8.   Gass użat bħala refriġerant fis-sistema ta’ kondizzjonament ta’ l-arja: …

9.10.8.1.   Is-sistema ta’ kondizzjonament ta’ l-arja li hija ddisinjata li taħdem bil-gassijiet fluworinati li jikkawżaw l-effett serra b’potenzjal ta’ tisħin globali li jkun ogħla minn 150: IVA / LE (1)

9.10.8.2.   Jekk IVA, imla s-sezzjonijiet li ġejjin:

9.10.8.2.1.   Disinn u deskrizzjoni fil-qosor tas-sistema ta’ kondizzjonament ta’ l-arja, inkluż in-numru ta’ referenza jew tal-part u l-materjal tal-komponent tat-telf:

9.10.8.2.2.   Telf tas-sistema ta’ kondizzjonament ta’ l-arja:

9.10.8.2.3.   Fil-każ tat-testjar ta’ komponent: lista ta’ komponenti tat-telf inkluż in-numru korrispondenti ta’ referenza jew tal-part u l-materjal, bit-telf ta’ kull sena rispettiv tagħhom u informazzjoni dwar it-test (eż.: numru tar-rapport tat-test, numru ta’ approvazzjoni, eċċ): …

9.10.8.2.4.   Fil-każ ta’ sistema ta’ vettura: numru ta’ referenza jew tal-part u l-materjal tal-komponenti tas-sistema u informazzjoni dwar it-test (eż.: numru ta’ rapport tat-test, numru ta’ approvazzjoni, eċċ): …

9.10.8.3.   Telf globali fi g/sena tas-sistema kollha: …”

2)

Fl-Anness III, jiddaħħlu l-punti li ġejjin:

9.10.8.   Gass użat bħala refriġerant fis-sistema ta’ kondizzjonament ta’ l-arja: …

9.10.8.1.   Is-sistema ta’ kondizzjonament ta’ l-arja li hija ddisinjata li taħdem bil-gassijiet fluworinati li jikkawżaw l-effett serra b’potenzjal ta’ tisħin globali li jkun ogħla minn 150: IVA / LE (1)

Jekk iva, it-telf globali fi g/sena tas-sistema sħiħa: …”
Top