32007D0490

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Deċiżjoni - 2007/490 - EN - EUR-Lex

Help

Search tips

Need more search options? Use the Advanced search

Document 32007D0490

Help

2007/490/KE: Deċiżjoni tal-Kunsill tal- 5 ta’ Ġunju 2007 li tabroga d-Deċiżjoni 2003/89/KE dwar l-eżistenza ta’ defiċit eċċessiv fil-Ġermanja

ĠU L 183, 13.7.2007, p. 23–24 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

ELI: http://data.europa.eu/eli/dec/2007/490/oj

Date of document:: 05/06/2007
Date of effect:: 14/06/2007; Dħul fis-seħħ Data tan-notifika
Date of notification:: 01/01/1001
Date of end of validity:: No end date

Author:: Il-Kunsill tal-Unjoni Ewropea
Form:: Deċiżjoni
Addressee:: Il-Ġermanja

Treaty:

Trattat li jistabbilixxi l-Komunità Ewropea

Legal basis:

12006E104 - P12

Proposal:

52007SC0619

Link

Select all documents mentioning this document

Modifies:

Relation	Act	Comment	Subdivision concerned	From	To
Repeal	32003D0089

Instruments cited:

Link

EUROVOC descriptor:

Subject matter:

Unjoni Ekonomika u Monetarja

Directory code:

10.30.30.00 Politika ekonomika u monetarja u l-moviment liberu tal-kapital / Politika ekonomika / Unjoni Ekonomika u Monetarja

HTML

PDF

Official Journal

13.7.2007

Il-Ġurnal Uffiċjali ta’ l-Unjoni Ewropea

L 183/23

DEĊIŻJONI TAL-KUNSILL

tal-5 ta’ Ġunju 2007

li tabroga d-Deċiżjoni 2003/89/KE dwar l-eżistenza ta’ defiċit eċċessiv fil-Ġermanja

(2007/490/KE)

IL-KUNSILL TA’ L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 104(12) tiegħu,

Wara li kkunsidra r-rakkomandazzjoni mill-Kummissjoni,

Billi:

(1)

Permezz tad-Deċiżjoni tal-Kunsill 2003/89/KE (1), wara rakkomandazzjoni mill-Kummissjoni skond l-Artikolu 104(6) tat-Trattat, ġie deċiż li kien jeżisti defiċit eċċessiv fil-Ġermanja. Il-Kunsill innota li d-defiċit ġenerali tal-gvern kien ta’ 3,7 % tal-PGD fl-2002, ogħla sew mill-valur ta’ referenza tat-Trattat ta’ 3 % tal-PGD, filwaqt li d-dejn gross ġenerali tal-gvern kien mistenni li jilħaq 60,9 % tal-PGD, kemmxejn ogħla mill-valur ta’ referenza tat-Trattat ta’ 60 % tal-PGD.

(2)

Fil-21 ta’ Jannar 2003, skond l-Artikolu 104(7) tat-Trattat u l-Artikolu 3(4) tar-Regolament tal-Kunsill (KE) Nru 1467/97 tas-7 ta’ Lulju 1997 dwar li titħaffef u li tiġi ċċarata l-implimentazzjoni tal-proċedura ta’ defiċit eċċessiv (2), il-Kunsill indirizza rakkomandazzjoni lill-Ġermanja bil-ħsieb li tiġi terminata s-sitwazzjoni ta’ defiċit eċċessiv malajr kemm jista’ jkun u sa mhux aktar tard mill-2004. Ir-rakkomandazzjoni ġiet pubblikata. Fid-dawl taċ-ċirkostanzi uniċi maħluqa mill-konklużjonijiet tal-Kunsill tal-25 ta’ Novembru 2003 u tad-deċiżjoni tal-Qorti tal-Ġustizzja Ewropea tat-13 ta’ Lulju 2004 (3), is-sena 2005 għandha tkun ikkunsidrata bħala l-iskadenza rilevanti għall-korrezzjoni tad-defiċit eċċessiv.

(3)

Skond il-Protokoll dwar il-proċedura ta’ defiċit eċċessiv anness mat-Trattat, il-Kummissjoni tipprovdi d-data għall-implimentazzjoni tal-proċedura. Bħala parti mill-applikazzjoni ta’ dan il-Protokoll, l-Istati Membri għandhom jinnotifikaw id-data dwar id-defiċit u d-dejn tal-gvern u varjabbli assoċjati oħrajn darbtejn fis-sena, jiġifieri qabel l-1 ta’ April u qabel l-1 ta’ Ottubru, f’konformità ma’ l-Artikolu 4 tar-Regolament tal-Kunsill (KE) Nru 3605/93 tat-22 ta’ Novembru 1993 dwar l-applikazzjoni tal-Protokoll dwar il-proċedura tad-defiċit eċċessiv anness għat-Trattat li jistabbilixxi l-Komunità Ewropea (4).

(4)

Konsegwentement għal notifika provviżorja mogħtija mill-Ġermanja fi Frar 2006, id-data fil-fatt provduta mill-Kummissjoni (Eurostat) indikat li d-defiċit eċċessiv ma kienx ġie korrett sa l-2005. Filwaqt li aġixxa skond l-Artikolu 10(3) tar-Regolament (KE) Nru 1467/97, u abbażi ta’ rakkomandazzjoni mill-Kummissjoni, il-Kunsill fl-14 ta’ Marzu 2006 immedjatament ħa Deċiżjoni skond l-Artikolu 104(9) tat-Trattat fejn innotifika lill-Ġermanja biex tieħu l-miżuri għat-tnaqqis tad-defiċit li huma kkunsidrati bħala neċessarji biex tiġi rimedjata s-sitwazzjoni ta’ defiċit eċċessiv kemm jista’ jkun malajr u sa mhux aktar tard mill-2007 (5). Speċifikament, il-Kunsill iddeċieda li fl-2006 u l-2007, il-Ġermanja għandha tiżgura titjib kumulattiv fil-bilanċ nett aġġustat ċiklikament ta’ miżuri ta’ darba u dawk temporanji b’mill-inqas punt wieħed perċentwali.

(5)	Skond l-Artikolu 104(12) tat-Trattat, Deċiżjoni tal-Kunsill dwar l-eżistenza ta’ defiċit eċċessiv għandha tiġi abrogata, meta, fil-fehma tal-Kunsill, id-defiċit eċċessiv fl-Istat Membru kkonċernat ikun ġie korrett.

(6)

Abbażi tad-data provduta mill-Kummissjoni (Eurostat) skond l-Artikolu 8 g(1) tar-Regolament (KE) Nru 3605/93 wara n-notifika mill-Ġermanja qabel l-1 ta’ April 2007 u tat-tbassir tar-Rebbiegħa 2007 tas-servizzi tal-Kummissjoni, huma kunsiljabbli l-konklużjonijiet li ġejjin:

—

id-defiċit ġenerali tal-gvern, wara li tela’ minn 3,7 % tal-PGD fl-2002 għal 4,0 % tal-PGD fl-2003, tnaqqas għal 3,7 % tal-PGD fl-2004, għal 3,2 % tal-PGD fl-2005, u fl-aħħar għal 1,7 % tal-PGD fl-2006. Dan huwa inqas mill-mira ta’ 3,3 % tal-PGD stabbilit fl-aġġornament ta’ Frar 2006 tal-programm ta’ stabbiltà u ħafna anqas mill-valur ta’ referenza ta’ defiċit ta’ 3 % tal-PGD sena qabel l-iskadenza stabbilita mill-Kunsill,

—

fis-snin preċedenti ta’ kondizzjonijiet ċikliċi favorevoli, il-Ġermanja ma kinitx ħolqot biżżejjed libertà baġitarja biex jiġi akkomodat il-perijodu mtawwal ta’ tkabbir bil-mod bejn l-2002 u l-2005 b’medja ta’ tkabbir reali tal-PGD ta’ 0,5 % fis-sena. Serje ta’ qtugħ fit-taxxi, imwettqa sa l-2005, kienu piż ieħor fuq il-baġit, filwaqt li l-miżuri ta’ kontrobilanċ fuq in-naħa ta’ l-infiq ġew implimentati biss wara xi dewmien. Miżuri ta’ konsolidazzjoni inkludew it-trażżin tas-salarji fis-settur pubbliku, flimkien ma’ tnaqqis fin-numru tal-persunal, ir-riforma tas-sistema tas-saħħa pubblika fl-2004, tnaqqis fis-sussidji u l-investiment pubbliku, iżda wkoll il-fatt li t-tkabbir baxx tas-salarji fis-settur privat naqqsu l-ħlasijiet għall-pensjonijiet. Barra minn hekk, fl-2006, it-taxxi diretti, speċjalment dawk relatati mal-profitti, iġġeneraw dħul aktar qawwi milli kienu bassru l-iżviluppi ekonomiċi. Il-bilanċ aġġustat ciklikament tjieb mill-2002 ‘il quddiem, mingħajr ir-rikors għal miżuri ta’ darba sinifikanti. B’mod partikolari fl-2006, il-bilanċ strutturali stmat, bl-esklużjoni ta’ miżuri ta’ darba u dawk temporanji, bħala perċentwal tal-PGD tjieb bi kważi punt perċentwali wieħed,

—

għall-2007, it-tbassir tar-Rebbiegħa 2007 tas-servizzi tal-Kummissjoni jipprevedi li d-defiċit jitnaqqas iżjed għal 0,6 % tal-PGD, minħabba tkabbir qawwi kontinwat fil-PGD u, b’mod partikolari, iż-żieda fir-rata standard tal-VAT minn 16 % għal 19 % minn Jannar 2007 (m’hi previżta l-ebda miżura ta’ darba). Fin-notifika tar-Rebbiegħa 2007, l-awtoritajiet Ġermaniżi stmaw li d-defiċit ta’ l-2007 ikun ta’ 1,2 % tal-PGD. Barra minn hekk, is-servizzi tal-Kummissjoni jbassru titjib fil-bilanċ strutturali bħala perċentwal tal-PGD li jammonta għal Formula ta’ punt perċentwali fl-2007. B’hekk, jidher li l-Ġermanja tikkonforma mat-titjib rakkomandat fil-bilanċ strutturali ta’ mill-inqas punt perċentwali wieħed f’termini kumulattivi fl-2006 u l-2007. Għall-2008, it-tbassir tar-Rebbiegħa jipprevedi, b’linji politiċi li ma jinbidlux, tnaqqis ulterjuri fid-defiċit għal 0,3 % tal-PGD. Dan jindika li d-defiċit tnaqqas għal inqas mil-limitu ta’ 3 % tal-PGD b’mod kredibbli u sostenibbli. B’linji politiċi li ma jinbidlux, id-defiċit strutturali huwa mistenni li jonqos marġinalment biss fl-2008. Dan għandu jitqies kontra l-isfond tal-ħtieġa li jsir progress lejn l-objettiv ta’ żmien medju għall-pożizzjoni baġitarja, li għall-Ġermanja hija baġit ibbilanċjat f’termini strutturali,

—

wara li tela’ minn 60,3 % tal-PGD fl-2002 għal massimu ta’ 67,9 % tal-PGD fl-2005, il-proporzjon ta’ dejn għall-PGD stabilizza fl-2006 u huma mistenni li jonqos għal 65,4 % tal-PGD fl-2007 u għal madwar 63 Formula % sa l-2008 (fuq bażi li l-linji politiċi ma jinbidlux) skond it-tbassir tar-Rebbiegħa 2007 tas-servizzi tal-Kummissjoni, biex b’hekk jersaq eqreb lejn il-valur ta’ referenza aktar malajr milli previst fl-aġġornament l-aktar reċenti tal-programm ta’ stabbiltà.