28.11.2006   

MT

Il-Ġurnal Uffiċjali ta’ l-Unjoni Ewropea

304

(1)

Bid-Direttiva tal-Kummissjoni 2001/32/KE (2), ċerti Stati Membri jew ċerti żoni fi Stati Membri kienu rrikonoxxuti bħala żoni protetti fir-rigward ta’ ċerti organiżmi ta’ ħsara. F’xi każijiet, ir-rikonoxximent ingħata proviżorjament peress li l-informazzjoni meħtieġa li turi li l-organiżmu ta’ ħsara in kwistjoni ma kienx preżenti fl-Istat Membru jew fiż-żona kkonċernata ma ġietx ipprovduta.

(2)

Fejn l-Istati Membri kkonċernati issa pprovdew l-informazzjoni meħtieġa, iż-żoni in kwistjoni għandhom jiġu rrikonoxxuti bħala żoni protetti permanenti.

(3)

Ċerti reġjuni tal-Portugall ġew irrikonoxxuti bħala żoni protetti fir-rigward tal-Bemisia tabaci Genn. (Popolazzjonijiet Ewropej).

(4)

Il-Portugall ressaq informazzjoni li turi li l-Bemisia tabaci Genn. (Popolazzjonijiet Ewropej) issa ġiet stabbilita f’xi partijiet fit-territorju tagħha. Għalhekk dawk il-partijiet fit-territorju Portugiż m’għandhomx jibqgħu rikonoxxuti bħala żoni protetti fir-rigward ta’ dak l-organiżmu ta’ ħsara.

(5)

Diversi reġjuni jew partijiet minn reġjuni fl-Awstija u l-Italja u t-territorju sħiħ ta’ l-Irlanda, il-Litwanja, is-Slovenja u s-Slovakkja kienu rrikonoxxuti proviżorjament bħala żoni protetti fir-rigward ta’ l-Erwinia amylovora (Burr.) Winsl. et al. sal-31 ta’ Marzu 2006.

(6)

Mill-informazzjoni pprovduta mill-Awstrija, mill-Italja, mill-Irlanda, mil-Litwanja, mis-Slovenja u mis-Slovakkja, jidher li r-rikonoxximent proviżorju taż-żoni protetti għal dawk il-pajjiżi fir-rigward ta’ l-Erwinia amylovora (Burr.) Winsl. et al. għandha tiġi estiża eċċezzjonalment għal sentejn biex tagħti lil dawk il-pajjiżi ż-żmien meħtieġ biex jissottomettu l-informazzjoni li turi li Erwinia amylovora (Burr.) Winsl. et al. mhix preżenti jew, fejn meħtieġ, biex jikkompletaw l-isforzi tagħhom biex jiġi meqrud dak l-organiżmu.

(7)

Flimkien ma’ dan, Erwinia amylovora (Burr.) Winsl. et al. issa ġiet stabbilita f’xi partijiet ta' l-Italja, fir-reġjuni ta’ Gorenjska u Maribor fis-Slovenja u f’xi wħud mill-komuni tal-kontej ta’ Dunajská Streda, Levice, Topoľčany, Poltár, Rožňava u Trebišov fi Slovakkja, dawn il-partijiet rispettivi tat-territorju Taljan, Sloven u dak Slovakk m'għandhomx jibqgħu jiġu rikonoxxuti bħala żona protetta għall-Erwinia amylovora (Burr.) Winsl. et al.

(8)

Il-Litwanja kienet irrikonoxxuta proviżorjament bħala żona protetta għall-beet necrotic yellow vein virus sal-31 ta’ Marzu 2006.

(9)

Il-Litwanja ressqet informazzjoni li turi li l-beet necrotic yellow vein virus issa ġie stabbilit f’dak il-pajjiż. Għalhekk il-Litwanja m’għandhiex tibqa’ tiġi rrikonoxxuta bħala żona protetta fir-rigward ta’ dan l-organiżmu ta’ ħsara.

(10)

Malta kienet irrikonoxxuta proviżorjament bħala żona protetta fir-rigward tas-Citrus tristeza virus (European strains) sal-31 ta’ Marzu 2006.

(11)

Minn informazzjoni pprovduta minn Malta, jidher li r-rikonoxximent proviżorju ta’ żona protetta għal dak il-pajjiż fir-rigward tas-Citrus tristeza virus (European strains) għandu jiġi estiż eċċezzjonalment għal sentejn biex jagħti lill-pajjiż iż-żmien meħtieġ biex jissottometti l-informazzjoni li turi li s-Citrus tristeza virus (European strains) mhix preżenti jew, fejn meħtieġ, biex jikkompleta l-isforzi tiegħu biex jiġi meqrud dak l-organiżmu.

(12)

Ċipru ġie rrikonoxxut proviżorjament bħala żona protetta fir-rigward tad-Daktulosphaira vitifoliae (Fitch), Ips sexdentatus Börner u l-Leptinotarsa decemlineata Say sal-31 ta’ Marzu 2006.

(13)

Minn informazzjoni pprovduta minn Ċipru, jidher li r-rikonoxximent proviżorju ta’ żona protetta għal dak il-pajjiż fir-rigward tad-Daktulosphaira vitifoliae (Fitch), Ips sexdentatus Börner u l-Leptinotarsa decemlineata Say għandu jiġi estiż għal sentejn biex jagħti lil dak il-pajjiż ż-żmien meħtieġ biex jissottometti l-informazzjoni li turi li dawk l-organiżmi ta’ ħsara mhumiex preżenti jew, fejn meħtieġ, biex jikkompleta l-isforzi tiegħu biex jeqridhom.

(14)

Id-Direttiva 2001/32/KE għandha għalhekk tiġi emendata kif suppost.

(15)

Il-miżuri previsti f'din id-Direttiva huma skond l-opinjoni tal-Kumitat Permanenti dwar is-Saħħa tal-Pjanti,

(1)

L-Artikolu 1 jiġi mibdul b’dan li ġej:

“Artikolu 1

Iż-żoni fil-Komunità elenkati fl-Anness huma rrikonoxxuti bħala żoni protetti kif imfisser fl-ewwel subparagrafu ta' l-Artikolu 2(1)(h) tad-Direttiva 2000/29/KE, fir-rigward ta' l-organiżmu/i ta’ ħsara elenkati ħdejn isimhom fl-Anness ta’ din id-Direttiva.”

(2)

L-Artikolu 2 ġie mħassar.

(3)

L-Anness huwa emendat kif ġej: