This document is an excerpt from the EUR-Lex website
Document 32006D0802
2006/802/EC: Commission Decision of 23 November 2006 approving the plans for the eradication of classical swine fever in feral pigs and the emergency vaccination of those pigs and of pigs in holdings against that disease in Romania (notified under document number C(2006) 5426) (Text with EEA relevance)
Deċiżjoni tal-Kummissjoni tat- 23 ta' Novembru 2006 li tapprova l-pjanijiet għall-eradikazzjoni tad-deni klassiku tal-ħnieżer fi ħnieżer slavaġ u l-vaċċinazzjoni ta' emerġenza kontra din il-marda ta' dawn il-ħnieżer u ta' ħnieżer f'irziezet fir-Rumanija (innotifikata taħt dokument numru C(2006) 5426) Test b'rilevanza għaż-ŻEE
Deċiżjoni tal-Kummissjoni tat- 23 ta' Novembru 2006 li tapprova l-pjanijiet għall-eradikazzjoni tad-deni klassiku tal-ħnieżer fi ħnieżer slavaġ u l-vaċċinazzjoni ta' emerġenza kontra din il-marda ta' dawn il-ħnieżer u ta' ħnieżer f'irziezet fir-Rumanija (innotifikata taħt dokument numru C(2006) 5426) Test b'rilevanza għaż-ŻEE
ĠU L 142M, 5.6.2007, p. 627–630
(MT) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 329, 25.11.2006, p. 34–37
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
No longer in force, Date of end of validity: 31/12/2007
Relation | Act | Comment | Subdivision concerned | From | To |
---|---|---|---|---|---|
Modified by | 32007D0522 | Sostituzzjoni | artikolu 4 | 20070718 | |
Modified by | 32007D0522 | Żieda | artikolu 5 BI | 31/08/2007 | |
Modified by | 32007D0625 | Sostituzzjoni | artikolu 8 | DATEFF | |
Validity extended by | 32007D0625 | 31/12/2007 |
5.6.2007 |
MT |
Il-Ġurnal Uffiċjali ta’ l-Unjoni Ewropea |
627 |
DEĊIŻJONI TAL-KUMMISSJONI
tat-23 ta' Novembru 2006
li tapprova l-pjanijiet għall-eradikazzjoni tad-deni klassiku tal-ħnieżer fi ħnieżer slavaġ u l-vaċċinazzjoni ta' emerġenza kontra din il-marda ta' dawn il-ħnieżer u ta' ħnieżer f'irziezet fir-Rumanija
(innotifikata taħt dokument numru C(2006) 5426)
(Test b'rilevanza għaż-ŻEE)
(2006/802/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunitajiet Ewropej,
Wara li kkunsidrat t-Trattat ta' Adeżjoni tal-Bulgarija u r-Rumanija, u partikolarment l-Artikolu 4(3) tiegħu,
Wara li kkunsidrat l-Att ta' Adeżjoni tal-Bulgarija u r-Rumanija, u b'mod partikolari l-Artikolu 42 tiegħu,
Wara li kkunsidrat id-Direttiva tal-Kunsill 2001/89/KE tat-23 ta' Ottubru 2001 dwar il-miżuri tal-Komunità għall-eradikazzjoni tad-deni tal-ħnieżer klassiku (1), u b'mod partikolari it-tieni subparagrafu ta' l-Artikolu 16(1), it-tieni subparagrafu ta' l-Artikolu 19(3) u r-raba' subparagrafu ta' l-Artikolu 20(2) tagħha,
Billi:
(1) |
Id-Direttiva 2001/89/KEE tintroduċi miżuri minimi tal-Komunità għall-kontroll tad-deni tal-ħnieżer klassiku. Dawn il-miżuri jinkludu d-dispożizzjoni li l-Istati Membri għandhom jibagħtu lill-Kummissjoni, wara l-konferma ta' każ primarju ta' deni klassiku tal-ħnieżer fi ħnieżer slavaġ, pjan tal-miżuri għall-eradikazzjoni ta' din il-marda. Dawn il-miżuri jipprovdu wkoll għall-vaċċinazzjoni ta' emerġenza għall-ħnieżer slavaġ u ħnieżer f'irziezet. |
(2) |
Fl-2006, id-deni klassiku tal-ħnieżer fir-Rumanija kien preżenti fi ħnieżer slavaġ u fi ħnieżer ta' l-irziezet. |
(3) |
Meta tqis l-Adeżjoni tar-Rumanija, il-miżuri li jikkonċernaw is-sitwazzjoni fir-rigward tad-deni klassiku tal-ħnieżer f'dan il-pajjiż għandhom jiġu stabbiliti fuq livell komunitarju. |
(4) |
Ir-Rumanija nehdiet programm għas-sorveljanza u l-kontroll tad-deni klassiku tal-ħnieżer fit-territorju kollu ta' dan il-pajjiż. Dan il-programm għadu għaddej. |
(5) |
Ir-Rumanija fis-27 ta' Settembru 2006 ressqet ukoll għall-approvazzjoni tal-Kummissjoni pjan għall-eradikazzjoni tad-deni klassiku tal-ħnieżer fi ħnieżer slavaġ u pjan għall-vaċċinazzjoni ta' emerġenza għall-ħnieżer slavaġ kontra d-deni klassiku tal-ħnieżer fit-territorju kollu tar-Rumanija. |
(6) |
Apparti dan, ir-Rumanija ressqet quddiem il-Kummissjoni, fis-27 ta' Settembru 2006, pjan għall-eradikazzjoni tad-deni klassiku tal-ħnieżer fi ħnieżer slavaġ, pjan għall-vaċċinazzjoni ta' emerġenza għall-vaċċinazzjoni tal-ħnieżer fi rziezet kbar tal-ħnieżer permezz ta' vaċċin markanti u pjan għall-vaċċinazzjoni ta' emerġenza għall-vaċċinazzjoni ta' ħnieżer f'irziezet iżgħar tal-ħnieżer b'vaċċin ħaj konvenzjonalment attenwat. |
(7) |
Dawn il-pjanijiet imressqa mir-Rumanija, ġew eżaminati mill-Kummissjoni u nstabu konformi mad-Direttiva 2001/89/KE. |
(8) |
Fl-interess tas-saħħa ta' l-annimali, ir-Rumanija trid tiżgura l-implimentazzjoni effettiva ta' dawn il-miżuri, b'mod partikolari bil-ħoqien ta' ċentri nazzjonali u lokali ta' kontroll tal-mard li jkunu kompletament funzjonali kif previst fil-pjanijiet imressqa fis-27 ta' Settembru 2006. |
(9) |
Minħabba din il-preżenza endemika tad-deni klassiku tal-ħnieżer fit-territorju tar-Rumanija, il-Kummissjoni adottat id-Deċiżjoni tal-Kummissjoni 2006/779/KE li għandha x'taqsam mal-miżuri ta' kontroll tranżitorji tas-saħħa ta' l-annimali fir-rigward tad-deni klassiku tal-ħnieżer fir-Rumanija (2) li se japplikaw mid-data tad-dħul fis-seħħ tat-Trattat ta' Adeżjoni tal-Bulgarija u r-Rumanija. |
(10) |
Il-miżuri stabbiliti fid-Deċiżjoni 2006/779/KE jipprojbixxu inter alia d-dispaċċ tal-laħam tal-ħnieżer, prodotti tal-laħam tal-ħnieżer u prodotti u preparazzjonijiet li fihom il-laħam tal-ħnieżer mir-Rumanija lejn l-Istati Membri l-oħra. Għal dan il-għan, dan il-laħam u dawn il-prodotti għandhom jiġu mmarkati b'marka speċjali. Għaldaqstant, huwa xieraq li l-laħam frisk prodott minn ħnieżer imlaqqma matul il-vaċċinazzjoni ta' emerġenza skond id-Deċiżjoni attwali jiġu mmarkati bl-istess marka u li jiġu stabbiliti dispożizzjonijiet għat-tqegħid fis-suq ta' dan il-laħam. |
(11) |
Bil-għan ta' l-Adeżjoni tar-Rumanija l-miżuri previsti f'din id-Deċiżjoni għandhom jiġu approvati bħala miżuri tranżitorji applikabbli mid-data ta' l-Adeżjoni u għal perjodu ta' disa' xhur. |
(12) |
Il-miżuri pprovduti f'din id-Deċiżjoni huma konformi ma' l-opinjoni tal-Kumitat Permanenti dwar il-Katina Alimentari u Saħħet l-Annimali, |
ADOTTAT DIN ID-DEĊIŻJONI:
Artikolu 1
Pjan għall-eradikazzjoni tad-deni klassiku tal-ħnieżer fi ħnieżer slavaġ
Il-pjan imressaq mir-Rumanija għall-eradikazzjoni tad-deni klassiku tal-ħnieżer fi ħnieżer slavaġ, fiż-żona kif stabbilit f'punt 1 ta' l-Anness, huwa approvat.
Artikolu 2
Pjan għal vaċċinazzjoni ta' emerġenza kontra d-deni klassiku tal-ħnieżer fi ħnieżer slavaġ
Il-pjan imressaq mir-Rumanija quddiem il-Kummissjoni fis-27 ta' Settembru 2006 għall-vaċċinazzjoni ta' emerġenza kontra d-deni klassiku tal-ħnieżer fi ħnieżer slavaġ, fiż-żona kif stabbilit f'punt 2 ta' l-Anness, huwa approvat.
Artikolu 3
Pjan għall-vaċċinazzjoni ta' emerġenza kontra d -deni klassiku tal-ħnieżer fi ħnieżer ta' l-irziezet b'vaċċinazzjoni markanti
Il-pjan imressaq mir-Rumanija quddiem il-Kummissjoni fis-27 ta' Settembru 2006 għall-vaċċinazzjoni ta' emerġenza kontra d-deni klassiku tal-ħnieżer fi ħnieżer ta' l-irziezet b' vaċċin markanti, fiż-żona kif stabbilit f'punt 3 ta' l-Anness, huwa approvat.
Artikolu 4
Pjan għal vaċċinazzjoni ta' emerġenza kontra d-deni klassiku tal-ħnieżer fi ħnieżer ta' l-irziezet b' vaċċin ħaj attenwat konvenzjonali t
Il-pjan imressaq mir-Rumanija quddiem il-Kummissjoni fis-27 ta' Settembru 2006 għall-vaċċinazzjoni ta' emerġenza kontra d-deni klassiku tal-ħnieżer fi ħnieżer ta' l-irziezet b' vaċċin ħaj konvenzjonalment attenwat, fiż-żona kif stabbilit f'punt 4 ta' l-Anness, huwa approvat.
Artikolu 5
Obbligi mir-Rumanija rigward il-laħam tal-ħnieżer
Ir-Rumanija għandha tiżgura li l-laħam tal-ħnieżer miksub mill-ħnieżer:
(a) |
li huma vaċċinati b'vaċċin markanti skond l-Artikolu 3 ikun limitat għas-suq nazzjonali u ma għandux jintbagħat fi Stati Membri oħra; |
(b) |
li huma vaċċinati skond l-Artikolu 3 u 4 ta' din id-Deċiżjoni, ikun immarkat b'marka ta' identifikazzjoni jew ta' saħħa speċjali li ma tistax tiġi mħawda mat-timbru tal-Komunità kif imsemmi fl-Artikolu 4 tad-Deċiżjoni tal-Kummissjoni 2006/779/KE; |
(ċ) |
li huma vaċċinati b'vaċċin ħaj konvenzjonalment attenwat skond l-Artikolu 4, ikun limitat għall-konsum domestiku privat jew għall-forniment dirett, mill-produttur, ta' kwantitajiet żgħar lill-konsumatur finali jew lis-suq lokali fl-istess muniċipalità u ma għandux jintbagħat fi Stati Membri oħra. |
Artikolu 6
Obbligi ta' tagħrif fuq ir-Rumanija
Ir-Rumanija għandha tiżgura li l-Kummissjoni u l-Istati Membri jiġu pprovduti fuq bażi ta' kull xahar b'tagħrif rigward l-implimentazzjoni tal-pjanijiet tal-vaċċinazzjoni ta' emerġenza tal-ħnieżer, kif previst fl-Artikoli 3 u 4, kif ġej:
(a) |
l-għadd ta' ħnieżer vaċċinati, l-għadd ta' dożi tal-vaċċin użat u l-għadd ta' rziezet fejn dawn il-ħnieżer ġew vaċċinati; |
(b) |
l-għadd ta' ħnieżer maqtula u l-lista ta' biċċeriji fejn inqatlu dawn il-ħnieżer; |
(ċ) |
l-għadd u n-natura tat-testijiet ta' sorveljanza mwettqa biex tiġi kkontrollata l-vaċċinazzjoni u r-riżultati ta' dawn it-testijiet. |
Artikolu 7
Miżuri ta' konformità mir-Rumanija
Ir-Rumanija għandha tieħu l-miżuri meħtieġa biex tikkonforma ma' din id-Deċiżjoni u tippubblika dawn il-miżuri. Għandha tgħarraf lill-Kummissjoni b'dan minnufih.
Artikolu 8
Applikabilità
Din id-Deċiżjoni għandha tapplika biss suġġetta għal u mid-dħul fis-seħħ tat-Trattat ta' Adeżjoni tal-Bulgarija u r-Rumanija.
Id-Deċiżjoni se tapplika għal perjodu ta' disa' xhur.
Artikolu 9
Destinatarju
Din id-Deċiżjoni hija indirizzata lill-Istati Membri.
Magħmul fi Brussel, 23 ta' Novembru 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 316, 1.12.2001, p. 5. Direttiva kif emendata mill-Att ta' l-Adeżjoni ta' l-2003.
(2) ĠU L 314, 15.11.2006, p. 48.
ANNESS
1. Żoni fejn il-pjan għall-eradikazzjoni tad-deni klassiku tal-ħnieżer fi ħnieżer slavaġ għandu jiġi implimentat:
It-territorju kollu tar-Rumanija.
2. Żoni fejn il-pjan għall-vaċċinazzjoni ta' emerġenza kontra d-deni klassiku tal-ħnieżer fi ħnieżer slavaġ għandu jiġi implimentat:
It-territorju kollu tar-Rumanija.
3. Żoni fejn il-pjan għall-vaċċinazzjoni ta' emerġenza għall-vaċċinazzjoni kontra d-deni klassiku tal-ħnieżer b'vaċċin markanti tal-ħnieżer f'irziezet tal-ħnieżer għandu jiġi implimentat:
It-territorju kollu tar-Rumanija.
4. Żoni fejn il-pjan għall-vaċċinazzjoni ta' emerġenza kontra d-deni klassiku tal-ħnieżer b'vaċċin ħaj konvenzjonalment attenwat tal-ħnieżer f'irziezet tal-ħnieżer għandu jiġi implimentat:
It-territorju kollu tar-Rumanija.