Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32005E0888

Pożizzjoni Komuni tal-Kunsill 2005/888/PESK tat- 12 ta' Diċembru 2005 dwar miżuri restrittivi speċifiċi kontra ċerti persuni suspettati b'involviment fl-assassinju tal-Prim Ministru Libaniż preċedenti Rafiq Hariri

ĠU L 327, 14.12.2005, p. 26–27 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 175M, 29.6.2006, p. 191–192 (MT)

⏵Dan id-dokument ġie ppubblikat f’edizzjoni(jiet) speċjali (BG, RO, HR)

Legal status of the document In force: This act has been changed. Current consolidated version: 16/02/2023

ELI: http://data.europa.eu/eli/compos/2005/888/oj

Date of document:
12/12/2005
Date of effect:
12/12/2005; Jidħol fis-seħħ Ara Art. 5
Date of end of validity:
No end date
Author:
Il-Kunsill tal-Unjoni Ewropea
Form:
Pożizzjoni komuni
Treaty:
Trattat dwar l−Unjoni Ewropea
Legal basis:
Link
Select all documents based on this document
Link
Link
Select all documents mentioning this document
Modified by:
Relation Act Comment Subdivision concerned From To
Modified by 32023D0338 Żieda artikolu 2 paragrafu 5 16/02/2023
Link
Link

29.6.2006   

MT

Il-Ġurnal Uffiċjali ta’ l-Unjoni Ewropea

191

POŻIZZJONI KOMUNI TAL-KUNSILL 2005/888/PESK

tat-12 ta' Diċembru 2005

dwar miżuri restrittivi speċifiċi kontra ċerti persuni suspettati b'involviment fl-assassinju tal-Prim Ministru Libaniż preċedenti Rafiq Hariri

IL-KUNSILL TA' L-UNJONI EWROPEA,

Wara li kkunsidra t-Trattat dwar l-Unjoni Ewropea, u b'mod partikolari l-Artikolu 15 tiegħu,

Billi:

(1)

Fil-31 ta' Ottubru 2005, il-Kunsill tas-Sigurtà tan-Nazzjonijiet Uniti adotta r-Riżoluzzjoni 1636 (2005) (“UNSCR 1636 (2005)”) li tirrikonoxxi r-rapport tal-Kummissjoni Internazzjonali ta' Investigazzjoni tan-NU preseduta mis-Sur Detlev Mehlis dwar l-attentat terroristiku bil-bombi li sar fl-14 ta' Frar 2005, f'Beirut, il-Libanu, li qatel 23 persuna, inkluż il-Prim Ministru Libaniż preċedenti Rafiq Hariri, u li bih korrew bosta nies (“il-Kummissjoni ta' Investigazzjoni”).

(2)

L-UNSCR 1636 (2005) timponi miżuri għall-prevenzjoni tad-dħul jew tat-transitu fit-territorji ta' l-Istati Membri, u l-iffriżar ta' fondi u riżorsi ekonomiċi, ta' persuni reġistrati mill-Kumitat tal-Kunsill tas-Sigurtà stabbilit fil-paragrafu 3(b) ta' l-UNSCR 1636 (2005) (“il-Kumitat”) bħala suspettati b'involviment fl-ippjanar, fl-isponsorjar, fl-organizzazzjoni jew fit-twettiq ta' l-attentat terroristiku bil-bombi.

(3)

Fis-7 ta' Novembru 2005, il-Kunsill adotta l-konklużjonijiet tiegħu dwar is-Sirja u l-Libanu. Il-Kunsill iddeplora l-indikazzjoni ċara li s-Sirja ma kkoperatx b'mod sħiħ mal-grupp ta' investigazzjoni u għamlet sejħa lis-Sirja sabiex tikkopera mingħajr kondizzjonijiet ma' l-investigaturi.

(4)

Hija meħtieġa azzjoni mill-Komunitá sabiex jiġu implementati ċerti miżuri,

ADOTTA DIN IL-POŻIZZJONI KOMUNI:

Artikolu 1

1.   L-Istati Membri għandhom jieħdu l-miżuri meħtieġa għall-prevenzjoni tad-dħul jew tat-transitu fit-territorji tagħhom tal-persuni fiżiċi elenkati fl-Anness ma' din il-Pożizzjoni Komuni.

2.   Il-paragrafu 1 ma għandux jobbliga Stat Membru li jirrifjuta d-dħul fit-territorju tiegħu taċ-ċittadini tiegħu stess.

3.   Il-paragrafu 1 ma għandux japplika fejn il-Kumitat jiddetermina, minn qabel u fuq bażi ta' każ b'każ, li tali vjaġġar huwa ġustifikat għal raġunijiet ta' ħtieġa umanitarja, inkluż l-obbligu reliġjuz, jew fejn il-Kumitat jikkonkludi li eżenzjoni tippromwovi l-objettivi ta' l-UNSCR 1636 (2005).

4.   F'każijiet fejn skond il-paragrafu 3 u konformement mad-determinazzjonijiet tal-Kumitat, Stat Membru jawtorizza d-dħul jew it-transitu fit-territorju tiegħu ta' persuni elenkati fl-Anness, l-awtorizzazzjoni għandha tkun limitata għall-iskop li għalih tkun mogħtija u għall-persuni interessati minnha.

Artikolu 2

1.   Il-fondi u r-riżorsi ekonomiċi kollha li jappartjenu lill-persuni fiżiċi elenkati fl-Anness, jew li huma proprjetà, jew jinsabu fil-pussess, tagħhom, jew li huma kontrollati minnhom, jew li jinsabu fil-pussess ta' entitajiet li huma proprjetà ta', jew kontrollati b'mod dirett jew indirett minn, tali persuni jew kwalunkwe persuna li taġixxi f'isimhom jew fuq id-direzzjoni tagħhom, kif elenkati fl-Anness, għandhom jiġu ffriżati.

2.   L-ebda fondi jew riżorsi ekonomiċi ma għandhom isiru disponibbli, b'mod dirett jew indirett, lil jew għall-benefiċċju tal-persuni u l-entitajiet elenkati fl-Anness I.

3.   Sakemm ġew approvati mill-Kumitat, jistgħu jsiru eżenzjonijiet għal fondi u riżorsi ekonomiċi li jkunu:

(a)

neċessarji għal spejjeż bażiċi, inklużi ħlasijiet għal prodotti ta' l-ikel, ħlasijiet ta' kera jew ta' ipoteka, ħlasijiet għal mediċini u għal kura medika, ħlasijiet ta' taxxi, ta' premiums ta' assigurazzjoni, u ħlasijiet ta' kontijiet għal servizzi ta' l-utilità pubblika;

(b)

maħsuba esklussivament għall-ħlas ta' onorarji professjonali raġonevoli u għar-rimbors ta' spejjeż magħmula li jkunu assoċjati ma' l-għoti ta' servizzi legali;

(ċ)

maħsuba esklussivament għall-ħlas ta' miżati jew ta' kontijiet għal servizzi, għaż-żamma jew manteniment normali ta' fondi jew riżorsi ekonomiċi ffriżati.

4.   Il-paragrafu 2 ma għandux japplika għaż-żieda fil-kontijiet iffriżati ta' interess jew dħul ieħor fuq dawk il-kontijiet, sakemm kwalunkwe interess jew dħul ieħor bħal dawn jibqgħu suġġetti għall-paragrafu 1.

Artikolu 3

1.   L-Istati Membri għandhom jiżguraw, konformement mal-liġi applikabbli, li jekk persuna fiżika elenkata fl-Anness tinsab fit-territorju tagħhom, tali persuna tkun disponibbli għal intervista mill-Kummissjoni ta' Investigazzjoni jekk dik il-Kummissjoni hekk titlob.

2.   L-Istati Membri għandhom jikkoperaw b'mod sħiħ, konformement mal-liġi applikabbli, ma' kwalunkwe investigazzjoni internazzjonali relatata mal-fondi jew mar-riżorsi ekonomiċi jew mat-transazzjonijiet finanzjarji ta' persuni jew entitajiet elenkati fl-Anness, anke permezz tal-qsim ta' informazzjoni finanzjarja.

Artikolu 4

Il-Kunsill għandu jistabbilixxi l-lista ta' persuni relevanti u ta' entitajiet u persuni relatati li tinsab fl-Anness u jimplementa kwalunkwe modifika tagħha abbażi tad-determinazzjonijiet magħmula mill-Kumitat.

Artikolu 5

Din il-Pożizzjoni Komuni għandha tibda jkollha effett fid-data ta' l-adozzjoni tagħha.

Artikolu 6

Din il-Pożizzjoni Komuni għandha tiġi pubblikata fil-Ġurnal Uffiċjali ta' l-Unjoni Ewropea.

Magħmula fi Brussell, nhar it-12 ta' Diċembru 2005.

Għall-Kunsill

Il-President

J. STRAW

ANNESS

Lista ta' persuni fiżiċi u ta' entitajiet imsemmija fl-Artikoli 1, 2 u 3

(Anness li għandu jiġi kompletat wara li l-persuni u l-entitajiet ikunu ġew reġistrati mill-Kumitat stabbilit fil-paragrafu 3(b) ta' l-UNSCR 1636 (2005)

Top