This document is an excerpt from the EUR-Lex website
Document 32004R0401
Council Regulation (EC, Euratom) No 401/2004 of 23 February 2004 introducing, on the occasion of the accession of Cyprus, the Czech Republic, Estonia, Hungary, Latvia, Lithuania, Malta, Poland, Slovakia and Slovenia, special temporary measures for recruitment of officials of the European Communities
Ir-Regolament tal-Kunsill (KE) Nru 401/2004 tat-23 ta' Frar 2004 li jdaħħal, fl-okkażjoni ta' l-adeżjoni ta' Ċipru, ir-Repubblika Ċeka, l-Estonja, l-Ungerija, il-Latvja, il-Litwanja, Malta, il-Polonja, is-Slovakkja u s-Slovenja, miżuri speċjali tempoanji għar-reklutaġġ ta' uffiċjali tal-Komunitajiet Ewropej
Ir-Regolament tal-Kunsill (KE) Nru 401/2004 tat-23 ta' Frar 2004 li jdaħħal, fl-okkażjoni ta' l-adeżjoni ta' Ċipru, ir-Repubblika Ċeka, l-Estonja, l-Ungerija, il-Latvja, il-Litwanja, Malta, il-Polonja, is-Slovakkja u s-Slovenja, miżuri speċjali tempoanji għar-reklutaġġ ta' uffiċjali tal-Komunitajiet Ewropej
ĠU L 67, 5.3.2004, p. 1–2
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 067 , 05/03/2004 P. 0001 - 0002
Ir-Regolament tal-Kunsill (KE) Nru 401/2004 tat-23 ta' Frar 2004 li jdaħħal, fl-okkażjoni ta' l-adeżjoni ta' Ċipru, ir-Repubblika Ċeka, l-Estonja, l-Ungerija, il-Latvja, il-Litwanja, Malta, il-Polonja, is-Slovakkja u s-Slovenja, miżuri speċjali tempoanji għar-reklutaġġ ta' uffiċjali tal-Komunitajiet Ewropej IL-KUNSILL TA' L-UNJONI EWROPEA, Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 283 tiegħu, Wara li kkunsidra l-proposta mill-Kummissjoni, sottomessa wara konsultazzjoni mal-Kumitat tar-Regolamenti tal-Persunal, Wara li kkunsidra l-opinjoni tal-Parlament Ewropew [1], Wara li kkunsidra l-Opinjoni tal-Qorti tal-Ġustizzja [2], Wara li kkunsidraw l-Opinjoni tal-Qorti tal-Verifika [3], Billi: (1) Fl-okkażjoni ta' l-adeżjoni ġejjiena ta' Ċipru, ir-Repubblika Ċeka, l-Estonja, l-Ungerija, il-Latvija, il-Lituwanja, Malta, il-Polonja, is-Slovakja u s-Slovenja, għandhom jiġu adottati miżuri speċjali temporanji li ma jsegwux ir-Regolamenti tal-Persunal tal-Komunitajiet Ewropej (ir-Regolamenti tal-Persunal). (2) Minħabba n-numru ta' pajjiżi li se jaderixxu u n-numru tal-persuni involuti potenzalment, dawn il-miżuri, minkejja li temporanji, għandhom jissoktaw fis-seħħ għal perjodu sostanzjali ta' żmien. Il-31 ta' Diċembru 2010 jidher li huwa l-iktar data xierqa għall-iskadenza tagħhom. (3) Minħabba n-natura eċċezzjonali tas-sitwazzjoni, u l-ħtiġijiet ġenerali mbassra għall-futur, għandhom jinżammu wkoll kompetizzjonijiet għar-reklutaġġ ta' l-uffiċjali li għandhom waħda mill-11-il lingwa uffiċjali bħala l-lingwa ewlenija tagħhom. Dan irid ikun skond l-ordni sabiex jiġi żġurat ir-rispett għall-prinċipji ddikjarati fl-Artikolu 27 tar-Regolamenti tal-Persunal, inkluż ir-reklutaġġ fuq bażi ġeografiku l-iktar wiesa' possibbli. (4) Minħabba d-daqs eċċezzjonali ta' l-adeżjoni imminenti, dan ir-Regolament għandu jiġi adottat qabel id-data attwali ta' l-adeżjoni biex ikun jista' jsir ix-xogħol preparatorju kollu sabiex jippermetti r-reklutaġġ ppjanat isir malajr kemm jista' jkun wara l-adeżjoni, ADOTTA DAN IR-REGOLAMENT: Artikolu 1 1. Minkejja d-dispożizzjonijiet tat-tieni u t-tielet paragrafi ta' l-Artikolu 4, l-Artikolu 7(1), it-tielet paragrafu ta' l-Artikolu 27 u l-punti (a), (b) u (ċ) ta' l-Artikolu 29(1) tar-Regolamenti tal-Persunal, sal-31 ta' Diċembru 2010, jistgħu jimtlew il-postijiet vakanti, fil-limitu tan-numru allokat, filwaqt li jitqiesu d-diskussjonijiet dwar l-estimi finanzjarji, bil-ħatra taċ-ċittadini ta' Ċipru, ir-Repubblika Ċeka, l-Estonja, l-Ungerija, il-Latvja, il-Litwanja, Malta, il-Polonja, is-Slovakkja u s-Slovenja wara d-data attwali ta' l-adeżjoni tal-pajjiżi ikkonċernati. 2. Il-ħatriet għandhom isiru: (a) għll-gradi kollha, wara d-data attwali ta' l-adeżjoni; (b) għajr għall-gradi A1 u A2, wara l-kompetizzjonijiet fuq il-bażi kemm tal-kwalifiki u tat-testijiet organizzati kif speċifikat fl-Anness III mar-Regolamenti tal-Persunal. Artikolu 2 Sal-31 ta' Diċembru 2010, għandhom isiru wkoll il-kompetizzjonijiet ġenerali għall-uffiċjali li jkollhom wad mill-11-il lingwa uffiċjali bħala l-lingwa ewlenija tagħhom; dawn il-kompetizzjonijiet għandhom ikopru b'mod simultanju dawn il-lingwi kollha. Artikolu 3 Dan ir-Regolament għandu jidħol fis-seħħ fil-tielet jum wara dak tal-pubblikazzjoni tiegħu fil-Ġurnal Uffiċjali ta' l-Unjoni Ewropea. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fit-23 ta' Frar 2004. Għall-Kunsill Il-President B. Cowen [1] Opinjoni mogħtija fi-18 ta' Novembru 2003 (għadha mhix ippubblikata fil-Ġurnal Uffiċjali). [2] Opinjoni mogħtija fit-18 ta' Lulju 2003. [3] Opinjoni mogħtija fid-29 ta' Lulju 2003 (ĠU C 224, tad-19.9.2003, p. 11). --------------------------------------------------