Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32001R1347

Ir-Regolament tal-Kunsill (KE) Nru 1347/2001 tat-28 ta’ Ġunju 2001 li jissupplimenta l-Anness mar-Regolament tal-Kummissjoni (KE) Nru 1107/96 dwar ir-reġistrazzjoni ta' l-indikazzjonijiet ġeografiċi u d-denominazzjonijiet ta' l-oriġini skond il-proċedura stabbilita fl-Artikolu 17 tar-Regolament tal-Kunsill (KEE) Nru 2081/92

ĠU L 182, 5.7.2001, p. 3–4 (ES, DA, DE, EL, EN, FR, IT, NL, PT, FI, SV)

⏵Dan id-dokument ġie ppubblikat f’edizzjoni(jiet) speċjali (CS, ET, LV, LT, HU, MT, PL, SK, SL, BG, RO, HR)

Legal status of the document In force

ELI: http://data.europa.eu/eli/reg/2001/1347/oj

Date of document:
28/06/2001
Date of effect:
05/07/2001; Dħul fis-seħħ Data tal-pubblikazzjoni Ara Art. 2
Date of end of validity:
No end date
Author:
Il-Kunsill tal-Unjoni Ewropea
Form:
Regolament
Treaty:
Trattat li jistabbilixxi l-Komunità Ewropea
Legal basis:
Proposal:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 31996R1107 Tlestija anness 05/07/2001
Affected by case:
Link

32001R1347



Official Journal L 182 , 05/07/2001 P. 0003 - 0004


Ir-Regolament tal-Kunsill (KE) Nru 1347/2001

tat-28 ta’ Ġunju 2001

li jissupplimenta l-Anness mar-Regolament tal-Kummissjoni (KE) Nru 1107/96 dwar ir-reġistrazzjoni ta' l-indikazzjonijiet ġeografiċi u d-denominazzjonijiet ta' l-oriġini skond il-proċedura stabbilita fl-Artikolu 17 tar-Regolament tal-Kunsill (KEE) Nru 2081/92

IL-KUNSILL TA' L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea,

Wara li kkunsidra l-proposta mill-Kummissjoni,

Wara li kkunsidra r-Regolament tal-Kunsill (KEE) Nru 2081/92 ta' l-14 ta' Lulju 1992 dwar il-protezzjoni ta’ l-indikazzjonijiet ġeografiċi u d-denominazzjonijiet ta’ l-oriġini għall-prodotti u l-oġġetti ta' l-ikel agrikoli [1], u b'mod partikolari l-Artikolu 17 (2) tiegħu,

Billi:

(1) Ġie mitlub tagħrif addizzjonali dwar isem innotifikat mill-Ġermanja skond l-Artikolu 17 tar-Regolament (KEE) Nru 2081/92 sabiex jiġi żgurat illi jħares l-Artikoli 2 u 4 ta' dan ir-Regolament. Dan it-tagħrif addizzjonali juri illi l-isem iħares l-Artikoli msemmija. Għandu għalhekk jiġi rreġistrat u miżjud fl-Anness mar-Regolament tal-Kummissjoni (KE) Nru 1107/96 [2].

(2) Wara n-notifka ta' l-applikazzjoni mill-awtoritajiet Ġermaniżi sabiex jirreġistraw l-isem "Bayerisches Bier" bħala indikazzjoni ġeografika protetta, l-awtoritajiet Olandiżi u Daniżi għarrfu lill-Kummissjoni bl-eżistenza ta' marki tal-fabbrika użati għall-birra u li jinkludu dan l-isem.

(3) It-tagħrif ipprovdut jikkonferma l-eżistenza ta' l-isem "Bavaria" bħala isem tal-fabbrika validu. Minħabba l-fatti u t-tagħrif disponibbli, madankollu ġie meqjus illi r-reġistrazzjoni ta' l-isem "Bayerisches Bier" x'aktarx li ma kienx jiżgwida lill-konsumatur dwar l-identità vera tal-prodott. B'konsegwenza ta' dan, l-indikazzjoni ġeografika "Bayerisches Bier" u l-marka tal-fabbrika "Bavaria" m'humiex fis-sitwazzjoni riferita fl-Artikolu 14(3) tar-Regolament (KEE) Nru 2081/92.

(4) L-użu ta' ċerti marki tal-fabbrika per eżempju, il-marka tal-fabbrika Olandiża "Bavaria" u l-marka tal-fabbrika Daniża "Høker Bajer", jistgħu jissoktaw minkejja r-reġistrazzjoni ta' l-indikazzjoni ġeografika "Bayerisches Bier" sakemm iwettqu l-kondizzjonijiet ipprovduti fl-Artikolu 14(2) tar-Regolament (KEE) Nru 2081/92.

(5) Skond l-Artikolu 3 tar-Regolament (KEE) Nru 2081/92, in-natura ġenerika ta' isem li tfixkel ir-reġistrazzjoni tiegħu għandha tiġi stmata rigward is-sitwazzjoni fil-Komunità kollha. F'dan il-każ partikolari, minkejja provi fis-sens illi t-termini "bajersk" u "bajer", traduzzjonijiet Daniżi ta' l-isem "Bayerisches", qegħdin isiru sinonimi mat-terminu "birra" u għalhekk isem komuni, in-natura ġenerika ta' l-isem "Bayerisches" jew it-traduzzjonijiet tiegħu f'ilsna u fi Stati Membri oħra ma ġietx murija.

(6) Il-Kumitat stabbilit skond l-Artikolu 15 tar-Regolament (KEE) Nru 2081/92 ma bagħatx opinjoni fit-terminu taż-żmien stabbilit mill-President tiegħu,

ADOTTA DAN IR-REGOLAMENT:

Artikolu 1

L-isem fl-Anness ma' dan ir-Regolament għandu jiġi miżjud fl-Anness mar-Regolament (KE) Nru 1107/96.

Artikolu 2

Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fil-Lussemburgu, fit-28 Ġunju 2001.

Għall-Kunsill

B. Rosengren

Il-President

[1] ĠU L 208, ta' l-24.7.1992, p. 1. Regolament kif l-aħħar emendat bir-Regolament tal-Kummissjoni (KE) Nru 2796/2000 (ĠU L 324, tal-21.12.2000, p. 26).

[2] ĠU L 148, tal-21.6.1996, p. 1. Regolament kif l-aħħar emendat bir-Regolament (KE) Nru 913/2001 (ĠU L 129, tal-11.5.2001, p. 8).

--------------------------------------------------

ANNESS

Il-Birra

IL-ĠERMANJA

Bayerisches Bier (IĠP)

--------------------------------------------------

Top