Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32001R0500

    Ir-Regolament tal-Kummissjoni (KE) Nru 500/2001 ta' l-14 ta' Marzu 2001 li tniżżel regoli dettaljati għall-applikazzjoni tar-Regolament tal-Kunsill (KEE) Nru 2847/93 dwar is-sorveljanza tal-qbid meħuda mid-dgħajjes tas-sajd tal-Komunità f'ibħra ta' pajjiżi terzi u fl-ibħra miftuħa

    ĠU L 73, 15.3.2001, p. 8–12 (ES, DA, DE, EL, EN, FR, IT, NL, PT, FI, SV)

    ⏵Dan id-dokument ġie ppubblikat f’edizzjoni(jiet) speċjali (CS, ET, LV, LT, HU, MT, PL, SK, SL, BG, RO, HR)

    Legal status of the document No longer in force, Date of end of validity: 19/11/2015; Imħassar b' 32015R1962

    ELI: http://data.europa.eu/eli/reg/2001/500/oj

    Date of document:
    14/03/2001
    Date of effect:
    22/03/2001; Dħul fis-seħħ Data tal-pubblikazzjoni + 7 Ara Art. 2
    Date of end of validity:
    19/11/2015; Imħassar b' 32015R1962
    Author:
    Il-Kummissjoni Ewropea
    Form:
    Regolament
    Treaty:
    Trattat li jistabbilixxi l-Komunità Ewropea
    Legal basis:
    Link
    Link
    Link
    Select all documents mentioning this document
    Modified by:
    Relation Act Comment Subdivision concerned From To
    Repealed by 32015R1962 20/11/2015
    Instruments cited:
    Link

    32001R0500

    Ir-Regolament tal-Kummissjoni (KE) Nru 500/2001 ta' l-14 ta' Marzu 2001 li tniżżel regoli dettaljati għall-applikazzjoni tar-Regolament tal-Kunsill (KEE) Nru 2847/93 dwar is-sorveljanza tal-qbid meħuda mid-dgħajjes tas-sajd tal-Komunità f'ibħra ta' pajjiżi terzi u fl-ibħra miftuħa

    Official Journal L 073 , 15/03/2001 P. 0008 - 0012
    CS.ES Chapter 04 Volume 05 P. 41 - 45
    ET.ES Chapter 04 Volume 05 P. 41 - 45
    HU.ES Chapter 04 Volume 05 P. 41 - 45
    LT.ES Chapter 04 Volume 05 P. 41 - 45
    LV.ES Chapter 04 Volume 05 P. 41 - 45
    MT.ES Chapter 04 Volume 05 P. 41 - 45
    PL.ES Chapter 04 Volume 05 P. 41 - 45
    SK.ES Chapter 04 Volume 05 P. 41 - 45
    SL.ES Chapter 04 Volume 05 P. 41 - 45


    Ir-Regolament tal-Kummissjoni (KE) Nru 500/2001

    ta' l-14 ta' Marzu 2001

    li tniżżel regoli dettaljati għall-applikazzjoni tar-Regolament tal-Kunsill (KEE) Nru 2847/93 dwar is-sorveljanza tal-qbid meħuda mid-dgħajjes tas-sajd tal-Komunità f'ibħra ta' pajjiżi terzi u fl-ibħra miftuħa

    IL-KUMMISSJONI TAL-KOMUNITAJIET EWROPEJ,

    Wara li kkunsidrat it-Trattat li jistabilixxi l-Komunità Ewropea,

    Wara li kkunsidraw ir-Regolament tal-Kunsill (KE) Nru 2847/93 tat-12 ta' Ottubru 1993 li jistabbilixxi sistema ta' kontroll applikabbli għall-politika tas-sajd komuni [1], kif l-aħħar emendat bir-Regolament (KE) Nru 2846/98 [2], u b'mod partikolari l-Artikolu 18(4) tiegħu,

    Billi:

    (1) L-Istati Membri hum meħtieġa, taħt l-Artikolu 18(1) tar-Regolament (KEE) Nru 2847/93, li javżaw lill-Kummissjoni bi trasmissjoni bil-kompjuter tal-kwantitajiet ta' kull stokk meħud mid-dgħajjes li jtajru l-bandiera tagħhom fl-ibħra suġġetti għas-sovranita' jew ġurisdizzjoni ta' pajjiżi terzi u fl-ibħra għoljin u ta' l-informazzjoni kollha riċevuta skond l-Artikolu 17(2) tiegħu.

    (2) Id-dettalji ta' l-informazzjoni li għandha titwassal, l-intervalli li bihom għandha titwassal u l-forma li għandha tintuża sabiex jintbagħtu r-rapporti in kwestjoni għandhom ikunu speċifikati.

    (3) Il-miżuri provvduti f'dan ir-Regolament huma bi qbil ma' l-opinjoni tal-Kumitat tat-Tmexxija tas-Sajd u l-Akwakultura,

    ADOTTAT DAN IR-REGOLAMENT:

    Artikolu 1

    1. Kull Stat Membru javża lill-Kummissjoni permezz ta' trasmissjoni bil-kompjuter, qabel l-aħħar ta' l-ewwel xahar ta' kull kwart tas-sena, bil-kwantitajiet ta' kull stokk li mhux suġġett għat-TACs jew il-kwoti meħuda mid-dgħajjes tas-sajd li jtajru l-bandiera tagħhom li joperaw f'ibħra suġġetti għas-sovranita' jew il-ġurisdizzjoni ta' pajjiżi terzi u mill-ibħra miftuħa u:

    - żbarkaw direttament fit-territorju tagħhom matul il-kwart tas-sena ta' qabel,

    - żbarkaw direttament f'pajjiżi terzi matul il-kwart tas-sena ta' qabel,

    - trasbordaw lil bastimenti ta' pajjiżi terzi matul il-kwart tas-sena ta' qabel.

    2. Kull Stat Membru javża lill-Kummissjoni permezz ta' trasmissjoni bil-kompjuter, qabel l-aħħar ta' l-ewwel xahar ta' kull kwart tas-sena, bil-kwantitajiet meħuda mill-bastimenti tas-sajd li jtajru l-bandiera ta' Stat Membru ieħor f'ibħra suġġetti għas-sovranita' jew il-ġurisdizzjoni ta' terzi pajjiżi u mill-ibħra miftuħa u tellgħu l-art fit-territorju tagħhom matul il-kwart tas-sena ta' qabel.

    3. Fejn Stat Membru jibgħat ir-rapporti tal-qbid imsemmija fil-paragrafi 1 u 2, jagħmel dan fil-forma murija fl-Anness.

    Artikolu 2

    Dan ir-Regolament għandu jidħol fis-seħħ fis-seba' jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussel, fl-14 ta' Marzu 2001.

    Għall-Kummissjoni

    Franz Fischler

    Membru tal-Kummissjoni

    [1] ĠU L 261, ta' l-20.10.1993, p. 1.

    [2] ĠU L 358, tal-31.12.1998, p. 5.

    --------------------------------------------------

    ANNESS

    I. RAPPORT E

    Ir-rapporti ta' kull kwart tas-sena tal-qbid li m'humiex suġġetti għat-TACs u l-kwoti meħuda mill-bastimenti tas-sajd tal-Komunità f'ibħra suġġetti għas-sovranita' jew il-ġurisdizzjoni ta' terzi pajjiżi u fuq l-ibħra miftuħa u tellgħu l-art u/jew trasbordaw, għajr il-qbid li żbarkaw f'territorju ta' Stat Membru ieħor

    Ir-rapporti ikun fihom ħames tipi ta' messaġġi, deskritti fil-punti A, B, Ċ, D u E. Il-messaġġi kollha huma obbligatorji, bl-eċċezzjoni ta' dak fil-punt D.

    Noti:

    - Kull qasam fil-messaġġ għandu jispiċċa bi ";" (punto e virgola).

    - Oqsma bin-numri li jirrappreżentaw kwantitajiet għandhom ikunu dritti mill-lemin u jkunu mifrudin bil-punt deċimali.

    - Fejn is-sistema tal-FIDES [1] addottata mid-DĠ tas-Sajd tal-Kummissjoni tintuża biex tintbagħat informazzjoni, forom alternattivi ta' preżentazzjoni jkunu permessi (bl-ebda bidla fil-kontenut).

    A. Tip ta' rapport. L-ewwel messaġġ fir-rapport

    Oġġett | Valur | Obbligatorju | Rimarki |

    Tikketta | TTL | Iva | Jidentifika l-messaġġ "tip tar-Rapport"; ikteb it-test - 5 spazji |

    Rapport | CR-RPT-E | Iva | Jidentifika t-tip tar-rapport'; ikteb it-test - 8 spazji |

    B. Identifikazzjoni ta' l-Istat Membru li qed jirrapporta. It-tieni messaġġ fir-rapport

    Oġġett | Valur | Obbligatorju | Rimarki |

    Tikketta | RMS | Iva | Jidentifika l-messaġġ "Identifikazzjoni ta' l-Istat Membru li qed jirraporta"; ikteb it-test - 5 spazji |

    L-Istat Membru | Ara Rimarki | Iva | Kodiċi ta' l-Istat Membru li qed jirrapporta (ISO 3-kodiċi alfa); ikteb it-test - 3 spazji |

    Ċ. Identifikazzjoni tal-perjodu. It-tielet messaġġ fir-rapport

    Oġġett | Valur | Obbligatorji | Rimarki |

    Tikketta | RPM | Iva | Jidentifika l-messaġġ "Identifikazzjoni tal-perjodu"; ikteb it-test - 5 spazji |

    Perjodu kopert | Ara r-rimarki | Iva | Fil-forma SSSSXXDDP speċifikata fi III hawn taħt; ikteb it-test - 9 spazji. Il-valur tal-posizzjoni P hija, normalment, "Q'" |

    D. Kummenti. Ir-raba' jew aktar messaġġ(i) fir-rapport, opzjonali

    Oġġet | Valur | Obbligatorji | Rimarki |

    Tikketta | <NOTA> | Iva | Jidentifika l-messaġġ ta' kummenti; ikteb it-test - 5 spazji |

    Kumment | Ara r-rimarki | Iva | Forma libera; ikteb it-test – 32 spazju, dritti fuq ix-xellug |

    E. Informazzjoni fuq il-qabda totali. Ir-raba' u/jew aktar messaġġ(i) fir-rapport

    Oġġett | Valur | Obbligatorji | Rimarki |

    Tikketta | <DAT> | Iva | Jidentifika messaġġ ta' "Informazzjoni tal-qabda"; - 5 spazji |

    L-ispeċi | Ara r-rimarki | Iva | FAO kodiċi ta' l-ispeċi; ikteb it-test - 3 spazji |

    Żona | Ara r-rimarki | Iva | Kodiċi ta' FAO għaż-żona jew s-sub-diviżjonijiet fejn saru l-qabdiet. L-iżgħar żona ta' statistika definit fil-konvenzjoni internazzjonali jew ftehim tas-sajd li jirregolaw il-post tal-qabda; ikteb it-test - 2 + 7 spazji kif speċifikat f'IV hawn taħt, dritti fuq ix-xellug |

    Pajjiż terz jew ibħra miftuħa | Ara r-rimarki | Iva | Kodiċi għal pajjiż terz li fl-ibħra tiegħu saru l-qabdiet, (ISO 3-kodiċi alfa) jew kodiċi "*IGħ" għall-ibħra miftuħa; ikteb it-test - 3 spazji |

    L-Istat Membru responsabbli mill-qabdiet | Ara r-rimarki | Iva | L-istess kodiċi bħal dak tal-Istat Membru li qed jirrapporta kodiċi msemmi fil-punt B (ISO 3-kodiċi alfa); ikteb it-test - 3 spazji |

    Identifikazzjoni tat-trasferiment | Ara r-rimarki | Iva | Kodiċi tal-pajjiż terz (ISO 3-kodiċi alfa)fejn sar l-iżbark jewKodiċi għall-Istat membru kif imsemmi fil-punt B (fil-każ li jiżbarkaw fit-territorju tiegħu) jew"*TB" (għat-trasbordi);ikteb t-test - 3 spazji |

    Kwantità | Ara r-rimarki | Iva | L-iżbarki/trasbordi totali mill-bastimenti li jtajru l-bandiera ta' l-Istat Membru li qed jirrapporta, f'tunnellati metriċi ta' live weight lejn l-eqreb post deċimali; ikteb veru - 10 spazji |

    II. RAPPORT F

    Ir-rapporti ta' kull kwart tas-sena tal-qabdiet li m'humiex suġġetti għat-TACs u l-kwoti meħuda mill-bastimenti tas-sajd tal-Komunità ta' Stati Membri oħra f'ibħra suġġetti għas-sovranita' jew il-ġurisdizzjoni ta' pajjiżi terzi u fuq l-ibħra miftuħa u li żbarkaw fit-territorju ta' l-Istat Membru li qed jirrapporta

    Ir-rapporti ikun fihom ħames tipi ta' messaġġi, deskritti fil-punti A, B, Ċ, D u E. Il-messaġġi kollha huma obbligatorji, bl-eċċezzjoni ta' dak fil-punt D.

    In-noti tar-rapport E, mogħtija f'I hawn fuq, japplikaw ukoll għar-rapport F.

    A. Tip ta' rapport. L-ewwel messaġġ fir-rapport

    Oġġett | Valur | Obbligatorju | Rimarki |

    Tikketta | <TTL> | Iva | Jidentifika l-messaġġ "tip tar-Rapport"; ikteb it-test - 5 spazji |

    Isem | CR-RPT-F | Iva | Jidentifika t-tip tar-rapport'; ikteb it-test - 8 spazji |

    B. Identifikazzjoni ta' l-Istat Membru li qed jirrapporta. It-tieni messaġġ fir-rapport

    Oġġett | Valur | Obbligatorju | Rimarki |

    Tikketta | <RMS> | Iva | Jidentifika l-messaġġ "Identifikazzjoni ta' l-Istat Membru li qed jirraporta"; ikteb it-test - 5 spazji |

    L-Istat Membru | Ara r-rimarki | Iva | Kodiċi ta' l-Istat Membru li qed jirrapporta (ISO 3-kodiċi alfa); ikteb it-test - 3 spazji |

    Ċ. Identifikazzjoni tal-perjodu. It-tielet messaġġ fir-rapport

    Oġġett | Valur | Obbligatorju | Rimarki |

    Tikketta | <RPM> | Iva | Jidentifika l-messaġġ "Identifikazzjoni tal-perjodu"; ikteb it-test - 5 spazji |

    Perjodu kopert | Ara r-rimarki | Iva | Fil-forma SSSSXXDDP speċifikata fi III hawn taħt; ikteb it-test - 9 spazji. Il-valur tal-posizzjoni P hija, normalment, "Q'" |

    D. Kummenti. Ir-raba' u aktar messaġġ(i) fir-rapport, opzjonali

    Oġġett | Valur | Obbligatorju | Rimarki |

    Tikketta | <NOTA> | Iva | Jidentifika l-messaġġ ta' kummenti; ikteb it-test - 5 spazji |

    Kumment | Ara r-rimarki | Iva | Forma libera; ikteb it-test – 32 spazju, dritti fuq ix-xellug |

    E. Informazzjoni fuq il-qabda totali. Ir-raba' u/jew aktar messaġġ(i) fir-rapport

    Oġġett | Valur | Obbligatorju | Rimarki |

    Tikketta | <DAT> | Iva | Jidentifika messaġġ ta' "l-informazzjoni tal-qabda"; ikteb it-test -5 Spazji |

    L-ispeċi | Ara r-rimarki | Iva | FAO kodiċi ta' l-ispeċi; ikteb it-test - 3 spazji |

    Żona | Ara r-rimarki | Iva | Kodiċi ta' FAO għaż-żona jew s-subdiviżjonijiet fejn saru l-qabdiet. L-iżgħar żona ta' statistika definita fil-konvenzjoni internazzjonali jew ftehim tas-sajd li jirregolaw il-post tal-qabda; ikteb it-test - 2 + 7 spazji kif speċifikat f'IV hawn taħt, dritti fuq ix-xellug |

    Pajjiż terz jew ibħra miftuħa | Ara r-rimarki | Iva | Kodiċi għal pajjiż terz li fl-ibħra tiegħu jkunu saru l-qabdiet, (ISO 3-kodiċi alfa) jew kodiċi "*IGħ" għall-ibħra miftuħa; ikteb it-test - 3 spazji |

    L-Istat Membru Responsabbli mill-qabdiet | Ara r-rimarki | Iva | Il-kodiċi tal-bandiera ta' l-Istat Membru responsabbli mill-qabdiet (ISO 3-kodiċi alfa); ikteb it-test - 3 spazji |

    Identifikazzjoni tat-trasferiment | Ara r-rimarki | Iva | Il-kodiċi ta' l-Istat Membru li qed jirrapporta msemmi fil-punt B, ikteb it-test - 3 spazji |

    Kwantità | Ara r-rimarki | Iva | L-iżbarki totali, f'tunnellati metriċi live weight lejn l-eqreb punt deċimali, fit-territorju ta' l-Istat Membru li qed jirrapporta, mill-bastimenti li jtajru l-bandiera ta' Stat Membru ieħor; ikteb veru - 10 spazji |

    III. IL-KODIĊI GĦALL-PERJODU KOPERT

    - SSSSXXDD hija d-data (SSSS – is-sena f'erba' figuri, XX – ix-xahar f'żewġ figuri u DD – il-ġurnata f'żewġ figuri) li jikkorrispondu għall-aħħar ġurnata tal-perjodu kopert.

    - P hija t-tip ta' perjodu kopert (ittra waħda):

    D — il-Ġurnata

    W — Ġimgħa (l-aħħar ġurnata tal-ġimgħa hija l-Ħadd).

    X — Xahar

    Q — Kwart tas-sena

    S — Semestru/Nofs sena

    S — Sena

    IV. KODIĊI TAŻ-ŻONI

    Il-kodiċi taż-żoni jridu jħarsu d-disposizzjonijiet li jinsabu fir-Regolament dwar is-sottomissjoni ta' l-istatistiċi tal-qabdiet nominali mis-sajd ta' l-Istati Membri

    1 Fil-grigal ta' l-Atlantiku (ir-Regolament tal-Kunsill (KEE) Nru 3880/91 (ĠU L 365, tal-31.12.1991, p. 1)).

    2 Fil-majjistral ta' l-Atlantiku (ir-Regolament tal-Kunsill (KEE) Nru 2018/93 (ĠU L 186, tat-28.7.1993, p. 1)).

    3 F'ċerti żoni barra dawk tat-tramuntana ta' l-Atlantiku (ir-Regolament tal-Kunsill (KE) Nru 2597/95 (ĠU L 270, tat-13.11.1995, p. 1)).

    - L-ewwel żewġ lokazzjonijet jikkorrispondu għall-postijiet statistiċi tas-sajd ta' l-FAO.

    - It-tieni seba' lokazzjonijiet jikkorrispondu għas-sub-diviżjonijiet statistiċi tas-sajd ta' l-FAO.

    [1] FIDES: Sistema ta' Skambju ta' Informazzjoni dwar is-Sajd; proġett li jiddefinixxi metodu komuni għall-iskambju elettroniku ta' informazzjoni bejn il-Kummissjoni u l-Istati Membri.

    --------------------------------------------------

    Top