(a)

Minkejja d-dispożizzjonijiet tal-Protokoll 1 ta’ dan il-Ftehim, u sakemm mhux previst mod ieħor f’dan il-Ftehim, it-termini ‘Stat Membru/i’ u ‘awtoritajiet kompetenti’ għandhom jinftiehmu li qed jinkludu, apparti t-tifsira tagħhom fid-Direttiva, l-Istati tal-EFTA u l-awtoritajiet kompetenti tagħhom, rispettivament.

(b)

Ir-referenzi għall-‘banek ċentrali tas-SEBĊ’ jew għall-‘banek ċentrali’ għandhom jinftiehmu li jinkludu, apparti t-tifsira tagħhom fid-Direttiva, il-banek ċentrali nazzjonali tal-Istati tal-EFTA.

(c)

Referenzi għal atti oħrajn fid-Direttiva japplikaw sal-punt u l-mod li dawk l-atti jiġu inkorporati f’dan il-Ftehim.

(d)

Referenzi fid-Direttiva għas-setgħat tal-ABE skont l-Artikolu 19 tar-Regolament (UE) Nru 1093/2010 tal-Parlament Ewropew u tal-Kunsill għandhom jinftiehmu bħala li jirreferu, fil-każijiet previsti fi u f’konformità mal-punt 31g ta’ dan l-Anness, għas-setgħat tal-Awtorità ta’ Sorveljanza tal-EFTA fir-rigward tal-Istati tal-EFTA.

(e)

Fl-Artikolu 2(5), għandhom jiddaħħlu l-punti li ġejjin:

(f)

Fl-Artikolu 6, jiddaħħal is-subparagrafu li ġej fil-punt (a):

‘L-awtoritajiet kompetenti tal-Istati tal-EFTA jikkoperaw b’fiduċja u rispett reċiproku sħiħ, b’mod partikolari meta jiżguraw il-fluss ta’ informazzjoni xierqa u affidabbli bejnhom u l-partijiet tas-SESF u mal-Awtorità ta’ Sorveljanza tal-EFTA. L-awtoritajiet kompetenti tal-Istati Membri tal-UE għandhom jikkoperaw mal-awtoritajiet kompetenti tal-Istati tal-EFTA bl-istess mod.’

(g)

L-Artikolu 47(3) ma għandux japplika fir-rigward tal-Istati tal-EFTA. Permezz ta’ ftehimiet konklużi ma’ pajjiż terz wieħed jew aktar, Stat tal-EFTA jista’ jaqbel li japplika d-dispożizzjonijiet li jagħtu lil fergħat ta’ istituzzjoni ta’ kreditu li jkollha l-uffiċċju prinċipali tagħha f’pajjiż terz trattament ugwali fit-territorju tal-Istat tal-EFTA.

Il-Partijiet Kontraenti għandhom jinfurmaw u jikkonsultaw ma’ xulxin qabel ma jiġu konklużi l-ftehimiet ma’ pajjiżi terzi abbażi tal-Artikolu 47(3) jew l-ewwel paragrafu ta’ dan il-punt, skont kif ikun il-każ.

Kull meta l-Unjoni Ewropea tinnegozja ma’ pajjiż terz wieħed jew aktar rigward il-konklużjoni ta’ ftehim abbażi tal-Artikolu 47(3), u dan il-ftehim ikollu l-għan li jinkiseb trattament nazzjonali jew aċċess effettiv għas-suq għall-fergħat tal-istituzzjonijiet ta’ kreditu li jkollhom l-uffiċċju prinċipali tagħhom fi Stat Membru tal-Unjoni Ewropea fil-pajjiżi terzi kkonċernati, l-Unjoni Ewropea għandha tagħmel ħilitha biex tikseb it-trattament indaqs għall-fergħat tal-istituzzjonijiet ta’ kreditu li jkollhom l-uffiċċju prinċipali tagħhom fi Stat tal-EFTA.

(h)

L-Artikolu 48 ma japplikax. Meta Stat tal-EFTA jikkonkludi ftehim ma’ pajjiż terz wieħed jew aktar rigward il-mezzi tal-eżerċizzju ta’ superviżjoni fuq bażi kkonsolidata fuq l-istituzzjonijiet li l-impriżi prinċipali tagħhom ikollhom l-uffiċċji prinċipali f’pajjiż terz u l-istituzzjonijiet li jinsabu f’pajjiżi terzi li l-impriżi prinċipali tagħhom, sew jekk ikunu istituzzjonijiet, kumpaniji azzjonarji finanzjarji jew kumpaniji azzjonarji finanzjarji mħallta, ikollhom l-uffiċċji prinċipali tagħhom f’dak l-Istat tal-EFTA, dak il-ftehim għandu jiżgura li l-ABE tkun tista’ tikseb mingħand l-awtorità kompetenti ta’ dak l-Istat tal-EFTA l-informazzjoni li tkun waslet mill-awtoritajiet nazzjonali ta’ pajjiżi terzi skont l-Artikolu 35 tar-Regolament (UE) Nru 1093/2010.

(i)

Fl-Artikolu 53(2), il-kliem ‘jew, skont il-każ, l-Awtorità ta’ Sorveljanza tal-EFTA’ għandu jiddaħħal qabel il-kliem ‘skont din id-Direttiva’.

(j)

Fl-Artikolu 58(1)(d), il-kliem ‘jew, skont il-każ, l-Awtorità ta’ Sorveljanza tal-EFTA’ għandu jiddaħħal wara l-kelma ‘l-AETS’.

(k)

Fl-Artikolu 89(5), il-kliem ‘atti leġiżlattivi futuri tal-Unjoni għal obbligi ta’ żvelar’ għandu jiġi ssostitwit bil-kliem ‘atti leġiżlattivi futuri applikabbli skont il-Ftehim ŻEE jkunu jinkludu obbligi ta’ żvelar li’.

(l)

Fl-Artikolu 114(1), fir-rigward tal-Liechtenstein, il-kliem ‘bank ċentrali tas-SEBĊ’ għandu jiġi sostitwit bil-kliem ‘l-awtorità kompetenti’.

(m)

Fit-tieni subparagrafu tal-Artikolu 117(1), il-kliem ‘jew l-Awtorità ta’ Sorveljanza tal-EFTA, skont kif ikun il-każ,’ għandu jiddaħħal wara l-kelma ‘ABE’.

(n)

Fl-Artikolu 133(14) u fl-Artikolu 133(15), il-kliem ‘jew, rigward l-lstati tal-EFTA, il-Kumitat Permanenti tal-Istati tal-EFTA’ għandu jiddaħħal wara l-kelma ‘Kummissjoni’.

(o)

Fl-Artikolu 151(1), fir-rigward tal-Istati tal-EFTA, il-kliem ‘deċiżjoni tal-Kumitat Konġunt taż-ŻEE li tinkludi’ għandu jiddaħħal wara l-kliem ‘konformità ma’.”

“14a.

Għall-finijiet ta’ dan il-Ftehim, id-dispożizzjonijiet tar-Regolament għandhom jinqraw bl-adattamenti li ġejjin:

(a)

jiżdied l-inċiż li ġej:

(b)

fl-adattament (zh), jiżdied dan li ġej:

“—

32013 L 0036: id-Direttiva 2013/36/UE tal-Parlament Ewropew u tal-Kunsill tas-26 ta’ Ġunju 2013 (ĠU L 176, 27.6.2013, p. 338), kif irrettifikata mill-ĠU L 208, 2.8.2013, p. 73 u mill-ĠU L 20, 25.1.2017, p. 1.”