1.1

Cuireann CESE i bhfios go láidir nach mór cur chun feidhme na hionstraime um ‘Ghníomhaíocht Slándála don Eoraip’ (ionstraim SAFE) a bheith bunaithe ar na prionsabail a chumhdaítear sa Chonradh ar an Aontas Eorpach, trínar cheart don Aontas Eorpach rannchuidiú freisin leis an tsíocháin, an tslándáil agus cosaint a shaoránach a chur chun cinn, chomh maith le prionsabail Chairt na Náisiún Aontaithe a urramú.

1.2

Cuireann CESE i dtábhacht gur cheart d’ionstraim SAFE rannchuidiú le hinfheistíocht a mhéadú i mbonn tionsclaíoch agus teicneolaíoch na cosanta Eorpaí agus le spleáchais a laghdú, chun saoirse gníomhaíochta agus slándáil soláthair na hEorpa sa réimse sin a threisiú.

1.3

Molann CESE do na Ballstáit an leas is fearr is féidir a bhaint go práinneach as ionstraim SAFE, agus sin a dhéanamh ar bhealach comhordaithe agus i gcomhréir lena staideanna airgeadais faoi seach, go háirithe ó tharla coinníollacha tarraingteacha maoiniúcháin agus éascuithe a bheith ag gabháil léi. De bhreis air sin, d’fhéadfadh infheistíochtaí faoi ionstraim SAFE (e.g. don tsoghluaisteacht mhíleata) rannchuidiú freisin le hiomaíochas agus le cuspóirí sibhialtacha a bhaint amach.

1.4

Cuireann CESE i bhfáth a thábhachtaí atá sé infheistíocht a dhíriú ar na príomhriachtanais chumais arna sainaithint ag na Ballstáit, laistigh de chreat an Aontais, agus an infheistíocht sin a dhíriú chuig bonn tionsclaíoch agus teicneolaíoch na cosanta Eorpaí.

1.5

Cuireann CESE i bhfios go láidir gur gá aghaidh a thabhairt ar riachtanais phráinneacha na mBallstát agus, ag an am céanna, ullmhacht cosanta an Aontais agus iomaíochas bhonn tionsclaíoch agus teicneolaíoch na cosanta Eorpaí a threisiú agus saoirse gníomhaíochta na mBallstát amach anseo a chosaint.

1.6

Tacaíonn CESE go láidir le prionsabal na tosaíochta Eorpaí a chur i bhfeidhm go docht agus ionstraim SAFE á cur chun feidhme (e.g. i gcás ró-shuibscríofa). Is prionsabal é sin lena mbaineann ceanglas gurb ón Aontas a thiocfadh leibhéal suntasach de na comhpháirteanna agus, i gcás táirgí casta (catagóir 2), go mbeadh sé in ann cinneadh a dhéanamh, gan srianta arna bhforchur ag tríú tíortha, maidir le sainiú, oiriúnú agus forbairt dhearadh na dtáirgí (prionsabal an ‘údaráis deartha’). Molann sé freisin, i gcás táirgí nach bhfuil chomh casta céanna (catagóir 1), agus a mhéid a bhaineann le saincheist an údaráis deartha, go gcuirfí dreasachtaí ar fáil chun táirgí a sholáthar a bhfuil an t-údarás sin san Eoraip ina leith.

1.7

Is oth le CESE nach n-áirítear diúracáin, cosaint an bhonneagair chriticiúil agus cibearchúrsaí mar tháirgí chatagóir 2, ar cheart an t-údarás deartha a bheith san Eoraip ina leith.

1.8

Cuireann CESE i bhfáth nach mór rannpháirtíocht in ionstraim SAFE a oscailt do na tíortha sin nach bhfuil san Aontas agus dá dtionscail faoi seach (lasmuigh den Úcráin agus de thíortha CSTE LEE) más comhpháirtithe iad atá ar aon intinn leis an Aontas agus a bhfuil ‘comhpháirtíocht slándála agus chosanta’ sínithe acu leis an Aontas agus do na tíortha sin amháin, agus nár cheart do rannpháirtíocht ó aon tionscail tríú tíortha an bonn a bhaint de phríomhchuspóir na hionstraime, i.e. bonn tionsclaíoch agus teicneolaíoch na cosanta Eorpaí a neartú agus spleáchais ar sholáthróirí neamh-Eorpacha a laghdú.

1.9

Is díol sásaimh do CESE cuimsiú na hIorua agus na hÚcráine araon agus a dtionscal faoi seach, i bprionsabal, i soláthairtí comhoibríocha faoi ionstraim SAFE. Is cúis áthais dó freisin síniú na Comhpháirtíochta Slándála agus Cosanta idir an tAontas agus an Ríocht Aontaithe, rud a cheadóidh don Ríocht Aontaithe a bheith páirteach i soláthar comhoibríoch faoi ionstraim SAFE.

1.10

Cuireann CESE i bhfios go láidir gur cheart d’ionstraim SAFE a bheith ina túsphointe chun acmhainní breise a chur ar fáil agus iarrann sé ar na Ballstáit gníomhú go práinneach i ndáil leis sin.

2.1.

2.2.

2.3.

2.4.

2.5.

2.6.

2.7.

2.8.

2.9.

2.10.

2.11.

2.12.

2.13.

2.14.

2.15.

2.16.

2.17.

2.18.

2.19.

2.20.

2.21.

2.22.

2.23.

2.24.

2.25.