1.   Úsáidfidh monaróirí feithiclí na huirlisí leictreonacha seo a leanas arna soláthar ag an gCoimisiún saor in aisce i bhfoirm bogearraí in-íoslódáilte inrite:

Coinneoidh an Coimisiún bail ar na huirlisí leictreonacha agus soláthróidh sé modhnuithe agus nuashonruithe ar na huirlisí sin.

2.   Maidir leis na huirlisí leictreonacha dá dtagraítear i mír 1, cuirfidh an Coimisiún ar fáil iad ar ardán leictreonach tiomnaithe dáilte a bheidh ar fáil go poiblí.

1.   Cuirfidh monaróirí feithiclí iarratas ar cheadúnas chun uirlis ionsamhlúcháin a oibriú chun measúnú a dhéanamh ar fheidhmíocht feithiclí nua maidir leis an tionchar atá acu ar astaíochtaí CO2 agus ídiú breosla faoi bhráid an údaráis formheasta.

2.   Maidir leis an iarratas ar cheadúnas chun an uirlis ionsamhlúcháin a oibriú a chuirfidh na monaróirí feithiclí faoi bhráid an údaráis formheasta, úsáidfear an teimpléad a leagtar amach in Iarscríbhinn II, Foscríbhinn 1.

Beidh an méid uile seo a leanas ag gabháil leis an iarratas ar cheadúnas chun uirlis ionsamhlúcháin a oibriú:

3.   Cuirfidh monaróirí feithiclí an t-iarratas ar cheadúnas chun an uirlis ionsamhlúcháin isteach ar a dhéanaí i dteannta leis an iarratas ar chineálcheadú nó ceadú aonair na feithicle lena mbaineann.

1.   Deonóidh an t-údarás formheasta an ceadúnas chun an uirlis ionsamhlúcháin a oibriú má chuireann an monaróir feithiclí lena mbaineann an t-iarratas isteach i gcomhréir le hAirteagal 5 agus má chruthaíonn sé gur cuireadh na próisis uile ar bun i gcomhréir leis na ceanglais a leagtar síos in Iarscríbhinn II, Pointe 1.

2.   Eiseofar an ceadúnas i bhfoirm an teimpléid a leagtar amach in Iarscríbhinn II, Foscríbhinn 2.

1.   Tabharfaidh monaróirí feithiclí fógra don údarás formheasta gan mhoill maidir le haon athrú a rinne na monaróirí sin ar na próisis a chuir siad ar bun chun measúnú a dhéanamh ar fheidhmíocht feithiclí nua i ndáil leis an tionchar atá ag na feithiclí nua sin ar astaíochtaí CO2 agus ídiú breosla agus go bhfuil siad cumhdaithe ag an gceadúnas chun an uirlis ionsamhlúcháin a oibriú, i gcás ina bhféadfadh athruithe den sórt sin difear a dhéanamh do chruinneas, d’iontaofacht nó do sheasmhacht na bpróiseas sin.

2.   Tar éis dó an fógra dá dtagraítear i mír 1 a fháil, cuirfidh an t-údarás formheasta an monaróir feithiclí lena mbaineann ar an eolas cé acu a chumhdaítear nó nach gcumhdaítear na próisis athraithe leis an gceadúnas a deonaíodh de bhun Airteagal 6.

3.   I gcás nach gcumhdaítear na hathruithe dá dtagraítear i mír 1 leis an gceadúnas chun an uirlis ionsamhlúcháin a oibriú, déanfaidh monaróirí feithiclí, laistigh de 1 mhí ó fháil na faisnéise dá dtagraítear i mír 2, iarratas ar cheadúnas nua i gcomhréir le hAirteagal 5. Tarraingeoidh an t-údarás formheasta an ceadúnas siar mura ndéanfaidh monaróir feithiclí iarratas ar cheadúnas nua, nó má dhiúltaítear an t-iarratas ar cheadúnas nua.

1.   Cinnfidh monaróirí feithiclí feidhmíocht na bhfeithiclí nua i ndáil leis an tionchar atá acu ar astaíochtaí CO2 agus ídiú breosla, feithiclí atá le díol, le clárú nó le cur i seirbhís san Aontas, ag úsáid an leagan is deireanaí den uirlis ionsamhlúcháin atá ar fáil.

2.   Taifeadfaidh monaróirí feithiclí torthaí an ionsamhlúcháin a dhéantar leis an uirlis ionsamhlúcháin i gcomhad taifead an mhonaróra.

Cé is moite de na cásanna dá dtagraítear in Airteagal 21(2), an dara fomhír, agus in Airteagal 23(3), toirmiscfear aon athrú ar chomhad taifead an mhonaróra.

3.   Cruthóidh monaróir feithiclí hais-chripteagrafaíocht de chomhad taifead an mhonaróra agus de chomhad faisnéise an chustaiméara ag úsáid na uirlise haiseála.

4.   Beidh comhad faisnéise an chustaiméara in éineacht le gach feithicil atá le clárú, le díol nó le cur i seirbhís.

Beidh inphrionta de hais chripteagrafach chomhad taifead an mhonaróra i ngach comhad taifead monaróra.

5.   Beidh deimhniú comhréireachta ag gabháil le gach feithicil atá le clárú, le díol nó le cur i seirbhís nó, i gcás feithiclí arna gceadú i gcomhréir le hAirteagal 44 nó Airteagal 45 de Rialachán (AE) 2018/858, deimhniú ar cheadú aonair, lena n-áirítear inphrionta de hais chripteagrafach chomhad taifead an mhonaróra agus chomhad faisnéise an chustaiméara.

6.   De mhaolú ar mhíreanna 1 go 5, féadfaidh monaróirí feithiclí atá ag déanamh iarratais le haghaidh ceaduithe aonair le haghaidh feithiclí atá mar chuid de ghrúpaí feithiclí lena mbaineann, ar a dhéanaí in éineacht leis an iarratas ar cheadú aonair, a iarraidh ar an údarás formheasta go ndéanfaidh seirbhís theicniúil ainmnithe an measúnú ar fheidhmíocht na bhfeithiclí sin i ndáil leis an tionchar atá acu ar astaíochtaí CO2 agus ídiú breosla. Beidh na sonraí ionchuir agus an fhaisnéis ionchuir dá dtagraítear sa teimpléad a leagtar amach in Iarscríbhinn III, Foscríbhinn 1 san iarratas sin. Cuirfidh an monaróir feithiclí sonraí ionchuir agus faisnéis ionchuir na gcomhpháirteanna a dheimhnítear i gcomhréir le hAirteagal 11(1) faoi bhráid na seirbhíse teicniúla ainmnithe i bhfoirm chomhaid XML.

7.   De mhaolú ar mhíreanna 1 go 5, féadfaidh monaróirí feithiclí, ag a bhfuil cineálcheadú agus táirgeadh bliantúil de níos lú ná 30 feithicil atá mar chuid de na grúpaí feithiclí lena mbaineann, a iarraidh ar sheirbhís theicniúil ainmnithe an t-ionsamhlúchán a dhéanamh don mheasúnú ar fheidhmíocht na bhfeithiclí sin i ndáil leis an tionchar atá acu ar astaíochtaí CO2 agus ídiú breosla. Beidh na sonraí ionchuir agus an fhaisnéis ionchuir dá dtagraítear sa teimpléad a leagtar amach in Iarscríbhinn III, Foscríbhinn 1 san iarratas le haghaidh gach feithicle. Cuirfidh an monaróir feithiclí sonraí ionchuir agus faisnéis ionchuir na gcomhpháirteanna a dheimhnítear i gcomhréir le hAirteagal 11(1) faoi bhráid na seirbhíse teicniúla ainmnithe i bhfoirm chomhaid XML.

8.   Chun críocha mhíreanna 6 agus 7, ainmneoidh na húdaráis formheasta seirbhís theicniúil chun an uirlis ionsamhlúcháin a oibriú agus chun comhad taifead an mhonaróra agus comhad faisnéise an chustaiméara a tharraingt suas.

1.   I gcás modhnuithe nó nuashonruithe ar an uirlis ionsamhlúcháin, cuirfidh na monaróirí feithiclí tús le húsáid na huirlise ionsamhlúcháin modhnaithe nó nuashonraithe tráth nach déanaí ná 3 mhí tar éis chur ar fáil na modhnuithe agus na nuashonruithe ar an ardán leictreonach tiomnaithe dáilte.

2.   Mura féidir measúnú a dhéanamh ar fheidhmíocht feithiclí nua i ndáil leis an tionchar atá acu ar astaíochtaí CO2 agus ídiú breosla mar gheall ar mhífheidhm na huirlise ionsamhlúcháin, tabharfaidh monaróirí feithiclí fógra don Choimisiún faoin méid sin trí bhíthin an ardáin leictreonaigh thiomnaithe dháilte gan mhoill.

3.   Mura féidir measúnú a dhéanamh ar fheidhmíocht feithiclí nua i ndáil leis an tionchar atá acu ar astaíochtaí CO2 agus ídiú breosla mar gheall ar mhífheidhm na huirlise ionsamhlúcháin, déanfaidh monaróirí feithiclí an t-ionsamhlúchán le haghaidh na bhfeithiclí sin tráth nach déanaí ná 7 lá féilire tar éis an dáta ar cuireadh na modhnuithe nó na nuashonruithe ar fáil ar an ardán leictreonach tiomnaithe dáilte. Cuirfear na hoibleagáidí a leagtar síos in Airteagal 8 ar fionraí le haghaidh na bhfeithiclí nach féidir cinneadh na feidhmíochta i ndáil leis an tionchar atá acu ar astaíochtaí CO2 agus ídiú breosla a dhéanamh dóibh, go dtí go bhfuil na modhnuithe nó na nuashonruithe ar fáil.

1.   Stórálfaidh monaróirí feithiclí nó, i gcás ina ndéanann seirbhís theicniúil an t-ionsamhlúchán, stórálfaidh na comhlachtaí freagracha arna n-ainmniú ag an mBallstát, comhad taifead an mhonaróra agus na deimhnithe maidir le hairíonna comhpháirteanna, córais agus aonaid theicniúla ar leithligh a bhaineann le hastaíochtaí CO2 agus ídiú breosla go ceann 10 mbliana tar éis tháirgeadh nó cheadú na feithicle, faoi seach.

2.   Arna iarraidh sin d’eintiteas údaraithe Ballstáit nó an Choimisiúin, cuirfidh monaróirí feithiclí nó na comhlachtaí freagracha dá dtagraítear i mír 1 comhad taifead an mhonaróra agus na deimhnithe maidir le hairíonna comhpháirteanna, córais agus aonaid theicniúla ar leithligh a bhaineann le hastaíochtaí CO2 agus ídiú breosla faoi bhráid an eintitis sin nó an Choimisiúin laistigh de 15 lá oibre.

3.   Arna iarraidh sin d’eintiteas údaraithe nó don Choimisiún, cuirfidh an t-údarás formheasta a dheonaigh an ceadúnas chun an uirlis ionsamhlúcháin a oibriú i gcomhréir le hAirteagal 6 nó a dheimhnigh airíonna comhpháirte, aonad agus córas teicniúil ar leithligh a bhaineann le hastaíochtaí CO2 agus ídiú breosla i gcomhréir le hAirteagal 17, an t-iarratas ar an gceadúnas chun an uirlis ionsamhlúcháin a oibriú dá dtagraítear in Airteagal 5(2) nó an t-iarratas ar an deimhniú maidir le hairíonna a bhaineann le hastaíochtaí CO2 agus ídiú breosla dá dtagraítear in Airteagal 16(2), faoi seach, faoi bhráid an eintitis sin nó an Choimisiúin laistigh de 15 lá oibre.

1.   Beidh sonraí maidir le hairíonna na gcomhpháirteanna, na n-aonad agus na gcóras teicniúil seo a leanas a bhaineann le hastaíochtaí CO2 agus ídiú breosla sna sonraí ionchuir le haghaidh na huirlise ionsamhlúcháin:

2.   Bunóidh monaróirí feithiclí airíonna feistí aeraidinimice a bhaineann le hastaíochtaí CO2 agus ídiú breosla ar na luachanna a chinntear, le haghaidh gach fine d’fheistí aeraidinimice, i gcomhréir le hAirteagal 13, agus deimhneofar na hairíonna sin i gcomhréir le hAirteagal 17. In éagmais cinneadh agus deimhniú den sórt sin, bunóidh monaróirí feithiclí airíonna feistí aeraidinimice a bhaineann le hastaíochtaí CO2 agus ídiú breosla ar na luachanna caighdeánacha a chinntear i gcomhréir le hAirteagal 12.

3.   Bunóidh monaróirí feithiclí airíonna bonn a bhaineann le hastaíochtaí CO2 agus ídiú breosla ar na luachanna deimhnithe nó na luachanna caighdeánacha a chinntear de bhun Airteagal 12 agus Airteagal 13 de Rialachán (AE) 2017/2400.

4.   I gcás ina mbíonn feithicil nua le clárú, le díol nó le cur i mbun seirbhíse le tacar iomlán de bhoinn sneachta agus tacar iomlán de ghnáthbhoinn, féadfaidh monaróirí feithiclí na boinn a roghnú a úsáidfear chun measúnú a dhéanamh ar fheidhmíocht na bhfeithiclí nua maidir leis an tionchar atá acu ar astaíochtaí CO2 agus ídiú breosla.

1.   Úsáidfidh monaróirí feistí aeraidinimice na geoiméadrachtaí cineálacha seo a leanas chun sonraí na feiste aeraidinimice a shonraítear in Iarscríbhinn V a chinneadh:

2.   Maidir leis na geoiméadrachtaí cineálacha dá dtagraítear i mír 1, cuirfidh an Coimisiún ar fáil iad i bhfoirm formáid chomhaid .igs, .step agus .stl a bheidh in-íoslódáilte ar ardán leictreonach tiomnaithe dáilte a bheidh ar fáil go poiblí.

1.   Beidh na luachanna deimhnithe a chinntear le haghaidh máthairfheiste aeraidinimice bailí le haghaidh gach ball d’fhine na feiste sin i gcomhréir leis na critéir fine a leagtar amach in Iarscríbhinn V, Foscríbhinn 4.

2.   Ní bheidh airíonna na máthairfheiste aeraidinimice a bhaineann le hastaíochtaí CO2 agus ídiú breosla níos fearr ná airíonna aon bhall den fhine chéanna d’fheistí aeraidinimice.

3.   Cuirfidh monaróirí feistí aeraidinimice fianaise, go léiríonn an mháthairfheiste aeraidinimice an fhine d’fheistí aeraidinimice ina n-iomláine, faoi bhráid an údaráis formheasta.

4.   Arna iarraidh sin do mhonaróir feiste aeraidinimice, agus faoi réir chomhaontú an údaráis formheasta, féadfar airíonna na feiste aeraidinimice, seachas an mháthairfheiste aeraidinimice, a bhaineann le hastaíochtaí CO2 agus ídiú breosla, a thabhairt le fios sa deimhniú ar an bhfine d’fheistí aeraidinimice.

Cinnfear airíonna na feiste aeraidinimice a bhaineann le hastaíochtaí CO2 agus ídiú breosla, dá dtagraítear sa chéad fhomhír, i gcomhréir le hIarscríbhinn V, Pointe 3.

5.   I gcás ina mbíonn airíonna feiste aeraidinimice a bhaineann le hastaíochtaí CO2 agus ídiú breosla, a chinntear i gcomhréir le mír 4, ina chúis le feidhmíocht níos measa na feithicle i ndáil lena hastaíochtaí CO2 agus ídiú breosla ná i gcás na máthairfheiste aeraidinimice, fágfaidh monaróirí feistí aeraidinimice lena mbaineann an fheiste aeraidinimice sin as an áireamh ón bhfine atá ann cheana féin nó déanfaidh siad iarratas chun an deimhniú de bhun Airteagal 18 a fhadú.

1.   Cuirfidh monaróirí feistí aeraidinimice an t-iarratas ar dheimhniú airíonna na bhfeistí sin nó a bhfinte a bhaineann le hastaíochtaí CO2 agus ídiú breosla faoi bhráid an údaráis formheasta.

2.   Beidh an t-iarratas ar dheimhniú dá dtagraítear i mír 1 i bhfoirm an teimpléid a leagtar amach in Iarscríbhinn V, Foscríbhinn 2.

Beidh an méid seo a leanas ag gabháil leis an iarratas sin:

3.   Ní dhéanfaidh athruithe ar an bhfeiste aeraidinimice a tharlaíonn tar éis an deimhniúcháin an deimhniú a neamhbhailíochtú, mura n-athraítear a saintréithe bunaidh nó paraiméadair theicniúla ar bhealach a dhéanann difear d’airíonna na feiste aeraidinimice lena mbaineann a bhaineann le hastaíochtaí CO2 agus ídiú breosla.

1.   Má chomhlíontar an ceanglas a leagtar síos in Airteagal 13, deimhneoidh údaráis formheasta na luachanna a bhaineann le hairíonna na fine d’fheistí aeraidinimice a bhaineann le hastaíochtaí CO2 agus ídiú breosla agus eiseoidh sé deimhniú i bhfoirm an teimpléid a leagtar amach in Iarscríbhinn V, Foscríbhinn 1.

2.   Sannfaidh údaráis formheasta uimhir deimhniúcháin i gcomhréir leis an gcóras uimhrithe a leagtar amach in Iarscríbhinn V, Foscríbhinn 3.

Ní shannfaidh údaráis formheasta an uimhir deimhniúcháin chéanna d’fhine eile d’fheistí aeraidinimice. Aitheantóir na tuarascála teicniúla a bheidh san uimhir deimhniúcháin.

3.   Cruthóidh údaráis formheasta hais-chripteagrafaíocht den chomhad le torthaí an ionsamhlúcháin ar ríomhaire dá dtagraítear in Airteagal 16(2), pointe (c), agus an uimhir deimhniúcháin trí bhíthin uirlis haiseála. Déanfar an haiseáil sin go díreach tar éis tháirgeadh thorthaí an ionsamhlúcháin ar ríomhaire. Déanfaidh údaráis formheasta an hais-chripteagrafaíocht a inphriontáil in éineacht leis an uimhir deimhniúcháin ar an deimhniú maidir le hairíonna a bhaineann le hastaíochtaí CO2 agus ídiú breosla.

1.   Arna iarraidh sin do mhonaróir feistí aeraidinimice, agus ar fhormheas an údaráis formheasta lena mbaineann, féadfar feiste aeraidinimice nua a chur san áireamh i bhfine d’fheistí aeraidinimice má chomhlíonann an fheiste sin na critéir a leagtar síos in Iarscríbhinn V, Foscríbhinn 4, agus sa chás sin, eiseoidh an t-údarás formheasta deimhniú leasaithe ar a mbeidh uimhir fadaithe.

Modhnóidh monaróirí na bhfeistí aeraidinimice lena mbaineann an doiciméad faisnéise dá dtagraítear in Airteagal 16(2) dá réir agus cuirfidh sé an doiciméad sin faoi bhráid an údaráis formheasta.

2.   I gcás ina mbíonn airíonna na feiste aeraidinimice a bhaineann le hastaíochtaí CO2 agus ídiú breosla dá dtagraítear i mír 1 níos measa ná i gcás na máthairfheiste aeraidinimice, an mháthairfheiste aeraidinimice nua a bheidh san fheiste aeraidinimice nua.

1.   Tabharfaidh monaróirí feistí aeraidinimice fógra don údarás formheasta maidir le haon athrú ar phróiseas dearaidh nó monaraíochta na bhfeistí aeraidinimice a tharlóidh tar éis an deimhniúcháin dá dtagraítear in Airteagal 17 agus a bhféadfadh éifeacht neamhdhiomaibhseach a bheith aige ar an bhfeidhmíocht i ndáil le hastaíochtaí CO2 agus ídiú breosla na feithicle atá feistithe leis na feistí sin.

2.   Tar éis dó an fógra dá dtagraítear i mír 1 a fháil, cuirfidh an t-údarás formheasta lena mbaineann an monaróir lena mbaineann ar an eolas cé acu a chumhdaítear nó nach gcumhdaítear na feistí aeraidinimice dá ndéanann na hathruithe difear leis an gceadúnas a deonaíodh, nó cé acu is gá ionsamhlúchán ar ríomhaire a dhéanamh i gcomhréir le hAirteagal 13 nó nach gá.

3.   I gcás nach gcumhdaítear feistí aeraidinimice, dá ndéanann na hathruithe difear, leis an deimhniú dá dtagraítear in Airteagal 17(1), déanfaidh an monaróir lena mbaineann iarratas ar dheimhniú nua nó ar fhadú an deimhniúcháin sin de bhun Airteagal 18(1) laistigh de 1 mhí ó fháil na faisnéise sin ón údarás formheasta.

I gcás nach ndéanann monaróirí feistí aeraidinimice iarratas ar dheimhniú nua nó ar leasú laistigh den sprioc-am sin, nó i gcás ina ndiúltaítear an t-iarratas, tarraingeoidh na húdaráis formheasta an deimhniú siar.

1.   Déanfaidh monaróirí feithiclí na bearta is gá chun a áirithiú gur oiriúnach i gcónaí chun na críche sin na próisis a bhunaítear chun measúnú a dhéanamh ar fheidhmíocht na feithicle i ndáil leis an tionchar atá aige ar astaíochtaí CO2 agus ídiú breosla mótarfheithiclí a chumhdaítear leis an gceadúnas a dheonaítear de bhun Airteagal 6 .

2.   Déanfaidh údaráis formheasta an measúnú dá dtagraítear in Iarscríbhinn II, Pointe 2 go bliantúil chun a fhíorú cé acu atá nó nach bhfuil na próisis a mbunaíonn monaróir feithiclí iad chun measúnú a dhéanamh ar fheidhmíocht na feithicle i ndáil leis an tionchar atá aici ar astaíochtaí CO2 agus ídiú breosla mótarfheithiclí leormhaith fós agus chun roghnú na faisnéise ionchuir agus na sonraí ionchuir agus athdhéanamh na n-ionsamhlúchán arna ndéanamh ag an monaróir feithiclí a fhíorú.

Féadfaidh údaráis formheasta measúnú a dhéanamh níos mó ná uair amháin sa bhliain, agus méid nach mó ná ceithre huaire sa bhliain, i gcás ina measann siad go bhfuil údar le measúnuithe den sórt sin.

1.   Maidir le húdaráis formheasta a shuíonn, de bhun Airteagal 20(2), nach bhfuil na próisis a bhunaíonn an monaróir feithiclí chun measúnú a dhéanamh ar fheidhmíocht na feithicle i ndáil leis an tionchar atá aige ar astaíochtaí CO2 agus ídiú breosla mótarfheithiclí i gcomhréir leis an gceadúnas nó go bhféadfaidh measúnú mícheart ar fheidhmíocht na feithicle a bheith ann, iarrfaidh na húdaráis formheasta sin ar an monaróir feithiclí plean de bhearta ceartaitheacha a chur isteach tráth nach déanaí ná 1 mhí tar éis dó an iarraidh a fháil ón údarás formheasta. Féadfaidh údaráis formheasta síneadh suas le 1 mhí a chur leis an tréimhse i gcás ina léiríonn an monaróir feithiclí go bhfuil gá le níos mó ama chun an plean de bhearta ceartaitheacha a chur isteach.

2.   Formheasfaidh nó diúltóidh na húdaráis formheasta an plean de bhearta ceartaitheacha dá dtagraítear i mír 1 laistigh de 1 mhí tar éis dóibh é a fháil. Tabharfaidh údaráis formheasta fógra don mhonaróir feithiclí lena mbaineann agus do gach Ballstát eile maidir lena gcinneadh.

Féadfaidh údaráis formheasta a éileamh ar mhonaróirí feithiclí comhad taifead nua an mhonaróra, comhad faisnéise nua an chustaiméara, deimhniú nua ar cheadú aonair agus deimhniú comhréireachta nua a eisiúint ar bhonn measúnú nua ar fheidhmíocht na feithicle i ndáil leis an tionchar atá aige ar astaíochtaí CO2 agus ídiú breosla a léiríonn na hathruithe arna gcur chun feidhme i gcomhréir leis an bplean formheasta de bhearta ceartaitheacha dá dtagraítear i mír 1.

3.   Beidh an monaróir feithiclí freagrach as forfheidhmiú an phlean fhormheasta de bhearta ceartaitheacha dá dtagraítear i mír 1.

4.   I gcás ina ndiúltaíonn an t-údarás formheasta an plean de bhearta ceartaitheacha dá dtagraítear i mír 1, nó i gcás ina bhfuil sé suite ag an údarás formheasta nach gcuirtear na bearta ceartaitheacha i bhfeidhm i gceart, déanfaidh an t-údarás formheasta na bearta is gá chun comhréireacht oibriú na huirlise ionsamhlúcháin a áirithiú nó tarraingeoidh sé an ceadúnas siar.

1.   Maidir le húdaráis formheasta a shuíonn, de bhun Airteagail 20 agus 21, nach leormhaith iad na bearta arna ndéanamh ag an monaróir chun comhlíontacht na bhfeistí aeraidinimice a áirithiú, dá dtagraítear in Airteagal 11(1), pointe (a) agus a dheimhnítear i gcomhréir le hAirteagal 17, iarrfaidh na húdaráis sin ar mhonaróir na bhfeistí aeraidinimice sin plean de bhearta ceartaitheacha a chur isteach tráth nach déanaí ná 1 mhí tar éis dóibh an iarraidh a fháil ón monaróir sin. Féadfaidh údaráis formheasta síneadh suas le 1 mhí a chur leis an tréimhse sin i gcás ina léiríonn monaróir na bhfeistí aeraidinimice sin go bhfuil gá le níos mó ama chun an plean de bhearta ceartaitheacha a chur isteach.

2.   Beidh feidhm ag an bplean de bhearta ceartaitheacha maidir leis na feistí aeraidinimice go léir, nó maidir lena bhfinte faoi seach más infheidhme, a d’aithin an t-údarás formheasta ina iarraidh.

3.   Formheasfaidh nó diúltóidh na húdaráis formheasta an plean de bhearta ceartaitheacha laistigh de 1 mhí tar éis dóibh é a fháil. Tabharfaidh údaráis formheasta fógra do mhonaróir na bhfeistí aeraidinimice agus do gach Ballstát eile maidir lena gcinneadh chun an plean de bhearta ceartaitheacha a fhormheas nó a dhiúltú.

Féadfaidh údaráis formheasta a éileamh ar mhonaróirí feithiclí a d’fheistigh na feistí aeraidinimice lena mbaineann ina bhfeithiclí comhad taifead nua an mhonaróra, comhad faisnéise nua an chustaiméara, deimhniú nua ar cheadú aonair feithicle agus deimhniú comhréireachta nua a eisiúint ar bhonn airíonna na bhfeistí aeraidinimice sin a bhaineann le hastaíochtaí CO2 agus ídiú breosla a fuarthas trí bhíthin na bearta dá dtagraítear in Airteagal 22.

4.   Beidh monaróirí na bhfeistí aeraidinimice lena mbaineann freagrach as forfheidhmiú an phlean fhormheasta de bhearta ceartaitheacha.

5.   Coimeádfaidh monaróirí na bhfeistí aeraidinimice taifead ar gach feiste aeraidinimice a dhéanfar a aisghairm agus a dheisiú nó a mhodhnú agus ar an gceardlann a rinne an deisiú. Beidh rochtain ag údaráis formheasta ar na taifid sin ar iarratas le linn fhorfheidhmiú an phlean de bhearta ceartaitheacha agus go ceann tréimhse 5 bliana tar éis don phlean a bheith forfheidhmithe go hiomlán.

6.   Maidir le húdarás formheasta a dhiúltaíonn an plean de bhearta ceartaitheacha nó a shuíonn nach gcuirtear bearta ceartaitheacha i bhfeidhm i gceart, déanfaidh sé na bearta is gá chun comhréireacht airíonna fhine na bhfeistí aeraidinimice lena mbaineann a bhaineann le hastaíochtaí CO2 agus ídiú breosla a áirithiú, nó tarraingeoidh sé siar an deimhniú i ndáil le hairíonna a bhaineann le hastaíochtaí CO2 agus ídiú breosla.