This document is an excerpt from the EUR-Lex website
Le cúnamh réamhaontachais cabhraítear le tíortha is iarrthóirí agus le tíortha is iarrthóirí ionchasacha ar bhallraíocht an Aontais Eorpaigh (AE) na coinníollacha aontachais (critéir Chóbanhávan) a shásamh. Ní mór infheistíocht shuntasach a dhéanamh chun a chur ar chumas na dtíortha sin a n–institiúidí agus a gcaighdeáin a chur faoi réir acquis AE agus a n–oibleagáidí mar bhallstáit a chomhlíonadh.
Príomhghné de straitéis aontachais AE is ea an cúnamh airgeadais réamhaontachais agus soláthraítear é tríd an Ionstraim um Chúnamh Réamhaontachais (IPA).
Le haghaidh na tréimhse 2021-2027, tá clúdach sealadach airgeadais comhaontaithe de €14.162 billiún leis an IPA (i bpraghsanna reatha) — atá le dearbhú (clúdaíodh in IPA II an tréimhse 2014-2020 agus clúdaíodh in IPA I an tréimhse 2007-2013). Is iad seo a leanas a thairbhithe: An Albáin, an Bhoisnia agus an Heirseagaivéin, an Chosaiv*, an Mhacadóin Thuaidh, Montainéagró, an tSeirbia agus an Tuirc.
Tá cúnamh faoi IPA III bunaithe ar an dréachtchreat clársceidealaithe, doiciméad straitéiseach an Choimisiúin Eorpaigh maidir le húsáid chistí an Aontais Eorpaigh a chuidíonn le tairbhithe an IPA III.
* Tá an t–ainmniú seo gan dochar do sheasaimh maidir le stádas, agus tá sé i gcomhréir le UNSCR 1244/1999 agus Tuairim CBI faoi Dhearbhú Neamhspleáchais na Cosaive.