Choose the experimental features you want to try

This document is an excerpt from the EUR-Lex website

Beartas AE um Méadú

Pléann beartas AE um méadú le tíortha ar mian leo a bheith ina mbaill den AE faoi láthair. Tá sé mar aidhm aige crios síochána, cobhsaíochta agus rathúnais an AE a leathnú, agus buntáistí polaitiúla, eacnamaíocha agus sóisialta a sholáthar do na tíortha seo agus don AE araon. Is é Airteagal 49 den Chonradh ar an Aontas Eorpach bunús an phróisis méadaithe.

I ndiaidh na sé chomhalta bhunaitheacha – an Bheilg, an Ghearmáin, an Fhrainc, an Iodáil, Lucsamburg agus an Ísiltír – tá 22 thír eile tar éis dul isteach san AE:

  • 1973: An Danmhairg, Éire agus an Ríocht Aontaithe (1);
  • 1981: An Ghréig;
  • 1986: An Spáinn agus an Phortaingéil;
  • 1995: An Ostair, an Fhionlainn agus an tSualainn;
  • 2004: An tSeicia, an Eastóin, an Chipir, an Laitvia, an Liotuáin, an Ungáir, Málta, an Pholainn, an tSlóivéin agus an tSlóvaic;
  • 2007: An Bhulgáir agus an Rómáin;
  • 2013: An Chróit.

Tá stádas mar thíortha is iarrthóirí ag an Albáin, ag an mBoisnia agus an Heirseagaivéin, ag an tSeoirsia, ag an Moldóiv, ag an Macadóin Thuaidh, ag Montainéagró, ag an tSeirbia agus ag an Tuirc agus ag an Úcráin.

Tosaíodh caibidlíocht aontachais leis an Íoslainn in Iúil 2010 agus chuir rialtas na hÍoslainne ar athlá í ansin i mí Bealtaine 2013. I mí an Mhárta 2015, d’iarr an Íoslainn nach mbreithneofaí í mar tír is iarrthóir ar bhallraíocht in AE a thuilleadh. Reáchtálfaidh an Íoslainn reifreann an chun cinneadh a dhéanamh maidir le caibidlíocht aontachais leis an AE a atosú.

Is tír is iarrthóir fhéideartha í an Chosaiv*.

FÉACH FREISIN

(1) Tharraing an Ríocht Aontaithe siar as an Aontas Eorpach agus rinneadh tír neamh-AE di ón ar aghaidh.

* Tá an t-ainmniú seo gan dochar do sheasaimh maidir le stádas, agus tá sé i gcomhréir le UNSCR 1244/1999 agus Tuairim CBI faoi dhearbhú neamhspleáchais na Cosaive.

Top