ANNESS

1.   INTRODUZZJONI

1.1.   Ambitu tekniku

Din it-TSI tikkonċerna s-subsistema tal-Kontroll u Kmand u Sinjalazzjoni u parti mis-subsistema tal-manutenzjoni tas-sistema ferrovjarja trans-Ewropea ta’ veloċità għolja. Dawn huma inklużi fil-lista tal-Anness II(1) tad-Direttiva 96/48/KE.

Iktar informazzjoni dwar is-Subsistema tal-Kontroll u Kmand hija pprovduta fil-Kapitolu 2 (Definizzjoni u Ambitu tas-Subsistema).

1.2.   Ambitu ġeografiku

L-ambitu ġeografiku ta’ din it-TSI hija s-sistema ferrovjarja trans-Ewropea ta’ veloċità għolja kif deskritta fl-Anness I tad-Direttiva 96/48/KE.

1.3.   Kontenut ta’ din it-TSI

Skont l-Artikolu 5(3) tad-Direttiva 96/48/KE, din it-TSI:

(a)	tindika l-ambitu maħsub tagħha (parti min-netwerk jew vetturi ferrovjarji msemmija fl-Anness I tad-Direttiva; subsistema jew parti mis-subsistema msemmija fl-Anness II tad-Direttiva) — Kapitolu 2 (Definizzjoni u Ambitu tas-Subsistema);

(b)	tistabbilixxi l-ħtiġijiet essenzjali għas-Subsistema ta’ Kontroll u Kmand ikkonċernata u l-interfejsis tagħha meta mqabbla ma’ subsistemi oħra — Kapitolu 3 (Il-Ħtiġijiet Essenzjali tas-Subsistema ta’ Kontroll u Kmand);

(c)

tistabbilixxi l-ispeċifikazzjonijiet funzjonali u tekniċi li għandhom jitwettqu mis-subsistema u l-interfejsis tagħha meta mqabbla ma’ subsistemi oħra. Jekk ikun meħtieġ, dawk l-ispeċifikazzjonijiet jistgħu jvarjaw skont l-użu tas-subsistema, pereżempju skont il-kategoriji tal-linji, hubs u/jew vetturi ferrovjarji provduti fl-Anness I tad-Direttiva — Kapitolu 4 (Karatterizzazzjoni tas-Subsistema);

(d)	tiddetermina l-kostitwenti tal-interoperabbiltà u l-interfejsis koperti minn speċifikazzjonijiet Ewropej, inkluż standards Ewropej, li huma meħtieġa biex jiksbu interoperabbiltà fis-sistema ferrovjarja trans-Ewropea ta’ veloċità għolja — Kapitolu 5 (Kostitwenti tal-Interoperabbiltà);

(e)

tiddikjara, f’kull każ ikkunsidrat, il-proċeduri għall-evalwazzjoni tal-konformità jew l-adegwatezza għall-użu. Dan jinkludi b’mod partikolari l-moduli definiti fid-Deċiżjoni 93/465/KEE jew, fejn adatt, il-proċeduri speċifiċi li għandhom jintużaw għall-evalwazzjoni tal-konformità jew tal-adegwatezza għall-użu tal-kostitwenti tal-interoperabbiltà u verifika tas-subsistemi tal-“KE” — Kapitolu 6 (Evalwazzjoni tal-Konformità u/jew Adegwatezza għall-Użu tal-Kostitwenti u l-Verifika tas-Subsistema);

(f)

tindika l-istrateġija għall-implimentazzjoni tat-TSI. B’mod partikolari, huwa meħtieġ li jkunu speċifikati l-istadji li għandhom jitwettqu sabiex issir tranżizzjoni gradwali mis-sitwazzjoni eżistenti għas-sitwazzjoni finali li fiha l-konformità tat-TSIs għandha tkun in-norma – Kapitolu 7 (Implimentazzjoni tal-Kontroll u Kmand tat-TSI);

(g)	tindika, għall-persunal ikkonċernat, il-kwalifiki professjonali u l-kundizzjonijiet tas-saħħa u s-sigurtà fuq il-post tax-xogħol meħtieġa għat-tħaddim u l-manutenzjoni tas-subsistema kkonċernata, kif ukoll għall-implimentazzjoni tat-TSI — Kapitolu 4 (Karatterizzazzjoni tas-Subsistema).

Barra minn hekk, tista’ ssir dispożizzjoni għall-każijiet speċifiċi għal kull TSI; dawn huma indikati fil-Kapitolu 7 (Implimentazzjoni tal-Kontroll u Kmand tat-TSI).

Fl-aħħar nett, din it-TSI tinkludi wkoll, fil-Kapitolu 4 (Karatterizzazzjoni tas-Subsistema), ir-regoli tal-operazzjoni u l–manutenzjoni speċifiċi għall-ambitu indikat fit-Taqsimiet 1.1 (Ambitu tekniku) u t-Taqsima 1.2 (Ambitu ġeografiku).

2.   DEFINIZZJONI U AMBITU TAS-SUBSISTEMA

2.1.   Ġenerali

Is-Subsistema tal-Kontroll u Kmand hija definita bħala dak is-sett ta’ funzjonijiet u l-implimentazzjoni tagħhom, li jippermetti l-moviment sigur tal-ferroviji.

It-TSI tal-Kontroll u Kmand tiddefinixxi l-ħtiġijiet essenzjali għal dawk il-partijiet tas-Subsistema tal-Kontroll u Kmand li għandhom rilevanza għall-interoperabbiltà, u għalhekk huma suġġetti għad-dikjarazzjoni ta’ verifika tal-KE.

Il-karatteristiċi tas-Subsistema tal-Kontroll u Kmand li huma relatati mal-interoperabbiltà tas-sistema ferrovjarja trans-Ewropea b’veloċità għolja huma determinati minn:

1.	Il-FUNZJONIJIET li huma essenzjali għall-kontroll sigur tat-traffiku ferrovjarju, u li huma essenzjali għat-tħaddim, inklużi dawk meħtieġa taħt moduli degradati (1).

2.	L-INTERFEJSIS.

3.	Il-livell tal-PRESTAZZJONI meħtieġa biex jitlaħqu l-ħtiġijiet essenzjali.

L-ispeċifikazzjoni ta’ dawn il-funzjonijiet, interfejsis u ħtiġijiet ta’ prestazzjoni huma pprovduti fil-Kapitolu 4 (Karatterizzazzjoni tas-Subsistema) fejn hemm referenza għal standards ta’ sostenn.

2.2.   Ħarsa ġenerali

L-interoperabbiltà tan-netwerk ferrovjarju trans-Ewropew ta’ veloċità għolja tiddependi parzjalment fuq il-ħila tat-tagħmir tal-Kontroll u Kmand li jintuża abbord li jaħdem ma’ tagħmir differenti maġenb il-binarji.

Minħabba l-mobbiltà tal-parti abbord, is-Subsistema tal-Kontroll u Kmand hija maqsuma f’żewġ partijiet: Armar Abbord u Armar Maġenb il-Binarji (ara l-Anness D).

2.2.1.   Interoperabbiltà

Din it-TSI tiddefinixxi l-funzjonijiet, l-interfejsis u l-ħtiġijiet tal-prestazzjoni biex jiżguraw il-kisba tal-interoperabbiltà teknika. L-interoperabbiltà teknika hija pre-rekwiżit għall-interoperabbiltà operattiva, li fih is-sewqan huwa bbażat fuq informazzjoni konsistenti murija fil-kabini u tikkonforma mal-ħtiġijiet operattivi unifikati definiti għan-netwerk trans-Ewropew ta’ veloċità għolja. Din it-TSI tinkludi wkoll funzjonijiet li huma meħtieġa biex tinkiseb l-interoperabbiltà operattiva (ara t-Taqsima 4.3.1 Interfejs għas-Subsistema tal-Operazzjoni u l-Maniġment tat-Traffiku).

2.2.2.   Klassijiet tas-Sistemi tal-Kontroll u Kmand

Fis-Subsistema tal-Kontroll u Kmand żewġ klassijiet ta’ sistemi ta’ protezzjoni tal-ferroviji, komunikazzjoni bir-radju, HABD u s-sistemi ta’ lokalizzazzjoni tal-ferroviji huma definiti:

Klassi A	:	Is-sistema unifikata tal-Kontroll u Kmand.
Klassi B	:	Sistemi u applikazzjonijiet tal-Kontroll u Kmand eżistenti qabel id-dħul fis-seħħ tad-Direttiva 96/48/KE, limitati għal dawk deskritti fl-Anness B.

Sabiex tinkiseb l-Interoperabbiltà, l-Armar Abbord tal-Kontroll u Kmand tal-ferroviji għandha tipprovdi:

—	l-interfejsis tal-komunikazzjoni bir-radju u tal-informazzjoni tal-Klassi A lill-infrastruttura, f’każ ta’ operazzjoni ma’ infrastruttura tal-Klassi A,

—

l-interfejsis tal-komunikazzjoni bir-radju u tal-informazzjoni tal-Klassi B lill-infrastruttura, f’każ ta’ operazzjoni ma’ infrastruttura tal-Klassi B. Għall-informazzjoni ta’ sinjalazzjoni, dan jista’ jinkiseb permezz tal-użu ta’ Modulu Speċifiku ta’ Trażmissjoni (Specific Transmission Module, STM) li jippermetti li Sistema abbord il-Klassi A topera fuq il-linji mgħammra b’sistema Maġenb tal-Binarji tal-Klassi B li tuża informazzjoni tal-Klassi B. L-interfejs bejn is-sistema Abbord il-Klassi A u dik tal-STM hija definita f’din it-TSI.

L-Istati Membri huma responsabbli biex jiżguraw li s-sistemi tal-Klassi B jkunu amministrati matul il-perjodu tal-utilità tagħhom; b’mod partikolari kwalunkwe tibdil f’dawn l-ispeċifikazzjonijiet ma għandux jaffettwa l-interoperabbiltà.

2.2.3.   Livelli ta’ Applikazzjoni (ERTMS/ETCS)

L-interfejsis speċifikati minn din it-TSI jiddefinixxu l-mezzi tat-trażmissjoni tal-informazzjoni lejn, u xi kultant minn, il-ferroviji. L-ispeċifikazzjonijiet tal-Klassi A msemmija mit-TSI jipprovdu l-alternattivi li minnhom proġett jista’ jagħżel il-mezzi tat-trażmizzjoni li jissodisfaw il-ħtiġijiet tiegħu. Tliet livelli ta’ applikazzjoni huma definiti:

Livell 1	:	It-trażmissjoni tad-dejta tinkiseb permezz ta’ spot transmission (Eurobalise) u f’xi każijiet permezz ta’ trażmissjoni semi-kontinwa (Euroloop jew radio infill). Il-lokalizzazzjoni tal-ferroviji tinkiseb permezz ta’ tagħmir ibbażat fuq il-binarji, ġeneralment ċirkwiti tal-binarji jew kalkolaturi tad-dawrien tal-fusien. L-informazzjoni tas-sinjalazzjoni hija kkomunikata lix-xufier permezz ta’ tagħmir fil-kabina tas-sewqan u, alternattivament, sinjali maġenb il-binarji.
Livell 2	:	It-trażmissjoni tad-dejta tinkiseb permezz ta’ trażmissjoni kontinwa bir-radju (GSM-R). Għal xi funzjonijiet, it-trażmissjoni bir-radju teħtieġ li tkun kumplimentata minn spot transmission (Eurobalise). Il-lokalizzazzjoni tal-ferroviji tinkiseb permezz ta’ tagħmir ibbażat fuq il-binarji, ġeneralment ċirkwiti tal-binarji jew kalkolaturi tad-dawrien tal-fusien. L-informazzjoni tas-sinjalazzjoni hija kkomunikata lix-xufier permezz ta’ tagħmir fil-kabina tas-sewqan u, alternattivmanet, sinjali maġenb il-binarji.
Livell 3	:	It-trażmissjoni tad-dejta tinkiseb permezz ta’ trażmissjoni kontinwa bir-radju (GSM-R). Għal xi funzjonijiet, it-trażmissjoni bir-radju teħtieġ li tkun kumplimentata minn spot transmission (Eurobalise). Il-lokalizzazzjoni tal-ferroviji tinkiseb permezz ta’ tagħmir abbord, li jirrapporta lill-Armar Maġenb il-Binarji tal-Kontroll u Kmand. L-informazzjoni tas-sinjalazzjoni hija kkomunikata lix-xufier permezz ta’ tagħmir fil-kabina tas-sewqan.

Il-ħtiġijet ta’ din it-TSI japplikaw għal-livelli kollha ta’ applikazzjoni. L-implimentazzjoni hija indirizzata fil-Kapitolu 7 (Implimentazzjoni tat-TSI tal-Kontroll u Kmand). Ferrovija mgħammra b’sistema Abbord il-Klassi A għal livell partikolari ta’ applikazzjoni għandha tkun tista’ topera fuq dak il-livell u kwalunkwe livell iktar baxx minnu.

2.2.4.   Il-Konfini tan-Netwerk tal-Infrastruttura

L-interfejsis tekniċi lokali bejn l-Armar Maġenb il-Binarji tal-Kontroll u Kmand tal-infrastrutturi fil-viċinat ma għandhomx jostakolaw it-tranżitu mingħajr interruzzjoni tal-ferroviji meta jaqsmu l-konfini bejniethom.

Kwalunkwe ferrovija ta’ veloċità għolja jew konvenzjonali mgħammra b’sistema Abbord il-Klassi A skont it-TSI korrispondenti ma għandhiex, għal raġunijiet li jikkonċernaw waħda miż-żewġ TSIs, tkun limitata biex topera fuq kwalunkwe rotta trans-Ewropea ta’ veloċità għolja jew konvenzjonali bl-infrastruttura mgħammra b’sistema Maġenb il-Binarji tal-Klassi A skont it-TSI korrispondenti, immedjatament meta r-reġistru tal-Vetturi Ferrovjarji ta’ dik il-ferrovija u r-reġistru tal-Infrastruttura ta’ dik ir-rotta kienu verifikati għall-interoperabbiltà.

3.   IL-ĦTIĠIJIET ESSENZJALI TAS-SUBSISTEMA TAL-KONTROLL U KMAND

3.1.   Ġenerali

Id-Direttiva tal-Interoperabbiltà 96/48/KE l-Artikolu 4(1) teħtieġ li s-sistema ferrovjarja trans-Ewropea ta’ veloċità għolja, Subsistemi u l-Kostitwenti tal-Interoperabbiltà inklużi l-interfejsis jissodisfaw il-Ħtiġijiet Essenzjali stabbiliti fit-termini ġenerali tal-Anness III tad-Direttiva. Il-Ħtiġijiet Essenzjali huma:

—	Is-Sigurtà.

—	Il-Kredibbiltà u d-Disponibbiltà.

—

Is-Saħħa.

—	Il-Protezzjoni Ambjentali.

—	Il-Kompatibbiltà Teknika.

Id-Direttiva tippermetti li l-Ħtiġijiet Essenzjali jistgħu jkunu applikati lis-sistema ferrovjarja kollha trans-Ewropea ta’ veloċità għolja jew ikunu speċifiċi għal kull Subsistema u l-kostitwenti tal-interoperabbiltà tagħha.

Il-Ħtiġijiet Essenzjali huma kkunsidrati wieħed wieħed, hawn taħt. Il-ħtiġijiet fuq sistemi tal-Klassi B jaqgħu taħt ir-responsabbiltà tal-Istat Membru rilevanti.

3.2.   Aspetti Speċifiċi għas-Subsistema tal-Kontroll u Kmand

3.2.1.   Sigurtà

Kull proġett li tapplika għalih din l-ispeċifikazzjoni għandu jqiegħed fis-seħħ il-miżuri meħtieġa biex juri li l-livell tar-riskju li jseħħ inċident li huwa fl-ambitu tas-Subsistema tal-Kontroll u Kmand, mhuwiex akbar mill-mira għas-servizz. Sabiex ikun żgurat li s-soluzzjonijiet għall-kisba tas-sigurtà ma jipperikolawx l-interoperabbiltà, il-ħtiġijiet tal-parametru bażiku definiti fit-Taqsima 4.2.1 (Karatteristiċi ta’ sigurtà tal-Kontroll u Kmand rilevanti għall-interoperabbiltà) għandhom ikunu rispettati.

Għas-sistema tal-Klassi A (ERTMS/ETCS), il-mira tas-sigurtà globali għas-Subsistema hija maqsuma bejn l-Armar Abbord u Maġenb il-Binarji. Il-ħtiġijiet dettaljati huma speċifikati fil-parametru bażiku definit fit-Taqsima 4.2.1 (Karatteristiċi tas-sigurtà ta’ Kontroll u Kmand rilevanti għall-interoperabbiltà). Din il-ħtieġa tas-sigurtà għandha tintlaħaq flimkien mal-ħtiġijiet ta’ disponibbiltà kif definit fit-Taqsima 3.2.2 (Kredibbiltà u Disponibbiltà).

Għal sistemi tal-Klassi B użati għal tħaddim ferrovjarju trans-Ewropew ta’ veloċità għolja, huwa taħt ir-responsabbiltà tal-Istat Membru rilevanti (definit fl-Anness B) li:

—	jiżguraw li d-disinn tas-sistema tal-Klassi B jilħaq il-Miri tas-sigurtà nazzjonali,

—	jiżguraw li l-applikazzjoni tas-sistema tal-Klassi B tilħaq il-Miri tas-sigurtà nazzjonali,

—	jiddefinixxu l-parametri ta’ operazzjoni sigura u kundizzjonijiet għall-użu tas-sistema tal-Klassi B (inkluż, iżda mhux limitat għal, manutenzjoni u moduli degradati).

3.2.2.   Kredibbiltà u Disponibbiltà

(a)

Għal sistema tal-Klassi A, il-miri tal-kredibbiltà u d-disponibbiltà globali għas-Subsistema huma maqsuma bejn l-Armar Abbord u dawk Maġenb il-Binarji. Il-ħtiġijiet dettaljati huma speċifikati fil-Parametru Bażiku definit fit-Taqsima 4.2.1 (Karatteristiċi tas-sigurtà ta’ Kontroll u Kmand rilevanti għall-interoperabbiltà).

(b)

Il-kwalità tal-organizzazzjoni tal-manutenzjoni għas-sistemi kollha li jinkludu s-Subsistema tal-Kontroll u Kmand għandha tiżgura li l-livell tar-riskju rigward l-età u l-użu tal-kostitwenti jiġi kkontrollat. Il-kwalità tal-manutenzjoni għandha tiżgura li s-sigurtà ma tkunx preġudikata minħabba dawn l-attivitajiet. Ara t-Taqsima 4.5 (Regoli tal-manutenzjoni).

3.2.3.   Saħħa

Skont ir-regolamenti Ewropej u r-regolamenti nazzjonali li huma kompatibbli mal-leġiżlazzjoni Ewropea, għandhom jittieħdu prekawzjonijiet biex ikun żgurat li l-materjali użati fi u d-disinn tas-Subsistemi tal-Kontroll u Kmand ma jikkostitwixxux periklu għas-saħħa tal-persuni li għandhom aċċess għalihom.

3.2.4.   Protezzjoni Ambjentali

Skont ir-regolamenti Ewropej u r-regolamenti nazzjonali li huma kompatibbli mal-leġiżlazzjoni Ewropea:

—	It-tagħmir tal-Kontroll u Kmand, jekk ikun suġġett għal sħana eċċessiva jew nirien, ma għandux jaqbeż il-limiti tal-emissjoni ta’ dħaħen jew gassijiet li jikkawżaw dannu lill-ambjent.

—	It-tagħmir tal-Kontroll u Kmand ma għandux jinkludi sustanzi li matul l-użu normali tagħhom jistgħu jikkontaminaw lill-ambjent b’mod mhux normali.

—	It-tagħmir tal-Kontroll u Kmand għandu jkun suġġett għal-leġiżlazzjoni Ewropea fis-seħħ li tikkontrolla l-limiti tal-emissjoni ta’ u s-suxxettibbiltà għal interferenza elettromanjetika fuq il-fruntieri tal-proprjetà ferrovjarja.

—	It-tagħmir tal-Kontroll u Kmand għandu jikkonforma mar-regolamenti eżistenti dwar it-tniġġiż bl-istorbju.

—	It-tagħmir tal-Kontroll u Kmand ma għandu jwassal għal ebda livell mhux ammissibbli ta’ vibrazzjoni li jista’ jipperikola l-integrità tal-infrastruttura (meta l-infrastruttura tkun fi stat korrett ta’ manutenzjoni).

3.2.5.   Kompatibbiltà Teknika

Il-kompatibbiltà teknika tinkludi l-funzjonijiet, interfejsis u prestazzjonijiet meħtieġa biex tinkiseb l-interoperabbiltà.

Il-ħtiġijiet tal-kompatibbiltà teknika huma suddiviżi fit-tliet kategoriji li ġejjin:

—

L-ewwel kategorija tistabbilixxi l-ħtiġijiet ġenerali tal-inġinerija għall-interoperabbiltà, jiġifieri l-kundizzjonijiet ambjentali, il-kompatibbiltà elettromanjetika interna (electromagnetic compatibility, EMC) fil-konfini ferrovjarji, u l-installazzjoni. Dawn il-ħtiġijiet tal-kompatibbiltà huma definiti f’dan il-Kapitolu.

—	It-tieni kategorija tiddeskrivi kif is-Subsistema tal-Kontroll u Kmand għandha tkun applikata u liema funzjonijiet għandha twettaq sabiex tikseb l-interoperabbiltà. Din il-kategorija hija definita fil-Kapitolu 4.

—	It-tielet kategorija tiddeskrivi kif is-Subsistema tal-Kontroll u Kmand għandha tkun imħaddma sabiex tinkiseb l-interoperabbiltà. Din il-kategorija hija definita fil-Kapitolu 4.

3.2.5.1.   Kompatibbiltà tal-Inġinerija

3.2.5.1.1   Kundizzjonijiet Ambjentali Fiżiċi

Is-sistemi li jikkonformaw mal-ħtiġijiet tas-sistema tal-Klassi A għandhom ikunu jistgħu joperaw taħt il-kundizzjonijiet klimatiċi u fiżiċi li jeżistu fil-parti rilevanti tan-netwerk trans-Ewropea ta’ veloċità għolja. Għall-interfejsis tal-vetturi ferrovjarji ara t-Taqsima 4.3.2.5 (Kundizzjonijiet ambjentali fiżiċi).

Is-sistemi li jikkonformaw mal-ħtiġijiet tas-sistema tal-Klassi B għandhom jikkonformaw mill-inqas mal-ispeċifikazzjonijiet ambjentali fiżiċi li japplikaw għas-sistema korrispondenti tal-Klassi B, sabiex ikunu jistgħu joperaw taħt il-kundizzjonijiet klimatiċi u fiżiċi li jeżistu fil-linji trans-Ewropej ta’ veloċità għolja kkonċernati.

3.2.5.1.2   Kompatibbiltà Elettromanjetika Interna Ferrovjarja

Il-Parametru Bażiku huwa deskritt fit-Taqsima 4.2.12 (Kompatibbiltà Elettromanjetika). Għall-interfejsis tal-vetturi ferrovjarji ara t-Taqsima 4.3.2.6 (Kompatibbiltà Elettromanjetika) u għall-interfejsis tal-Enerġija ara t-Taqsima 4.3.4.1 (Kompatibbiltà Elettromanjetika).

3.2.5.2.   Kompatibbiltà tal-Kontroll u Kmand.

Il-Kapitolu 4, appoġġjat mill-Annessi A u B, jiddefinixxi l-ħtiġijiet għall-interoperabbiltà tas-Sistema tal-Kontroll u Kmand.

Barra minn hekk, din it-TSI flimkien mat-TSI tal-Kontroll u Kmand għas-sistema ferrovjarja trans-Ewropea konvenzjonali tiżgura, sa fejn tkun ikkonċernata s-Subsistema tal-Kontroll u Kmand, l-interoperabbiltà teknika bejn is-sistemi ferrovjarji trans-Ewropej ta’ veloċità għolja u dawk konvenzjonali meta t-tnejn li huma jkunu mgħammra b’sistema tal-Klassi A.

4.   KARATTERIZZAZZJONI TAS-SUBSISTEMA

4.1.   Introduzzjoni

Is-sistema ferrovjarja trans-Ewropea ta’ veloċità għolja, li tapplika għaliha d-Direttiva 96/48/KE u li hija parti minnha s-Subsistema tal-Kontroll u Kmand, hija sistema integrata li l-konsistenza tagħha għandha tkun ivverifikata. Din il-konsistenza għandha tkun ivverifikata b’mod partikolari rigward l-ispeċifikazzjonijiet tas-subsistema, l-interfejsis tagħha meta mqabbla mas-sistema li hija integrata fiha, kif ukoll ir-regoli ta’ operazzjoni u manutenzjoni.

Wara kunsiderazzjoni tal-Ħtiġijiet Essenzjali rilevanti kollha, is-Subsistema tal-Kontroll u Kmand hija kkaratterizzata mill-Parametri Bażiċi li ġejjin:

—	Il-karatteristiċi tas-sigurtà tal-Kontroll u Kmand rilevanti għall-interoperabbiltà (it-Taqsima 4.2.1)

—	Funzjonalità tal-ETCS abbord (it-Taqsima 4.2.2)

—	Funzjonalità tal-ETCS maġenb il-binarji (it-Taqsima 4.2.3)

—	Funzjonijiet tal-EIRENE (it-Taqsima 4.2.4)

—	Interfejsis għall-ispazju tal-ajra tal-ETCS u EIRENE (it-Taqsima 4.2.5)

—	Interfejsis Interni Abbord għall-Kontroll Kmand (it-Taqsima 4.2.6)

—	Interfejsis Interni Maġenb il-Binarji għall-Kontroll Kmand (it-Taqsima 4.2.7)

—	Maniġment taċ-Ċwievet Kriptografiċi (it-Taqsima 4.2.8)

—	Maniġment tal-ETCS-ID (it-Taqsima 4.2.9)

—	HABD (Hot Axle Box Detector, lokalizzatur tat-tisħin fil-kaxxa tal-fusien) (it-Taqsima 4.2.10)

—	Kompatibbiltà mas-Sistemi tal-Lokalizzazzjoni tal-Ferroviji maġenb il-binarji (it-Taqsima 4.2.11)

—	Kompatibbiltà Elettromanjetika (it-Taqsima 4.2.12)

—	ETCS DMI (driver machine interface, interfejs tal-magna tax-xufier) (it-Taqsima 4.2.13)

—	EIRENE DMI (interfejs tal-magna tax-xufier) (it-Taqsima 4.2.14)

—	Interfejs għar-reġistrazzjoni tad-dejta għal skopijiet regolatorji (it-Taqsima 4.2.15)

—	Viżibbiltà ta’ oġġetti ta’ Kontroll u Kmand mal-ġenb tal-binarji (it-Taqsima 4.2.16)

Il-ħtiġijiet tat-taqsimiet

—	4.2.10 (HABD (Lokalizzatur tat-tisħin fil-kaxxa tal-fusien)),

—	4.2.11 (Kompatibbiltà mas-Sistemi tal-Lokalizzazzjoni tal-Ferroviji Maġenb il-Binarji),

—	4.2.12 (Kompatibbiltà Elettromanjetika),

—	4.2.16 (Viżibbiltà ta’ oġġetti tal-Kontroll u Kmand maġenb il-binarji)

għandhom ikunu applikati dejjem, indipendentement mill-klassi tas-sistema.

Il-ħtiġijiet l-oħra kollha fit-Taqsima 4.2 (Speċifikazzjonijiet funzjonali u tekniċi tas-Subsistema) għandhom dejjem ikunu applikati lis-sistema tal-Klassi A biss. Il-ħtiġijiet tas-sistemi tal-Klassi B jaqgħu taħt ir-responsabbiltà tal-Istat Membru adattat. L-Anness B jittratta l-karatteristiċi tas-sistema tal-Klassi B u jiddefinixxi l-Istati Membri responsabbli.

L-STM, li jippermettu li s-sistema Abbord il-Klassi A taħdem fuq infrastruttura tal-Klassi B, huma suġġetti għal ħtiġijiet tal-Klassi B.

Sabiex tinkiseb l-interoperabbiltà mhuwiex meħtieġ li jkunu standardizzati l-funzjonijiet kollha fis-Subsistema kollha tal-Kontroll u Kmand. Il-funzjonalità għall-protezzjoni ferrovjarja awtomatika u l-kontroll ferrovjarju awtomatiku kkunsidrati fil-Kapitolu 4 hija:

—	funzjonijiet standard abbord, li jiżguraw li kull ferrovija għandha tirreaġixxi għal informazzjoni riċevuta minn maġenb il-binarji b’mod prevedibbli.

—	funzjonijiet standard maġenb il-binarji, li jistgħu jipproċessaw informazzjoni mis-sistemi nazzjonali tal-interlokkjar u sinjalazzjoni u li jibdlu din l-informazzjoni f’messaġġi standard għall-ferroviji,

—	interfejsis standard għal komunikazzjoni mill-binarju għall-ferrovija u mill-ferrovija għall-binarju,

Il-funzjonijiet tal-Kontroll u Kmand huma kklassifikati f’kategoriji li jindikaw, pereżempju, jekk humiex fakultattivi jew obbligatorji. Il-kategoriji huma definiti fl-Anness A, l-indiċi 1 u l-Anness A, l-indiċi 32 u l-klassifikazzjoni tal-funzjonijiet huma indikati fit-test tagħhom.

L-Anness A, l-indiċi 3 jipprovdi l-Glossarju tat-termini u d-definizzjonijiet tal-ETCS, li huma użati fl-ispeċifikazzjonijiet imsemmija fl-Anness A.

Fid-dawl tal-ħtiġijiet essenzjali fil-Kapitolu 3, l-ispeċifikazzjonijiet funzjonali u tekniċi tas-Subsistema tal-Kontroll u Kmand huma kif ġej:

4.2.   Speċifikazzjonijiet funzjonali u tekniċi tas-Subsistema

4.2.1.   Il-karatteristiċi tas-sigurtà tal-Kontroll u Kmand rilevanti għall-interoperabbiltà

Dan il-Parametru Bażiku jiddeskrivi l-ħtiġijiet tas-sigurtà għal ERTMS/ETCS fuq armar Abbord u l-ħtiġijiet tas-sigurtà fuq Armar maġenb il-binarji.

B’referenza għall-Ħtieġa Essenzjali “sigurtà” (ara t-Taqsima 3.2.1, Is-sigurtà), dan il-Parametru Bażiku jistabbilixxi l-ħtiġijiet obbligatorji għall-interoperabbiltà:

—	Biex ikun żgurat li s-soluzzjonijiet għall-kisba tas-sigurtà ma jipperikolawx l-interoperabbiltà, il-ħtiġijiet tal-Anness A, l-indiċi 47 għandhom ikunu rispettati.

—

Għall-parti relatata mas-sigurtà ta’ Armar Abbord kif ukoll għal Armar Maġenb il-binarji, il-ħtieġa tas-sigurtà għal-livell 1 jew il-livell 2 tal-ETCS (2) huwa: rata ta’ periklu tollerabbli (tolerable hazard rate, THR) ta’ 10-9/siegħa (għal fallimenti każwali) li jikkorrispondi għal-Livell 4 tal-Integrità tas-Sigurtà. Il-ħtiġijiet dettaljati għal tagħmir tal-Klassi A huma speċifikati fl-Anness A, l-indiċi 27. Ħtiġijiet tas-sigurtà inqas restrittivi dwar il-valuri tat-THR għal tagħmir mal-ġenb tal-binarji jistgħu jkunu adottati, sakemm tintlaħaq il-mira tas-sigurtà għas-servizz.

—	Il-ħtiġijiet tal-kredibbiltà u tad-disponibbiltà tal-Anness A, l-indiċi 28 għandhom ikunu rispettati.

4.2.2.   Funzjonalità tal-ETCS abbord

Dan il-Parametru Bażiku jiddeskrivi l-funzjonalità tal-ETCS abbord. Dan jinkudi l-funzjonijiet kollha biex ferrovija tivvjaġġa b’mod sikur. It-twettiq tal-funzjonijiet għandu jikkonforma mal-Anness A, l-indiċi 14 u 49. Dawn il-funzjonijiet għandhom ikunu implimentati skont l-Anness A, l-indiċi 1, 2, 4, 13, 15, 23, 53 u l-ispeċifikazzjonijiet tekniċi indikati hawn taħt:

—

Komunikazzjoni mal-Armar Maġenb il-Binarji tal-Kontroll u Kmand. Il-funzjoni tat-trażmissjoni tal-mili tad-dejta f’applikazzjonijiet tal-Livell 1 tal-ETCS hija obbligatorja biss abbord bil-kundizzjonijiet definiti fil-Kapitolu 7. Il-funzjonalità tal-informazzjoni bir-radju għall-ETCS hija obbligatorja biss għal applikazzjonijiet tal-Livell 2 jew il-Livell 3 tal-ETCS. — Riċezzjoni tal-Eurobalise. Ara l-Anness A, l-indiċi 9, 36, 43. — Riċezzjoni tal-Euroloop. Ara l-Anness A, l-indiċi 16, 50. — Amministrazzjoni tal-protokoll tat-trażmissjoni bir-radju u messaġġi bir-radju. Ara l-Anness A, l-indiċi 10, 11, 12, 18, 19, 22, 39, 40.

—	Komunikazzjoni max-xufier — Appoġġ tas-sewqan. Ara l-Anness A, l-indiċi 51. — Il-provvista ta’ informazzjoni tal-odometrija. Ara l-Anness A, l-indiċi 51.

—	Komunikazzjoni mal-STMs. Ara l-Anness A, l-indiċi 8, 25, 26, 29, 36, 49, 52. Din il-funzjoni tinkludi: — L-amministrazzjoni tal-produzzjoni tal-STM. — Il-provvista tad-dejta li għandha tintuża mill-STM. — L-amministrazzjoni ta’ tranżizzjonijiet tal-STM.

—

Il-provvista tal-funzjoni tal-protezzjoni awtomatika tal-ferroviji u senjalazzizzazjoni fil-kabina. Ara l-Anness A, l-indiċi 6, 7, 31, 37. Din il-funzjoni tinkludi: — Il-lokalizzazzjoni tal-ferrovija f’sistema ta’ koordinazzjoni Eurobalise, li hija l-bażi għas-sorveljanza tal-profil tal-veloċità dinamika. — Il-kalkolu tal-profil tal-veloċità dinamika għall-missjoni tagħha. — Is-superviżjoni tal-profil tal-veloċità dinamika matul il-missjoni tagħha. — L-għażla tal-mod tas-superviżjoni tal-veloċità. — Is-superviżjoni tal-ferrovija skont il-valuri nazzjonali. — Id-definizzjoni u l-provvista tal-funzjoni tal-intervent. — L-istabbiliment tal-karatteristiċi tal-ferrovija.

—	Il-wiri tal-kompletezza tal-ferrovija (integrità ferrovjarja) — obbligatorju għal-livell 3, mhux meħtieġ għal-livell 1 jew 2.

—	Monitoraġġ tas-saħħa tat-tagħmir u appoġġ tal-modulu degradat. Din il-funzjoni tinkludi: — L-inizjazzjoni tal-funzjonalità tal-ETCS Abbord. — Il-provvista ta’ appoġġ tal-modulu degradat. — L-iżolament tal-funzjonalità tal-ETCS Abbord.

—	L-appoġġ tar-reġistrazzjoni tad-dejta għal skopijiet regolatorji. Ara l-Anness A, l-indiċi 5, 41, 55.

—

Li tintbagħat informazzjoni/ordnijiet lid-DMI u, fejn meħtieġ, lill-unità tal-interfejs ferrovjarja, eż. informazzjoni dwar fejn għandhom jingħalqu/jinfetħu l-luvri tal-arja, fejn għandu jkun imniżżel/mgħolli l-pantografu, fejn għandu jinfetaħ/jingħalaq l-iswiċċ ewlieni tad-dawl, fejn għandha sseħħ il-bidla mis-sistema tat-trazzjoni A għas-sistema tat-trazzjoni B. Ara l-Anness A, l-indiċi 7.

4.2.3.   Funzjonalità tal-ETCS maġenb il-binarji

Dan il-Parametru Bażiku jiddeskrivi l-funzjonalità tal-ETCS maġenb il-binarji. Dan jinkludi l-funzjonalità kollha tal-ETCS biex jipprovdi tranżitu sigur lil ferrovija speċifika. Il-prestazzjoni tal-funzjonijiet għandha tikkonforma mal-Anness A, l-indiċi 14. Dawn il-funzjonijiet għandhom ikunu implimentati skont l-Anness A, l-indiċi 1, 2, 4, 13, 15, 23, 31, 37, 53 u l-ispeċifikazzjonijiet tekniċi indikati hawn taħt:

—	Komunikazzjoni b’tagħmir ta’ sinjalazzjoni maġenb il-binarji (interlokkjar, sinjal).

—	Il-lokalizzazzjoni ta’ ferrovija speċifika f’sistema ta’ koordinazzjoni Eurobalise (il-livelli 2 u 3).

—	It-traduzzjoni tal-informazzjoni minn tagħmir ta’ sinjalazzjoni maġenb il-binarji f’format standard għall-Armar Abbord tal-Kontroll u Kmand.

—	Il-ġenerazzjoni ta’ awtoritajiet tal-moviment inkluż deskrizzjoni tal-binarju u ordnijiet assenjati lil ferrovija speċifika.

—

Komunikazzjoni mal-Armar Abbord tal-Kontroll u Kmand. Dan jinkludi: — Trażmissjoni Eurobalise. Ara l-Anness A, l-indiċi 9, 43. — Radio infill. Ara l-Anness A, l-indiċi 18, 19, 21. Radio infill hija rilevanti biss fil-livell 1 fejn huwa fakultattiv (ara wkoll it-Taqsima 7.2.6). — Euroloop. Ara l-Anness A, l-indiċi 16, 50, 1. Euroloop huwa rilevanti biss fil-livell 1 fejn huwa fakultattiv (ara wkoll it-Taqsima 7.2.6). — Komunikazzjoni bir-radju RBC. Ara l-Anness A, l-indiċi 10, 11, 12, 39, 40. Il-komunikazzjoni bir-radju RBC hija rilevanti biss għal-livell 2 u l-livell 3.

—	Il-provvista ta’ informazzjoni dwar l-approvazzjoni fuq il-binarji għall-interlokkjar. Din il-funzjoni hija meħtieġa biss għal-livell 3.

—

Li tintbagħat informazzjoni/ordnijiet lid-DMI u, fejn meħtieġ, lill-unità tal-interfejs ferrovjarja, eż. informazzjoni dwar fejn għandhom jingħalqu/jinfetħu l-luvri tal-arja, fejn għandu jkun imniżżel/mgħolli l-pantografu, fejn għandu jinfetaħ/jingħalaq l-iswiċċ ewlieni tad-dawl, fejn għandha sseħħ il-bidla mis-sistema tat-trazzjoni A għas-sistema tat-trazzjoni B.

4.2.4.   Funzjonijiet tal-EIRENE

Dan il-Parametru Bażiku jiddeskrivi l-vuċi tal-EIRENE u l-funzjonijiet tal-komunikazzjoni tad-dejta:

—	Funzjonijiet relatati ma’ sejħiet tax-xufier

—

Funzjonijiet operattivi tar-radju — Eż. funzjoni tal-viġilanza tal-allarm (Ara l-Anness A, l-indiċi 32, il-klawżola 5.7 u l-Anness A, l-indiċi 33. Meta l-funzjoni tal-viġilanza tixgħel l-allarm, u din il-funzjoni fakultattiva tiġi implimentata, jintbagħat messaġġ awtomatiku mis-sistema tal-viġilanza mir-radju tal-kabina lill-binarju).

—	Komunikazzjoni tad-dejta

Dawn il-funzjonijiet għandhom ikunu implimentati skont l-ispeċifikazzjonijiet tekniċi indikati fl-Anness A, l-indiċi 32, 33 u 48 u l-prestazzjoni tagħhom għandha tikkonforma mal-Anness A, l-indiċi 22.

4.2.5.   Interfejsis għall-ispazju tal-arja tal-ETCS u l-EIRENE

L-ispeċifikazzjoni kompluta ta’ dawn l-interfejsis tikkonsisti f’żewġ partijiet:

—	speċifikazzjoni tal-protokolli għat-trasport ta’ informazzjoni minn/lejn funzjonijiet tal-ERTMS u għall-assigurazzjoni tas-sigurtà fil-komunikazzjoni.

—	speċifikazzjoni tal-interfejsis bejn partijiet mit-tagħmir. L-interfejsis bejn it-tagħmir huwa deskritt fi: — It-Taqsima 4.2.6 (Interfejsis Interni Abbord għall-Kontroll Kmand) għall-abbord — It-Taqsima 4.2.7 (Interfejsis Interni għall-Kontroll Kmand) għal maġenb il-binarji

Dan il-Parametru Bażiku jiddeskrivi l-ispazju tal-arja bejn l-Armar tal-Kontroll u Kmand maġenb il-binarji u abbord. Huwa jinkludi:

—	il-valuri fiżiċi, elettriċi u elettromanjetiċi li għandhom ikunu rispettati biex jippermettu funzjonament sigur

—	il-protokoll tal-komunikazzjoni li għandu jintuża

—	id-disponibbiltà tal-kanal tal-komunikazzjoni

L-ispeċifikazzjonijiet li ġejjin japplikaw:

—	Komunikazzjonijiet bir-radju mal-ferrovija: L-interfejsis ta’ komunikazzjoni bir-radju tal-Klassi A għandhom joperaw fil-Frekwenza R-GSM. Ara l-Anness A, l-indiċi 35. Il-protokolli għandhom jikkonformaw mal-Anness A l-indiċi 10, 18, 19, 39, 40.

—	Komunikazzjoni bil-Eurobalise u Euroloop mal-ferrovija: L-interfejsis tal-komunikazzjoni bil-Eurobalise għandhom jikkonformaw mal-Anness A, l-indiċi 9, 43. L-interfejsis tal-komunikazzjoni bil-Euroloop għandhom jikkonformaw mal-Anness A, l-indiċi 16, 50.

4.2.6.   Interfejsis Abbord Interni tal-Kontroll u Kmand

Dan il-Parametru Bażiku jikkonsisti fi tliet partijiet.

4.2.6.1.   Interfejs bejn l-ETCS u l-STM

Il-Modulu Speċifiku ta’ Trażmissjoni (Specific Transmission Module, STM) jippermetti li l-ETCS abbord taħdem fuq linji ferrovjarji mgħammra b’sistemi tal-Klassi B ATP/ATC.

L-interfejs bejn il-funzjonalità tal-ECTS Abbord u l-STMs għal sistemi ATP/ATC tal-Klassi B huwa definit fl-Anness A, l-indiċi 4, 8, 15, 25, 26, 49. L-Anness A, l-indiċi 45 jispeċifika l-interfejs K u l-indiċi 46 l-interfejs G. L-implimentazzjoni tal-Interfejs “K” hija fakultattiva, iżda jekk isseħħ għandha tkun skont l-Anness A, l-indiċi 45. Barra minn hekk, jekk l-Interfejs “K” jiġi implimentat, il-funzjonalità tal-kanal tat-trażmissjoni abbord għandha tkun tista’ tittratta l-proprjetajiet tal-Anness A, l-indiċi 46.

4.2.6.2.   GSM-R/ETCS

L-interfejs bejn ir-radju tal-Klassi A u l-funzjonalità tal-ECTS Abbord. Dawn il-ħtiġijiet huma speċifikati fl-Anness A, l-indiċi 4, 7, 15, 20, 22, 34.

4.2.6.3.   Odometrija

L-interfejs bejn il-funzjoni tal-odometrija u l-ERTMS/ETCS abbord għandu jilħaq il-ħtiġijiet tal-Anness A, l-indiċi 44. Dan l-interfejs jikkontribwixxi biss għal dan il-Parametru Bażiku meta t-tagħmir tal-odometrija jiġi provdut bħala kostitwent tal-interoperabbiltà separat (ara t-Taqsima 5.2.2, Raggruppar tal-kostitwenti tal-interoperabbiltà).

4.2.7.   Interfejsis Maġenb il-Binarji Interni tal-Kontroll u Kmand

Dan il-Parametru Bażiku jikkonsisti f’sitt partijiet.

4.2.7.1.   Interfejs funzjonali bejn l-RBCs

Dan l-interfejs hija użat biex jiddefinixxi d-dejta li għandha tkun skambjata bejn il-blokok tar-radju ċentrali (radio block centres, RBC) fil-viċinat sabiex ferrovija tkun tista’ tivvjaġġa b’mod siġur minn żona waħda tal-RBC għall-oħra. Dan jiddeskrivi:

—	Informazzjoni mill-RBC “Li Tibgħat” għall-RBC “Li Taċċetta”

—	Informazzjoni mill-RBC “Li Taċċetta” għall-RBC “Li Tibgħat”

Dawn il-ħtiġijiet huma speċifikati fl-Anness A, l-indiċi 12.

4.2.7.2.   Interfejs tekniku bejn l-RBCs

Dan huwa l-interfejs tekniku bejn żewġ RBCs. Dawn il-ħtiġijiet huma speċifikati fl-Anness A, l-indiċi 58, 62, 63.

4.2.7.3.   GSM-R/RBC

Dan huwa l-interfejs bejn is-sistema tar-radju tal-Klassi A u l-funzjonalità tal-ECTS Maġenb il-Binarji. Dawn il-ħtiġijiet huma speċifikati fl-Anness A, l-indiċi 4, 15, 20, 22, 34.

4.2.7.4.   Eurobalise/LEU

Dan huwa l-interfejs bejn Eurobalise u l-unità elettronika maġenb il-binarji (lateral electronic unit, LEU). Dawn il-ħtiġijiet huma speċifikati fl-Anness A, l-indiċi 9. Dan l-interfejs jikkontribwixxi biss għal dan il-Parametru Bażiku meta Eurobalise u LEUs jiġu provduti bħala kostitwenti tal-interoperabbiltà separati (ara t-Taqsima 5.2.2, Raggruppar tal-kostitwenti tal-interoperabbiltà).

4.2.7.5.   Euroloop/LEU

Dan huwa l-interfejs bejn Euroloop u l-LEU. Dawn il-ħtiġijiet huma speċifikati fl-Anness A, l-indiċi 16. Dan l-interfejs jikkontribwixxi biss għal dan il-Parametru Bażiku meta Euroloop u LEUs jiġu provduti bħala kostitwenti tal-interoperabbiltà separati (ara t-Taqsima 5.2.2, Raggruppar tal-kostitwenti tal-interoperabbiltà).

4.2.7.6.   Ħtiġijiet dwar l-armar minn qabel tat-tagħmir ERTMS maġenb il-binarji

Dan huwa l-interfejs bejn it-tagħmir maġenb il-binarji tal-Klassi A u l-infrastruttura tal-Kontroll Kmand maġenb il-binarji. Dawn il-ħtiġijiet huma speċifikati fl-Anness A, l-indiċi 59. Dan l-indiċi jiddeskrivi mezzi għall-armar minn qabel ta’ tagħmir tal-Klassi A maġenb il-binarji.

4.2.8.   Maniġment taċ-Ċwievet Kriptografiċi

Dan il-Parametru Bażiku jikkonċerna d-dejta relatata mas-sigurtà trażmessa permezz tar-radju li huwa protett minn mekkaniżmi li jeħtieġu ċwievet kriptografiċi. L-amministraturi tal-infrastruttura u l-impriżi ferrovjarji għandhom jipprovdu sistema ta’ maniġment li tikkontrolla u tamministra ċ-ċwievet kriptografiċi. Interfejs tal-maniġment taċ-ċwievet hija meħtieġa:

—	bejn is-sistemi tal-maniġment taċ-ċwievet ta’ amministraturi tal-infrastruttura differenti,

—	bejn is-sistemi tal-maniġment taċ-ċwievet ta’ impriżi ferrovjari u l-amministraturi tal-infrastruttura,

—	bejn is-sistema tal-maniġment taċ-ċwievet u t-tagħmir tal-ECTS abbord u maġenb il-binarji.

Il-ħtiġijiet għall-maniġment taċ-ċwievet bejn sistemi tal-maniġment taċ-ċwievet ta’ reġjuni interoperabbli huma speċifikati fl-Anness A, l-indiċi 11 u l-indiċi 56.

4.2.9.   Maniġment tal-ETCS-ID

Dan il-Parametru Bażiku jikkonċerna l-identitajiet uniċi tal-ETCS għal tagħmir f’armar maġenb il-binarji u abbord. Il-ħtiġijiet huma speċifikati fl-Anness A, l-indiċi 23. L-allokazzjoni tal-varjabbli hija definita fl-Anness A, l-indiċi 53.

Il-fornituri tat-tagħmir tal-Kontroll u Kmand abbord huma responsabbli mill-maniġment ta’ identitajiet uniċi fil-medda allokata kif definit fl-Anness A, l-indiċi 53. Dawk li jieħdu ħsieb il-Vetturi Ferrovjarji għandhom jipprovdu sistema ta’ maniġment li tikkontrolla u tamministra l-identitajiet matul il-perjodu tal-utilità tal-armar.

Fl-Anness A, l-indiċi 53 l-Istati Membri huma meded ta’ identitajiet allokati. L-Istati Membri huma responsabbli għall-maniġment tal-allokazzjoni ta’ dawn il-meded lill-entitajiet kontraenti fl-Istat tagħhom.

L-entitajiet kontraenti ta’ armar maġenb il-binarji huma responsabbli għall-maniġment tal-identitajiet uniċi fil-medda allokata tagħhom. L-amministratur tal-infrastruttura għandu jipprovdi sistema ta’ maniġment li tikkontrolla u tamministra l-identitajiet matul il-perjodu tal-utilità tal-armar.

4.2.10   (HABD (Lokalizzatur tat-tisħin fil-kaxxa tal-fusien),

Dan il-Parametru Bażiku jispeċifika l-ħtiġijiet għat-tagħmir maġenb il-binarji, użat biex jivverifika jekk it-temperatura tal-berings tal-fusien tal-vetturi ferrovjarji li jgħaddu jaqbżux ċertu valur u biex jittrażmetti din l-informazzjoni lil ċentru ta' kontroll. Il-ħtiġijiet huma definiti fl-Anness A, l-Appendiċi 2.

It-trattament tal-vetturi ferrovjarji mgħammra b’lokalizzaturi abbord huwa deskritt ukoll fit-TSI RS HS it-Taqsima 4.2.11.

4.2.11   Kompatibbiltà mas-Sistemi tal-Lokalizzazzjoni tal-Ferroviji Maġenb il-Binarji

Dan il-Parametru Bażiku jiddeskrivi l-karatteristiċi ta’ sistemi ta’ lokalizzazzjoni tal-ferroviji maġenb il-binarji li huma meħtieġa biex ikunu kompatibbli mal-Vettura Ferrovjarja li tikkonforma mat-TSI(s) tal-Vetturi Ferrovjarji rilevanti.

Il-vetturi ferrovjarji għandu jkollhom il-karatteristiċi meħtieġa għat-tħaddim ta’ sistemi ta’ lokalizzaturi tal-ferroviji maġenb il-binarji. Fl-Anness A, l-Appendiċi 1 il-ħtiġijiet relatati mal-karatteristiċi ta’ vettura huma speċifikati.

Dawn il-karatteristiċi għandhom ikunu inklużi fit-TSI(s) tal-Vetturi Ferrovjarji

4.2.12.   Kompatibbiltà Elettromanjetika

Dan il-Parametru Bażiku huma maqsum f’żewġ partijiet.

4.2.12.1.   Kompatibbiltà Elettromanjetika Interna tal-Kontroll u Kmand

It-tagħmir tal-Kontroll u Kmand ma għandux jinterferixxi ma’ tagħmir ieħor ta’ Kontroll u Kmand.

4.2.12.2.   Kompatibbiltà Elettromanjetika bejn il-Vetturi Ferrovjarji u t-tagħmir ta’ Kontroll u Kmand Maġenb il-Binarji

Dan jinkludi medda ta’ emissjonijiet ta’ kompatibbiltà elettromanjetika (electromagnetic compatibility, EMC) (kurrent tat-trazzjoni kondott u kkaġunat u kurrenti oħra li joriġinaw mill-ferroviji, karatteristiċi tal-kamp elettromanjetiku kif ukoll kampi statiċi) li għandhom ikunu rispettati mill-vetturi ferrovjarji sabiex ikun żgurat il-funzjonament korrett tat-tagħmir tal-Kontroll u Kmand maġenb il-binarji. Dan jinkludi d-deskrizzjoni għall-kejl tal-valuri.

Il-karatteristiċi tat-tagħmir tal-Kontroll u Kmand maġenb il-binarji huma speċifikati minn

—	L-Anness A, l-Indiċi A7 (karatteristiċi ġenerali tal-immunità tat-tagħmir)

—	L-Anness A, l-Indiċi 9 (ħtiġijiet speċifiċi għall-komunikazzjoni tal-Eurobalise)

—	L-Anness A, l-Indiċi 16 (ħtiġijiet speċifiċi għall-komunikazzjoni tal-Euroloop)

Addizzjonalment, ħtiġijiet speċifiċi għal sistemi ta’ lokalizzazzjoni tal-ferroviji huma speċifikati fil-Kapitolu 4.2.11 u l-ħtiġijiet speċifiċi għal HABD huma speċifikati fl-Anness A, l-Appendiċi 2.

4.2.13.   ETCS DMI (Interfejs tal-Magna tax-Xufier)

Dan il-Parametru Bażiku jiddeskrivi l-informazzjoni provduta mis-sistema tal-ETCS Abbord lix-xufier u mdaħħla fil-ERTMS/ETCS Abbord mix-xufier. Ara l-Anness A, l-Indiċi 51.

Dan jinkludi:

—	Ergonomija (inkluża l-viżibbiltà)

—	Funzjonijiet tal-ETCS li għandhom jintwerew

—	Funzjonijiet tal-ETCS mibdija mid-dħul tax-xufier

4.2.14.   EIRENE DMI (Interfejs tal-Magna tax-Xufier)

Dan il-Parametru Bażiku jiddeskrivi l-informazzjoni pprovduta mis-sistema tal-EIRENE abbord lix-xufier u mdaħħla fis-sistema tal-EIRENE abbord mix-xufier. Ara l-Anness A, l-indiċi 32, 33, 51.

Dan jinkludi:

—	Ergonomija (inkluża l-viżibbiltà)

—	Funzjonijiet tal-EIRENE li għandhom jintwerew

—	Informazzjoni ’l barra relatata ma’ sejħiet

—	Informazzjoni ’l ġewwa relatata ma’ sejħiet

4.2.15.   Interfejs għar-Reġistrazzjoni tad-Dejta għal Skopijiet Regolatorji

Dan il-Parametru Bażiku jiddeskrivi:

—	Skambju ta’ dejta bejn ir-Reġistratur Ġuridiku u l-istrument tat-tniżżil

—	Protokolli tal-komunikazzjoni

—	Interfejs fiżika

—	Ħtiġijiet funzjonali għal, u l-użu ta’, reġistrazzjoni tad-dejta

Għandu jkun possibbli li l-awtoritajiet investigatorji f’kull Stat Membru jkollhom aċċess għad-dejta reġistrata li tissodisfa l-ħtiġijiet obbligatorji tar-reġistrazzjoni tad-dejta għal skopijiet uffiċjali u investigattivi.

Ara l-Anness A, l-indiċi 4, 5, 15, 41, 55.

4.2.16   Viżibbiltà ta’ oġġetti tal-Kontroll u Kmand maġenb tal-binarji

Dan il-Parametru Bażiku jiddeskrivi:

—	Il-karatteristiċi ta’ sinjali li jirriflettu fuq wara biex tkun żgurata viżibbiltà korretta. Għandu jkun żgurat li, fuq il-bażi tal-ħtiġijiet tad-dwal ta’ quddiem tal-vetturi (ara t-TSI RS HS), il-ħtiġijiet tal-OPE jkunu sodisfatti.

—	Il-karatteristika ta’ bords indikaturi interoperabbli, ara l-Anness A, l-indiċi 38

4.3.   Speċifikazzjonijiet funzjonali u tekniċi tal-interfejsis għal Subsistemi oħra

4.3.1.   Interfejs għas-Subsistema tal-Operazzjoni u l-Maniġment tat-Traffiku

4.3.1.1.   Regoli operattivi tal-ERTMS/ETCS u GSM-R

In-netwerk trans-Ewropew għandu jkun suġġett għal xi ħtiġijiet operattivi unifikati, li għandhom ikunu deskritti fit-TSI “Operazzjoni u maniġment tat-traffiku” (ara wkoll it-Taqsima 4.4 Regoli operattivi tat-TSI CCS).

TSI OPE CR: L-Anness A

TSI OPE HS: L-Anness A

4.3.1.2.   Interfejs tal-Magna tax-Xufier tal-ETCS

Dan l-interfejs jiddeskrivi l-informazzjoni provduta mill-ERTMS ETCS Abbord lix-xufier u mdaħħla fl-ERTMS ETCS Abbord mix-xufier. Il-parametru bażiku tal-Kontroll u Kmand huwa deskritt fit-Taqsima 4.2.13 (ETCS DMI (Interfejs tal-Magna tax-Xufier)).

Dan l-interfejs huwa rilevanti għas-sistema tal-Klassi A. Il-ħtiġijiet għas-sistemi ATP/ATC tal-Klassi B huma definiti mill-Istat Membru adatt (ara l-Anness B).

TSI OPE CR: L-Anness A1

TSI OPE HS: L-Anness A1

4.3.1.3.   Interfejs tal-Magna tax-Xufier tal-EIRENE

Dan l-interfejs jiddeskrivi l-informazzjoni provduta mis-sistema tal-EIRENE abbord lix-xufier u mdaħħla fis-sistema tal-EIRENE abbord mix-xufier. Il-Parametru Bażiku tal-Kontroll u Kmand huwa deskritt fit-Taqsima 4.2.14 (EIRENE DMI (Interfejs tal-Magna tax-Xufier)).

Dan l-interfejs huwa rilevanti għas-sistema tal-Klassi A. Il-ħtiġijiet ekwivalenti għas-sistemi tar-radju tal-Klassi B huma definiti mill-Istat Membru adatt (ara l-Anness B).

TSI OPE CR: L-Anness A2

TSI OPE HS: L-Anness A2

4.3.1.4.   Interfejs għar-reġistrazzjoni tad-dejta għal skopijiet regolatorji

Dan l-interfejs jirreferi għall-ħtiġijiet funzjonali għal, u l-użu ta’, ir-reġistrazzjoni tal-informazzjoni Il-Parametru Bażiku tal-Kontroll u Kmand huwa deskritt fit-Taqsima 4.2.15 (Interfejs għar-Reġistrazzjoni tal-Informazzjoni għal Skopijiet Regolatorji).

Dan l-interfejs huwa rilevanti għas-sistemi tal-Klassi A. Il-ħtiġijiet ekwivalenti għas-sistemi ATP/ATC u tar-radju tal-Klassi B huma definiti mill-Istat Membru adatt (ara l-Anness B).

TSI OPE CR: it-Taqsima 4.2.3.5

TSI OPE HS: it-Taqsima 4.2.3.5

4.3.1.5.   Prestazzjoni garantita u karatteristiċi tal-ibbrejkjar tal-ferrovija

Is-Subsistema tal-Kontroll u Kmand teħtieġ provvista tal-prestazzjoni garantita tal-ibbrejkjar tal-ferrovija. It-TSI tal-Operazzjoni u l-Maniġment tat-Traffiku għandha tiddefinixxi r-regoli sabiex tkun determinata l-prestazzjoni tal-ibbrejkjar garantita ta’ ferrovija. It-TSIs tal-Vetturi Ferrovjarji għandhom jiddefinixxu l-metodu tal-istabbiliment tal-prestazzjoni tal-ibbrejkjar tal-vetturi.

Dan l-interfejs huwa rilevanti għas-sistema tal-Klassi A. Il-ħtiġijiet ekwivalenti għas-sistemi ATP/ATC tal-Klassi B huma definiti mill-Istat Membru adatt (ara l-Anness B).

TSI OPE CR: it-Taqsima 4.2.2.6.2

TSI OPE HS: it-Taqsima 4.2.2.6.2

4.3.1.6   L-iżolament tal-funzjonalità tal-ETCS Abbord.

Dan l-interfejs jirreferi għall-ħtiġijiet operattivi għall-iżolament tal-funzjontalità tal-ECTS Abbord f’każ ta’ falliment. Il-ħtiġijiet tal-Kontroll u Kmand huma fit-Taqsima 4.2.2 (Funzjonalità abbord tal-ETCS).

Dan l-interfejs huwa rilevanti għas-sistema tal-Klassi A. Il-ħtiġijiet ekwivalenti għas-sistemi ATP/ATC tal-Klassi B huma definiti mill-Istat Membru adatt (ara l-Anness B).

TSI OPE CR: L-Anness A1

TSI OPE HS: L-Anness A1

4.3.1.7.   Imħassar intenzjonalment

4.3.1.8.   Lokalizzaturi tat-Tisħin fil-Kaxxa tal-Fusien

Dan l-interfejs jirreferi għall-ħtiġijiet operattivi għal-lokalizzaturi tat-tisħin fil-kaxxa tal-fusien. Il-Parametru Bażiku tal-Kontroll u Kmand huwa deskritt fit-Taqsima 4.2.10 (HABD (Lokalizzatur għat-tisħin fil-kaxxa tal-fusien)).

TSI OPE CR: L-Anness B it-Taqsima C

TSI OPE HS: L-Anness B it-Taqsima C

4.3.1.9.   Viġilanza tax-Xufier

Dan l-interfejs jirreferi għall-ħtiġijiet operattivi għall-viġilanza tax-xufier.

Il-funzjonalità, għat-trażmissjoni tal-messaġġ kif meħtieġ mit-TSI OPE hija koperta minn funzjonalità tal-Eirene fakultattiva kif deskritt fit-Taqsima 4.2.4 (Funzjonijiet tal-Eirene).

TSI OPE CR: It-Taqsima 4.3.2.2

TSI OPE HS: It-Taqsima 4.3.2.2

4.3.1.10.   L-użu tat-Trammil

Dan l-interfejs jirreferi għall-ħtiġijiet operattivi għal xufieri sabiex ir-ramel ma jaffettwax b’mod negattiv il-prestazzjoni tat-tagħmir ta’ lokalizzazzjoni tal-ferroviji maġenb il-binarji. Il-Parametru Bażiku tal-Kontroll u Kmand huwa deskritt fit-Taqsima 4.2.11.

TSI OPE CR: L-Anness H

TSI OPE HS: L-Anness B

4.3.1.11.   Il-Firxa Viżiva Esterna tax-Xufier

Din l-interfejs tirreferi għall-firxa viżiva tax-xufier minn ġol-windskrin tal-kabina. Il-ħtiġijiet tal-Kontroll u Kmand huma deskritti fit-Taqsima 4.2.16 (Viżibbiltà ta’ oġġetti tal-Kontroll u Kmand maġenb il-binarji).

TSI OPE CR: it-Taqsima 4.3.2.4

TSI OPE HS: it-Taqsima 4.3.2.4

4.3.2.   Interfejs għall-Vetturi Ferrovjarji tas-Subsistema

Ir-referenzi kollha għall-interfejsis mal-Unitajiet u kowċijiet tat-Trazzjoni tal-Vetturi Ferrovjarji CR TSI jibqgħu jkunu punti miftuħa. Unitajiet tat-trazzjoni tfisser lokomotivi, Unitajiet Multipli tal-Elettriku u Unitajiet Multipli tad-Diżil.

4.3.2.1   Kompatibbiltà mas-Sistemi tal-Lokalizzazzjoni tal-Ferroviji Maġenb il-Binarji

Is-sistemi ta’ lokalizzazzjoni tal-ferroviji maġenb il-binarji għandu jkollhom il-karatteristiċi biex ikunu kompatibbli mal-Vetturi Ferrovjarji li jikkonforma mat-TSIs tal-Vetturi Ferrovjarji rilevanti. Il-Parametru Bażiku tal-Kontroll u Kmand huwa deskritt fit-Taqsima 4.2.11 (Kompatibbiltà tas-Sistemi ta’ Lokalizzazzjoni tal-Ferroviji maġenb il-Binarji). Ir-referenzi dettaljati fit-TSIs ikkonċernat huma mniżżla fit-tabella ta’ hawn taħt.

Parametru	L-Anness A L-Appendiċi 1 TSI tal-Kontroll u Kmand	TSI tal-Vetturi Ferrovjarji HS	TSI tal-Vaguni tal-Merkanzija tal-Vetturi Ferrovjarji	TSI tal-Unitajiet tat-Trazzjoni tal-Vetturi Ferrovjarji – lokomotivi, EMUs, DMUs - u kowċijiet (għandha tkun aġġornata meta tibda teżisti t-TSI)
Distanzi tal-fusien	2.1 inkl. l-Figura 6	4.2.7.10.2	4.3.2.1
Ġeometrija tar-rota	2.2 inkl. l-Figura 7	4.2.7.10.3	5.4.2.3
Massa tal-Vettura (Piż minimu tal-fus)	3.1	4.2.3.2	4.2.3.2
Spazju mingħajr metall madwar ir-roti	3.2 (punt miftuħ)	Għadu mhux speċifikat	Għadu mhux speċifikat
Massa tal-metall tal-vettura	3.3 (punt miftuħ)	Għadu mhux speċifikat	Għadu mhux speċifikat
Materjal tar-roti	3.4	4.2.7.10.3	5.4.2.3
Impedanza bejn ir-roti	3.5	4.2.3.3.1	4.2.3.3.1
Impedanza tal-vetturi	3.6	4.2.8.3.8	Xejn
Użu ta’ tagħmir tat-trammil	4.1	4.2.3.10	Xejn
Użu ta’ blokok tal-brejkijiet komposti	4.2	L-Anness L	Punt miftuħ
Armoniċi fil-kurrent tar-ritorn tat-trazzjoni	5.1	4.2.8.3.4.1	Mhux
Użu ta’ brejkijiet tal-elettriku/manjetiċi	5.2	TBD	Mhux
Kampi tal-elettriku, manjetiċi, elettromanjetiċi	5.3	4.3.4.12	Mhux

4.3.2.2.   Kompatibbiltà Elettromanjetika bejn il-Vetturi Ferrovjarji u t-tagħmir ta’ Kontroll u Kmand Maġenb il-Binarji

Dan l-interfejs huwa l-medda ta’ emissjonijiet ta’ kompatibbiltà elettromanjetika (EMC) (kurrent tat-trazzjoni kondott u kkaġunat u kurrenti oħra li joriġinaw mill-ferroviji, karatteristiċi tal-kamp elettromanjetiku kif ukoll kampi statiċi) li għandhom ikunu rispettati mill-vetturi ferrovjarji sabiex ikun żgurat il-funzjonament korrett tat-tagħmir tal-Kontroll u Kmand maġenb il-binarji. Il-Parametru Bażiku tal-Kontroll u Kmand huwa deskritt fit-Taqsima 4.2.12.2 (Kompatibbiltà Elettromanjetika bejn il-Vetturi Ferrovjarji u tagħmir ta’ Kontroll u Kmand maġenb il-Binarji).

TSI tal-Vaguni tal-Merkanzija tal-Vetturi Ferrovjarji: Mhux ikkonċernata.

TSI tal-Vetturi Ferrovjarji HS: It-Taqsima 4.2.6.6

4.3.2.3.   Prestazzjoni u karatteristiċi garantiti tal-ibbrejkjar tal-ferrovija

Is-Subsistema tal-Kontroll u Kmand teħtieġ provvista tal-prestazzjoni garantita tal-ibbrejkjar tal-ferrovija. It-TSIs tal-Vetturi Ferrovjarji għandhom jiddefinixxu l-metodu tal-istabbiliment tal-prestazzjoni tal-ibbrejkjar tal-vetturi. It-TSI tal-Operazzjoni u l-Maniġment tat-Traffiku għandha tiddefinixxi r-regoli sabiex tkun determinata l-prestazzjoni tal-ibbrejkjar garantita ta’ ferrovija.

Dan l-interfejs huwa rilevanti għas-sistema tal-Klassi A. Il-ħtiġijiet ekwivalenti għas-sistemi ATP/ATC tal-Klassi B huma definiti mill-Istat Membru adatt (ara l-Anness B).

Għal settijiet ta’ ferroviji fissi l-prestazzjoni garantita tal-ibbrejkjar tingħata mill-manifatturi u indikata fir-reġistru tal-RS.

Għall-ferroviji ta’ kompożizzjoni varjabbli jew vetturi singoli, għandha tapplika t-TSI tal-Vaguni tal-Merkanzija tal-Vetturi Ferrovjarji.

TSI tal-Vaguni tal-Merkanzija tal-Vetturi Ferrovjarji: It-Taqsima 4.2.4.1.2

TSI tal-Vetturi Ferrovjarji HS: It-Taqsimiet 4.2.4.1, 4.2.4.4, 4.2.4.7

4.3.2.4.   Pożizzjoni ta’ Antenni Abbord ta’ Kontroll u Kmand

Il-pożizzjoni tal-antenni tal-Eurobalise u Euroloop fuq il-vetturi ferrovjarji għandha tkun tali li tkun żgurata komunikazzjoni kredibbli tal-informazzjoni fit-truf tal-ġeometrija tal-binarju li jista’ jkun maqsum mill-vetturi ferrovjarji. Il-moviment u l-aġir tal-vetturi ferrovjarji għandhom ikunu kkunsidrati. Il-Parametru Bażiku tal-Kontroll u Kmand huwa deskritt fit-Taqsima 4.2.2. (Funzjonalità tal-ETCS Abbord).

Dan l-interfejs huwa rilevanti għas-sistema tal-Klassi A. Il-ħtiġijiet għas-sistemi ATP/ATC tal-Klassi B huma definiti mill-Istat Membru adatt (ara l-Anness B).

Il-pożizzjoni tal-antenna tal-GSM R fuq is-saqaf tal-vetturi tiddependi ġeneralment fuq kejl li għandu jitwettaq għal kwalunkwe tip ta’ vettura b’kunsiderazzjoni wkoll tal-pożizzjoni ta’ antenni oħra (ġodda jew eżistenti). Taħt kundizzjonijiet tal-ittestjar il-produzzjoni tal-antenna għandu jikkonforma mal-ħtiġijiet deskritti fit-Taqsima 4.2.5 (interfejsis tal-ispazji għall-arja tal-ETCS u EIRENE). Il-kundizzjonijiet tal-ittestjar huma deskritti wkoll fit-Taqsima 4.2.5 (interfejsis tal-ispazji għall-arja tal-ETCS u EIRENE).

TSI tal-Vaguni tal-Merkanzija tal-Vetturi Ferrovjarji mhix ikkonċernata.

TSI tal-Vetturi Ferrovjarji HS: It-Taqsima 4.3.4.8

4.3.2.5   Kundizzjonijiet ambjentali fiżiċi

Il-kundizzjonijiet ambjentali klimatiċi u fiżiċi tat-tagħmir tal-Kontroll Kmand mistennija fuq il-ferrovija għandhom ikunu definiti permezz ta’ referenza għar-Reġistri tal-Infrastruttura tal-linji fejn il-ferrovija hija maħsuba biex topera u b’referenza għall-Anness A, l-indiċi A4 u l-indiċi A5.

4.3.2.6.   Il-Kompatibbiltà Elettromanjetika bejn il-Vetturi Ferrovjarji u t-tagħmir ta’ Kontroll u Kmand Maġenb il-Binarji

Sabiex ikun faċilitat l-użu universali tat-tagħmir għall-Armar Abbord tal-Kontroll u Kmand fuq vetturi ferrovjarji ġodda għal tħaddim fin-netwerk trans-Ewropew, il-kundizzjonijiet elettromanjetiċi mistennija fuq il-ferrovija għandhom ikunu definiti skont l-Anness A, l-indiċi A6. Għas-sistema tal-komunikazzjoni tal-Eurobalise u Euroloop, japplikaw id-dispożizzjonijiet speċifiċi fl-Anness A, l-indiċi 9 u rispettivament l-Indiċi 16.

Il-ħtiġijiet għas-sistemi abbord il-Klassi B huma definiti mill-Istat Membru adatt (ara l-Anness B).

TSI tal-Vaguni tal-Merkanzija tal-Vetturi Ferrovjarji mhix ikkonċernata.

TSI tal-Vetturi Ferrovjarji HS: It-Taqsima 4.2.6.6

4.3.2.7   L-iżolament tal-funzjonalità tal-ETCS Abbord.

Dan l-interfejs jirreferi għall-iżolament tal-funzjonalità tal-ECTS Abbord. Għandu jkun possibbli l-ferrovija tkun tista’ tiċċaqlaq, wara l-iżolament tal-ETCS, mingħajr l-intervent tal-ETCS. Il-ħtiġijiet tal-Kontroll u Kmand huma fit-Taqsima 4.2.2 (Funzjonalità abbord tal-ETCS).

Dan l-interfejs huwa rilevanti għas-sistema tal-Klassi A. Il-ħtiġijiet ekwivalenti għas-subsistemi ATP/ATC tal-Klassi B huma definiti mill-Istat Membru responsabbli (ara l-Anness B).

TSI tal-Vaguni tal-Merkanzija tal-Vetturi Ferrovjarji mhix ikkonċernata.

TDI tal-Vetturi Ferrovjarji HS: It-Taqsima 4.2.7.10.1

4.3.2.8.   Interfejsis tal-Informazzjoni

L-interfejs tal-informazzjoni bejn il-ferrovija u l-Armar Abbord tal-Kontroll u Kmand huwa definit mill-Anness A, l-Indiċi 7.

Dan l-interfejs huwa rilevanti għas-sistema tal-Klassi A. Il-ħtiġijiet ekwivalenti għas-sistemi ATP/ATC tal-Klassi B huma definiti mill-Istat Membru adatt (ara l-Anness B).

TSI tal-Vaguni tal-Merkanzija tal-Vetturi Ferrovjarji mhumiex ikkonċernati għal-livell 1 u 2 tal-ECTS.

TSI tal-Vetturi Ferrovjarji HS: 4.2.7.12, 4.2.8.3.6.9

Il-ħtiġijiet tal-interfejs bejn il-komunikazzjonijiet bir-radju u s-Subsistema tal-Vetturi Ferrovjarji huma speċifikati fl-Anness A, l-indiċi 33.

Dan l-interfejs huwa rilevanti għas-sistema tal-Klassi A. Il-ħtiġijiet ekwivalenti għas-sistemi tar-radju tal-Klassi B huma definiti mill-Istat Membru adatt (ara l-Anness B).

L-ispeċifikazzjoni korrispondenti rispettiva hija stabbilita fi

TSI tal-Vaguni tal-Merkanzija tal-Vetturi Ferrovjarji: mhix ikkonċernata.

TSI tal-Vetturi Ferrovjarji HS: It-Taqsima 4.2.7.9

4.3.2.9.   Lokalizzaturi tat-Tisħin fil-Kaxxa tal-Fusien

Dan l-interfejs jirreferi għall-ħtiġijiet tekniċi għal-lokalizzaturi tat-tisħin fil-kaxxa tal-fusien. Il-Parametru Bażiku tal-Kontroll u Kmand huwa deskritt fit-Taqsima 4.2.10 (HABD (Lokalizzatur għat-tisħin fil-kaxxa tal-fusien)).

Dan l-interfejs huwa rilevanti għas-sistema HABD tal-Klassi A. Il-ħtiġijiet ekwivalenti għas-sistemi HABD tal-Klassi B huma definiti fir-reġistru tal-infrastruttura adatt (ara l-Anness C).

L-ispeċifikazzjoni korrispondenti rispettiva hija stabbilita fi

TSI tal-Vaguni tal-Merkanzija tal-Vetturi Ferrovjarji: It-Taqsima 4.2.3.3.2

TSI tal-Vetturi Ferrovjarji HS: It-Taqsima 4.2.3.3.2

4.3.2.10.   Id-Dwal ta’ Quddiem tal-Vettura

Dan l-interfejs jirreferi għall-ħtiġijiet tekniċi għall-kromatiċità u l-luminożità tad-dwal ta’ quddiem tal-vetturi biex tkun żgurata l-viżibbiltà korretta tas-sinjali li jirriflettu maġenb il-binarji u l-ħwejjeġ li jirriflettu. Il-ħtiġijiet tal-Kontroll u Kmand huma deskritti fit-Taqsima 4.2.16 (Viżibbiltà ta’ oġġetti tal-Kontroll u Kmand maġenb il-binarji) u fit-Taqsima 4.7.

TSI tal-Vaguni tal-Merkanzija tal-Vetturi Ferrovjarji mhix ikkonċernata.

TSI tal-Vetturi Ferrovjarji HS: It-Taqsima: 4.2.7.4.1.1

4.3.2.11.   Viġilanza tax-Xufier

Il-funzjonalità meħtieġa mit-TSI OPE hija koperta minn funzjonalità tal-Eirene fakultattiva kif deskritt fit-Taqsima 4.2.4 (Funzjonijiet tal-Eirene). Dan l-interfejs huwa validu, f’każ li l-funzjonalità fakultattiva tiġi implimentata minn IM.

L-ispeċifikazzjoni dettaljata tal-interfejs bejn apparat ta’ viġilanza tal-Vetturi Ferrovjarji u l-armar abbord tal-GSM-R tibqa’ punt miftuħ.

TSI tal-Vaguni tal-Merkanzija tal-Vetturi Ferrovjarji mhix ikkonċernata.

TSI tal-Vetturi Ferrovjarji HS: Attwalment ebda ħtieġa ma hija speċifikata fit-Taqsima 4.2.7.9

4.3.2.12.   Odometrija

Dan huwa l-interfejs bejn l-apparat tal-odometrija u l-funzjonalità tal-odometrija meħtieġa għal funzjonijiet abbord tal-ECTS.

Dan l-interfejs għat-TSIs tal-Vetturi Ferrovjarji huwa rilevanti biss għall-Parametru Bażiku deskritt fit-Taqsima 4.2.6.3 (Odometrija) meta t-tagħmir tal-odometrija jiġi provdut bħala kostitwent tal-interoperabbiltà separat (ara t-Taqsima 5.2.2 Raggruppar tal-kostitwenti tal-interoperabbiltà).

Dan l-interfejs huwa rilevanti għas-sistema tal-Klassi A. Il-ħtiġijiet ekwivalenti għas-sistemi ATP/ATC tal-Klassi B huma definiti mill-Istat Membru adatt (ara l-Anness B).

TSI tal-Vaguni tal-Merkanzija tal-Vetturi Ferrovjarji mhix ikkonċernata.

4.3.2.13.   Interfejs għar-reġistrazzjoni tad-dejta għal skopijiet regolatorji

Din l-interfejs tirreferi għall-ħtiġijiet tekniċi għar-reġistrazzjoni tad-dejta. Il-Parametru Bażiku tal-Kontroll u Kmand huwa deskritt fit-Taqsima 4.2.15 (Interfejs għar-Reġistrazzjoni tad-Dejta għal Skopijiet Regolatorji).

Dan l-interfejs huwa rilevanti għas-sistema tal-Klassi A. Il-ħtiġijiet għas-sistemi abbord il-Klassi B huma definiti mill-Istat Membru adatt (ara l-Anness B).

TSI tal-Vaguni tal-Merkanzija tal-Vetturi Ferrovjarji mhix ikkonċernata.

TSI tal-Vetturi Ferrovjarji HS: It-Taqsima 4.2.7.11

4.3.2.14.   Armar abbord minn qabel

Dan l-interfejs jirreferi għall-estensjoni tal-armar minn qabel fuq vettura ferrovjarja b’tagħmir tal-Klassi A kif deskritt fl-Anness A, l-indiċi 57.

Dan l-interfejs huwa rilevanti għas-sistemi tal-Klassi A.

TSI tal-Vetturi Ferrovjarji HS: It-Taqsima 4.2.7.10.1 (Kontroll u Kmand u Sinjalazzjoni: ġenerali)

TSI tal-Vaguni tal-Merkanzija tal-Vetturi Ferrovjarji mhix ikkonċernata.

4.3.2.15.   Il-Firxa Viżiva Esterna tax-Xufier

Dan l-interfejs tirreferi għall-firxa viżiva tax-xufier minn ġol-windskrin tal-kabina. Il-ħtiġijiet tal-Kontroll u Kmand huma deskritti fit-Taqsima 4.2.16 (Viżibbiltà ta’ oġġetti tal-Kontroll u Kmand maġenb il-binarji).

TSI tal-Vaguni tal-Merkanzija tal-Vetturi Ferrovjarji mhix ikkonċernata.

TSI tal-Vetturi Ferrovjarji HS: It-Taqsima 4.2.2.6, 4.2.2.7

4.3.2.16.   Il-kontroll awtomatiku tal-enerġija u ħtiġijiet tal-RS partikolari għal mini twal

Dan l-interfejs jiddeskrivi l-funzjonalità tas-Subsistema tal-Kontroll u Kmand:

—	biex tikkmanda l-għeluq jew ftuħ tal-luvri tal-arja kif meħtieġ minn RS.

—	biex tikkmanda li l-pantografu jkun imniżżel jew mgħolli kif meħtieġ minn ENE

—	biex tikkmanda li l-iswiċċ ewlieni tal-enerġija jkun miftuħ jew magħluq kif meħtieġ mill-ENE

Din hija funzjonalità bażika tal-ETCS deskritta fit-Taqsimiet 4.2.2 u 4.2.3.

TSI tal-Vaguni tal-Merkanzija tal-Vetturi Ferrovjarji mhix ikkonċernata.

TSI tal-Vetturi Ferrovjarji HS: it-Taqsimiet 4.2.7.12, 4.2.8.3.6.7

4.3.3.   Interfejsis għall-Infrastruttura tas-Subsistema

4.3.3.1.   Sistemi tal-Lokalizzazzjoni tal-Ferroviji

L-installazzjoni tal-infrastruttura għandha tiżgura li s-sistema tal-lokalizzazzjoni tal-ferrovija tirrispetta l-ħtiġijiet imsemmija fit-Taqsima 4.2.11 (Kompatibbiltà ma’ Sistemi ta’ Lokalizzazzjoni tal-Ferroviji Maġenb il-Binarji) u l-Anness A, l-Appendiċi 1 (il-Punt 3.5 impedanza bejn ir-roti).

TSI tal-Infrastruttura HS: it-Taqsima 4.2.18

TSI tal-Infrastruttura CR: Referenza għat-TSI CCS għandha tkun inkluża fit-TSI CR sabiex dawk il-ħtiġijiet ta’ CCS ikunu rispettati mill-Infrastruttura.

4.3.3.2.   Tagħmir Maġenb il-Binarji ta’ Kontroll u Kmand

It-tagħmir ta’ trażmissjoni tas-subsistemi maġenb il-binarji (GSM-R, Euroloop, Eurobalise) għandu jkun ippożizzjonat sabiex tkun żgurata komunikazzjoni ta’ dejta kredibbli fit-truf tal-ġeometrija tal-binarju li jista’ jkun maqsum mill-vettura ferrovjarja. Il-moviment u l-aġir tal-vetturi ferrovjarji għandhom ikunu kkunsidrati. Ara t-Taqsima 4.2.5 (interfejsis għall-ispazju tal-ajra tal-ETCS u EIRENE)

Il-pożizzjonar tal-Bords Indikaturi (ara t-Taqsima 4.2.16) u tagħmir ieħor ta’ kontroll kmand maġenb il-binarji (eż. antenni tal-GSM-R, Euroloops, Eurobalises, HABD, sinjali bid-dawl, magni li jiddeterminaw il-punti, …) għandu jilħaq il-ħtiġijiet (qisien minimi tal-binarji tal-infrastruttura) definiti fl-Infrastruttura tat-TSI.

Dan l-interfejs huwa rilevanti, fir-rigward ta’ komunikazzjoni tad-dejta, għal sistema tal-Klassi A. Il-ħtiġijiet ekwivalenti għas-sistemi tal-Klassi B huma definiti mill-Istat Membru xieraq (ara l-Anness B).

TSI tal-Infrastruttura HS: It-Taqsima 4.2.3

4.3.3.3.   Il-Kwalità tar-ramel użat minn RS

Rigward il-funzjoni korretta tas-sistemi tal-lokalizzazzjoni tal-ferroviji, ramel ta’ ċerta kwalità għandu jkun provdut sabiex jintuża mill-RS. Il-ħtiġijiet ta’ CCS huma deskritti fl-Anness A, l-Appendiċi 1, il-klawżola 4.1.4.

TSI tal-Infrastruttura HS: It-Taqsima 4.2.25.4

4.3.3.4.   Użu ta’ brejkijiet tal-elettriku/manjetiċi

Sabiex tkun żgurata l-funzjoni korretta tat-tagħmir tal-Kontroll Kmand maġenb il-binarji, l-użu ta’ brejkijiet manjetiċi u brejkijiet tal-eddy current għandhom ikunu indikati fir-Reġistru tal-Infrastruttura, b’referenza għall-Anness A, l-Appendiċi 1, il-klawżola 5.2.

4.3.4.   Interfejsis għall-Enerġija tas-Subsistema

4.3.4.1.   Kompatibbiltà Elettromanjetika

Il-kundizzjonijiet elettromanjetiċi mistennija minn installazzjonijiet fissi għandhom ikunu definiti b’referenza għall-Anness A, l-indiċi A7.

Għas-sistema ta’ komunikazzjoni Eurobalise u EUROLOOP għandhom japplikaw id-dispożizzjonijiet speċifiċi fl-Anness A, l-Indiċi 9 u rispettivament l-Indiċi 16.

Għas-sistemi ta’ lokalizzazzjoni tal-ferroviji ara l-Anness A, l-Appendiċi 1.

Għall-HABD ara l-Anness A, l-Appendiċi 2.

TSI ENE HS: Klawżola 4.2.6

4.3.4.2.   Kontroll Awtomatiku tal-Enerġija

L-aġir tas-Subsistema tal-Kontroll u Kmand relatat mat-taqsimiet tas-separazzjoni tal-fażijiet u s-separazzjoni tas-sistema tal-enerġija fuq bażi tad-dħul ipprovduta mill-Enerġija tas-Subsistema, huwa deskritt f’4.2.2 u 4.2.3.

TSI ENE HS: Klawżola 4.2.21, 4.2.22, 4.2.2

4.4.   Regoli operattivi

Ir-regoli operattivi speċifiċi għas-Subsistema tal-Kontroll u Kmand (ERTMS/ETCS u GSM-R) huma dettaljati fit-TSI tal-Operazzjoni u Maniġment tat-Traffiku.

4.5.   Regoli ta’ manutenzjoni

Ir-regoli ta’ manutenzjoni tas-Subsistema koperti minn din it-TSI għandhom jiżguraw li l-valuri msemmija fil-parametri bażiċi indikati fil-Kapitolu 4 jinżammu skont il-limiti meħtieġa matul il-perjodu ta’ utilità tal-armar. Madankollu, matul manutenzjoni preventattiva jew korrettiva, is-subsistema tista’ ma tkunx tista’ tikseb il-valuri msemmija fil-parametri bażiċi; ir-regoli ta’ manutenzjoni għandhom jiżguraw li s-sigurtà ma tkunx preġudikata matul dawn l-attivitajiet.

Sabiex jinkisbu dawn ir-riżultati, għandu jkun rispettat dan li ġej.

4.5.1.   Responsabbiltà tal-manifattur tat-tagħmir

Il-manifattur tat-tagħmir inkorporat fis-subsistema għandu jispeċifika:

—

il-ħtiġijiet u l-proċeduri kollha ta’ manutenzjoni (inkluż superviżjoni ta’ metodi u strumenti ta’ funzjonament korretta, dijanjożi u ttestjar) meħtieġa għall-kisba tal-ħtiġijiet essenzjali u l-valuri msemmija fil-ħtiġijiet obbligatorji ta’ din it-TSI matul il-perjodu tal-utilità kollu ta’ dan it-tagħmir (trasport u ħażna qabel l-installazzjoni, operazzjoni normali, fallimenti, azzjonijiet ta’ tiswija, verifiki u interventi tal-manutenzjoni, dekummissjonar eċċ.),

—	ir-riskji kollha għas-saħħa u s-sigurtà li jistgħu jaffettwaw lill-pubbliku u lill-persunal tal-manutenzjoni,

—

il-kundizzjonijiet għall-manutenzjoni tal-ewwel linja (jiġifieri d-definizzjoni ta’ Unitajiet Sostitwibbli tal-Linja (LRUs), id-definizzjoni ta’ verżjonijiet kompatibbli approvati ta’ Ħardwer u Softwer, is-sostituzzjoni ta’ LRUs li ma jaħdmux, u eż. il-kundizzjonijiet għall-ħażna ta’ LRUs u għat-tiswija ta’ LRUs li ma jaħdmux,

—	il-kundizzjonijiet tekniċi għat-tmexxija ta’ ferrovija b’tagħmir li ma jaħdimx sal-aħħar tal-missjoni jew sal-workshop (modulu degradat minn perspettiva teknika, eż. funzjonijiet parzjalment jew totalment mitfija, iżolament minn funzjonijiet oħra eċċ.).

—	il-verifiki li għandhom jitwettqu f’każ li t-tagħmir ikun suġġett għal tensjoni eċċezzjonali (eż. kundizzjonijiet ambjentali eċċessivi jew xokkijiet abnormali)

4.5.2.   Responsabbiltà tal-entitajiet kontraenti

L-entitajiet kontraenti għandhom:

—	jiżguraw li, għall-komponenti kollha fl-ambitu ta’ dan it-TSI (indipendentement minn jekk humiex kostitwenti tal-interoperabbiltà jew le), il-ħtiġijiet tal-manutenzjoni deskritti fit-Taqsima 4.5.1 (Responsabbiltà tal-manifattur tat-tagħmir) huma definiti.

—	jistabbilixxu r-regoli meħtieġa tal-manutenzjoni għall-komponenti kollha fl-ambitu ta’ dan it-TSI b’kunsiderazzjoni tar-riskji dovuti għal interazzjonijiet ta’ tagħmir differenti fis-subsistema u interfejsis ma’ subsistemi oħra.

4.5.3.   Responsabbiltà tal-amministratur tal-infrastruttura jew l-impriża ferrovjarja

L-amministratur tal-infrastruttura jew l-impriża ferrovjarja responsabbli mill-operazzjoni tal-Armar Abbord jew Maġenb il-Binarji:

—	Għandu jistabbilixxi pjan ta’ manutenzjoni kif speċifikat fit-Taqsima 4.5.4 (Pjan ta’ manutenzjoni).

4.5.4.   Pjan ta’ manutenzjoni

Il-pjan ta’ manutenzjoni għandu jkun ibbażat fuq id-dispożizzjonijiet speċifikati fit-Taqsima 4.5.1 (Responsabbiltà tal-manifattur tat-tagħmir), it-Taqsima 4.5.2 (Responsabbiltà tal-entitajiet kontraenti) u t-Taqsima 4.5.3 (Responsabbiltà tal-amministratur tal-infrastruttura jew l-impriża ferrovjarja) u għandu jkopri, mill-inqas:

—	Kundizzjonijiet għall-użu tat-tagħmir, skont il-ħtiġijiet indikati mill-manifatturi.

—

Speċifikazzjoni tal-programmi ta’ manutenzjoni (eż. definizzjoni ta’ kategoriji ta’ manutenzjoni preventiva jew korrettiva, ħin massimu bejn l-azzjonijiet ta’ manutenzjoni preventivi u l-prekawzjonijiet korrispondenti li għandhom jitwettqu għas-sigurtà tas-Subsistema u l-persunal tal-manutenzjoni, b’kunsiderazzjoni tal-interferenza ta’ azzjonijiet ta’ manutenzjoni fit-tħaddim tas-Subsistema tal-Kontroll u Kmand).

—	Ħtiġijiet għall-ħażna tal-partijiet ta’ rikambju.

—	Definizzjoni tal-ewwel manutenzjoni tal-linja.

—	Regoli għall-amministrazzjoni tat-tagħmir li ma jaħdimx.

—	Ħtiġijiet relatati mal-kompetenzi professjonali minimi tal-persunal tal-manutenzjoni, b’referenza għar-riskji tas-saħħa u s-sigurtà.

—	Ħtiġijiet relatati mat-tagħmir protettiv personali.

—

Definizzjoni tar-responsabbiltajiet u l-awtorizzazzjoni tal-persunal tal-manutenzjoni (eż., għal aċċess għat-tagħmir, amministrazzjoni tal-limitazzjonijiet u/jew interruzzjonijiet tat-tħaddim tas-sistema, sostituzzjoni tal-LRUs, tiswija tal-LRUs li ma jaħdmux, restawr tal-operazzjoni normali tas-sistema).

—	Proċeduri għall-amministrazzjoni tal-identitajiet tal-ETCS. Ara t-Taqsima 4.2.9 (Amministrazzjoni tal-ETCS-ID).

—	Metodi għar-rappurtar lill-manifattur tat-tagħmir tal-informazzjoni dwar id-difetti kritiċi tas-sigurtà u fallimenti frekwenti tas-sistema.

4.6.   Kompetenzi professjonali

Il-kompetenzi professjonali meħtieġ għat-tħaddim tas-subsistema ta’ Kontroll u Kmand huma koperti mit-TSI tal-Operazzjoni u l-Maniġment tat-Traffiku.

Il-kompetenzi professjonali meħtieġa għall-manutenzjoni tas-Subsistema ta’ Kontroll u Kmand għandhom ikunu dettaljati fil-pjan ta’ manutenzjoni (ara t-Taqsima 4.5.4 Pjan ta’ manutenzjoni).

4.7.   Kundizzjonijiet tas-saħħa u s-sigurtà

Flimkien mal-ħtiġijiet speċifikati fil-pjanijiet tal-manutenzjoni, ara t-Taqsima 4.5 (Regoli ta’ manutenzjoni), għandhom jitwettqu prekawzjonijiet biex tkun żgurata s-saħħa u s-sigurtà għall-persunal tal-manutenzjoni u l-operazzjonijiet, skont ir-regolamenti Ewropew u r-regolamenti nazzjonali li huma kompatibbli mal-leġiżlazzjoni Ewropea.

Il-persunal involut fil-manutenzjoni ta’ tagħmir CCS ta’ maġenb il-binarji, waqt li jaħdem fuq jew viċin il-binarju, għandu jilbes ħwejjeġ li jirriflettu, bil-marka tal-KE (u għalhekk jissodisfa d-dispożizzjonijiet tad-Direttiva 89/686/KEE tal-21 ta’ Diċembru 1989 dwar l-approssimazzjoni tal-liġijiet tal-Istati Membri relatati ma’ tagħmir protettiv personali).

4.8.   Reġistri dwar l-Infrastruttura u l-Vetturi Ferrovjarji

Is-Subsistema tal-Kontroll u Kmand hija trattata bħal żewġ Armar:

—	l-Armar Abbord,

—	l-Armar Maġenb il-Binarji.

Il-ħtiġijiet għall-kontenut tar-reġistru tal-infrastruttura u l-vetturi ferrovjarji fir-rigward tal-Armar tal-Kontroll u Kmand huma speċifikati fl-Anness C (karatteristiċi speċifiċi tal-linja u speċifiċi tal-ferrovija).

5.   KOSTITWENTI TAL-INTEROPERABBILTÀ

5.1.   Definizzjonijiet

Skont l-Artikolu 2(d) tad-Direttiva 96/48/KE:

Il-kostitwenti tal-interoperabbiltà huma “kull komponent elementari, grupp ta’ komponenti, armar parzjali jew armar sħiħa ta’ tagħmir inkoporat jew intiż biex jiġi inkorporat f'sottosistema, li fuqhom tiddependi l-interoperabbiltà tas-sistema ferrovjarja trans-Ewropea ta’ veloċità għolja direttament jew indirettament”. Il-kunċett ta’ kostitwenti jkopri kemm oġġetti tanġibbli kif ukoll oġġetti mhux tanġibbli bħal softwer.

5.2.   Lista ta’ kostitwenti tal-interoperabbiltà

5.2.1.   Kostitwenti tal-interoperabbiltà bażiċi

Il-kostitwenti tal-interoperabbiltà f’Subsistema ta’ Kontroll u Kmand huma mniżżla fi:

—	It-Tabella 5.1.a għal Armar Abbord,

—	It-Tabella 5.2.a għall-Armar Maġenb il-Binarji.

Il-kostitwent tal-interoperabbiltà “pjattaforma ta’ sigurtà” huwa definit bħala element bażiku (prodott ġeneriku, indipendenti mill-applikazzjoni) magħmul minn ħardwer u softwer bażiku (fermwer u/jew sistema operattiva u/jew għodda ta’ appoġġ), li jista’ jintuża biex jinbnew sistemi iktar kumplessi (applikazzjonijiet ġeneriċi, jiġifieri klassijiet ta’ applikazzjonijiet).

5.2.2.   Raggruppar ta’ kostitwenti tal-interoperabbiltà

Il-kostitwenti tal-interoperabbiltà bażiċi tal-Kontroll u Kmand definiti fit-Tabelli 5.1.a u 5.2.a jistgħu jkunu magħquda biex jiffurmaw unità ikbar. Il-grupp huwa mbagħad definit mill-funzjonijiet tal-kostitwenti tal-interoperabbiltà integrati u l-interfejsis li jibqa’ fuq barra tal-grupp. Jekk grupp ikun iffurmat b’dan il-mod, għandu jkun ikkunsidrat bħala kostitwent tal-interoperabbiltà.

—	It-Tabella 5.1.b tniżżel il-gruppi tal-kostitwenti tal-interoperabbiltà tal-Armar Abbord

—	It-Tabella 5.2.b tniżżel il-gruppi tal-kostitwenti tal-interoperabbiltà tal-Armar Maġenb il-Binarji

Meta l-ispeċifikazzjonijiet obbligatorji indikati f’din it-TSI ma jkunux disponibbli għall-appoġġ ta’ interfejs, dikjarazzjoni ta’ konformità tista’ tkun possibbbli permezz tar-raggruppar ta’ kostitwenti tal-interoperabbiltà.

5.3.   Prestazzjonijiet u speċifikazzjonijiet tal-kostitwenti

Għal kull kostitwent bażiku tal-interoperabbiltà jew grupp ta’ kostitwenti tal-interoperabbiltà, it-tabelli fil-Kapitolu 5 jiddeskrivu:

—	Fil-kolonna 3, il-funzjonijiet u l-interfejsis. Osserva li xi kostitwenti tal-interoperabbiltà għandhom funzjonijiet u/jew interfejsis li huma fakultattivi.

—	Fil-kolonna 4, l-ispeċifikazzjonijiet obbligatorji għall-evalwazzjoni tal-konformità ta’ kull funzjoni jew interfejs, sa fejn ikun rilevanti, permezz ta’ referenza għat-taqsima rilevanti tal-Kapitolu 4.

—	Fil-kolonna 5, il-moduli li għandhom ikunu applikati għall-evalwazzjoni tal-konformità, li huma deskritti fil-Kapitolu 6 ta’ din it-TSI.

Osserva li l-ħtiġijiet tat-Taqsima 4.5.1 (Responsabbiltà tal-manifattur tat-tagħmir) japplikaw għal kull kostitwent tal-interoperabbiltà bażiku jew grupp ta’ kostitwenti tal-interoperabbiltà.

Tabella 5.1.a

kostitwenti tal-interoperabbiltà bażiċi fl-armar tal-Kontroll u Kmand abbord

1	2	3	4	5
n	Kostitwent tal-interoperabbiltà IC	Karatteristiċi	Ħtiġijiet speċifiċi li għandhom ikunu evalwati permezz ta’ referenza għall-Kapitolu 4	Modulu
1	ERTMS ETCS abbord	Sigurtà	4.2.1
		Funzjonalità tal-ETCS abbord	4.2.2	H2 jew B b’D jew B b’F
		Bl-esklużjoni ta’: — Odometrija — Reġistrazzjoni ta’ dejta għal skopijiet regolatorji
		Interfejsis għall-ispazju tal-arja tal-ETCS u l-EIRENE	4.2.5
		RBC (livell 2 u 3)
		Unità ta’ radio infill (livell 1 fakultattiv)
		Spazju tal-arja Eurobalise
		Spazju tal-arja Euroloop (livell 1 fakultattiv)
		Interfejsis
		STM (implimentazzjoni tal-interfejs K fakultattiv)	4.2.6.1
		ERTMS GSM-R abbord	4.2.6.2
		Odometrija	4.2.6.3
		Sistema tal-maniġment taċ-ċwievet	4.2.8
		Maniġment tal-ETCS ID	4.2.9
		Interfejs tal-Magna tax-Xufier tal-ETCS	4.2.13
		Maniġment taċ-Ċwievet	4.3.1.7
		Kundizzjonijiet ambjentali fiżiċi	4.3.2.5
		EMC	4.3.2.6
		Interfejsis tad-Dejta	4.3.2.8
		Reġistratur tal-Informazzjoni tas-Sigurtà	Xejn
2	Pjattaforma ta’ sigurtà abbord	Sigurtà	4.2.1	H2 jew B b’D jew B b’F
3	Reġistratur tal-Informazzjoni tas-Sigurtà	Funzjonalità tal-ETCS abbord	4.2.2	H2 jew B b’D jew B b’F
		Reġistrazzjoni ta’ dejta biss għal skopijiet regolatorji
		Interfejsis
		Strument tat-tniżżil tal-JRU	4.2.15
		ERTMS/ETCS abbord	Xejn
		Kundizzjonijiet ambjentali	4.3.2.5
		EMC	4.3.2.6
4	Odometrija	Sigurtà	4.2.1	H2 jew B b’D jew B b’F
		Funzjonalità tal-ETCS abbord	4.2.2
		Odometrija biss
		Interfejsis
		ERTMS ETCS abbord	4.2.6.3
		Kundizzjonijiet ambjentali	4.3.2.5
		EMC	4.3.2.6
5	STM Estern	Funzjonijiet u sigurtà	Xejn	H2 jew B b’D jew B b’F
		Skont l-ispeċifikazzjonijiet nazzjonali
		Interfejsis
		ERTMS ETCS abbord	4.2.6.1
		Spazju tal-arja tas-sistema ATP/ATC tal-Klassi B	Xejn
		Skont l-ispeċifikazzjonijiet nazzjonali
		Kundizzjonijiet ambjentali	Xejn
		Skont l-ispeċifikazzjonijiet nazzjonali
		EMC	Xejn
		Skont l-ispeċifikazzjonijiet nazzjonali
6	ERTMS/GSM-R abbord	Funzjonijiet tal-EIRENE	4.2.4	H2 jew B b’D jew B b’F
		Komunikazzjoni tad-dejta fil-livell 2 jew 3 biss jew fil-livell 1 b’radio infill
		Interfejsis
		ERTMS ETCS abbord
		Fil-livell 2 jew 3 biss jew fil-livell 1 b’radio infill	4.2.6.2
		GSM-R	4.2.5
		Interfejs tal-Magna tax-Xufier tal-EIRENE	4.2.14
		Kundizzjonijiet ambjentali	4.3.2.5
		EMC	4.3.2.6

Tabella 5.1.b

Grupp ta’ kostitwenti tal-interoperabbiltà bażiċi fl-Armar tal-Kontroll u Kmand Abbord

Din it-tabella hija eżempju li juri l-istruttura. gruppi oħra jistgħu jkunu proposti

1	2	3	4	5
n	Kostitwent tal-interoperabbiltà IC	Karatteristiċi	Ħtiġijiet speċifiċi li għandhom ikunu evalwati permezz ta’ referenza għall-Kapitolu 4	Modulu
1	Pjattaforma ta’ sigurtà abbord ERTMS ETCS abbord Reġistratur tal-Informazzjoni tas-Sigurtà Odometrija	Sigurtà	4.2.1
		Funzjonalità tal-ETCS abbord	4.2.2
		Interfejsis għall-ispazju tal-arja tal-ETCS u l-EIRENE	4.2.5	H2 jew B b’D jew B b’F
		RBC (livell 2 u 3)
		Unità ta’ radio infill (livell fakultattiv 1)
		Spazju tal-arja Eurobalise
		Spazju tal-arja Euroloop (livell 1 fakultattiv)
		Interfejsis
		STM (implimentazzjoni tal-interfejs K fakultattiv)	4.2.6.1
		ERTMS GSM-R abbord	4.2.6.2
		Sistema ta’ maniġment taċ-ċwievet	4.2.8
		Maniġment tal-ETCS ID	4.2.9
		Interfejs tal-Magna tax-Xufier tal-ETCS	4.2.13
		Kundizzjonijiet ambjentali fiżiċi	4.3.2.5
		EMC	4.3.2.6
		Għodda tat-tniżżil JRU	4.2.15
		Interfejsis tal-informazzjoni	4.3.2.8

Tabella 5.2.a

Kostitwenti tal-interoperabbiltà bażiċi fl-Armar tal-Kontroll u Kmand Maġenb il-Binarji

1	2	3	4	5
N	Kostitwent tal-interoperabbiltà IC	Karatteristiċi	Ħtiġijiet speċifiċi li għandhom ikunu evalwati permezz ta’ referenza għall-Kapitolu 4	Modulu
1	RBC	Sigurtà	4.2.1	H2 jew B b’D jew B b’F
		Funzjonalità tal-ETCS maġenb il-binarji	4.2.3
		Komunikazzjoni eskluża permezz ta’ Eurobalises, radio infill u Euroloop
		Interfejsis għall-ispazju tal-arja tal-ETCS u l-EIRENE	4.2.5
		Komunikazzjoni bir-radju biss mal-ferrovija
		Interfejsis
		RBC fil-Viċinat	4.2.7.1, 4.2.7.2
		ERTMS GSM-R maġenb il-binarji	4.2.7.3
		Sistema ta’ maniġment taċ-ċwievet	4.2.8
		Maniġment tal-ETCS-ID	4.2.9
		Interlokkjar
		Kundizzjonijiet ambjentali	4.3.2.5
		EMC	4.3.4.1, 4.3.2.2
2	Unità ta’ radio infill	Sigurtà	4.2.1
		Funzjonalità tal-ETCS maġenb il-binarji	4.2.3
		Komunikazzjoni eskluż permezz ta’ Eurobalises, Euroloop u funzjonalità tal-livell 2/3
		Interfejsis għall-ispazju tal-arja tal-ETCS u l-EIRENE	4.2.5	H2 jew B b’D jew B b’F
		Komunikazzjoni bir-radju biss mal-ferrovija
		Interfejsis
		ERTMS GSM-R maġenb il-binarji	4.2.7.3
		Sistema ta’ maniġment taċ-ċwievet	4.2.8
		Maniġment tal-ETCS-ID	4.2.9
		Interlokkjar u LEU	4.2.3
		Kundizzjonijiet ambjentali	4.3.2.5
		EMC	4.3.4.1, 4.3.2.2
3	Eurobalise	Sigurtà	4.2.1
		Interfejsis għall-ispazju tal-arja tal-ETCS u l-EIRENE	4.2.5	H2 jew B b’D jew B b’F
		Komunikazzjoni tal-Eurobalise mal-ferrrovija biss
		Interfejsis
		LEU Eurobalise	4.2.7.4
		Maniġment tal-ETCS-ID	4.2.9
		Kundizzjonijiet ambjentali	4.3.2.5
		EMC	4.3.4.1, 4.3.2.2
4	Euroloop	Sigurtà	4.2.1	H2 jew B b’D jew B b’F
		Interfejsis għall-ispazju tal-arja tal-ETCS u l-EIRENE	4.2.5
		Komunikazzjoni Euroloop mal-ferrovija biss
		Interfejsis
		LEU Euroloop	4.2.7.5
		Maniġment tal-ETCS-ID	4.2.9
		Kundizzjonijiet ambjentali	4.3.2.5
		EMC	4.3.4.1, 4.3.2.2
5	LEU Eurobalise	Sigurtà	4.2.1
		Funzjonalità tal-ETCS maġenb il-binarji	4.2.3	H2 jew B b’D jew B b’F
		Komunikazzjoni eskluża permezz ta’ radio infill, Euroloop u funzjonalità tal-livell 2 u tal-livell 3
		Interfejsis
		Sinjalazzjoni maġenb il-binarji	Xejn
		Eurobalise	4.2.7.4
		Maniġment tal-ETCS-ID	4.2.9
		Kundizzjonijiet ambjentali	4.3.2.5
		EMC	4.3.4.1, 4.3.2.2
6	LEU Euroloop	Sigurtà	4.2.1
		Funzjonalità tal-ETCS maġenb il-binarji	4.2.3	H2 jew B b’D jew B b’F
		Komunikazzjoni eskluża permezz ta’ radio infill, Eurobalise u funzjonalità tal-livell 2 u tal-livell 3
		Interfejsis
		Sinjalazzjoni maġenb il-binarji	Xejn
		Euroloop	4.2.7.5
		Maniġment tal-ETCS-ID	4.2.9
		Kundizzjonijiet ambjentali	4.3.2.5
		EMC	4.3.4.1, 4.3.2.2
7	Pjattaforma ta’ Siġurtà maġenb il-binarji	Sigurtà	4.2.1	H2 jew B b’D jew B b’F

Tabella 5.2.b

Gruppi ta’ kostitwenti tal-interoperabbiltà fl-Armar tal-Kontroll u Kmand Maġenb il-Binarji

Din it-tabella hija eżempju biex turi l-istruttura. Gruppi oħra jistgħu jkunu proposti

1	2	3	4	5
N	Kostitwent tal-interoperabbiltà IC	Karatteristiċi	Ħtiġijiet speċifiċi li għandhom ikunu evalwati permezz ta’ referenza għall-Kapitolu 4	Modulu
1	Pjattaforma ta’ Siġurtà maġenb il-binarji Eurobalise LEU Eurobalise	Sigurtà	4.2.1
		Funzjonalità tal-ETCS maġenb il-binarji	4.2.3	H2 jew B b’D jew B b’F
		Komunikazzjoni eskluża permezz ta’ Euroloop u funzjonalità tal-livell 2 u tal-livell 3
		Interfejsis għall-ispazju tal-arja tal-ETCS u l-EIRENE	4.2.5
		Komunikazzjoni tal-Eurobalise mal-ferrrovija biss
		Interfejsis
		Sinjalazzjoni maġenb il-binarji	Xejn
		Maniġment tal-ETCS-ID	4.2.9
		Kundizzjonijiet ambjentali	4.3.2.5
		EMC	4.3.4.1, 4.3.2.2
2	Pjattaforma ta’ Siġurtà maġenb il-binarji Euroloop LEU Euroloop	Sigurtà	4.2.1
		Funzjonalità tal-ETCS maġenb il-binarji	4.2.3	H2 jew B b’D jew B b’F
		Komunikazzjoni eskluża permezz ta’ Eurobalise u funzjonalità tal-livell 2 u tal-livell 3
		Interfejsis għall-ispazju tal-arja tal-ETCS u l-EIRENE	4.2.5
		Komunikazzjoni Euroloop mal-ferrovija biss
		Interfejsis
		Sinjalazzjoni maġenb il-binarji	Xejn
		Maniġment tal-ETCS-ID	4.2.9
		Kundizzjonijiet ambjentali	4.3.2.5
		EMC	4.3.4.1, 4.3.2.2

6.   EVALWAZZJONI TAL-KONFORMITÀ U/JEW ADATTABBILTÀ GĦALL-UŻU TAL-KOSTITWENTI U VERIFIKA TAS-SUBSISTEMA

6.0.   Introduzzjoni

Fl-ambitu ta’ din it-TSI, it-twettiq tal-ħtiġijiet essenzjali rilevanti msemmija fil-Kapitolu 3 ta’ din it-TSI għandu jkun żgurat permezz ta’ konformità mal-ispeċifikazzjoni msemmija fil-Kapitolu 4 u, bħala segwitu, fil-Kapitolu 5 għall-kostitwenti tal-interoperabbiltà, kif muri bħala riżultat pożittiv tal-evalwazzjoni tal-konformità u/jew l-adattabbiltà tal-użu tal-kostitwent tal-interoperabbiltà u verifika tas-subsistema kif deskritt fil-Kapitolu 6.

Minkejja dan, meta parti mill-ħtiġijiet essenzjali jkunu sodisfatti mir-Regoli Nazzjonali, minħabba:

a)	L-użu ta’ sistemi tal-Klassi B (inklużi funzjonijiet nazzjonali fl-STMs),

b)	Punti miftuħa fit-TSI,

c)	Derogi skont l-Artikolu 7 tad-Direttiva 96/48/KE,

d)	Każijiet speċifiċi deskritti fit-Taqsima 7.3

l-evalwazzjoni tal-konformità għandha għalhekk titwettaq taħt ir-responsabbiltà tal-Istati Membri kkonċernati skont il-proċeduri notifikati.

6.1.   Kostitwenti tal-interoperabbiltà

6.1.1.   Proċeduri ta’ evalwazzjoni

Il-manifattur ta’ Kostitwent tal-interoperabbiltà (IC) (u/jew gruppi ta’ kostitwenti tal-interoperabbiltà) jew ir-rappreżentant awtorizzat tiegħu stabbilit fil-Komunità għandu jfassal dikjarazzjoni ta’ konformità tal-KE skont l-Artikolu 13.1 u l-Anness IV tad-Direttiva 96/48/KE qabel ma jqegħidhom fuq is-suq.

Il-proċedura ta’ evalwazzjoni għall-konformità ta’ kostitwenti tal-interoperabbiltà u/jew gruppi ta’ kostitwenti tal-interoperabbiltà kif definit fil-Kapitolu 5 ta’ din it-TSI għandha titwettaq permezz ta’ applikazzjoni tal-moduli kif speċifikat fit-Taqsima 6.1.2 (Moduli).

Ftit mill-ispeċifikazzjonijiet f’din it-TSI jinkludu funzjonijiet obbligatorji u/jew fakultattivi. Il-korp notifikat għandu:

—	Jivverifika, li l-funzjonijiet obbligatorji kollha rilevanti għall-kostitwent tal-interoperabbiltà jkunu implimentati;

—	Jivverifika, liema funzjonijiet fakultattivi huma implimentati,

u jwettaq l-evalwazzjoni ta’ konformità.

Il-fornitur għandu jindika fid-dikjarazzjoni tal-KE liema funzjonijiet fakultattivi huma implimentati.

Il-korp notifikat għandu jivverifika, li ebda funzjonijiet addizzjonali, implimentati fil-kostitwent, ma jwasslu għal kunflitti ma’ funzjonijiet implimentati obbligatorji jew funzjonali.

6.1.1.1.   Il-Modulu Speċifiku ta’ Trażmissjoni (Specific Transmission Module, STM)

Dan l-STM għandu jissodisfa l-ħtiġijiet nazzjonali, u l-approvazzjoni tiegħu hija responsabbiltà tal-Istat Membru adattat kif iddikjarat fl-Anness B.

Il-verifika tal-interfejs tal-STM għall-ERTMS/ETCS abbord teħtieġ evalwazzjoni ta’ konformità mwettqa minn entità notifikata. Il-korp notifikat għandu jivverifika li l-Istat Membru approva l-parti nazzjonali tal-STM.

6.1.1.2.   Dikjarazzjoni tal-KE għall-adattabbiltà għall-użu

Mhix meħtieġa dikjarazzjoni tal-KE għall-adattabbiltà għall-użu għal kostitwenti tal-interoperabbiltà tas-Subsistema tal-Kontroll u Kmand.

6.1.2.   Moduli

Għall-evalwazzjoni tal-kostitwenti tal-interoperabbiltà fis-subsistema tal-Kontroll Kmand, il-manifattur, jew ir-rappreżentant awtorizzat tiegħu stabbilit fil-Komunità, jista’ jagħżel il-moduli skont it-Tabelli 5.1A, 5.1B, 5.2A u 5.2B:

—	Jew il-proċedura tal-eżami tat-tip (il-Modulu B) għall-fażi tad-disinn u l-iżvilupp flimkien mal-proċedura tas-sistema tal-amministrazzjoni tal-kwalità tal-produzzjoni (il-Modulu D) għall-fażi tal-produzzjoni, jew

—	Il-proċedura tal-eżami tat-tip (il-Modulu B) għall-fażi tad-disinn u l-iżvilupp flimkien mal-proċedura tal-verifika tal-prodott (il-Modulu F), jew

—	Is-sistema tal-maniġment tal-kwalità totali bil-proċedura tal-eżami tad-disinn (il-Modulu H2).

Id-deskrizzjoni tal-moduli tinsab fl-Anness E ta’ din it-TSI.

Il-Modulu D (sistema ta’ amministrazzjoni tal-kwalità tal-produzzjoni) jista’ jintgħażel biss meta l-manifattur jopera sistema ta’ kwalità għall-produzzjoni, spezzjoni u ttestjar tal-prodott finali, approvata u ssorveljata minn entità notifikata.

Il-Modulu H2 (sistema ta’ amministrazzjoni tal-kwalità totali b’eżami tad-disinn) jista’ jkun magħżul biss meta l-manifattur jopera sistema ta’ kwalità għad-disinn, produzzjoni, spezzjoni u ttestjar tal-prodott finali, approvata u ssorveljata minn entità notifikata.

Il-kjarifiki addizzjonali li ġejjin japplikaw għall-użu ta’ wħud mill-moduli:

—

B’referenza għall-Kapitolu 4 tad-deskrizzjoni tal-‘Modulu B’ (eżami tat-tip) fl-Anness E: (a) Reviżjoni tad-disinn hija mitluba; (b) Reviżjoni tal-proċess tal-manifattura mhix mitluba jekk il-‘Modulu B’ (eżami tat-tip) huwa użat flimkien mal-‘Modulu D’ (sistema tal-amministrazzjoni tal-kwalità tal-produzzjoni); (c) Reviżjoni tal-proċess tal-manifattura hija meħtieġa jekk il-‘Modulu B’ (eżami tat-tip) hija użata flimkien mal-‘Modulu F’ (verifika tal-prodott).

—	B’referenza għall-Kapitolu 3 tad-deskrizzjoni tal-‘Modulu F’ (verifika tal-prodott) fl-Anness E, verifika tal-istatistika mhix awtorizzata, jiġifieri l-kostitwenti kollha tal-interoperabbiltà għandhom ikunu eżaminati individwalment.

—	B’referenza għat-Taqsima 6.3 tal-“Modulu H2” (sistema ta’ amministrazzjoni tal-kwalità totali b’eżami tad-disinn), test tat-tip huwa meħtieġ.

Indipendentement mill-modulu magħżul, id-dispożizzjonijiet tal-Anness A l-indiċi 47, l-indiċi A1, l-indiċi A2 u l-indiċi A3 għandhom ikunu applikati għaċ-ċertifikazzjoni tal-Kostitwenti tal-Interoperabbiltà, li japplikaw għalihom il-ħtiġijiet tas-sigurtà tal-Parametru Bażiku (it-Taqsima 4.2.1 Karatteristiċi tas-sigurtà tal-Kontroll u Kmand rilevanti għall-interoperabbiltà).

Indipendentement mill-modulu magħżul, għandu jkun verifikat li l-indikazzjonijiet tal-fornitur għall-manutenzjoni tal-kostitwenti tal-interoperabbiltà huma konformi mal-ħtiġijiet tat-Taqsima 4.5 (Regoli tal-manutenzjoni) ta’ din it-TSI.

Jekk il-Modulu B (eżami tat-tip) ikun użat, dan għandu jkun magħmul fuq il-bażi tal-eżami tad-dokumentazzjoni teknika (ara t-Taqsima 3 u 4.1 tad-deskrizzjoni tal-Modulu B (eżami tat-tip)).

Jekk il-Modulu H2 (sistema tal-amministrazzjoni tal-kwalità totali b’eżami tad-disinn) ikun użat, l-applikazzjoni għall-eżami tad-disinn għandha tinkludi l-elementi kollha li jappoġġjaw evidenza li l-ħtiġijiet tat-Taqsima 4.5 (Regoli ta’ manutenzjoni) ta’ din it-TSI huma sodisfatti.

6.2.   Subsistema tal-Kontroll u Kmand

6.2.1.   Proċeduri ta’ evalwazzjoni

Dan il-Kapitolu jitratta d-dikjarazzjoni tal-KE tal-verifika tas-Subsistema tal-Kontroll u Kmand. Kif iddikjarat fil-Kapitolu 2 l-applikazzjoni tas-Subsistema tal-Kontroll u Kmand hija trattata bħala żewġ armar:

—	l-Armar Abbord,

—	l-Armar Maġenb il-Binarji.

Għal kull armar, dikjarazzjoni ta’ verifika tal-KE hija meħtieġa.

Fuq talba tal-entità kontraenti jew ir-rappreżentant tagħha stabbilit fil-Komunità l-korp notifikat iwettaq verifika tal-KE ta’ Armar Abbord jew Maġenb il-binarji skont l-Anness VI tad-Direttiva 96/48/KE.

L-entità kontraenti għandha tfassal id-dikjarazzjoni ta’ verifika tal-KE għall-Armar tal-Kontroll u Kmand skont l-Artikolu 18(1) u l-Anness V tad-Direttiva 96/48/KE.

Il-kontenut tad-dikjarazzjoni tal-verifika tal-KE għandu jikkonforma mal-Anness V tad-Direttiva 96/48/KE. Dan jinkludi l-verifika tal-integrazzjoni tal-kostitwenti tal-interoperabbiltà li huma parti mill-assemblaġġ; it-Tabelli 6.1 u 6.2 jiddefinixxu l-karatteristiċi li għandhom ikunu verifikati u r-referenza għall-ispeċifikazzjonijiet obbligatorji li għandhom ikunu applikati.

Ftit mill-ispeċifikazzjonijiet f’din it-TSI jinkludu funzjonijiet obbligatorji u/jew fakultattivi. Il-korp notifikat għandu:

—	jivverifika li l-funzjonijiet kollha obbligatorji meħtieġa għall-Armar jkunu implimentati;

—	jivverifika li l-funzjonijiet fakultattivi kollha meħtieġa mill-implimentazzjoni speċifika maġenb il-binarji jew abbord ikunu implimentati;

Il-korp notifikat għandu jivverifika, li ebda funzjoni addizzjonali, implimentati fl-armar, ma twassal għal kunflitti ma’ funzjonijiet implimentati obbligatorji jew fakultattivi.

Informazzjoni dwar l-implimentazzjoni speċifika tal-Armar Maġenb il-Binarji u Abbord għandha tkun pprovduta fir-Reġistru tal-Infrastruttura u fir-Reġistru tal-Vetturi Ferrovjarji skont l-Anness C.

Id-dikjarazzjoni ta’ verifika tal-KE tal-Armar Maġenb il-binarji jew Abbord għandha tipprovdi l-informazzjoni kollha meħtieġa li tkun inkluża fir-reġistri fuq imsemmija. Ir-Reġistri għandhom ikunu amministrati skont id-Direttiva tal-Interoperabbiltà 96/48/KE Artikolu 22.a.

Id-dikjarazzjoni ta’ verifika tal-KE dwar Armar Abbord u Maġenb il-Binarji, flimkien maċ-Ċertifikati ta’ Konformità, hija biżżejjed biex tiżgura li Armar Maġenb il-Binarji topera b’Armar Abbord mgħammar bil-karatteristiċi korrispondenti kif definiti fir-Reġistru tal-Vetturi Ferrovjarji u fir-Reġistru tal-Infrastruttura mingħajr dikjarazzjoni addizzjonali tas-subsistema tal-verifika tal-KE.

6.2.1.1.   Verifika ta’ integrazzjoni funzjonali ta’ Armar Abbord

Il-verifika għandha ssir għal Armar Abbord ta’ Kontroll Kmand installat fuq vettura. Għat-tagħmir tal-Kontroll u Kmand li mhux definit bħala Klassi A l-ħtiġijiet ta’ verifika assoċjati mal-interoperabbiltà biss (pereżempju STM-ERTMS/ETCS interfejs Abbord) huma inklużi f’din it-TSI.

Qabel ma tista’ sseħħ xi verifika funzjonali abbord, il-kostitwenti tal-interoperabbiltà inklużi fl-armar għandhom ikunu evalwati skont it-Taqsima 6.1 ta’ hawn fuq li tirriżulta f’dikjarazzjoni tal-konformità tal-KE. Il-korp notifikat għandu jevalwa li huma adattati għall-applikazzjoni (eż., funzjonijiet fakultattivi implimentati).

Il-funzjonalità tal-Klassi A diġà verifikata fuq livell ta’ kostitwent tal-interoperabbiltà ma teħtiġx verifika addizzjonali.

It-testijiet tal-verifika tal-integrazzjoni għandhom jitwettqu biex juru li l-komponenti tal-armar kienu interkonnessi u mqabbda b’mod korrett mal-ferrovija biex jiżguraw li l-funzjonalità u l-prestazzjoni meħtieġa għal dik l-applikazzjoni jkunu miksuba. Meta Armar identiċi Abbord ta’ Kontroll u Kmand huma installati fuq oġġetti identiċi ta’ vetturi ferrovjarji, il-verifika tal-integrazzjoni għandha ssir darba biss fuq oġġett wieħed mill-vetturi ferrovjarji.

Dan li ġej għandu jkun verifikat:

—	il-korrettezza tal-installazzjoni tal-Armar Abbord tal-Kontroll u Kmand (eż. konformità tar-regoli tal-inġinerija, kooperazzjoni ta’ tagħmir interkonness, nuqqas ta’ interazzjonijiet mhux sikuri u, fejn meħtieġ, ħażna ta’ informazzjoni speċifika ta’ applikazzjoni)

—	korrettezza tal-operazzjonijiet fl-interfejsis ma’ vetturi ferrovjarji (eż., il-brejkijiet tal-ferrovija, l-integrità tal-ferrovija)

—	kapaċità ta’ interfejs ma’ Armar Maġenb il-Binarji ta’ Kontroll u Kmand mal-karatteristiċi korrispondenti (eż., livell ta’ applikazzjoni tal-ETCS, funzjonijiet fakultattivi installati)’

—	kapaċità tal-qari u l-ħażna fir-reġistratur tal-informazzjoni tas-sigurtà tal-informazzjoni kollha meħtieġa (provduta wkoll minn sistemi mhux tal-ETCS, jekk meħtieġ)

Din il-verifika tista’ tkun magħmula f’depot.

Il-verifika tal-kapaċità ta’ interfejs tal-Armar Abbord ma’ Armar Maġenb il-Binarji tikkonsisti fil-verifika tal-kapaċità tal-qari ta’ Eurobalise ċertifikat u (jekk il-funzjonalità tkun installata abbord) Euroloop u l-kapaċità tal-istabbiliment ta’ konnessjonijiet GSM-R għall-vuċi u (jekk il-funzjonalità tkun installata) għad-dejta.

Jekk tagħmir tal-Klassi B jiġi installat ukoll, Il-korp notifikat għandu jivverifika li l-ħtiġijiet tat-test tal-integrazzjoni maħruġa mill-Istat Membru adattat jintlaħqu.

6.2.1.2.   Verifika ta’ integrazzjoni funzjonali ta’ Armar Maġenb il-Binarji

Il-verifika għandha ssir għal Armar Kontroll u Kmand Maġenb il-Binarji installata fuq infrastruttura. Għat-tagħmir tal-Kontroll u Kmand li mhux definit bħala Klassi A l-ħtiġijiet ta’ verifika assoċjati mal-interoperabbiltà biss (pereżempju EMC) huma inklużi f’din it-TSI.

Qabel ma tista’ sseħħ ebda verifika funzjonali maġenb il-binarji, il-kostitwenti tal-interoperabbiltà inklużi fl-armar għandhom ikunu evalwati skont it-Taqsima 6.1 (Kostitwenti tal-interoperabbiltà) ta’ hawn u jkollhom dikjarazzjoni ta’ konformità tal-KE. Il-korp notifikat għandu jevalwa li huma adattati għall-applikazzjoni (eż., funzjonijiet fakultattivi implimentati).

Il-funzjonalità tal-Klassi A diġà verifikata fuq livell ta’ kostitwent tal-interoperabbiltà ma teħtieġx verifika addizzjonali.

Għad-disinn tal-parti tal-ERTMS/ETCS tal-Armar tal-Kontroll u Kmand Maġenb il-Binarji, il-ħtiġijiet tat-TSI għandhom ikunu kkumplimentati minn speċifikazzjonijiet nazzjonali li jkopru eż.,

—	id-deskrizzjoni tal-linja, karatteristiċi bħal gradjenti, distanzi, pożizzjonijiet tal-elementi tar-rotta u Eurobalises/Euroloops, lokazzjonijiet li għandhom ikunu protetti, eċċ.

—	l-informazzjoni u r-regoli tas-sinjalazzjoni meħtieġa li jkunu trattati mis-sistema tal-ERTMS/ETCS.

It-testijiet tal-verifika tal-integrazzjoni għandhom jitwettqu biex juru li l-komponenti tal-armar kienu interkonnessi korrettament u mqabbda ma’ tagħmir nazzjonali maġenb il-binarji biex ikun żgurat li l-funzjonalità u l-prestazzjoni meħtieġa tal-armar meħtieġa għal dik l-applikazzjoni tinkiseb.

L-interfejsis maġenb il-binarji li ġejjin għandhom ikunu kkunsidrati:

—	Bejn is-sistema tar-radju tal-Klassi A u l-ERTMS/ETCS (RBC jew Unità tar-Radio Infill, jekk rilevanti)

—	Bejn Eurobalise u l-LEU

—	Bejn Euroloop u l-LEU

—	Bejn RBCs fil-viċinat

—	Bejn l-ERTMS/ETCS (RBC, LEU, Unità ta’ Radio Infill) u Interlokkjar jew sinjalazzjoni nazzjonali, kif rilevanti

Dan li ġej għandu jkun verifikat:

—

il-korrettezza tal-installazzjoni tal-parti tal-ERTMS/ETCS tal-Armar Maġenb il-Binarji tal-Kontroll u Kmand (eż. konformità tar-regoli tal-inġinerija, kooperazzjoni ta’ biċċiet interkonnessi tat-tagħmir, nuqqas ta’ interazzjonijiet mhux siguri u, fejn meħtieġ, ħażna ta’ dejta speċifika ta’ applikazzjoni skont l-ispeċifikazzjonijiet nazzjonali fuq imsemmija).

—	korrettezza tal-operazzjonijiet fl-interfejsis ma’ tagħmir nazzjonali Maġenb il-Binarji.

—	kapaċità ta’ interfejs ma’ Armar Abbord b’karatteristiċi korrispondenti (eż., livell ta’ applikazzjoni tal-ETCS).

6.2.1.3.   Evalwazzjoni fil-fażijiet tal-migrazzjoni

L-aġġornament ta’ Armar eżistenti ta’ Kontroll u Kmand maġenb il-binarji jew abbord jista’ jitwettaq fi stadji suċċessivi skont il-Kapitolu 7. F’kull stadju tinkiseb biss konformità mal-ħtiġijiet tat-TSI rilevanti għall-istadju, filwaqt li ħtiġijiet oħra tal-passi li jibqa’ ma jintlaħqux.

L-entità kontraenti tista’ tressaq applikazzjoni għall-evalwazzjoni tal-Armar f’dan l-istadju minn Entità Notifikata.

Indipendentement mill-moduli magħżula mill-entità kontraenti l-korp notifikat għandu jivverifika li:

—	il-ħtiġijiet tat-TSI rilevanti għal dan il-pass ikunu meħtieġa

—	il-ħtiġijiet tat-TSI diġà evalwati ma jkunux preġudikati

Funzjonijiet diġà evalwati u mhux mibdula u mhux affettwati minn dan il-pass mhumiex meħtieġa li jkunu verifikati mill-ġdid.

Iċ-ċertifikat(i) maħruġ mill-Korp Notifikat wara evalwazzjoni pożittiva tal-Armar huwa akkumpanjat minn riservi li jindikaw il-limiti taċ-ċertifikat(i), liema ħtiġijiet tat-TSI huma sodisfatti u dawk li ma jintlaħqux.

Ir-riservi għandhom ikunu indikati fir-Reġistru tal-Vetturi Ferrovjarji u/jew ir-Reġistru tal-Infrastruttura kif adatt.

6.2.2.   Moduli

Il-moduli kollha indikati hawn taħt huma speċifikati fl-Anness E ta’ din it-TSI.

6.2.2.1.   L-Armar Abbord

Għall-proċedura tal-verifika tal-Armar Abbord, l-entità kontraenti jew ir-rappreżentant awtorizzat tagħha stabbilit fil-Komunità tista’ tagħżel:

—	Il-proċedura tal-eżami tat-tip (il-Modulu SB) għall-fażi tad-disinn u l-iżvilupp flimkien mal-proċedura tas-sistema tal-amministrazzjoni tal-kwalità tal-produzzjoni (il-Modulu SD) għall-fażi tal-produzzjoni, jew

—	Il-proċedura tal-eżami tat-tip (il-Modulu SB) għall-fażi tad-disinn u l-iżvilupp flimkien mal-proċedura tal-verifika tal-prodott (il-Modulu SF), jew

—	Is-sistema tal-maniġment tal-kwalità totali bil-proċedura tal-eżami tad-disinn (il-Modulu SH2).

6.2.2.2.   L-Armar Maġenb il-Binarji

Għall-proċedura tal-verifika tal-armar maġenb il-binarji, l-entità kontraenti jew ir-rappreżentant awtorizzat tagħha stabbilit fil-Komunità tista’ tagħżel

—	Il-proċedura tal-verifika tal-unità (il-Modulu SG), jew

—	Il-proċedura tal-eżami tat-tip (il-Modulu SB) għall-fażi tad-disinn u l-iżvilupp flimkien mal-proċedura tas-sistema tal-amministrazzjoni tal-kwalità tal-produzzjoni (il-Modulu SD) għall-fażi tal-produzzjoni, jew

—	Il-proċedura tal-eżami tat-tip (il-Modulu SB) għall-fażi tad-disinn u l-iżvilupp flimkien mal-proċedura tal-verifika tal-prodott (il-Modulu SF), jew

—	Is-sistema tal-maniġment tal-kwalità totali bil-proċedura tal-eżami tad-disinn (il-Modulu SH2).

6.2.2.3.   Kundizzjonijiet għall-użu ta’ Moduli għal Armar abbord u maġenb il-binarji

Il-Modulu SD (sistema ta’ amministrazzjoni tal-kwalità tal-produzzjoni) jista’ jkun magħżul biss meta l-entità kontraenti tikkuntratta biss ma’ manifatturi, li joperaw sistema ta’ kwalità għall-produzzjoni, spezzjoni u ttestjar tal-prodott finali, approvata u ssorveljata minn entità notifikata.

Il-Modulu SH2 (sistema ta’ amministrazzjoni tal-kwalità totali b’eżami tad-disinn) jista’ jintgħażel biss meta l-attivitajiet kollha li jikkontribwixxu għall-proġett tas-Subsistema li għandu jkun verifikat (disinn, manifattura, armar, installazzjoni) ikunu suġġetti għal sistema ta’ kwalità għad-disinn, produzzjoni, spezzjoni u ttestjar tal-prodott finali, approvata u ssorveljata minn entità notifikata.

Indipendentement mill-modulu magħżul, ir-reviżjoni tad-disinn tinkludi l-verifika li l-ħtiġijiet tat-Taqsima 4.5 (Regoli ta’ manutenzjoni) ta’ din it-TSI kienu rispettati.

Indipendentement mill-modulu magħżul, id-dispożizzjonijiet tal-Anness A, l-indiċi 47, l-indiċi A1, u fejn rilevanti l-indiċi A2 u l-indiċi A3 għandhom jintgħażlu.

B’referenza għall-Kapitolu 4 tal-Modulu SB (eżami tat-tip), reviżjoni tad-disinn hija mitluba.

B’referenza għat-Taqsima 4.3 tal-Modulu SH2 (sistema ta’ amministrazzjoni tal-kwalità totali b’eżami tad-disinn), test tat-tip huwa meħtieġ.

B’referenza għal

—	It-Taqsima 5.2 tal-Modulu SD (sistema tal-amministrazzjoni tal-kwalità tal-produzzjoni),

—	Il-Kapitolu 7 tal-Modulu SF (verifika tal-prodott),

—	Il-Kapitolu 4 tal-Modulu SG (verifika tal-unità),

—	It-Taqsima 5.2 tal-Modulu SH2 (sistema tal-amministrazzjoni tal-kwalità totali b’eżami tad-disinn), validazzjoni skont il-kundizzjonijiet operattivi totali hija definita fit-Taqsima 6.2.2.3.1 (Validazzjoni tal-Armar Abbord) u t-Taqsima 6.2.2.3.2 (Validazzjoni tal-Armar Maġenb il-binarji).

6.2.2.3.1   Validazzjoni tal-Armar Abbord

Għal Armar Abbord il-validazzjoni taħt il-kundizzjonijiet operattivi totali għandha tkun test tat-tip. Huwa aċċettabbli li din titwettaq f’istanza waħda tal-armar, u għandha tkun imwettqa permezz ta’ vjaġġi ta’ test bl-għan li jivverifikaw:

—	Il-prestazzjonijiet tal-funzjonijiet tal-odometrija.

—	Il-kumpatibbiltà tal-Armar tal-Kontroll u Kmand ma’ tagħmir u l-ambjent tal-vetturi ferrovjarji (eż., EMC) sabiex tkun tista’ tkun multiplikata l-implimentazzjoni tal-Armar Abbord fuq lokomotivi oħra tal-istess tip.

—	Kumpatibbiltà tal-vetturi ferrovjarji mal-Armar tal-Kontroll Kmand Maġenb il-Binarji (eż. aspetti tal-EMC, tħaddim ta’ ċirkwiti tal-binarji u kalkolaturi tad-dawrien tal-fusien).

Dawn il-vjaġġi tat-test għandhom jitwettqu fuq infrastruttura li tippermetti verifiki f’kundizzjonijiet li jirrappreżentaw il-karatteristiċi li jistgħu jinstabu fin-netwerk ferrovjarja trans-Ewropea ta’ veloċità għolja (eż., gradjenti, veloċità ferrovjarja, vibrazzjonijiet, enerġija tat-trazzjoni, temperatura).

F’każ li jkun hemm limitazzjonijiet għal applikabbiltà ġenerali tar-riżultati tat-testijiet (eż., konformità tat-TSI murija biss sa ċerta veloċità), dawn il-limitazzjonijiet għandhom ikunu rreġistrati fiċ-ċertifikat u fir-reġistru tal-vetturi ferrovjarji.

6.2.2.3.2   Validazzjoni tal-Armar Maġenb il-Binarji

Għal Armar Maġenb il-binarji l-validazzjoni taħt il-kundizzjonijiet operattivi totali għandha titwettaq permezz ta’ vjaġġi ta’ test ta’ vettura ferrovjarja ta’ karatteristiċi magħrufa u għandu jkollha l-għan li tivverifika l-kompatibbiltà bejn il-vettura ferrovjarja u l-Armar tal-Kontroll u Kmand Maġenb il-Binarji (eż. aspetti tal-EMC, tħaddim taċ-ċirkwiti tal-binarji u kalkolaturi tad-dawrien tal-fusien). Dawn il-vjaġġi tat-test għandhom jitwettqu b’vetturi ferrovjarji adatti ta’ karatteristiċi magħrufa li jippermettu verifiki f’kundizzjonijiet li jistgħu jseħħu matul is-servizz (eż., veloċità tal-ferrovija, enerġija tat-trazzjoni).

Il-vjaġġi tat-test għandhom jivvalidaw ukoll il-kompatibbiltà tal-informazzjoni pprovduta lix-xufier tal-ferrovija permezz tal-Armar Maġenb il-Binarji mar-rotta fiżika (eż. limiti tal-veloċità, eċċ.).

Jekk speċifikazzjonijiet li huma previsti minn, iżda għadhom mhux disponibbli f'din it-TSI għall-verifika tal-Armar Maġenb il-binarji, l-Armar Maġenb il-Binarji għandu jkun validat permezz ta’ testijiet tal-oqsma adattati (li għandhom ikunu definiti mill-entità kontraenti ta’ dan l-Armar Maġenb il-Binarji).

F’każ li jkun hemm limitazzjonijiet għal applikabbiltà ġenerali tar-riżultati tat-testijiet (eż., konformità tat-TSI murija biss sa ċerta veloċità), dawn il-limitazzjonijiet għandhom ikunu rreġistrati fiċ-ċertifikat u fir-reġistru tal-infrastruttura.

6.2.2.4.   Evalwazzjoni tal-Manutenzjoni

L-evalwazzjoni tal-konformità tal-manutenzjoni hija r-responsabbiltà ta’ entità awtorizzata mill-Istat Membru. L-Anness F jiddeskrivi l-proċedura li biha din l-entità tistabbilixxi li l-arranġamenti tal-manutenzjoni jissodisfaw id-dispożizzjonijiet ta’ din it-TSI u jiżguraw r-rispett tal-parametri bażiċi u l-ħtiġijiet essenzjali matul il-perjodu ta’ utilità tas-subsistema.

6.3.   Kostitwenti Interoperabbli Li Ma għandhomx Dikjarazzjoni tal-KE

6.3.1.   Ġenerali

Għal perjodu ta’ żmien limitat, magħruf bħala l-“perjodu ta’ tranżizzjoni”, kostitwenti tal-interoperabbiltà li ma għandhomx Dikjarazzjoni ta’ Konformità jew ta’ Adattabbiltà għall-Użu tal-KE jistgħu eċċezzjonalment ikunu inkorporati fis-subsistemi, fuq il-kundizzjoni li d-dispożizzjonijiet deskritti f’din it-taqsima jintlaħqu.

6.3.2.   Il-Perjodu ta’ Tranżizzjoni

Il-perjodu ta’ tranżizzjoni għandu jibda mid-dħul fis-seħħ ta’ din it-TSI u għandu jdum sitt snin.

Ladarba l-perjodu ta’ tranżizzjoni jispiċċa, u bl-eċċezzjonijiet awtorizzati taħt it-Taqsima 6.3.3.3 hawn taħt, kostitwenti tal-interoperabbiltà għandhom ikunu koperti mid-dikjarazzjoni ta’ konformità u/jew tal-adattabbiltà għall-użu tal-KE meħtieġa qabel ma jkunu inkorporati fis-subsistema;

6.3.3.   Iċ-Ċertifikazzjoni ta’ Subsistemi li Jinkludu Kostitwenti tal-Interoperabbiltà Mhux Ċertifikati matul il-Perjodu ta’ Tranżizzjoni

6.3.3.1.   Kundizzjonijiet

Matul il-perjodu ta’ tranżizzjoni Entità Notifikata hija awtorizzata li toħroġ ċertifikat ta’ konformità għal subsistema, anki jekk xi wħud mill-kostitwenti tal-interoperabbiltà inkorporati fis-subsistema ma jkunux koperti mid-dikjarazzjonijiet ta’ konformità u/jew adattabbiltà tal-użu meħtieġa tal-KE skont din it-TSI, jekk ikun konformità mat-tliet kriterji li ġejjin:

—	il-konformità tas-subsistema kienet iċċekkjata fir-rigward tal-ħtiġijiet definiti fil-Kapitolu 4 ta’ din it-TSI mill-Korp Notifikat, u

—	permezz tat-twettiq ta’ evalwazzjonijiet addizzjonali l-Korp Notifikat jikkonferma li l-konformità u/jew l-adattabbiltà għall-użu tal-kostitwenti tal-interoperabbiltà skont il-ħtiġijiet tal-Kapitolu 5, u

—	il-kostitwenti tal-interoperabbiltà, li mhumiex koperti mid-dikjarazzjoni ta’ konformità u/jew adattabbiltà għall-użu rilevanti tal-KE, kienu użati f’subsistema diġà mqiegħda fis-servizz f’mill-inqas wieħed mill-Istati Membri qabel id-dħul fis-seħħ ta’ din it-TSI

Id-Dikjarazzjonijiet tal-KE tal-konformità u/jew tal-adattabbiltà għall-użu ma għandhomx jitfasslu għall-kostitwenti tal-interoperabbiltà evalwati b’dan il-mod.

6.3.3.2.   Notifika

—	iċ-ċertifikat tal-konformità tas-subsistema għandu jindika b’mod ċar liema kostitwenti tal-interoperabbiltà kienu evalwati mill-Korp Notifikat bħala parti mill-verifika tas-subsistema.

—

id-dikjarazzjoni tal-KE tal-verifika tas-subsistema għandha tindika b’mod ċar: — Liema kostitwenti tal-interoperabbiltà kienu evalwati bħala parti mis-subsistema — Konferma li s-subsistema tinkludi kostitwenti tal-interoperabbiltà identiċi għal dawk verifikati bħala parti mis-subsistema. — Għal dawk il-kostitwenti tal-interoperabbiltà, ir-raġuni(jiet) għalfejn l-manifattur ma pprovdiex Dikjarazzjoni ta’ konformità u/jew adattabbiltà għall-użu tal-KE qabel l-inkorporazzjoni tagħha fis-subsistema.

6.3.3.3.   Implimentazzjoni taċ-Ċiklu tal-Ħajja

Il-produzzjoni jew aġġornament/rinnovazzjoni tas-subsistema kkonċernata għandha tkun kompluta fis-sitt snin tal-perjodu ta’ tranżizzjoni. Rigward iċ-ċiklu tal-ħajja tas-subsistema:

—	Matul il-perjodu ta’ tranżizzjoni u

—	taħt ir-responsabbiltà tal-entità li ħarġet id-dikjarazzjoni tal-verifika tal-KE tas-subsistema

Il-kostitwenti tal-interoperabbiltà li ma għandhomx dikjarazzjoni ta’ konformità u/adattabbiltà għall-użu tal-KE u huma tal-istess tip mibnija mill-istess manifattur huma awtorizzati li jintużaw għal sostituzzjonijiet relatati mal-manutenzjoni u bħala partijiet ta' rikambju għas-subsistema.

Wara li l-perjodu ta’ tranżizzjoni jkun spiċċa u

—	sakemm is-subsistema tiġi aġġornata, rinnovata jew sostitwita u

—	taħt ir-responsabbiltà tal-entità li ħarġet id-dikjarazzjoni tal-verifika tal-KE tas-subsistema

il-kostitwenti tal-interoperabbiltà li ma għandhomx dikjarazzjoni ta’ konformità u/adattabbiltà għall-użu tal-KE u huma tal-istess tip mibnija mill-istess manifattur huma awtorizzati li jintużaw għal sostituzzjonijiet relatati mal-manutenzjoni.

6.3.3.4.   Arranġamenti ta’ Monitoraġġ

Matul il-perjodu ta’ tranżazzjoni l-Istati Membri għandhom jissorveljaw:

—	In-numru u t-tip ta’ kostitwenti tal-interoperabbiltà introdotti fis-suq fl-Istat tagħhom stess;

—	Jiżguraw li, meta subsistema tkun ippreżentata għal awtorizzazzjoni, ir-raġunijiet għan-nuqqas ta’ ċertifikazzjoni tal-kostitwent tal-interoperabbiltà mill-manifattur ikunu identifikati;

—	Jinnotifikaw, lill-Kummissjoni u lill-Istati Membri l-oħra, id-dettalji tal-IC mhux ċertifikat u r-raġunijiet għan-nuqqas taċ-ċertifikazzjoni.

Tabella 6.1

Ħtiġijiet ta’ verifika għal armar ta’ Kontroll u Kmand abbord

1	2	2a	3	4	5
N	Deskrizzjoni	Rimarki	CC InterfejsS	Interfejsis tas-subsistemi tat-TSI	Karatteristiċi li għandhom ikunu evalwati b’referenza għall-Kapitolu 4 ta’ din it-TSI
1	Sigurtà	Il-korp notifikat għandu jiżgura l-kompletezza tal-proċess ta’ approvazzjoni tas-sigurtà, inkluż każ ta’ sigurtà			4.2.1
2	Funzjonalità tal-ETCS abbord	Din il-funzjonalità titwettaq mill-ERTMS/ETCS abbord IC			4.2.2
		Nota: Superviżjoni tal-integrità tal-ferrovija: Fil-każ, fejn ferrovija hija kkonfigurata għal-Livell 3, il-funzjoni tas-superviżjoni tal-integrità tal-ferrovija għandha tkun appoġġjata permezz ta’ tagħmir ta’ lokalizzazzjoni ta’ vetturi ferrovjarji maġenb il-binarji	Interfejs bejn ERTMS/ETCS abbord u tagħmir ta’ lokalizzazzjoni	RST	4.3.2.8
3	Funzjonijiet tal-EIRENE	Din il-funzjonalità titwettaq mill-ERTMS/GSM-R abbord IC			4.2.4
		Komunikazzjoni tal-informazzjoni fil-livell 1 b’radio infill (fakultattiv) jew il-livell 2 u l-livell 3
4	Interfejsis għall-ispazju tal-arja tal-ETCS u l-EIRENE	Din il-funzjonalità titwettaq mill-ERTMS/ETCS abbord u ERTMS/GSM-R abbord ICs	armar CC maġenb il-binarji		4.2.5
		Komunikazzjoni tal-informazzjoni bir-radju mal-ferrovija biss għal-livell 1 b’infill tar-radju (fakultattiv) jew il-livell 2 u l-livell 3
		Komunikazzjoni bil-Euroloop hija fakultattiva
5	Maniġment Importanti	Politika ta’ sigurtà għal maniġment importanti		OPE	4.2.8 4.3.1.7
6	Maniġment tal-ETCS-ID	Politika għall-maniġment tal-ETCS-ID		OPE	4.2.9
7	Interfejsis
	STM	Il-korp notifikat għandu jivverifika li l-ħtiġijiet tat-test tal-integrazzjoni maħruġa mill-Istat Membru adattat jintlaħqu.	ERTMS/ETCS abbord u ICs esterni tal-STM		4.2.6.1
	ERTMS/GSM-R abbord		ERTMS/ETCS abbord u ERTMS/GSM-R abbord ICs		4.2.6.2
	Odometrija	Dan l-interfejs mhuwiex rilevanti jekk it-tagħmir huwa kkunsinnat bħala gruppar tal-kostitwenti.	ERTMS/ETCS abbord u ICs tal-odometrija	RST	4.2.6.3 4.3.2.12
	ETCS DMI	Parti mill-ERTMS/ETCS abbord IC		OPE	4.2.13
					4.3.1.2
	EIRENE DMI	Parti mill-ERTMS/GSM-R abbord IC			4.2.14
				OPE	4.3.1.3
	Interfejs għar-reġistrazzjoni tad-dejta għal skopijiet regolatorji	Parti mir-Reġistratur tal-Informazzjoni tas-Sigurtà IC			4.2.15
				OPE	4.3.1.4
				RST	4.3.2.13
	Prestazzjonijiet tal-ibbrejkjar tal-ferrovija	Verifika tal-adattazzjoni lill-vetturi ferrovjarji kkonċernati		OPE	4.3.1.5
				RST	4.3.2.3
	iżolament			OPE	4.3.1.6
				RST	4.3.2.7
	Installazzjoni tal-antenni			RST	4.3.2.4
	Kundizzjonijiet ambjentali	Verifika tal-operazzjoni korretta tal-armar tal-Kontroll u Kmand fil-kundizzjonijiet ambjentali. Din il-verifika għandha titwettaq fil-validazzjoni taħt kundizzjonijiet operattivi totali.		RST	4.3.2.5
	EMC	Verifika tal-operazzjoni korretta tal-armar tal-Kontroll u Kmand fil-kundizzjonijiet ambjentali. Din il-verifika għandha titwettaq fil-validazzjoni taħt kundizzjonijiet operattivi totali.		RST	4.3.2.6
	Interfejsis tad-dejta	Parti mill-ERTMS/ETCS u GSM-R abbord IC.		RST	4.3.2.8; 4.3.2.11
				OPE	4.3.1.9

Tabella 6.2

Ħtiġijiet ta’ verifika għal armar ta’ Kontroll u Kmand maġenb il-binarji

1	2	2a	3	4	5
N	Deskrizzjoni	Rimarki	Interfejsis tas-CC	Interfejsis tas-subsistemi tat-TSI	Karatteristiċi li għandhom ikunu evalwati b’referenza għall-Kapitolu 4 ta’ din it-TSI
1	Sigurtà	Il-korp notifikat għandu jiżgura l-kompletezza tal-proċess ta’ approvazzjoni tas-sigurtà, inkluż każ ta’ sigurtà			4.2.1
2	Funzjonalità tal-ETCS maġenb il-binarji	Din il-funzjonalità titwettaqa minn RBCs, LEUs u Unitajiet ta’ Radio Infill ICs, skont l-implimentazzjoni			4.2.3
3	Funzjonijiet tal-EIRENE	Komunikazzjoni tal-informazzjoni għal-livell 1 biss b’radio infill jew livell 2/3			4.2.4
4	Interfejsis għall-ispazju tal-arja tal-ETCS u l-EIRENE	Din il-funzjonalità titwettaq minn RBCs, Unitajiet tar-Radio Infill, Eurobalises, Euroloops u tagħmir GSM-R maġenb il-binarji, skont l-implimentazzjoni.	Armar abbord CC		4.2.5
		Komunikazzjoni bir-radju mal-ferrovija biss għal-livell 1 b’radio infill (fakultattiv) jew il-livell 2/3
		Komunikazzjoni bil-Euroloop hija fakultattiva
5	Maniġment Importanti	Politika ta’ sigurtà għal maniġment importanti		OPE	4.2.8 4.3.1.7
6	Maniġment tal-ETCS ID	Politika għall-maniġment tal-ETCS-ID		OPE	4.2.9
7	HABD	Id-distanza bejn it-tagħmir tal-HABD hija kwistjoni nazzjonali.		OPE	4.2.10
				RST	4.3.1.8 4.3.2.9
8	Interfejsis
	RBC/RBC	Għal-livell 2/3 biss	Bejn RBCs fil-viċinat		4.2.7.1
	GSM-R maġenb il-binarji	Fil-livell 2/3 biss jew fil-livell 1 b’radio infill (fakultattiv)	Bejn unitajiet tar-radio infill tal-RBC u GSM-R maġenb il-binarji		4.2.7.3
	Eurobalise/LEU	Dan l-interfejs mhuwiex rilevanti jekk it-tagħmir huwa kkunsinnat bħala gruppi tal-kostitwenti.	Bejn ICs tal-Kontroll u Kmand		4.2.7.4
	Euroloop/LEU	Euroloop huwa fakultattiv	Bejn ICs tal-Kontroll u Kmand		4.2.7.5
		Dan l-interfejs mhuwiex rilevanti jekk it-tagħmir huwa kkunsinnat bħala gruppi tal-kostitwenti.
	Installazzjoni tal-antenni			IN	4.3.3.1
	Kundizzjonijiet ambjentali	Verifika tal-operazzjoni korretta tal-armar tal-Kontroll u Kmand fil-kundizzjonijiet ambjentali. Din il-verifika għandha titwettaq fil-validazzjoni taħt kundizzjonijiet operattivi totali.		IN	4.3.2.5
	EMC	Verifika tal-operazzjoni korretta tal-armar tal-Kontroll u Kmand fil-kundizzjonijiet ambjentali. Din il-verifika għandha titwettaq fil-validazzjoni taħt kundizzjonijiet operattivi totali.		ENE	4.3.4.1
9	Kompatibbiltà ta’ sistemi tal-lokalizzaturi tal-ferroviji	Karatteristiċi li għandhom ikunu attivati mill-vetturi ferrovjarji		RST	4.2.11 4.3.1.10
				IN	4.3.2.1
10	Kompatibbiltà tal-EM bejn il-vetturi ferrovjarji u s-sistemi tal-lokalizzazzjoni tal-ferroviji			RST	4.2.12.2, 4.3.2.2
	Kompatibbiltà mad-dwal ta’ quddiem tal-ferrovija	Karatteristiċi ta’ sinjali u ħwejjeġ li jirriflettu d-dawl ta’ maġenb il-binarji		RST	4.2.16 4.3.2.10
	Kompatibbiltà mal-kamp viżiv estern tax-xufier	Installazzjoni ta’ tagħmir maġenb il-binarji li għandu jkun jista’ jarah ix-xufier		OPE	4.2.16 4.3.1.11

7.   IMPLIMENTAZZJONI TAT-TSI TAL-KONTROLL U KMAND

7.1.   Ġenerali

Dan il-kapitolu jistabbilixxi l-istrateġija u s-soluzzjonijiet tekniċi assoċjati għall-implimentazzjoni tat-TSI, l-aktar il-kundizzjonijiet bażiċi tal-migrazzjoni għal sistemi tal-Klassi A.

Għandu jkun ikkunsidrat li l-implimentazzjoni ta’ TSI okkażjonalment għandha tkun koordinata mal-implimentazzjoni ta’ TSIs oħra.

7.2.   Kriterji dettaljati tal-implimentazzjoni

7.2.1.   Regoli ta’ implimentazzjoni tal-GSM-R

Installazzjonijiet maġenb il-binarji:

Huwa obbligatorju li armar maġenb il-binarji GSM-R ikun imwaħħal fi kwalunkwe installazzjoni ġdida tal-parti tar-radju ta’ armar tas-CCS maġenb il-binarji jew fi kwalunkwe aġġornament ta' installazzjoni eżistenti, meta dan jibdel il-funzjonijiet, il-prestazzjoni u/jew l-interfejsis tiegħu. Dan jeskludi dawk il-modifiki li jistgħu jkunu kkunsidrati meħtieġa sabiex inaqqsu d-difetti relatati mas-sigurtà fl-installazzjoni tal-legat.

L-aġġornament tas-sistemi tal-ferroviji bir-radju tal-Klassi B huwa pprojbit sakemm ma jkunx ikkunsidrat li modifika hija meħtieġa sabiex tnaqqas difetti relatati mas-sigurtà fis-sistema tal-legat.

Huwa rakkomandat li jkun installat GSM-R kull meta l-infrastruttura jew is-subsistema tal-enerġija ta’ taqsima ta’ linja diġà fis-servizz għandha tkun aġġornata, rinnovata jew miżmuma meta dan jinvolvi investiment ikbar minn mill-inqas 10 darbiet dawk assoċjati mal-installazzjoni ta' faċilitajiet tal-GSM-R fuq dik it-taqsima tal-linja.

Wara li l-parti tar-radju ta’ armar tas-CCS maġenb il-binarji tkun aġġornata, it-tagħmir eżistenti tal-Klassi B jista’ jibqa’ jintuża flimkien mat-tagħmir tar-radju tal-Klassi A, sa data prevista mill-pjan(ijiet) nazzjonali rilevanti, u sussegwentement mill-pjan oriġinali tal-UE. L-Impriża Ferrovjarja mhix awtorizzata li topponi t-tneħħija tar-radju tal-Klassi B magħmul skont dawn il-kundizzjonijiet.

Installazzjonijiet abbord:

Huwa obbligatorju li armar tal-GSM-R abbord tkun imwaħħla meta:

—	kwalunkwe parti tar-radju ġdida ta’ armar tas-CCS abbord tkun installata (b’sistema ta’ Klassi B jew mingħajrha), jew;

—

kwalunkwe parti tar-radju eżistenti ta’ armar tas-CCS abbord tkun aġġornata, meta dan jibdel il-funzjonijiet, il-prestazzjoni u/jew l-interfejsis tas-sistema tal-legat eżistenti (kif imsemmi fl-Anness B ta’ din it-TSI). Dan jeskludi dawk il-modifiki li jistgħu jkunu kkunsidrati meħtieġa sabiex inaqqsu difetti relatati mas-sigurtà fl-installazzjoni tal-legat.

Wara aġġornament tal-parti tar-radju ta’ armar abbord, it-tagħmir tal-Klassi B eżistenti minn qabel jista’ jibqa’ jintuża simultanjament mat-tagħmir tal-Klassi A.

7.2.2.   Regoli ta’ Implimentazzjoni tal-ETCS

Installazzjonijiet maġenb il-binarji:

Huwa obbligatorju li armar tal-ETCS maġenb il-binarji tkun imwaħħla meta:

—	il-parti tal-protezzjoni tal-ferrovija ta’ armar tas-CCS maġenb il-binarji tkun installazzjoni ġdida (b’armar maġenb il-binarji tal-Klassi B jew mingħajrha), jew

—

il-parti tal-protezzjoni tal-ferrovija eżistenti ta’ armar tas-CCS maġenb il-binarji tkun aġġornata, meta dan jibdel il-funzjonijiet, il-prestazzjoni u/jew l-interfejsis rilevanti għall-interoperabbiltà (spazji tal-arja) tas-sistema tal-legat eżistenti (kif imsemmi fl-Anness B ta’ din it-TSI). Dan jeskludi dawk il-modifiki li jistgħu jkunu kkunsidrati meħtieġa sabiex jkunu mnaqqsa d-difetti relatati mas-sigurtà fl-installazzjoni tal-legat.

L-aġġornament tas-sistemi tal-ferroviji bir-radju tal-Klassi B huwa pprojbit sakemm ma jkunx ikkunsidrat li modifika hija meħtieġa sabiex ikunu mnaqqsa d-difetti relatati mas-sigurtà fis-sistema tal-legat.

Huwa rakkomandat li jkun installat ETCS kull meta l-infrastruttura jew is-subsistema tal-enerġija ta’ taqsima ta’ linja diġà fis-servizz għandha tkun aġġornata, rinnovata jew miżmuma meta dan jinvolvi investiment ikbar b’mill-inqas 10 darbiet minn dawk assoċjati mal-installazzjoni ta’ faċilitajiet tal-ECTS fuq dik it-taqsima tal-linja.

Wara li l-parti tal-protezzjoni tal-ferrovija ta’ armar tas-CCS maġenb il-binarji tkun aġġornata, it-tagħmir eżistenti tal-Klassi B jista’ jibqa’ jintuża flimkien mat-tagħmir ta’ protezzjoni tal-Klassi A, sa data prevista fil-pjan(ijiet) rilevanti nazzjonali, u sussegwentement mill-pjan oriġinali tal-UE, definit fil-klawżola 7.2.5. L-Impriża Ferrovjarja mhix awtorizzata topponi t-tneħħija tat-tagħmir tal-protezzjoni tal-ferrovija tal-Klassi B magħmul skont dawn il-kundizzjonijiet.

Installazzjonijiet abbord:

Huwa obbligatorju li armar tal-ETCS abbord tkun imwaħħla meta:

—	kwalunkwe parti ġdida ta’ protezzjoni tal-ferrovija ta’ armar tas-CCS abbord tkun installata, jew

—

kwalunkwe parti tal-protezzjoni tal-ferrovija eżistenti ta’ armar tas-CCS abbord tkun aġġornata, meta dan jibdel il-funzjonijiet, il-prestazzjoni u/jew l-interfejsis rilevanti għall-interoperabbiltà (spazji tal-arja) tas-sistema tal-legat eżistenti (kif imsemmi fl-Anness B ta’ din it-TSI). Dan jeskludi dawk il-modifiki li jistgħu jkunu kkunsidrati meħtieġa sabiex inaqqsu d-difetti relatati mas-sigurtà fl-installazzjoni tal-legat.

Huwa rakkomandat li jiġi installat ETCS kull meta vettura ferrovjarja diġà fis-servizz tkun aġġornata meta dan jinvolvi investiment ikbar b’mill-inqas 10 darbiet minn dawk assoċjati mal-installazzjoni tal-ETCS fuq dak it-tip speċifiku ta’ vetturi ferrovjarji.

Wara li l-parti tal-protezzjoni tal-ferrovija ta’ armar abbord tkun aġġornata, it-tagħmir tal-protezzjoni tal-ferrovija tal-Klassi B eżistenti abbord jista’ jibqa’ jintuża, flimkien mat-tagħmir tal-Klassi A.

7.2.3.   Tagħmir addizzjonali tal-Klassi B fuq linja mgħammra tal-Klassi A

Fuq linja mgħammra bl-ETCS u/jew GSM-R, tagħmir addizzjonali tal-Klassi B huwa possibbli sabiex jippermetti t-tħaddim ta’ vetturi ferrovjarji li mhumiex kompatibbli mal-Klassi A matul il-fażi ta’ migrazzjoni. Huwa awtorizzat li jintuża tagħmir eżistenti tal-Klassi B abbord bħala arranġament li wieħed jista’ jaqa’ fuqu għas-sistema tal-Klassi A: dan ma jippermettix lill-amministratur tal-infrastruttura biex jeħtieġ sistemi tal-Klassi B abbord il-ferroviji interoperabbli talli jivvjaġġaw fuq din il-linja.

Meta jseħħ twaħħil u tħaddim doppju ta’ sistemi tal-Klassi A u B, iż-żewġ sistemi jistgħu jkunu attivi simultanjament abbord, sakemm il-ħtiġijiet nazzjonali tekniċi u r-regoli operattivi jappoġġjaw dan il-mod u dik l-interoperabbiltà ma tkunx kompromessa. Il-ħtiġijiet tekniċi nazzjonali u r-regoli operattivi għandhom ikunu pprovduti mill-Istat Membru.

7.2.4.   Aġġornament jew rinnovazzjoni tal-Armar ta’ Kontroll u Kmand Maġenb il-Binarji jew partijiet minnha

L-aġġornament jew rinnovazzjoni tal-armar maġenb il-binarji tista’ tikkonċerna separatament:

—	sistema tar-radju (għall-Klassi B, rinnovament biss huwa possibbli),

—	sistema ta’ protezzjoni tal-ferroviji,

—	interfejs tas-sistema tal-lokalizzazzjoni tal-ferroviji,

—	sistema ta’ lokalizzatur tat-tisħin fil-kaxxa tal-fusien,

—	karatteristiċi tal-EMC.

Għalhekk partijiet differenti tal-Armar ta’ Kontroll u Kmand Maġenb il-Binarji jistgħu jkunu aġġornati jew rinnovati separatament (jekk l-interoperabbiltà ma tkunx preġudikata) u jikkonċernaw:

—	funzjonijiet u interfejsis tal-EIRENE (ara t-Taqsimiet 4.2.4 u 4.2.5);

—	funzjonijiet u interfejsis tal-ETCS/ERTMS (ara t-Taqsimiet 4.2.1, 4.2.3, 4.2.5, 4.2.7, 4.2.8);

—	Sistema tal-lokalizzazzjoni tal-ferroviji (ara t-Taqsima 4.2.11);

—	Lokalizzatur tat-tisħin fil-kaxxa tal-fusien (ara t-Taqsima 4.2.10);

—	Karatteristiċi tal-EMC (ara t-Taqsima 4.2.12).

Wara l-aġġornament għal sistema tal-Klassi A, it-tagħmir tal-Klassi B eżistenti jista’ jibqa’ fis-seħħ simultanjament mal-Klassi A.

7.2.5.   Disponibbiltà ta’ Moduli Speċifiċi għat-Trażmissjoni

F’każ li l-linji fl-ambitu ta’ din it-TSI ma jkunux mgħammra b’sistemi tal-Klassi A, l-Istat Membru għandu jwettaq kull sforz għad-disponibbiltà ta’ Modulu Speċifiku għat-Trażmissjoni (Specific Transmission Module, STM) estern għal-legat tiegħu ta’ sistema jew sistemi tal-Klassi B. F’dan il-kuntest, kunsiderazzjoni dovuta għandha tingħata għall-assigurazzjoni ta’ suq miftuħ għall-STM b’kundizzjonijiet kummerċjali ġusti. F’dawk il-każijiet li minħabba raġunijiet tekniċi jew kummerċjali (3) id-disponibbiltà tal-STM ma tistax tkun żgurata fit-terminu ta’ żmien adatt (4) l-Istat Membru rilevanti huwa kkunsidrat li jinforma lill-Kumitat bir-raġunijiet bażiċi ta’ din il-problema u l-miżuri ta’ mitigazzjoni li għandu l-intenzjoni li jimplimenta sabiex jippermetti l-aċċess — l-aktar ta’ operaturi barranin — għall-infrastruttura tiegħu.

7.2.6.   Interfejsis ma’ sistemi tal-Klassi B

F’kull każ, sabiex jappoġġjaw il-kontinwazzjoni tal-interoperabbiltà, l-Istati Membri għandhom jiżguraw li l-funzjonalità tas-sistemi tal-legati għar-radju u l-protezzjoni tal-ferroviji (imsemmija fl-Anness B tat-TSI), u l-interfejsis tagħhom għandhom jibqgħu kif preżentement speċifikat. Din il-ħtieġa teskludi dawk il-modifiki li jistgħu jkunu meħtieġa sabiex inaqqsu difetti relatati mas-sigurtà ta’ dawn is-sistemi.

L-Istati Membri għandhom jagħmlu disponibbli l-informazzjoni li hija meħtieġa biex tappoġġja l-iżvilupp u ċ-ċertifikazzjoni tas-sigurtà tal-apparat, biex tippermetti l-interoperabbiltà ta’ tagħmir tal-Klassi A mal-legat tagħhom tal-Klassi B ta’ faċilitajiet tar-radju u tal-protezzjoni tal-ferroviji.

7.2.7.   Pjanijiet ta’ Implimentazzjoni tal-ERTMS Nazzjonali u Pjan Oriġinali tal-UE

L-Istati Membri għandhom jippreparaw pjan formali ta’ implimentazzjoni tal-ERTMS nazzjonali għal netwerk ferrovjarju ta’ veloċità għolja dwar l-użu kemm tal-ETCS kif ukoll tal-GSM-R. Il-pjan għandu jissodisfa r-regoli tal-implimentazzjoni speċifikati fit-Taqsimiet 7.2.1 u 7.2.2

Għall-ETCS, il-pjan nazzjonali għandu jagħti prijorità lill-implimentazzjoni ta’ linji ta’ veloċità għolja li jappartjenu lill-ETCS-Net kif deskritt fl-Anness H tat-TSI HS CCS kif ukoll lill-vetturi ferrovjarji li għandhom ikunu mħaddma fuq dawn il-linji. Id-data mmirata għal din l-implimentazzjoni hija l-2015.

Il-pjanijiet nazzjonali għandhom jipprovdu, b’mod partikolari, l-elementi li ġejjin:

—	Linji ta’ mira: identifikazzjoni ċara tal-linji nazzjonali jew it-taqsimiet li huma mmarkati għall-implimentazzjoni.

—	Ħtiġijiet tekniċi: il-karatteristiċi tekniċi essenzjali tal-implimentazzjonijiet differenti (eż. kwalità tas-servizz tal-GSM-R għal informazzjoni jew implimentazzjoni ta’ kwalità tal-vuċi biss, Livell Funzjonali tal-ETCS, linja ta’ bażi tal-ETCS, installazzjonijiet tal-ETCS biss jew sovrapposti);

—	Strateġija u ppjanar għall-użu: ħarsa ġenerali tal-pjan tal-implimentazzjoni (inkluż is-sekwenza u l-ħin tax-xogħlijiet);

—

Strateġija tal-migrazzjoni: l-istrateġija kkunsidrata għall-migrazzjoni tas-subsistemi tal-infrastruttura u tal-vetturi ferrovjarji (eż. soprapożizzjoni tas-sistemi tal-Klassi A u tal-Klassi B, id-data ppjanata għat-tibdil mill-faċilitajiet tal-Klassi B għal dawk tal-Klassi A jew għat-tneħħija tal-faċilitajiet tal-Klassi B);

—

Restrizzjonijiet potenzjali: ħarsa ġenerali tal-elementi potenzjali li jista’ jkollhom impatt fuq it-twettiq tal-pjan ta’ implimentazzjoni (eż. xogħlijiet ta’ sinjalazzjoni li jintegraw xogħlijiet ta’ infrastruttura ta’ ambitu akbar, assigurazzjoni tal-kontinwità tas-servizzi lil hinn mill-konfini).

Dawn il-pjanijiet nazzjonali għandhom ikunu finalment miġbura fi Pjan Oriġinali tal-UE fi żmien sitt xhur wara li jkunu notifikati.

7.2.8.   Reġistri tal-Infrastruttura

Ir-Reġistru tal-Infrastruttura għandu jipprovdi Impriżi Ferrovjarji b’informazzjoni tal-Klassi A u l-Klassi B, skont il-ħtiġijiet tal-Anness C. Ir-Reġistru tal-Infrastruttura jindika jekk humiex kkonċernati l-funzjonijiet Obbligatorji jew Funzjonali (5); ir-restrizzjonijiet fuq il-konfigurazzjoni abbord għandhom ikunu identifikati.

F’każ li l-ispeċifikazzjonijiet Ewropej għal xi interfejs(is) bejn il-Kontroll u Kmand u Sinjalazzjoni u subsistemi oħra ma jkunux disponibbli fil-ħżin tal-installazzjoni (eż., kompatibbiltà elettromanjetika bejn lokalizzazzjoni tal-ferroviji u Vetturi Ferrovjarji), il-karatteristiċi korrispondenti u l-istandards applikati għandhom ikunu indikati fir-Reġistri tal-Infrastruttura. Dan għandu jkun possibbli, fi kwalunkwe każ, għall-punti mniżżla fl-Anness C biss.

7.2.9.   Vetturi ferrovjarji b’tagħmir tal-protezzjoni tal-ferroviji tal-Klassi A u l-Klassi B

Il-vetturi ferrovjarji jistgħu jkunu mgħammra b’sistemi tal-Klassi A u tal-Klassi B sabiex jippermettu tħaddim fuq diversi linji. Is-sistemi tal-Klassi B jistgħu jkunu implimentati

—	l-użu ta’ STM li jista’ jkun ipplaggjat fit-tagħmir tal-ERTMS (“STM estern”), jew

—	integrat fit-tagħmir tal-ERTMS/ETCS.

Barra minn hekk, is-sistema tal-Klassi B tista’ tkun implimentata indipendentement (jew, fil-każ ta’ aġġornament jew rinnovazzjoni, titħalla “kif inhi”), fil-każ ta’ sistemi tal-Klassi B li għalihom STM mhux alternattiva ekonomikament vijabbli, mill-perspettiva tas-sid tal-vettura ferrovjarja. Madankollu, jekk STM ma jkunx użat, l-Impriża Ferrovjarja għandha tiżgura li n-nuqqas ta’ “handshake” (= trattament, mill-ETCS, ta’ tranżizzjonijiet bejn il-Klassi A u l-Klassi B maġenb il-binarji) madankollu hija amministrata b’mod korrett. L-Istat Membru jista’ jimponi ħtiġijiet dwar dan fir-Reġistru tal-Infrastruttura.

Meta joperaw fuq linja mgħammra bis-sistemi kemm tal-Klassi A kif ukoll tal-Klassi B, is-sistemi tal-Klassi B jistgħu jaġixxu bħala arranġamenti li tista’ taqa’ fuqhom is-sistema tal-Klassi A jekk il-ferrovija hija mgħammra kemm bis-sistemi tal-Klassi A kif ukoll tal-Klassi B. Dan ma jistax ikun ħtieġa għall-interoperabbiltà u mhuwiex validu għal GSM-R.

7.2.10.   Reġistri tal-Vetturi Ferrovjarji

Ir-Reġistru tal-Vetturi Ferrovjarji għandu jipprovdi informazzjoni skont il-ħtiġijiet tal-Anness C.

F’każ li l-ħtiġijiet tat-TSI għal xi interfejs(is) bejn il-Kontroll u Kmand u Sinjalazzjoni u subsistemi oħra ma jkunux disponibbli fil-mument tal-installazzjoni (eż., kompatibbiltà elettromanjetika bejn il-lokalizzazzjoni tal-ferrovija u l-Vetturi Ferrovjarji, il-kundizzjonijiet klimatiċi u l-kundizzjonijiet fiżiċi li tista’ taħdem fihom il-ferroviji, il-parametri ġeometriċi tal-ferrovija bħal tul, id-distanza massima tal-fusien fil-ferrovija, it-tul tal-ponta ta’ quddiem tal-ewwel u tal-aħħar vettura tal-ferrovija, il-parametri tal-ibbrejkjar), il-karatteristiċi korrispondenti u l-istandards applikati għandhom ikunu indikati fir-Reġistri tal-Vetturi Ferrovjarji. Dan għandu jkun possibbli, għall-punti mniżżla fl-Anness C biss.

Rimarka: għal kull implimentazzjoni tas-Subsistema tal-Kontroll u Kmand fuq linja partikolari, l-Anness C jagħti lista tal-ħtiġijiet abbord, li għandhom ikunu indirizzati fir-Reġistri tal-Infrastruttura, li jindikaw jekk dawn il-ħtiġijiet jikkonċernawx funzjonijiet Obbligatorji jew Fakultattivi u li jidentifikaw restrizzjonijiet fuq il-konfigurazzjoni tal-ferroviji.

7.3.   Kundizzjonijiet li fihom huma meħtieġa funzjonijiet fakultattivi

Skont il-karatteristiċi tal-Armar tal-Kontroll u Kmand Maġenb il-Binarji u l-interfejsis tagħha ma’ subsistemi oħra, xi funzjonalità ta’ERTMS/ETCS u GSM-R maġenb il-binarji li mhix ikklassifikata bħala obbligatorja, tista’ tkun neċessarjament implimentata f’ċerti applikazzjonijiet sabiex tikkonforma mal-ħtiġijiet essenzjali.

L-implimentazzjoni maġenb il-binarji tal-funzjonijiet Nazzjonali jew Fakultattivi ma għandhiex tostakola d-dħul f’dik l-infrastruttura għal ferrovija li tikkonforma biss mal-ħtiġijiet obbligatorji ta’ sistema Abbord il-Klassi A minbarra kif meħtieġ għall-funzjonijiet fakultattivi abbord li ġejjin:

—	Applikazzjoni Maġenb il-Binarji tal-ETCS Livell 3 teħtieġ supperviżjoni abbord tal-integrità tal-ferrovija;

—	Applikazzjoni Maġenb il-Binarji tal-ETCS Livell 1 bl-infill teħtieġ funzjonalità korrispondenti tal-infill abbord jekk il-veloċità tar-rilaxx tkun issettjata fuq żero għal raġunijiet ta’ sigurtà (eż., protezzjoni ta’ punti ta’ periklu).

—	Meta l-ETCS teħtieġ trażmissjoni tal-informazzjoni bir-radju, is-servizzi tat-trażmissjoni tal-informazzjoni tal-GSM-R għandhom jissodisfaw il-ħtiġijiet tat-trażmissjoni tal-informazzjoni tal-ETCS.

—	Armar abbord, li tinkorpora STM KER, tista’ teħtieġ l-implimentazzjoni tal-interfejs K.

—	Funzjonalità ta’ viġilanza tal-GSM-R maġenb il-binarji meta tkun implimentata teħtieġ funzjonalità ta’ viġilanza abbord kif deskritt f’4.3.2.11.

7.4.   Maniġment tat-tibdil

L-Aġenzija għandha tkun responsabbli biex tipprepara r-reviżjoni u l-aġġornament tat-TSIs u tagħmel kwalunkwe rakkomandazzjoni lill-Kumitat imsemmi fl-Artikolu 21 tad-Direttiva 96/48/KE sabiex tikkunsidra l-iżviluppi fil-ħtiġijiet tat-tekonoloġija u soċjali.

Għal dak l-għan, l-Aġenzija Ferrovjarja Ewropea, fir-rwol tagħha bħala awtorità tas-sistema għal ERTMS, stabbilixxiet il-proċess trasparenti biex tamministra t-tibdil tas-sistema, bil-kontribut tar-rappreżentanti tas-settur.

Dan il-proċess għandu jikkunsidra l-ispejjeż u l-benefiċċji stimati tas-soluzzjonijiet tekniċi kollha kkunsidrati u għandu jiżgura kompatibbiltà b’lura bejn il-verżjonijiet konsekuttivi. Dan il-proċess huwa stabbilit fid-dokument “maniġment tal-kontroll tat-tibdil tal-ERTMS”, li għandu, kif meħtieġ, ikun aġġornat mill-Aġenzija Ferrovjarja Ewropea.

7.5.   Każijiet Speċifiċi

7.5.1.   Introduzzjoni

Id-dispożizzjonijiet speċjali li ġejjin huma awtorizzati fil-każijiet speċifiċi ta’ hawn taħt.

Dawn il-każijiet speċifiċi jaqgħu taħt żewġ kategoriji: id-dispożizzjonijiet japplikaw b’mod permanenti (il-każ “P”), jew temporanjament (il-każ “T”). F’każijiet temporanji, huwa rakkomandat li l-Istati Membri kkonċernati għandhom jikkonformaw mas-subsistema rilevanti jew sal-2010 (il-kawża “T1”), mira stabbilita fid-Deċiżjoni Nru 1692/96/KE tal-Parlament Ewropew u tal-Kunsill tat-23 ta’ Lulju 1996 dwar il-linji gwida Komunitarji għall-iżvilupp tan-netwerk tat-trasport trans-Ewropew, jew sal-2020 (il-każ “T2”).

F’din it-TSI l-każ temporanju TSI “T3” huwa definit bħala każijiet temporanji li jibqgħu jeżistu wara l-2020.

7.5.2.   Lista ta’ każijiet speċifiċi

7.5.2.1.   Kategorija ta’ kull każ speċifiku tingħata fl-Anness A, l-Appendiċi 1.

Nru	Każ Speċifiku	Ġustifikazzjoni	Perjodu
1	Interdipendenza bejn id-distanza tal-fus u d-djametru tar-rota tal-vetturi li joperaw fil-Ġermanja tingħata fl-Anness A, l-Appendiċi 1, il-paragrafu 2.1.5	Tagħmir tal-kalkolatur tad-dawrien tal-fusien eżistenti, identifikat fir-reġistru tal-infrastruttura.	P
2	It-tul massimu tal-isporġenza tal-vettura (ponta ta’ quddiem) li topera fil-Polonja u l-Belġju huwa stabbilit fl-Anness A, l-Appendiċi 1, il-paragrafu 2.1.6	Ġeometrija eżistenti tat-tagħmir taċ-ċirkwit tal-binarju.	T3
3	Id-distanzi minimi bejn l-ewwel ħames fusien tal-ferroviji li joperaw fil-Ġermanja huma stabbiliti fl-Anness A, l-Appendiċi 1, il-paragrafu 2.1.7	Rilevanti fuq linji ta’ intersezzjoni fuq l-istess livell skont ir-reġistru tal-infrastruttura.	T3
4	Id-distanza minima bejn l-ewwel u l-aħħar fus ta’ vettura jew ferrovija waħedha li topera fuq linji ta’ veloċità għolja fi Franza u TEN “L1” ta’ veloċità għolja fil-Belġju biss tingħata fl-Anness A, l-Appendiċi 1, il-paragrafu 2.1.8	Tagħmir taċ-ċirkwit tal-binarju eżistenti, identifikat fir-reġistru tal-infrastruttura.	Franza T3 Belġju T3
5	Id-distanza minima bejn l-ewwel u l-aħħar fus ta’ vettura jew ferrovija waħedha li topera fil-Belġju (minbarra għal TEN “L1” ta’ veloċità għolja) tingħata fl-Anness A, l-Appendiċi 1, il-paragrafu 2.1.9	Tagħmir taċ-ċirkwit tal-binarju eżistenti, identifikat fir-reġistru tal-infrastruttura.	T3
6	Id-dijametru minimu tar-roti tal-vetturi li joperaw fi Franza jingħata fl-Anness A, l-Appendiċi 1, il-paragrafu 2.2.2	Tagħmir tal-kalkolatur tad-dawrien tal-fusien eżistenti, identifikat fir-reġistru tal-infrastruttura.	T3
7	L-għoli minimu ta’ flanġ għall-vetturi li joperaw fil-Litwanja huwa stabbilit fl-Anness A, l-Appendiċi 1, il-paragrafu 2.2.4.	It-tagħmir kalkolatur tad-dawrien tal-fusien eżistenti jippermetti l-lokalizzazzjoni ta’ roti bi flanġ iktar baxx (każ speċifiku pożittiv għall-RS).	T3
8	Il-piż tal-fus minimu għal vetturi li joperaw fuq ċerti linji fil-Ġermanja, l-Awstrija u l-Belġju huwa stabbilit fl-Anness A, l-Appendiċi 1, il-paragrafu 3.1.3	Il-Ġermanja: Il-piż tal-fus minimu meħtieġ ibiddel id-direzzjoni ta’ ċerti ċirkwiti tal-binarju huwa determinat fi ħtieġa tal-EBA (Eisenbahn-Bundesamt), rilevanti fuq xi linji ewlenin fil-Ġermanja fil-qasam tad-DR (Deutsche Reichsbahn) ta’ qabel b’ċirkwiti tal-binarji ta’ 42 Hz u 100 Hz skont ir-reġistru tal-infrastruttura. Ebda rinnovazzjoni.	T3
		Il-Belġju: Il-piż minimu tal-fus huwa 5 t fuq il-linji kollha fil-Belġju (minbarra għal-linji ta’ veloċità għolja kif diġà deskritt fil-każ speċifiku). Dan il-piż minimu huwa meħtieġ biex: 1) idawwar iċ-ċirkwiti tal-binarji differenti użati fuq in-netwerk konvenzjonali tagħna: speċjalment ċirkwiti tal-binarji ta’ 50 Hz u ċirkwiti tal-binarji b’ġonot elettriċi. 2) li jħaddem b’mod korrett xi tipi ta’ pedali li jaħdmu bil-piż tal-fusien. Fil-Belġju, il-pedali jintużaw flimkien maċ-ċirkwiti tal-binarji biex jirrilaxxaw itinerarji. Ebda rinnovazzjoni.
		L-Awstrija: Il-piż minimu tal-fus meħtieġ biex idawwar ċerti ċirkwiti tal-binarji huwa determinat fi ħtieġa għal funzjoni sigura, rilevanti fuq xi linji ewlenin fl-Awstrija b’ċirkwiti tal-binarji ta’ 100 Hz skont ir-reġistru tal-infrastruttura. Ebda rinnovazzjoni.
9	Il-massa minima ta’ vettura jew ferrovija waħedha li topera fuq linji TEN ta’ veloċità għolja fi Franza u linji “L1” TEN ta’ veloċità għolja fil-Belġju hija stabbilita fl-Anness A, l-Appendiċi 1, il-paragrafu 3.1.4	Tagħmir eżistenti taċ-ċirkwit tal-binarju	Franza T3 Belġju T3
10	Il-massa minima ta’ vettura jew ferrovija waħedha li topera fil-Belġju (minbarra TEN “L1” ta’ veloċità għolja) hija stabbilita fl-Anness A, l-Appendiċi 1, il-paragrafu 3.1.5	Tagħmir eżistenti taċ-ċirkwit tal-binarju	T3
11	Id-dimensjoni minima tal-massa tal-metall u kundizzjonijiet ta’ approvazzjoni ta’ vetturi li joperaw fil-Ġermanja u l-Polonja huma stabbiliti fl-Anness A, l-Appendiċi, il-paragrafu 3.3.1	Rilevanti fuq linji b’intersezzjoni fuq l-istess livell b’linji ta’ lokalizzazzjoni skont ir-reġistru tal-infrastruttura.	Ġermanja P Polonja P
12	Ir-reattanza massima bejn is-superfiċji użati mir-roti tal-vetturi li joperaw fil-Polonja hija stabbilita fl-Anness A, l-Appendiċi 1, il-paragrafu 3.5.2	Tagħmir eżistenti taċ-ċirkwit tal-binarju	T3
13	Ir-reattanza massima bejn is-superfiċji użati mir-roti tal-vetturi li joperaw fi Franza hija stabbilita fl-Anness A, l-Appendiċi 1, il-paragrafu 3.5.3	Tagħmir eżistenti taċ-ċirkwit tal-binarju	T3
14	Il-ħtiġijiet addizzjonali tal-parametri għat-tidwir ta’ vettura li topera fil-Pajjiżi l-Baxxi jingħataw fl-Anness A, l-Appendiċi 1 il-paragrafu 3.5.4	Tagħmir taċ-ċirkwit tal-binarju eżistenti ta’ vultaġġ baxx, identifikat fir-reġistru tal-infrastruttura.	T3
15	L-impedanza minima bejn il-pantografu u r-roti tal-vetturi li joperaw fil-Belġju hija stabbilita fl-Anness A, l-Appendiċi 1, il-paragrafu 3.6.1	Tagħmir eżistenti tal-Klassi B	T3
16	Il-ħtiġijiet addizzjonali rigward it-trammil għar-Renju Unit huma stabbiliti fl-Anness A, l-Appendiċi 1, il-paragrafu 4.1.3	Validu biss għall-Ferroviji konvenzjonali	T3
17	Il-brejk manjentiku u l-brejk bl-eddy current mhuwiex awtorizzat fl-ewwel karru ta’ vettura li topera fil-Ġermanja, definit fl-Anness A, l-Appendiċi 1, il-paragrafu 5.2.3	Rilevanti fuq linji ta’ intersezzjoni fuq l-istess livell skont ir-reġistru tal-infrastruttura.	T3

7.5.2.2.   Każ speċifiku għall-Greċja.

Kategorija “T1” - temporanju: vetturi ferrovjarji b’distanza bejn il-linji ferrovjarji ta’ 1 000 mm jew inqas, u linji b’distanzi bejn il-linji ferrovjarji ta’ 1 000 mm jew inqas.

Ir-regoli nazzjonali għandhom japplikaw fuq dawn il-linji.

7.5.2.3.   Każ speċifiku għall-Istati Baltiċi (għal-Latvja, il-Litwanja, l-Estonja sistema CR biss).

Kategorija T2 — l-aġġornament funzjonali u tekniku tal-faċilitajiet kurrenti tagħhom tal-Klassi B użati fuq il-kurituri tad-distanzi ta’ 1520 mm bejn il-linji ferrovjarji huwa awtorizzat jekk dan ikun ikkunsidrat meħtieġ biex jippermetti t-tħaddim tal-lokomotivi tal-impriżi ferrovjarji kemm tal-Federazzjoni Russa kif ukoll tal-Belarus. L-aġġornament funzjonali u tekniku tal-faċilitajiet kurrenti tagħhom tal-Klassi B użati fuq il-lokomotivi u l-ferroviji b’distanzi ta’ 1520 mm bejn il-linji ferrovjarji huwa awtorizzat jekk dan ikun ikkunsidrat meħtieġ biex jippermetti t-tħaddim fit-territorju kemm tal-Federazzjoni Russa kif ukoll tal-Belarus.

7.6.   Dispożizzjonijiet tranżizzjonali

Il-punti miftuħa indikati fl-Anness G ta’ din it-TSI għandhom ikunu amministrati fil-proċess tar-reviżjoni.

---

(1)  Modulu degradat: mod ta’ operazzjoni fil-preżenza ta’ ħsarat, li kien antiċipat fid-disinn tas-subsistema tal-Kontroll u Kmand.

(2)  Il-ħtiġijiet tas-sigurtà għal ERTMS/ETCS livell 3 għad għandhom ikunu stabbiliti.

(3)  Eż. il-fattibbiltà tal-kunċett estern tal-STM ma jistax ikun garantit teknikament jew inkella kwistjonijiet potenzjali relatati mal-pussess tad-drittijiet ta’ proprjetà intellettwali tas-sistemi tal-Klassi B jimpedixxu żvilupp f’waqtu ta’ prodott tal-STM.

(4)  31 ta’ Diċembru 2007.

(5)  Klassifikazzjoni tal-funzjoni: ara t-Taqsima 4.