—

wara li kkunsidra l-pożizzjoni komuni tal-Kunsill (8698/4/2007 — C6-0258/2007),

—

wara li kkunsidra l-pożizzjoni tiegħu fl-ewwel qari (1) dwar il-proposta tal-Kummissjoni lill-Parlament Ewropew u lill-Kunsill (COM(2006)0230) (2),

—

wara li kkunsidra l-Artikolu 251(2) tat-Trattat KE,

—

wara li kkunsidra l-Artikolu 67 tar-Regoli ta' Proċedura tiegħu,

—

wara li kkunsidra r-rakkomandazzjoni għat-tieni qari tal-Kumitat għal-Libertajiet Ċivili, il-Ġustizzja u l-Intern (A6-0308/2007),

1.

Japprova l-pożizzjoni komuni;

2.

Jiġbed l-attenzjoni għad-dikjarazzjoni li għamlet il-Kummissjoni fis-seduta plenarja tas-6 ta' Settembru 2007 skond liema dikjarazzjoni “il-Kummissjoni timpenja ruħha li tibgħat, b'mod eċċezzjonali, mingħajr dewmien liċ-Chairperson tal-Kumitat Parlamentari kompetenti, l-abbozzi tal-programmi annwali rigward ilprogramm speċifiku kif ukoll li tibgħat dawn l-abbozzi permezz tar-reġistru tal-komitoloġija, u li tinforma lill-Parlament Ewropew mingħajr dewmien dwar kwalunkwe modifika li qed issir fit-test b'riżultat tal-laqgħat tal-kumitati”;

3.

Jinnota li l-att qed jiġi adottat b'konformità mal-pożizzjoni komuni;

4.

Jagħti istruzzjonijiet lill-President tiegħu sabiex jiffirma l-att flimkien mal-President tal-Kunsill, skond l-Artikolu 254(1) tat-Trattat KE;

5.

Jagħti istruzzjonijiet lis-Segretarju Ġenerali tiegħu sabiex jiffirma l-att wara li jkun ivverifika li l-proċeduri ntemmu kif imiss u sabiex, bi qbil mas-Segretarju Ġenerali tal-Kunsill, jipproċedi għall-pubblikazzjoni ta' l-att fil-Ġurnal Uffiċjali ta' l-Unjoni Ewropea;

6.

Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

—

wara li kkunsidra l-Artikolu 3 tat-Trattat KE, li jipprovdi għall-ħolqien ta' Suq Wieħed permezz tattneħħija ta' l-ostakoli għall-moviment liberu tal-persuni,

—

wara li kkunsidra r-riżoluzzjoni tiegħu tal-15 ta' Marzu 2007 dwar l-Azzjoni Komunitarja rigward ilprovvista ta' kura tas-saħħa transkonfinali (1),

—

wara li kkunsidra r-Rapport ta' l-Assemblea Dinjija dwar is-Saħħa (WHA 58.) fir-rigward tar-Regolamenti Internazzjonali tas-Saħħa (IHR) u r-Riżoluzzjoni tal-WHA tas-26 ta' Mejju 2006 li titlob li ssir applikazzjoni bikrija u volontarja ta' ċerti aspetti ta' l-IHR relatati ma' l-influwenza pandemika (WHA 59.2);

—

wara li kkunsidra r-Regolament (KE) tal-Parlament Ewropew u tal-Kunsill Nru. 851/2004 tal-21 ta' April 2004 li jistabbilixxi ċentru Ewropew għall-prevenzjoni u l-kontroll tal-mard (2), id-Deċiżjoni Nru 2119/98/KE tal-Parlament Ewropew u tal-Kunsill ta' l-24 ta' Settembru 1998 dwar l-istabbiliment ta' network għas-sorveljanza epidemoloġika u kontroll ta' mard li jinxtered fil-Komunità (3) u d-Deċiżjoni tal-Kummissjoni 2000/57/KE tat-22 ta' Diċembru 1999 dwar is-sistema ta' twissija u reazzjoni bikrija għall-prevenzjoni u l-kontroll tal-mard li jittieħed taħt id-Deċiżjoni 2119/98/KE tal-Parlament Ewropew u tal-Kunsill (4),

—

wara li kkunsidra l-Artikolu 45 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Ambjent, is-Saħħa Pubblika u s-Sikurezza ta' l-Ikel (A6-0263/2007),

A.

billi l-passat reċenti wera li hemm sfidi ta' mard ġdid għas-saħħa pubblika nazzjonali u internazzjonali u billi għandhom jiġu żviluppati proċeduri mtejba għall-għajnuna u l-informazzjoni fil-livell nazzjonali u reġjonali; billi jeħtieġ li t-tixrid tal-mard fil-livell Ewropew jiġi ffaċċjat,

B.

billi f'dinja mobbli ferm u li qed tiġi globalizzata, qiegħed jiżdied il-bżonn għal protezzjoni tas-saħħa pubblika b'dimensjoni Ewropea u internazzjonali.

C.

billi għandha tingħata l-prijorità lill-iżgurar ta' protezzjoni massima kontra t-tixrid globali ta' emerġenzi dwar mard li jittieħed u dwar is-saħħa pubblika li huma ta' tħassib internazzjonali, iżda b'interferenza minima mat-traffiku dinji,

D.

billi, f'konformita' ma'l-Artikolu 5 tat-Trattat KE, il-prinċipju tas-sussidjarjetà għandu jiġi osservat peress li l-organizzazzjoni tas-servizzi tas-saħħa taqa' taħt il-kompetenza ta' l-Istati Membri individwali;

1.

Jagħraf is-sinifikat ta' mekkaniżmu ċar u komprensibbli bil-għan li ssir prevenzjoni u protezzjoni kontra u l-kontroll tat-tixrid tal-mard, kif ukoll li tiġi pprovduta reazzjoni minn naħa tas-saħħa pubblika li jkun proporzjonali għar-riskji u li jkun aċċessibbli għal dawk kollha li jkollhom bżonnu;

2.

Japprezza r-riżoluzzjoni WHA msemmija hawn fuq li titlob li ssir applikazzjoni bikrija u volontarja ta' ċerti aspetti ta' l-IHR relatati ma' l-influwenza pandemika ta' l-għasafar u tal-bnedmin;

3.

Jitlob lill-Komunità internazzjonali sabiex tosserva u tapplika l-kodiċi ta' prattika tajba tad-WHO dwar kondiviżjoni veloċi ta' strains, ippubblikat f'Jannar 2007;

4.

Jilqa' l-opinjonijiet tal-Kummissjoni dwar l-implimentazzjoni tar-Regolamenti Internazzjonali tas-Saħħa riveduti hekk kif espressi fil-Komunikazzjoni (COM(2006)0552), li għandha l-għan li tippromwovi diskussjoni strutturata mal-Kunsill u mal-Parlament;

5.

Jenfasizza l-bżonn urġenti li jiġu implimentati r-Regolamenti Internazzjonali tas-Saħħa, f'konformita' mal-prinċipji tas-sussidjarjetà, filwaqt li fl-istess ħin jissaħħu s-sistemi u l-kapaċitajiet eżistenti;

6.

Jenfasizza l-bżonn li jiġu implimentati r-Regolamenti Internazzjonali tas-Saħħa b'mod ikkoordinat madwar il-Komunità;

7.

Jirrimarka fl-istess ħin li, madankollu, fuq il-bażi tal-poteri tagħhom u tal-prinċipju tas-sussidjarjetà, huma l-Istati Membri biss li għandhom jorganizzaw is-servizzi ta' saħħa tagħhom, filwaqt li jiżguraw livell għoli ta' protezzjoni tas-saħħa għaċ-ċittadini tagħhom;

8.

Jinnota li dan il-mekkaniżmu internazzjonali ”m'għandux ikun iktar restrittiv fuq it-traffiku internazzjonali u m'għandux ikun invażif jew ta' intrużjoni għall-persuni iktar minn alternattivi li huma raġenovalment disponibbli li jistgħu jilħqu l-livell adegwat ta' protezzjoni tas-saħħa” (Artikolu 43 tar-Regolamenti Internazzjonali tas-Saħħa);

9.

Jaħseb illi, sabiex ir-riskju jiġi indirizzat aħjar, hemm bżonn li jiġi appoġġjat l-iżvilupp tas-sistemi ta' linformazzjoni, kemm dawk maħsuba sabiex jagħmlu skambju ta' informazzjoni bejn min jipprovdi l-kura tas-saħħa kif ukoll dawk li jipprovdu informazzjoni għall-pazjenti; u jenfasizza l-bżonn li tiġi mtejba ssikurezza tas-sistemi ta' l-informazzjoni msemmija hawn fuq;

10.

Jinsab konvint li, sabiex jinkiseb livell għoli ta' protezzjoni u preparazzjoni f'dinja li hija dejjem iktar globalizzata u li hija mobbli ħafna, huwa assolutament neċessarju li wieħed jappoġġja u jikkopera ma' pajjiżi ġirien u ma' pajjiżi terzi;

11.

Jenfasizza l-bżonn għall-koperazzjoni mill-qrib bejn awtoritajiet nazzjonali kif ukoll bejn awtoritajiet nazzjonali u Ewropej fl-iskambju ta' informazzjoni fil-qasam tas-sikurezza tas-saħħa pubblika, sabiex tiġi ottimizzata l-implimentazzjoni u jiġu protetti bl-aħjar mod possibbli ċ-ċittadini ta' l-UE minn emerġenzi tas-saħħa pubblika ta' tħassib internazzjonali (PHEICs);

12.

Ifakkar l-irwol taċ-Ċentru Ewropew għall-Prevenzjoni u l-Kontroll tal-Mard (ECDC), u s-Sistema ta' Twissija u Reazzjoni Bikrija ta' l-UE (EWRS) fl-implimentazzjoni tar-Regolamenti Internazzjonali tas-Saħħa f'każijiet ta' emerġenza;

13.

Iħeġġeġ lill-Istati Membri sabiex iwettqu l-obbligi tagħhom hekk kif imniżżla fir-Regolamenti Internazzjonali tas-Saħħa;

14.

Jitlob lill-Kummissjoni sabiex tħejji linji gwida għall-identifikazzjoni u l-evalwazzjoni ta' theddid; u dan f'koperazzjoni mal-kumitat kompetenti tal-Parlament Ewropew;

15.

Fl-istess waqt jitlob lill-Kummissjoni sabiex tifformalizza l-irwol ta' l-ECDC fl-implimentazzjoni tar-Regolamenti Internazzjonali tas-Saħħa, b'mod partikulari f'dak li għandu x'jaqsam mal-ġbir ta' data rigward kwistjonijiet li jagħmlu parti mill-mandat tagħha;

16.

Jistieden lill-Kummissjoni sabiex issib modi u mezzi ħalli tappoġġja t-twaqqif ta' sistemi adegwati f'pajjiżi ġirien u f'pajjiżi terzi permezz ta' mekkaniżmi ta' ffinanzjar u ta' żvilupp reġjonali;

17.

Jitlob lill-Kummissjoni sabiex tiddefinixxi modi u mezzi li jagħmlu li jkun possibbli li tiġi appoġġjata l-politika tad-WHO rigward l-aċċess għall-vaċċinazzjoni pandemika għall-pajjiżi li qed jiżviluppaw;

18.

Iħeġġeġ lill-Kummissjoni sabiex tiżviluppa programmi għall-ġlieda kontra t-theddid tas-saħħa Ewropew u globali bħal pereżempju l-infezzjonijiet assoċjati mal-kura tas-saħħa u r-reżistenza dejjem tikber għattrattamenti bl-antibjotiċi; jirrimarka li żgur jeħtieġ li jkun hemm soluzzjoni pan-Ewropea peress illi kriżijiet tas-saħħa bħal dawn m'għandhomx fruntieri ġeografiċi;

19.

Jenfasizza l-ħtieġa tal-ħolqien ta' ħażna ċentrali ta' l-UE ta' prodotti anti-virali u ta' tilqim li jkunu effettivi b'mod indisputabbli sabiex iċ-ċittadini ta' l-UE jkunu protetti minn pandemija possibbli ta' influwenza fl-Istat Membri kollha, biex tikkumplimenta l-attivitajiet ta' l-Istati Membri; jenfasizza l-ħtieġa li l-Kummissjoni Ewropea tieħu miżuri ma' l-UE kollha f'każ ta' influwenza pandemika, li jkunu kapaċi jissieltu b'mod effettiv il-firxa ta' l-influwenza fl-Ewropa fi żmien 24 siegħa;

20.

Jagħti struzzjonijiet lill-President tiegħu sabiex jgħaddi din ir-riżoluzzjoni lill-Kunsill u lill-Kummissjoni, u lill-gvernijiet u l-parlamenti ta' l-Istati Membri, u lill-Uffiċċju Reġjonali tad-WHO għall-Ewropa.

—

wara li kkunsidra t-tmien laqgħa tal-Konferenza tal-Partijiet Kontraenti (COP8) għall-Konvenzjoni tan-Nazzjonijiet Uniti biex tkun miġġielda d-deżertifikazzjoni (UNCCD), fit-3 u l-14 ta' Settembru 2007 f'Madrid, Spanja,

—

wara li kkunsidra l-Artikolu 108(5) tar-Regoli ta' Proċedura tiegħu,

A.

billi d-deżertifikazzjoni tfisser degradazzjoni ta' art f'zoni aridi, semi-aridi u aridi iżda xi ftit umdi li tirriżulta minn fatturi varji, inklużi varjazzjonijiet klimatiċi u attivitajiet umani, u għalhekk teħtieġ djanjosi u programm ta' implimentazzjoni olistiċi,

B.

billi l-bidla fil-klima tipprovoka t-tisħin ta' l-art u żieda fit-temperatura tal-ħamrija, u kaġun ta' dan, żieda fil-livell ta' evaporazzjoni, li jirriżulta fid-deżertifikazzjoni,

C.

billi ż-żieda fit-temperatura tnixxef il-fawwarajiet u tnaqqas iċ-ċirkolazzjoni tal-livell ta' l-ilma tax-xmajjar u tal-baċiri ta' l-ilma ta' taħt l-art, b'hekk teqred l-istruttura superfiċjali tal-ħamrija; billi fiċ-ċirkustanzi preżenti, fejn it-tul tan-nixfat qiegħed dejjem tiżdied, se tkun iżjed diffiċli li jiġu rkuprati l-foresti wara l-ħruq, b'riskju mistenni tad-deżertifikazzjoni,

D.

billi d-deżertifikazzjoni u n-nixfa huma problemi li jolqtu lir-reġjuni kollha tad-dinja, u billi dawn jeħtieġu azzjoni konġunta biex tiġi miġġielda d-deżertifikazzjoni u/jew biex jitnaqqsu l-effetti tan-nixfat; billi l-UNCCD hija l-unika strument internazzjonali li jorbot legalment illi jiffaċċja d-degradazzjoni ta' lart fit-terrafermi, u għandha sħubija kważi universali li tgħodd 191 Stati Kontraenti,

E.

billi hemm konċentrazzjoni ta' pajjiżi li qed jiżviluppaw, li b'mod notevoli jinkludu l-inqas pajjiżi żviluppati, fost dawk li għaddejjin minn nixfat u/jew deżertifikazzjoni serji,

F.

billi l-Programm Ambjentali tan-Nazzjonijiet Uniti (UNEP) jistma li d-deżertifikazzjoni bħalissa qiegħda taffettwa bejn ħamsa u għoxrin u tletin fil-mija ta' l-art ta' wiċċ id-dinja, u billi 1.2 u 2 biljun ruħ f'millinqas 100 stat jinsabu f'riskju; billi t-telf ekonomiku kkaġunat mill-produttività mitlufa fl-1992 ġie stmat $42 biljun ($64 biljun fi prezzijiet ta' l-2006); billi r-rata globali tad-deżertifikazzjoni qiegħda tikber, u dan qiegħed iwassal għall-faqar, il-migrazzjoni sforzata u l-kunflitti,

G.

billi tliet kwarti tal-ħamrija tar-reġjuni f'zoni aridi, semi-aridi u aridi iżda xi ftit umdi qegħdin jisfaw degradati u nofs l-art li tiġi kkultivata mix-xmajjar tinsab mhedda, filwaqt li d-degradazzjoni tirriżulta f'telf fil-bijodiversità, fit-tnaqqis tal-fertilità tal-ħamrija u fil-kapaċità tagħha li żżomm l-ilma, u f'iżjed erożjoni kif ukoll fi tnaqqis fil-qabda tal-karbonju,

H.

billi d-deżertifikazzjoni tiġri l-iżjed permezz ta' kultivazzjoni u r-ragħa eċċessivi, ta' prattiċi improprji ta' irrigazzjoni, u tad-deżertifikazzjoni, filwaqt li dawn l-attivitajiet joħorġu minn ġestjoni fqira ta' l-art, li min-naħa tagħha tirriżulta mill-kundizzjonijiet soċjo-ekonomiċi li jgħixu fihom il-bdiewa; billi l-istudji juru li l-investimenti fil-prattiċi sostenibbli tal-ġestjoni ta' l-art ikunu vantaġġjużi,

I.

I billi avvenimenti klimatiċi drastiċi, bħall-għargħar u n-nixfiet konnessi mal-bidla fil-klima. qegħdin isiru iżjed spissi u iżjed qawwija fl-effetti tagħhom, u dan ikabbar ir-riskju u l-konsegwenzi ekonomiċi u soċjali negattivi tad-deżertifikazzjoni,

J.

billi d-deżertifikazzjoni tikkontribwixxi wkoll għall-bidla fil-klima, u billi d-degradazzjoni ta' l-art u t-telf ta' veġetazzjoni relatat ma' dan jirriżulta f'żieda fl-emissjonijiet u fi tnaqqis fil-carbon sink; billi l-irkupru tal-kundizzjonijiet tat-terrafermi jista' jkollu impatt pożittiv importanti,

K.

billi l-UNCCD għandha rwol importanti fl-isforzi globali biex jinqered il-faqar, biex jinkiseb żvilupp sostenibbli u biex jintlaħqu l-Għanijiet tal-Millennju għall-Iżvilupp,

1.

Jesprimi l-appoġġ tiegħu għall-UNCCD u għall-proċess riformatorju tagħha; jistieden lill-Kummissjoni u lill-Istati Membri biex fil-laqgħa tas-COP jippreżentaw pożizzjoni unifikata, b'koperazzjoni mill-qrib malpajjiżi sħab fl-ACP;

2.

Jesprimi l-appoġġ tiegħu għal pjan ta' azzjoni strateġiku b'objettivi ddefiniti bl-iskadenzi; jistieden lill-UE biex timpenja ruħha b'mod kostruttiv fit-tfassil u fin-negozjati ta' pjan strateġiku t'10 snin sabiex tibni mekkaniżmi sodi u effiċjenti għal implimentazzjoni effettiva tal-Konvenzjoni; f'dan is-sens, jistieden li tingħata attenzjoni speċjali għal

3.

Jenfasizza li l-irwol tas-soċjetà ċivili u tal-popolazzjonijiet lokali fl-implimentazzjoni u fil-kisba ta' lobjettivi ta' l-UNCCD;

4.

Jirrakkomanda li tiġi organizzata Konferenza biex tevalwa l-implimentazzjoni u l-effettività tal-Pjanijiet ta' Azzjoni fl-iżjed reġjuni milquta, speċjalment fl-Afrika, qabel ma jsiru Konferenzi ta' Partijiet oħrajn;

5.

Jirrikonoxxi l-importanza tad-degradazzjoni ta' l-art bħala fattur kruċjali li jxekkel l-iżvilupp tal-pajjiżi milqutin fil-ġejjieni; jitlob li l-politika ta' l-UE għall-Iżvilupp tagħti attenzjoni speċjali lil dan il-fenomenu, inkluż fl-evalwazzjoni tal-ħtiġijiet ta' l-għajnuna għall-iżvilupp;

6.

Jistqarr it-tħassib tiegħu dwar in-nuqqas ta' fondi impenjati għal azzjonijiet, filwaqt li jilqa' b'sodisfazzjoni l-użu tal-Faċilità Ambjentali Globali bħall-mekkaniżmu finanzjarju u jitlob lill-UE biex issaħħaħ ilfinanzjament għal miżuri kontra d-deżertifikazzjoni fil-kuntest ta' mekkaniżmi flessibbli skond il-Konvenzjoni ta' Qafas tan-NU dwar il-bidla fil-klima u l-Protokoll ta' Kyoto tagħha;

7.

Jitlob biex ir-riforma fil-Politika Agrikola Komuni tintroduċi kriterji li jorbtu dwar il-ġlieda kontra ddeżertifikazzjoni u d-degradazzjoni ta' l-art fiz-zoni milquta fl-Unjoni Ewropea; barra minn dan, jitlob għal politika ta' prevenzjoni u ta' implimentazzjoni sabiex jinżammu n-nies fiz-zoni rurali;

8.

Jitlob għal kura komprensiva tal-foresti biex jitnaqqas kemm jista' jkun l-ammont ta' materjal kombustibbli tal-foresti u l-firxa u l-ħeffa tal-ħruq; jirrimarka li l-bijomassa rkuprata tista' tikontribwixxi għall-fattibilità ekonomika tal-proġett;

9.

Jistieden lill-Kummissjoni biex tikkunsidra t-twaqqif ta' Osservatorju Ewropew dwar in-Nixfa, li jiġbor tagħrif u jipproponi miżuri ta' tnaqqis u ta' segwitu sabiex jiġu minimizzati l-effetti tan-nixfa fuq l-Ewropa

10.

Jirrikonoxxi li l-istudji riċenti waslu għall-konklużjoni li l-ispiża ta' l-investiment fit-tnaqqis tad-degradazzjoni ta' l-art f'zoni milquta tkun inqas mill-ispejjeż li jirriżultaw mid-degradazzjoni; huwa konxju millimpenn fit-tul li huwa meħtieġ sabiex il-miżuri ta' kontra d-deżertifikazzjoni jkunu effettivi;

11.

Jistieden lill-Kummissjoni u lill-Istati Membri biex iżidu l-koperazzjoni internazzjonali fl-implimentazzjoni ta' l-UNCCD billi jipprovdu inċentivi addizzjonali u għajnuna finanzjarja, u biex jappoġġjaw programmi ta' koperazzjoni ta' l-ilma transkonfinali; jitlob, għalhekk, biex din il-kwistjoni titpoġġa fuq l-aġenda tas-sammit EU-Afrika li jmiss;

12.

Jerġa' jtenni r-riżoluzzjoni tiegħu tas-7 ta' Lulju 2005 dwar it-tħaffif ta' l-implimentazzjoni tal-pjan ta' azzjoni ta' l-UE dwar l-Infurzar tal-Liġi tal-Foresti, Tmexxija u Kummerċ (FLEGT) (1) u d-diżappunt tiegħu dwar in-nuqqas ta' regoli obbligatorji u komprensivi li jipprojbixxu l-importazzjoni fl-UE ta' njam illegali u pproċessat b'mod mhux sostenibbli;

13.

Jagħti struzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, lill-partijiet kontraenti ta' l-UNCCD u lis-Segretarjat tal-UNCCD.

—

wara li kkunsidra l-ftehimiet kollha bejn l-UE u pajjiżi terzi u l-klawsoli dwar id-drittijiet tal-bniedem u d-demokrazija f'dawn il-ftehimiet,

—

wara li kkunsidra l-Artikoli 177, 178, 300 u 310 tat-Trattat KE u l-Artikoli 3, 6, 11, 19 u 21 tat-Trattat dwar l-Unjoni Ewropea,

—

wara li kkunsidra l-Linji Gwida ta' l-Unjoni Ewropea dwar id-drittijiet tal-bniedem u b'mod partikolari dwar id-Djalogi dwar id-Drittijiet tal-Bniedem, adottati f'Diċembru 2001, u l-evalwazzjoni ta' l-implimentazzjoni ta' dawk il-Linji Gwida, f'Diċembru 2004, u wara li kkunsidra wkoll il-Linji Gwida ta' l-Unjoni Ewropea dwar id-difensuri tad-drittijiet tal-bniedem, adottati f'Ġunju 2004,

—

wara li kkunsidra r-riżoluzzjoni tiegħu ta' l-14 ta' Frar 2006 dwar il-klawsola dwar id-drittijiet talbniedem u d-demokrazija fil-ftehimiet ta' l-Unjoni Ewropea (1) kif ukoll is-segwitu għal dik ir-riżoluzzjoni kif imressaq mill-Kummissjoni,

—

wara li kkunsidra d-dokument tal-Kunsill tas-7 ta' Ġunju 2006 bit-titolu “Ir-razzjonalizzazzjoni taddrittijiet tal-bniedem fis-CFSP u f'politiki oħra ta' l-UE”,

—

wara li kkunsidra l-Ftehima ta' Qafas tas-26 ta' Mejju 2005 bejn il-Parlament Ewropew u l-Kummissjoni,

—

wara li kkunsidra r-riżoluzzjoni tiegħu tal-25 ta' April 2002 dwar il-komunikazzjoni tal-Kummissjoni lill-Kunsill u lill-Parlament Ewropew dwar is-sehem ta' l-Unjoni Ewropea fil-promozzjoni tad-drittijiet tal-bniedem u tad-demokratizzazzjoni fil-pajjiżi terzi (2),

—

wara li kkunsidra r-riżoluzzjonijiet preċedenti tiegħu dwar is-sitwazzjoni tad-drittijiet tal-bniedem fiddinja,

—

wara li kkunsidra d-dibattiti u r-riżoluzzjonijiet ta' urġenza preċedenti tiegħu dwar każijiet ta' ksur taddrittijiet tal-bniedem, tad-demokrazija u ta' l-istat tad-dritt,

—

wara li kkunsidra l-Linji gwida speċifiċi għall-azzjonijiet tal-Membri tal-Parlament Ewropew dwar drittijiet tal-bniedem u demokrazija fiż-żjarat tagħhom lill-pajjiżi terzi,

—

wara li kkunsidra r-Regolament (KE) Nru 1889/2006 tal-Parlament Ewropew u tal-Kunsill ta' l-20 ta' Diċembru 2006 dwar it-twaqqif ta' strument finanzjarju għall-promozzjoni tad-demokrazija u tad-drittijiet tal-bniedem mad-dinja kollha (3),

—

wara li kkunsidra l-konklużjonijiet milħuqa fid-dibattiti li saru fis-Sottokumitat għad-Drittijiet tal-Bniediem lill-Kumitat tiegħu dwar l-Affarijiet Barranin, waqt il-laqgħat tat-3 ta' Mejju 2007 dwar id-drittijiet tal-bniedem fiċ-Ċina u fl-Użbekistan u tat-23 ta' April 2007 dwar id-drittijiet tal-bniedem fir-Russja,

—

wara li kkunsidra r-riżoluzzjonijiet tiegħu ta' l-10 ta' Mejju 2007 dwar is-Samit bejn l-UE u r-Russja f'Samara fit-18 ta' Mejju 2007 (4), tas-26 ta' April 2007 dwar ir-repressjoni riċenti ta' dimostrazzjonijiet fir-Russja (5), tat-18 ta' Jannar 2007 dwar ħames infermiera Bulgari u tabib Palestinjan li nstabu ħatja u ntbagħtu l-ħabs mil-Libja (6), tas-16 ta' Novembru 2006 dwar l-Iran (7), tas-26 ta' Ottubru 2006 dwar l-Użbekistan (8) u tas-7 ta' Settembru 2006 dwar ir-relazzjonijiet bejn l-UE u ċ-Ċina (9),

—

wara li kkunsidra l-konklużjonijiet dwar l-Asja Ċentrali milħuqa waqt l-2796 laqgħa tal-Kunsill dwar ir-Relazzjonijiet Barranin li saret fil-Lussemburgu fit-23 ta' April 2007; dwar il-Ftehimiet ta' Sħubija u ta' Koperazzjoni mal-Kirgistan, mal-Każakistan u ma' l-Użbekistan, li diġà daħlu fis-seħħ; dwar il-Ftehimiet ta' Sħubija u ta' Koperazzjoni mat-Taġikistan u mat-Turkmenistan, li ġew iffirmati iżda għadhom ma ġewx irratifikati; u dwar id-Dokument ta' Strateġija tal-Kummissjoni dwar l-Ażja Ċentrali 2002-2006,

—

wara li kkunsidra l-Artikoli 8, 9, 96 u 97 u l-Anness VII tal-Ftehima ta' Sħubija bejn il-membri tal-Grupp ta' Stati ta' l-Afrika, il-Karibew u l-Paċifiku (ACP) u l-Komunità Ewropea u l-Istati Membri tagħha, iffirmata f'Cotonou fit-23 ta' Ġunju 2000 (10) u emendata fil-Lussemburgu fil-25 ta' Ġunju 2005 (11), (il-Ftehima ta' Cotonou),

—

wara li kkunsidra r-riżoluzzjonijiet ta' l-Assemblea Parlamentari Konġunta bejn l-ACP u l-UE (ACP-EU JPA) u b'mod partikulari, ir-riżoluzzjoni tiegħu tal-25 ta' Novembru 2004 (adottata fl-Aja) dwar iddjalogu politiku bejn l-ACP u l-UE (l-Artikolu 8 tal-Ftehima ta' Cotonou) (12),

—

wara li kkunsidra l-Pjanijiet ta' Azzjoni bilaterali adottati mill-Kummissjoni fi ħdan il-Politika Ewrope tal-Viċinanza (ENP) mal-pajjiżi msieħba fl-ENP, bl-eċċezzjoni ta' l-Alġerija, il-Belarus, il-Libja u s-Sirja,

—

wara li kkunsidra l-Komunikazzjoni tal-Kummissjoni lill-lill-Kunsill u lill-Parlament Ewropew dwar ittisħiħ tal-Politika Ewropea tal-Viċinat (COM(2006)0726) u r-riżoluzzjoni tagħha li se toħroġ dalwaqt,

—

wara li kkunsidra r-rakkomandazzjonijiet tiegħu lill-Kunsill tal-15 ta' Marzu 2007 dwar il-mandati għan-negozjati għal ftehimiet ta' assoċjazzjoni bejn l-Unjoni Ewropea u l-Istati Membri tagħha fuq naħa, u l-Komunita? Andina u l-pajjiżi membri tagħha fuq naħa oħra (13), u bejn l-Unjoni Ewropea u l-Istati Membri tagħha fuq naħa waħda, u l-pajjiżi ta' l-Amerika Ċentrali fuq naħa oħra (14),

—

wara li kkunsidra r-riżoluzzjonijiet tiegħu tat-12 ta' Ottubru 2006 dwar ir-relazzjonijiet ekonomiċi u kummerċjali bejn l-UE u l-Mercosur bil-ħsieb li tintlaħaq Ftehima ta' Assoċjazzjoni Inter-reġjonali (15) u tas-27 ta' April 2006 dwar sħubija aktar b'saħħitha bejn l-Unjoni Ewropea u l-Amerika Latina (16),

—

wara li kkunsidra l-Artikolu 45 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Affarijiet Barranin u l-opinjoni tal-Kumitat tad-Drittijiet tan-Nisa u l-Ugwaljanza bejn is-Sessi (A6-0302/2007),

A.

billi d-djalogi dwar id-drittijiet tal-bniedem huma wieħed minn firxa ta' strumenti li l-UE ti sta' tuża sabiex timplimenta l-politika tagħha dwar id-drittijiet tal-bniedem, u jikkostitwixxu parti essenzjali ta' listrateġija ġenerali ta' l-Unjoni Ewropea mmirata lejn il-promozzjoni ta' l-iżvilupp sostenibbli, tal-paċi u ta' l-istabilità,

B.

billi l-universalità, l-individwalità u l-indiviżibilità tad-drittijiet tal-bniedem, jiġifieri mhux biss id-drittijiet ċivili u politiċi iżda wkoll id-drittijiet soċjali, ambjentali, ekonomiċi u kulturali, iridu jkunu rispettati u promossi, u billi l-Unjoni Ewropea qed tkompli tistabbilixxi strumenti ta' sustanza għal dan l-għan,

C.

billi kwalunkwe deċiżjoni sabiex jinbeda djalogu dwar id-drittijiet tal-bniedem tittieħed fuq il-bażi ta' ċerti kriterji adottati mill-Kunsill li f'isem l-UE jqis it-tħassib ewlieni dwar is-sitwazzjoni tad-drittijiet talbniedem fit-territorju tal-pajjiż ikkonċernat bħala impenn ġenwin min-naħa ta' l-awtoritajiet tal-pajjiż ikkonċernat, fir-rigward ta' dan it-tip ta' djalogu, sabiex tittejjeb is-sitwazzjoni tad-drittijiet tal-bniedem fit-territorju, u l-impatt pożittiv li ji sta' jkollu djalogu dwar id-drittijiet tal-bniedem fuq is-sitwazzjoni tad-drittijiet tal-bniedem,

D.

billi l-Linji Gwida ta' l-Unjoni Ewropea dwar id-Drittijiet tal-Bniedem jitolbu li l-kwistjonijiet dwar iddrittijiet tal-bniedem jiġu indirizzati b'mod adegwat u sistematiku fil-qafas tad-djalogu politiku ġenerali mħejji flimkien ma' pajjiżi terzi fil-livelli kollha,

E.

billi fl-2004 il-Kunsill iddeċieda li, darbtejn fis-sena, jeżamina l-istatus ġenerali tad-djalogi fuq il-bażi ta' ħarsa ġenerali u ta' skeda aġġornata, u billi, fl-istess waqt il-Kunsill enfasizza li d-djalogi m'għandhomx isiru għal perjodu ta' żmien indefinit iżda għal perjodu ta' żmien partikulari, filwaqt li jkun hemm ukoll ħsieb ta' strateġija għat-tmiem,

F.

billi d-djalogi u l-konsultazzjonijiet dwar id-drittijiet tal-bniedem qed jiġu mħejjija permezz ta' varjeta? wiesgħa ta' strutturi, ta' formati u ta' proċeduri, mingħajr kunsiderazzjoni xierqa għall-konsistenza meħtieġa, billi dan in-nuqqas ta'konsistenza tista' idgħajjef il-kredibilita? tal-politika ta' l-UE dwar id-drittijiet tal-bniedem fil-livell internazzjonali, u billi hija mixtieqa aktar trasparenza u kontroll demokratiku firrigward ta' l-applikazzjoni tal-Linji Gwida ta' l-UE msemmija hawn fuq rigward id-Djalogi dwar id-Drittijiet tal-Bniedem,

G.

billi l-prattika attwali tal-Kunsill hija li tiġi provduta informazzjoni dwar l-aġenda u l-objettivi tar-round li jmiss dwar djalogi/konsultazzjonijiet strutturati dwar id-drittijiet tal-bniedem u jistieden uffiċjal Parlamentari jipparteċipa flimkien mar-rappreżentanti ta' organizzazzjonijiet mhux governattivi,

H.

billi l-Ftehima ta' Cotonou hija mmirata lejn żvilupp sostenibbli u hija bbażata fuq l-individwu bħala lprotagonista u l-benefiċjarju ewlieni tal-politika ta' l-iżvilupp; billi dan jirrikjedi li d-drittijiet tal-bniedem u l-libertajiet fundamentali jiġu rrispettati u promossi, u billi r-reviżjoni msemmija hawn fuq tal-Ftehima tal-25 ta' Ġunju 2005 rriżultat fi djalogu politiku aktar intensiv skond l-Artikolu 8, b'mod partikolari rigward id-drittijiet tal-bniedem,

I.

billi n-nuqqas ta' waħda mill-partijiet li tissodisfa obbligu li joħroġ mill-prinċipju tar-rispett tad-drittijiet tal-bniedem, mill-prinċipji demokratiċi u mill-istat tad-dritt kif imsemmi fl-Artikolu 9 tal-Ftehima ta' Cotonou, jirriżulta fit-tnedija ta' proċedura ta' konsultazzjoni skond l-Artikolu 96 sabiex titranġa ssitwazzjoni,

J.

billi, filwaqt li l-Artikolu 8 tal-Ftehima ta' Cotonou, li jipprovdi għal djalogu politiku bejn il-pajjiżi ta' l-ACP u l-UE, kif ukoll għal evalwazzjoni regolari tar-rispett tad-drittijiet tal-bniedem, tal-prinċipji demokratiċi, ta' l-istat tad-dritt u tal-governanza tajba, għandu jintlaqa' tajjeb, għad hemm tħassib li din iddispożizzjoni tintuża biex wieħed jaħrab il-proċedura ta' konsultazzjoni skond l-Artikolu 96 f' każijiet ta' ksur tad-drittijiet tal-bniedem,

K.

billi l-implimentazzjoni tal-Pjanijiet ta' Azzjoni ENP hija mmoniterjata minn diversi sottokumitati, u billi, skond il-Ftehimiet ta' Assoċjazzjoni bilaterali, l-UE nediet proċess li jkollha sottokumitati għaddrittijiet tal-bniedem, għad-demokratizzazzjoni u għat-tmexxija, għall-pajjiżi kollha ta' l-ENP; billi, sa llum, il-Marokk, il-Ġordan u l-Libanu approvaw il-ħolqien ta' dan it-tip ta' sottokumitati, li diġà ltaqgħu, l-Eġittu approva l-ħolqien ta' sottokumitat għalkemm dan għadu ma ltaqax u t-Tuneżija qiegħda filproċess li tapprova sottokumitat,

L.

billi, bħala miżura għal żmien qasir f'diversi Pjanijiet ta' Azzjoni ta' l-ENP, huwa rrakkomandat li jiġi mwaqqaf sottokumitat skond l-Artikolu 5 tal-Ftehima ta' Assoċjazzjoni, bil-ħsieb li jiġi żviluppat djalogu politiku strutturat dwar id-demokrazija u l-istat tad-dritt; billi dan is-sottokumitat m'għandu l-ebda setgħa li jieħu deċiżjoni iżda jista' jressaq proposti lill-Kumitat ta' Assoċjazzjoni relevanti jew lill-entitajiet f'livell ogħla fid-djalogu politiku,

M.

billi, bħala riżultat tar-riforma ta' l-istrumenti finanzjarji dwar l-assistenza esterna, il-Parlament kiseb iddritt li jwettaq eżaminazzjoni demokratika tad-dokumenti strateġiċi rilevanti, u fl-istess ħin huwa wieħed mill-awtoritajiet baġitarji,

N.

billi d-drittijiet tan-nisa u t-tfal jiffurmaw parti inaljenabbli, integrali u indiviżibbli mid-drittijiet universali tal-bniedem, kif stabbilit fid-Dikjarazzjoni ta' Beijing u fil-Pjattaforma għal Azzjoni ta' l-1995,

1.

Jenfasizza li l-promozzjoni tad-drittijiet tal-bniedem hija parti fundamentali tat-tfassil tal-politika esterna ta' l-UE; iħeġġeġ lill-Kunsill u lill-Kummissjoni sabiex jinkludu b'mod sistematiku l-kwistjonijiet dwar id-drittijiet tal-bniedem fl-aġenda tad-djalogi politiċi u l-konsultazzjonijiet ta' l-UE ma' pajjiżi terzi, u biex dejjem aktar idaħħlu d-drittijiet tal-bniedem fil-politiki esterni kollha ta' l-UE, inklużi l-aspetti esterni tal-politiki interni ta' l-UE, u jinsisti fuq l-użu ta' l-istrumenti kollha disponibbli bil-ħsieb li jinkisbu dawn lobjettivi;

2.

Huwa ta' l-opinjoni li l-kwistjonijiet dwar id-drittijiet tal-bniedem għandhom jitpoġġew fl-ogħla livell politiku sabiex id-drittijiet tal-bniedem ikkonċernati jingħataw iktar valur; ifakkar li l-promozzjoni u d-difiża tad-drittijiet tal-bniedem f'pajjiżi terzi m'għandhomx ikunu kkundizzjonati minn alleanzi ġeopolitiċi jew ġeostrateġiċi; jenfasizza li fil-qafas tad-djalogi politiċi, ekonomiċi u kummerċjali, ir-rispett għad-drittijiet talbniedem għandu jkun fundamentali għar-relazzjonijiet strateġiċi u privileġġati ma' l-UE;

3.

Jistieden lill-Kunsill sabiex japplika b'mod sħiħ il-Linji Gwida ta' l-UE msemmija hawn fuq rigward id-Djalogi dwar id-Drittijiet tal-Bniedem;

4.

Japprova l-konklużjonijiet ta' l-ewwel reviżjoni ta' l-implimentazzjoni tal-Linji Gwida ta' l-UE dwar id-Difensuri tad-Drittijiet tal-Bniedem, li jiġbdu l-attenzjoni għall-fatt li s-sitwazzjoni tad-difensuri tad-drittijiet tal-bniedem u l-ambjent li jaħdmu fih għandhom jiġu integrati b'mod sistematiku fid-djalogi politiċi ta' l-UE ma' pajjiżi terzi, inklużi djalogi u konsultazzjonijiet bilaterali mmexxija mill-Istati Membri ta' l-UE;

5.

Jilqa' b'sodisfazzjon id-deċiżjoni tal-Kunsill adottata dan l-aħħar sabiex jiġu mħejjija Linji Gwida ta' l-UE dwar id-Drittijiet tat-Tfal u sabiex dawn jiġu ffinalizzati matul il-Presidenza Portugiza fl-2007; f'dan irrigward, jenfasizza l-komplementarjetà neċessarja li għandha tkun osservata mal-Linji Gwida eżistenti dwar it-Tfal f'Kunflitti Armati u dwar il-bżonn li jkunu kkunsidrati l-impenji ta' Pariġi tas-6 ta' Frar 2007 dwar ilprotezzjoni tat-tfal minn reklutaġġ jew użu illegali minn forzi jew gruppi armati;

6.

Jistieden lill-Kunsill għal darba oħra sabiex japplika b'mod sħiħ il-Klawsola tad-Drittijiet tal-Bniedem fil-ftehimiet u r-relazzjonijiet kollha ta' l-UE ma' pajjiżi terzi; jafferma mill-ġdid l-istedina tiegħu biex tiġi stipulata proċedura trasparenti sabiex jiġu evalwati s-sitwazzjoni tad-drittijiet tal-bniedem u l-applikazzjoni tal-klawsola tad-drittijiet tal-bniedem; jitlob li s-sejbiet ta' din l-evalwazzjoni jiġu kkunsidrati b'mod sistematiku fid-djalogi u fil-konsultazzjoni dwar id-drittijiet tal-bniedem ma' pajjiżi terzi, u viċe versa;

7.

Jiġbed l-attenzjoni li l-iskop ewlieni tad-djalogu u tal-konsultazzjoni huwa li jinkoraġġixxi l-konsolidazzjoni tad-demokrazija, l-istat tad-dritt, fit-tmexxija tajba u tar-rispett għal-libertajiet fundamentali u għaddrittijiet tal-bniedem f'pajjiżi terzi, jiġifieri mhux biss drittijiet ċivili u politiċi iżda wkoll drittijiet soċjali, ambjentali, ekonomiċi u kulturali; jenfasizza li dawn l-objettivi se jkunu segwiti b'osservazzjoni tal-prinċipji ġenerali stabbiliti mid-Dikjarazzjoni Universali tad-Drittijiet tal-Bniedem u kwalunkwe strument universali ieħor dwar id-drittijiet tal-bniedem adottat fil-qafas tan-Nazzjonijiet Uniti u b'kunsiderazzjoni għall-Objettivi tal-Millenju għall-Iżvilupp;

8.

Isostni li l-fatt li meta jsiru djalogi jew konsultazzjonijiet dwar id-drittijiet tal-bniedem ma' pajjiż terzi, dawn iridu jwasslu għall-inklużjoni sistematika tad-drittijiet tal-bniedem f'kull qasam tal-koperazzjoni ta' l-UE mal-pajjiż konċernat , inkluża l-politika ta' l-iżvilupp tal-Komunità u l-koperazzjoni ekonomika, finanzjarja u teknika ma' pajjiżi terzi, sabiex l-eżistenza ta' djalogu jew konsultazzjonijiet dwar id-drittijiet talbniedem ma tkunx tikkostitwixxi objettiv fiha nnifsha;

9.

Jilqa' b'sodisfazzjon l-isforzi tal-Kunsill sabiex iġib koerenza fid-djalogu u l-konsultazzjoni dwar iddrittijiet tal-bniedem bl-għajnuna tal-Linji Gwida ta' l-UE imsemmija hawn fuq dwar id-Djalogi dwar id-Drittijiet tal-Bniedem; isostni li l-flessibilita? u l-pragmatiżmu meħtieġa biex jiżguraw li d-djalogu u l-konsultazzjoni jkunu effettivi m'għandhomx idgħajfu l-koerenza meħtieġa biex tipprevjeni li d-djalogi u l-konsultazzjonijiet jiġu ridotti għal sempliċiment kwistjoni ta' għażla libera;

10.

Jinnota li hemm varjeta? wiesgħa ta' djalogi u ta' konsultazzjonijiet, kull wieħed ibbażat fuq strutturi, formati, frekwenzi u metodoloġiji differenti u għalhekk dan inaqqas iċ-ċarezza u joħloq konfużjoni dwar lazzjoni ta' l-UE f'dan il-qasam; jiddeplora l-fatt li kwalunkwe informazzjoni li tista' teżisti dwar l-aġendi, lgħanijiet, il-bażijiet ta' referenza jew ir-riżultati tad-djalogi u l-konsultazzjonijiet ibbażati fuq ftehimiet, djalogi u konsultazzjonijiet ad hoc, tad-djalogu u tal-konsultazzjoni ma' pajjiżi ta' l-istess fehma, jew tad-djalogu u l-konsultazzjoni politiċi, l-informazzjoni mhix estiża għad-drittijiet tal-bniedem; jiġbed l-attenzjoni li la l-Kunsill u lanqas il-Kummissjoni ma fasslu metodu għall-organizzazzjoni u għas-sistemazzjoni ta' dawn id-djalogi u l-konsultazzjonijiet u b'hekk huwa impossibbli li wieħed jara r-riżultati minn perspettiva ġenerali; jistieden lill-Kummissjoni u lill-Kunsill biex joħolqu approċċ sistematiku għad-djalogi u għall-konsultazzjonijiet dwar id-drittijiet tal-bniedem ma' pajjiżi terzi, billi jikklassifikawhom skond il-metodoloġija u ssuġġett sabiex tkun provduta bażi għall-evalwazzjoni u għall-monitoraġġ oġġettiv tas-sitwazzjoni tad-drittijiet tal-bniedem, tas-suċċessi miksuba, eċċ.;

11.

Jikkunsidra li huwa essenzjali li jinstabu mezzi kif titjieb il-koordinazzjoni bejn l-istituzzjonijiet Ewropej differenti (il-Kunsill, il-Kummissjoni u l-Parlament) billi jitwaqqaf trijalogu interistituzzjonali dwar iddjalogu politiku u d-djalogi u l-konsultazzjonijiet dwar id-drittijiet tal-bniedem; jitlob ukoll li jiġu esplorati immedjatament possibilitajiet bil-ħsieb li titjieb il-komunikazzjoni interna f'dawn l-istituzzjonijiet;

12.

Jilqa' b'sodisfazzjon l-inizjattiva tal-Grupp ta' Ħidma tal-Kunsill dwar id-Drittijiet tal-Bniedem (COHOM) fejn id-djalogi u l-konsultazzjonijiet kollha ta' l-UE dwar id-drittijiet tal-bniedem jiġu reveduti perjodikament sabiex tinżamm perspettiva globali fid-dawl ta' dibattiti li jsiru darbtejn fis-sena bbażati fuq qafas ġenerali u skeda aġġornata għal djalogi u għal konsultazzjonijiet li jkunu qed isiru dwar id-drittijiet talbniedem; jitlob li jkun hemm reviżjoni xierqa u li, fil-proċess, tiġi mressqa informazzjoni lill-gruppi ta' ħidma tal-Kunsill, lill-Kummissjoni u lid-delegazzjonijiet tagħha f'pajjiżi terzi, u lill-Parlament, bħala parti mit-trijalogu interistituzzjonali msemmi hawn fuq;

13.

Jistieden lill-Kunsill biex timplimenta l-mandat tas-COHOM sabiex tkun żgurata koerenza bejn iddjalogi u l-konsultazzjonijiet u l-mezzi l-oħra li bihom l-UE qed tfittex li tippromwovi d-drittijiet tal-bniedem fil-pajjiżi kkonċernati (kemm jekk dawk id-djalogi u l-konsultazzjonijiet jirriżultaw minn ħidma f'entitajiet internazzjonali jew li joriġinaw minn obbligi stabbiliti fl-istrumenti ta' l-UE stess);

14.

Iġedded l-istedina tiegħu lill-Kunsill biex jikkunsidra li jagħmel lis-COHOM grupp ta' ħidma marrappreżentanti bbażati fi Brussell, u sabiex jikkopera mill-qrib mal-Kumitat Kompetenti tal-Parlament Ewropew; jemmen li dan jippermetti aktar ħin għal laqgħat u jgħin biex ikun hemm koordinament aħjar u b'hekk ikun x'aktarx possibbli li jkun hemm sorveljanza aktar mill-qrib tal-politiki ta' l-UE dwar id-drittijiet tal-bniedem fis-sens wiesa' u tad-djalogi u tal-konsultazzjonijiet dwar id-drittijiet tal-bniedem b'mod partikulari, kif ukoll ta' l-inklużjoni tad-drittijiet tal-bniedem biex tingħata koerenza lill-politiki ta' l-UE;

15.

Jistieden lill-Kunsill sabiex isaħħaħ is-sehem ta' l-Unita? għad-Drittijiet tal-Bniedem tas-Segretarjat Ġenerali tiegħu billi jippermettilha li tkun involuta fit-tmexxija tad-djalogi politiċi, inklużi d-djalogi u lkonsultazzjonijiet ibbażati fuq ftehimiet ta' koperazzjoni taħt ir-responsabilita? tal-Kummissjoni, u li jwaqqaf fi ħdan l-Unita? għad-Drittijiet tal-Bniedem sistema permanenti ta' koordinazzjoni għal kull djalogu jew konsultazzjoni strutturati dwar id-drittijiet tal-bniedem, sabiex tkun żgurata l-innovatezza tas-suġġetti taddjalogu u tal-konsultazzjoni, l-għażla ta' parteċipanti u kontinwita? relevanti, billi jipproċedi fuq il-bażi li koordinazzjoni bħal din għandha tikkontribwixxi għat-twaqqif ta' netwerks bilaterali ta' organizzazzjonijiet, istituzzjonijiet u akkademji bejn l-Ewropa u l-pajjiż ikkonċernat, sabiex tkun żgurata l-inklużjoni meħtieġa tad-drittijiet tal-bniedem u d-demokrazija fil-politiki kollha ta' l-UE, speċjalment wara r-riformi ta' strumenti finanzjarji għal għajnuna esterna tal-KE; għal dan l-għan jitlob li jittieħdu l-passi meħtieġa li jippermettu lillunita? li twettaq dawn ix-xogħlijiet imsemmija hawn fuq, inklużi żidiet fir-riżorsi finanzjarji u fl-istaff;

16.

Jistieden lill-Kunsill sabiex iżid il-koerenza fost id-djalogi u l-konsultazzjonijiet bilaterali dwar id-drittijiet tal-bniedem immexxija minn Stati Membri individwali u mill-UE, u sabiex iżid is-sehem tas-COHOM fil-koordinazzjoni ta' l-attivitajiet ta' l-ambaxxati ta' l-Istati Membri ma' dawk tad-delegazzjonijiet tal-Kummissjoni;

17.

Jistieden lill-Kummissjoni u lill-Kunsill sabiex jinkludu f'kull Dokument ta' Strateġija li jkopri pajjiż u dokumenti ta' Strateġija oħrajn, strateġija speċifika dwar id-drittijiet tal-bniedem u s-sitwazzjoni relatata mad-demokrazija u sabiex jużaw din l-istrateġija bħala qafas għad-djalogu politiku;

18.

Iġedded l-istedina tiegħu lill-Kummissjoni sabiex tiżgura li fost l-istaff li jkun qed iservi fi kwalunkwe waqt f'kull delegazzjoni tal-Kummissjoni f'pajjiż terz, ikun hemm uffiċjal ta' l-UE inkarigat mid-djalogu u mill-konsultazzjonijiet dwar id-drittijiet tal-bniedem u jitlob lill-Kummissjoni biex tiżgura li l-persuni responsabbli għal dawn il-kwistjonijiet ikunu preżenti kull meta tkun għaddejja kwalunkwe forma ta' djalogu politiku; għal dan l-għan, jitlob li jkun hemm l-adozzjoni tal-miżuri neċessarji li jippermettu lill-Kummissjoni sabiex tissodisfa l-kompitu tagħha, inklużi ż-żieda tar-riżorsi finanzjarji u r-riżorsi umani;

19.

Jistieden lill-Kummissjoni sabiex tiżgura li jkun hemm koerenza bejn il-Missjonijiet ta' Osservazzjoni ta' Elezzjoni (speċjalment rigward l-istrateġija post-elettorali) u l-proċess ta' djalogi u konsultazzjonijiet dwar id-drittijiet tal-bniedem; jistieden lill-Kummissjoni sabiex tistabbilixxi, flimkien mal-Parlament Ewropew u lpajjiżi terzi kkonċernati, mekkaniżmu ta' protokoll post-elettorali li jimmoniterja u jappoġġja l-proċess ta' demokratizzazzjoni, liema mekkaniżmu jinkludi l-involviment tas-soċjetà ċivili fl-istadji kollha, fl-implimentazzjoni tar-rakkomandazzjonijiet post-elettorali;

20.

Jistieden lill-Kummissjoni sabiex tapplika u tuża r-riżultati ta' djalogi u tal-konsultazzjonijiet dwar iddrittijiet tal-bniedem fit-tfassil ta' l-istrateġiji annwali li jipprovdu l-bażi għall-implimentazzjoni ta' proġetti marbuta ma' l-Istrument Ewropew għad-Demokrazija u d-Drittijiet tal-Bniedem (EIDHR) stabbilita skond ir-Regolament (KE) Nru 1889/2006, u biex torbot b'mod sistematiku dawn iż-żewġ għodod;

21.

Jistieden lill-Kummissjoni u lill-Kunsill sabiex jinkludu r-riżultati tad-djalogu u tal-konsultazzjonijiet dwar id-drittijiet tal-bniedem fi proġetti u programmi ta'għajnuna, partikolarment għajununa għall-iżvilupp u għall-koperazzjoni teknika, kummerċjali u finanzjarja;

22.

Jilqa' b'sodisfazzjon il-fatt li l-Kunsill stipula li l-eżistenza ta' djalogi jew konsultazzjonijiet bilaterali dwar id-drittijiet tal-bniedem m'għandhomx ikollhom l-effett li jnaqqsu l-pressjoni internazzjonali eżerċitata mill-UE meta jseħħ ksur tad-drittijiet tal-bniedem f'pajjiż ikkonċernat, u jiġbed l-attenzjoni li huwa essenzjali li djalogu jew konsultazzjoni jkunu appoġġjati minn pressjoni diplomatika u politika xierqa fuq kull livell, li testendi mill-entitajiet tan-Nazzjoniijiet Uniti u b'mod partikulari mill-Kunsill tad-Drittijiet tal-Bniedem;

23.

Jistieden lill-Kunsill u lill-Kummissjoni sabiex janalizzaw, jappoġġjaw u jikkoordinaw it-twaqqif ta' bażijiet ta' referenza għad-djalogu jew il-konsultazzjoni ta' l-UE dwar id-drittijiet tal-bniedem ma' azzjonijiet ta' donaturi u ta' organizzazzjonijiet internazzjonali oħra, b'attenzjoni speċjali fuq il-mekkaniżmu stabbilit tan-NU (rapporti mir-Rapporteurs Speċjali, kumitati esperti, is-Segretarju Ġenerali, il-Kunsill għad-Drittijiet tal-Bniedem, il-Kummissarju Għoli għad-Drittijiet tal-Bniedem, eċċ.); iqis li, fl-approċċ ġenerali tagħhom biex iqajmu l-kwistjonijiet tad-drittijiet tal-bniedem fil-kuntest ta' djalogu politiku, il-Kunsill u l-Kummissjoni għandhom jirreferu b'mod sistematiku għall-wegħdiet li għamlu meta ġew eletti mill-Istati Membri tal-Kunsill tad-Drittijiet tal-Bniedem tan-NU;

24.

Jirrakkomanda li jiġu stabbiliti arranġamenti xierqa li jippermettu li l-indikaturi u l-objettivi jkunu armonizzati ma' pajjiżi terzi u entitajiet internazzjonali oħra li qed jagħmlu djalogu jew konsultazzjoni dwar id-drittijiet tal-bniedem ma' l-istess pajjiż jew grupp ta' pajjiżi; jirrakkomanda li dawn l-arranġamenti jkunu mudellati fuq il-Proċess ta' Bern, imwaqqaf mill-Iżvizzera għar-relazzjonijiet maċ-Ċina, u li għal dak lgħan, jiġu mwaqqfa fora informali fejn ikun hemm skambju ta' informazzjoni u ta' prattika tajba;

25.

Jikkunsidra li d-djalogu u l-konsultazzjonijiet dwar id-drittijiet tal-bniedem għandhom jiġu mmexxija b'mod aktar trasparenti u koordinat, u jitlob biex jinkisbu mezzi xierqa biex jintlaħaq dan l-għan mingħajr ma tiddgħajjef l-effettivita? tad-djalogu jew il-konsultazzjoni;

26.

Jifhem il-ħtieġa li jiġi rispettat ċertu livell ta' kunfidenzjalita? fid-djalogi u l-konsultazzjonijiet, u jsejjaħ għal rispons favorevoli għat-talba li titwaqqaf sistema, b'kollaborazzjoni mal-Parlament, fejn Membri Parlamentari magħżula jistgħu jingħataw informazzjoni dwar attivitajiet kunfidenzjali konnessi mad-djalogu jew mall-konsultazzjoni dwar id-drittijiet tal-bniedem u proċeduri relatati; jipproponi għal darba oħra li sistema bħal din tkun mudellata fuq il-kriterji diġà stabbiliti mill-ftehima interistituzzjonali ta' l-20 ta' Novembru 2002 bejn il-Parlament Ewropew u l-Kunsill, dwar aċċess għall-Parlament Ewropew għall-informazzjoni sensittiva tal-Kunsill fil-qasam tal-politika tas-sigura? t u d-difiża (17);

27.

Jistieden lill-Kunsill sabiex jiżgura li qabel ma l-UE tiffissa l-objettivi speċifiċi li jridu jinkisbu meta tidħol fi djalogu jew konsultazzjoni mal-pajjiż ikkonċernat jew qabel ma tistabbilixxi l-kriterji biex jiġi analizzat il-progress miksub fid-dawl tal-bażijiet ta' referenza determinati minn qabel, u l-kriterji rigward strateġija possibbli ta' ħruġ, l-ewwel għandu jkun hemm konsultazzjonijiet mal-partijiet interessati, speċjalment mal-Parlament u mal-NGOs;

28.

Jemmen li għandhom jiġu stabbiliti objettivi speċifiċi għal kull djalogu u konsultazzjoni, filwaqt li jintużaw id-dokumenti kollha mfassla mill-Kunsill, l-Istati Membri, il-Kummissjoni u l-Parlament, rapporti minn organizzazzjonijiet internazzjonali u lokali tad-drittijiet tal-bniedem sabiex jidentifikaw l-objettivi ta' djalogu jew konsultazzjoni dwar id-drittijiet tal-bniedem ma' pajjiż terz, u jitlob li jiġu analizzati l-aħjar possibilitajiet ta' azzjoni għall-kisba ta' riżultati konkreti; jemmen li djalogi u konsultazzjonijiet għandhom ikunu mmexxija b'tali mod li jkun żgurat li dawk l-objettivi jintlaħqu b'mod effettiv;

29.

Isostni li l-objettivi tad-djalogu u l-konsultazzjoni għandhom ikunu bbażati fuq il-prinċipju li d-drittijiet tal-bniedem huma universali, indiviżibbli u interdipendenti, u jirrakkomanda li l-kriterji li jridu jiġu stabbiliti għandhom mhux biss jinkludu drittijiet ċiviċi u politiċi, iżda wkoll drittijiet ekonomiċi, soċjali, ambjentali u kulturali;

30.

Jenfasizza l-ħtieġa li tintbagħat delegazzjoni tat-Trojka ta' l-UE, li tinkludi esperti ta' livell għoli, filpajjiż li qed jiġi kkunsidrat minħabba l-possibilita? li jinfetħu djalogu jew konsultazzjoni dwar id-drittijiet talbniedem, li jrid jiġi segwit minn preżentazzjoni tar-rapport tad-delegazzjoni lis-COHOM u lill-Parlament;

31.

Jistieden lill-Kunsill biex jistabbilixxi kriterji ċari għall-bidu, is-sospensjoni jew it-tmiem ta' djalogu jew konsultazzjoni, sabiex jagħmel evalwazzjoni ta' l-impatt qabel ma jagħti r-raġunijiet għall-bidu jew għas-sospensjoni tagħhom (li għandha tittratta l-perjodu mistenni tagħha u l-passi li għandhom jittieħdu sabiex jerġgħu jinfetħu d-djalogu jew il-konsultazzjoni) u biex jiżgura li d-delegazzjoni tal-pajjiż konċernat ma taħsibx li l-UE qed tikkunsidra d-djalogu jew il-konsultazzjoni bħala għan fih innifsu li għandu jinżamm bilfors;

32.

Jistieden lill-Kunsill, f'każijiet fejn pajjiż terz jirrifjuta li jibda jew ikompli djalogu jew konsultazzjoni dwar id-drittijiet tal-bniedem, sabiex jikkunsidra azzjoni speċifika rigward id-drittijiet tal-bniedem u ddemokratizzazzjoni, b'mod partikulari permezz ta' appoġġ lis-soċjetà ċivili;

33.

Jistieden lill-Kunsill u lill-Kummissjoni sabiex jippubblikaw minn żmien qabel biżżejjed aġendi għal djalogu jew konsultazzjoni għall-benefiċċju tal-partijiet ikkonċernati interessati kollha, speċjalment għall-Parlament u l-NGOs, sabiex ikun żgurat li huma jistgħu jagħmlu kontribuzzjoni;

34.

Jemmen li fl-interessi ta' l-effettivita?, l-għażla tas-suġġetti tad-djalogu u l-konsultazzjoni fl-aġenda, għandhom ikunu aktar ċari u bbażati fuq il-kontenut u għandhom jinvolvu liż-żewġ partijiet fil-formulazzjoni tagħhom; ifakkar lill-Kummissjoni u lill-Kunsill li l-iżvilupp ta' djalogi u konsultazzjonijiet huwa bbażat fuq reċiproċità u jinsab fil-qafas tar-rispett reċiproku;

35.

Iħeġġeġ lill-Kunsill u lill-Kummissjoni sabiex jinsistu ma' l-awtoritajiet ta' pajjiż terz sabiex dawn jippermettu l-parteċipazzjoni tar-rappreżentanti tal-ministeri u l-istituzzjonijiet pubbliċi l-oħra kkonċernati mit-temi magħżula għall-aġenda dwar id-djalogu jew konsultazzjoni dwar id-drittijiet tal-bniedem;

36.

Jistieden lill-Kunsill u lill-Kummissjoni, bl-involviment tal-Parlament u l-NGOs, biex ifasslu l-indikaturi għal kull objettiv/bażi ta' referenza ddeterminati; jikkunsidra li dawn l-indikaturi għandhom ikunu realistiċi u mmirati lejn il-kisba ta' riżultati prattiċi li jistgħu jiġu appoġġjati permezz ta' għodod oħra talpolitika barranija ta' l-UE; jemmen bis-sħiħ li huwa importanti li wieħed jirrikonoxxi li r-riżultati tad-djalogu u l-konsultazzjonijiet, għandhom ikunu evalwati fuq tul ta' żmien twil;

37.

Jiġbed l-attenzjoni għall-isforzi magħmula mill-Kunsill għall-armonizzazzjoni ta' oqsma ewlenin ta' interess rigward id-djalogi u l-konsultazzjonijiet ta' l-UE dwar id-drittijiet tal-bniedem, sabiex dawn l-oqsma ta' interess ikunu jistgħu jintużaw bħala bażi għall-ħolqien ta' bażijiet ta' referenza li jkejlu l-progress, blgħan li jtejbu l-koerenza u l-konsistenza bejn id-djalogi u l-konsultazzjonijiet dwar id-drittijiet tal-bniedem u l-istrumenti kollha tal-politika ta' l-UE dwar id-drittijiet tal-bniedem;

38.

Jistieden lill-Kunsill u lill-Kummissjoni biex jippubblikaw l-objettivi u l-bażijiet ta' referenza stabbiliti fid-djalogi u l-konsultazzjonijiet, sabiex dawn ikunu jistgħu jiġu analizzati mhux biss mill-istituzzjonijiet li qed jorganizzaw id-djalogu u l-konsultazzjoni, iżda wkoll mill-partijiet — kemm dawk istituzzjonali kif ukoll dawk mhux-governattivi — li mhux qed jipparteċipaw, u b'hekk ikun żgurat li l-UE tista' tkun pubblikament responsabbli għar-riżultat u l-iżviluppi tad-djalogi u l-konsultazzjonijiet;

39.

Jenfasizza l-ħtieġa li jiġu mwaqqfa mekkaniżmi effettivi ta' segwitu biex jittrattaw il-punti mqajma waqt id-djalogi u l-konsultazzjonijiet u fir-rakkomandazzjonijiet finali; jistieden lill-Kunsill u lill-Kummissjoni biex isegwu r-riżultat tad-djalogi u l-konsultazzjonijiet billi jfasslu u jimplimentaw programmi u proġetti mfassla biex itejbu s-sitwazzjoni tad-drittijiet tal-bniedem fuq il-post;

40.

Jistieden lill-Kunsill u lill-Kummissjoni biex jippubblikaw il-konklużjonijiet ta' kull djalogu u konsultazzjoni, jew għallinqas sinteżi ta' dan jekk ċerti proċeduri jridu jiġu trattati bħala kunfidenzjali fl-interessi ta' l-effettivita?;

41.

Jemmen li għandhom joħorġu komunikati konġunti pubbliċi, li japplikaw għaż-żewġ imsieħba, wara kull round ta' djalogu jew konsultazzjoni sabiex ikun żgurat li hemm impatt u koerenza akbar;

42.

Jistieden lill-Kunsill u lill-Kummissjoni sabiex itejbu u jżidu t-trasparenza u l-viżibilita? tal-komunikazzjonijiet ta' l-UE fil-qasam ta' l-azzjonijiet tad-drittijiet tal-bniedem, u f'dan ir-rigward biex iwessgħu l-iskop ta' l-informazzjoni dwar il-ħidma tas-COHOM li jista' jkun hemm aċċess għaliha permezz tal-website ta' l-Unjoni Ewropea;

43.

Jistieden lill-Kummissjoni u lill-Kunsill sabiex jiżguraw il-parteċipazzjoni attiva tas-soċjeta? ċivili filfażijiet varji li huma involuti fil-preparazzjoni, fis-segwitu u fl-evalwazzjoni tad-djalogi u l-konsultazzjonijiet dwar id-drittijiet tal-bniedem; jappoġġja, f'dan ir-rigward, id-deċiżjoni tal-Kunsill li jinvolvi lil difensuri taddrittijiet tal-bniedem fit-tħejjija ta' laqgħat ta' djalogu u konsultazzjoni u li jikkonsulta lid-difensuri lokali taddrittijiet tal-bniedem u lill-NGOs meta jistabbilixxi prijoritajiet rigward id-drittijiet tal-bniedem fil-kuntest tad-djalogi u l-konsultazzjonijiet politiċi; jirrakkomanda li seminars ta' esperti, arranġament li huwa użat għal djalogi u konsultazzjonijiet strutturati, għandhom jiġu organizzati bl-istess mod għal forom u tipi oħra ta' djalogu u konsultazzjoni;

44.

Jistieden lill-Kunsill u lill-Kummissjoni sabiex jippromwovu l-koperazzjoni bejn id-difensuri tad-drittijiet tal-bniedem fil-pajjiżi tad-djalogu jew tal-konsultazzjonijiet dwar id-drittijiet tal-bniedem, sabiex jagħtuhom post u vuċi fil-proċedura, b'applikazzjoni tal-linji gwida tal-Kunsill u wara l-kampanja li tippromwovi n-nisa li jiddefendu d-drittijiet tal-bniedem;

45.

Jenfasizza li, sabiex tkun garantita l-liberta? ta' espressjoni tagħhom, l-NGOs li jkunu qed jipparteċipaw m'għandhomx jintgħażlu mill-awtoritajiet tal-pajjiż ikkonċernat;

46.

Jistieden lill-Kummissjoni sabiex, fil-qafas ta' l-EIDHR, tipprovdi għall-finanzjament ta' l-ispejjeż talparteċipanti mis-soċjeta? ċivili, inklużi l-NGOs, fis-seminars ta' l-esperti;

47.

Jistieden lill-Kunsill biex jagħmel u jressaq lill-Parlament u lill-kumitat kompetenti tiegħu il-fact sheets dwar id-drittijiet tal-bniedem li jikkonċernaw pajjiżi terzi, kif ukoll l-evalwazzjonijiet bi-annwali għal kull djalogu u konsultazzjoni; jistieden lill-Kunsill sabiex jikkjarifika l-evalwazzjoni billi jispjega kif il-bażijiet ta' referenza għandhom ikunu applikati, billi jistabbilixxi ż-żmien għall-kisba tagħhom u billi jagħmel enfasi fuq it-tendenzi iktar milli fuq ir-riżultati iżolati; jenfasizza li jekk din l-informazzjoni tkun tinkludi materjal kunfidenzjali, din għandha titressaq lill-Parlament skond is-sistema deskritta f'paragrafu 26 ta' din ir-riżoluzzjoni;

48.

Jistieden lill-Kummissjoni biex tressaq lill-Parlament evalwazzjonijiet perjodiċi tas-sitwazzjoni tad-drittijiet tal-bniedem rigward pajjiżi terzi u informazzjoni regolari dwar is-sitwazzjoni rigward djalogi u konsultazzjonijiet politiċi dwar id-drittijiet tal-bniedem ma' pajjiż jew reġjuni terzi, inklużi l-iskedi tagħhom u lpunti li jitqajmu waqt in-negozjati, u jaqbel li jekk din l-informazzjoni tkun tinkludi materjal kunfidenzjali, din għandha tiġi mgħoddija lill-Parlament skond is-sistema deskritta f'Artikolu 26 ta' din ir-riżoluzzjoni;

49.

Jistieden lill-Kunsill u lill-Kummissjoni biex kull meta jkun sar rawnd ta' djalogu jew konsultazzjoni dawn iħejju sessjoni ta' konsultazzjoni u ta' għoti ta' informazzjoni mal-Membri tal-Parlament Ewropew, u jirrepeti l-istedina tiegħu biex il-PE ikun involut fid-deċiżjoni jekk id-djalogu u l-konsultazzjoni għandhomx jitkomplew jew jiġux sospiżi;

50.

Jiġbed l-attenzjoni sabiex il-Parlament ikun involut fid-deċiżjoni biex jibdew djalogu u konsultazzjoni ġodda u sabiex il-Parlament ikun provdut bl-informazzjoni kollha meħtieġa għal dak l-iskop; jitlob biex tiġi kkunsidrata l-opinjoni tiegħu rigward il-mandat, l-objettivi, il-format, il-proċeduri, eċċ., tad-djalogu u l-konsultazzjoni proġettati;

51.

Iħeġġeġ lill-Kunsill u lill-Kummissjoni biex jippermettu lill-Membri tal-Parlament biex jattendu s-seminars ta' l-esperti mħejjija b'konnessjoni mad-djalogi u l-konsultazzjonijiet strutturati;

52.

Jistieden lill-Kunsill u lill-Kummissjoni biex jużaw l-influwenza tagħhom biex jiżguraw li l-membri tal-parlament nazzjonali tal-pajjiż terz ikkonċernat ikunu involuti fid-djalogu jew il-konsultazzjoni uffiċjali; jemmen li dan jagħti aktar leġittimita? lid-djalogu jew il-konsultazzjoni u jippermetti lill-Membri tal-Parlament Ewropew biex jipparteċipaw mill-ewwel;

53.

Jikkunsidra li huwa essenzjali li jiżdied l-irwol ta' l-assemblea interparlamentari u d-delegazzjonijiet interparlamentari fid-djalogi u l-konsultazzjonijiet dwar id-drittijiet tal-bniedem;

54.

Jirrakkomanda li jiġu applikati b'mod sħiħ il-Linji gwida għall-Membri tal-Parlament Ewropew fuq missjoni f'pajjiżi terzi; għalhekk jitlob li jsiru laqgħat ta' informazzjoni fuq bażi regolari mal-membri taddelegazzjonijiet parlamentari kemm jekk permanenti u kemm jekk ad hoc, dwar id-djalogu u l-konsultazzjoni dwar id-drittijiet tal-bniedem li jkunu għaddejjin mal-pajjiż terz ikkonċernat, sabiex jitnaqqsu l-każijiet ta' inkoerenza interistituzzjonali u jiżdied l-impatt tan-negozjati; jemmen li l-Membri Parlamentari għandhom jiġu mistiedna jieħdu sehem fiż-żjarat fuq il-post organizzati b'mod konġunt ma' ċerti djalogi u konsultazzjonijiet uffiċjali;

55.

Jenfasizza l-ħtieġa li d-djalogu bejn l-UE u ċ-Ċina dwar id-drittijiet tal-bniedem jissaħħaħ u jitjieb konsiderevolment; jenfasizza li r-reġistru tad-drittijiet tal-bniedem taċ-Ċina huwa kwistjoni ta' tħassib serju;

56.

Iqis li l-kwistjonijiet diskussi fir-rounds suċċessivi ta' djalogu maċ-Ċina, bħar-ratifika tal-Patt Internazzjonali tan-Nazzjonijiet Uniti dwar id-Drittijiet Ċivili u Politiċi, ir-riforma tas-sistema tal-ġustizzja kriminali, inkluża l-piena kapitali u s-sistema ta' l-edukazzjoni mill-ġdid permezz tax-xogħol, il-libertà ta' l-espressjoni speċjalment fuq l-internet u l-libertà ta' l-istampa, il-libertà tal-kuxjenza, it-twemmin u r-reliġjon, is-sitwazzjoni tal-minoritajiet fit-Tibet uXinjiang u fil-Mongolja, il-ħelsien tal-priġunieri wara l-ġrajjiet ta' Pjazza Tiananmen, u d-drittijiet tal-ħaddiema u drittijiet oħra, għandhom ikomplu jitqajmu fil-kuntest tad-djalogu, b'mod partikulari fir-rigward ta' l-applikazzjoni tar-rakkomandazzjonijiet li jirriżultaw mid-djalogi u misseminars preċedenti dwar kwistjonijiet legali; għal dan l-għan, jistieden lill-Kunsill sabiex jikkunsidra li jestendi l-perjodu ta' djalogu u li jippermetti aktar ħin għal diskussjoni tal-kwistjonijiet li jitqajmu;

57.

Jistieden liċ-Ċina u lill-UE sabiex iżidu l-opportunitajiet għal skambji bi-direzzjonali ta' informazzjoni u strateġiji dwar il-ħarsien u l-promozzjoni tad-drittijiet tal-bniedem; iqis li ċ-Ċina llum qed tiffaċċja talba dejjem tikber għad-demokrazija u d-drittijiet tal-bniedem mingħand il-poplu tagħha stess, u jenfasizza li sar xi progress żgħir f'ċerti oqsma, għalkemm huwa diffiċli jitkejjel eżattament x'impatt kellu d-djalogu bejn l-UE u ċ-Ċina dwar id-drittijiet tal-bniedem fuq il-bidliet li saru; jenfasizza l-ħtieġa li d-djalogu jerġa' jitfassal sabiex isir aktar orjentat lejn ir-riżultati u li jiffoka fuq l-implimentazzjoni ta' l-obbligi taċ-Ċina skond il-liġi internazzjonali;

58.

Jenfasizza l-ħtieġa li l-Kunsill jidentifika u juża indikaturi speċifiċi għal kull wieħed mit-tmien bażijiet ta' referenza usa' sabiex jitkejjel u jiġi assessjat il-progress;

59.

Jirrakkomanda li d-djalogu dwar id-drittijiet tal-bniedem m'għandux jiġi trattat separatament millbqija tar-relazzjonijiet Sino-Ewropej; għal dan l-għan, iħeġġeġ lill-Kummissjoni biex tiżgura li r-relazzjoni kummerċali tagħha maċ-Ċina tkun marbuta mar-riformi dwar id-drittijiet tal-bniedem, u f'dan ir-rigward jistieden lill-Kunsill sabiex iwettaq evalwazzjoni komprensiva tas-sitwazzjoni tad-drittijiet tal-bniedem qabel jiffinalizza kwalunkwe sħubija u ftehima ta' qafas ta' koperazzjoni ġdida;

60.

Jiddeplora l-fatt li s-seminar ta' l-esperti li kellu jsir f'Berlin fl-10 ta' Mejju 2007 ġie pospost minħabba li l-awtoritajiet Ċiniżi ma qablux li jipparteċipaw żewġ NGOs indipendenti mistiedna mill-UE; japprova l-insistenza tal-Kummissjoni u tal-Presidenza Ġermaniża tal-Kunsill li dawn ir-rappreżentanti għandhom jitħallew jipparteċipaw b'mod sħiħ fis-seminar, minħabba li r-rappreżentanza ta' l-NGOs u parteċipanti ċivili oħra għandha tkun ikkunsidrata bħala riżors siewi għall-partijiet kollha involuti fid-djalogu;

61.

Jinsab imħasseb ħafna dwar il-fatt li d-djalogu ma' l-Iran dwar id-drittijiet tal-bniedem ġie interrott mill-2004 s'issa minħabba nuqqas ta' koperazzjoni mill-Iran; jiddispjaċih li, skond il-Kunsill, ma sar l-ebda progress u jistieden lill-Kunsill sabiex jerġa' jirrapporta lura lill-Parlament dwar l-evalwazzjoni tad-djalogu dwar id-drittijiet tal-bniedem u l-passi ulterjuri li jistgħu jittieħdu rigward il-promozzjoni tad-demokrazija u d-drittijiet tal-bniedem fl-Iran;

62.

Iħeġġeġ lill-Kummissjoni sabiex tkompli tiffinanzja proġetti bl-għan li tiġi appoġġjata l-governanza tajba, inkluż il-ħarsien tad-difensuri tad-drittijiet tal-bniedem, ir-riforma tal-ġudikatura u programmi edukattivi għat-tfal u għan-nisa; fl-istess spirtu jistieden lill-Kummissjoni biex timplimenta l-azzjonijiet kollha meħtieġa, fi ħdan il-qafas ta' l-EIDHR, sabiex tippromwovi kuntatti u koperazzjoni mas-soċjeta? ċivili Iranjana u biex tappoġġja aktar id-demokrazija u d-drittijiet tal-bniedem, billi tiffoka prinċipalment fuq il-protezzjoni u l-promozzjoni tad-drittijiet tan-nisa u tat-tfal;

63.

Jinnota l-kontinwazzjoni tal-konsultazzjonijiet ta' l-UE mar-Russja dwar id-drittijiet tal-bniedem; jappoġġja lill-Kunsill fl-intenzjoni tiegħu li jiżviluppa dawk il-konsultazzjonijiet fi djalogu ħieles u ġenwin bejn l-UE u r-Russja dwar id-Drittijiet tal-Bniedem u jitlob li f'dan il-proċess ikunu involuti il-Parlament Ewropew u l-NGOs Ewropej u Russi; fid-dawl ta' dan l-għan, jitlob li l-NGOs jiġu kkonsultati minn qabel, meta lkonsultazzjonijiet ikunu għadhom qed jitħejjew, sabiex ikun possibbli għalihom li jevalwaw il-progress miksub u sabiex jiżguraw ir-riżultati prattiċi fuq il-post;

64.

Jistieden lill-Kunsill u lill-Kummissjoni biex jitolbu l-parteċipazzjoni fil-konsultazzjonijiet ta' uffiċjali ta' ministeri Russi li huma esperti f'suġġetti li jinsabu fuq l-aġenda, u biex jinsistu li l-konsultazzjonijiet ikunu organizzati f'Moska u fir-reġjuni, u biex jirrikjedu l-parteċipazzjoni tal-kontraparti Russa tagħhom f'laqgħa pubblika ma' l-NGOs;

65.

Jiddeplora l-fatt li r-Russja, bħala msieħba, fl-aħħar tal-konsultazzjonijiet toħroġ il-komunikat separat tagħha, u jġedded l-istedina tiegħu biex il-komunikati jiġu mfassla b'mod konġunt miż-żewġ delegazzjonijiet;

66.

Jistieden lill-Kummissjoni biex ittejjeb il-komunikazzjoni mas-soċjeta? ċivili indipendenti tar-Russja u biex tgħinha fil-kapaċita? tagħha biex tieħu azzjoni fil-qafas dejjaq immens li toffri l-liġi Russa billi tinvolvi rreġjuni Russi u torganizza sistema ta' rotazzjoni għall-parteċipazzjoni ta' l-NGOs;

67.

Itenni l-bżonn li jiġu integrati l-konsultazzjonijiet dwar l-osservanza tad-drittijiet tal-bniedem malbqija tal-kwistjonijiet li jaqgħu fil-kamp tar-relazzjonijiet bejn ir-Russja u l-Ewropa; jitlob biex il-konsultazzjonijiet jiġu integrati mad-djalogi politiċi, in-negozjati u d-dokumenti l-oħra li jirriżultaw mir-relazzjonijiet bejn l-UE u r-Russja, u jenfasizza li r-realizzazzjoni tad-drittijiet tal-bniedem għandha effett kruċjali, speċjalment b'konnessjoni ma' l-erba' ’spazji komuni’ għall-koperazzjoni jew fi ħdan ftehima ta' sħubija u koperazzjoni futura; huwa konvint li spazju komuni għal-libertà, is-sigurtà u l-ġustizzja ma jistax jinbena jekk ilkwistjonijiet tad-drittijiet tal-bniedem ma jippreżentawx parti essenzjali ta' dak ix-xogħol, inkluż mekkaniżmu ta' konsultazzjoni;

68.

Iħeġġeġ lill-Kunsill u lill-Kummissjoni sabiex jistabbilixxu obbligazzjonijiet konkreti u mekkaniżmi effiċjenti għall-monitoraġġ u l-verifika tas-sodisfar ta' l-obbligi li tkun impenjat ruħha għalihom ir-Russja, minbarra l-klawsola dwar id-drittijiet tal-bniedem, sabiex jinkiseb titjib konkret għas-sitwazzjoni ta' tħassib serju li għaddejja fir-Russja, bħal dik relatata mal-libertà ta' assoċjazzjoni, il-libertà tal-kelma u l-libertà ta' listampa u tal-media; iħeġġeġ li jkunu segwiti r-rakkomandazzjonijiet u l-konklużjonijiet imressqa minn istituzzjonijiet internazzjonali u reġjonali u l-evalwazzjonijiet ta' l-NGOs dwar l-issodisfar tar-Russja tal-ftehimiet internazzjonali ewlenin dwar id-drittijiet tal-bniedem li hija tkun iffirmat;

69.

Jenfasizza l-bżonn sabiex b'mod sistematiku jikkunsidra kwistjonijiet dwar id-drittijiet tal-bniedem u d-demokrazija fid-djalogu politiku skond l-Artikolu 8 tal-Ftehima ta' Cotonou; jiġbed l-attenzjoni f'dan irrigward lejn il-bżonn li jkun stabbilit mekkaniżmu ċar u trasparenti u bażijiet ta' referenza għal djalogu politiku skond l-Artikolu 8; jesprimi t-tħassib tiegħu li, fin-nuqqas ta' mekkaniżmu bħal dan, hemm riskju reali li wieħed jista' jdur ma' l-Artikolu 96 u jevitah, fil-każ ta' urġenza speċjali dwar id-drittijiet tal-bniedem;

70.

Jistieden lill-Kunsill u lill-Kummissjoni sabiex jirrispettaw l-impenji fir-rigward ta' l-Artikolu 8 (dwar id-djalogu politiku), l-Artikolu 9 (dwar id-drittijiet tal-bniedem, il-prinċipji demokratiċi, l-istat tad-dritt u ttmexxija tajba) u l-Artikoli 96 u 97 (dwar il-konsultazzjonijiet) tal-Ftehima ta' Cotonou; jiitlob li jkun hemm għall-parteċipazzjoni fid-djalogu mas-soċjetà ċivili skond l-Artikolu 8 u dwar l-involviment informali tassoċjetà ċivili fil-preparazzjoni tal-konsultazzjonijiet skond l-Artikolu 96 li jistgħu jwasslu għal titjib firrigward tat-trasparenza u l-kontroll demokratiku;

71.

Jistieden lill-Kummissjoni sabiex tippreżenta lill-Parlament u lill-Assemblea Parlamentari Konġunta ACP-UE rapport li jiddefinixxi mekkaniżmu ċar u trasparenti li jippermetti li jiġu evalwati r-riżultati pożittivi u n-nuqqasijiet tad-djalogu politiku mal-pajjiżi ta' l-ACP;

72.

Jinnota r-riżultati pożittivi tal-proċess ta' konsultazzjonijiet skond l-Artikolu 96 tal-Ftehima ta' Cotonou, li parzjalment ġejjin min-natura istituzzjonalizzata u trasparenti tagħha, kif ukoll mir-rabta diretta ma' l-għajnuna għall-iżvilupp ta' l-UE, u jiġbed l-attenzjoni li dawn huma partikolarment evidenti meta jittieħdu passi kostruttivi, li joħorġu mid-djalogu, biex il-pajjiżi ta' l-ACP jiġu megħjuna jikkonformaw ma' l-istandards demokratiċi u jirrispettaw id-drittijiet tal-bniedem; jirrepeti l-istedina tiegħu biex dan l-eżempju jiġi applikat bl-istess mod għad-djalogi l-oħra;

73.

Jilqa' b'sodisfazzjon it-tisħiħ tad-djalogu politiku mal-pajjiżi ta' l-Ażja Ċentrali: il-Każakistan, il-Kirgistan, it-Taġikistan, it-Turkmenistan u l-Użbekistan, u jistieden lill-Kummissjoni sabiex tiżgura li l-kwistjonijiet tad-drittijiet soċjali u tad-drittijiet tal-bniedem ma jiħdux it-tieni post wara l-interessi ekonomiċi u finanzjarji tal-pajjiżi ta' l-Ażja Ċentrali u ta' l-Unjoni Ewropea fl-oqsma ta' l-enerġija, il-kostruzzjoni u l-kummerċ;

74.

Jilqa' b'sodisfazzjon l-adozzjoni ta' l-abbozz ta'strateġija UE-Ażja Ċentrali mill-Kunsill Ewropew f'Ġunju 2007, li jinkludi strateġija dwar id-drittijiet tal-bniedem u d-demokratizzazzjoni li ti sta' tintuża bħala qafas għad-djalogu politiku;

75.

Jistieden lill-Kunsill u lill-Kummissjoni sabiex jistabbilixxu approċċ komprensiv u koerenti fuq medda qasira u medja ta' żmien għar-reġjun ta' l-Ażja Ċentrali kollu kemm hu, iżda wkoll għall-pajjiżi individwali b'mod separat, liema approċċ ikun jinkludi strateġija dwar id-drittijiet tal-bniedem u d-demokratizzazzjoni imsemmija hawn fuq;

76.

Jilqa' b'sodisfazzjon it-talba tal-Kunsill lill-awtoritajiet ta' l-Użbekistan sabiex iwaqqfu djalogu regolari dwar id-drittijiet tal-bniedem u jinnota li l-ewwel round ta' diskussjonijiet saru f'Tashkent fit-8 u d-9 ta' Mejju 2007, u li saru żewġ laqgħat ta' esperti dwar il-massakru ta' l-Andijan; iqis li t-twaqqif ta' djalogu regolari m'għandux jikkostitwixxi ġustifikazzjoni suffiċjenti għat-tneħħija tas-sanzjonijiet;

77.

Jitlob li l-Parlament Ewropew ikun involut fid-deċiżjoni tal-bidu tad-djalogu, u li jitqiesu l-proposti loħra ta' d in ir-riżoluzzjoni waqt li d-djalogu jitkompla;

78.

Jistieden lill-Kunsill sabiex jistabbilixxi indikaturi speċifiċi mmirati lejn il-kisba ta' l-objettivi mixtieqa fid-djalogu ma' l-Użbekistan, filwaqt li tingħata attenzjoni partikulari lis-sitwazzjoni tad-difensuri tad-drittijiet tal-bniedem;

79.

Jistieden lill-Kunsill u lill-Kummissjoni sabiex jieħdu vantaġġ mill-kuntest attwali tas-sitwazzjoni fejn skadew il-Ftehimiet ta' Sħubija u Koperazzjoni ma' diversi pajjiżi ġirien, u sabiex jinnegozjaw ftehimiet ġodda, sabiex jintegraw b'mod sistematiku id-drittijiet tal-bniedem u d-djalogu effettiv dwarhom fil-ftehimiet futuri, inkluż mekkaniżmu ta' segwitu;

80.

Jiġbed l-attenzjoni għall-fatt li l-iskop ewlieni ta' l-ENP huwa li tiġi stabbilita relazzjoni privileġġata mal-ġirien tal-Lvant u tan-Nofsinhar ta' l-UE ibbażata fuq impenn reċiproku għall-valuri komuni, prinċiparjament fl-oqsma ta' l-istat tad-dritt, it-tmexxija tajba u r-rispett għad-drittijiet tal-bniedem; jemmen li ddjalogi ta' l-UE jista' jkollhom impatt ikbar fuq ir-riforma fost il-ġirien ta' l-ENP b'kunsiderazzjoni għalleżistenza tas-sottoKumitat għad-drittijiet tal-bniedem u r-riżultat tad-djalogu f'dak is-Sottokumitat; jiġbed lattenzjoni li fil-każ ta' reġimi mhux demokratiċi jew ksur serju tad-drittijiet tal-bniedem, djalogu dwar iddrittijiet tal-bniedem għandu jkun ikkombinat ma' reazzjoni iktar b'saħħitha, bħall-kritika pubblika u miżuri oħra xierqa;

81.

Jistieden lill-Kummissjoni biex tuża lingwaġġ aktar ċar u biex tintroduċi impenji speċifiċi u li jistgħu jitqiesu mill-imsieħba ġirien fil-Pjanijiet ta' Azzjoni u fil-mandat tas-sottokumitati għad-drittijiet tal-bniedem, u jenfasizza l-ħtieġa li l-Kunsill u l-Kummissjoni jiksbu parteċipazzjoni attiva akbar mis-soċjeta? ċivili, kemm fl-Ewropa kif ukoll fil-pajjiżi msieħba ġirien, fil-produzzjoni u l-monitoraġġ tal-Pjanijiet ta' Azzjoni ta' l-ENP u fl-applikazzjoni tal-klawsola dwar id-drittijiet tal-bniedem u d-demokrazija; jilqa' b'sodisfazzjon il-possibilità skond l-EIDHR, li jkun provdut appoġġ finanzjarju għall-proġetti mmirati lejn il-monitoraġġ tal-Pjanijiet ta' Azzjoni ta' l-ENP;

82.

Jitlob lill-Kummissjoni sabiex tagħmel sforzi akbar biex twaqqaf sottokumitati għad-drittijiet tal-bniedem għall-pajjiżi kollha ta' l-ENP fejn dawn huma neqsin, u sabiex timplimenta dawk li s'issa għadhom mhumiex attivi sabiex tiżgura proċedura ta' monitoraġġ effettiva u sofistikata rigward l-implimentazzjoni ta' l-objettivi dwar id-drittijiet tal-bniedem u d-demokrazija stipulati fil-Pjanijiet ta' Azzjoni;

83.

Jiġbed l-attenzjoni għall-fatt li l-kwistjonijiet tad-drittijiet tal-bniedem kienu eżaminati fis-Sottokumitati għall-Ġustizzja, il-Libertà u s-Sigurtà mwaqqfa mal-Moldova u l-Ukraina; itenni, madanakollu l-objettiv finali, li jikkonsisti fit-twaqqif ta' sottokumitati dedikati esklussivament għad-drittijiet tal-bniedem għall-pajjiżi ENP kollha, inklużi dawk tan-Nofsinhar tal-Caucasus; jiġbed l-attenzjoni dwar id-deterjorazzjoni kontinwa tas-sitwazzjoni tad-drittijiet tal-bniedem fl-Ażerbajġan, u għaldaqstant jenfasizza l-ħtieġa partikulari li mill-aktar fis possibbli, jitwaqqaf sottokumitat tad-drittijiet tal-bniedem ma' dak il-pajjiż;

84.

Jistieden lill-Kummissjoni u lill-Kunsill sabiex jiżguraw koperazzjoni ġenwina bejn is-sottokumitati tad-drittijiet tal-bniedem u dawk involuti fl-oqsma tal-ġustizzja u l-intern, minħabba li dawn il-kwistjonijiet huma konnessi mill-qrib; f'dan il-rigward, jitlob li l-Parlament jinżamm infurmat dwar il-proċess ta' tħejjija u ta' segwitu ta' din il-kwistjoni;

85.

Jistieden lill-Kunsill u lill-Kummissjoni sabiex iqisu l-possibilità li jiġu stabbiliti djalogu jew mekkaniżmi ta' konsultazzjoni mal-Libja dwar id-drittijiet tal-bniedem;

86.

Jistieden lill-Kunsill , fl-istennija ta' l-iffirmar ta' ftehima ta' assoċjazzjoni, sabiex jikkunsidra l-possibilità li jistabbilixxi mekkaniżmu ta' djalogu dwar id-drittijiet tal-bniedem mas-Sirja;

87.

Jenfasizza l-ħtieġa li jitwaqqaf sottokumitat istituzzjonalizzat għad-drittijiet tal-bniedem ma' l-Iżrael, li jissostitwixxi l-mekkaniżmu proviżorju attwali;

88.

Jitlob lill-Kunsill biex jinforma u jinvolvi lill-Assemblea Parlamentari Ewro-Mediterranja u lid-Delegazzjonijiet tal-Parlament għall-Kumitati ta' Koperazzjoni Parlamentari eżistenti bejn l-UE u l-pajjiżi tal-Lvant;

89.

Jistieden lill-Kunsill u lill-Kummissjoni biex jikkunsidraw li jintroduċu xi forma ta' mekkaniżmu speċifiku li jimmoniterja l-klawsola dwar id-drittijiet tal-bniedem fil-ftehimiet ta' l-UE ma' l-Amerika Latina u l-Amerika Ċentrali, pereżempju billi jissupplimentaw il-klawsoli dwar id-drittijiet tal-bniedem bi pjanijiet ta' azzjoni operattivi (simili għall-pjanijiet ta' azzjoni ta' l-ENP) u billi jitwaqqfu sottokumitati għad-drittijiet talbniedem, u f'dan ir-rigward, jenfasizza l-ħtieġa li jinforma b'mod sħiħ lill-Kumitati konġunti relevanti u lill-Kunsilli Konġunti dwar ir-riżultat ta' dawn id-djalogi, sabiex tittejjeb l-integrazzjoni tad-drittijiet tal-bniedem fid-djalogi politiċi ta' l-UE mal-pajjiżi f'dawn ir-reġjuni;

90.

Għaldaqstant jistieden lill-Kummissjoni sabiex tagħmel evalwazzjoni annwali tas-sitwazzjoni tad-drittijiet tal-bniedem fil-pajjiżi ta' l-Amerika Latina fuq il-bażi tal-pjanijiet ta' azzjoni u tas-sottokumitati taddrittijiet tal-bniedem li ser jitwaqqfu;

91.

Jistieden lill-Kunsill u lill-Kummissjoni biex jinvolvu lis-soċjeta? ċivili fit-tmexxija tad-djalogi dwar iddrittijiet tal-bniedem , bil-parteċipazzjoni xierqa tas-settur ta' mingħajr qligħ, u jikkunsidra li d-djalogu mal-Messiku jeħtieġ li jitjieb u jiġi ristrutturat sabiex iservi ta' eżempju li jista' jkun punt ta' riferiment għallpajjiżi Latino-Amerikani l-oħra;

92.

Jistieden lill-Kummissjoni u lill-Kunsill biex jinkludu d-drittijiet tal-bniedem fin-negozjati li għaddejjin dwar il-ftehimijiet ta' assoċjazzjoni mal-Komunita? Andina, l-Amerika Ċentrali, u l-Mercosur, u biex jinfurmaw lill-PE dwar il-progress li jkun sar f'dan il-qasam;

93.

Jistieden lill-Kunsill biex jinforma lill-Assemblea Parlamentari EU-Amerika Latina dwar id-djalogi u lkonsultazzjonijiet dwar id-drittijiet tal-bniedem, kif ukoll biex jinvolviha fihom;

94.

Jiġbed l-attenzjoni għall-fatt li l-ftehimiet ta' kummerċ u ta' koperazzjoni ta' l-UE ma' pajjiżi terzi jipprovdu li l-implimentazzjoni għandha tkun immonitorjata b'mod regolari mill-kumitati konġunti; jinnota li l-gruppi ta' ħidma tal-kumitati konġunti speċifiċi dwar id-drittijiet tal-bniedem, it-tmexxija tajba, l-istat taddritt u r-riforma fl-amministrazzjoni twaqqfu fl-2003, fuq bażi sperimentali, mal-Bangladexx, mal-Vjetnam u mal-Laos;

95.

Iqis li dawn id-djalogi għandhom jiġu inizjati mill-Kunsill fuq il-bażi ta' l-istess kriterji, u li r-riżultat tagħhom għandu jiġi diskuss fi ħdan id-djalogu politiku sabiex jitjiebu l-koerenza u l-konsistenza tal-politika ta' l-UE dwar id-drittijiet tal-bniedem ma' pajjiżi terzi; f'dan ir-rigward, jistieden lill-Kunsill u lill-Kummissjoni sabiex jinfurmaw lill-Parlament dwar ir-riżultati ta' dawn id-djalogi;

96.

Jerġa' jitlob li l-klawsola dwar id-drittijiet tal-bniedem u d-demokrazija tiġi estiża għall-ftehimiet ġodda kollha bejn l-Unjoni Ewropea u pajjiżi terzi, kemm dawk industrijalizzati u kemm dawk li qed jiżviluppaw, inklużi ftehimiet settorjali bħal dawk dwar is-sajd, il-biedja, it-tessuti, il-kummerċ, u l-għajnuna teknika jew finanzjarja, bħal dak li sar ma' l-Istati ta' l-ACP;

97.

Jistieden lill-Kunsill, speċjalment lit-Trojka, biex japplikaw ir-rakkomandazzjonijiet stipulati f'din irriżoluzzjoni fid-djalogi kollha ad hoc dwar id-drittijiet tal-bniedem, sabiex jiżguraw li dawn ikunu mmexxija b'mod aktar trasparenti u konsistenti mal-politiki esterni l-oħra ta' l-UE, u biex, qabel u wara li jseħħu dawn id-djalogi, jipprovdu informazzjoni lill-istituzzjonijiet l-oħra u b'mod partikulari lill-Parlament u lill-NGOs;

98.

Jistieden lill-Kummissjoni biex tapplika r-rakkomandazzjonijiet stipulati f' din ir-riżoluzzjoni fid-djalogi stabbiliti bħala parti mid-dimensjoni esterna taz-zona ta' liberta?, sigurta? u ġustizzja, u biex, fl-interessi tal-koerenza interistituzzjonali, iżżomm infurmati lill-istituzzjonijiet l-oħra, b'mod speċjali lill-PE u l-NGOs, dwar l-iżviluppi, is-sustanza u r-riżultati ta' dawk id-djalogi;

99.

Jistieden lill-Kunsill biex japplika wkoll il-proposti imsemmija hawn fuq għall-konsultazzjonijiet tat-Trojka ma' msieħba ta' l-istess fehma, u biex iżid it-trasparenza u l-koerenza ma' politiki oħra ta' l-UE , u jirrakkomanda li dawn il-konsultazzjonijiet dwar kwistjonijiet tad-drittijiet tal-bniedem jintużaw sabiex jinħolqu sinerġiji u jinqasmu l-esperjenzi filwaqt li jindirizzaw it-tħassib dwar id-drittijiet tal-bniedem firrigward ta' pajjiżi li “jaħsbuha bl-istess mod”;

100.

Jilqa' b'sodisfazzjon l-inizjattivi riċenti biex is-soċjetà ċivili tiġi infurmata dwar l-aġenda ta' dawn iddjalogi u jitlob lill-Kunsill sabiex jadotta l-istess attitudni vis-a-vis l-Parlament; jistieden biex il-Parlament jiġi infurmat dwar is-sustanza u r-riżultat permezz ta' laqgħat ta' informazzjoni regolari stabbiliti fuq bażi ugwali;

101.

Jistieden lid-dipartimenti tal-Parlament biex jintensifikaw il-koordinament intern bejn l-entitajiet parlamentari billi jgħaddu informazzjoni aġġornata dwar is-sitwazzjoni tad-drittijiet tal-bniedem f'pajjiżi terzi u għal dak l-għan, jitlob li l-Unità tad-Drittijiet tal-Bniedem tal-Parlament tiġi provduta b'riżorsi finanzjarji u umani aktar sostanzjali sabiex ikun possibbli għaliha li twettaq din il-ħidma;

102.

Jitlob lill-Kunsill u lill-Kummissjoni sabiex jinkludu fl-aġenda tad-djalogi u l-konsultazzjonijiet dwar id-drittijiet tal-bniedem ir-rakkomandazzjonijiet u l-konklużjonijiet inklużi fir-riżoluzzjonijiet tal-Parlament, speċjalment dawk li jikkonċernaw id-drittijiet tal-bniedem, u r-rapporti tad-delegazzjonijiet tal-Parlament Ewropew;

103.

Jinsisti li d-drittijiet tan-nisa huma parti integrali mid-drittijiet tal-bniedem u jħeġġeġ lill-Kummissjoni biex tinkludi l-promozzjoni u l-ħarsien tad-drittijiet tan-nisa b'mod espliċitu u sistematiku f'kull djalogu u konsultazzjoni ta' l-UE dwar id-drittijiet tal-bniedem ma' pajjiżi terzi; jenfasizza, f'dan ir-rigward, il-bżonn li jitwaqqaf mekkaniżmu trasparenti li jikkonċerna speċifikament id-drittijiet tan-nisa għall-monitoraġġ talklawsola dwar id-drittijiet tal-bniedem fil-ftehimiet esterni ta' l-UE u sabiex tittieħed azzjoni xierqa jekk din il-klawsola tinkiser;

104.

Jiġbed l-attenzjoni għall-importanza li s-soċjetà ċivili, b'mod partikolari l-NGOs li qed jaħdmu sabiex jippromwovu d-drittijiet tan-nisa, tkun involuta b'mod sħiħ fid-djalogi dwar id-drittijiet tal-bniedem bejn l-UE u pajjiżi terzi;

105.

Jistieden lill-Kunsill u lill-Kummissjoni sabiex itejbu l-interazzjoni bejn inizjattivi relatati mal-ġeneru u mas-soċjetà ċivili skond l-istrumenti eżistenti Ewropej tad-drittijiet tal-bniedem u sabiex jinkoraġġixxu lillpajjiżi terzi jiżguraw kollaborazzjoni u koordinazzjoni tax-xogħol ta' l-entitajiet u l-mekkaniżmi kollha taddrittijiet tal-bniedem;

106.

Jistieden lill-Kummissjoni sabiex tissorvelja b'mod sistematiku r-ratifikazzjoni u l-implimentazzjoni tal-Konvenzjoni dwar l-Eliminazzjoni tal-Forom kollha ta' Diskriminazzjoni kontra n-nisa (CEDAW) u lprotokoll mhux obbligatorju marbut magħha fil-qafas tad-djalogu dwar id-drittijiet tal-bniedem ma' pajjiżi terzi u sabiex jirrapporta dwar dan f'laqgħat ta' informazzjoni regolari lill-Kumitat għad-Drittijiet tan-Nisa u l-Ugwaljanza bejn is-Sessi; jistieden lill-Kummissjoni u lill-Kunsill sabiex jiżguraw li d-drittijiet garantiti mill-Konvenzjoni huma rispettati f'dawk il-pajjiżi terzi sabiex tonqos id-differenza bejn l-eżistenza tad-drittijiet tan-nisa u l-eżerċitar effettiv ta' dawk id-drittijiet;

107.

Jirrakkomanda li l-Kummissjoni tagħmel lista ta' diskriminazzjonijiet speċifika għall-ġeneru skond is-CEDAW u l-Patti tad-Drittijiet tal-Bniedem bħala metodi ta' produzzjoni u proċess (PPMs) kif definit filqafas ta' l-Organizzazzjoni Dinjija tal-Kummerċ, sabiex titwaqqaf “database” ta' prodotti u ditti li jistgħu eventwalment ikunu pprojbiti milli jkunu importati fl-UE;

108.

Jinsisti li d-drittijiet tan-nisa jkunu espliċitament indirizzati fid-djalogi dwar id-drittijiet tal-bniedem u b'mod partikolari l-ġlieda u l-eliminazzjoni tal-forom kollha ta' diskriminazzjoni u vjolenza kontra n-nisa u t-tfal bniet, inklużi l-forom kollha ta' prattiki tradizzjonali u użanzi li jagħmlu ħsara, pereżempju l-mutilazzjoni ta' l-organi sesswali femminili u ż-żwiġijiet bikrija jew sfurzati, il-forom kollha tat-traffikar tal-bnedmin, il-vjolenza domestika, il-qtil tan-nisa, l-isfruttar fuq il-post tax-xogħol u l-esplojtazzjoni ekonomika;

109.

Jinsisti fuq l-inklużjoni espliċita tad-drittijiet tan-nisa f'approċċ ibbażat fuq il-ġeneru fil-ġlieda kontra t-traffikar tal-bnedmin u b'mod partikolari t-traffikar tan-nisa u t-tfal għall-esplojtazzjoni sesswali jew għaxxogħol u għat-tneħħija ta' l-organi;

110.

Jenfasizza li għandhom jittieħdu miżuri speċifiċi sabiex jinkoraġġixxu iktar parteċipazzjoni qawwija tan-nisa fis-suq tax-xogħol, fl-affarijiet ekonomiċi u soċjali, fil-ħajja politika u fit-teħid ta' deċiżjonijiet u filprevenzjoni ta' konflitti u fis-soluzzjoni tagħhom, fil-bini u fir-rikostruzzjoni tal-paċi; jirrakkomanda parteċipazzjoni wiesgħa u bbilanċjata bejn is-sessi tal-Membri tal-Parlament fl-evalwazzjoni ta' proġetti dwar iddrittijiet tal-bniedem iffinanzjati mill-KE u involviment ikbar tal-Parlament Ewropew fid-djalogi dwar iddrittijiet tal-bniedem ma' pajjiżi terzi;

111.

Iħeġġeġ lill-Kummissjoni tipprovdi taħriġ sabiex teduka dwar id-drittijiet tan-nisa lill-istaff u l-uffiċjali kollha tad-delegazzjonijiet tal-Kummissjoni, speċjalment lil dawk involuti fid-drittijiet tal-bniedem u flattivitajiet ta' għajnuna umanitarja;

112.

Iħeġġeġ lill-Kummissjoni sabiex tressaq proposta għal kodiċi ta' kondotta għall-uffiċjali ta' l-istituzzjonijiet u l-entitajiet tal-Komunità, b'mod partikolari għal dawk fuq missjonijiet ta' l-UE f'pajjiżi terzi simili għall-kodiċi ta' kondotta maħruġ min-NU; jikkunsidra li l-kodiċi għandu jesprimi diżapprovazzjoni ċara taxxiri ta' servizzi sesswali, ta' forom oħra ta' esplojtazzjoni sesswali u ta' vjolenza bbażata fuq il-ġeneru, għandu jinkludi s-sanzjonijiet neċessarji f'każijiet ta' ksur ta' kondotta, u li uffiċjali għandhom jingħataw informazzjoni ddettaljata dwar il-kontenut tal-kodiċi ta' kondotta qabel jintbagħtu fuq missjoni;

113.

Jirrakkomanda l-adozzjoni ta' miżuri li jsaħħu s-sigurtà fiżika tan-nisa u t-tfal bniet fil-kampijiet tarrefuġjati u li jissalvagwardjaw u jipproteġu d-drittijiet tal-bniedem tal-persuni spostati;

114.

Jistieden lill-Kunsill u lill-Kummissjoni sabiex jiżguraw l-implimentazzjoni tad-Dikjarazzjoni ta' Beijing u l-Pjattaforma ta' Azzjoni; iħeġġeġ lill-Kunsill u lill-Kummissjoni sabiex jinkoraġġixxu lill-pajjiżi terzi jinkorporaw prospettiva dwar il-ġeneru fil-programmi ta' azzjoni nazzjonali u biex jintegraw id-drittijiet talbniedem u l-integrazzjoni sistematika tal-ġeneru fil-politiki nazzjonali;

115.

Iħeġġeġ lill-Kummissjoni sabiex tiżgura waqt id-djalogi dwar id-drittijiet tal-bniedem ma' pajjiżi terzi l-iżvilupp ta' programm edukattiv komprensiv dwar id-drittijiet tal-bniedem sabiex titqajjem kuxjenza fost in-nisa tad-drittijiet umani tagħhom u titqajjem kuxjenza ġenerali tad-drittijiet umani tan-nisa;

116.

Iħeġġeġ lill-Kunsill u lill-Kummissjoni sabiex jinkoraġġixxu pajjiżi terzi sabiex jinkorporaw il-prinċipju ta' l-ugwaljanza bejn in-nisa u l-irġiel fil-leġiżlazzjoni tagħhom, u sabiex jiżguraw permezz tal-liġi u strumenti xierqa oħra li dan jinkiseb u sabiex jiggarantixxu r-rispett għal dawn id-drittijiet fl-oqsma kollha;

117.

Jistieden lill-Kunsill biex japplika wkoll il-proposti msemmija hawn fuq fid-djalogi politiċi kollha ma' pajjiżi terzi, speċjalment rigward l-aġenda u l-kontenut tad-djalogu;

118.

Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kunsill (inkluż lis-Segretarju Ġenerali/ir-Rappreżentant Għoli għall-Politika Barranija Komuni u għas-Sigurtà (CFSP), is-Sur Javier Solana, u lir-Rappreżentanta Permanenti tiegħu għad-Drittijiet tal-Bniedem, is-Sra Riina Koinka, u lill-membri tas-COHOM) u lill-Kummissjoni (inklużi l-kapijiet tad-delegazzjonijiet tagħha għall-pajjiżi terzi), lill-gvernijiet u l-parlamenti ta' l-Istati Membri, u lill-Ko-Presidenti ta' l-Assemblea Parlamentari Konġunta ta' l-ACPUE, lill-President ta' l-Assemblea Parlamentari Ewro-Mediterranja u lill-Ko-Presidenti ta' l-Assemblea Parlamentari UE-Latino-Amerikana, kif ukoll lill-Ko-Presidenti tal-Kumitati ta' Koperazzjoni Parlamentari u tad-Delegazzjonijiet Interparlamentari bejn l-UE u l-pajjiżi kkonċernati.

—

wara li kkunsidra r-Regolament tal-Kunsill (KE) Nru 2371/2002 ta' l-20 ta' Diċembru 2002, dwar ilkonservazzjoni u l-isfruttar sostenibbli ta' riżorsi tas-sajd skond il-Politika Komuni dwar is-Sajd (1),

—

wara li kkunsidra l-Konvenzjoni tan-Nazzjonijiet Uniti dwar il-Liġi tal-Baħar ta' l-10 ta' Diċembru 1982,

—

wara li kkunsidra d-Dikjarazzjoni Finali tal-Laqgħa Għolja Dinjija dwar l-Iżvilupp Sostenibbli li saret f'Johannesburg mis-26 ta' Awissu sa l-4 ta' Settembru 2002,

—

wara li kkunsidra l-Komunikazzjoni tal-Kummissjoni lill-Kunsill u lill-Parlament Ewropew dwar it-twettiq tas-sostenibilità tas-sajd fl-UE permezz tar-Rendiment Massimu Sostenibbli (COM(2006)0360),

—

wara li kkunsidra l-opinjoni tal-Kumitat tar-Reġjuni u tal-Kumitat Ekonomiku u Soċjali Ewropew (2) dwar il-Komunikazzjoni tal-Kummissjoni,

—

wara li kkunsidra l-Artikolu 45 tar-Regoli ta' Proċedura tiegħu,

—

wara li kkunsidra r-rapport tal-Kumitat għas-Sajd (A6-0298/2007),

A.

billi l-parti l-kbira tar-riżorsi tas-sajd komunitarji li għandhom valur kummerċjali kbir huma sfruttati żżejjed jew kważi sfruttati żżejjed,

B.

billi s-sostenibilità tar-riżorsi tas-sajd hija fundamentali sabiex tiggarantixxi, fuq medda twila ta' żmien, l-attività tas-sajd u l-vijabilità tas-settur tas-sajd,

C.

billi s-sistema Komunitarja ta' konservazzjoni u mmaniġġjar ibbażata fuq it-total permissibbli ta' qbid (“total allowable catch” (TAC)) u kwoti ma wasslitx għal sfruttar razzjonali tar-riżorsi, u li għall-kuntrarju, l-ebusija tas-sistema u d-dipendenza tagħha fuq linji gwida politiċi aktar milli dawk bijoloġiċi, servew ta' ostakoli għall-immaniġġjar razzjonali, filwaqt li għamluha diffiċli li jsiru kontrolli, u inkoraġġixxew ir-rimi,

D.

billi s-sistema komunitarja ta' konservazzjoni u mmaniġġjar għandha tkun ibbażata fuq ir-riċerka xjentifika fil-qasam tas-sajd, u li jkollha għad-dispożizzjoni tagħha informazzjoni statistika affidabbli u dettaljata dwar perjodu twil,

E.

billi saru diversi modifiki u aġġustamenti suċċessivi tas-sistema ta' mmaniġġjar tal-Politika Komuni tas-Sajd (CFP) sovraposti fuq it-TAC u s-sistema ta' kwoti u l-isforz tas-sajd, ġew stabbiliti diversi pjanijiet ta' rkupru li ħallew riżultati li jvarjaw ħafna, u ġew stabbiliti miżuri suċċessivi għall-iskreppjar ta' bastimenti li, min-naħa tagħhom, ma kellhomx ir-riżultati mistennija, u kellhom riperkussjonijiet negattivi mil-lat ekonomiku u dak soċjali,

F.

billi l-aġġustamenti msemmija hawn fuq, fil-biċċa l-kbira tagħhom, servew biss biex inaqqsu l-ħila ta' qligħ kif ukoll il-kompetittività tal-flotta Komunitarja, kemm fi ħdan l-UE kif ukoll fil-livell internazzjonali, komplew ixekklu l-applikazzjoni tal-leġiżlazzjoni dwar is-sajd lil settur li kellu jiffaċċja regoli dejjem aktar kumplessi u li jinbidlu kontinwament filwaqt li m'għandu ebda opportunità sabiex jippjana lattività tiegħu fuq medda medja jew twila ta' żmien, filwaqt li dan l-approċċ ma kellu ebda impatt sinjifikanti mil-lat ta' titjib fir-riżorsi,

G.

billi l-UE, fil-Laqgħa Għolja Dinjija dwar l-Iżvilupp Sostenibbli, ħadet impenn li tagħmel l-isforzi kollha meħtieġa sabiex ir-riżorsi tas-sajd komunitarji jilħqu l-livelli tal-Qabdiet Massimi Sostenibbli (“Maximum Sustainable Yield” (MSY)) qabel l-2015,

H.

billi l-komunità xjentifika b'mod ġenerali tqis li t-tifsila oriġinali tal-mudell ta' l-MSY hija antikwata minħabba l-problemi tat-trasferiment ta' mudell matematiku u teoretiku għall-qasam ta' l-immaniġġjar, li jeħtieġ għarfien dettaljat ta' l-evoluzzjoni tal-ħażniet tal-ħut u sensiliet twal u storiċi ta' dejta sabiex jitfassal b'mod preċiż, flimkien mal-fatt li kwalunkwe żball jew dubju fil-mudell b'mod inevitabbli iwassal li l-livell tas-sajd jaqbeż il-limiti ta' l-MSY,

I.

billi sistema ta' mmaniġġjar tas-sajd trid tħalli lok għal ammont ta' inċertezza xjentifika, kif ukoll għal devjazzjonijiet u żbalji fid-definizzjoni ta' mudell, minħabba li ji sta' jkun hemm, pereżempju, żbalji flgħażla ta' l-ispeċijiet jew varjazzjonijiet ambjentali, u dan b'mod inevitabbli jwasslu għal definizzjonijiet inkorretti ta' l-MSY, u b'hekk l-għan ma jintlaħaqx,

J.

billi sa mill-ewwel tifsiliet bikrija ta' l-MSY, ix-xjentisti ppreżentaw approċċi ġodda għall-mudell, fejn ippruvaw jikkoreġu d-difetti tiegħu u jwittu n-nuqqasijiet tiegħu,

K.

billi l-applikazzjoni ta' MSY hija ħidma kumplessa ħafna fl-immaniġġjar ta' sajd ta' diversi speċijiet, li tagħmel il-parti l-kbira tas-sajd li jsir mill-flotta Komunitarja, u wkoll li hu mudell li ma jistax jiġi applikat għal sajd ta' speċijiet pelaġiċi,

L.

billi l-applikazzjoni stretta ta' l-MSY kieku tirriżulta, fuq medda qasira ta' żmien, fi tnaqqis konsiderevoli, u f'xi każijiet drastiku, fl-attività, fl-impjiegi u fil-qligħ tal-flotta Komunitarja,

M.

billi l-immaniġġjar tas-sajd għandu jinkludi analiżijiet aktar kompluti dwar l-effetti naturali u effetti oħra ta' interrelazzjonijiet bejn l-ispeċijiet, kif ukoll ta' l-effetti li jirriżultaw mill-attività umana, li jikkontribwixxu għall-kontaminazzjoni tal-baħar u għall-qirda ta' l-ekosistemi tal-baħar,

N.

billi l-flotta Komunitarja urġentement teħtieġ sistema ta' mmaniġġjar li filwaqt li toħloq il-bilanċ bejn lisforz tas-sajd u l-livelli ta' riżorsi, tagħti aktar stabilità kummerċjali lis-settur filwaqt li tagħtih lok għal ippjanar aħjar ta' l-azzjonijiet; billi kwalunkwe perjodu ta' tranżizzjoni għal mudell ġdid ser jinħtieġ miżuri ta' appoġġ finanzjarju,

1.

Jilqa' bl-akbar interess il-komunikazzjoni tal-Kummissjoni, b'mod partikulari l-fatt li hi tirrikonoxxi lfalliment tal-politika eżistenti ta' l-immaniġġjar tas-sajd, u jifraħ li għandha l-ħsieb li toħloq mudell ġdid ta' immaniġġjar li jagħmilha possibbli li jkun żgurat l-irkupru tar-riżorsi, li l-isforz tas-sajd ikun adattat għaċċirkustanzi reali tas-sajd, u li jtejjeb l-ħila ta' qligħ u l-istabilità tal-flotta tas-sajd;

2.

Jenfasizza l-ħtieġa li l-modifiki ġejjiena kollha tas-sistema komunitarja attwali ta' konservazzjoni u mmaniġġjar isiru bil-parteċipazzjoni sħiħa tas-sajjieda u li jkunu msejsa fuq ir-riċerka xjentifika fil-qasam tas-sajd;

3.

Ifakkar il-ħtieġa li jissaħħu l-ammonti dedikati għar-riċerka xjentifika dwar is-sajd fis-Se ba' Programm ta' Qafas għar-riċerka u l-iżvilupp teknoloġiku, bħala kontribut għat-titjib fis-sistema Komunitarja ta' konservazzjoni tas-sajd, għal-livell ta' żvilupp ta' mudelli teoretiċi ta' l-immaniġġjar tas-sajd, għat-twettiq tagħhom, għal analiżi aħjar ta' l-istati tar-riżorsi, ta' l-effetti naturali marbuta ma' relazzjonijiet oħra bejn l-ispeċijiet, kif ukoll għal-livell tat-titjib ta' l-arti tas-sajd;

4.

Jinnota li fis-snin riċenti l-intenzjoni tal-Kummissjoni li tikseb dawn l-objettivi billi tuża l-MSY bħala lpunt ta' referenza għall-immaniġġjar tas-sajd, iżda jwissi li, għall-parti l-kbira tax-xjentisti u anke għall-FAO, il-mudell tradizzjonali ta' l-MSY ġie sostitwit b'approċċi ġodda u moderni li jħarsu lejn l-ekosistema kollha kemm hi, u jinkorporaw aspetti relatati ma' l-ambjent, l-interrelazzjoni bejn l-ispeċijiet, u l-fatturi ekonomiċi u soċjali fost l-oħrajn;

5.

Josserva li xjentisti eminenti f'dawn l-aħħar snin żviluppaw metodi ġidda bbażati fuq simulazzjonijiet pesqueras permezz ta' l-informatika, li jikkupjaw l-approċċ MSY mingħajr ma jqisuh bħala obbjettiv espliċitu, u li jqisu kif jixraq is-sogri, il-fatturi ambjentali u l-interazzjonijiet possibbli bejn l-ispeċijiet, u li dan ittip ta' metodi jistgħu fil-prinċipju jitwessgħu sabiex iqisu fatturi soċjali u ekonomiċi speċifiċi;

6.

Iwissi li ser ikun diffiċli li l-mudell ta' l-MSY jiġi applikat għal sajd ta' ħafna speċijiet (jiġifieri l-maġġoranza tas-sajd fl-UE), minħabba li jekk jintuża l-MSY ta' l-ispeċi ewlenija, hemm possibilità li l-ispeċijiet loħra jiġu maqbuda żżejjed, filwaqt li, kif donnu li huwa loġiku, jekk wieħed juża l-MSY ta' l-aktar speċi vulnerabbli, ikun meħtieġ li jieqaf is-sajd ta' l-ispeċijiet li jkunu fi stat bijoloġiku tajjeb, b'effetti negattivi milllat ekonomiku, ta' l-impjiegi u tal-kompetittività, sitwazzjoni li tkun kontradizzjoni totali mal-mira bażika ta' MSY bħala tali;

7.

Jista', għalhekk, jikkritika b'mod partikolari n-nuqqas ta' analiżi u ta' soluzzjonijiet fil-Komunikazzjoni tal-Kummissjoni, b'mod partikulari fir-rigward ta' l-aspetti msemmija hawn fuq, u b'mod ġenerali, in-nuqqas ta' evalwazzjoni profonda ta' l-implikazzjonijiet ta' mudell MSY, mil-lat tan-nuqqasijiet tagħha, il-partikularitajiet tal-modalitajiet ta' l-użu tiegħu, u r-riskji potenzjali ta' kwalunkwe żball fil-mudell; jiddeplora b'mod partikulari n-nuqqas ta' analiżi dwar l-evoluzzjoni ta' l-MSYu l-vantaġġi li ji sta' jkollhom l-approċċi differenti;

8.

Jifhem, għaldaqstant, li għadu mhux il-waqt li jipproponi l-introduzzjoni ta' sistema MSY, u li tinħtieġ analiżi aktar profonda u rigoruża tal-problemi, tan-nuqqasijiet u ta' l-objettivi tal-politika ta' konservazzjoni u mmaniġġjar tal-Komunità nnifisha, bil-għan li jiddeċiedi, bil-kuraġġ politiku kollu, liema huma l-miżuri laktar vitali għat-twettiq tat-tibdil l-aktar meħtieġa tas-CFP attwali;

9.

Huwa perpless, minħabba dan li huwa msemmi hawn fuq, dwar il-miżuri riċenti tal Kummissjoni għall-konformità mal-mudell MSY, bħar-regolament li jistipula it-TACs u kwoti għall-2007 (3), billi l-Kummissjoni nnifisha rrikonoxxiet, f'diversi dibattiti u kuntesti istituzzjonali, il-ħtieġa għal aktar studji dwar laspetti differenti ta' l-applikazzjoni ta' l-MSY;

10.

Jesprimi t-tħassib tiegħu li fil-kuntest ta' l-objettiv ambizzjuż tal-bidla fl-approċċ tas-sistema tal-konservazzjoni u l-immaniġġjar tas-CFP, mhux qed tittieħed l-opportunità li tiġi pprovduta definizzjoni ċara tassistema ta' l-aċċess għar-riżorsi, u li s-sistema tat-TAC u l-kwoti u ta' l-isforz tas-sajd huma sovraposti; iqis li l-Kummissjoni m'għandhiex tonqos milli tieħu din l-opportunità sabiex tiddefinixxi sistema ta' aċċess għarriżorsi li taħdem l-aħjar favur is-sostenibilità, trażżan ir-rimi, tissimplifka l-miżuri tekniċi, telimina d-diskriminazzjonijiet u l-kompetizzjoni żejda għar-riżors, filwaqt li toffri l-flessibilità meħtieġa u ttejjeb il-kompetittività tas-settur;

11.

Jenfasizza li kwalunkwe tibdil fis-sistema ta' l-immaniġġjar irid neċessarjament jinkludi mekkaniżmi ta' kumpens xierqa u finanzjarjament aċċettabbli, u li dan ser jirrikjedi evalwazzjoni ta' l-impatt soċjo-ekonomiku tal-proposta finali; jitlob lill-Kummissjoni sabiex tiżviluppa dawn il-miżuri flimkien mas-sistema lġdida ta' mmaniġġjar, u li jekk huwa possibbli, li tintegrahom;

12.

Jenfasizza li tenut kont ta' l-istat ħażin ta' l-istokks tal-ħut fl-ilmijiet Ewropej kif ukoll id-diffikultajiet li jiffaċċja s-settur tas-sajd ta' l-UE għandha tittieħed azzjoni mill-aktar fis, u li kwalunkwe dewmien ġdid se jwassal għal diffikultajiet ġodda għas-settur, u li s-settur se jdum aktar biex jerġa' jsir vijabbli;

13.

Jitlob li l-passi msemmija hawn fuq jittieħdu qabel kwalunkwe deċiżjoni u għaldaqstant, jitlob għal dibattitu miftuħ u tal-maġġoranza li fih jiġu analizzati approċċi oħra possibbli għall-immaniġġjar, bil-għan li jintlaħaq l-usa' kunsens possibbli għall-modifiki li jeħtieġ li jitwettqu fil-politika komunitarja ta' mmaniġġjar;

14.

Jitlob, għalhekk, li progressivament tiġi introdotta sistema li ti sta' finalment twassal għal politika tassajd li tirrifletti dejjem aktar il-kapaċità bijoloġika ta' l-istokks ta' l-ispeċijiet li qed jirkupraw, sabiex is-sostenibilità tas-sajd Komunitarju tevolvi f'xi ħaġa ċerta aktar milli xi ħaġa li toħloq ansjetà, u li din tkun meqjusa bħala tali mis-sajjieda komunitarji, ikunu fejn ikunu madwar id-dinja; li tkun ti sta' toffri lill-flotta l-istabilità meħtieġa, fuq il-bażi ta' ppjanar sod u dejjem aktar orjentat fuq medda twila ta' żmien; u li ti sta', fl-aħħar mill-aħħar, tirriżulta f'sistema stabbli ta' aċċess għar-riżorsi li fiha, it-TACs u l-kwoti ma jkunux jeħtieġu modifiki ħlief f'ċirkustanzi speċifiċi u bl-użu ta' mekkaniżmi semi-awtomatiċi, minflok ma jiġu mibdula kull sena għal raġunijiet li mhumiex purament xjentifiċi;

15.

Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kunsill u lill-Kummissjoni.

—

wara li kkunsidra l-Green Paper dwar ir-reviżjoni ta' l-Acquis dwar il-Konsumatur (COM(2006)0744) u l-Kompendju tad-dritt Komunitarju tal-konsumatur — analiżi komparattiva (1),

—

wara li kkunsidra l-leġiżlazzjoni Komunitarja fis-seħħ fil-qasam tal-ħarsien tal-konsumatur, tal-kummerċ elettroniku u ta' l-iżvilupp tas-soċjetà ta' l-informazzjoni,

—

wara li kkunsidra r-riżoluzzjoni tiegħu tat-23 ta' Marzu 2006 dwar il-Liġi Ewropea tal-Kuntratti u r-Reviżjoni ta' l-acquis: id-direzzjoni li trid tittieħed (2), ir-riżoluzzjoni tal-Parlament tas-7 ta' Settembru 2006 dwar il-Liġi Ewropea dwar il-Kuntratti (3), kif ukoll ir-riżoluzzjoni tiegħu tal-21 ta' Ġunju 2007 dwar il-kunfidenza tal-konsumatur fl-ambjent diġitali (4),

—

wara li kkunsidra l-smigħ pubblika dwar ir-reviżjoni ta' l-acquis communautaire fil-qasam tal-ħarsien tal-konsumatur Ewropew li saret fil-Parlament Ewropew fl-10 ta' April 2007,

—

wara li kkunsidra l-Artikolu 45 tar-Regoli ta' Proċedura tiegħu,

—

wara li kkunsidra r-rapport tal-Kumitat għas-Suq Intern u l-Ħarsien tal-Konsumatur u l-opinjonijiet tal-Kumitat għall-Affarijiet Ekonomiċi u Monetarji kif ukoll tal-Kumitat għall-Affarijiet Legali (A6-0281/ 2007),

A.

billi 48 % tal-bejjiegħa bl-imnut huma lesti li jwettqu tranżazzjonijiet transkonfinali, imma 29 % biss minnhom jagħmlu dan fir-realtà; billi wkoll 43 % tal-bejjiegħa bl-imnut iqisu li l-bejgħ transkonfinali tagħhom jiżdied kieku d-dispożizzjonijiet legiżlattivi li jirregolaw it-tranżazzjonijiet mal-konsumaturi kienu l-istess fl-Ewropa kollha (5),

B.

billi nofs l-Ewropej (50 %) jafdaw inqas ix-xiri transkonfinali milli x-xiri domestiku; billi aktar minn żewġ terzi (71 %) jaħsbu li huwa iktar diffiċli li jiġu solvuti ċerti problemi marbuta max-xiri transkonfinali, bħalma huma ilmenti, li merkanzija tintbagħat lura, ir-roħs tal-prezzijiet jew il-garanziji (6);

C.

billi l-objettiv prinċipali ta' din ir-reviżjoni huwa li jinħoloq suq intern veru għall-konsumaturi, filwaqt li jiġi żgurat bilanċ bejn livell ogħla ta' protezzjoni għall-konsumaturi u l-kompetittività ta' l-intrapriżi;

D.

billi 90 % ta' l-intrapriżi fl-Ewropa huma intrapriżi żgħar ħafna li, min-natura tagħhom, jistabbilixxu relazzjoni diretta u ta' fiduċja mal-konsumatur, ġeneralment f'dimensjoni qawwija ta' prossimità, u billi dawn l-elementi speċifiċi għandhom jitqiesu fil-qafas tar-reviżjoni ta' l-acquis communautaire fil-qasam tal-ħarsien tal-konsumatur,

E.

billi l-istrateġija mmirata lejn armonizzazzjoni minima ma tippermettix li jintlaħaq l-objettiv ta' l-armonizzazzjoni u billi, f'għoxrin sena ta' evoluzzjoni tad-dritt tal-konsumaturi, din ma setgħetx toħloq suq intern integrat fis-settur taln-negozju bl-imnut li jibbenefikaw minnu ċ-ċittadini,

F.

billi wieħed jikkunsidra l-bżonn li jiġu ssimplifikati u jsiru koerenti t-tmien direttivi (7) dwar il-protezzjoni tal-konsumatur msemmija fil-green paper, sabiex tkun evitata l-frammentazzjoni u sabiex tkun żgurata l-modernizzazzjoni tal-leġiżlazzjoni Komunitarja dwar il-konsumaturi,

G.

billi, għall-benefiċċju ta' l-493 miljun konsumatur fil-Komunità, hu determinat li jkompli s-suq intern u li jneħħi r-restrizzjonijiet għall-kompetizzjoni li jeżistu fil-liġi dwar il-kuntratti u l-kummerċ,

H.

billi, sabiex tissaħħaħ il-fiduċja ta' l-Ewropej fis-suq intern, jeħtieġ li tingħata aktar sigurtà legali, kemm lill-konsumaturi kif ukoll lill-operaturi ekonomiċi, u l-leġiżlazzjoni fis-seħħ għandha tiġi applikata b'effettivita'

I.

billi r-reviżjoni, li tikkonċerna l-liġi tal-kuntratti ta' konsum, għandha tieħu bħala bażi l-ħidmiet attwali dwar il-liġi kuntrattwali u l-ħolqien ta' qafas komuni ta' referenza għal-liġi Ewropea tal-kuntratti (QKR), u tintegra ruħha fiha b'mod koerenti,

1.

Jilqa' b'sodisfazzjon il-Green Paper tal-Kummissjoni dwar ir-Reviżjoni ta' l-Acquis tal-Konsumatur, b'mod partikulari l-għan iddikjarat ta' l-immodernizzar, is-simplifikar u t-titjib tal-qafas regolatorju għallprofessjonisti u l-persuni privati, u b'hekk tiffaċilita l-iskambju transkonfinali u ssaħħaħ il-fiduċja tal-konsumaturi;

2.

Jirrakkomanda li l-kamp tar-reviżjoni jkun iċċentrat fuq il-fatt li t-tmien direttivi dwar il-ħarsien talkonsumatur imsemmija fil-green paper isiru attwalizzati u koerenti; jitlob lill-Kummissjoni biex tippreżenta lill-Parlament u lill-Kunsill rapport dwar l-implimentazzjoni tad-Direttiva 2000/31/KE tal-Parlament Ewropew u tal-Kunsill tat-8 ta' Ġunju 2000 dwar ċerti aspetti legali tas-servizzi mis-soċjetà ta' l-informazzjoni, partikolarment il-kummerċ elettroniku, fis-suq intern (“Direttiva dwar il-kummerċ elettroniku”) (8), rapport li jinkludi l-kwistjonijiet li jaffettwaw il-fiduċja tal-konsumaturi;

3.

Jemmen li huwa essenzjali għal-leġiżlatur Komunitarju li jara li jelimina kwalunkwe inkoerenza bejn id-direttivi differenti dwar il-ħarsien tal-konsumatur li qed jiġu reveduti;

4.

Jikkunsidra li hu essenzjali li jkun hemm viżjoni ġenerali ċara tal-mod kif id-diversi oqfsa legali u regolatorji li jaffettwaw l-attivitajiet li joħorġu mil-liġi tal-konsumaturi u mil-liġi kummerċjali huma kompatibbli u jinteraġixxu, b'mod speċjali f'dak li jikkonċerna r-relazzjoni bejn kwalunkwe strument maħruġ mirreviżjoni, dawk applikabbli għall-kunflitti tal-liġijiet (9) u dawk li huma bbażati fuq il-prinċipju tal-pajjiż ta' oriġini (pereżempju, id-Direttiva dwar il-kummerċ elettroniku);

5.

Jesprimi l-preferenza tiegħu għall-adozzjoni ta' strateġija mħallta jew ikkombinata, jiġifieri strument orizzontali li jkollu l-għan prijoritarju li jagħmel il-leġiżlazzjoni eżistenti koerenti u li jippermetti li jimla lvojt billi jiġbor flimkien, b'mod konstanti, il-kwistjonijiet komuni għad-direttivi kollha; jikkunsidra li l-kwistjonijiet speċifiċi li ma jidħlux fil-kamp ta' applikazzjoni ta' l-istrument orizzontali għandhom ikomplu jiġu elaborati separatament minn kull waħda mid-direttivi settorjali;

6.

Jikkunsidra li l-istrument orizzontali għandu jkun suġġett għal eżami mill-ġdid regolari kif ukoll għal evalwazzjoni ta' l-effikaċità tiegħu u ta' l-impatt tiegħu, bl-għan li jkun hemm reviżjoni jekk ikun hemm bżonn;

7.

Hu kontra l-fatt li r-reviżjoni ta' l-acquis communautaire tkun użata biex tkabbar il-kontenut leġiżlattiv tad-direttivi settorjali eżistenti jew biex jiġu introdotti direttivi supplimentari;

8.

Jikkunsidra li l-istrument orizzontali għandu japplika bl-aktar mod wiesa' għall-kuntratti kollha konklużi mal-konsumaturi, kemm jekk dawn ikunu għal tranżazzjonijiet nazzjonali kif ukoll dawk transkonfinali, sabiex tiġi evitata l-introduzzjoni ta' element ġdid ta' kumplessità, bl-impożizzjoni fuq il-konsumatur ta' reġimi legali differenti skond in-natura tat-tranżazzjoni;

9.

Ifakkar li l-armonizzazzjoni m'għandhiex twassal għal tnaqqis fil-livell ta' ħarsien tal-konsumatur li diġà nkiseb permezz ta' ċerti dispożizzjonijiet nazzjonali, imma li din għandha twassal għal livell ta' ħarsien tal-konsumatur komparabbli fl-Istati Membri kollha;

10.

Jilqa' b'sodisfazzjon il-proposta tal-Kummissjoni għal strument orizzontali u jirrikonoxxi l-vantaġġi li tista' tippreżenta dik li xi wħud qed isejħu direttiva fundamentali dwar id-drittijiet tal-konsumatur; jissuġġerixxi li, għall-istrument orrizontali, mal-kwistjonijiet transversali, wieħed jibda mill-prinċipju ta' l-armonizzazzjoni massima mmirata, ħaġa li għandha tiffavorixxi l-koerenza tal-kunċetti u s-suppressjoni tal-lakuni u l-inadegwezza;

11.

Jissuġġerixxi li l-għodod settorjali li huma suġġetti għal din ir-reviżjoni jkunu msejsa fuq il-prinċipju ta' l-armonizzazzjoni minima, ikkombinata mal-prinċipju tar-rikonoxximent reċiproku f'dak li jikkonċerna lqasam ikkoordinat; jinnota, madanakollu, li dan ma jeskludix armonizzazzjoni massima mmirata fejn din tkun meħtieġa fl-interess tal-konsumatur u f'dak tal-professjonisti;

12.

Ifakkar li, fl-istat attwali tal-dritt, f'dak li jikkonċerna l-qasam mhux koordinat, il-liġi applikabbli tiġi determinata mir-regoli tal-liġi privata internazzjonali, b'mod partikulari mill-Konvenzjoni ta' Ruma tad-19 ta' Ġunju 1980 dwar il-liġi applikabbli għall-obbligi kuntrattwali (Ruma I); hu xieraq li f'dan ir-rigward, waqt id-diskussjonijiet kurrenti jkun żgurat li jiġu evitati diverġenzi bejn din il-Konvenzjoni u l-atti ġuridiċi Komunitarji speċifiċi;

13.

Jissuġġerixxi li fl-għodod settorjali tiddaħħal klawsola dwar is-suq intern li tippermetti lill-konsumatur li jibbenefika bis-sħiħ mis-suq intern;

14.

Jinnota li l-paragrafi 4 u 5 ta' l-Anness I tal-Green Paper jinkludu lista ddettaljata ta' kwistjonijiet legali kuntrattwali dwar il-kuntratti konklużi mal-konsumaturi u li wħud minn dawn il-kwistjonijiet diġà ġew trattati fil-qafas tal-ħidma fuq il-qafas komuni ta' referenza; jinnota li ħafna minnhom huma ta' natura primarjament “politika” u li, għalhekk, jekk regola ġenerali għandha tiġi integrata f'istrument armonizzat fillivell Komunitarju, se jkun hemm bżonn li wieħed jipproċedi għal dibattitu kbir u għal eżami fil-fond, inkluż fil-livell pubbliku;

15.

hu favur l-inklużjoni ta' strument orrizontali ta' ċerti kwistjonijiet orrizontali, applikabbli għall-kuntratti kollha tal-konsum, peress li dawn jiffavorixxu, pereżempju, il-koerenza tad-definizzjonijiet komuni, tad-dispożizzjonijiet ġenerali dwar l-eżiġenzi fil-qasam ta' l-informazzjoni u l-elaborazzjoni tat-tħaddim tad-dritt għall-irtirar;

16.

Jikkunsidra li d-definizzjonijiet ta' “konsumatur” u ta' “professjonist” la huma konsistenti fil-leġiżlazzjoni Komunitarja u lanqas fil-leġiżlazzjoni nazzjonali, u li l-kjarifika ta' dawn il-kunċetti fl-istrument orizzontali hija essenzjali minħabba li dawn jiddeterminaw il-kamp ta' applikazzjoni tal-liġi tal-konsum;

17.

Jikkunsidra li huwa essenzjali li d-definizzjoni ta' “konsumatur” għandha tinkludi kwalunkwe persuna fiżika li topera għal skopijiet li ma jidħlux fil-qafas ta' l-attività professjonali tagħha; jikkunsidra ukoll meħtieġ li “professjonist” jiġi definit bħala kwalunkwe persuna li topera fil-qafas ta' l-attività professjonali tagħha;

18.

Jipproponi, barra minn dan, li d-definizzjonijiet supplimentari, bħal dawk għal “forom bil-miktub” u “appoġġi sostenibbli tad-data”, ikunu inklużi fl-istrument orrizontali;

19.

Hu kontra d-dħul ta' klawsola ġenerali ta' bona fide u lealtà applikabbli għall-kuntratti ta' konsum flistrument orrizontali;

20.

Ma jikkunsidrax li hu xieraq li jiġu applikati r-regoli dwar il-klawsoli abbużivi għal klawsoli li jkunu suġġetti għal innegozjar individwali, sabiex ikun evitat li l-libertà kuntrattwali tal-partijiet kontraenti tkun ristretta;

21.

Jikkunsidra li, sabiex tissaħħaħ il-fiduċja tal-konsumaturi fis-suq intern, ikun jaqbel li jitwaqqfu arranġamenti li joffru aktar protezzjoni, filwaqt li jinżamm marġini ta' flessibilità; jitlob lill-Kummissjoni biex teżamina iktar fil-fond l-użu ta' formula li tikkombina lista sewda ta' klawsoli pprojbiti u lista griża ta' klawsoli meqjusin abbużivi u klawsoli oħra li l-konsumatur ikun jista' juri li huma ta' natura abbużiva permezz ta' proċeduri legali, fuq il-bażi ta' kriterji armonizzati u stabbiliti minn qabel;

22.

Jirrifjuta l-idea li l-evalwazzjoni tan-natura abbużiva tiġi estiża għall-klawsoli essenzjali kollha talkuntratt, inklużi dawk dwar is-suġġett prinċipali u dwar l-adegwadezza tal-prezz, b'kont meħud tal-prinċipju tal-libertà kuntrattwali;

23.

Jikkunsidra li, f'dan l-istadju, huwa kumpless li tiġi determinata regolamentazzjoni ġenerali dwar leffetti kuntrattwali tan-nuqqas ta' komunikazzjoni ta' informazzjoni li tikkunsidra l-karatteristiċi ta' kull kuntratt;

24.

Jenfasizza l-ħtieġa li għandu jkun hemm modalità waħda għall-kalkolu tal-bidu tal-perjodu u għallkalkolu tal-perjodu, billi tingħata preferenza lill-mod ta' kalkolu skond il-ġranet kalendarji, sabiex tissaħħaħ is-sigurtà legali tat-tranżazzjonijiet;

25.

Jikkunsidra li t-tul tal-perjodi għandu jkun armonizzat, meta dan ikun iġġustifikat b'mod objettiv;

26.

Jissottolinja li l-fiduċja tal-konsumatur fis-suq intern tissaħħaħ jekk l-istrument orizzontali jipprevedi li l-konsumatur ikun jista' jirtira mill-kuntratt; jikkunsidra li l-modalitajiet għall-irtirat għandhom ikunu armonizzati sabiex tittejjeb is-sigurtà legali, kemm għall-konsumaturi kif ukoll għall-operaturi ekonomiċi; jikkunsidra ukoll li l-istrument orizzontali għandu jiddikjara li l-konsumaturi m'għandhomx iġarrbu spejjeż oħra għajr l-ispejjeż diretti biex il-merkanzija tintbagħat lura;

27.

Hu ta' l-opinjoni li, fil-qafas ta' strument orrizontali, l-Istati Membri jistgħu, fil-livell nazzjonali, jipprovdu għal eċċezzjonijiet mid-dritt għall-irtirar, jekk il-kuntratt ikun sar taħt il-forma ta' att awtentiku;

28.

Jikkunsidra li l-introduzzjoni ta' “mudell standard ta' irtirar” bil-lingwi kollha Komunitarji jissimplifika l-proċeduri, inaqqas l-ispejjeż u jsaħħaħ it-trasparenza u l-fiduċja tal-konsumaturi;

29.

Huwa tal-fehma li l-introduzzjoni ta' rimedji kuntrattwali ġenerali tmur lilhinn mill-iskop ta' din irreviżjoni għaliex dan il-kunċett jaqa' taħt il-liġi tal-kuntratti fis-seħħ f'kull wieħed mill-Istati Membri;

30.

Ifakkar fid-dibattitu dwar ir-rimedji kollettivi (“collective redress”) u jemmen li dawn jixirqilhom aktar riflessjoni;

31.

Jikkunsidra li hu xieraq li jiġu eżaminati l-kwistjonijiet dwar il-ħarsien tal-konsumaturi meta dawn jikkonkludu kuntratti dwar il-forniment ta' kontenut diġitali, ta' software u ta' data , b'kunsiderazzjoni tallivell ta' ħarsien garantit mid-Direttiva 1999/44/KE dwar ċerti aspetti tal-bejgħ u tal-garanziji ta' l-oġġetti ta' konsum; jitlob lill-Kummissjoni biex tanalizza din il-kwistjoni fil-fond bl-għan li tiddetermina jekk hux xieraq li tipproponi regolamentazzjoni/jiet speċifika/ċi jew li testendi r-regoli msemmija fid-direttiva msemmija għal dan it-tip ta' kuntratt;

32.

Jipproponi li din il-kwistjoni ma taqax taħt il-kamp ta' applikazzjoni ta' l-istrument orizzontali u li tinżamm il-possibilità f'idejn l-Istati Membri biex jipprevedu li l-kunċett ta' oġġetti għall-konsum ma jinkludix oġġetti użati mibjugħa b'subbasta; jirrakkomanda, madanakollu, li jiġu adottati regoli speċifiċi għallirkanti online;

33.

Jikkunsidra li l-kunċett ta' twassil għad-destinazzjoni u r-regolamentazzjoni tat-trasferiment tar-riskju huma marbuta b'mod strett; jipproponi, allura, li fl-istrument orrizontali tiddaħħal definizzjoni komuni talkunċett ta' twassil għad-destinazzjoni, li fiha l-prijorità bażikament għandha tingħata lil ftehima kuntrattwali;

34.

Jikkunsidra li l-istrument orizzontali jista' jtawwal għalxejn it-tul tal-garanzija legali tat-tul tal-perjodu ta' l-immobilizzazzjoni ta' l-oġġett minħabba tiswija;

35.

Jissottolinja, madanakollu, li l-istrument orizzontali m'għandux jinkludi regoli speċifiċi għal oġġetti użata, sabiex jiġu rrispettati r-regoli adottati mill-Istati Membri skond l-użanzi legali tagħhom stess;

36.

Jipproponi li jinżamm il-prinċipju ta' preżunzjoni sempliċi fil-forma attwali tagħha;

37.

Jikkunsidra li l-istrument orizzontali jista' japplika sistema ta' rimedju fil-każ ta' twettiq ħażin tasservizz, waqt li l-kanċellazzjoni tal-kuntratt ta' bejgħ jkun riżervat għall-każi ta' nuqqas ta' twettiq sħiħ talkuntratt jew għall-ksur partikolarment serju tal-kuntratt;

38.

Jikkunsidra li jkun xieraq li l-istrument orizzontali jelimina d-differenzi eżistenti fil-qasam tan-notifika tan-nuqqas ta' konformità li attwalment huma sors ta' konfużjoni;

39.

Jikkunsidra li mhux relevanti li tiġi inkluża r-responsabilità diretta tal-produtturi minħabba n-nuqqas ta' konformità;

40.

Jissottolinja li l-kwistjonijiet kollha rigward il-garanzija kummerċjali (kontenut, trasferiment, limitazzjoni) ma jaqgħux taħt qafas ġuridiku imma taħt il-prinċipju tal-libertà kuntrattwali; jikkunsidra, għalhekk, li dawn il-kwistjonijiet m'għandhomx jagħmlu parti mill-istrument orizzontali;

41.

jissottolinja li r-reviżjoni, li tikkonċerna l-kuntratti mal-konsumaturi, għandha tiġi integrata b'mod koerenti fil-ħidmiet li jsiru dwar il-liġi tal-kuntratti b'mod ġenerali, fil-proċess ta' l-istabbiliment tal-qafas komuni ta' referenza(QKR); jissottolinja, konsegwentament, li r-reviżjoni u l-ħidmiet marbuta mal-qafas komuni ta' referenza għandhom jiżvolġu ruħhom b'mod kumplimentari, filwaqt li jkun rikonoxxut li din il-kwistjoni ta' koerenza ma tkun tista' la tinvolvi u lanqas iddewwem il-proċess ta' reviżjoni;

42.

Jenfasizza l-ħtieġa li tiġi żgurata l-effikaċità tal-liġi tal-konsum, sabiex tissaħħaħ il-fiduċja tal-konsumaturi fis-suq intern;

43.

Iħeġġeġ lill-Kummissjoni biex ittejjeb l-istrumenti eżistenti għall-ħarsien tal-konsumatur u għall-informazzjoni effikaċji għalihom, inkluż billi tiżgura li jkun hemm applikazzjoni tajba tar-regoli fis-seħħ u li dawn jiġu osservati;

44.

Jitlob b'insistenza lill-Kummissjoni biex tevalwa bir-reqqa l-impatt tal-miżuri proposti fil-kuntest tarreviżjoni biex ikun żgurat li dawn itejbu l-fiduċja tal-konsumatur mingħajr ma jimponu spejjeż supplimentari fuq l-intrapriżi, b'mod partikulari l-intrapriżi żgħar u ta' daqs medju, u li dawn jikkontribwixxu għattwettiq tas-suq intern;

45.

Jitlob b'insistenza lill-Kummissjoni biex tiżgura li jkun hemm koordinazzjoni interna ta' l-azzjoni tagħha u biex tagħti privileġġ lill-iżvilupp koerenti tal-leġiżlazzjoni settorjali;

46.

Jissuġġerixxi l-applikazzjoni rigoruża tal-prinċipju ta' “leġiżlar aħjar”;

47.

Jitlob lill-Istati Membri biex isaħħu l-kooperazzjoni bejn l-awtoritajiet nazzjonali tagħhom li huma responsabbli mill-applikazzjoni tal-liġi tal-konsum, kif ukoll biex jiffaċilitaw ir-rimedji legali jew extra-legali tagħhom filwaqt li jippermettu li l-konsumaturi jinfurzaw id-drittijiet tagħhom fil-livell Ewropew;

48.

Jitlob lill-Istati Membri biex jassumu r-responsabilità tagħhom f'dak li jikkonċerna t-twettiq tas-suq intern ta' l-oġġetti u tas-servizzi u biex iżommu lura milli jirregolaw iżżejjed, u jinponu esiġenzi li ma jeżistux fil-leġiżlazzjoni kommunarja, fil-qasam tal-konsum; jitlob lill-Istati Membri biex, għall-kuntrarju, jadottaw strateġija koerenti bl-għan li tinħoloq armonizzazzjoni mmirata tal-leġiżlazzjoni f'dan il-qasam, flimkien ma' klawsola dwar is-suq intern li ssaħħaħ il-fiduċja tal-konsumatur fir-rigward ta' l-iffunzjonar ta' dan is-suq;

49.

Jappoġġja l-inizjattivi, kurrenti jew pjanati, tal-Kummissjoni għall-edukazzjoni tal-konsumaturi; jikkunsidra li ji sta' jsir ħafna aktar, permezz ta' kooperazzjoni bejn l-organiżmi pubbliċi u s-settur professjonali bl-għan li tiġi promossa edukazzjoni finanzjarja ta' kwalità, filwaqt li b'hekk jissaħħu l-litteriżmu finanzjarju, il-kwalità tal-prodotti u l-leġittimità tas-settur fit-totalità tiegħu; jilqa' b'sodisfazzjon l-istudju kkummissjonat dwar is-sistemi ta' promozzjoni tal-litteriżmu finanzjarju fl-Unjoni Ewropea u li r-riżultati tiegħu għandhom ikunu disponibbli għall-aħħar ta' l-2007;

50.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni kif ukoll lill-gvernijiet u lill-parlamenti ta' l-Istati Membri.

—

wara li kkunsidra l-ewwel sessjoni formali tal-Kunsill tas-Sigurtà tan-Nazzjonijiet Uniti dwar il-Burma, li saret fid-29 ta' Settembru 2006,

—

wara li kkunsidra l-istqarrija tas-Segretarju Ġenerali tan-NU Ban Ki-moon tat-18 ta' Lulju 2007 u l-ittra indirizzata lilu ffirmata minn 92 Membru Parlamentari Burman eletti, ta' l-1 ta' Awissu 2007, li inkludiet proposta għar-rikonċiljazzjoni nazzjonali u d-demokratizzazzjoni fil-Burma,

—

wara li kkunsidra d-denunċja bla preċedent tal-President tal-Kumitat Internazzjonali tas-Salib l-Aħmar, Jakob Kellenberger, tat-28 ta' Ġunju 2007, dwar ksur tal-liġi umanitarja internazzjonali mwettqa mill- Gvern tal-Burma kontra pajżani u persuni miżmuma, u t-talba tiegħu li l-Gvern tal-Burma jieħu azzjoni urġenti biex dan il-ksur jitwaqqaf u ma jerġax iseħħ,

—

wara li kkunsidra r-Regolament tal-Kummissjoni (KE) Nru 481/2007 tas-27 ta' April 2007 (1), li jġedded miżuri restrittivi kontra l-Burma,

—

wara li kkunsidra d-deċiżjoni tal-Gvern ta' l-Istati Uniti ta' l-1 ta' Awissu 2007 biex iġedded ir-restrizzjonijiet fuq l-importazzjoni msemmija fil-“Burmese Freedom and Democracy Act” ta' l-2003,

—

wara li kkunsidra t-talba pubblika tat-23 ta' Awissu 2007 mill-Kap tal-Caucus Inter-Parlamentari ta' l- Assoċjazzjoni tan-Nazzjonijiet ta' l-Asja tax-Xlokk (ASEAN), Zaid Ibrahim, biex iċ-Ċina tuża l-influwenza tagħha sabiex issolvi l-kriżi fil-Burma,

—

wara li kkunsidra t-tmien laqgħa ta' l-Asja-Ewropa (ASEM) tal-Ministri għall-Affarijiet Barranin li saret fil-Ġermanja fit-28 u d-29 ta' Mejju 2007,

—

wara li kkunsidra d-dikjarazzjoni tal-grupp “88 Generation Students” tat-8 ta' Awissu 2007, biex ifakkar is-17 anniversarju tar-rebħa tal-Lega Nazzjonali għad-Demokrazija (NLD) fl-elezzjonijiet parlamentari tas-27 ta' Mejju 1990, li tikkundanna l-proposti kostituzzjonali li qed isiru fil-Konvenzjoni Nazzjonali, li daħlet fl-aħħar fażi tagħha fit-18 ta' Lulju 2007,

—

wara li kkunsidra r-rapport preċedenti tat-18 ta' Lulju 2007 tal-“Human Rights Watch” li l-kostituzzjoni l-ġdida proposta għall-Burma żżomm sistema ripressiva ta' tmexxija militari,

—

wara li kkunsidra r-riżoluzzjonijiet tiegħu tat-12 ta' Mejju 2005 (2), tas-17 ta' Novembru 2005 (3), ta' l-14 ta' Diċembru 2006 (4) u tal-21 ta' Ġunju 2007 (5) dwar il-Burma,