Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62021TN0302

Kawża T-302/21: Rikors ippreżentat fis-27 ta’ Mejju 2021 – ABOCA et vs Il-Kummissjoni

ĠU C 289, 19.7.2021, p. 45–46 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

19.7.2021   

MT

Il-Ġurnal Uffiċjali tal-Unjoni Ewropea

C 289/45

Rikors ippreżentat fis-27 ta’ Mejju 2021 – ABOCA et vs Il-Kummissjoni

(Kawża T-302/21)

(2021/C 289/61)

Lingwa tal-kawża: l-Ingliż

Partijiet

Rikorrenti: ABOCA SpA Società Agricola (Sansepolcro, l-Italja), Coswell SpA (Funo di Argelato, l-Italja), Associação portuguesa de suplementos alimentares (Apard) (Lisbona, il-Portugall) (rappreżentanti: B. Kelly, Solicitor, K. Ewert, avukat, D. Scannell, u C. Thomas, Barrister)

Konvenuta: Il-Kummissjoni Ewropea

Talbiet

Ir-rikorrenti jitolbu li l-Qorti Ġenerali jogħġobha tannulla r-Regolament tal-Kummissjoni (UE) 2021/468 tat-18 ta’ Marzu 2021 li jemenda l-Anness III tar-Regolament (KE) Nru 1925/2006 tal-Parlament Ewropew u tal-Kunsill tal-20 ta’ Diċembru 2006 rigward l-ispeċijiet botaniċi li fihom derivati tal-idrossiantraċen (1) (iktar ’il quddiem ir-“Regolament ikkontestat”), kompletament jew (alternattivament) parzjalment, u tikkundanna lill-Kummissjoni għall-ispejjeż.

Motivi u argumenti prinċipali

Insostenn tar-rikors tagħhom, ir-rikorrenti jinvokaw tliet motivi.

1.

L-ewwel motiv ibbażat fuq l-allegazzjoni li d-deċiżjoni tal-Kummissjoni li tipproċedi taħt ir-Regolament (KE) 1925/2006 (iktar ’il quddiem ir-“Regolament tal-Additivi”) hija illegali:

—

L-użu fir-Regolament ikkontestat tal-kelma “preparazzjonijiet” jidher li jipprova jipprojbixxi l-użu ta’ ingredjenti ta’ pjanti sħaħ u estratti botaniċi naturali bħala ikel. Ir-Regolament tal-Additivi ma jagħtix lill-Kummissjoni s-setgħa li tipprojbixxi prodotti tal-ikel.

—

Il-Kummissjoni kellha ssegwi l-proċedura iktar stretta u t-test legali skont id-Direttiva 2002/46/KE.

2.

It-tieni motiv ibbażat fuq l-allegazzjoni li r-regolament ikkontestat huwa legalment inċert:

—

L-applikanti ma jistgħux jiddeterminaw jekk il-prodotti tagħhom humiex suġġetti għal skrutinju addizzjonali taħt l-Artikolu 1(2) tar-regolament ikkontestat peress li t-tifsira ta’ “preparazzjonijiet” fil-kuntest tar-Regolament tal-Additivi hija inċerta.

—

Ir-relazzjoni bejn iż-żewġ artikoli tar-Regolament tal-Additivi hija inċerta.

—

Fi kwalunkwe każ, ir-regolament ikkontestat jikser il-prinċipju ta’ nondiskriminazzjoni billi għandu fil-mira l-prodotti tar-rikorrenti u mhux il-ħafna prodotti tal-ikel, li wkoll jinkludu derivati tal-idrossiantraċen fi kwantitajiet simili.

3.

It-tielet motiv ibbażat fuq l-allegazzjoni li l-analiżi tal-2017 tal-Awtorità Ewropea dwar is-Sigurtà fl-Ikel (EFSA) ma huwiex ta’ natura li jissodisfa t-test legali meħtieġ taħt ir-Regolament tal-Additivi:

—

It-test legali applikabbli jeżiġi effett dannuż identifikabbli fuq is-saħħa tal-bniedem sabiex is-sustanzi rilevanti jitqiegħdu fl-Anness tar-Regolament tal-Additivi.

—

Il-konklużjonijiet tal-EFSA ma identifikawx effett dannuż fuq is-saħħa tal-bniedem.

—

L-approċċ tal-Kummissjoni huwa sproporzjonat peress li ma jissodisfax it-test ta’ “ħtieġa” stabbilit fir-Regolament tal-Additivi.

—

Il-Kummissjoni ma ħaditx inkunsiderazzjoni data ppubblikata sa mill-2017, li turi li ma jirriżulta l-ebda effett dannuż fuq is-saħħa tal-bniedem mill-konsum tas-sustanzi rilevanti.

(1)  ĠU 2021, L 96, p. 6.

Top