—

tannulla d-Deċiżjoni tal-Kummissjoni (UE) 2019/1352 tat-2 ta’ April 2019 dwar l-Għajnuna mill-Istat SA.44896 implimentata mir-Renju Unit dwar l-Eżenzjoni mill-Finanzjament tal-Gruppi ta' CFC (ĠU 2019 L 216, p. 1);

—

tikkundanna lill-konvenuta tbati l-ispejjeż tar-rikorrenti.

1.

L-ewwel motiv, li jallega li l-Kummissjoni applikat b’mod żbaljat l-Artikolu 107(1) TFUE u/jew wettqet żball manifest ta’ evalwazzjoni fl-għażla tagħha tal-qafas ta’ referenza għall-analiżi tas-sistema ta’ taxxa. Ir-rikorrenti targumenta li l-konvenuta imissha ttrattat il-qafas ta’ referenza bħala s-sistema tat-taxxa fuq il-kumpanniji tar-Renju Unit, u mhux sempliċiment is-sistema tal-Korporazzjoni Kkontrollata minn barra l-Pajjiż (CFC) stess.

2.

It-tieni motiv, li jallega li l-konvenuta wettqet żball ta’ liġi fl-applikazzjoni tagħha tal-Artikolu 107(1) TFUE u/jew wettqet żball manifest ta’ evalwazzjoni meta adottat approċċ difettuż għall-analiżi tas-sistema CFC. Fil-premessi (124) sa (126) tad-deċiżjoni kkontestata, il-Kummissjoni ttrattat b’mod żbaljat id-dispożizzjonijiet tal-Kapitolu 9 tal-Parti 9A tat-Taxation (International and Other Provisions) Act 2010 bħala forma ta’ deroga minn imposta ta’ taxxa ġenerali li tinsab fil-Kapitolu 5 tiegħu.

3.

It-tielet motiv, li jallega li l-Kummissjoni wettqet żball ta’ liġi fl-applikazzjoni tagħha tal-Artikolu 107(1) TFUE meta fil-premessi (127) sa (151) tad-deċiżjoni kkontestata qieset li l-kriterju tas-selettività kien sodisfatt peress li impriżi li jinsabu f’pożizzjonijiet fattwalment u legalment paragunabbli kienu ttrattati b’mod differenti.

4.

Ir-raba’ motiv, li jallega li l-eżenzjoni ta’ 75 % skont l-Artikolu 371ID tat-Taxation (International and Other Provisions) Act 2010 hija ġġustifikat min-natura u mill-istruttura ġenerali tas-sistema ta’ taxxa.

5.

Il-ħames motiv, li jallega li l-impożizzjoni ta’ oneru ta’ taxxa fuq CFC li tissodisfa l-eżenzjonijiet stabbiliti fl-imsemmi Kapitolu 9 bħala klassi tikser il-libertà ta’ stabbiliment tar-rikorrenti bi ksur tal-Artikolu 49 TFUE.

6.

Is-sitt motiv, li jallega li kien hemm żball manifest ta’ evalwazzjoni fir-rigward tal-kwistjonijiet tal-eżenzjoni ta’ 75 % u tal-proporzjon fiss.

7.

Is-seba’ motiv, li jallega li d-deċiżjoni tal-Kummissjoni ma tikkonformax mal-prinċipju ġenerali tal-liġi tal-Unjoni ta’ nondiskriminazzjoni jew ta’ ugwaljanza.

8.

It-tmien motiv, li jallega li l-Kummissjoni wettqet żball ta’ liġi meta applikat b’analoġija jew meta bbażat ruħha b’mod inġustifikat fuq it-termini tad-Direttiva tal-Kunsill (UE) 2016/1164 (1), li ma kienx japplika ratione temporis.

9.

Id-disa’ motiv, li jallega li l-Kummissjoni wettqet żball ta’ liġi fl-applikazzjoni tagħha tal-Artikolu 107(1) TFUE meta fil-premessa (176) tad-deċiżjoni kkontestata sabet li teżisti klassi ta’ benefiċjarji (li r-rikorrenti tifforma parti minnha) u li kienet kisbet kwalunkwe għajnuna li kellha tiġi rkuprata skont l-Artikolu 2(1) tad-deċiżjoni kkontestata.