29.1.2018   

MT

Il-Ġurnal Uffiċjali tal-Unjoni Ewropea

C 32/33

—

tannulla d-deċiżjoni tal-Kummissjoni tal-14 ta’ Awwissu 2017 (C(2017) 5622 final) fil-Każ SA.38101 (2015/NN)(ex 2013/CP) — il-Ġreċja: Allegata Għajnuna mill-Istat lil Aluminium S.A. fil-forma ta’ tariffi tal-elettriku inqas mill-ispiża wara deċiżjoni ta’ arbitraġġ, sa fejn tħassar l-atti tal-Kummissjoni tat-12 ta’ Marzu 2014 u tal-25 ta’ Marzu 2015;

—

tannulla d-deċiżjoni tal-Kummissjoni tal-14 ta’ Awwissu 2017 (C(2017) 5622 final) fil-Każ SA.38101 (2015/NN)(ex 2013/CP), sa fejn tikkonstata li ebda għajnunna mill-Istat ma nħarġet lil Aluminium u, konsegwentement, li l-Kummissjoni ma kinitx obbligata tibda l-proċedura ta’ investigazzjoni formali kif prevista fl-Artikolu 108(2) TFUE;

—

tannulla d-deċiżjoni tal-Kummissjoni tal-14 ta’ Awwissu 2017 (C(2017) 5622 final) fil-Każ SA.38101 (2015/NN)(ex 2013/CP), sa fejn tikkonstata li l-ilment ta’ DEI, dwar l-għajnuna mill-Istat li ngħatat fuq il-bażi tar-raġunijiet tad-Deċiżjoni 346/2012 tar-RAE [ir-Regolatur tal-Enerġija Ġrieġ], kien sar bla skop minħabba d-Deċiżjoni 1/2013 tat-Tribunal tal-Arbitraġġ fil-kuntest tal-arbitraġġ permanenti tar-RAE; u

—

tikkundanna lill-Kummissjoni għall-ispejjeż ta’ DEI.

1.

L-ewwel motiv ibbażat fuq żball ta’ liġi manifest fl-interpretazzjoni tas-sentenza tal-Qorti tal-Ġustizzja fil-Kawża C-228/16 P, u kontradizzjoni tad-deċiżjoni f’din il-kawża.

2.

It-tieni motiv ibbażat fuq implementazzjoni inadegwata tal-obbligi tal-Kummissjoni taħt l-Artikolu 24(2) tar-Regolament 2015/1589 (1) u ksur ta’ dan l-artikolu u tad-dritt għal smiegħ xieraq, kif ukoll ksur tal-Karta tad-Drittijiet Fundamentali tal-Unjoni Ewropea.

3.

It-tielet motiv ibbażat fuq assenza ta’ motivazzjoni suffiċjenti, kontradizzjoni u ksur tal-obbligu ta’ eżami tal-punti rilevanti kollha ta’ fatt u ta’ dritt fir-rigward tal-konstatazzjoni li l-ftehim ta’ arbitraġġ, li bħala konsegwenza tiegħu kienet inħarġet id-Deċiżjoni 1/2013 imsemmija hawn fuq, kien stabbilixxa “parametri ċari u oġġettivi” li “jilliminatw id-diskrezzjonalità tal-arbitri” u kellu bħala “konsegwenza loġika” t-tariffa tal-elettriku kif ġiet stabbilita fl-aħħar.

4.

Ir-raba’ motiv ibbażat fuq żball ta’ liġi manifest fl-interpretazzjoni u fl-applikazzjoni tal-prinċipju ta’ investitur privat prudenti, u tal-Artikoli 107(1) u 108(2) TFUE, fir-rigward tal-konstatazzjoni li t-tariffa tal-elettriku stabbilita bid-deċiżjoni tat-Tribunal tal-Arbitraġġ hija l-“konsegwenza loġika ta’ parametri ddefiniti sew fil-ftehim ta’ arbitraġġ”.

5.

Il-ħames motiv ibbażat fuq żball ta’ liġi manifest fl-interpretazzjoni u fl-applikazzjoni tal-Artikoli 107 u 108 TFUE, fir-rigward tal-konstatazzjoni li l-Kummissjoni ma kinitx marbuta tidħol f’evalwazzjonijiet ekonomiċi kumplessi, u żball ta’ liġi manifest kif ukoll żball ta’ evalwazzjoni manifest fir-rigward taċ-ċirkustanzi fattwali sa fejn il-Kummissjoni naqset milli teżmina aspetti kruċjali li jirrigwardaw il-konstatazzjoni jekk kienx hemm għajnuna mill-Istat jew le.

6.

Is-sitt motiv ibbażat fuq żball ta’ liġi manifest fl-applikazzjoni tal-Artikoli 107(1) u 108(2) TFUE, u żball ta’ evalwazzjoni manifest fir-rigward taċ-ċirkustanzi fattwali li jikkonċernaw l-applikazzjoni tat-test ta’ operatur privat prudenti f’ekonomija tas-suq.

7.

Is-seba’ motiv ibbażat fuq żball ta’ liġi manifest fl-interpretazzjoni u fl-applikazzjoni tal-Artikolu 107(1) TFUE, ksur tal-obbligu ta’ motivazzjoni, u żball ta’ evalwazzjoni manifest fir-rigward taċ-ċirkustanzi fattwali fid-deċiżjoni tal-Kummissjoni li ma tkomplix tinvestiga l-ilment magħmul minn DEI fl-2012, skont l-Artikolu 108 (2) TFUE, fuq il-bażi tal-konstatazzjoni li l-ilment “kien sar bla skop” wara l-ħruġ tad-Deċiżjoni 1/2013 tat-Tribunal ta’ Arbitraġġ.