Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62015TN0664

Kawża T-664/15: Rikors ippreżentat fit-13 ta’ Novembru 2015 – Borg vs Il-Parlament

ĠU C 48, 8.2.2016, p. 77–78 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

8.2.2016   

MT

Il-Ġurnal Uffiċjali tal-Unjoni Ewropea

C 48/77

Rikors ippreżentat fit-13 ta’ Novembru 2015 – Borg vs Il-Parlament

(Kawża T-664/15)

(2016/C 048/85)

Lingwa tal-kawża: l-Ingliż

Partijiet

Rikorrenti: Jacob Borg (San Ġiljan, Malta) (rappreżentant: N. Pirc Musar, lawyer)

Konvenut: Il-Parlament Ewropew

Talbiet

Ir-rikorrent jitlob li l-Qorti Ġenerali jogħġobha:

—

tannulla d-Deċiżjoni A(2015)8486 C tal-Parlament Ewropew tal-15 ta’ Settembru 2015 li tiċħad ir-rikors konfermatorju tar-rikorrent għal access għal ċerti dokumenti marbuta ma’ informazzjoni dwar l-ispejjeż tal-ivvjaġġar tal-membri tal-Parlament Ewropew, l-allowances ta’ kuljum, l-allowances tal-infiq ġenerali u l-ispejjeż marbuta mal-arranġamenti għar-reklutaġġ tal-persunal;

—

tikkundanna lill-Parlament għall-ispejjeż tar-rikorrent skont l-Artikoli 134 u 140 tar-Regoli tal-Proċedura tal-Qorti Ġenerali, inklużi l-ispejjeż tal-partijiet intervenjenti.

Motivi u argumenti prinċipali

Insostenn tar-rikors tiegħu, ir-rikorrent jinvoka ħames motivi

1.

L-ewwel motiv huwa bbażat fuq l-allegazzjoni ta’ ksur tal-Artikolu 4(1)(b) tar-Regolament 1049/2001 (1) moqri flimkien mal-Artikolu 8(b) tar-Regolament 45/2001 (2), peress li d-data personali rikjesta ma hijiex protetta skont il-leġiżlazzjoni Komunitarja

2.

It-tieni motiv huwa bbażat fuq l-allegazzjoni ta’ ksur tal-Artikolu 4(1)(b) tar-Regolament 1049/2001 moqri flimkien mal-Artikolu 8(b) tar-Regolament 45/2001, peress li l-aċċess għall-informazzjoni rikjesta ġie rrifjutat, minkejja li kienu intlaħqu l-kundizzjonijiet għall-iżvelar

3.

It-tielet motiv huwa bbażat fuq l-allegazzjoni ta’ ksur tal-obbligu ġenerali, skont l-Artikoli 2 u 4 tar-Regolament 1049/2001 moqrija flimkien mal-Artikolu 6(3) tar-Regolament 1049/2001, li għandu jsir eżami ta’ kull dokument individwali

4.

Ir-raba’ motiv huwa bbażat fuq l-allegazzjoni ta’ ksur tal-Artikolu 4(6) tar-Regolament 1049/2001, peress li r-rifjut li jingħata access parzjali għad-dokumenti rikjesti ma kienx iġġustifikat

5.

Il-ħames motiv huwa bbażat fuq l-allegazzjoni ta’ ksur tal-obbligu ta’ morivazzjoni skont l-Artikoli 7(1) u 8(1) tar-Regolament 1049/2001, peress li l-Parlament naqas milli jindirizza l-argumenti tar-rikorrent

(1)  Ir-Regolament (KE) Nru 1049/2001 tal-Parlament Ewropew u tal-Kunsill, tat-30 ta’ Mejju 2001, dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni (ĠU Edizzjoni Speċjali bil-Malti, Kapitolu 1, Vol. 3, p. 331).

(2)  Ir-Regolament (KE) Nru 45/2001 tal-Parlament Ewropew u tal-Kunsill, tat-18 ta’ Diċembru 2000, dwar il-protezzjoni ta’ individwu fir-rigward tal-ipproċessar ta’ data personali mill-istituzzjonijiet u l-korpi tal-Komunità u dwar il-movement liberu ta’ dak id-data (ĠU Edizzjoni Speċjali bil-Malti, Kapitolu 13, Vol. 26, p. 102).

Top