This document is an excerpt from the EUR-Lex website
Document 62015TN0651
Case T-651/15: Action brought on 13 November 2015 — Tchobanov v Parliament
Kawża T-651/15: Rikors ippreżentat fit-13 ta’ Novembru 2015 – Tchobanov vs Il-Parlament
Kawża T-651/15: Rikors ippreżentat fit-13 ta’ Novembru 2015 – Tchobanov vs Il-Parlament
ĠU C 48, 8.2.2016, p. 65–66
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
8.2.2016 |
MT |
Il-Ġurnal Uffiċjali tal-Unjoni Ewropea |
C 48/65 |
Rikors ippreżentat fit-13 ta’ Novembru 2015 – Tchobanov vs Il-Parlament
(Kawża T-651/15)
(2016/C 048/73)
Lingwa tal-kawża: l-Ingliż
Partijiet
Rikorrent: Atanas Tchobanov (Le Plessis Robinson, Franza) (rappreżentant: N. Pirc Musar, avukat)
Konvenut: Il-Parlament Ewropew
Talbiet
Ir-rikorrent jitlob li l-Qorti Ġenerali jogħġobha:
— |
tannulla d-Deċiżjoni A(2015)8659 C tal-Parlament Ewropew, tas-16 ta’ Settembru 2015. li tiċħad it-talba konfermattiva tar-rikorrent għal aċċess għal ċerti dokumenti relatati ma’ informazzjoni dwar spejjeż ta’ vvjaġġar, allowances ta’ residenza, allowances għal spejjeż ġenerali u spejjeż relatati mal-arranġamenti tal-persunal ta’ Membri tal-Parlament Ewropew; |
— |
tikkundanna lill-Parlament għall-ispejjeż tar-rikorrent skont l-Artikoli 134 u 140 tar-Regoli tal-Proċedura tal-Qorti Ġenerali, inklużi l-ispejjeż ta’ kull parti intervenjenti. |
Motivi u argumenti prinċipali
Insostenn tar-rikors tagħha, ir-rikorrent jinvoka ħames motivi.
1. |
L-ewwel motiv ibbażat fuq ksur tal-Artikolu 4(1)(b) tar-Regolament Nru 1049/2001 (1) flimkien mal-Artikolu 8(b) tar-Regolament Nru 45/2001 (2), peress li d-data personali mitluba ma hijiex protetta mil-leġiżlazzjoni Komunitarja. |
2. |
It-tieni motiv ibbażat fuq ksur tal-Artikolu 4(1)(b) tar-Regolament Nru 1049/2001 flimkien mal-Artikolu 8(b) tar-Regolament Nru 45/2001, sa fejn l-aċċess għall-informazzjoni mitluba ġie rrifjutat minkejja li r-rekwiżiti għall-iżvelar kienu ġew issodisfatti. |
3. |
It-tielet motiv ibbażat fuq ksur tal-obbligu ġenerali, previst fl-Artikoli 2 u 4 tar-Regolament Nru 1049/2001 flimkien mal-Artikolu 6(3) tar-Regolament Nru 1049/2001, li jiġi eżaminat kull dokument individwali. |
4. |
Ir-raba’ motiv ibbażat fuq ksur tal-Artikolu 4(6) tar-Regolament Nru 1049/2001, sa fejn ir-rifjut ta’ aċċess parzjali għad-dokumenti mitluba ma kienx iġġustifikat. |
5. |
Il-ħames motiv ibbażat fuq ksur tal-obbligu ta’ motivazzjoni kif previst fl-Artikoli 7(1) u 8(1) tar-Regolament Nru 1049/2001, sa fejn il-Parlament naqas milli jeżamina l-argumenti kollha tar-rikorrent. |
(1) Regolament (KE) Nru 1049/2001 tal-Parlament Ewropew u tal-Kunsill, tat-30 ta’ Mejju 2001, dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni (ĠU Edizzjoni Speċjali bil-Malti, Kapitolu 1, Vol. 3, p. 331)
(2) Regolament (KE) Nru 45/2001 tal-Parlament Ewropew u tal-Kunsill, tat-18 ta’ Diċembru 2000, dwar il-protezzjoni ta’ individwu fir-rigward tal-ipproċessar ta’ data personali mill-istituzzjonijiet u l-korpi tal-Komunità u dwar il-movement liberu ta’ dak id-data (ĠU Edizzjoni Speċjali bil-Malti, Kapitolu 13, Vol. 26, p. 102)