Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62015FN0099

Kawża F-99/15: Rikors ippreżentat fis-6 ta’ Lulju 2015 – ZZ et vs BEI

ĠU C 414, 14.12.2015, p. 40–41 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

14.12.2015   

MT

Il-Ġurnal Uffiċjali tal-Unjoni Ewropea

C 414/40

Rikors ippreżentat fis-6 ta’ Lulju 2015 – ZZ et vs BEI

(Kawża F-99/15)

(2015/C 414/50)

Lingwa tal-kawża: il-Franċiż

Partijiet

Rikorrenti: ZZ et (rappreżentant: L. Levi, avukat)

Konvenut: Il-Bank Ewropew tal-Investiment (BEI)

Suġġett u deskrizzjoni tat-tilwima

Talba għall-annullament tar-rendikonti tas-salarju ta’ April 2015 u tar-rendikonti tal-bonus ta’ April 2015 li, skont ir-rikorrenti, jimplementaw deċiżjonijiet li ma jirrispettawx id-drittijiet tagħhom f’dak li jirrigwarda l-progressjoni salarjali, u talba għad-danni fir-rigward tad-dannu materjali u morali allegatament imġarrab.

Talbiet

—

l-annullament tad-deċiżjonijiet li jiġu applikati għar-rikorrenti d-deċiżjoni tal-Bord tad-Diretturi tal-konvenut, tas-16 ta’ Diċembru 2014, li tiffissa progressjoni salarjali limitata għal 2,7 % u d-deċiżjoni tal-Kumitat ta’ Tmexxija tal-konvenut, tal-4 ta’ Frar 2015, li twassal għal telf ta’ salarju, deċiżjonijiet li jinsabu fir-rendikonti tas-salarju ta’ April 2015 u l-annullament, bl-istess mod, tad-deċiżjonijiet li jinsabu fir-rendikonti tas-salarju sussegwenti;

—

l-annullament tad-dikjarazzjonijiet dwar l-ippremjar tal-prestazzjoni ta’ 2015;

—

għaldaqstant, il-kundanna tal-konvenut

—

għall-ħlas tad-differenza fir-remunerazzjoni li tirriżulta mid-deċiżjonijiet iċċitati iktar ’il fuq tal-Bord tad-Diretturi tal-konvenut, tas-16 ta’ Diċembru 2014, u tal-Kumitat ta’ Tmexxija tal-konvenut, tal-4 ta’ Frar 2015, meta mqabbla mal-applikazzjoni tal-iskala ta’ mertu minima; din id-differenza fir-remunerazzjoni għandha tiżdied bl-interessi moratorji li jibdew jiddekorru mit-12 ta’ April 2015 u, sussegwentement, fit-12 ta’ kull xahar, sal-ħlas sħiħ, liema interessi għandhom ikunu ffissati bir-rata tal-BĊE miżjuda bi 3 punti;

—

għall-ħlas tad-differenza fir-remunerazzjoni li tirriżulta mill-applikazzjoni tar-rata ta’ 16,3 % fuq baġit salarjali ddefinit konformement mal-impenji tal-konvenut;

—

għall-ħlas ta’ danni fir-rigward tad-dannu mġarrab minħabba t-telf tal-kapaċità ta’ akkwist, liema dannu għandu jiġi stmat ex aequo et bono, u provviżorjament, għal 1,5 % tar-remunerazzjoni ta’ kull xahar;

—

għall-ħlas lil kull rikorrent ta’ EUR 1  000 bħala kumpens għad-dannu morali;

—

il-kundanna tal-konvenut għall-ispejjeż kollha.
Top