This document is an excerpt from the EUR-Lex website
Document 62015CN0538
Case C-538/15: Request for a preliminary ruling from the Juzgado de Primera Instancia de Olot (Spain) lodged on 15 October 2015 — Francesc de Bolós Pi v Urbaser, S.A.
Kawża C-538/15: Talba għal deċiżjoni preliminari mressqa mill-Juzgado de Primera Instancia de Olot (Spanja) fil-15 ta’ Otturbu 2015 – Francesc de Bolós Pi vs Urbaser, S.A.
Kawża C-538/15: Talba għal deċiżjoni preliminari mressqa mill-Juzgado de Primera Instancia de Olot (Spanja) fil-15 ta’ Otturbu 2015 – Francesc de Bolós Pi vs Urbaser, S.A.
ĠU C 429, 21.12.2015, p. 12–12
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
21.12.2015 |
MT |
Il-Ġurnal Uffiċjali tal-Unjoni Ewropea |
C 429/12 |
Talba għal deċiżjoni preliminari mressqa mill-Juzgado de Primera Instancia de Olot (Spanja) fil-15 ta’ Otturbu 2015 – Francesc de Bolós Pi vs Urbaser, S.A.
(Kawża C-538/15)
(2015/C 429/16)
Lingwa tal-kawża: l-Ispanjol
Qorti tar-rinviju
Juzgado de Primera Instancia de Olot
Partijiet fil-kawża prinċipali
Rikorrent: Francesc de Bolós Pi
Konvenuta: Urbaser, S.A.
Domandi preliminari
|
1. |
L-Artikolu 101 TFUE, moqri flimkien mal-Artikoli 10 u 4(3) TUE, huwa kompatibbli mar-regolament li jistabbilixxi t-tariffa li tapplika għar-rappreżentanti legali fil-qrati (procuradores), jiġifieri d-Digriet Irjali 1373/2003 tas-7 ta’ Novembru 2003, li jissuġġetta r-remunerazzjoni tagħhom għal tariffa jew għal skala minima, li tista’ tvarja ’l fuq jew ’l isfel bi 12 % meta la l-awtoritajiet tal-Istat Membru u lanqas il-qrati ma jistgħu jitbiegħdu minn dan l-ammont minimu anki fil-każ ta’ ċirkustanzi straordinarji? |
|
2. |
Għall-finijiet tal-applikazzjoni tal-imsemmija skala legali mingħajr l-applikazzjoni tal-ammonti minimi stabbiliti fiha: il-fatt li l-ammont tat-tariffi dovuti li jirriżulta bl-applikazzjoni ta’ din l-iskala huwa sproporzjonat meta mqabbel max-xogħol effettivament imwettaq jista’ jiġi kkunsidrat bħala ċirkustanzi straordinarji? |
|
3. |
Id-Digriet Irjali 1373/2006 huwa kompatibbli mal-Artikolu 56 TFUE? |
|
4. |
Dan id-digriet irjali jissodisfa r-rekwiżiti ta’ neċessità u ta’ proporzjonalità msemmija fl-Artikolu 15(3) tad-Direttiva 2006/123/KE (1)? |
|
5. |
L-Artikolu 6 tal-Konvenzjoni Ewropea dwar id-Drittijiet tal-Bniedem jinkludi d-dritt ta’ difiża effettiva quddiem determinazzjoni tat-tariffi ta’ rappreżentant legali (procurador) li jirriżultaw sproporzjonalment għolja u li ma jikkorrispondux max-xogħol li effettivament twettaq? |
(1) Direttiva 2006/123/KE tal-Parlament Ewropew u tal-Kunsill, tat-12 ta’ Diċembru 2006, dwar is-servizzi fis-suq intern (ĠU L 376, p. 36).