This document is an excerpt from the EUR-Lex website
Document 62015CN0501
Case C-501/15 P: Appeal brought on 22 September 2015 by Office for Harmonisation in the Internal Market (Trade Marks and Designs) against the judgment of the General Court (First Chamber) delivered on 15 July 2015 in Case T-24/13: Cactus S.A. v Office for Harmonisation in the Internal Market (Trade Marks and Designs)
Kawża C-501/15 P: Appell ippreżentat fit-22 ta’ Settembru 2015 mill-Uffiċċju għall-Armonizzazzjoni fis-Suq Intern (Trade marks u Disinni) mis-sentenza mogħtija mill-Qorti Ġenerali (L-Ewwel Awla) fil-15 ta’ Lulju 2015 fil-Kawża T-24/13 – Cactus S.A. vs L-Uffiċċju għall-Armonizzazzjoni fis-Suq Intern (Trade marks u Disinni)
Kawża C-501/15 P: Appell ippreżentat fit-22 ta’ Settembru 2015 mill-Uffiċċju għall-Armonizzazzjoni fis-Suq Intern (Trade marks u Disinni) mis-sentenza mogħtija mill-Qorti Ġenerali (L-Ewwel Awla) fil-15 ta’ Lulju 2015 fil-Kawża T-24/13 – Cactus S.A. vs L-Uffiċċju għall-Armonizzazzjoni fis-Suq Intern (Trade marks u Disinni)
ĠU C 414, 14.12.2015, p. 18–19
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
14.12.2015 |
MT |
Il-Ġurnal Uffiċjali tal-Unjoni Ewropea |
C 414/18 |
Appell ippreżentat fit-22 ta’ Settembru 2015 mill-Uffiċċju għall-Armonizzazzjoni fis-Suq Intern (Trade marks u Disinni) mis-sentenza mogħtija mill-Qorti Ġenerali (L-Ewwel Awla) fil-15 ta’ Lulju 2015 fil-Kawża T-24/13 – Cactus S.A. vs L-Uffiċċju għall-Armonizzazzjoni fis-Suq Intern (Trade marks u Disinni)
(Kawża C-501/15 P)
(2015/C 414/22)
Lingwa tal-kawża: l-Ingliż
Partijiet
Appellant: L-Uffiċċju għall-Armonizzazzjoni fis-Suq Intern (Trade marks u Disinni) (rappreżentant: A. Folliard-Monguiral, aġent)
Parti oħra fil-proċedura: Cactus S.A.
Talbiet
— |
tilqa’ l-appell fl-intier tiegħu; |
— |
tannulla s-sentenza appellata |
— |
tikkkundanna lil Cactus S.A. għall-ispejjeż sostnuti mill-UASI. |
Aggravji u argumenti prinċipali
Skont is-sentenza “IP Translator”, id-denominazzjoni tal-intesatura ta’ klassi tista’ tkopri l-prodotti jew servizzi kollha inklużi fil-lista alfabetika ta’ din il-klassi. Madankollu, din id-denominazzjoni ma tistax titqies bħala talba għall-prodotti u għas-servizzi kollha ta’ klassi partikolari. Il-Qorti Ġenerali applikat b’mod żbaljat is-sentenza “IP Translator” u kisret l-Artikolu 28 tar-Regolament dwar it-trade mark Komunitarja (1) u r-Regola 2 tar-Regolament Nru 2868/95 li jimplimenta r-Regolament tal-Kunsill (KE) Nru 40/94 dwar it-trade mark tal-Komunità, billi pparagunat il-kopertura tal-intestatura ta’ klassi fil-klassi 35 mas-servizzi kollha f’din il-klassi. Peress li la s-servizzi bl-imnut inkwantu tali u lanqas is-servizzi ta’ “bejgħ bl-imnut ta’ pjanti naturali ħajjin u fjuri, ċereali; frott u ħxejjex friski” ma huma inklużi fil-lista alfabetika fil-klassi 35, it-trade marks Komunitarji preċedenti ma humiex protetti fir-rigward ta’ dawn is-servizzi. Ir-rekwiżit li jiġu speċifikati l-prodotti jew tipi ta’ prodotti li għalihom is-servizzi bl-imnut jirrelataw, li japplika għat-trade marks kollha inklużi dawk li għalihom saret applikazzjoni qabel is-sentenza “Praktiker” huwa ostakolu ieħor għall-konklużjoni tal-Qorti Ġenerali li d-denominazzjoni astratta tal-intestatura ta’ klassi fil-klassi 35 testendi għal servizzi bl-imnut fir-rigward tal-prodotti possibbli kollha.
Il-konstatazzjoni li l-użu biss tal-kaktus stilizzat ma jbiddilx il-karattru distintiv tat-trade mark figurattiva preċedenti, skont it-tifsira tal-Artikolu 15(1)(a) tar-Regolament dwar it-trade mark Komunitarja, hija vvizzjata b’erba’ żbalji ta’ liġi. Meta bbażat il-konklużjoni tagħha biss fuq il-konkordanza semantika bejn il-logo u l-element verbali, il-Qorti Ġenerali naqset milli teżamina sa fejn l-element verbali “Cactus” kien distintiv u importanti fit-trade mark kumplessa preċedenti. Il-Qorti Ġenerali naqset milli tieħu inkunsiderazzjoni d-differenzi viżivi u (possibbli) fonetiċi bejn il-logo u t-trade mark kumplessa, billi bi żball ibbażat id-deċiżjoni tagħha fuq għarfien preċedenti li l-pubbliku fil-Lussemburgu għandu tat-trade mark kumplessa preċedenti u naqset milli tikkunsidra l-perċezzjoni tal-pubbliku Ewropew bħala ħaġa waħda.
(1) Regolament tal-Kunsill (KE) Nru 207/2009, tas-26 ta’ Frar 2009, dwar it-trade mark Komunitarja (ĠU L 78, p. 1).