This document is an excerpt from the EUR-Lex website
Document 62015CN0442
Case C-442/15 P: Appeal brought on 12 August 2015 by Pensa Pharma, SA against the judgment of the General Court (Second Chamber) delivered on 3 June 2015 in Case T-544/12: Pensa Pharma, SA v Office for Harmonisation in the Internal Market (Trade Marks and Designs), Ferring BV, Farmaceutisk Laboratorium Ferring A/S
Kawża C-442/15 P: Appell ippreżentat fit-12 ta’ Awwissu 2015 minn Pensa Pharma, SA mis-sentenza mogħtija mill-Qorti Ġenerali (It-Tieni Awla) fit-3 ta’ Ġunju 2015 fil-Kawża T-544/12:Pensa Pharma, SA vs L-Uffiċċju għall-Armonizzazzjoni fis-Suq Intern (Trade marks u Disinni), Ferring BV, Farmaceutisk Laboratorium Ferring A/S
Kawża C-442/15 P: Appell ippreżentat fit-12 ta’ Awwissu 2015 minn Pensa Pharma, SA mis-sentenza mogħtija mill-Qorti Ġenerali (It-Tieni Awla) fit-3 ta’ Ġunju 2015 fil-Kawża T-544/12:Pensa Pharma, SA vs L-Uffiċċju għall-Armonizzazzjoni fis-Suq Intern (Trade marks u Disinni), Ferring BV, Farmaceutisk Laboratorium Ferring A/S
ĠU C 414, 14.12.2015, p. 15–16
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
14.12.2015 |
MT |
Il-Ġurnal Uffiċjali tal-Unjoni Ewropea |
C 414/15 |
Appell ippreżentat fit-12 ta’ Awwissu 2015 minn Pensa Pharma, SA mis-sentenza mogħtija mill-Qorti Ġenerali (It-Tieni Awla) fit-3 ta’ Ġunju 2015 fil-Kawża T-544/12:Pensa Pharma, SA vs L-Uffiċċju għall-Armonizzazzjoni fis-Suq Intern (Trade marks u Disinni), Ferring BV, Farmaceutisk Laboratorium Ferring A/S
(Kawża C-442/15 P)
(2015/C 414/18)
Lingwa tal-kawża: l-Ingliż
Partijiet
Appellanti: Pensa Pharma, SA (rappreżentanti: R. Kunze, G. Würtenberger, avukat)
Partijiet oħra fil-proċedura: L-Uffiċċju għall-Armonizzazzjoni fis-Suq Intern (Trade marks u Disinni), Ferring BV, Farmaceutisk Laboratorium Ferring A/S
Talbiet tal-appellanti
— |
tannulla s-sentenza tal-Qorti Ġenerali tat-3 ta’ Ġunju 2015 fil-każijiet konġunti T-544/12 u T-546/12, |
— |
tilqa’ l-azzjoni għall-annullament ippreżentata minn Pensa Pharma S.A. kontra d-deċiżjonijiet tal-Bord tal-Appell fil-Każ R-1883/2011-5 kif ukoll il-Każ R-1884/2011-S |
— |
tikkundanna l-Uffiċċju u l-partijiet l-oħra għall-ispejjeż. |
Aggravji u argumenti prinċipali
1. |
L-appellanti ssostni li l-Qorti Ġenerali wettqet żball ta’ liġi kbir meta ċaħdet il-pretensjoni tal-appellanti li s-sottomissjonijiet magħmula waqt is-seduta quddiem il-Qorti Ġenerali kienu ammissibbli billi ma kienux ġodda iżda kienu jkabbru biss l-argumenti legali sottomessi preċedentement lill-Bord tal-Appell kif ukoll lill-Qorti Ġenerali. |
2. |
Barra minn hekk, il-Qorti Ġenerali naqqset milli ħadet inkunsiderazzjoni l-fatt li l-Bord tal-Appell kien naqas milli jagħti r-raġunijiet għaliex ikkonferma d-deċiżjoni tad-Diviżjoni ta’ Kanċellament li tilqa’ l-applikazzjoni tal-appellata għall-invalidità fil-proċedimenti kkonsolidati li inizjalment kienu jikkonsistu minn erba’ applikazzjonijiet separati and li tikkundanna lill-appellanti għall-ispejjeż tal-erba’ proċedimenti mressqa quddiem l-Uffiċċju minkejja l-fatt li d-deċiżjonijiet ikkonsolidati t-tnejn kienu bbażati biss fuq drittijiet invokati u/jew posseduti minn wieħed miż-żewġ applikanti rispettivi. |
3. |
Minbarra dan, id-deċiżjoni tal-Qorti Ġenerali li qed tiġi mistħarrġa hija bbażata wkoll fuq distorsjoni ta’ fatti u ta’ evidenza kif ukoll fuq kunċett żbaljat u misapproprjazzjoni tal-kompetenza tal-Qorti Ġenerali sa fejn naqqset li tapplika b’mod xieraq il-fatti disponibbli u l-liġi fl-ambitu tat-tieni aggravju, jiġifieri, il-ksur tal-Artikolu 8 tar-Regolament dwar it-trade mark Komunitarja Nru 207/2009 (1). Li kieku l-Qorti Ġenerali rrispettat il-prinċipji fundamentali tal-liġi, inkluż id-dritt għal smigħ xieraq kif ukoll id-dritt li jingħataw raġunijiet insostenn ta’ deċiżjoni, kienet tilqa’ l-azzjoni miġjuba quddiemha. Dan jgħodd iktar billi l-Qorti Ġenerali kkonfermat id-deċiżjonijiet tal-Bord tal-Appell b’għarfien sħiħ tal-fatt li l-bażi tad-deċiżjonijiet, b’mod partikolari l-eżistenza tat-trade mark nazzjonali tal-Benelux u dik Franċiża, fiż-żmien tad-deċiżjoni taħt appell quddiem il-Qorti Ġenerali ma kienet la ppruvata mill-appellata u lanqas ma kienu ngħataw. Għaldaqstant, il-Qorti Ġenerali kisret l-Artikolu 8(1) kif ukoll l-Artikolu 53(1) tar-Regolament dwar it-trade mark Komunitarja Nru 207/2009 sa fejn applikat kriterji legali żbaljati fl-istabbiliment li r-reġistrazzjonijiet għat-trade mark tal-appellanti kellhom jiġu kkanċellati bbażat fuq reġistrazzjonijiet għal trade mark tal-Benelux u dik Franċiża preċedenti. |
4. |
L-iżbalji mwettqa huma kemm ta’ natura ta’ proċedura kif ukoll ta’ liġi sostantiva. Għaldaqstant l-appellanti l-ewwel nett ser turi n-nuqqas tal-Qorti Ġenerali li tammetti s-sottomissjonijiet li saru fis-seduta u t-tieni nett tistabbilixxi r-raġunijiet għalfejn il-Qorti Ġenerali wasslet għall-konklużjoni li t-tieni aggravju mqajjem quddiemha kien fondat minħabba ksur tal-prinċipji rikonoxxuti ta’ proċess xieraq tal-liġi kif ukoll fid-dawl tal-fatti mogħtija. |
(1) Regolament tal-Kunsill (KE) Nru 207/2009, tas-26 ta’ Frar 2009, dwar it-trade mark Komunitarja (ĠU L 78, p. 1)