This document is an excerpt from the EUR-Lex website
Document 62014TN0586
Case T-586/14: Action brought on 7 August 2014 — Xinyi PV Products (Anhui) Holdings v Commission
Kawża T-586/14: Rikors ippreżentat fis- 7 ta’ Awwissu 2014 – Xinyi PV Products (Anhui) Holdings vs Il-Kummissjoni
Kawża T-586/14: Rikors ippreżentat fis- 7 ta’ Awwissu 2014 – Xinyi PV Products (Anhui) Holdings vs Il-Kummissjoni
ĠU C 372, 20.10.2014, p. 20–21
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
20.10.2014 |
MT |
Il-Ġurnal Uffiċjali tal-Unjoni Ewropea |
C 372/20 |
Rikors ippreżentat fis-7 ta’ Awwissu 2014 – Xinyi PV Products (Anhui) Holdings vs Il-Kummissjoni
(Kawża T-586/14)
2014/C 372/25
Lingwa tal-kawża: l-Ingliż
Partijiet
Rikorrenti: Xinyi PV Products (Anhui) Holdings Ltd (Anhui, ir-Repubblika Popolari taċ-Ċina) (rappreżentanti: Y. Melin u V. Akritidis, avukati)
Konvenuta: Il-Kummissjoni Ewropea
Talbiet tar-rikorrenti
— |
tannulla r-Regolament ta’ Implimentazzjoni tal-Kummissjoni (UE) Nru 470/2014, tat-13 ta’ Mejju 2014 (1), li jimponi dazju antidumping u ġbir definittiv tad-dazju proviżorju impost fuq importazzjonijiet ta’ ħġieġ solari li joriġina fir-Repubblika Popolari taċ-Ċina, sa fejn japplika għal Xinyi PV Products (Anhui) Holdings Ltd; u |
— |
tikkundanna lill-Kummissjoni, kif ukoll kull intervenjent insostenn tat-talbiet tal-Kummissjoni, għall-ispejjeż. |
Motivi u argumenti prinċipali
Insostenn tar-rikors tagħha, ir-rikorrenti tinvoka erba’ motivi.
1. |
L-ewwel motiv, ibbażat fuq żball manifest ta’ evalwazzjoni tal-fatti u tal-liġi imwettaq mill-Kummissjoni meta tikkunsidra li l-ispejjeż tal-produzzjoni u s-sitwazzjoni finanzjarja tar-rikorrenti huma suġġetti għal distorsjoni sinjifikattiva li tirriżulta mis-sistema preċedenti ta’ ekonomija mhux tas-suq, bi ksur tat-tielet inċiż tal-Artikolu 2(7)(ċ) tar-regolament bażiku. |
2. |
It-tieni motiv, ibbażat fuq żball manifest ta’ evalwazzjoni u nuqqas ta’ produzzjoni ta’ provi suffiċjenti min-naħa tal-Kummissjoni, sa fejn hija naqqset, mill-prezz tal-esportazzjoni tar-rikorrent, kummissjoni ekwivalenti għaż-żieda fuq il-prezz iffatturat lir-rikorrent minn kumpannija relatata stabbilita f’Hong Kong, mingħajr ma pprovat b’mod suffiċjenti li din il-kumpannija relatata effettivament kienet qed topera bħala aġent li jaġixxi fuq il-bażi ta’ kummissjoni, bi ksur tal-Artikolu 2(10)(i) tar-regolament bażiku. |
3. |
It-tielet motiv, ibbażat fuq il-fatt li l-Kummissjoni ma kkalkolatx il-prezz tal-esportazzjoni tar-rikorrent abbażi tal-prezz attwalment imħallas jew li għandu jitħallas għall-prodott meta jinbiegħ lill-Unjoni Ewropea, u lanqas abbażi tal-prezz li bih il-prodott esportat jinbiegħ mill-ġdid għall-ewwel darba lil xerrej indipendenti fl-Unjoni Ewropea, bi ksur tal-Artikolu 2(8) u (9) tar-regolament bażiku. |
4. |
Ir-raba’ motiv, ibbażat fuq il-fatt li l-Kummissjoni naqset milli tiżvela fatti u provi essenzjali li jippermettu li jinftiehem il-mod kif hija kkalkolat il-marġnijiet ta’ dumping u ta’ ħsara, bi ksur tal-Artikolu 20 tar-regolament bażiku u tal-Artikolu 41 tal-Karta tad-Drittijiet Fundamentali tal-Unjoni Ewropea. |
(1) Regolament ta’ Implimentazzjoni tal-Kummissjoni (UE) Nru 470/2014, tat-13 ta’ Mejju 2014, li jimponi dazju antidumping u ġbir definittiv tad-dazju proviżorju impost fuq importazzjonijiet ta’ ħġieġ solari li joriġina fir-Repubblika Popolari taċ-Ċina (ĠU L 142, p. 1).