This document is an excerpt from the EUR-Lex website
Document 62014TN0452
Case T-452/14: Action brought on 17 June 2014 — Laboratoires CTRS v Commission
Kawża T-452/14: Rikors ippreżentat fis- 17 ta’ Ġunju 2014 – Laboratoires CTRS vs Il-Kummissjoni
Kawża T-452/14: Rikors ippreżentat fis- 17 ta’ Ġunju 2014 – Laboratoires CTRS vs Il-Kummissjoni
ĠU C 253, 4.8.2014, p. 62–62
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
4.8.2014 |
MT |
Il-Ġurnal Uffiċjali tal-Unjoni Ewropea |
C 253/62 |
Rikors ippreżentat fis-17 ta’ Ġunju 2014 – Laboratoires CTRS vs Il-Kummissjoni
(Kawża T-452/14)
2014/C 253/84
Lingwa tal-kawża: l-Ingliż
Partijiet
Rikorrenti: Laboratoires CTRS (Boulogne-Billancourt, Franza) (rappreżentanti: K. Bacon, Barrister, M. Utges Manley u M. Vickers, Solicitors)
Konvenuta: Il-Kummissjoni Ewropea
Talbiet tar-rikorrenti
— |
tannulla l-Artikolu 1 tad-deċiżjoni kkontestata, sa fejn id-deċiżjoni essenzjalment tindika li Cholic Acid FGK hija awtorizzata għall-Indikazzjonijiet Orphacol; jew alternattivament tannulla l-Artikolu 1 tad-deċiżjoni fl-intier tagħha; u |
— |
tikkundanna lill-Kummissjoni għall-ispejjeż tar-rikorrenti. |
Motivi u argumenti prinċipali
Ir-rikorrenti hija d-detentriċi ta’ awtorizzazzjoni għat-tqegħid fis-suq tal-prodott mediċinali orfni Orphacol, li huwa awtorizzat għat-trattament ta’ żewġ mardiet ġenetiċi rari u serji ħafna tal-fwied u li l-ingredjent attiv tiegħu huwa l-Cholic Acid. Orphacol jibbenefika sa mis-16 ta’ Settembru 2013 minn perijodu ta’ għaxar snin ta’ esklużività tas-suq fir-rigward ta’ dawn iż-żewġ indikazzjonijiet skont l-Artikolu 8 tar-Regolament Nru 141/2000 (1).
Permezz tad-deċiżjoni kkontestata tal-4 ta’ April 2014, il-Kummissjoni tat awtorizzazzjoni għat-tqegħid fis-suq ta’ prodott mediċinali orfni ieħor (Cholic Acid FGK) li fih il-cholic acid bħala l-ingredjent attiv. Għalkemm il-Cholic Acid FGK ġie awtorizzat għal tliet indikazzjonijiet terapewtiċi oħra minbarra dawk li għalihom ġie awtorizzat l-Orphacol, is-Sinteżi tal-Karatteristiċi tal-Prodott u r-Rapport tal-Evalwazzjoni tal-Cholic Acid FGK, li skont ir-rikorrenti jifformaw parti integrali mid-deċiżjoni kkontestata, kienu jinkludu riferimenti estensivi għall-effikaċja kif ukoll riferimenti għas-sigurtà tal-Cholic Acid FGK fl-indikazzjonijiet terapewtiċi li għalihom ġie awtorizzat l-Orphacol.
Insostenn tal-kawża, ir-rikorrenti tinvoka motiv wieħed biss ibbażat fuq l-allegat ksur tal-Artikolu 8(1) tar-Regolament Nru 141/2000, peress li l-Kummissjoni, billi tat awtorizzazzjoni għat-tqegħid fis-suq tal-Cholic Acid FGK abbażi tat-termini stabbiliti fis-Sinteżi tal-Karatteristiċi tal-Prodott u r-Rapport tal-Evalwazzjoni, evitat l-esklusività tas-suq tar-rikorrenti, peress li t-termini li fuqhom ingħatat l-awtorizzazzjoni għat-tqegħid fis-suq tal-Cholic Acid FGK jimplikaw, essenzjalment, li l-Cholic Acid FGK huwa awtorizzat ukoll għaż-żewġ indikazzjonijiet terapewtiċi li Orphacol kien awtorizzat għalihom.
(1) Regolament (KE) Nru 141/2000 tal-Parlament Ewropew u tal-Kunsill, tas-16 ta’ Diċembru 1999, dwar il-prodotti mediċinali orfni (ĠU Edizzjoni Speċjali bil-Malti, Kapitolu 15, Vol. 5, p. 21).