EUR-Lex Access to European Union law
This document is an excerpt from the EUR-Lex website
Document 62011TN0494
Case T-494/11: Action brought on 16 September 2011 — Missir Mamachi di Lusignano and Others v Commission
Kawża T-494/11: Rikors ippreżentat fis- 16 ta’ Settembru 2011 — Missir Mamachi di Lusingano et vs Il-Kummissjoni
Kawża T-494/11: Rikors ippreżentat fis- 16 ta’ Settembru 2011 — Missir Mamachi di Lusingano et vs Il-Kummissjoni
ĠU C 331, 12.11.2011, p. 27–28
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
|
12.11.2011 |
MT |
Il-Ġurnal Uffiċjali tal-Unjoni Ewropea |
C 331/27 |
Rikors ippreżentat fis-16 ta’ Settembru 2011 — Missir Mamachi di Lusingano et vs Il-Kummissjoni
(Kawża T-494/11)
2011/C 331/53
Lingwa tal-kawża: it-Taljan
Partijiet
Rikorrenti: Livio Missir Mamachi di Lusignano (Kerkhove-Avelgem, il-Belġju), Anne Jeanne Cécile Magdalena Maria Sintobin (Brussell, il-Belġju), Stefano Missir Mamachi di Lusignano (Shangai, iċ-Ċina), Maria Letizia Missir Mamachi di Lusignano (Brussell, il-Belġju), Alessandro Missir Mamachi di Lusignano (Eredi ta’) (Rabat, il-Marokk) (rappreżentanti: F. Di Gianni, R. Antonimi u G. Coppo, avukati)
Konvenuta: Il-Kummissjoni Ewropea
Talbiet
Ir-rikorrenti jitolbu li l-Qorti Ġenerali jogħġobha:
|
— |
tikkundanna lill-Kummissjoni għall-ħlas tal-kumpens għad-danni morali sostnuti minnhom wara l-qtil ta’ Alessandro Missir Mamachi di Lusignano u tal-konjuġi tiegħu Ariane Lagasse de Locht; |
|
— |
tikkundanna lill-Kummissjoni għall-ħlas tal-interessi fuq il-kumpens u tal-interessi moratorji li akkumulaw sadanittant; |
|
— |
tikkundanna lill-Kummissjoni għall-ħlas tal-ispejjeż. |
Motivi u argumenti prinċipali
Permezz tal-ewwel motiv qiegħed jintalab li l-Kummissjoni tiġi kkundannata għall-ħlas tal-kumpens għad-danni morali sostnuti b’mod inġust mir-rikorrenti wara l-qtil ta’ Alessandro Missir Mamachi di Lusignano, li kien uffiċjal tal-Kummissjoni, u tal-konjuġi tiegħu Ariane Lagasse de Locht. Ir-rikorrenti għaldaqstant jinvokaw ir-responsabbiltà mhux kuntrattwali tal-Unjoni, u dan talli b’negliġenza l-Kummissjoni naqset milli tiżgura ruħha li l-appartament imqiegħed għad-dispożizzjoni tal-uffiċjal maqtul u tal-familja tiegħu jkun mgħammar bil-miżuri ta’ sigurtà xierqa u effettivi sabiex tiġi ggarantita s-sigurtà tagħhom. Insostenn tat-talbiet tagħhom, ir-rikorrenti jinvokaw il-konklużjonijiet tas-sentenza tat-Tribunal għas-Servizz Pubbliku tat-12 ta’ Mejju 2011, fil-Kawża F-50/09.
Sussidjarjament, ir-rikorrenti jinvokaw, minħabba ċ-ċirkustanzi assolutament eċċezzjonali tal-każ, ir-responsabbiltà tal-Kummissjoni għad-danni kkawżati minn aġir illegali.