EUR-Lex Access to European Union law
This document is an excerpt from the EUR-Lex website
Document 62011TN0490
Case T-490/11: Action brought on 15 September 2011 — Bena Properties v Council
Kawża T-490/11: Rikors ippreżentat fil- 15 ta’ Settembru 2011 — Bena Properties vs Il-Kunsill
Kawża T-490/11: Rikors ippreżentat fil- 15 ta’ Settembru 2011 — Bena Properties vs Il-Kunsill
ĠU C 331, 12.11.2011, p. 26–27
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
12.11.2011 |
MT |
Il-Ġurnal Uffiċjali tal-Unjoni Ewropea |
C 331/26 |
Rikors ippreżentat fil-15 ta’ Settembru 2011 — Bena Properties vs Il-Kunsill
(Kawża T-490/11)
2011/C 331/51
Lingwa tal-kawża: il-Franċiż
Partijiet
Rikorrenti: Bena Properties Co. SA (Damasku, is-Sirja) (rappreżentant: E. Ruchat, avukat)
Konvenut: Il-Kunsill tal-Unjoni Ewropea
Talbiet
Ir-rikorrenti titlob lill-Qorti Ġenerali jogħġobha:
— |
tannulla d-Deċiżjoni 2011/273/PESK, tad-9 ta’ Mejju 2011, dwar miżuri restrittivi kontra s-Sirja, sa fejn jirrigwardawha, kif ukoll tad-deċiżjonijiet ta’ implementazzjoni sussegwenti 2011/302/PESK, tat-23 ta’ Mejju 2011, u 2011/367/PESK, tat-23 ta’ Ġunju 2011, sa fejn dawn isemmu isimha fil-lista tal-persuni u entitajiet imsemmija fl-Artikoli 3 u 4 tad-Deċiżjoni 2011/273/PESK tad-9 ta’ Mejju 2011; |
— |
tannulla r-Regolament tal-Kunsill (UE) Nru 442/2011, tad-9 ta’ Mejju 2011, dwar miżuri ristrettivi fid-dawl tas-sitwazzjoni fis-Sirja, kif ukoll ir-Regolamenti ta’ implementazzjoni sussegwenti Nru 504/2011, tat-23 ta’ Mejju 2011 u l-emendi (Regolament li jemenda r-Regolament ta’ Implementazzjoni (UE) Nru 504/2011 ippubblikat fl-24 ta’ Ġunju 2011), sa fejn dawn jirrigwardawha; |
— |
tikkundanna lill-Kunsill tal-Unjoni Ewropea għall-ħlas tal-ispejjeż tal-kawża. |
Motivi u argumenti prinċipali
Insostenn tar-rikors tagħha, ir-rikorrenti tinvoka tliet motivi li huma essenzjalment identiċi jew simili għal dawk invokati fil-kuntest tal-Kawża T-433/11, Makhlouf vs Il-Kunsill (1).
(1) ĠU C 290, 01.10.2011, p. 14