This document is an excerpt from the EUR-Lex website
Document 62009TN0091
Case T-91/09 P: Appeal brought on 2 March 2009 by Carina Skareby against the judgment of the Civil Service Tribunal delivered on 15 December 2008 in Case F-34/07, Skareby v Commission
Kawża T-91/09 P: Appell ippreżentat fit- 2 ta’ Marzu 2009 minn Carina Skareby mis-sentenza mogħtija fil- 15 ta’ Diċembru 2008 mit-Tribunal għas-Servizz Pubbliku fil-Kawża F-34/07, Skaraby vs Il-Kummissjoni
Kawża T-91/09 P: Appell ippreżentat fit- 2 ta’ Marzu 2009 minn Carina Skareby mis-sentenza mogħtija fil- 15 ta’ Diċembru 2008 mit-Tribunal għas-Servizz Pubbliku fil-Kawża F-34/07, Skaraby vs Il-Kummissjoni
ĠU C 102, 1.5.2009, p. 32–32
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
|
1.5.2009 |
MT |
Il-Ġurnal Uffiċjali tal-Unjoni Ewropea |
C 102/32 |
Appell ippreżentat fit-2 ta’ Marzu 2009 minn Carina Skareby mis-sentenza mogħtija fil-15 ta’ Diċembru 2008 mit-Tribunal għas-Servizz Pubbliku fil-Kawża F-34/07, Skaraby vs Il-Kummissjoni
(Kawża T-91/09 P)
2009/C 102/47
Lingwa tal-kawża: Il-Franċiż
Partijiet
Appellanti: Carina Skareby (Leuven, il-Belġju) (rappreżentanti: S. Rodrigues u C. Bernard-Glanz, avukati)
Appellata: Il-Kummissjoni tal-Komunitajiet Ewropej
Talbiet tal-appellanti
|
— |
tiddikjara dan l-appell bħala ammissibbli; |
|
— |
tannulla s-sentenza mogħtija fil-15 ta’ Diċembru 2008 mit-Tribunal għas-Servizz Pubbliku tal-Unjoni Ewropea, fil-Kawża F-34/07; |
|
— |
tilqa’ t-talbiet għal annullament u għal danni ppreżentati mill-appellanti quddiem it-Tribunal għas-Servizz Pubbliku; |
|
— |
tikkundanna lill-Kummissjoni għall-ispejjeż fiż-żewġ istanzi. |
Aggravji u argumenti prinċipali
Permezz ta’ dan l-appell, l-appellanti titlob l-annullament tas-sentenza tat-Tribunal għas-Servizz Pubbliku tal-15 ta’ Diċembru 2008, mogħtija fil-Kawża Skareby vs Il-Kummissjoni, F-34/07, li tiċħad ir-rikors li permezz tiegħu l-appellanti kienet talbet, minn naħa, l-annullament tar-rapport tal-iżvilupp tal-karriera tagħha għas-sena 2005, u min-naħa l-oħra, id-danni.
Insostenn tal-appell tagħha, l-appellanti ssostni tliet aggravji bbażati fuq żball ta’ klassifikazzjoni ġuridika tal-fatti, ksur tal-Artikolu 5 tad-dispożizzjonijiet ġenerali ta’ implementazzjoni, tal-Artikolu 43 tar-Regolamenti tal-Persunal tal-Komunitajiet Ewropej u difett fil-motivazzjoni, peress li t-Tribunal għas-Servizz Pubbliku kkonkluda li l-Kummissjoni ma tistax tiġi akkużata li ma wettqitx l-evalwazzjoni tal-appellanti għall-perijodu bejn Jannar sa Settembru 2005, minkejja li r-rapport tal-iżvilupp tal-karriera tal-appellanti għas-sena 2005 huwa sempliċement, kważi kelma b’kelma, riproduzzjoni kważi-identika tar-rapport tal-iżvilupp tal-karriera tal-appellanti għas-sena 2004.