21.11.2009   

MT

Il-Ġurnal Uffiċjali tal-Unjoni Ewropea

C 282/21

—

tannulla fit-totalità tagħha s-sentenza mogħtija fl-10 ta’ Ġunju 2009 mill-Qorti tal-Prim’Istanza tal-Komunitajiet Ewropej fil-Kawża T-257/04, Ir-Repubblika tal-Polonja vs Il-Kummissjoni tal-Komunitajiet Ewropej;

—

tiddikjara bħala invalidu l-Artikolu 3, l-Artikolu 4(3) u t-tmien inċiż tal-Artikolu 4(5) tar-Regolament tal-Kummissjoni tal-Komunitajiet Ewropej (KE) Nru 1972/2003 tal-10 ta’ Novembru 2003, dwar miżuri tranżitorji sabiex jiġu addottati fir-rigward tal-kummerċ fi prodotti agrikoli minħabba l-adeżjoni tar-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, l-Polonja, Slovenja u Slovakkja, (1) kif emendat bir-Regolament tal-Kummissjoni (KE) Nru 230/2004, tal-10 ta’ Frar 2004 (2), u bir-Regolament tal-Kummissjoni (KE) Nru 735/2004, tal-20 ta’ April 2004; (3)

—

tikkundanna lill-Kummissjoni tal-Komunitajiet Ewropej għall-ispejjeż tal-proċeduri quddiem il-Qorti tal-Prim’Istanza u l-Qorti tal-Ġustizzja;

—

tiddeċiedi fuq dan l-appell bħala l-Awla Manja.

—

qed jiġi sostnut li l-Qorti tal-Prim’Istanza għamlet interpretazzjoni żbaljata tar-Regolament Nru 1 tal-Kunsill li jistabbilixxi l-lingwi li għandhom jintużaw mill-Komunità Ekonomika Ewropea u t-Trattat ta’ Adeżjoni billi kkunsidrat li t-terminu għall-preżentata tar-rikors għal dikjarazzjoni li r-Regolament Nru 1972/2003 kien invalidu beda jiddekorri mid-data tal-publikazzjoni ta’dak ir-Regolament fil-lingwi ufficjali tal-Komunità tal-Ħmistax, u għalhekk qabel ma l-publikazzjoni fil-lingwi uffiċjali tal-Komunità mkabbra kienet tlestiet;

—

qed jiġi sostnut li l-Qorti tal-Prim’Istanza għamlet interpretazzjoni żbaljata tar-raba’ paragrafu tal-Artikolu 230 KE billi kkunsidrat li r-Repubblika tal-Polonja setgħet b’mod effettiv tippreżenta rikors sabiex ir-Regolament Nru 1972/2003 jiġi ddikjarat invalidu qabel l-adeżjoni tagħha mal-Unjoni Ewropea fil-kwalità ta’ persuna ġuridika skont din id-dispożizzjoni;

—

ksur tal-prinċipji ta’ komunità bbażata fuq l-istat ta’ dritt u ta’ protezzjoni ġudizzjarja effettiva billi r-Repubblika tal-Polonja ġiet imċaħħda mid-dritt li tissottometti għal stħarriġ ġudizzjarju l-validità tar-Regolament Nru 1972/2003, minkejja l-fatt li l-imsemmi regolament kien indirizzat li r-Repubblika tal-Polonja bħala Stat Membru;

—

ksur tal-prinċipji ta’ solidarjetà u ta’ bona fede billi r-Repubblika tal-Polonja ġiet imċaħħda mid-dritt li tissottometti għal stħarriġ ġudizzjarju l-validità ta’ miżura li emendat illegalment il-kundizzjonijiet li jirregolaw l-adeżjoni tar-Repubblika tal-Polonja mal-Unjoni Ewropea u biddlet l-ekwilibriju tad-drittijiet u tal-obbligi li jirriżultaw mill-adeżjoni mal-Komunità;

—

ksur tar-regoli tal-proċedura quddiem il-Qorti tal-Prim’Istanza billi l-argumenti tar-Repubblika tal-Polonja li jikkonċernaw il-ksur tal-prinċipju ta’ solidarjetà u tal-prinċipju ta’ bona fede ma ġewx eżaminati u billi s-sentenza appellata ma kinitx suffiċjentement motivata.

—

ksur tal-Artikolu 41 tal-Att ta’ Adeżjoni u tal-prinċipju ta’ proporzjonalità billi kkunsidrat li l-livell ta’ ħlasijiet previst fl-Artikolu 4(3) tar-Regolament Nru 1972/2003 kien xieraq u meħtieġ għat-twettiq tal-għanijiet imfittxija mill-miżura tranżitorja inkwistjoni, anki jekk il-ħlas tad-differenza f’rati tad-dwana kien ikun suffiċjenti għal prevenzioni ta’ spekulazzjoni u biex jinnewtralizza l-profitti spekulattivi, il-ħlas tal-ammont imsemmi ma kienx iwassal għat-twettiq tal-għanijiet ta’ protezzjoni meta tiġi kkunsidrata d-data li fiha daħal fis-seħħ (11-il ġurnata qabel id-data tal-adeżjoni), u minkejja n-nuqqas ta’ konnessjoni bejn il-livell ta’ ħlasijiet stabbiliti u l-kamp ta’ applikazzjoni evidenti tiegħu;

—

ksur tal-prinċipju ta’ nondiskriminazzjoni billi l-Qorti kkunsidrat li l-livell ta’ ħlas previst fl-Artikolu 4(3) tar-Regolament Nru 1972/2003 ġie stabbilit abbażi ta’ kriterju oġġettiv ta’ differenzjazzjoni.

—

ksur tal-Artikolu 41 tal-Att ta’ Adeżjoni u tal-prinċipju ta’ proporzjonalità billi kkunsidrat li l-ħlas tat-taxxi previst fl-Artikolu 4(3) tar-Regolament Nru 1972/2003 għal prodotti li għalihom d-dazju fuq l-importazzjoni fir-Repubblika tal-Polonja kien ekwivalenti għal jew ogħla mid-dazju fuq l-importazzjoni Komunitarja qabel l-adeżjoni, kien indispensabbli sabiex jintlaħaq l-għan tal-miżuri previsti fl-imsemmi regolament.

—

ksur tad-dritt Komunitarju, jiġifieri, interpretazzjoni żbaljata tal-Artikolu 3 tar-Regolament Nru 1972/2003, interpretazzjoni żbaljata tal-Artikolu 41 tal-Att ta’ Adeżjoni, u ksur tal-prinċipju ta’ ġerarkija tan-normi legali billi kkunsidrat li l-Artikolu 3 tar-Regolament Nru 1972/2003 kien neċessarju sabiex jiġi protett l-effett tal-Artikolu 4 tar-Regolament u seta’ jiġi adottat abbażi tal-Artikolul 41 tal-Att ta’ Adeżjoni bħala deroga mid-dispożizzjonijiet tal-imsemmi Att;

—

ksur tal-Artikolu 253 KE billi kkunsidrat li l-motivi li ngħataw għall-miżuri tranżitorji inkwistjoni kienu adegwati;

—

ksur tal-prinċipju ta’ moviment liberu tal-merkanzija billi kkunsidrat li l-miżuri tranżitorji addottati abbażi tal-Artikolu 41 tal-Att ta’ Adeżjoni mhumiex suġġetti għal evalwazzjoni rigward l-osservanza tal-Artikolu 25 KE;

—

ksur tal-prinċipju ta’ nondiskriminazzjoni billi rrikonoxxiet li kienet oġġettivament ġustifikata d-differenza fit-trattament bejn operaturi ġejjin mir-Repubblika tal-Polonja u operaturi ġejjin mill-Istati tal-Komunità tal-Ħmistax permezz tal-applikazzjoni tas-sistemi ta’ sospensioni fuq prodotti meħuda fid-data tal-adeżjoni, waqt li kienu f’ċirkulazzjoni ħielsa fir-Repubblika tal-Polonja qabel l-adeżjoni, ġew suġġetti għad-dazju fuq l-importazzjoni erga omnes u rrilaxxati mil-istess dazju fuq il-prodotti li, qabel l-adeżjoni, kienu f’ċirkulazzjoni ħielsa fil-Komunità tal-Ħmistax, li fir-rigward tagħhom ir-rifużjonijiet tal-esportazzjoni ma ntalbux;

—

ksur tal-prinċipju ta’ protezzjoni tal-aspettattivi leġittimi billi kkunsidrat li l- Komunità ma ħolqitx minn qabel sitwazzjoni li setgħet tqajjem l-aspettattivi leġittimi tal-operaturi Pollakki.