9.7.2009

MT

Il-Ġurnal Uffiċjali tal-Unjoni Ewropea

C 156/9

---

Informazzjoni fil-qosor ikkomunikata mill-Istati Membri dwar għajnuniet mill-Istat mogħtija skont ir-Regolament tal-Kummissjoni (KE) Nru 1857/2006 dwar l-applikazzjoni tal-Artikoli 87 u 88 tat-Trattat tal-KE għall-għajnuniet mill-Istat lill-impriżi żgħar u ta’ daqs medju attivi fil-produzzjoni ta' prodotti agrikoli u li jemenda r-Regolament (KE) Nru 70/2001

2009/C 156/07

Għajnuna Nru: XA 82/09

Stat Membru: Spanja

Reġjun: Comunitat Valenciana

Titlu tal-iskema ta' għajnuna jew isem il-kumpanija li tingħata l-għajnuna individwali: Intercitrus

Bażi legali: Propuesta de Resolución del expediente acogido a la linea “Promoción Agroalimentaria de los cítricos”

Nefqa annwali ppjanata taħt l-iskema jew ammont globali tal-għajnuna individwali mogħtija lill-kumpanija: EUR 250 000

Intensità massima tal-għajnuna: 100 %

Data tal-applikazzjoni: Mid-data tal-pubblikazzjoni tan-numru ta’ reġistrazzjoni tat-talba għal eżenzjoni fuq is-sit elettroniku tad-Direttorat Ġenerali għall-Agrikoltura u l-Iżvilupp Rurali tal-Kummissjoni.

Tul ta' żmien tal-iskema jew tal-għajnuna individwali: Diċembru tal-2009.

Għan tal-għajnuna: Parteċipazzjoni f'fieri; Organizzazzjoni ta' fora ta' skambju tal-għarfien bejn l-impriżi: Kampanja ta' informazzjoni u promozzjoni tal-larinġ u klementini, sabiex jiżdied il-konsum tagħhom permezz ta' argumenti nutrizzjonali u l-benefiċċji marbutin mas-saħħa, mingħajr ma tissemma', fl-ebda każ, l-impriża, il-marka jew l-oriġini; Attivitajiet ta' promozzjoni ma' persuni ta' età li jattendu l-iskola; Ġbir u analiżi tal-informazzjoni xjentifika biex jitressqu proposti li għandhom jiġu inklużi fil-listi li qed jitħejjew skont ir-Regolament Komunitarju Nru 1924/2006, dwar indikazzjonijiet dwar in-nutrizzjoni u s-saħħa mogħtija fuq l-ikel; Titjib fl-għarfien tal-iżvilupp tas-swieq. L-attivitajiet eliġibbli huma skont l-Artikolu 15 tar-Regolament 1857/2006

Settur/i benefiċjarju/i: SMEs tas-settur agroalimentari tal-Comunitat Valenciana.

Isem u indirizz tal-awtorità li tagħti l-għajnuna:

Conselleria de Agricultura, Pesca y Alimentación

C/Amadeo de Saboya 2

46010 Valencia

ESPAÑA

Indirizz tal-internet: http://www.agricultura.gva.es/especiales/ayudas_agrarias/pdf/INTERCITRUS%202009.pdf

Tagħrif ieħor: —

Għajnuna Nru: XA 96/09

Stat Membru: Spanja

Reġjun: Comunitat Valenciana

Titlu tal-iskema ta' għajnuna jew isem il-kumpanija li tirċievi l-għajnuna individwali: Consejo Regulador IGP Cítricos Valencianos.

Bażi legali: Ayuda individual nominativa: Presupuestos de la Generalitat 2009.

Nefqa annwali ppjanata taħt l-iskema jew ammont globali tal-għajnuna individwali mogħtija lill-kumpanija: EUR 604 750,00

Intensità massima tal-għajnuna: 100 %

Data tal-implimentazzjoni: Mid-data tal-pubblikazzjoni tan-numru ta’ reġistrazzjoni tat-talba għal eżenzjoni fuq is-sit elettroniku tad-Direttorat Ġenerali għall-Agrikoltura u l-Iżvilupp Rurali tal-Kummissjoni.

Tul ta’ żmien tal-iskema jew tal-għajnuna individwali: Sa Diċembru 2009.

Għan tal-għajnuna: L-organizzazzjoni u s-sehem f'wirjiet, kompetizzjonijiet, fieri, u fori ta' skambju tal-għarfien bejn l-impriżi. (L-ispejjeż eliġibbli huma dawk marbutin ma': il-kera tal-art, tal-padiljun jew tal-ispazju fejn jittellgħu l-preżentazzjonijiet; il-ħlasijiet għall-parteċipazzjoni; l-ispejjeż tal-ivvjaġġjar u ta’ pubblikazzjonijiet marbutin mal-attività); pubblikazzjonijiet bħal katalgi jew websajts li jippreżentaw tagħrif dwar il-produtturi ta' reġjun determinat jew prodott determinat, dejjem jekk it-tagħrif u l-preżentazzjoni tiegħu jkunu newtrali, u l-produtturi kollha interessati jkollhom l-istess possibbiltajiet li jkunu rappreżentati fil-pubblikazzjoni; tagħrif fattwali dwar il-prodotti ġeneriċi, il-vantaġġi alimentari tagħhom u r-rakkomandazzjonijiet għall-użu, bil-possibbiltà li jiġi indikat l-oriġini tal-prodott, skont dak irreġistrat mill-Komunità Ewropea (l-aħħar paragrafu tal-Artikolu 15(2)(e)).

Attivitajiet previsti fl-Artikolu 15 tar-Regolament tal-Kummissjoni (KE) Nru 1857/2006 tal-15 ta’ Diċembru 2006.

Settur(i) benefiċjarju/i: SMEs tas-settur agroalimentari tal-Comunitat Valenciana.

Isem u indirizz tal-awtorità li tagħti l-għajnuna:

Conselleria de Agricultura, Pesca y Alimentación

C/Amadeo de Saboya, 2

46010 Valencia

ESPAÑA

Indirizz tal-internet: http://www.agricultura.gva.es/especiales/ayudas_agrarias/pdf/Consejo_Regulador_IGP_CITRICOS_VALENCIANOS.pdf

Tagħrif ieħor: —

Għajnuna Nru: XA 99/09

Stat Membru: Franza

Reġjun: Département de la Haute-Garonne

Titlu tal-iskema ta’ għajnuna: Indemnisation des pertes entraînées par la fièvre catarrhale ovine (FCO) en Haute-Garonne: réduction des surcoûts de mise en «quarantaine» des jeunes bovins en surplus sur les exploitations.

Bażi legali: Articles L 1511-2 et L 1511-5 du code général des collectivités territoriales,

L-Artikolu 10(2) tar-Regolament (KE) Nru 1857/2006 tal-15 ta’ Diċembru 2006.

Arrêté du 15 décembre 2008 modifiant l'arrêté du 1er avril 2008 définissant les zones réglementées relatives à la fièvre catarrhale du mouton,

Id-Deċiżjoni tal-Kunsill 90/424/KE tas-26 ta' Ġunju 1990 dwar in-nefqa fil-kamp veterinarju.

Délibération du Conseil général de la Haute-Garonne du 28 janvier 2009

Infiq annwali pjanat fil-kuntest tal-iskema tal-għajnuna: EUR 1 miljun

L-intensità massima tal-għajnuna: massimu ta’ 100 %

Din l-għajnuna tkun riżervata għal annimali li jissodisfaw il-kriterji kollha li ġejjin:

ikunu twieldu fl-istabbiliment bejn l-1 ta’ Jannar 2008 u l-1 ta’ Ġunju 2008 u jkunu ġew irreġistrati f’Haute-Garonne,

jkunu preżenti fl-istabbiliment wara t-22 ta’ Awwissu 2008,

jkunu tlaqqmu kontra s-serotipi 1 u 8 tal-Bluetongue

jkunu ddaħħlu fis-suq qabel l-1 ta’ Marzu 2009.

L-għajnuna tikkorrispondi għall-ħlas tal-ispejjeż żejda reali mġarrba biex l-annimali bovini ta’ età żgħira jinżammu fil-kwarantina, fil-limitu doppju ta’ 100 % tal-ispejjeż żejda u ta’ EUR 105 għal kull annimal.

In-nefqa minima tal-kwarantina hija stmata għal EUR 161,44 għal perjodu ta’ kwarantina ta' 62 jum u maħruġa b’viroloġija negattiva u ta’ EUR 201,72 għal perjodu ta’ kwarantina ta’ 81 jum:

—   ikel: EUR 1,70/jum

—   spejjeż għall-mifrex u kura veterinarja: EUR 0,42/jum

—   spejjeż tal-ammonti ta’ likwidità diferiti: EUR 30/annimal.

Spiża għal 62 jum:

= (1,7 + 0,42) × 62 + 30 = EUR 161,44

għal 81 jum:

= (1,7 + 0,42) × 81 + 30 = EUR 201,72

Fl-ewwel każ, dan se jibqa’ fir-responsabbiltà tar-raħħal, b’minimu ta’ EUR 56,44

Fit-tieni każ, se jibqa’ fir-responsabbiltà tar-raħħal, b’minimu ta’ EUR 96,72.

Data tal-implimentazzjoni: is-27 ta’ Marzu 2009, mid-data tal-pubblikazzjoni tan-numru tar-reġistrazzjoni tat-talba għall-eżenzjoni fuq is-sit elettroniku tad-Direttorat Ġenerali tal-Kummissjoni għall-Agrikoltura u għall-Iżvilupp Rurali

Tul ta' żmien tal-iskema ta' għajnuna: Sa tmiem l-2009

Għan tal-għajnuna:: Hekk kif id-département de la Haute-Garonne sar:

żona ristretta għas-serotip 8 tal-bluetongue fl-20 ta’ Ġunju 2008,

żona ristretta għas-serotip 1 u 8 tal-bluetongue fit-22 ta’ Awwissu 2008,

ir-raħħala tad-département kellhom iżommu l-bhejjem bovini ta’ età żgħira fuq l-istabbiliment tagħhom sakemm jiksbu l-immunità sanitarja, filwaqt li l-prattika tat-trobbija tal-Haute-Garonne kienet tikkonsisti fil-bejgħ tal-bhejjem dgħifa (fl-età ta’ 5 xhur fil-medja).

L-għajnuna tal-Kunsill Ġenerali tal-Haute-Garonne hija maħsuba bħala kumpens għal parti mill-ispejjeż żejda mġarrba minn din iż-żamma fil-“kwarantina”.

B’konsistenza mal-programm nazzjonali tal-ġlieda kontra l-marda tal-bluetongue u b’appoġġ għall-miżuri differenti stabbiliti għall-monitoraġġ u s-sorveljanza ta' din il-marda, l-għajnuna se tippermetti, eċċezzjonalment, lir-raħħala biex ikunu jistgħu jerfgħu l-ispejjeż addizzjonali mġarrba miż-żamma fil-“kwarantina” tal-bhejjem bovini ta’ età żgħira, maskili u femminili; il-“kwarantina” hija ġustifikata miż-żamma tal-bhejjem mill-20 ta' Ġunju 2008 sat-22 ta' Awwissu 2008, u kienet ġustifikata miż-żmien meħtieġ biex isir it-tilqim u biex il-bhejjem jibnu l-immunità tagħhom sabiex ikunu jistgħu jiġu esportati.

Il-kriterji kollha tal-eliġibbiltà għall-bhejjem bovini ta’ età żgħira, flimkien mal-karattru kumulattiv ta’ dawn il-kriterji tal-eliġibbiltà, jiggarantixxu li l-għajnuna tiġi mmirata biss fuq l-annimali li verament huma milquta mir-restrizzjoni ta’ “kwarantina”.

Settur(i) konċernat(i): settur tal-bovini

Isem u indirizz tal-awtorità responsabbli:

Conseil général de la Haute-Garonne

1 boulevard de la Marquette

31090 Toulouse Cedex

FRANCE

L-indirizz tas-sit tal-internet: http://www.cg31.fr/upload/pdf_dadre_fco/aide_au_maintien_quarantaine_bovins.pdf

---