22.9.2009   

MT

Il-Ġurnal Uffiċjali tal-Unjoni Ewropea

C 228/113

1.1

Huwa stmat li fl-Istati Membri tal-UE bejn 8 % u 12 % tal-pazjenti li jittieħdu l-isptar ibatu minn konsegwenzi mhux mixtieqa waqt li jkunu qed jirċievu l-kura tas-saħħa (1) għalkemm meta jiddaħħlu l-isptar ma jkunux qed ibatu minn dawn il-konsegwenzi.

1.2

Minkejja li ftit saru studji b’rabta ma’ dan, jidher li l-infezzjonijiet assoċjati mal-kura tas-saħħa jżidu r-riskju ta’ mewt bi tliet darbiet meta wieħed iqabbel ir-rata tal-imwiet ta’ pazjenti li ħadu tali infezzjoni man-numru ta’ pazjenti bl-istess patoloġija iżda li ma ħadux tali infezzjoni.

1.3

Minħabba l-infezzjonijiet assoċjati mal-kura tas-saħħa l-ispejjeż jiżdiedu b’mod sostanzjali billi l-pazjenti jdumu aktar l-isptar, trid tingħata l-kura kontra l-infezzjoni, iridu jsiru l-analiżi tal-laboratorji, trid tiġi sorveljata l-infezzjoni u l-effetti ta’ wara l-infezzjoni, u jrid jingħata kumpens lill-familja f’każ li jmut il-pazjent.

1.4

Jekk il-każi tal-infezzjonijiet assoċjati mal-kura tas-saħħa jonqsu b’10 %, l-ispejjeż jonqsu b’iżjed minn ħames darbiet aktar mill-ħidma ta’ prevenzjoni li jsiru fl-isptarijiet (2).

1.5

Għaldaqstant, il-Proposta għal Rakkomandazzjoni dwar is-sikurezza tal-pazjent, inkluż il-ħarsien minn u l-kontroll ta’ infezzjonijiet assoċjati mal-kura tas-saħħa hija parti minn approċċ etiku, soċjali u ekonomiku. Minħabba l-importanza tal-ġlieda kontra l-infezzjonijiet assoċjati mal-kura tas-saħħa kien hemm bżonn li titressaq Proposta għal Direttiva.

1.6

Il-KESE jilqa’ bi pjaċir din il-Proposta li hija konformi mal-Artikolu 152 li jistipula li l-azzjoni tal-Komunità tikkumplementa l-politika nazzjonali fl-oqsma tat-titjib tas-saħħa pubblika u tal-prevenzjoni tal-mard.

1.7

Il-KESE jagħraf l-importanza tal-azzjonijiet ta’ appoġġ proposti, u jressaq għadd ta’ kummenti u proposti bil-għan li jiċċara u jsaħħaħ is-sikurezza tal-pazjent permezz tal-ħarsien minn infezzjonijiet assoċjati mal-kura tas-saħħa u l-ġlieda kontrihom.

1.8

Il-KESE jemmen fil-ħtieġa li tiġi żviluppata l-analiżi tal-kundizzjonijiet li fihom jittieħdu l-infezzjonijiet assoċjati mal-kura tas-saħħa u jinħolqu konsegwenzi mhux mixtieqa. F’dan il-kuntest u fid-dawl tal-possibbiltà li wieħed jirrikorri għall-azzjonijiet legali, jixtieq kjarifika rigward id-data miġbura bil-għan li jiġu rispettati d-drittijiet tal-pazjent filwaqt li jitħeġġu l-prattiki ta’ analiżi mill-professjonisti u mill-istrutturi maħsuba għall-ġestjoni tar-riskji.

1.9

Il-KESE jagħmel enfasi partikolari fuq il-ħtieġa li jiġu żviluppati u estiżi l-politiki u l-pjanijiet nazzjonali, fuq il-bżonn li ċ-ċittadini u l-pazjenti jiġu infurmati, fuq il-koordinazzjoni tas-sistemi ta’ rappurtar u fuq it-taħriġ tal-persunal fil-livell tal-Istati Membri u tal-istituzzjonijiet tal-kura.

1.10

Billi ra li l-iżvilupp tal-infezzjonijiet assoċjati mal-kura tas-saħħa jolqot kemm lill-pazjenti fl-isptar kif ukoll lill-outpatients, il-KESE jixtieq li l-istess attenzjoni tingħata lill-kura tas-saħħa u lill-ġlieda kontra l-konsegwenzi mhux mixtieqa fi kwalunkwe tip ta’ istituzzjoni tal-kura.

2.1.1

L-Artikolu 152 jistipula li l-azzjoni tal-Komunità, li għandha tikkumplementa l-politiki nazzjonali, għandha tkun diretta lejn it-titjib tas-saħħa pubblika, il-prevenzjoni tal-mard tal-bniedem, u għandha tipprevjeni sorsi ta’ periklu għas-saħħa tal-bniedem.

2.1.2

Huwa stmat li fl-Istati Membri tal-Unjoni Ewropea madwar 10 % tal-pazjenti jisfaw vittmi ta’ konsegwenzi mhux mixtieqa fil-waqt li jkunu qed jingħataw il-kura tas-saħħa (3).

2.1.3

L-Istati Membri tal-UE jinsabu f’livelli differenti fl-iżvilupp u l-implimentazzjoni ta’ strateġiji effettivi u komprensivi għas-sikurezza tal-pazjenti.

2.2.1

L-Istati Membri għandhom jistabbilixxu sistemi ta’ rappurtar komprensivi sabiex wieħed ikun jista’ jitgħallem mill-iżbalji u jiddetermina d-dimensjoni u l-kawżi tal-konsegwenzi mhux mixtieqa, u b’hekk jiġu żviluppati soluzzjonijiet u interventi effiċjenti.

2.2.2

Għandha tinġabar data komparabbli u komplessiva fil-livell Komunitarju, u għandha tinxtered l-aħjar prattika fost l-Istati Membri.

2.2.3

Il-ħarsien mill-infezzjonijiet assoċjati mal-kura tas-saħħa u l-kontroll tagħhom għandhom ikunu prijorità fit-tul għall-istituzzjonijiet tal-kura tas-saħħa. Il-livelli u l-funzjonijiet kollha tal-ġerarkija għandhom jaħdmu id f’id.

2.2.4

Il-pazjenti għandhom ikunu mgħarrfa u mogħtija s-setgħa billi jiġu involuti fil-proċess tas-sikurezza tal-pazjenti.

—

l-età u l-patoloġija tiegħu;

—

ċerta kura tas-saħħa (b’mod partikolari l-ammont eċċessiv ta’ antibijotiċi); u

—

ċerti interventi meħtieġa għall-kura.

4.1.1

Il-KESE jixtieq jenfasizza b’mod partikolari l-ħtieġa li f’kull Stat Membru jitwaqqaf Kumitat għall-Kontroll tal-Infezzjonijiet Assoċjati mal-Kura tas-Saħħa li, flimkien mat-timijiet li jaħdmu fil-qasam tal-iġjene, iħejji pjan strateġiku nazzjonali li jkun jista’ jiġi applikat fil-livell reġjonali u fil-livell ta’ kull istituzzjoni tal-kura. Tali pjan għandu jitressaq għall-evalwazzjoni b’mod regolari.

4.1.2

Il-KESE jemmen li l-ewwel u qabel kollox għandhom jissaħħu l-mekkaniżmi tal-kontroll tal-infezzjonijiet assoċjati mal-kura tas-saħħa u wieħed għandu jħeġġeġ lill-istituzzjonijiet tal-kura jadottaw politika ta’ ħarsien u kontroll tal-infezzjonijiet. L-outpatients għandhom jingħataw l-istess attenzjoni.

4.1.3

Il-KESE jilqa’ bi pjaċir ir-rieda tal-organizzazzjonijiet u r-rappreżentanti tal-pazjenti li jieħdu sehem fit-tfassil tal-politiki u l-pjanijiet ta’ sikurezza tal-pazjenti f’kull livell, u dan jitlob trasparenza effettiva fil-ħidma ta’ osservazzjoni fuq il-post u l-pubblikazzjoni tar-riżultati marbuta ma’ dan.

4.1.4

Il-KESE jaħseb li għandu jiġi determinat l-istatus legali tad-data kwalitattiva u kwantitattiva li tinġabar dwar l-infezzjonijiet assoċjati mal-kura tas-saħħa u konsegwenzi mhux mixtieqa oħra; dan għandu jsir fid-dawl tal-fatt li xi ftit minn din id-data tista’ tintuża f’każ ta’ azzjoni legali. Għandu jinstab bilanċ bejn ir-rispett tad-drittijiet tal-pazjent u l-inkoraġġiment ta’ analiżi fil-fond tal-konsegwenzi mhux mixtieqa mill-professjonisti u mill-istrutturi tal-ġestjoni tar-riskji.

4.1.5

Sabiex l-evalwazzjoni ssir f’ambjent ta’ fiduċja, il-KESE jixtieq jenfasizza li s-sistema ta’ rappurtar għandha tkun distinta mis-sistemi u l-proċeduri dixxiplinari li japplikaw għall-persunal mediku, paramediku, amministrattiv jew tas-servizz.

4.1.6

Sabiex il-pazjenti jiġu mgħarrfa sewwa dwar ir-riskji u l-livell ta’ sikurezza, il-KESE jemmen li għandu jitħejja ktejjeb ta’ informazzjoni li jinkludi r-rakkomandazzjonijiet dwar prattiki tajbin marbuta mal-iġjene u l-miżuri li jkunu qed jittieħdu.

4.1.7

Billi jemmen li l-bażi ta’ kull strateġija ta’ prevenzjoni hija l-promozzjoni tal-edukazzjoni u t-taħriġ tal-persunal involut fis-sikurezza tal-pazjent, fil-fehma tal-KESE t-taħriġ tal-persunal speċjalizzat fl-iġjene jista’ jissaħħaħ billi jiġi definit aħjar il-kontenut tat-taħriġ tat-tobba, l-infermiera kif ukoll tal-persunal kollu tal-isptar.

4.1.8

Il-KESE jiġbed l-attenzjoni għall-ħtieġa li l-professjonisti jaċċettaw il-kummenti li jgħaddulhom il-pazjent u/jew dawk ta’ madwarhom fir-rigward tan-nuqqasijiet tagħhom relatati mal-iġjene. Barra li nagħmlu lill-pazjenti konxji tar-regoli marbuta mal-iġjene fl-isptar, irridu nħeġġu wkoll lill-professjonisti jisimgħu u jikkunsidraw il-kummenti u x-xewqat tal-pazjenti u l-qrabat tagħhom.

4.2.1

Fil-fehma tal-KESE, sabiex jiġu kkontrollati l-infezzjonijiet assoċjati mal-kura tas-saħħa:

4.2.2

Il-KESE jiddispjċih li r-rakkomandazzjoni tal-Kummissjoni ma tagħmilx biżżejjed referenza għall-obbligu li jiġu analizzati l-konsegwenzi mhux mixtieqa. Diversi metodi, bħall-analiżi tal-imwiet u l-mard, li jiġu applikati b’mod regolari jistgħu jtejbu s-sikurezza tal-kura tas-saħħa.

4.2.3

Il-KESE jemmen li l-iskambju tal-informazzjoni, li jsir fuq il-bażi tal-osservazzjonijiet u l-prattiki t-tajba applikati fil-kuntest tal-koordinazzjoni bejn il-Kummissjoni u l-Istati Membri, huwa miżura adatta li biha wieħed ikun jista’ jikklassifika, jikkodifika u saħansitra jistandardizza ċerti prattiki. Bis-saħħa ta’ dan l-iskambju jistgħu jiġu żviluppati wkoll sistemi ta’ referenza siewja immens għal meta jkunu ser jiġu rinnovati l-istituzzjonijiet tal-kura jew meta jkunu ser jinbnew istituzzjonijiet tal-kura ġodda.

4.2.4

Il-KESE jinnota l-inkoraġġiment min-naħa tal-Kummissjoni biex fi żmien sena jitwaqqaf mekkaniżmu intersettorjali f’dan il-qasam, u ser joqgħod attent li din ix-xewqa sseħħ.