52007TA1219(12)

Language
- My EUR-Lex
- Sign in
- Register
- My recent searches (0)

This document is an excerpt from the EUR-Lex website

Search tips

Need more search options? Use the Advanced search

EUROPA
EUR-Lex home
EUR-Lex - 52007TA1219(12) - EN

Document 52007TA1219(12)

Help

Rapport dwar il-kontijiet annwali ta' l-Aġenzija Ewropea tal-Ferroviji għas-sena finanzjarja 2006 flimkien mar-risposti ta' l-Aġenzija

ĠU C 309, 19.12.2007, p. 67–71 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

HTML

PDF

Official Journal

19.12.2007

Il-Ġurnal Uffiċjali ta’ l-Unjoni Ewropea

C 309/67

RAPPORT

dwar il-kontijiet annwali ta' l-Aġenzija Ewropea tal-Ferroviji għas-sena finanzjarja 2006 flimkien mar-risposti ta' l-Aġenzija

(2007/C 309/12)

WERREJ

1-2	INTRODUZZJONI

3-6	DIKJARAZZJONI TA' ASSIGURAZZJONI

7-10	OSSERVAZZJONIJIET

Tabelli 1 sa 4

Ir-risposti ta' l-Aġenzija

INTRODUZZJONI

L-Aġenzija Ewropea tal-Ferroviji (minn hawn 'il quddiem imsejħa “l-Aġenzija”) kienet imwaqqfa mir-Regolament (KE) Nru 881/2004 tal-Parlament Ewropew u tal-Kunsill tad-29 ta' April 2004 (1). Il-missjonijiet ta' l-Aġenzija huma li ttejjeb il-livell ta' interoperabilità tas-sistemi tal-ferroviji u li tiżviluppa approċċ komuni lejn is-sigurtà sabiex tikkontribwixxi lejn il-ħolqien ta' settur Ewropew tal-ferroviji aktar kompetittiv b'livell ogħla ta' sigurtà.

2.	It-Tabella 1 tippreżenta sommarju tal-kompetenzi u ta' l-attivitajiet ta' l-Aġenzija. Għal skopijiet t'informazzjoni, informazzjoni prinċipali mill-kontijiet annwali ta' l-Aġenzija għas-sena finanzjarja 2006 hija preżentata fit-Tabelli 2, 3 u 4.

DIKJARAZZJONI TA' ASSIGURAZZJONI

Din id-Dikjarazzjoni ta' Assigurazzjoni hija indirizzata lill-Parlament Ewropew u lill-Kunsill skond l-Artikolu 185(2) tar-Regolament tal-Kunsill (KE, Euratom) Nru 1605/2002 tal-25 ta' Ġunju 2002 (2); hija ġiet magħmula wara eżami tal-kontijiet ta' l-Aġenzija, kif mitlub mill-Artikolu 248 tat-Trattat li waqqaf il-Komunità Ewropea.

Il-kontijiet ta' l-Aġenzija għas-sena finanzjarja li ntemmet fil-31 ta' Diċembru 2006 (3) ġew magħmula mid-Direttur Eżekuttiv tagħha, skond l-Artikolu 39 tar-Regolament (KE) Nru 881/2004, u mibgħuta lill-Qorti, li għandha l-obbligu li tagħti dikjarazzjoni t'assigurazzjoni dwar l-affidabilità tagħhom u dwar il-legalità u r-regolarità tat-tranżazzjonijiet ta' bażi.

Il-Qorti wettqet il-verifika tagħha skond l-Istandards Internazzjonali tal-Verifika u l-Kodiċi ta' l-Etika ta' l-IFAC u ta' l-INTOSAI, safejn dawn huma applikabbli għall-kuntest tal-Komunità Ewropea. Il-verifika ġiet ippjanata u mwettqa sabiex tinkiseb assigurazzjoni raġonevoli li l-kontijiet huma affidabbli u li t-tranżazzjonijiet ta' bażi huma legali u regolari.

Il-Qorti kisbet għalhekk bażi raġonevoli għad-Dikjarazzjoni espressa hawn taħt.

Affidabilità tal-kontijietIl-kontijiet ta' l-Aġenzija għas-sena finanzjarja li ntemmet fil-31 ta' Diċembru 2006, fl-aspetti materjali kollha, huma affidabbli.Legalità u regolarità tat-tranżazzjonjiet ta' bażiB'eċċezzjoni għall-każijiet li hemm referenza għalihom fil-paragrafu 10, it-tranżazzjonijiet fil-bażi tal-kontijiet annwali ta' l-Aġenzija, fit-totalità tagħhom, huma legali u regolari.

OSSERVAZZJONIJIET

Fl-ewwel sena tagħha t'awtonomija finanzjarja l-Aġenzija implimentat 72 % ta' l-approprijazzjonijiet ta' l-impenji tagħha. Il-livelli ta' trasferimenti għan-nefqa amministrattiva (Titolu II) u n-nefqa operattiva (Titolu III) kienu ta' 37,5 % u 85 % rispettivament. Għalhekk, il-prinċipju baġitarju ta' l-annwalità ma kienx strettament osservat.

8.	L-Aġenzija hija lokalizzata f'żewġ t'ibliet: is-sit amministrattiv tagħha jinsab f'Valenciennes filwaqt li l-laqgħat tagħha huma miżmuma f'Lille. L-Aġenzija s'issa għadha ma sabitx mezzi kif tibbilanċja l-ispejjeż li joħorġu mill-obligazzjoni li għandha li tkun lokalizzata f'żewġ postijiet.

Is-sistema tal-kontroll intern uriet nuqqasijiet. Sottodelegazzjonijiet ma ġewx mogħtija skond ir-regoli. Kien hemm inkonsistenzi bejn deċiżjonijiet tad-delegazzjonijiet u d-drittijiet t'aċċess għas-sistema ta' ġestjoni tal-baġit SI2. L-Aġenzija m'adottatx regoli implimentattivi għar-regolament finanzjarju tagħha.

10.

Eżami tal-proċeduri t'akkwist pubbliku wera' diversi anomaliji: użu ta' kuntratti skaduti (4) u estensjonijiet irregolari ta' kuntratti ineżistenti (5). Għalhekk l-Aġenzija għandha tnehdi proċeduri t'akkwist pubbliku għal dawk l-oqsma li huma preżentement koperti minn kuntratti li ma kinux għaddew minn proċeduri regolari.

Dan ir-rapport ġie adottat mill-Qorti ta' l-Awdituri fil-Lussemburgu fil-laqgħa tagħha tas-27 ta' Settembru 2007.

Għall-Qorti ta' l-Awdituri

Hubert WEBER

President

(1) ĠU L 220, 21.6.2004, p. 3.

(2) ĠU L 248, 16.9.2002, p. 1.

(3) Dawn il-kontijiet ġew magħmula fid-19 ta' Ġunju 2007 u rċevuti mill-Qorti fit-2 ta' Lulju 2007.

(4) Każ wieħed identifikat: 49 000 euro.

(5) Żewġ każijiet identifikati: 630 000 euro.

Tabella 1

L-Aġenzija Ewropea tal-Ferroviji (Lille/Valenciennes)

Oqsma ta' kompetenza Komunitarja li joħorġu mit-Trattat

Kompiti ta' l-Aġenzija kif definiti fir-Regolament (KE) Nru 881/2004

Tmexxija

Riżorsi disponibbli lill-Aġenzija fl-2006

Prodotti u servizzi provduti fl-2006

Politika Komuni tat-Trasport

Bl-iskop li jwettaq l-Artikolu 70, u filwaqt illi jqis il-fatturi partikolari tat-trasport, il-Kunsill, filwaqt li jaġixxi skond il-proċedura msemmija fl-Artikolu 251 u wara li jikkonsulta mal-Kumitat Ekonomiku u Soċjali, għandu jistabbilixxi:

a)	regoli komuni li japplikaw għat-trasport internazzjonali lejn jew mit-territorju ta’ Stat Membru jew li jaqsam it-territorju ta’ Stat Membru wieħed jew aktar;

b)	il-kundizzjonijiet li jirregolaw il-mod li bih trasportaturi mhux residenti jistgħu joperaw servizzi ta’ trasport f’xi Stat Membru;

ċ)	miżuri li jtejbu s-sigurtà fit-trasport;

d)	provvedimenti oħra xierqa.

(L-Artikolu 71)

Objettivi

Li tikkontribwixxi, f'materji tekniċi, lejn l-implimentazzjoni ta' leġiżlazzjoni Komunitarja mmirata lejn:

1.	it-titjib tal-pożizzjoni kompetittiva tas-settur tal-ferroviji

2.	l-iżvilupp ta' approċċ komuni lejn is-sigurtà fis-sistema Ewropea tal-ferroviji,

sabiex tikkontribwixxi lejn il-ħolqien ta' żona Ewropea tal-ferroviji mingħajr fruntieri u tiggarantixxi livell għoli ta' sigurtà.

Kompiti:

Tindirizza rakkomandazzjonijiet lill-Kummissjoni dwar:

—	il-metodi komuni tas-sigurtà (CSMs) u l-miri komuni tas-sigurtà (CSTs) li hemm provvedimenti għalihom fid-Direttiva fuq is-sigurtà tal-linji tal-ferrovija tal-Komunità (2004/49/KE);

—	ċertifikati ta' sigurtà u miżuri fil-qasam tas-sigurtà;

—	l-iżvilupp, l-implimentazzjoni u l-monitoraġġ ta' l-interoperabiltià tal-linji tal-ferroviji;

—	il-monitoraġġ ta' l-interoperabilità;

—	iċ-ċertifikazzjoni tal-postijiet fejn issir il-manutenzjoni;

—	kompetenzi professjonali;

—	ir-reġistrazzjoni ta' materjali mobbli.

Toħroġ opinjonijiet dwar:

—	regoli ta' sigurta nazzjonali;

—	monitoraġġ tal-kwalità tax-xogħol ta' korpi notifikati;

—	l-interoperabilità tan-netwerk trans-Ewropew.

Koordinament ta' korpi nazzjonali:

—	koordinazzjoni t'awtoritajiet ta' sigurtà nazzjonali u l-entitajiet investigattivi nazzjonali (kif deskritti fid-Direttiva 2004/49/EC, l-Artikoli 17 u 21).

Pubblikazzjonijiet u databases:

—	rapport dwar il-prestazzjoni tas-sigurtà (kull sentejn);

—	rapport dwar il-progress ta' l-interoperabilità (kull sentejn);

—	database pubblika ta' dokumenti ta' sigurtà;

—	reġistru pubbliku ta' dokumenti dwar l-interoperabilità.

1. Bord ta' Tmexxija

Jikkonsisti f'rappreżentant ta' kull Stat Membru, erba' rappreżentanti tal-Kummissjoni, u sitt rappreżentanti, mingħajr id-dritt tal-vot, mis-setturi professjonali kkonċernati.

2. Id-Direttur Eżekuttiv

Maħtur mill-Bord ta' Tmexxija fuq proposta mill-Kummissjoni.

3. Kontroll Estern:

Il-Qorti ta' l-Awdituri.

4. Awtorità ta' Kwittanza:

Il-Parlament, fuq ir-rakkomandazzjoni tal-Kunsill.

Baġit finali:

14,4-il miljun euro

Persunal fil-31 ta' Diċembru 2006:

karigi imniżżla fil-pjan ta' twaqqif: 95

karigi okkupati: 80

Persunal ieħor: 5 p.

Total tal-persunal: 85

Responsabbli għal:

—	kompiti operattivi: 58,5

—	kompiti amministrattivi: 26,5

Sigurtà:

Rakkomandazzjoni lill-Kummissjoni dwar formati armonizzati għaċ-ċertifikati tas-sigurtà u formoli t'applikazzjoni armonizzati sabiex jintużaw minn kumpaniji tal-ferroviji u awtoritajiet tas-sigurtà nazzjonali.

Rakkomandazzjoni lill-Kummisjoni dwar in-notifikazzjoni ta' regoli tas-sigurtà nazzjonali wara talba mill-Kummissjoni relatata ma' miżuri oħra fil-qasam tas-sigurtà.

Rapporti dwar il-progress annwali lill-Kummissjoni dwar:

L-interoperabilità:

Rakkomandazzjoni dwar ir-reġistrazzjoni tal-materjali mobbli u rapport dwar l-ispeċifikazzjonijiet dwar ir-Reġistru Nazzjoni tal-Vetturi.

ERTMS (Sistema Ewropea dwar il-Ġestjoni tat-Traffiku tal-Ferroviji):

Rakkomandazzjoni lill-Kummissjoni sabiex jiġi aġġornat l-Anness A ta' l-ispeċifikazzjonijiet tekniċi għall-interoperabilità, il-Kontroll tal-Kmand u s-Senjalazzjoni għas-sistemi tal-ferroviji ta' veloċità qawwija u dawk konvenzjonali..

Evalwazzjoni ekonomika:

Linjigwida dwar il-Metodoloġija għall-evalwazzjoni ta' l-impatt, applikabbli għar-Rakkomandazzjonijiet ta' l-Aġenzija kollha, ġew fornuti lill-Kummissjoni. Linji gwida applikati ġew ikkunsinnati għal diversi abbozzi ta' rakkomandazzjonijiet. Evalwazzjonijiet ta' l-impatt qed jiġu preparati b'mod parallel mar-rakkomandazzjonjiet.

Fuq talba tal-Kummissjoni, ġiet provuta evalwazzjoni ta' l-impatt għal aċċettazzjoni reċiproka mtejba tal-materjal mobbli (lokomottivi).

Sors: Informazzjoni provduta mill-Aġenzija.

Sors: dejta provduta mill-Aġenzija. Din it-tabella tagħti sommarju tad-dejta provduta mill-Aġenzija fil-kontijiet annwali tagħha. Dawn il-kontijiet huma magħmula fuq bażi tad-dovuti.

Tabella 2

L-Aġenzija Ewropea tal-Ferroviji (Lille/Valenciennes) — Implementazzjoni tal-baġit għas-sena finanzjarja 2006

(1000 euro)
Dħul			Nefqa
Oriġini tad-dħul	Dħul imdaħħal fil-baġit finali għas-sena finanzjarja	Dħul miġbur	Allokazzjoni tan-nefqa	Approprijazzjonijiet tal-baġit finali					Approprijazzjonijiet trasferiti mis-sena(snin) finanzjarja(i) preċedenti
Oriġini tad-dħul	Dħul imdaħħal fil-baġit finali għas-sena finanzjarja	Dħul miġbur	Allokazzjoni tan-nefqa	imdaħħla	impenjati	imħallsa	trasferiti	annullati	imdaħħla	impenjati	imħallsa	annullati
Sussidji komunitarji	14 398	12 385	Titolu I Persunal	9 649	6 816	6 688	129	2 833	12	4	4	8
Dħul ieħor		20	Titolu II Amministrazzjoni	1 349	1 062	664	398	287	1 048	347	337	711
			Titolu III Attivitajiet operattivi	3 400	2 543	390	2 153	857	2 245	1 389	1 157	1 089
Total	14 398	12 406	Total	14 398	10 422	7 742	2 680	3 976	3 305	1 741	1 498	1 807
Sors: dejta provduta mill-Aġenzija. Din it-tabella tagħti sommarju tad-dejta provudta mill-Aġenzija fil-kontijiet annwali tagħha. Id-dħul miġbur u l-pagamenti huma stmati fuq bażi tal-flus kontanti.

Tabella 3

L-Aġenizja Ewropea tal-Ferroviji (Lille/Valenciennes) — Kont tar-riżutlat ekonomiku għas-sena finanzjarja 2006

(1000 euro)
	2006
Dħul operattiv
Sussidji komunitarji	11 920
Sussidji oħra	364
Total (a)	12 284
Spejjeż operattivi
Spejjeż tal-persunal	6 694
Spejjeż relatati ma' attiv fiss	168
Spejjeż amministrattivi oħra	1 322
Spejjeż operattivi	1 330
Total (b)	9 514
Bilanċ favur/(kontra) mill-attivitajiet operattivi (c = a – b)	2 770
Dħul minn operazzjonijiet finanzjarji (e)	3
Spejjeż fuq operazzjonijiet finanzjarji (f)	2
Bilanċ favur/(kontra) mill-attivitajiet mhux operattivi (g = e – f)	1
Riżultat ekonomiku għas-sena (h = c + g)	2 771

Tabella 4

L-Aġenzija Ewropea tal-Ferroviji (Lille/Valenciennes) — Karta tal-bilanċ fil-31 ta' Diċembru 2006

(1000 euro)
	2006
Attiv mhux kurrenti
Attiv fiss mhux tanġibbli	506
Attiv fiss tanġibbli	378
Attiv kurrenti
Pre-finanzjament ta' skadenza qasira	18
Riċevibbli ta' skandenza qasira	188
Likwidità u ekwivalenti likwidi	3 299
Total ta' l-attiv	4 389
Passiv kurrenti
Kontijiet pagabbli	1 618
Total tal-passiv	1 618
Attiv nett
Riżultat ekonomiku għas-sena	2 771
Total ta' l-attiv nett	2 771
Total tal-passiv u ta' l-attiv nett	4 389

R-RISPOSTI TA' L-AĠENZIJA

Matul l-2006 l-attivitajiet ipprogrammati ma kienux implimentati b’mod sħiħ kif l-Aġenzija kien għadha fil-fażi ta’ installazzjoni. Fl-2007, l-Aġenzija ser tagħmel analiżi fil-fond ta’ l-ipprogrammar ta’ l-attivitajiet tagħha, ir-riżorsi meħtieġa u l-baġit li għandu jiġi allokat flimkien mal-pjan għal sejħiet għal offerti.

L-Aġenzija bħalissa qed tinnegozja ma’ l-awtoritajiet ta’ l-istat li qed jospita l-possibilità li tidħol fi Ftehim Fiss. F’dan il-kuntest l-istat li qed jospita qabel li jagħmel kontribuzzjoni sostanzjali għal kera tal-bini future f’Valenciennes. Dan ipaċi parzjalment l-ispejjeż annwali (stmati għal 450 000 euros) li jirriżultaw mill-lokazzjoni doppja ta’ l-Aġenzija.

Fil-bidu ta’ l-2007, l-Aġenzija għamlet funzjoni ta’ sigurtà fis-seħħ sabiex tiċċekkja l-konsistenza bejn id-delegazzjonijiet u s-sotto-delegazzjonijiet li huma fis-sistema tal-ġestjoni tal-baġit u l-atti korrispondenti ffirmati. L-Aġenzija qed tippjana li tissottometti r-regoli ta’ implimentazzjoni tagħha għal adozzjoni mill-Bord Amministrattiv qabel l-aħħar ta’ l-2007.

10.	Is-sitwazzjonijiet deskritti mill-Qorti kienu r-riżultat ta’ nuqqas ta’ personal matul il-fażi ta’ installazzjoni ta’ l-Aġenzija. F’Ġunju 2007 ġiet imposta sistema ta’ akkwist sabiex jiġi evitat li dan jiġri fil-futur. L-inkarigu huwa li tikkordina u tagħmel superviżjoni tal-proċeduri ta’ akkwist.

Top