ANNESS 1

KOMUNIKAZZJONI

(Format massimu: A4 (210 x 297 mm))

Test ta 'immaġni

ANNESS 1 A

KOMUNIKAZZJONI

(Format massimu: A4 (210 × 297 mm))

Test ta 'immaġni

Test ta 'immaġni

ANNESS 2

ARRANĠAMENTI TAL-MARKI TAL-APPROVAZZJONI GĦALL-KOMPONENTI

(Ara l-paragrafu 5.5 ta' dan ir-Regolament)

Windskrijns tal-ħġieġ imsaħħaħ

Il-marka ta' approvazzjoni ta' hawn fuq imwaħħla fuq windskrijn tal-ħġieġ imwebbes turi li l-komponent ġie approvat fil-Pajjiżi l-Baxxi (E4), skont ir-Regolament Nru 43 bin-numru ta' approvazzjoni 012439. In-numru tal-approvazzjoni jindika li l-approvazzjoni nħarġet skont ir-rekwiżiti tar-Regolament Nru 43 kif emendat mis-serje tal-emendi 01.

Windskrijns tal-ħġieġ imwebbes miksi b'materjal tal-plastik

Il-marka ta' approvazzjoni hawn fuq, imwaħħla ma' windskrijn tal-ħġieġ imwebbes miksi b'materjal tal-plastik turi li t-tip ikkonċernat ġie approvat fil-Pajjiżi l-Baxxi (E4), skont ir-Regolament Nru 43 skont l-approvazzjoni Nru 012439. In-numru tal-approvazzjoni jindika li l-approvazzjoni nħarġet skont ir-rekwiżiti tar-Regolament Nru 43 kif emendat mis-serje tal-emendi 01.

Windskrijns tal-ħġieġ laminat ordinarju

Il-marka ta' approvazzjoni t'hawn fuq imwaħħla fuq windskrijn tal-ħġieġ laminat ordinajru turi li t-tip ikkonċernat ġie approvat fil-Pajjiżi l-Baxxi (E4), skont ir-Regolament Nru 43 skont l-approvazzjoni Nru 012439. In-numru tal-approvazzjoni jindika li l-approvazzjoni nħarġet skont ir-rekwiżiti tar-Regolament Nru 43 kif emendat mis-serje tal-emendi 01.

Windskrijns tal-ħġieġ laminat ordinarju miksi b'materjal tal-plastik

Il-marka ta' approvazzjoni ta' hawn fuq imwaħħla fuq windskrijn tal-ħġieġ laminat ordinarju bil-materjal tal-plastik turi li l-komponent ġie approvat fil-Pajjiżi l-Baxxi (E4), skont ir-Regolament Nru 43 bin-numru ta' approvazzjoni 012439. In-numru tal-approvazzjoni jindika li l-approvazzjoni nħarġet skont ir-rekwiżiti tar-Regolament Nru 43 kif emendat mis-serje tal-emendi 01.

Windskrijns tal-ħġieġ laminat ittrattat

Il-marka ta' approvazzjoni ta' hawn fuq imwaħħla fuq windskrijn tal-ħġieġ laminat ittrattat turi li l-komponent ġie approvat fil-Pajjiżi l-Baxxi (E4), skont ir-Regolament Nru 43 bin-numru ta' approvazzjoni 012439. In-numru tal-approvazzjoni jindika li l-approvazzjoni nħarġet skont ir-rekwiżiti tar-Regolament Nru 43 kif emendat mis-serje tal-emendi 01.

Windskrijns tal-ħġieġ tal-plastik

Il-marka ta' approvazzjoni ta' hawn fuq imwaħħla fuq windskrijn tal-ħġieġ-plastik turi li l-komponent ġie approvat fil-Pajjiżi l-Baxxi (E4), skont ir-Regolament Nru 43 bin-numru ta' approvazzjoni 012439. In-numru tal-approvazzjoni jindika li l-approvazzjoni nħarġet skont ir-rekwiżiti tar-Regolament Nru 43 kif emendat mis-serje tal-emendi 01.

Ħġiġiet tal-ħġieġ li jkollhom trażmittanza tad-dawl regolari ta' < 70 fil-mija

Il-marka ta' approvazzjoni ta' hawn fuq imwaħħla fuq ħġieġa tal-ħġieġ li għaliha japplikaw ir-rekwiżiti tal-Anness 3, il-paragrafu 9.1.4, turi li l-komponent ikkonċernat ġie approvat fil-Pajjiżi l-Baxxi (E4) skont ir-Regolament Nru 43 bl-approvazzjoni Nru 012439. In-numru tal-approvazzjoni jindika li l-approvazzjoni nħarġet skont ir-rekwiżiti tar-Regolament Nru 43 kif emendat mis-serje tal-emendi 01.

Unitajiet b'iktar minn ħġieġa waħda li għandhom trażmittanza tad-dawl regolari ta' < 70 fil-mija

Il-marka ta' approvazzjoni ta' hawn fuq imwaħħla fuq unità b'iktar minn ħġieġa waħda turi li l-komponent ġie approvat fil-Pajjiżi l-Baxxi (E4), skont ir-Regolament Nru 43 bin-numru ta' approvazzjoni 012439. In-numru tal-approvazzjoni jindika li l-approvazzjoni nħarġet skont ir-rekwiżiti tar-Regolament Nru 43 kif emendat mis-serje tal-emendi 01.

Ħġieġ imwebbes b'mod uniformi li għandu jintuża bħala windskrijn għal vetturi jimxu bil-mod li skont il-kostruzzjoni tagħhom ma jistgħux jaqbżu l-40 km/h

Il-marka ta' approvazzjoni ta' hawn fuq imwaħħla ma' ħġieġ imwebbes b'mod uniformi turi li l-komponent ikkonċernat maħsub sabiex jintuża bħala windskrijn fuq vettura timxi bil-mod li, mill-kostruzzjoni tagħha, ma tistax taqbeż l-40 km/h, ġie approvat fil-Pajjiżi l-Baxxi (E4) skont ir-Regolament Nru 43 bl-approvazzjoni Nru 012439. In-numru tal-approvazzjoni jindika li l-approvazzjoni nħarġet skont ir-rekwiżiti tar-Regolament Nru 43 kif emendat mis-serje tal-emendi 01.

Ħġiġiet tal-ħġieġ imwebbes b'mod uniformi li għandu trażmittanza regolari tad-dawl ≥ 70 fil-mija

Il-marka ta' approvazzjoni ta' hawn fuq imwaħħla fuq ħġieġa tal-ħġieġ li għaliha japplikaw ir-rekwiżiti tal-Anness 3, il-paragrafu 9.1.4, turi li l-komponent ikkonċernat ġie approvat fil-Pajjiżi l-Baxxi (E4) skont ir-Regolament Nru 43 bl-approvazzjoni Nru 012439. In-numru tal-approvazzjoni jindika li l-approvazzjoni nħarġet skont ir-rekwiżiti tar-Regolament Nru 43 kif emendat mis-serje tal-emendi 01.

Ħġiġiet tal-plastik riġidu

Il-marka ta' approvazzjoni ta' hawn fuq imwaħħla ma' ħġieġa tal-plastik riġidu għal pannelli jħarsu 'l quddiem b'tixrid tad-dawl li ma jaqbiżx it-2 fil-mija wara 1 000 ċiklu fuq il-wiċċ ta' barra u 4 fil-mija wara 100 ċiklu fuq il-wiċċ ta' ġewwa, turi li l-komponent ikkonċernat ġie approvat fil-Pajjiżi l-Baxxi (E4) skont ir-Regolament Nru 43 bl-approvazzjoni Nru 012439. In-numru tal-approvazzjoni jindika li l-approvazzjoni nħarġet skont ir-rekwiżiti tar-Regolament Nru 43 kif emendat mis-serje tal-emendi 01.

Ħġiġiet tal-plastik flessibbli

Il-marka ta' approvazzjoni ta' hawn fuq imwaħħla fuq ħġieġa tal-plastik flessibbli turi li l-komponent ġie approvat fil-Pajjiżi l-Baxxi (E4), skont ir-Regolament Nru 43 bin-numru ta' approvazzjoni 012439. In-numru tal-approvazzjoni jindika li l-approvazzjoni nħarġet skont ir-rekwiżiti tar-Regolament Nru 43 kif emendat mis-serje tal-emendi 01.

Unitajiet b'iktar minn ħġieġa waħda tal-plastik riġidu

Il-marka ta' approvazzjoni t'hawn fuq, imwaħħla ma' unità b'iktar minn ħġieġa waħda tal-plastik riġidu, turi li t-tip ikkonċernat ġie approvat fil-Pajjiżi l-Baxxi (E4), skont ir-Regolament Nru 43 bl-approvazzjoni Nru 012439. In-numru tal-approvazzjoni jindika li l-approvazzjoni nħarġet skont ir-rekwiżiti tar-Regolament Nru 43 kif emendat mis-serje tal-emendi 01.

Ħġiġiet tal-ħġieġ laminat

Il-marka ta' approvazzjoni ta' hawn fuq imwaħħla fuq ħġieġa tal-ħġieġ laminat turi li l-komponent ġie approvat fil-Pajjiżi l-Baxxi (E4), skont ir-Regolament Nru 43 bin-numru ta' approvazzjoni 012439. In-numru tal-approvazzjoni jindika li l-approvazzjoni nħarġet skont ir-rekwiżiti tar-Regolament Nru 43 kif emendat mis-serje tal-emendi 01.

Ħġiġiet tal-ħġieġ-plastik

Il-marka ta' approvazzjoni ta' hawn fuq imwaħħla fuq windskrijn tal-ħġieġ tal-plastik turi li l-komponent ġie approvat fil-Pajjiżi l-Baxxi (E4), skont ir-Regolament Nru 43 taħt in-numru ta' approvazzjoni 012439. In-numru tal-approvazzjoni jindika li l-approvazzjoni nħarġet skont ir-rekwiżiti tar-Regolament Nru 43 kif emendat mis-serje tal-emendi 01.

ANNESS 2 A

ARRANĠAMENTI TAL-MARKI TAL-APPROVAZZJONI GĦALL-VETTURI

MUDELL A

(Ara l-paragrafu 5.11 ta' dan ir-Regolament)

Il-marka ta’ approvazzjoni t’hawn fuq li hija mwaħħla ma’ vettura turi li t-tip ta’ vettura kkonċernat, rigward l-emissjoni tal-ħoss tiegħu, ġie approvat fil-Pajjiżi l-Baxxi (E 4) skont ir-Regolament Nru. 43 bin-Nru ta’ approvazzjoni 012439. In-numru tal-approvazzjoni jindika li l-approvazzjoni nħarġet skont ir-rekwiżiti tar-Regolament Nru 43 kif emendat mis-serje tal-emendi 01.

MUDELL B

(Ara l-paragrafu 5.12 ta' dan ir-Regolament)

Il-marka tal-approvazzjoni t’hawn fuq imwaħħla ma’ vettura turi li t-tip ta’ vettura konċernat, ġie approvat fil-Pajjiżi l-Baxxi (E4) skont ir-Regolamenti Nri 43 u 52. In-numri tal-approvazzjoni juru li, fid-dati meta ngħataw l-approvazzjonijiet rispettivi, ir-Regolament Nru 43 kien fih is-serje 01 tal-emendi u r-Regolament Nru 52 kif fih is-serje 01 tal-emendi.

ANNESS 3

IL-KUNDIZZJONIJIET ĠENERALI TAT-TEST

1.   IT-TEST TAL-FRAMMENTAZZJONI

1.1.

Il-ħġieġa li fuqha jrid isir it-test ma għandhiex tkun imwaħħla b'mod riġidu; madankollu tista’ titwaħħal fuq ħġieġa identika permezz ta’ tape adeżivli jiġi applikat madwar it-tarf kollu.

1.2.

Biex tinkiseb il-frammentazzjoni, jintuża martell ta’ madwar 75 g jew xi apparat ieħor li jagħti riżultati ekwivalenti. Ir-radju tal-kurvatura tal-post għandu jkun ta' 0,2 ± 0,05 mm.

1.3.

Għandu jitwettaq test wieħed fuq kull post ta' impatt stabbilit.

1.4.

L-eżami tal-frammenti għandu jsir billi jintuża kwalunkwe metodu validat għall-preċiżjoni tal-għadd innifsu u għall-ħila tiegħu li jsib il-pożizzjoni korretta fejn għandu jsir l-għadd minimu u massimu. L-irrekordjar permanenti tax-xejra tal-frammentazzjoni għandu jibda fi żmien 10 sekondi u għandu jintemm sa 3 minuti wara l-impatt. Is-servizz tekniku għandu jżomm ir-reġistrazzjonijiet permanenti tax-xejra tal-frammentazzjoni.

2.   TESTIJIET TAL-IMPATT TA' BALLUN

2.1.   It-test b'ballun ta' 227 g.

2.1.1.   Apparat

2.1.1.1.   Ballun tal-azzar imwebbes b’ massa ta’ 227 g ± 2 g u dijametru ta’ approssimament 38 mm.

2.1.1.2.   Mezz li bih jitwaqqa’ l-ballun b’mod ħieles minn għoli li jkun għad irid jiġi speċifikat, jew mezz li jagħti lill-ballun veloċità ekwivalenti għal dik miksuba bil-waqgħa ħielsa. Fejn jintuża mezz sabiex iwaddab il-ballun, it-tolleranza fuq il-veloċità għandha tkun ± 1 fil-mija tal-veloċità ekwivalenti għal dik miksuba bil-waqgħa ħielsa.

2.1.1.3.   Attrezzatura ta’ appoġġ, bħal dik li tidher fil-Figura 1, komposta minn frejms tal-azzar, bil-borduri maħdumin bil-magni b’wisa’ ta’ 15 mm, waħda fuq l-oħra u miksija fuq ġewwa b’gaskets tal-lastiku bi ħxuna ta’ 3 mm u wisa’ ta’ 15 mm u ta’ ebusija ta’ 50 IRHD.

Il-frejm ta’ taħt jistrieħ fuq kaxxa tal-azzar ta’ għoli ta’ madwar 150 mm. Il-kampjun tat-test jinżamm f’postu mill-qafas ta’ fuq, li l-massa tiegħu hija madwar 3 kg. Il-qafas ta’ appoġġ jiġi wweldjat fuq folja tal-azzar ħoxna madwar 12-il mm mistrieħa mal-art b’folja tal-lastku fuqha bi ħxuna ta’ madwar 3 mm u b’ebusija ta’ 50 IRHD.

Figura 1

Appoġġ għat-testijiet tal-ballun

2.1.2.   Kundizzjonijiet tal-ittestjar

It-Temperatura: 20 °C ±5 °C

Il-pressjoni: 860 sa 1 060 mbar

Umdità relattiva: 60 ± 20 fil-mija

2.1.3.   Il-biċċa tat-test

Il-biċċa tat-test għandha tkun kwadru ċatt ta’ ġenb ta’ 300 + 10/-0 mm jew għandha tinqata’ mill-parti l-aktar ċatta ta’ windskrijn jew minn ħġieġa oħra ttundjata.

Inkella tista’ tiġi ttestjata ħġieġa ttundjata. F’dan il-każ għandha tingħata attenzjoni biex jiġi żgurat kuntatt adegwat bejn il-ħġieġ tas-sikurezza u l-appoġġ.

2.1.4.   Proċedura

Esponi l-biċċa tat-test għat-temperatura speċifikata għal mill-inqas erba’ sigħat immedjatament qabel it-test.

Qiegħed il-biċċa tat-test fl-istruttura mwaħħla fil-post (il-paragrafu 2.1.1.3). Il-pjan tal-biċċa tat-test irid ikun perpendikulari, mhux aktar minn 3°, għad-direzzjoni tal-inċident tal-ballun.

Fil-każ ta’ ħġieġ tal-plastik flessibbli, il-biċċa tat-test għandha tintrabat mal-appoġġ.

Il-punt tal-impatt irid ikun mhux aktar minn 25 mm miċ-ċentru ġeometriku tal-biċċa tat-test għal għoli tal-waqgħa ta’ 6 m jew inqas, u mhux aktar minn 50 mm miċ-ċentru tal-biċċa tat-test għal għoli tal-waqgħa ta’ aktar minn 6 m. Il-ballun irid jolqot dak il-wiċċ tal-biċċa tat-test li jirrappreżenta l-wiċċ ta’ barra tal-ħġieġ tas-sikurezza meta jiġi mmontat fuq il-vettura. Il-ballun għandu jagħmel impatt wieħed biss.

2.2.   It-test b'ballun ta' 2 260 g.

2.2.1.   Apparat

2.2.1.1.   Ballun tal-azzar imwebbes b’ massa ta’ 2 260 g ± 20 g u dijametru ta’ approssimament 82 mm.

2.2.1.2.   Mezz li bih jitwaqqa’ l-ballun b’mod ħieles minn għoli li għad irid jiġi speċifikat, jew mezz li jagħti lill-ballun veloċità ekwivalenti għal dik miksuba bil-waqgħa ħielsa. Fejn jintuża mezz sabiex iwaddab il-ballun, it-tolleranza fuq il-veloċità għandha tkun ± 1 fil-mija tal-veloċità ekwivalenti għal dik miksuba bil-waqgħa ħielsa.

2.2.1.3.   L-attrezzatura ta’ appoġġ hija bħal dik li tidher fil-Figura 1 u hija identika għal dik deskritta fil-paragrafu 2.1.1.3.

2.2.2.   Kundizzjonijiet tal-ittestjar

It-Temperatura: 20 °C ±5 °C

Il-pressjoni: 860 sa 1 060 mbar

Umdità relattiva: 60 ± 20 fil-mija

2.2.3.   Il-biċċa tat-test

Il-biċċa tat-test għandha tkun kwadru ċatt ta’ ġenb ta’ 300 + 10/-0 mm jew għandha tinqata’ mill-parti l-aktar ċatta ta’windskrijn jew minn ħġieġa oħra ttundjata tal-ħġieġ tas-sikurezza.

Inkella, il-windskrijn sħiħ jew il-ħġieġa l-oħra ttundjata tal-ħġieġ tas-sikurezza jistgħu jiġu ttestjati. F’dan il-każ għandha tingħata attenzjoni biex jiġi żgurat kuntatt adegwat bejn il-ħġieġ tas-sikurezza u l-appoġġ.

2.2.4.   Proċedura

Esponi l-biċċa tat-test għat-temperatura speċifikata għal mill-inqas erba’ sigħat immedjatament qabel it-test.

Qiegħed il-biċċa tat-test fl-istruttura mwaħħla fil-post (il-paragrafu 2.1.1.3). Il-pjan tal-biċċa tat-test irid ikun perpendikulari, mhux aktar minn 3°, għad-direzzjoni tal-inċident tal-ballun.

Fil-każ ta’ ħġieġ tal-plastik, il-biċċa tat-test għandha tintrabat mal-appoġġ.

Il-post tal-impatt għandu jkun mhux aktar 'il bogħod minn 25 mm miċ-ċentru ġeometriku tal-biċċa tat-test.

Il-ballun irid jolqot dak il-wiċċ tal-biċċa tat-test li jirrappreżenta l-wiċċ ta’ ġewwa tal-ħġieġ tas-sikurezza meta dan tal-aħħar jiġi mmontat fuq il-vettura.

Il-ballun għandu jagħmel impatt wieħed biss.

3.   IT-TEST TAL-FORMA TAR-RAS

3.1.   Test b’mudell ta’ ras mingħajr kejl tad-deċellerazzjoni

3.1.1.   Apparat

Piż fil-għamla ta' ras b'għamla tar-ras sferika jew semi-sperika magħmula minn injam iebes laminat miksi b'biċċa tal-feltru li jista tinbidel u bi travu transversali tal-injam jew mingħajru. Hemm biċċa intermedja forma ta’ għonq bejn il-parti sferika u t-traversa u virga tal-immuntar fuq in-naħa l-oħra tat-traversa.

It-travu transversali (bil-għażla)Il-qisien għandhom ikunu skont il-Figura 2. Il-massa totali tal-apparat għandha tkun ta' 10 kg ± 0,2 kg.

Figura 2

Il-forma tar-ras

3.1.2.   Mezz li bih jitwaqqa’ l-piż tal-mudell tar-ras b’mod ħieles minn għoli li jkun għad irid jiġi speċifikat, jew mezz li jagħti lill-piż veloċità ekwivalenti għal dik miksuba bil-waqgħa ħielsa. Fejn jintuża mezz sabiex iwaddab il-piż tal-mudell tar-ras, it-tolleranza fuq il-veloċità għandha tkun ± 1fil-mija tal-veloċità ekwivalenti għal dik miksuba bil-waqgħa ħielsa.

3.1.3.   Attrezzatura ta’ appoġġ, bħal dik li tidher fil-Figura 3, għall-ittestjar ta’ biċċiet tat-test ċatti. L-istallazzjoni hija magħmula minn żewġ oqfsa tal-azzar, b'burduri maħduma b'wisa’ ta' 50 mm, waħda fuq l-oħra u miksija b'gaskits tal-lastiku bi ħxuna ta' madwar 3 mm u wisa’ ta' 15 mm ± 1 mm u ebusija ta' 70 IRHD. Il-frejm ta’ fuq jingħafas mal-frejm ta’ taħt b’mill-inqas tmien boltijiet.

3.1.4.   Kundizzjonijiet tal-ittestjar

It-Temperatura: 20 °C ±5 °C

Il-pressjoni: 860 sa 1 060 mbar

Umdità relattiva: 60 ± 20 fil-mija

3.1.5.   Proċedura

3.1.5.1.   It-test fuq biċċa tat-test ċatta

Biċċa ċatta tat-test, b'tul ta' 1 100 + 5/-2 mm u wisa’ ta' 500 + 5/-2 mm, għandha tinżamm f’temperatura kostanti ta' 20 °C ± 5 °C għal mill-anqas erba’ sigħat immedjatament qabel it-test.

Figura 3

Appoġġ għat-testjiet tal-forma tar-ras

Waħħal il-biċċa tat-test fit-tilari ta' appoġġ imwaħħla fuq il-post (il-paragrafu 3.1.3); it-torque fuq il-boltijiet għandu jiżgura li l-moviment tal-biċċa tat-test matul it-test ma jaqbiżx iż-2 mm. Il-pjan tal-biċċa tat-test irid ikun sostanzjalment perpendikulari għad-direzzjoni tal-inċident tal-forma tar-ras. Il-piż għandu jolqot il-biċċa tat-test mhux aktar ’il bogħod minn 40 mm miċ-ċentru ġeometriku tiegħu fuq dan il-wiċċ li jirrappreżenta l-wiċċ ta' fuq ġewwa tal-ħġieġa tas-sikurezza meta din tal-aħħar ikun immontat fuq il-vettura u għandu jagħmel impatt wieħed biss.

Il-wiċċ tal-impatt tal-kisja ta' feltru għandu jinbidel wara 12-il test.

3.1.5.2.   It-testijiet fuq windskrijn sħiħ (użati biss għal għoli tal-waqgħa ta’ inqas minn jew ugwali għal 1,5 m)

Qiegħed il-windskrijn b'mod ħieles fuq appoġġ b'faxxa tal-lastiku bejniethom ta' ebusija ta' 70 IRHD u bi ħxuna ta' bejn wieħed u ieħor 3 mm, bil-wisa’ tal-kuntatt fuq il-perimetru kollu jkun ta' bejn wieħed u ieħor 15-il mm.

L-appoġġ għandu jikkonsisti minn biċċa riġida li tikkorrespondi mal-għamla tal-windscreen sabiex il-piż tal-għamla tar-ras jolqot il-wiċċc ta' ġewwa. Jekk ikun meħtieġ, il-windskrijn għandu jiġi kklampjat mas-appoġġ.

L-appoġġ għandu jistrieħ fuq stand riġidu b'folja tal-lastiku fuqu b'ebusija ta' 70 IRHD u ħxuna ta' madwar 3 mm. Il-wiċċ tal-windskrijn irid ikun sostanzjalment perpendikulari mad-direzzjoni tal-inċident tal-piż tal-mudell ta' ras.

Il-piż tal-mudell tar-ras għandu jolqot il-biċċa tat-test f’post mhux ’l hinn minn 40 mm miċ-ċentru ġeometriku tiegħu fuq dak il-wiċċ li jirrappreżenta l-wiċċ ta' fuq ġewwa tal-ħġieġ tas-sikurezza meta din tal-aħħar tkun immontata fuq il-vettura, u għandu jitħalla jagħmel impatt wieħed biss.

Il-wiċċ tal-impatt tal-kisja ta' feltru għandu jinbidel wara 12-il test.

3.2.   Test b'mudell ta' ras b'kejl tad-deċellerazzjoni

3.2.1   Apparat

Fil-każ ta' testijiet b'mudell ta' ras bi stabbiliment simultanju tal-valuri HIC, il-korp tal-waqgħa huwa r-ras taparsi bħal fil-Figura 2.1. Il-massa totali tar-ras taparsi għandha tkun 10,0 + 0,2/ -0,0 kg.

F’nofs il-pjanċa tal-bażi (24) il-blokka tal-immuntar bi tliet assi (26) hija mmuntata fiċ-ċentru tal-gravità sabiex tirċievi l-kejlijiet tal-aċċellerazzjoni (27). Il-kejlijiet tal-aċċellerazzjoni għandhom jiġu rranġati vertikalment ma’ xulxin.

Il-Baċin (18) u l-għata (19) li jinsabu taħt il-pjanċa tal-bażi (24), jaqsmu b'mod konsiderevoli, il-karatteristiċi elastiċi tal-qorriegħa umana. Il-karatteristiċi elastiċi tar-ras taparsi mal-impatt huma determinati mill-ebusija u l-ħxuna taċ-ċirku intermedju (13) u l-Baċin.

Figura 2.1

10 kg Forma ta' ras

Lista tal-biċċiet għall-mudell ta' ras ta' 10 kg rigward il-Figura 2.1

Pożizzjoni Nru	Numru ta' biċċiet	Notazzjoni standard	Materjal	Kummenti
1	1	Apparat ta’ żamma manjetika	Azzar DIN 17100	—
2	1	Mezzi għat-taffija tal-vibrazzjonijiet	Lastiku / Azzar	Dijametru: 50 mm Ħxuna: 30 mm Kamin: M10
3	4	Konnettur BNC HF	—	—
4	1	Skorfina eksagonali DIN 985	—	—
5	6	Diska DIN 125	—	—
6	3	Biċċa ta’ tranżizzjoni	—	—
7	6	Vit ċilindru DIN 912	—	—
8	3	Skorfina essagonali	—	—
9	3	Diska	Azzar DIN 17100	Dijametru tat-Toqba: 8 mm Id-Dijametru ta’ Barra: 35 mm Ħxuna: 1,5 mm
10	3	Ċirku tal-lastiku	Lastiku, Ebusija 60 IRHD	Dijametru tat-Toqba: 8 mm Id-Dijametru ta’ Barra: 30 mm Ħxuna: 10 mm
11	1	Ċirku ta’ mitigazzjoni	Imballaġġ bil-karti	Dijametru tat-Toqba: 120 mm Dijametru ta’ Barra: 199 mm Ħxuna: 0,5 mm
12	—	—	—	—
13	1	Ċirku intermedju	Butadien-lastiku, ebusija IRHD madwar 80	Dijametru tat-Toqba: 129 mm Id-Dijametru ta’ Barra: 192 mm Ħxuna: 4 mm
14	3	Tubu ta’ gwida	Politetra-fluworeten (PTFE)	Dijametru ta’ ġewwa: 8 mm Id-Dijametru ta’ Barra: 10 mm Tul: 40 mm
15	3	Skorfina essagonali	—	—
16	3	Bolt bil-kamin DIN 976	—	—
17	3	Inserzjoni invitata	Liga fonduta DIN 1709-GD- CuZn 37Pb	—
18	1	Friskatur	Poliamid 12	—
19	1	Għata	Butadien-lastiku	Ħxuna: 6 mm Imqabbża fuq naħa waħda
20	1	Boxxla ta’ gwida	Azzar DIN 17100	—
21	4	Counter sunk screw	—	—
22	1	Diska ta’ mitigazzjoni	Imballaġġ bil-karti	Dijametru: 65 mm Ħxuna: 0,5 mm
23	—	—	—	—
24	1	Pjanċa tal-bażi	Azzar DIN 17100	—
25	1	Vit b’sokit essagonali	Klassi tas-saħħa 45H	—
26	1	Blokka tal-immuntar bi tliet assi	—	—
27	3	Kejl tal-aċċellerazzjoni	—	—
28	1	Komponent tal-injam	Karpin, inkollat f’saffi	—
29	1	Pjanċa li tgħ atti	Liga (AlMg5)	—
30	1	Għatu protettiv	Poliamid 12	—

3.2.2.   L-aġġustament u l-kalibrar

Sabiex jitwettaq it-test b'mudell ta' ras, ir-ras taparsi titwaħħal mal-cross arm tas-sistema ta' gwida (Figura 2.2) u tittieħed għall-għoli tal-waqgħa meħtieġ permezz ta' apparat tal-irfigħ. Matul it-test b'mudell ta' ras, il-cross arm bir-ras taparsi tiġi rilaxxata. Wara li tgħaddi l-barriera tad-dawl li l-għoli tagħha jista’ jiġi aġġustat, ir-ras taparsi tiġi rilaxxata mill-cross arm, il-waqgħa tal-cross arm tiġi mtaffija u r-ras taparsi taqa’ fuq il-kampjun.

Ma jista’ jingħata l-ebda impuls lir-ras taparsi mill-apparat tal-uqigħ jew mill-kejbil tal-kejl, sabiex din tiġi aċċellerata biss mill-gravità u taqa’ vertikalment.

Figura 2.2

Apparat tat-test għall-esperiment tal-forma tar-ras bil-kejl tad-diċellerazzjoni

3.2.2.1.   Apparat tal-kejl li jagħmilha possibbli li jiġu stabbiliti l-valuri HIC bil-mudell ta' ras deskritt taħt il-paragrafu 3.2.1.

3.2.2.2.   Tagħmir biex tiġi kalibrata r-ras taparsi

L-apparat tal-uqigħ għandu jippermetti li għoli tal-waqgħa ta' bejn 50 mm u 254 mm jiġi aġġustat eżatt sa 1 mm. M’hemmx bżonn sistema ta' gwida għal dan l-għoli żgħir tal-waqgħat.

Pjanċa tal-impatt tal-azzar li hija magħmula mill-azzar għandha daqs ta' 600 mm x 600 mm u ħxuna ta' mill-anqas 50 mm. Il-wiċċ tal-impatt għandu jkun illustrat:

ħruxija tas-superfiċje Rmax = 1 mm, tolleranza għaċ-ċatt t = 0,05 mm.

3.2.2.3.   Il-kalibrar u l-aġġustament tar-ras taparsi

Wara kull sensiela ta' testijiet u mhux aktar tard minn wara 50 test fi ħdan sensiela, jekk ikun meħtieġ, ir-ras taparsi għandha tiġi kkalibrata u aġġustata.

Il-pjanċa tal-impatt trid tkun nadifa u niexfa u matul it-test trid tkun mimduda b'mod mhux pożittiv fuq bażi tal-konkrit.

Ir-ras taparsi hija permessa li tolqot il-pjanċa tal-impatt b'mod vertikali. L-għoli tal-waqgħa (imkejjel mill-iktar punt baxx tar-ras taparsi sal-wiċċ tal-pjanċa tal-impatt) huwa 50, 100, 150 u 254 mm. Il-kurvi tad-deċellerazzjoni għandhom jiġu rrekordjati.

L-akbar deċellerazzjoni az mid-diversi għoli tal-waqgħa fuq l-assi-z trid tkun fil-limiti mogħtija fit-tabella:

L-għoli tal-waqgħa mm	L-akbar deċellerazzjoni az bħala multiplu tal-aċċellerazzjoni minħabba l-gravità g
50	64 ± 5
100	107 ± 5
150	150 ± 7
254	222 ± 12

Il-kurvi tad-deċellerazzjoni jridu jkunu bbażati fuq vibrazzjoni unimodali. Il-kurva tad-deċellerazzjoni tal-għoli tal-waqgħa ta' 254 mm trid iddum sejra mill-anqas 1,2 ms u mhux aktar minn 1,5 ms fuq 100 g.

Jekk ma jintlaħqux ir-rekwiżiti mogħtija fil-paragrafu 3.2.2.3, il-karatteristiċi elastiċi tar-ras taparsi jridu jiġu aġġustati billi tiġi varjata l-ħxuna taċ-ċirku intermedju (13) fil-pjanċa tal-bażi (24). Il-korrezzjonijiet jistgħu jitwettqu billi jiġu aġġustati t-tliet skorfini essagonali li jillokkjaw lilhom infushom (8) fuq il-boltijiet bil-kamin (16) li bihom huwa mwaħħal il-baċin (18) mal-pjanċa tal-bażi (24). Iċ-ċrieki tal-lastiku (10) taħt l-iskorfini essagonali (8) m’għandhomx ikunu fraġli jew imxaqqa.

L-għata (19) tas-superfiċe tal-impatt u ċ-ċirku intermedju (13) dejjem għandhom jiġu mibdula immedjatament jekk issirilhom il-ħsara, speċjalment meta r-ras taparsi ma tkunx tista’ tiġi aġġustata aktar.

3.2.3.   L-istallazzjoni ta' appoġġ għall-ittestjar ta' kampjuni tat-test ċatti hija kif deskritta fil-paragrafu 3.1.3.

3.2.4.   Il-kundizzjonijiet tat-test huma speċifikati fil-paragrafu 3.1.4.

3.2.5.   Testijiet fuq ħġieġ sħiħ (użat għal għoli tal-waqgħa bejn 1,5 m u 3 m). Poġġi l-ħġieġ liberament fuq appoġġ bi strixxa tal-lastku imqiegħda fuqha b'ebusija ta' 70 IRHD u ħxuna ta' madwar 3 mm.

Il-ħġieġ għandha tiġi kklampjata mal-istruttura ta' appoġġ li titwaħħal fil-post permezz ta' mezzi xierqa. Il-wiċċ tal-ħġieġ għandu jkun sostanzjalment perpendikolari għad-direzzjoni tal-inċident tal-piż tal-mudell tar-ras. Il-piż tal-mudell tar-ras għandu jolqot il-ħġieġ f’post mhux ’l hinn minn 40 mm miċ-ċentru ġeometriku tiegħu fuq dak il-wiċċ li jirrappreżenta l-wiċċ ta' fuq ġewwa tal-ħġieġ tal-plastik meta din tal-aħħar tkun immontata fuq il-vettura, u għandu jitħalla jagħmel impatt wieħed biss.

Billi tibda minn għoli tal-waqgħa inizjali magħżul, l-għoli tal-waqgħa għandu jiġi mgħolli b'0,5 m rispettivament f’kull esperiment ulterjuri. Il-kurvi tad-deċellerazzjoni li jseħħu mal-impatt fuq il-kampjun għal ax, ay u az għandhom jiġu rrekordjati skont il-ħin t.

Wara t-test tal-mudell tar-ras, għandu jiġi ċċekkjat jekk it-tarf tal-ħġieġa ċċaqlaqx iktar minn 2 mm fl-istruttura u jekk ir-rekwiżit għall-punt tal-impatt ġiex sodisfatt. Il-komponenti tal-aċċellerazzjoni ax u ay għandhom ikunu iżgħar minn 0,1 az għall-impatt vertikali.

3.2.6.   Evalwazzjoni

Il-kurvi tad-deċellerazzjoni għandhom jiġu valutati kif ġej:

Id-deċellerazzjoni ares(t) li tirriżulta fiċ-ċentru tal-gravità skont l-ekwazzjoni (1) mill-kurvi mkejla tad-deċellerazzjoni ax(t), ay(t) u az(t) għandha tkun komposta bħala multipli tal-aċċellerazzjoni minħabba l-gravità. (1)

Għandu jiġi stabbilit il-ħin li għalih tinqabeż kontinwament deċellerazzjoni ta' 80 g b' ares u l-akbar deċellerazzjoni ta' ares. Il-valur HIC għandu jiġi kkalkulat bħala kejl tal-periklu ta' korrimenti blunt fil-qorriegħa-moħħ billi tintuża l-ekwazzjoni segwenti (2): (2)

Il-limiti integrali t1 u t2 għandhom jintgħażlu b'mod li l-integrali jieħu valur massimali.

4.   IT-TEST TAR-REŻISTENZA GĦALL-BRIX

4.1.   Apparat

4.1.1.   L-istrument li jobrox (1), li jidher permezz tad-dijagramma fil-Figura 4 u li jikkonsisti minn: Turntable orizzontali, b’morsa ċentrali, li ddur lejn ix-xellug b’ 65 sa 75 rev kull min.;

Figura 4

Id-Dijagramma ta’ strument li jobrox

Żewġ dirgħajn paralleli ppeżati li kull wieħed minnhom iġorr rota speċjali tal-brix li ddur fuq żarżira orizzontali bil-ball bearings; kull rota tistrieħ fuq il-kapmjun tat-test taħt il-pressjoni eżerċitata minn massa ta’ 500 g.

Id-disk li jdur tal-istrument tal-brix għandu jdur b'mod regolari, sostanzjalment f'wiċċ wati wieħed (id-devjazzjoni minn dan il-wiċċ wati ma għandhiex tkun aktar minn ±0.05 mm f'distanza ta' 1.6 mm mill-periferija tad-disk li jdur).

Ir-roti għandhom ikunu mmontati hekk illi meta jkunu f'kuntatt mal-biċċa tat-test hi hu ddur, iduru f'direzzjonijiet opposti sabiex jeżerċitaw, darbtejn f'kull rotazzjoni tal-biċċa tat-test, azzjoni ta' għafis u ta' grif fuq il-linji kkurvati fuq erja annulari ta' bejn wieħed u ieħhor 30 cm2.

4.1.2.   Roti li joborxu (2), kull waħda ta' dijametru ta' 45 sa 50 mm u bi ħxuna ta' 12.5 mm, komposti minn oġġett li jobrox irqiq speċjali inkorporat f’lastiku ta' ebusija medja. Ir-roti għandu jkollhom ebusija ta' 72 ± 5 IRHD, imkejla f’erba’ punti spazjati b'mod ugwali fuq il-linja taċ-ċentru tal-wiċċ tal-grif, bil-pressjoni tiġi applikata b'mod vertikali fuq id-dijamentru tar-rota u b'riżultati li jinqraw 10 sekondi wara l-applikazzjoni sħiħa tal-pressjoni.

Ir-roti tal-grif għandhom jiġu mħejjija għall-użu b'rotazzjoni bil-mod ħafna kontra ħġieġa ċatta sabiex jiġi żgurat illi l-wiċċ tagħhom ikun daqinsew għal kollox.

4.1.3.   Sors tad-dawl li jikkonsisti minn lampa inkandexxenti li l-filament tagħha jinsab ġo pajp parallel bil-qisien 1,5 mm x 1,5 mm x 3 mm. Il-vultaġġ fil-filament tal-lampa irid ikun tali li t-temperatura tal-kulur tkun 2 856 K ± 50 K. Dan il-vultaġġ għandu jiġi stabilizzat fi ±1/1 000. L-istrument użat sabiex jiċċekkja l-voltaġġ għandu jkun ta' eżattezza approprjata.

4.1.4.   Sistema ottika li tikkonsisti minn lenti b'tul fokali f ta' mill-inqas 500 mm u kkoreġuta għal aberazzjonijiet kromatiċi. L-apertura sħiħa tal-lenti ma għandiex tkun aktar minn f/20. Id-distanza bejn il-lenti u s-sors tad-dawl għandha tiġi aġġustata sabiex jinkiseb raġġ tad-dawl li jkun sostanzjalment parallel. Għandha tiddaħħal dijaframma sabiex id-dijametru tar-raġġ ta' dawl jiġi limitat għal 7 mm ± 1 mm. Din id-dijaframma trid tkun tinsab f’distanza ta' 100 ± 50 mm mil-lenti fuq in-naħa li tkun ’l bogħod mis-sors tad-dawl.

4.1.5.   Tagħmir sabiex jitkejjel id-dawl imferrex (ara Figura 5), li jikkonsisti minn ċellula fotoelettrika bi sfera li tintegra d-dawl b’dijametru ta’ 200 sa 250 mm. L-isfera għandha tkun imgħammra b'postijiet tad-dħul u l-ħruġ tad-dawl. Il-post tad-dħul għandu jkun ċirkolari u jkollu dijametru ta' mill-inqas darbtejn dak tar-raġġ tad-dawl. Il-port tal-ħruġ tal-isfera għandu jiġi pprovvdut jew bi protezzjoni għad-dawl jew bi standard ta' riflettanza, skont il-proċedura deskritta fil-paragrafu 4.4.3 hawn taħt. In-nasba tad-dawl għandha tassorbi d-dawl kollu meta l-ebda biċċa tat-test ma tkunx imdaħħla fir-raġġ tad-dawl.

Il-fus tar-raġġ tad-dawl għandu jgħaddi miċ-ċentru tal-postijiet tad-dħul u l-ħruġ. Id-dijametru, b, tal-port ta' ħruġ tad-dawl irid ikun ugwali għal 2 a.tan 4°, fejn a huwa d-dijametru tal-isfera. Iċ-ċellola fotoelettrika għandha tiġi mmontata hekk li ma tistax tintlaħaq mid-dawl li jkun ġej direttament mill-post tad-dħul jew mill-istandard tar-riflettanza.

L-uċuh ta' fuq ġewwa tal-isfera integranti u l-istandard tar-riflettanza għandhom ikunu ta' riflettanza sostanzjalment ugwali u għandhom ikunu matti u mhux selettivi.

Id-dawl li joħroġ miċ-ċellula fotoelettrika għandu jkun lineari mhux aktar minn ±2 fil-mija fuq il-firxa ta' intensitajiet imdawwla użati. Id-disinn tal-istrument għandu jkun tali illi ma jkun hemm l-ebda diflezzjoni tal-galvanometru meta l-isfera tkun skura.

L-apparat kollu għandu jiġi ċċekkjat f'intervalli regolari taż-żmien permezz ta' standards tal-kalibrazzjoni ta' ċpar iddefinit.

Jekk il-kejl taċ-ċpar isir bl-użu ta' apparat jew ta' metodi li jiddifferixxu minn dawk definiti hawn fuq, ir-riżultat għandu jiġi kkorreġut, jekk meħtieġ, sabiex jinġiebu fi qbil ma’ dawk miksubin bl-użu tal-apparat deskritt hawn fuq.

Figura 5

Hazemeter

4.2.   Kundizzjonijiet tal-ittestjar

It-Temperatura: 20 °C ±5 °C

Il-pressjoni: 860 sa 1 060 mbar

Umdità relattiva: 60 ± 20 fil-mija

4.3.   Il-biċċiet tat-test

Il-biċċiet tat-test għandhom ikunu kwadri ċatti li l-ġnub tagħhom ikejlu 100 mm biż-żewġt uċuh tagħhom ikunu sostanzjalment uċuh watja u paralleli u li jkollhom toqba tal-fissar b'dijametru 6.4 mm + 2/ – 0 imtaqqba fin-nofs, jekk meħtieġ.

4.4.   Proċedura

It-test tal-brix għandu jitwettaq fuq dik is-superfiċe tal-kampjun tat-test li tirrappreżenta l-wiċċ ta' barra tal-ħġieġa meta din tal-aħħar tkun immuntata fuq il-vettura u anki fuq il-wiċċ ta' ġewwa jekk ikun minn materjal tal-plastik.

4.4.1.   Immedjatament qabel u wara l-brix, naddaf il-biċċiet tat-test fil-manjiera li ġejja:

(a)	Imsaħ b'biċċa għażel taħt l-ilma ġieri nadif,

(b)	Laħlaħ bl-ilma ddistillat jew b'ilma demineralizzat,

(c)	Nixxef (blow dry) permezz tal-ossiġenu jew nitroġenu,

(d)	Neħħi traċċi possibbli tal-ilma billi tixxotta b’mod ġentili permezz ta’ biċċa għażel umda. Jekk ikun meħieġ, nixxef billi tagħfasha bil-mod bejn biċċtejn drapp tal-għażel.

Kull trattament b'apparat ultrasoniku għandu jiġgi evitat. Wara t-tindif, il-biċċiet tat-test għandhom jintmissu biss mit-truf tagħhom u għandhom jinħażnu sabiex tiġi pprevenuta l-ħsara, jew il-kontaminazzjoni tal-uċuħ tagħhom.

4.4.2.   Ikkundizzjona l-biċċiet tat-test għal ħin minimu ta' 48 siegħa f’temperatura ta' 20 °C ± 5 °C u umdità relattiva ta' 60 ± 20 fil-mija.

4.4.3.   Poġġi immedjatament il-biċċa tat-test kontra l-punt tad-dħul tal-isfera li tintegra d-dawl. L-angolu bejn in-normal (il-perpendikulari) għall-wiċċ tal-biċċa tat-test u l-assi tar-raġġ tad-dawl ma għandux ikun aktar minn 8°.

Ħu erba’ qari kif indikat fit-tabella li ġejja:

Qari	Bil-biċċa tat-test	Bil-protezzjoni tad-dawl	Bl-istandard tar-riflettanza	Kwantità rappreżentata
T1	Le	Le	Iva	Id-dawl tal-inċident
T2	Iva	Le	Iva	Id-dawl totali trasmess mill-biċċa tat-test
T3	Le	Iva	Le	Id-dawl imferrex bl-istrument
T4	Iva	Iva	Le	Dawl imferres bl-istrument u bil-biċċa tat-test

Irrepeti għal T1, T2, T3, u T4 b'pożizzjonijiet oħra speċifikat tal-biċċa tat-test biex tiddetermina l-uniformità.

Ikkalkula t-trażmittanza totali .

Ikkalkula t-trażmittanza diffuża Td kif ġej:

Ikkalkula l-persentaġġ tal-viżibbiltà imferrxa, jew id-dawl inferrex, jew it-tnejn, kif ġej:

Kejjel iċ-ċpar inizjali tal-biċċa tat-test f’minimu ta' erba’ postijiet spazjati ugwalment minn xulxin fl-erja mhux mibruxa skont il-formola ta' hawn fuq. Ikkalkula medju tar-riżultati għal kull biċċta tat-test. Minflok l-erba’ qisien, jista’ jinkiseb valur medju billi l-biċċa tiddawwar b’mod uniformi b’ 3 rev/sec jew aktar.

Għal kull ħġieġa tas-sikurezza wettaq tliet testijiet bl-istess tagħbija. Uża l-viżibbiltà bħala miżura tal-brix tal-parti ta’ taħt il-wiċċ, wara li l-biċċa tat-test tkun ġiet soġġetta għat-test tal-brix.

Kejjel id-dawl dispers mit-traċċa mibruxa f’minimu ta' erba’ punti spazjati ugwalment matul it-traċċa skont il-formola t’hawn fuq. Ikkalkula medju tar-riżultati għal kull biċċta tat-test. Minflok l-erba’ qisien, jista’ jinkiseb valur medju billi l-biċċa tiddawwar b’mod uniformi b’ 3 rev/sec jew aktar.

4.5.   It-test tal-brix għandu jitwettaq biss fid-diskrezzjoni tal-laboratorju li jwettaq it-test b'rigward xieraq għat-tagħrif diġà disponibbli għalih.

Ħlief għall-materjal tal-ħġieġ-plastik, il-bidliet fis-saff intermedju jew fil-ħxuna tal-materjali normalment ma jkollhomx bżonn ittestjar ulterjuri.

4.6.   Indiċi ta’ diffikultà tal-karatteristiċi sekondarji

L-ebda karatteristiku sekondarju m’huwa involut.

5.   IT-TEST TAR-REŻISTENZA GĦAT-TEMPERATURA GĦOLJA

5.1.   Proċedura

Saħħan sa 100 °C tliet kampjuni jew tliet biċċiet tat-test kwadri ta' mill-inqas 300 mm x 300 mm li jkunu nqatgħu mil-laboratorju minn tliet windskrijns jew minn tliet ħġiġiet mhux windskrijns skont kif ikun il-każ, li xifer wieħed minnhom ikun jikkorrispondi max-xifer ta' fuq tal-ħġieġa. Żomm din it-temperatura għal perjodu ta' sagħtejn, imbagħad ħalli l-kampjun(i) tat-test jiksaħ (jiksħu) għat-temperatura tal-kamra. Jekk il-ħġieġ ttas-sikurezza jkollu ż-żewġ uċuħ esterni tiegħu magħmulin minn materjal inorganiku, it-test jista’ jitwettaq billi l-kampjun tat-test jiġi mgħaddas vertikalment f’misħun jagħli għall-perjodu ta' żmien speċifikat, filwaqt li tingħata attenzjoni li jiġi evitat xokk termali mhux dovut. Jekk il-kampjuni jinqatgħu minn windskrijns, ġenb wieħed ta' dan il-kampjun tat-test għandu jkun parti minn ġenb tal-windskrijn.

5.2.   Indiċi ta’ diffikultà tal-karatteristiċi sekondarji

	Bla kulur	Mogħti kulur ħafif
Il-kulur tas-saff ta’ bejn is-saffi	1	2

Il-karatteristiċi sekondarji l-oħra mhumiex involuti.

5.3.   L-interpretazzjoni tar-riżultati

5.3.1.

It-test tar-reżistenza għal temperatura għolja għandu jiġi kkunsidrat li jagħti riżultat pożittiv jekk jiffurmaw bżieżaq jew difetti oħrajn ta' aktar minn 15-il mm minn tarf mhux maqtugħ jew ta' 25 mm minn tarf maqtugħ tal-biċċa tat-test jew kampjun jew aktar minn 10 mm ’il bogħod minn kwalunkwe xaqq li jista’ jiżviluppa matul it-test.

5.3.2.

Sett tal-biċċiet jew tal-kampjuni tat-test sottomessi għall-approvazzjoni għandu jiġi kkunsidrat sodisfaċenti mil-lat tat-test għar-reżistenza għal temperatura għolja jekk it-testijiet kollha jkunu taw riżultat sodisfaċenti.

6.   IT-TEST TAR-REŻISTENZA GĦAR-RADJAZZJONI

6.1   Metodu tal-ittestjar

6.1.1.   Apparat

6.1.1.1.   Sors ta’ radjazzjoni li jikkonsisti minn lampa bi fwar tal-merkurju ta’ pressjoni medja b’bozza tal-kwarz tubulari tat-tip mingħajr ożonu; il-fus tal-bozza għandu jkun vertikali. Il-qisien nominali tal-lampa għandhom ikunu 360 mm tul b'9.5 mm fid-dijametru. It-tul tal-ark għandu jkun 300 mm ± 4 mm. Il-bozza għandha titħaddem b'750 W ± 50 W.

Jista’ jintuża kull sors ieħor ta' radjazzjoni li jipproduċi l-istess effetti li tipproduċi l-lampa speċifikata hawn fuq. Sabiex jiġi ċċekkjat illi l-effetti ta' sors ieħor ikunu l-istess, għandu jsir paragun billi jitkejjel l-ammont tal-enerġija maħruġa f'firxa ta' wavelength ta' minn 300 sa 450 nanometri, bil-wavelengths l-oħra kollha jitneħħew bl-użu ta' filtri xierqa. Is-sors alternattiv għandu mbagħad jintuża b'dawn il-filtri.

Fil-każ ta' ħġiġiet tas-sikurezza li għalihom ma teżisti l-ebda korrelazzjoni sodisfaċenti bejn dan it-test u l-kundizzjonijiet tal-użu, għandu jkun meħtieġ illi ssir reviżjoni tal-kundizzjonijiet tat-test.

6.1.1.2.   Transformer tal-provista tal-elettriku u capacitor li jistgħu jipprovdu lil-lampa (paragrafu 6.1.1.1) minimu ta' vultaġġ massimu tal-bidu ta' 1 100 V u vultaġġ ta' tħaddim ta' 500 V ± 50 V.

6.1.1.3.   Apparat għall-immontar u t-tidwir ta' kampjuni tat-test b'1 sa 5 rev/min madwar is-sors ta' radjazzjoni li jinsab fiċ-ċentru sabiex tiġi żgurata espożizzjoni ugwali.

6.1.2.   Il-biċċiet tat-test

6.1.2.1.   Id-daqs tal-kampjuni tat-test għandu jkun 76 mm x 300 mm.

6.1.2.2.   Il-kampjuni tat-test għandhom jinqatgħu mil-laboratorju minn naħa ta' fuq tal-ħġiġiet hekk li:

Fil-każ ta' ħġiġiet tal-ħġieġ, it-tarf ta' fuq tal-biċċiet tat-test jikkoinċidi mat-tarf ta' fuq tal-ħġieġ.

Fil-każ tal-windskrijns, it-tarf ta' fuq tal-biċċiet tat-test jikkoinċidi mal-limitu ta' fuq taż-żona li fiha, it-trażmittanza regolari trid tiġi vverifikata u stabbilita skont il-paragrafu 9.1.2.2 ta' dan l-anness.

6.1.3.   Proċedura

Ikkontrolla t-trażmittanza regolari tad-dawl, stabbilita skont il-paragrafi 9.1.1 sa 9.1.2 ta' dan l-anness, tat-tliet biċċiet tat-test qabel l-espożizzjoni. Ipproteġi mir-radjazzjoni porzjon minn kull biċċa tat-test, imbagħad qiegħed il-kampjun tat-test fl-apparat tat-test 230 mm minn u parallel mat-tul tal-fus tal-lampa. Żomm it-temperatura tal-kampjuni tat-test għal 45 °C ± 5 °C matul it-test kollu.

Il-wiċċ ta' kull biċċa tat-test li jkun jikkostitwixxi parti ta' fuq barra tal-ħġieġ ta' vettura għandu jkun faċċata tal-lampa. Għat-tip tal-lampa speċifikat fil-paragrafu 6.1.1.1, il-ħin tal-esposizzjoni għandu jkun ta' 100 siegħa. Wara l-esposizzjoni, kejjel it-trasmittanza regolari tad-dawl għal darba oħra fl-erja esposta ta' kull biċċa tat-test.

6.1.4.   Kull biċċa tat-test jew kampjun (numru totali 3 biċċiet) għandha tiġi soġġetta, skont il-proċedura t’hawn fuq, għal radjazzjoni b'tali mod li r-radjazzjoni fuq kull punt tal-biċċa tat-test jew tal-kampjun tipproduċi l-istess effett fuq il-parti ta' bejn is-saffi użata, bħall-effett prodott minn radjazzjoni tax-xemx ta' 1 400 W/m2 għal 100 siegħa.

6.2.   Indiċi ta’ diffikultà tal-karatteristiċi sekondarji

	Bla kulur	Mogħti kulur ħafif
Il-kulur tal-ħġieġ	2	1
Il-għoti tal-kulur lis-saff tan-nofs:	1	2

Il-karatteristiċi sekondarji l-oħra mhumiex involuti.

6.3.   L-interpretazzjoni tar-riżultati

6.3.1.   It-test tar-reżistenza għar-radjazzjoni għandu jitqies li jkun ta riżultat pożittiv jekk jitwettqu l-kondizzjonijiet li ġejjin:

6.3.1.1.   It-trażmittanza totali tad-dawl meta mkejla skont il-paragrafi 9.1.1 u 9.1.2 ta' dan l-Anness ma tinżilx taħt il-95 fil-mija tal-valur oriġinali qabel l-irradjazzjoni u fi kwalunkwe każ ma tinżilx:

6.3.1.1.1.   Taħt is-70 fil-mija fil-każ ta' windskrijn u ħġieġ ieħor li jkun jinsab f’pożizzjoni meħtieġa għall-viżibilità tas-sewqan.

6.3.2.   Sett tal-biċċiet jew tal-kampjuni tat-test issottomessi għall-approvazzjoni għandu jiġi kkunsidrat sodisfaċenti mil-lat tat-test tar-reżistenza għar-radjazzjoni jekk it-testijiet kollha jkunu taw riżultat sodisfaċenti.

6.4.   Reżistenza għal kundizzjonijiet tat-temp simulati

6.4.1.   Metodu tal-ittestjar

6.4.1.1.   Apparat

6.4.1.1.1.   Fanal ksenon b'ark twil

L-apparat tal-esponiment (3) għandu juża fanal ksenon b'ark twil bħala s-sors tal-irradjazzjoni, iżda għandhom ikunu permessi metodi oħra li jagħtu l-livell meħtieġ ta' esponiment għar-raġġ ultravjola. Il-fanal ksenon b'ark twil huwa vantaġġjuż billi huwa jista’, meta jiġi ffiltrat u mantenut sewwa, jipproduċi spettru li jersaq l-aktar lejn dak tad-dawl tax-xemx naturali. Għal dan l-għan, it-tubu tal-burner tal-kwarz ksenon għandu jiġi mgħammar b'filtri xierqa tal-ħġieġ tal-borosilikat ottiku (4). Il-fanali tal-ksenon imħaddma għandhom jiġu operati, minn sors xieraq ta' enerġija ta’ 50 jew 60 Hz, trasformaturi tar-reattanza xierqa u tagħmir elettriku.

L-apparat tal-esponiment għandu jinkludi t-tagħmir meħtieġ għall-kejl u/jew il-kontroll ta' dan li ġej:

(a)	Irradjanza

(b)	It-temperatura standard sewda

(c)	Ir-raxx tal-ilma

(d)	L-iskeda jew iċ-ċiklu operattiv

L-apparat tal-esponiment irid ikun magħmul minn materjal inerti li ma jikkontaminax l-ilma użat fit-test.

L-irradjanza għandha titkejjel fis-superfiċe tal-biċċa tat-test u għandha tkun ikkontrollata skont ir-rakkomandazzjonijiet tal-manifattur tal-apparat tal-esponiment.

L-esponiment totali għar-raġġi ultravjola (5) (Joules għal kull metru kwadru) għandu jitkejjel jew jiġi kkalkulat u għandu jitqies bħala l-kejl primarju tal-esponiment tal-kampjun għat-test.

6.4.1.2.   Il-biċċiet tat-test

Il-qisien tal-biċċiet tat-test għandhom normalment ikunu dawk speċifikati fil-metodu tat-test adattat għall-karatteristika jew il-karatteristiċi li jridu jitkejlu wara l-esponiment.

Għandu jiġi stabbilit in-numru ta' biċċiet ta' kontroll u kampjuni tat-test għal kull kundizzjoni tat-test jew stadju ta' esponiment, flimkien ma’ dawk meħtieġa għall-evalwazzjonijiet viżwali min-numru meħtieġ mill-metodi tat-test.

Huwa rakkomandat li l-evalwazzjonijiet viżwali jsiru fuq l-akbar biċċiet tat-test li jiġu ttestjati.

6.4.1.3.   Proċedura

Kejjel, skont il-paragrafu 9.1 ta' dan l-Anness, it-trażmissjoni tal-luminożità tal-kampjuni tat-test li jridu jiġu esposti. Kejjel, skont il-paragrafu 4 ta' dan l-Anness, ir-reżistenza għall-brix tas-superfiċe(ijiet) tal-biċċa(iet) ta' kontroll. Dak il-wiċċ ta' kull biċċa tat-test, li jirrappreżenta s-superfiċe mwaħħla mal-estern tal-vettura tat-triq, għandha tħares lejn il-lampa. Kundizzjonijiet ta' esponiment oħrajn għandhom ikunu kif ġej:

6.4.1.3.1.   L-irradjanza m’għandhiex tkun aktar minn ± 10 fil-mija fuq l-erja kollha tal-kampjun għat-test.

6.4.1.3.2.   F’intervalli xierqa, naddaf il-filtri tal-lampa billi taħsilhom b'deterġent u ilma. Il-filtri tal-ark tal-ksenon għandhom jinbidlu skont ir-rakkomandazzjonijiet tal-manifattur tal-apparat.

6.4.1.3.3.   It-temperatura ġewwa l-apparat tal-esponiment waqt il-porzjon niexef taċ-ċiklu għandha tiġi kkontrollata permezz taċ-ċirkolazzjoni ta' arja suffiċjenti sabiex tinżamm temperatura sewda standard kostanti.

Fl-apparat tal-esponiment għall-ark tal-ksenon, din it-temperatura għandha tkun 70 °C ± 3 °C kif indikat minn termometru iswed standard jew l-ekwivalenti.

It-termometru bil-panil iswed għandu jiġi mmuntat fl-ixtilliera tal-kampjun tat-test u għandu jittieħed qari fil-punt fejn tiġi żviluppata sħana massima minħabba l-esponiment għad-dawl.

6.4.1.3.4.   L-umdità relattiva ġewwa l-apparat tal-esponiment għandha tkun ikkontrollata għal 50 ± 5 fil-mija matul il-porzjonijiet niexfa taċ-ċiklu.

6.4.1.3.5.   L-ilma dejonizzat li jintuża fiċ-ċiklu bir-raxx tal-ilma għandu jkun fih inqas minn 1 ppm solidi tas-silicon dioxide u m’għandu jħalli l-ebda depożitu permanenti u residwu fuq il-kampjuni tat-test li jinterferixxu mal-miżurazzjonijiet sussegwenti.

6.4.1.3.6.   Il-pH tal-ilma għandu jkun bejn 6,0 u 8,0, u l-konduttività għandha tkun inqas minn 5 microsiemens.

6.4.1.3.7.   It-temperatura tal-ilma fil-linja fejn tidħol fl-apparat tal-esponiment għandha tkun it-temperatura tal-ilma ambjentali.

6.4.1.3.8.   L-ilma għandu jolqot il-kampjuni tat-test fil-forma ta' raxx fin f’volum suffiċjenti biex ixarrab il-kampjuni tat-test b'mod uniformi, immedjatament mal-impatt.

Ir-raxx tal-ilma jkun dirett biss kontra s-superfiċe tal-kampjun tat-test li tħares lejn is-sors tad-dawl. Ma hija permessa l-ebda ċirkolazzjoni mill-ġdid tal-ilma tar-raxx jew immersjoni tal-kampjuni tat-test ġewwa l-ilma.

6.4.1.3.9.   Il-kampjuni tat-test għandhom jiddawwru madwar l-ark sabiex tiġi pprovduta distribuzzjoni uniformi tad-dawl. Il-pożizzjonijiet kollha fl-apparat tal-esponiment għandhom jimtlew bil-kampjuni tat-test jew surrogati sabiex jiġi żgurat li tinżamm distribuzzjoni uniformi tat-temperatura. Il-kampjuni tat-test għandhom jinżammu fi frejms bid-dahar tagħhom espost għall-ambjent tal-kabinett. Madankollu, ir-riflessi mill-ħitan tal-kabinett m’għandhomx jitħallew jolqtu s-superfiċe tad-dahar tal-kampjuni. Jekk ikun meħtieġ, tista’ titpoġġa xi ħaġa wara l-kampjuni sabiex timblokka dawn ir-riflessi, basta ma titwaqqafx iċ-ċirkolazzjoni libera tal-arja fis-superfiċe tal-kampjun.

6.4.1.3.10.   L-apparat tal-esponiment għandu jitħaddem sabiex jipprovdi dawl kontinwu u raxx tal-ilma intermittenti f’ċikli ta' sagħtejn. Kull ċiklu ta' sagħtejn għandu jkun maqsum f’perjodi li matulhom il-kampjuni tat-test jiġu esposti għad-dawl mingħajr raxx tal-ilma għal 102 minuti u għal dawl bir-raxx tal-ilma għal 18-il minuta.

6.4.1.4.   Evalwazzjoni

Wara l-esponiment, jekk ikun meħtieġ, il-biċċiet tat-test jistgħu jitnaddfu bi prattika rakkomandata mill-manifattur tagħhom sabiex jitneħħa kwalunkwe residwu preżenti.

Evalwa viżwalment il-biċċiet esposti tat-test fir-rigward tal-karatteristiċi segwenti:

(a)

Bżieżaq

(b)

Lewn

(c)

Ċpar

(d)	Dekompożizzjoni evidenti

Kejjel it-trażmissjoni tal-luminożità tal-biċċiet tat-test esposti.

6.4.1.5.   L-espressjoni tar-riżultati

Irrapporta l-evalwazzjonijiet viżwali tal-biċċiet tat-test esposti, billi tqabbel id-dehra ta' kull wieħed minnhom ma’dik tal-kontroll mhux espost.

It-trażmittanza tad-dawl regolari li titkejjel ma għandhiex tvarja b'iżjed minn 5 fil-mija mit-test oriġinali fuq il-kampjuni mhux esposti u m’għandhiex tinżel taħt:

70 fil-mija fil-każ ta' windskrijn u ħġieġ ieħor li jkun jinsab f’pożizzjoni meħtieġa għall-viżibilità tas-sewqan.

7.   IT-TEST TAR-REŻISTENZA GĦALL-UMDITÀ

7.1.   Proċedura

Żomm tliet kampjuni jew tliet biċċiet tat-test kwadri ta' mill-anqas 300 mm × 300 mm f’pożizzjoni vertikali għal ġimagħtejn f’kontenitur magħluq li t-temperatura fih tinżamm għal 50 °C ± 2 °C u l-umdità relattiva fih tinżamm għal 95 ± 4 fil-mija. Fil-każ ta' ħġieġ tal-plastik riġidu u unitajiet b'iktar minn ħġieġa waħda tal-plastik riġidu, in-numru ta' kampjuni għandu jkun għaxra.

Il-kampjuni tat-test għandhom jitħejjew b'tali mod li:

(a)	Mill-inqas xifer wieħed tal-kampjuni tat-test jikkoinċidi ma’ xifer oriġinali tal-ħġieġa,

(b)	Jekk jiġu ttestjati diversi kampjuni tat-test fl-istess ħin, għandu jiġi pprovdut spazjar adegwat bejniethom.

Għandhom jittieħdu prekawzjonijiet sabiex jipprevjenu milli l-kondensazzjoni mill-ħitan jew mis-saqaf tal-kompartiment tat-test ma taqax fuq il-kampjuni tat-test.

7.2.   Indiċi ta’ diffikultà tal-karatteristiċi sekondarji

	Bla kulur	Mogħti kulur ħafif
Il-għoti tal-kulur lis-saff tan-nofs:	1	2

Il-karatteristiċi sekondarji l-oħra mhumiex involuti.

7.3.   L-interpretazzjoni tar-riżultati

7.3.1.

Il-ħġieġa tas-sikurezza għandha tiġi kkunsidrata sodisfaċenti mill-perspettiva tar-reżistenza għall-umdità jekk ma tkun osservata l-ebda bidla sinifikanti iżjed minn 100 mm mix-xfar mhux maqtugħa u iżjed minn 15-il mm mix-xfar maqtugħa wara li ħġieġ laminat ordinarju u ħġieġ laminat ittrattat ikun nżamm għal sagħtejn fl-atmosfera ambjentali, u ħġieġ miksi bil-plastik u ħġiġiet tal-ħġieġ-plastik ikunu nżammu għal 48 siegħa fl-atmosfera ambjentali.

7.3.2.

Sett tal-biċċiet jew tal-kampjuni tat-test sottomessi għall-approvazzjoni għandu jiġi kkunsidrat sodisfaċenti mil-lat tat-test għar-reżistenza għall-umdità jekk tiġi ssodisfata l-waħda jew l-oħra mill-kundizzjonijiet li ġejjin:

8.   IT-TEST TAR-REŻISTENZA GĦALL-BDIL FIT-TEMPERATURA

8.1.   Metodu tal-ittestjar

Żewġ biċċiet tat-test 300 mm x 300 mm għandhom jingħalqu f’temperatura ta’ -40 °C ± 5 °C għal perjodu ta’ 6 sigћat; għandhom imbagħad jitqiegħdu għall-beraħ f’temperatura ta’ 23 °C ± 2 °C għal siegħa jew sakemm l-ekwilibriju tat-temperatura jintlaħaq mill-biċċiet tat-test. Imbagħad dawn għandhom jitpoġġew f’arja tiċċirkola f’temperatura ta' 72 °C ± 2 °C għal 3 sigħat. Wara li jitpoġġew mill-ġdid fil-miftuħ f’temperatura ta' 23 °C ± 2 °C u jitkessħu għal dik it-temperatura, il-kampjuni tat-test għandhom jiġu eżaminati.

8.2.   L-indiċijiet tad-diffikultajiet tal-karatteristiċi sekondarji

	Bla kulur	Mogħti kulur ħafif
Kulur tas-saff intermedju jew tal-kisi tal-plastik	1	2

Il-karatteristiċi sekondarji l-oħra mhumiex involuti.

8.3   L-interpretazzjoni tar-riżultati

It-test tar-reżistenza għall-bidliet fit-temperatura għandu jitqies li ta riżultat sodisfaċenti jekk il-kampjuni tat-test ma juru l-ebda evidenza ta' tixqiq, titpin, separazzjoni tas-saffi jew deterjorazzjoni apparenti oħra.

9.   KWALITAJIET OTTIĊI

9.1.   It-test tat-trażmissjoni tad-dawl

9.1.1.   Apparat

9.1.1.1.   Sors tad-dawl li jikkonsisti minn lampa inkandexxenti li l-filament tagħha jinsab ġo pajp parallel bil-qisien 1,5 mm x 1,5 mm x 3 mm. Il-vultaġġ fil-filament tal-lampa irid ikun tali li t-temperatura tal-kulur tkun 2 856K ± 50K. Dan il-vultaġġ għandu jiġi stabbilizzat fi ±1/1 000. L-istrument użat sabiex jiċċekkja l-voltaġġ għandu jkun ta' eżattezza approprjata.

9.1.1.2.   Sistema ottika li tikkonsisti minn lenti b'tul fokali f ta' mill-inqas 500 mm u kkoreġuta għal aberazzjonijiet kromatiċi. L-apertura sħiħa tal-lenti ma għandiex tkun aktar minn f/20. Id-distanza bejn il-lenti u s-sors tad-dawl għandha tiġi aġġustata sabiex jinkiseb raġġ tad-dawl li jkun sostanzjalment parallel. Għandha tiddaħħal dijaframma sabiex id-dijametru tar-raġġ ta' dawl jiġi limitat għal 7 mm ± 1 mm. Din id-dijaframma trid tkun tinsab f’distanza ta' 100 ± 50 mm mil-lenti fuq in-naħa li tkun ’l bogħod mis-sors tad-dawl. Il-post tal-kejl għandu jittieħed fiċ-ċentru tar-raġġ tad-dawl.

9.1.1.3.   It-tagħmir għall-kejl

Ir-riċevitur irid ikollu sensittività spettrali relattiva fi ftehim sostanzjali mal-effikaċja tal-luminożità spettrali relattiva għall-osservatur fotometriku standard tal-ICI (6) għall-viżjoni fotopika. Il-wiċċ sensittiv tar-riċevitur għandu jitgħatta b'mezz ta' diffużjoni u għandu jkollu mill-inqas darbtejn it-taqsima trasversali tar-raġġ tad-dawl parallel emess mis-sistema ottika. Jekk tintuża sfera integranti, l-apertura tal-isfera għandu jkollha taqsima trasversali ta' mill-inqas darbtejn dik tal-porzjon parallel tar-raġġ.

Il-linearità tar-riċevitur u l-istrument indikatur assoċjat miegħu għandha tkun aħjar minn 2 fil-mija tal-parti effettiva tal-iskala.

Ir-riċevitur għandu jiġi ċċentrat fl-assi tar-raġġ tad-dawl.

9.1.2.   Proċedura

Is-sensittività tas-sistema tal-kejl għandha tiġi aġġustata b'mod li l-istrument li jindika r-rispons tar-riċevitur jindika 100 diviżjoni meta l-biċċa tat-test ma tkunx imdaħħla fil-mogħdija tad-dawl. Meta l-ebda dawl ma jkun qiegħed jaqa’ fuq ir-riċevitur, l-istrument għandu jaqra żero.

Poġġi l-biċċa tat-test f'distanza mir-riċevitur li hija ugwali għal approssimament ħames darbiet id-dijametru tar-riċevitur. Daħħal il-ħġieġa tas-sikurezza bejn id-dijaframma u r-riċevitur u aġġusta l-orjentazzjoni tagħha b'tali mod li l-angolu tal-inċidenza tar-raġġ tad-dawl ikun ugwali għal 0 ± 5°. It-trasmittanza regolari għandha titkejjel fuq il-biċċa tat-test, u għal kull punt imkejjel għandhom jinqraw in-numri tad-diviżjonijiet, n, murija fuq l-istrument indikatur. It-trasmittanza regolari tr hija egwali għal n/100.

9.1.2.1.   Fil-każ tal-windskrijns, jistgħu jiġu applikati metodi alternattivi tat-test jew bl-użu ta' biċċa tat-test maqtugħa mill-aktar parti ċatta tal-windskrijn jew bi kwadru ċatt imħejji speċifikament b'karatteristiċi tal-materjal u tal-ħxuna identiċi għal dawk tal-windskrijn attwali, bil-kejl jittieħed man-normal (perpendikolari) tal-ħġieġa.

9.1.2.2.   Għal windskrijns tal-vetturi M1  (7) it-test għandu jitwettaq fl-erja tat-test B definita fl-Anness 18, paragrafu 2.3, filwaqt li tiġi eskluża kwalunkwe oskurazzjoni opaka li taffettwaha.

Għall-windskrijns ta' vetturi N1, il-manifattur jista’ jitlob li l-istess test jista’ jitwettaq jew fl-erja tat-test B definita fl-Anness 18, paragrafu 2.3, filwaqt li tiġi eskluża kwalunkwe oskurazzjoni opaka li taffettwaha, jew fiż-żona I definita fil-paragrafu 9.2.5.2.3 ta' dan l-Anness.

Għal windskrijns ta' kategoriji oħra ta' vetturi, it-test għandu jitwettaq fiż-żona I definita fil-paragrafu 9.2.5.2.3 ta' dan l-Anness.

Madankollu, għal tratturi agrikoli u forestali u għal vetturi tas-sit tal-kostruzzjoni li għalihom ma tkunx possibbli li tiġi stabbilita ż-żona I, it-test għandu jitwettaq fiż-żona I’ kif definita fil-paragrafu 9.2.5.3 ta' dan l-Anness.

9.1.3.   Indiċi ta’ diffikultà tal-karatteristiċi sekondarji

	Bla kulur	Mogħti kulur ħafif
Il-kulur tal-ħġieġ	1	2
Il-kulur tas-saff bejn il-ħġieġ (fil-każ ta’ windskrijns laminati)	1	2
	1 Mhux inkluż	Inkluż
Dell u/jew oskurazzjoni opaka	1	2

Il-karatteristiċi sekondarji l-oħra mhumiex involuti.

9.1.4.   L-interpretazzjoni tar-riżultati

It-trażmittanza tad-dawl regolari għandha titkejjel skont il-paragrafu 9.1.2 ta' dan l-Anness u r-riżultat għandu jiġi rrekordjat. Fil-każ ta' windskrijn, din m’għandhiex tkun inqas minn 70 fil-mija. Fil-każ ta' ħġieġ li mhuwiex windskrijn, ir-rekwiżiti huma speċifikati fl-Anness 21.

9.2.   It-test tat-tagħwiġ ottiku

9.2.1.   Ambitu

Il-metodu speċifikat huwa metodu ta’ projezzjoni li jippermetti l-evalwazzjoni tad-distorzjoni ottika ta’ ħġieġa tas-sikurezza.

9.2.1.1.   Definizzjonijiet

9.2.1.1.1.   "Devjazzjoni ottika" tfisser l-angolu bejn id-direzzjoni vera u dik apparenti ta' punt li jidher mill-windskrijn, fejn il-kobor tal-angolu huwa funzjoni tal-angolu tal-inċidenza tal-linja tal-viżjoni, il-ħxuna u l-inklinazzjoni tal-windskrijn, u r-raġġ tal-kurvatura "r" fil-punt tal-inċidenza.

9.2.1.1.2.   Distorzjoni ottika f’direzzjoni M-M': Id-differenza alġebrajika fid-devjazzjoni angolari D imkejla bejn żewġ punti M u M′ fuq il-wiċċ tal-ħġieġa tat-twieqi tas-sikurezza, fejn id-distanza bejn iż-żewġ punti tkun tali l-projezzjonijiet tagħhom fi pjan li jkun ta’ angolu ta’ 90o mad-direzzjoni tal-viżjoni jiġu separati permezz ta’ distanza imsemmija Dx (ara Figura 6).

Id-devjazzjoni kontra l-arloġġ għandha tiġi meqjusa bħala pożittiva u d-devjazzjoni skont l-arloġġ bħala negattiva.

9.2.1.1.3.   Distorzjoni ottika fil-punt M: Id-distorzjoni ottika massima għad-direzzjonijiet kollha M-M' mill-punt M.

Figura 6

Rappreżentazzjoni dijagrammatika tad-distorzjoni ottika

9.2.1.2.   Apparat

Dan il-metodu jinvolvi l-projezzjoni ta' slide approprjata (raster) fuq il-liżar tal-esposizzjoni minn ġol-ħġieġa tas-sikurezza li tkun qiegħda tiġi ttestjata. Il-bidla kkaġunata fil-forma tax-xbiha pprojettata meta tiddaħħal il-ħġieġa tat-twieqi tas-sikurezza fid-direzzjoni illuminata bid-dawl tipprovdi miżura tad-distorzjoni.

L-apparat għhandu jikkomprendi l-oġġetti li ġejjin, irranġati kif muri fil-Figura 9.

9.2.1.2.1.   Proġekter, ta’ kwalità tajba, b’sors tad-dawl b’punt ta’ intensità għolja, li għandu, per eżempju, l-karatteristiċi li ġejjin:

tul fokali ta’ mill-inqas 90 mm,

apertura ta’ approssimament 1/2,5,

150-W bozza aloġena tal-kwarz (jekk jintuża mingħajr filtru),

250-W bozza aloġena tal-kwarz (jekk jintuża filtru aħdar).

Il-proġekter jidher skematikament fil-Figura 7. Dijaframma ta' dijametru ta' 8 mm titpoġġa bejn wieħed u ieħor 10 mm mil-lenti ta' quddiem.

Figura 7

L-arranġament ottiku tal-proġekter

9.2.1.2.2.   Pjastri li jikkonsistu, per eżempju, fi skjerament ta’ forom ċirkulari qawwija fuq sfond skur (ara Figura 8). L-islajds għandhom ikunu ta' kwalità u kuntrast għoli biżżejjed sabiex jippermettu li jsir kejl bi żball ta' inqas minn 5 fil-mija.

Fin-nuqqas tal-ħġieġa tas-sikurezza li trid tiġi eżaminata, il-qisien tal-għamliet ċirkolari għandhom ikunu tali illi meta l-forom ċirkolari jiġu pprojettati, dawn jifformaw firxa ta' ċrieki ta' dijametru

, fejnΔx = 4 mm (ara l-Figuri 6 u 9).

Figura 8

Sezzjoni imkabbra tal-pjastra

Figura 9

L-arranġament tal-apparat għat-test tad-distorzjoni ottika

9.2.1.2.3.   Stand ta’ appoġġ, preferibbilment wieħed li jippermetti skennjar vertikali u orizontali, kif ukoll it-tidwir tal-ħġieġa tas-sikurezza.

9.2.1.2.4.   Mudell ta' kontroll, biex jitkejjel it-tibdil fid-dimensjonijiet fejn tkun meħtieġa valutazzjoni rapida. Disinn xieraq huwa muri fil-Figura 10.

Figura 10

Disinn għal mudell ta’ verifika xieraq

9.2.1.3.   Proċedura

9.2.1.3.1.   Ġenerali

Immonta l-windskrijn fuq l-istand ta' appoġġ (paragrafu 9.2.1.2.3) fl-angolu tal-inklinazzjoni msemmi. Ipprojetta x-xbiha tat-test mill-erja li qed tiġi eżaminata. Dawwar il-windskrijn jew ċaqalqu orizontalment jew vertikalment sabiex teżamina l-erja speċifikata kollha.

9.2.1.3.2.   Il-valutazzjoni permezz ta’ mudell ta’ verifika

Fejn tkun biżżejjed valutazzjoni rapida b'marġini ta' żball possibbli ta' mhux aktar minn 20 fil-mija, ikkalkula l-valur A (ara l-Figura 10) mill-valur tal-limitu ΔαL għal bidla fid-devjazzjoni u l-valur ta' R2, id-distanza mill-ħġieġa tas-sikurezza sal-iskrin tad-displej:

Ir-relazzjoni bejn il-bidla fid-dijametru tax-xbieha projettata Δd u l-bidla fid-devjazzjoni angolari Δα hija mogħtija permezz ta':

fejn:

Δd	hija mfissra f’millimetri,
A	hija mfissra f’millimetri,
ΔαL	hija mfissra f’minuti ta' ark,
Δα	hija mfissra f’minuti ta' ark,
R2	hija mfissra f’metri.

9.2.1.3.3.   Il-kejl permezz ta’ mekkaniżmu fotoelettriku

Fejn hu meħtieġ kejl preċiż b'marġni possibbi ta' żball ta' inqas minn 10fil-mija tal-valur tal-limitu, kejjel Δd fuq il-fus tal-projezzjoni, bil-valur tal-wisa’ tal-ispot jittieħed fil-punt fejn il-luminanza hija 0,5 drabi l-valur massimu tal-għoti tal-luminanza tal-ispot.

9.2.1.4.   L-espressjoni tar-riżultati

Evalwa d-distorzjoni ottika tal-ħġieġ tas-sikurezza billi tkejjel Δd fi kwalunwke punt tal-wiċċ u fid-direzzjonijiet kollha sabiex issib Δd max.

9.2.1.5.   Metodu alternattiv

Barra minn hekk, hija permessa teknika strijoskopika bħala alternattiva għat-tekniki tal-projezzjoni, diment li tinżamm il-preċiżjoni tal-qisien mogħtija fil-paragrafi 9.2.1.3.2 u 9.2.1.3.3.

9.2.1.6.   Id-distanza Δx għandha tkun ta' 4 mm.

9.2.1.7.   Il-windskrijn għandu jkun immontat fl-istess angolu tal-inklinazzjoni bħal fuq il-vettura.

9.2.1.8.   Il-fus tal-projezzjoni fil-pjan orizzontali għandu jinżamm bejn wieħed u ieħor man-normaliskont il-linja tal-windskrijn f’dan il-pjan.

9.2.2.   Għandhom jitwettqu l-qisien:

9.2.2.1.   Għall-kategorija ta' vetturi M1 fl-erja tat-test A, estiża sal-pjan mezzan tal-vettura, u fil-parti korrispondenti tal-windskrijn b'mod simmetriku miegħu madwar il-pjan lonġitudinali mezzan tal-vettura, u wkoll fl-erja tat-test B imnaqqsa skont il-paragrafu 2.4 tal-Anness 18.

9.2.2.2.   Għal vetturi tal-kategoriji M u N ħlief M1:

(a)	Fiż-żona I kif definit fil-paragrafu 9.2.5.2 ta' dan l-anness għal veturi M2, M3, N2 u N3;

(b)

Jew fiż-żona I kif definita fil-paragrafu 9.2.5.2 ta' dan l-Anness jew fl-erja tat-test A, estiża sal-pjan mezzan tal-vettura, u fil-parti korrispondenti tal-windskrijn simmetrika miegħu madwar il-pjan lonġitudinali mezzan tal-vettura, u wkoll fl-erja tat-test imnaqqsa B skont il-paragrafu 2.4 tal-Anness 18 għal vetturi tat-tip N1.

9.2.2.3.   Għal tratturi agrikoli u forestali u għal vetturi tas-siti tal-kostruzzjoni li għalihom ma jkunx possibbli li tiġi stabbilita ż-żona I, iż-żona I’ kif definita fil-paragrafu 9.2.5.3 ta' dan l-Anness.

9.2.2.4.   It-tip ta’ vettura

It-test għandu jiġi ripetut jekk il-windskrijn ikun sejjer jitwaħħal fuq vettura ta' tip li l-kamp viżiv ’l quddiem tagħha ikun differenti minn dak tat-tip ta' vettura li għaliha l-windskrijn ikun diġà ġie approvat.

9.2.3.   Indiċi ta’ diffikultà tal-karatteristiċi sekondarji

9.2.3.1.   In-natura tal-materjal

Ħġieġ illustrat (pjanċa)	Ħġieġ float	Il-Ħġieġ irqiq tal-folja
1	1	2

9.2.3.2.   Karatteristiċi sekondarji oħra

L-ebda karatteristriku sekondarju ieħor m’huwa involut.

9.2.4.   Numru ta' windskrijns

Għandhom jiġu ssottomessi erba' biċċiet tat-test.

9.2.5.   Id-definizzjonijiet taż-żoni

9.2.5.1.   Iż-żoni A u B tal-windskrijns ta' vetturi tal-kategorija M1 u N1 huma definiti fl-Anness 18 għal dan ir-Regolament.

9.2.5.2.   Iż-żoni tal-windskrijns għal vetturi tal-kategoriji M u N ħlief M1 huma definiti fuq il-bażi ta':

9.2.5.2.1.   Il-"punt tal-għajnejn" jew il-punt "O", huwa l-punt ippożizzjonat 625 mm ’il fuq mill-punt R tas-sit tas-sewwieq fil-pjan vertikali parallel mal-pjan lonġitudinali mezzan tal-vettura li għaliha jkun maħsub il-windskrijn, li jgħaddi mill-assi tal-istering.

9.2.5.2.2.   Il-linja dritta OQ li hija l-linja dritta orizzontali li tgħaddi mill-punt tal-għajn 0 u li hija perpendikulari mal-pjan lonġitudinali medjan tal-vettura.

9.2.5.2.3.   Żona I hija ż-żona tal-windskrijn stabbilita mill-interċezzjoni tal-windskrijn mal-erba’ pjani definiti hawn taħt:

P1	-	Pjan vertikali li jgħaddi minn 0 u jifforma angolu ta’ 15° fuq il-lemin tal-pjan lonġitudinali medjan tal-vettura,
P2	-	Pjan vertikali simmettriku għal P1 madwar il-pjan lonġitudinali medjan tal-vettura. Jekk dan mhuwiex possibbli (eżempju fin-nuqqas ta' pjan lonġitudinali medjan simmettriku) P2 għandu jkun il-pjan simmettriku għal P1 madwar il-pjan lonġitudinali tal-vettura li jgħaddi mill-punt 0.
P3	-	Pjan li jgħaddi mill-linja dritta OQ u jifforma angolu ta’ 10° fuq il-pjan orizzontali,
P4	-	Pjan li jgħaddi mill-linja dritta OQ u jifforma angolu ta’ 8° taħt il-pjan orizzontali.

9.2.5.3.   Għal tratturi agrikoli u forestali u għal vetturi tas-sit tal-kostruzzjoni li għalihom ma jkunx possibbli li tiġi stabbilita ż-żona I, iż-żona I’ tikkonsisti mis-superfiċe sħiħa tal-windskrijn.

9.2.6.   L-interpretazzjoni tar-riżultati

Tip ta' windskrijn għandu jitqies bħala sodisfaċenti fir-rigward tad-distorsjoni ottika jekk, fl-erba’ windskrijns ippreżentati għall-ittestjar, id-distorsjoni ottika ma taqbiżx il-valuri mogħtija hawn taħt għal kull żona.

Il-kategorija tal-vettura	Żona	Valuri massimi tad-distorsjoni ottika
M1 u N1	A - estiż skont il-paragrafu 9.2.2.1	2’ ta’ ark
	B - imnaqqas skont il-paragrafu 2.4 tal-Anness 18	6’ ta’ ark
Kategoriji M u N għajr għal M1	I	2’ ta’ ark
Vetturi agrikoli eċċ. li għalihom mhuwiex possibbli li tiġi determinata żona I	I'	2’ ta’ ark

9.2.6.1.   M’għandu jsir ebda kejl f’erja periferali 25 mm’ il ġewwa mill-profil tad-disinn tal-ħġieġ u ta’ kwalunkwe oskurazzjoni opaka, sakemm din ma taffetwax iż-żona estiża A jew iż-żona I.

9.2.6.2.   Għat-tratturi agrikoli u forestali u għall-vetturi tas-sit tal-kostruzzjoni, m’għandu jsir ebda kejl f’erja periferali wiesgħa 100 mm.

9.2.6.3.   Fil-każ ta' windskrijns maqsumin, m’għandu jsir l-ebda kejl fi strixxa ta' 35 mm mix-xifer tal-windskrijn li jkun imiss mal-pilastru diviżorju.

9.2.6.4.   Huwa permess valur massimu ta' 6’ ta' ark għall-porzjonijiet kollha taż-żona I jew taż-żona A f'erja periferali 100 mm 'il ġewwa mill-profil tad-dissin tal-ħġieġ.

9.2.6.5.   Jistgħu jkunu permessi devjazzjonijiet żgħar mir-rekwiżiti fl-erja tat-test B imnaqqsa skont il-paragrafu 2.4 tal-Anness 18 bil-kundizzjoni li jkunu lokalizzati u rrekordjati fir-rapport.

9.3.   It-test tas-separazzjoni tax-xbiha sekondarja

9.3.1.   Ambitu

Huma rikkonoxxuti żewġ metodi tat-test:

It-test tal-mira, u

It-test tat-teleskopju tal-kollimazzjoni.

Dawn il-metodi tat-test jistgħu jintużaw għall-finijiet tal-approvazzjoni, il-kontroll tal-kwalità jew l-evalwazzjoni tal-prodott, kif xieraq.

9.3.1.1.   It-test tal-mira

9.3.1.1.1.   Apparat

Dan il-metodu jinvolvi li tiġi eżaminata mira illuminata mill-ħġieġa tas-sikurezza. L-oġġett fil-mira jista' jkun iddisinjat hekk illi t-test ikun jista' jitwettaq fuq bażi sempliċi ta' 'go-no go'.

Il-mira trid tkun preferibbilment waħda minn dawn it-tipi li ġejjin; jiġifieri, jew

(a)	Oġġett fil-mira “anella” imdawwal li d-dijametru ta' fuq barra tiegħu, D, ikun quddiem angolu ta' n minuti ta' ark f’punt li jinsab x metri (il-Figura 11(a)), jew

(b)

Mira b'“anella u spot” imdawwlin fejn id-dimensjonijiet huma tali li d-distanza, D, minn punt fuq it-tarf tal-ispot sal-punt l-aktar viċin fuq ġewwa tal-anella tagħmel (subtends) angolu ta' n minuti ta' kurva f’punt li jinsab x metri (Figura 11(b)), fejn l-n hija l-valur tal-limitu tas-separazzjoni tax-xbieha sekondarja, x hija d-distanza mill-ħġieġa tas-sikurezza sa l-oġġett fil-mira (mhux anqas minn 7 m), D tingħata bil-formola: D = x tg n

Il-mira illuminata tikkonsisti minn kaxxa illuminata, approssimament 300 mm x 300 mm x 150 mm, li n-naħa ta’ quddiem tagħha hija magħmula b’mod konvenjenti ħafna minn ħġieġ mgħotti b’karta sewda opaka jew miksija b’żebgħa sewda matta.

Il-kaxxa għandha tkun imdawla b'sors ta' dawl xieraq. Jista’ jkun konvenjenti li wieħed juża forom oħra ta’ mira, bħal dawk li jidhru fil-Figura 14. Huwa aċċettabbli wkoll li s-sistema ta’ mira tinbidel b’sistema ta’ projezzjoni u għalhekk ix-xbihat li jirriżultaw jistgħu jiġu eżaminati fuq skreen.

9.3.1.1.2.   Proċedura

Immonta l-windskrijn fl-angolu tal-inklinazzjoni speċifikat fuq stand xieraq b’tali mod li l-osservazzjoni titqettaq fi pjan orizzontali li jgħaddi miċ-ċentru tal-mira. Il-kaxxa li tipprovdi d-dawl għandha tiġi osservata, f’kamra mudlama jew nofsha mudlama, minn ġo kull parti tal-erja li tkun qiegħda tiġi eżaminata, sabiex tinqabad il-preżenza ta' kull xbieha sekondarja assoċjata mal-oġġett fil-mira mdawwal. Dawwar il-windskrijn kif meħtieġ sabiex jiġi żgurat illi tinżamm id-direzzjoni korretta tal-osservazzjoni. Iista' jintuża monokulari għall-osservazzjoni.

9.3.1.1.3.   L-espressjoni tar-riżultati

Istabbilixxi jekk,

Meta tintuża l-mira (a) (ara l-Figura 11(a)), ix-xbieha primarja u sekondarja taċ-ċirku jisseparawx, jiġifieri jekk il-valur ta' limitu ta' n jinqabiżx, jew

Meta tintuża l-mira (b) (ara l-Figura 11(b)), ix-xbieha sekondarja tal-ispot tiċċaqlaqx lil hinn mill-punt ta' tanġenza mat-tarf ta' ġewwa taċ-ċirku, jiġifieri jekk il-valur tal-limitu n jinqabiżx.

Figura 11

Id-dimensjonijiet tal-miri

Figura 12

L-arranġament tal-apparat

Figura 13

L-apparat għat-test tat-teleskopju ta' kollimazzjoni

9.3.1.2.   It-test tat-teleskopju tal-kollimazzjoni.

Jekk meħtieġ, għandha tiġi applikata l-proċedura deskritta f'dan il-paragrafu.

9.3.1.2.1.   Apparat

L-apparat jinkludi kollimatur u teleskopju u jistgħu jitwaqqdu skont il-Figura 13. Madankollu, tista’ tintuża kwalunkwe sistema ottika ekwivalenti.

9.3.1.2.2.   Proċedura

It-teleskopju tal-kollimazzjoni jifforma, fl-infinità, ix-xbieha ta' sistema ta' koordinati polari b'punt ileqq fiċ-ċentru tagħha (ara l-Figura 14).

Fil-pjan fokali tat-teleskopju ta' osservazzjoni, spot żgħir opak b'dijametru li huwa ftit ikbar minn dak tal-punt ta' dawl qawwi projettat jitqiegħed fuq l-assi ottika, b'hekk joskura l-punt il-qawwi.

Meta windskrijn li jesibixxi xbieha sekondarja jitpoġġa bejn it-teleskopju u l-kollimatur, punt ieħor, inqas qawwi, jidher ċertu distanza ’l bogħod miċ-ċentru tas-sistema tal-polar-coordinate. Is-separazzjoni tax-xbiha sekondarja tista’ tinqara bħala d-distanza bejn il-punti li jidhru mit-teleskopju tal-osservazzjoni (ara Figura 14). (Id-distanza bejn l-ispot skur u l-punt ta' dawl qawwi fiċ-ċentru tas-sistema tal-polar-coordinate tirrappreżenta d-devjazzjoni ottika).

9.3.1.2.3.   L-espressjoni tar-riżultati

Il-windskrijn għandu l-ewwel jiġi eżaminat b'teknika ta' skenjar sempliċi sabiex tiġi stabbilita l-erja li tagħti l-aktar xbieha sekondarja qawwija. Din l-erja għandha mbagħad tiġi eżaminata bis-sistema tat-teleskopju-kollimatur fl-angolu ta' inċidenza x-xieraq. Is-separazzjoni massima tax-xbieha sekondarja għandha mbagħad titkejjel.

9.3.1.3.   Id-direzzjoni tal-osservazzjoni fil-wiċċ wati orizzontali għandha tinżamm bejn wieħed u ieħor normali mal-linja tal-windscreen f'dan il-wiċċ wati.

9.3.2.   Il-kejl għandu jitwettaq fiż-żoni kif definiti fil-paragrafu 9.2.2. hawn fuq skont il-kategoriji tal-vetturi.

9.3.2.1.   It-tip ta’ vettura

It-test għandu jiġi ripetut jekk il-windskrijn ikun sejjer jitwaħħal fuq vettura ta' tip li l-kamp viżiv ’l quddiem tagħha ikun differenti minn dak tat-tip ta' vettura li għaliha l-windskrijn ikun diġà ġie approvat.

9.3.3.   Indiċi ta’ diffikultà tal-karatteristiċi sekondarji

9.3.3.1.   In-natura tal-materjal

Ħġieġ illustrat (pjanċa)	Ħġieġ float	Il-Ħġieġ irqiq tal-folja
1	1	2

9.3.3.2.   Karatteristiċi sekondarji oħra

L-ebda karatteristriku sekondarju ieħor m’huwa involut.

9.3.4.   Numru ta' windskrijns

Għandhom jiġu ssottomessi erba' windskrijns għat-test.

Figura 14

Eżempju ta' osservazzjoni permezz tal-metodu tat-test tat-teleskopju ta' kollimazzjoni

9.3.5.   Interpretazzjoni tar-Riżultati

Tip ta' windskrijn għandu jiġi kkunsidrat sodisfaċenti fir-rigward tas-separazzjoni tax-xbieha sekondarja jekk, fl-erba’ windskrijns sottomessi sabiex jiġu ttestjati, is-separazzjoni tax-xbieha primarja u ta' dik sekondarja f’kull żona jew erja tat-test ma tkunx aktar mill-valuri massimi li ġejjin:

Il-kategorija tal-vettura	Żona	Valuri massimi tad-distorsjoni ottika
M1 u N1	A - estiż skont il-paragrafu 9.2.2.1	15’ ta’ ark
	B - imnaqqas skont il-paragrafu 2.4 tal-Anness 18	25' ta’ ark
Kategoriji M u N għajr għal M1	I	15’ ta’ ark
Vetturi agrikoli eċċ. li għalihom mhuwiex possibbli li tiġi determinata żona I	I'	15’ ta’ ark

9.3.5.1.   M’għandu jsir ebda kejl f’erja periferali 25 mm’ il ġewwa mill-profil tad-disinn tal-ħġieġ u ta’ kwalunkwe oskurazzjoni opaka, sakemm din ma taffetwax iż-żona estiża A jew iż-żona I.

9.3.5.2.   Għat-tratturi agrikoli u forestali u għall-vetturi tas-sit tal-kostruzzjoni, m’għandu jsir ebda kejl f’erja periferali wiesgħa 100 mm.

9.3.5.3.   Fil-każ ta' windskrijns maqsumin, m’għandu jsir l-ebda kejl fi strixxa ta' 35 mm mix-xifer tal-ħġieġa li jkun imiss mal-pilastru diviżorju.

9.3.5.4.   Huwa permess valur massimu ta' 25’ ta' ark għall-porzjonijiet kollha taż-żona I jew taż-żona A li jkunu inqas minn 100 mm mix-xifer tal-windskrijn.

9.3.5.5.   Jistgħu jkunu permessi devjazzjonijiet żgħar mir-rekwiżiti fl-erja tat-test B imnaqqsa skont il-paragrafu 2.4 tal-Anness 18 bil-kundizzjoni li jkunu lokalizzati u rrekordjati fir-rapport.

10.   IT-TEST TAL-IMĠIBA FIL-KAŻ TA' ĦRUQ (REŻISTENZA GĦAN-NAR)

10.1.   Għan u kamp ta’ applikazzjoni

Dan il-metodu jgħin sabiex tiġi stabbilita r-rata tal-ħruq orizzontali tal-materjali Użati fil-kompartiment tal-passiġġieri tal-vetturi bil-mutur (eżempju, karozzi privati tal-passiġġieri, lorijiet (trakkijiet), karozzi tat-tip estate, kowċis b'mutur) wara esposizzjoni għal fjamma żgħira tan-nar.

Dan il-metodu jippermetti t-testjar ta’ materjali u komponenti tat-tagħmir interjuri ta' vettura individwalment jew flimkien sa ħxuna ta’ 13 mm. Jintuża sabiex tiġi ġġudikata l-uniformità ta’ lottijiet ta’ produzzjoni ta’ dawn il-materjali rigward l-imġieba tal-ħruq tagħhom.

Minħabba l-ħafna differenzi bejn is-sitwazzjoni fid-dinja reali u l-kundizzjonijiet preċiżi tat-test stabbiliti hawnhekk (l-applikazzjoni u l-orjentazzjoni ġewwa l-vettura, il-kundizzjonijiet tal-użu, is-sorsi ta' xegħil tal-magna, eċċ) u l-kundizzjonijiet tat-test preċiżi preskritti fih, dan il-metodu ma jistax jiġi kkunsidrat li huwa xieraq għall-evalwazzjoni tal-karatteristiċi kollha tal-ħruq ġewwa l-vetturi.

10.2.   Definizzjonijiet

10.2.1.   Ir-rata tal-ħruq: Il-kwozjent tad-distanza l-maħruqa imkejla skont dan il-metodu u l-ħin li jittieħed sabiex tinħaraq dik id-distanza. Tiġi espressa f’millimetri kull minuta.

10.2.2.   Materjal kompost: Materjal kompost magħmul minn bosta saffi ta' materjali simili jew differenti imwaħħlin ma’ xulxin sewwa mill-uċuħ tagħhom b'kolla, marbutin, miksijin, jew imwaħħlin bis-sħana, eċċ.

Meta jingħaqdu flimkien materjali differenti b'mod intermittenti (per eżempju bil-ħjata, bil-welding bi frekwenza għolja, bl-imsiemer irbattuti, eċċ), li b'hekk jippermettu l-preparazzjoni ta' kampjuni individwali skont il-paragrafu 10.5, dawn il-materjali ma għandhomx jitqiesu bħala li huma materjali komposti.

10.2.3.   In-naħa esposta: In-naħa li qed tħares lejn il-kompartiment tal-passiġġier meta l-materjal jiġi mmontat fuq il-vettura.

10.3.   Il-prinċipju

Kampjun jinżamm orizzontalment f’kontenitur forma ta’ U u jiġi espost għall-azzjoni ta’ fjamma ta’ enerġija baxxa definita għal 15-il sekonda f’kompartiment għall-kombustjoni, fejn il-fjamma taħdem fuq it-tarf liberu tal-kampjun. It-test jiddetermina jekk u meta tintefiex il-fjamma jew il-ħin meta l-fjamma teħtieġ li tipproċedi matul distanza mkejla.

10.4.   Apparat

10.4.1.   Kompartiment tal-kombustjoni (Figura 15), perferibbilment magħmul mill-istainless steel, bid-dimensjonijiet mogħtija fil-Figura 16.

In-naħa ta’ quddiem tal-kompartiment tinkludi tieqa għall-osservazzjoni li hija reżistenti għall-fjamma, li tista’ tgħatti n-naħa ta’ quddiem kollha u li tista’ tinbena bħala panil ta’ aċċess.

In-naħa t’isfel tal-kompartiment għandha toqob għall-arja, u n-naħa ta’ fuq għandha qasma għall-arja mad-dawra kollha. Il-kompartiment tal-komubustjoni jitqiegħed fuq erba’ saqajn, b’għoli ta’ 10 mm. Il-kompartiment jista’ jkollu toqba f’tarf wieħed għall-introduzzjoni tal-kontenitur tal-kampjun li fih jinsab il-kampjun; fuq in-naħa opposta, tiġi pprovduta toqba biex jgħaddi l-pajp tal-provvista tal-gass. Materjal imdewweb jinqabad f’ dixx (ara Figura 17) li jitpoġġa fin-qiegħ tal-kompartiment bejn it-toqob għall-arja mingħajr ma titgħatta kwalunkwe toqba għall-arja.

Figura 15

Eżempju ta' kompartiment tal-kombustjoni b'kontenitur tal-kampjun u dixx għat-taqtir

10.4.2.   Holder tal-kampjun, li jikkonsisti f'żewġ pjanċi metalliċi milwija f'għamla ta' 'U' jew qafas ta' materjal li ma jsaddadx. Id-dimensjonijiet jingħataw fil-Figura 18.

Il-pjanċa ta’ taħt hija mgħammra b’labar u ta’ fuq b’toqob korrispondenti, sabiex jiġi żgurat li l-kampjun jinżamm b’mod konsistenti. Il-labar iservu wkoll bħala punti ta’ kejl fil-bidu u fl-aħħar tad-distanza tal-ħruq.

Għandu jiġi pprovdut appoġġ fil-forma ta' wajers reżistenti għas-sħana b'dijametru ta' 0,25 mm matul il-frejm f’intervalli ta' 25 mm fuq il-frejm ta' taħt fil-forma ta' U (ara l-Figura 19).

Il-pjan tal-ġenb ta’ taħt tal-kampjuni għandu jkun 178 mm ’l fuq mill-pjanċa tal-art. Id-distanza tat-tarf ta' quddiem tal-holder tal-kampjun mit-tarf tal-kumpartament għandha tkun 22 mm; id-distanza tal-ġnub lonġitudinali tal-holder tal-kampjun mill-ġnub tal-kumpartament għandhom ikunu 50 mm (il-qisien kollha minn ġewwa tal-kumpartament). (Ara Figuri 15 u 16).

10.4.3.   Burner tal-gass

Is-sors żgħir tat-tqabbid jiġi provvdut minn Bunsen burner li għandu dijametru fuq ġewwa ta’ 9.5 mm. Jinsab ġol-kompartiment tat-test b’tali mod li ċ-ċentru taż-żennuna tkun 19 mm taħt iċ-ċentru tat-tarf ta’ taħt tan-naħa l-miftuħa tal-kampjun (ara Figura 16).

10.4.4.   Il-gass għat-test

Il-gass fornut mill-burner irid ikollu valur kalorifiku ta' madwar 38 MJ/m3 (per eżempju gass naturali).

10.4.5.   Petne tal-metall, ta’ tul ta’ mill-inqas 110 mm, b’seba’ jew tmint isnien lixxi u ittundajati kull 25 mm.

Figura 16

Eżempju ta’ kompartiment tal-kombustjoni

Test ta 'immaġni

Figura 17

Dixx tat-taqtir tipika

Test ta 'immaġni

Figura 18

Eżempju tal-holder tal-kampjun

Test ta 'immaġni

Figura 19

Eżempju tas-sezzjoni tan-naħa t'isfel tal-qafas f'għamlu ta' 'U' għal faċilità ta' rfid ta' wires

Test ta 'immaġni

10.4.6.   Stop-watch ta' preċiżjoni sa 0,5 sek.

10.4.7.   L-armarju tal-ventilazzjoni għall-kimiċi perikolużi

Il-kamra tal-kombustjoni tista' titqiegħed f'tagħqida flimkien ta' armarju tal-ventilazzjoni sakemm il-volum intern ta' dan tal-aħħar ikun mill-inqas 20 darba, iżda mhux aktar minn 110 drabi, akbar mill-volum tal-kamra tal-ħruq u sakemm l-ebda qies waħdieni tal-għoli, tal-wisa', jew tat-tul tal-armarju tal-ventilazzjoni ma jkun akbar minn 21/2,5 darbiet il-wieħed jew l-ieħor miż-żewġ qisien l-oħra.

Qabel it-test, għandha titkejjel il-veloċità vertikali tal-arja minn ġol-fume cupboard, 100 mm ’il quddiem minn u fuq in-naħa ta' wara mill-aħħar post tal-kompartiment tal-ħruq. Għandha tkun bejn iż-0.10 u ż-0.30 m/s sabiex jiġi evitat kull skomdu possibbli lill-operatur mill-prodotti li jinħarqu. Huwa possibbli li tintuża vetrina li hi mgħammra b’ventrilatur għall-estrazzjoni tal-arja b’ventilazzjoni naturali u veloċità tal-arja xieqa.

10.5.   Kampjuni

10.5.1.   Il-forma u d-dimensjonijiet

Il-forma u d-dimensjonijiet tal-kampjuni jingħataw fil-Figura 20. Il-ħxuna tal-kampjun tikkorrispondi għall-ħxuna tal-prodott li se jiġi ttestjat. Ma tridx tkun aktar minn 13 mm. Meta t-teħid tal-kampjuni jippermetti dan, il-kampjun għandu jkollu sezzjoni kostanti matul it-tul kollu tiegħu. Meta l-forma u d-dimensjonijiet ta' prodott ma jippermettux it-teħid ta' kampjun tad-daqs imsemmi, iridu jiġu osservati d-dimensjonijiet minimi li ġejjin:

(a)	Għal kampjuni li għandhom wisa’ ta’ 3 sa 60 mm, it-tul irid ikun ta’ 356 mm. F’dan il-każ il-materjal jiġi ttestjat fuq il-wisa’ tal-prodott;

(b)	Għal kampjuni li jkollhom wisa’ta' 60 sa 100 mm, it-tul għandu jkun għallinqas 138 mm. F’dan il-każ il-potenzjal tad-distanza tal-ħruq tikkorrespondi għat-tul tal-kampjun, il-kejl jibda mill-ewwel punt ta' kejl.

(c)	Kampjuni b’wisa’ ta’ inqas minn 60 mm u tul ta’ inqas minn 356 mm, kampjuni ta’ wisa’ ta’ 60 sa 100 mm u tul ta’ inqas minn 138 mm, ma jistgħux jiġu ttestjati skont il-metodu preżenti, u lanqas ma jistgħu jiġu ttestjati kampjuni ta’ wisa’ inqas minn 3 mm.

Figura 20

Kampjun

Test ta 'immaġni

10.5.2.   Teħid ta’ kampjuni

Għandhom jittieħdu mill-inqas ħames kampjuni mill-materjal li jkun għaddej mit-test. Fil-materjali li jkollhom rati ta' ħruq li jkunu differenti skont id-direzzjoni tal-materjal (dan jiġi stabbilit mit-testijiet preliminari) il-ħames kampjuni (jew aktar) għandhom jittieħdu u jitqiegħdu fl-apparat tat-test b'tali mod illi titkejjel l-ogħla rata tal-ħruq.

Meta l-materjal jiġi fornut f’wisgħat stabbiliti għandu jinqata’ tul ta' mill-inqas 500 mm li jkopri l-wisa’ kollu. Mill-biċċa li tinqata’ b'dan il-mod, il-kampjuni jridu jittieħdu f’mhux inqas minn 100 mm mit-tarf tal-materjali u f’punti ekwidistanti minn xulxin.

Il-kampjuni għandhom jittieħdu bl-istess mod minn prodotti lesti meta l-għamla tal-prodott tippermetti dan. Jekk il-ħxuna tal-prodott tkun aktar minn 13-il mm, din għandha titnaqqas għal 13-il mm permezz ta' proċess mekkaniku applikat fuq in-naħa li ma tħarisx lejn il-kompartiment tal-passiġġieri.

Il-materjali komposti (ara l-paragrafu 10.2.2) għandhom jiġu ttestjati daqs li kieku kienu omoġenji.

Fil-każ ta' materjali magħmulin minn saffi fuq xulxin ta' kompożizjoni differenti li ma humiex materjali komposti, is-saffi kollha inklużi f’fond ta' 13 mm mill-wiċċ li jkun iħares lejn il-kompartament tal-passiġġier għandhom jiġu ittestjati individwalment.

10.5.3.   L-ikkondizzjonar

Il-kampjuni għandhom jiġu kkundizzjonati għal mill-inqas 24 siegħa iżda mhux iktar minn 7 ijiem f’temperatura ta’ 23 °C ± 2 °C u umdità relattiva ta’ 50 ± 5 fil-mija u għandhom jinżammu f’dawn il-kundizzjonijiet sa immedjatament qabel l-ittestjar.

10.6.   Proċedura

10.6.1.   Qiegħed il-kampjuni bl-uċuħ pilużi jew ittrapuntati tagħhom fuq wiċċ ċatt, u omxot għal darbtejn kontra l-pil bl-użu tal-moxt (ara l-paragrafu 10.4.5).

10.6.2.   Poġġi l-kampjun ġol-kontenitur tal-kampjun (paragrafu 10.4.2) sabiex in-naħa l-esposta tħares l-isfel, lejn il-fjamma.

10.6.3.   Aġġusta l-fjamma tal-gass għal għoli ta’ 38 mm permezz tal-marka fil-kompartiment, bit-tagħmir għad-dħul tal-arja ġol-berner magħluq. Il-fjamma tan-nar għandha taqbad għal mill-inqas minuta, sabiex tiġi stabilizzata, qabel jibda l-ewwel test.

10.6.4.   Imbotta l-kontenitur tal-kampjun ġol-kompartiment tal-kombustjoni sabiex it-tarf tal-kampjun jiġi espost għall-fjamma, u wara 15-il sekonda aqtal-fluss tal-gass.

10.6.5.   Il-kejl tal-ħin tal-ħruq jibda fil-mument meta s-sieq tal-fjamma taqbeż l-ewwel punt tal-kejl. Osserva t-tixrid tal-fjamma fil-ġenb (ta’ fuq jew ta’ taħt) li tinħaraq aktar malajr.

10.6.6.   Il-kejl tal-ħin tal-ħruq jitlesta meta l-fjamma tkun waslet fl-aħħar punt tal-kejl jew meta l-fjamma tintefa qabel ma tasal sa dak il-punt. Jekk il-fjamma ma tilħaqx l-aħħar punt tal-kejl, kejjel id-distanza l-maħruqa sal-punt fejn il-fjamma tkun intfiet. Id-distanza tal-ħruq hija l-parti mill-kampjun li nqerdet, fil-wiċċ jew ġewwa, permezz tal-ħruq.

10.6.7.   Jekk il-kampjun ma jaqbadx jew ma jkomplix jaqbad wara li tkun intefa l-burner, jew il-fjamma ma tintefiex qabel ma tilħaq l-ewwel punt ta' kejl, sabiex ma jitkejjel l-ebda ħin tal-ħruq, fir-rapport tat-test ikteb li l-ħruq huwa ta' 0 mm/minuta.

10.6.8.   Meta tkun se twettaq serje ta' testijiet jew tirrepeti xi testijiet, kun żgur qabel ma tibda test li t-temperatura tal-kompartiment tal-kombustjoni u tal-kontenitur tal-kampjun ma taqbiżx it-30° C.

10.7.   Kalkolu

Ir-rata ta' ħruq, B, f’millimetri kull minuta, hija mogħtija permezz tal-formola:

;

fejn:

S hija d-distanza l-maħruqa, f’millimetri,

T huwa l-ħin, f’sekondi, li jittieħed sabiex tinħaraq id-distanza s.

10.8.   Indiċi ta’ diffikultà tal-karatteristiċi sekondarji

L-ebda karatteristiku sekondarju m’huwa involut.

10.9.   L-interpretazzjoni tar-riżultati

10.9.1.   Il-ħġieġ tas-sikurezza miksi bil-materjal tal-plastik (il-paragrafu 2.4 ta' dan ir-Regolament) u l-ħġieġ-plastik (il-paragrafu 2.5 ta' dan ir-Regolament) għandu jitqies bħala sodisfaċenti mill-perspettiva tat-test tar-reżistenza għan-nar jekk ir-rata tal-ħruq ma taqbiżx il-90 mm/min.

10.9.2   Il-ħġieġ tal-plastik riġidu (il-paragrafu 2.6.1 ta' dan ir-Regolament), il-ħġieġ tal-plastik flessibbli (il-paragrafu 2.6.2 ta' dan ir-Regolament) u l-unitajiet b'iktar minn ħġieġa waħda tal-plastik riġidu għandhom jitqiesu bħala sodisfaċenti mill-perspettiva tat-test tar-reżistenza għan-nar jekk ir-rata tal-ħruq ma taqbiżx 110 mm/min.

11.   IT-TEST TAR-REŻISTENZA GĦALL-BRIX

11.1.   Kimiċi użati għat-test

11.1.1.   Soluzzjoni tas-sapun li ma tobroxx: 1 fil-mija skont il-piż ta' potassium oleate f’ilma dejonizzat;

11.1.2.   Soluzzjoni tat-tindif tat-twieqi: soluzzjoni milwiema ta' isopropanol u dipropylene glycol monomethyl ether f’konċentrazzjoni ta' bejn 5 u 10 fil-mija skont il-piż kull wieħed u idrossidu tal-ammonju f’konċentrazzjoni bejn 1 u 5 fil-mija skont il-piż;

11.1.3.   Alkoħol denaturat mhux imħallat bl-ilma: parti waħda skont il-volum ta’ alkoħol metiliku f’10 partijiet skont il-volum ta’ alkoħol etiliku.

11.1.4.   Petrol jew petrol ta’ referenza ekwivalenti: taħlita ta’ 50 fil-mija skont il-volum ta’ toluwen, 30 fil-mija skont il-volum ta’ 2,2,4-trimetilpentan, 15 fil-mija skont il-volum ta’ 2,4,4-trimetil-1-pentan u 5 fil-mija skont il-volum ta’ etil alkoħol:

N.B. Il-kompożizzjoni tal-petrol li jintuża għandha tiġi rrekordjata fir-rapport tat-test;

11.1.5.   Kerosin ta’ referenza: taħlita ta' 50 fil-mija skont il-volum ta' n-octane u 50 fil-mija skont il-volum ta' n-decane.

11.2.   Metodu tal-ittestjar

11.2.1.   Test tal-immersjoni

Għandhom jiġu ttestjati erba' kampjuni ta' 180 mm × 25 mm għal kull test u għal kull sustanza kimika speċifikata fil-paragrafu 11.1. hawn fuq, billi tintuża biċċa tat-test ġdida għal kull test u għal kull prodott tat-tindif.

Qabel kull test, il-kampjuni għandhom jitnaddfu skont l-istruzzjonijiet tal-manifattur, imbagħad jiġu kkundizzjonati għal 48 siegħa f’temperatura ta' 23°C ± 2°C u umdità relattiva ta' 50 fil-mija ± 5 fil-mija. Dawn il-kundizzjonijiet għandhom jinżammu matul it-testijiet kollha.

Il-kampjuni għandhom jiġu mgħaddsa kompletament fil-likwidu tat-test u għandhom jinżammu għal minuta, imbagħad jitneħħew u jitnixxfu minnufih b'ċarruta nadifa assorbenti tal-qoton.

11.2.2.   Indiċi ta’ diffikultà tal-karatteristiċi sekondarji

	Bla kulur	Mogħti kulur ħafif
Kulur tas-saff intermedju jew tal-kisi tal-plastik	2	2

Il-karatteristiċi sekondarji l-oħrajn ma humiex involuti.

11.2.3.   L-interpretazzjoni tar-riżultati

11.2.3.1.   It-test tar-reżistenza għas-sustanzi kimiċi għandu jitqies li jkun ta riżultat sodisfaċenti jekk il-kampjun ma juri l-ebda trattib, viskożità, xegħir jew telf apparenti tat-trasparenza.

11.2.3.2.   Sett ta’ kampjuni għandu jitqies bħala sodisfaċenti fir-rigward tat-test tar-reżistenza għal aġenti kimiċi jekk mill-inqas tlieta mill-erba’ testijiet imwettqa b’kull kimika jkun ta riżultat sodisfaċenti.

11.2.4.   Proċedura tat-test taħt tagħbija

11.2.4.1.   Il-kampjun għandu jiġi sempliċement appoġġjat bħala driegħ livell orizzontali bejn appoġġ f’tarf fiss fuq naħa waħd b'mod li l-wisa’ kollu jistrieħ fuq tastatur (fulkru) li jkun 51 mm mill-appoġġ fit-tarf fiss. Għandha tiddendel tagħbija mit-tarf fiss tal-kampjun tat-test f’distanza ta' 102 mm mill-fulkru kif muri fil-Figura 21 hawn taħt:

Figura 21

Metodu ta' arranġament tal-kampjun

Test ta 'immaġni

11.2.4.2.   Il-massa tat-tagħbija għandha tkun 28,7 t2 g fejn t hija l-ħxuna f’mm tal-kampjun għat-test. Il-pressjoni li tirriżulta fuq il-fibra ta' barra tal-kampjun hija madwar 6,9 MPa.

Eżempju:

Għal kampjun bi ħxuna ta' 3 mm imqiegħed b'mod orizzontali bejn xifer fiss ’l isfel u xifer ta' fulkru ’l fuq separati minn 51 m, it-tagħbija ’l isfel applikata f’102 mm mill-fulkru għandha tkun 258 g.

11.2.4.3.   Waqt li jingħafas il-kampjun, waħda mill-kimiċi preskritti għandha tiġi applikata fuq is-superfiċe ta' fuq tal-kampjun fuq il-punt tal-fulkru. Il-kimika għandha tiġi applikata b'pinzell artab, wiesa’ 13 mm, li jiġi mxarrab qabel kull passata. Ikunu meħtieġa għaxar passati individwali f’intervalli ta' 1 s tul il-wisa’ tal-kampjun, filwaqt li jiġu evitati t-tarf u x-xfar (ara l-Figura 22).

Figura 22

Metodu ta' applikazzjoni tal-kimiċi fuq il-kampjun

Test ta 'immaġni

11.2.5.   Indiċi ta’ diffikultà tal-karatteristiċi sekondarji

	Bla kulur	Mogħti kulur ħafif
Il-kulur tal-plastik kisi jew ħġieġ tal-plastik	1	2

Il-karatteristiċi sekondarji l-oħrajn ma humiex involuti.

11.2.6.   L-interpretazzjoni tar-riżultati

11.2.6.1.   It-test tar-reżistenza għas-sustanzi kimiċi għandu jitqies li jkun ta riżultat sodisfaċenti jekk il-kampjun ma juri l-ebda trattib, viskożità, xegħir jew telf apparenti tat-trasparenza.

11.2.6.2.   Sett ta' kampjuni għandu jitqies bħala sodisfaċenti fir-rigward tat-test tar-reżistenza għas-sustanzi kimiċi jekk tiġi ssodisfata waħda mill-kundizzjonijiet li ġejjin:

11.2.6.2.1.

It-testijiet kollha taw riżultat sodisfaċenti;

11.2.6.2.2.

Wara li test wieħed ikun ta riżultat mhux sodisfaċenti, serje oħra ta' testijiet imwettqa fuq sett ġdid ta' kampjuni tagħti riżultati sodisfaċenti.

12.   IT-TEST TAL-FLESSIBBILTÀ U T-TEST TAL-LIWI

12.1.   Ambitu

B’dan it-test irid jinstab jekk tip ta' plastik għandux jiġi kklassifikat fil-kategoriji ta' plastik riġidu jew flessibbli.

12.2.   Metodu tal-ittestjar

Mill-materjal tal-ħxuna nominali jinqata’ kampjun rettangolari ċatt b'tul ta' 300 mm u wisa’ ta' 23 mm u jiġi kklampjat b'mod orizzontali f’apparat għall-ikklampjar b'mod li 275 mm mit-tul tal-kampjun jestendu b'mod ħieles fuq l-apparat ta' żamma. Dan it-tarf ħieles għandu jkun appoġġat b'mod orizzontali minn apparat xieraq sakemm jibda t-test. Sittin sekonda wara t-tneħħija ta' dan l-appoġġ, id-devjazzjoni vertikali tat-tarf ħieles tiġi indikata f’mm. Jekk din id-devjazzjoni taqbeż il-50 mm, wara jsir test tat-tiwi ta' 180°. Il-kampjun jintewa b'mod konċiż, wara jintewa madwar biċċa pjanċa ħoxra 0,5 mm b'mod li jmissha b'mod issikkat miż-żewġ naħat.

12.3.   Kundizzjonijiet tal-ittestjar

It-Temperatura: 20 °C ±2 °C

Umdità relattiva: 60 ± 5 fil-mija

12.4.   Rekwiżiti

Id-devjazzjoni vertikali trid tkun aktar minn 50 mm għall-plastik flessibbli, u 10 sekondi wara liwi ta' 180°, il-materjal ma jrid juri l-ebda ħsara qisha ksur fil-punt tal-qfil (ara l-figura 23).

13.   It-test tas-sega

13.1   Ambitu

Dan it-test jagħti metodu sempliċi biex tiġi stabbilita l-aderenza tal-kisi mas-subsuperfiċe. Jistgħu jiġu evalwati l-fraġilità u karatteristii oħra tas-saħħa.

13.2.   Apparat

Għodda tal-qtugħ b'6 ixfafar imqiegħda 1 minn xulxin. Lenti bi tkabbir ta' 2 x biex jiġi eżaminat il-kampjun tas-sega (ara l-Figura 24).

Figura 23

L-arranġament tat-test tal-flessibbiltà

Figura 24

Għodda b'sitt xfafar

13.3.   Il-Metodu tat-Test

Aqta’ minn ġol-kisi għal fuq is-subsuperfiċe mudell b’6 qatgħat u ieħor perpendikulari miegħu sabiex tinħoloq gradilja b’25 kaxxa (qatgħa gradilja).

L-għodda tal-qtugħ għandha titmexxa b’veloċità ta’ 2 sa 5 cm/s sabiex il-qatgħat jilħqu s-sottosuperfiċe iżda ma jippenetrawx fil-fond ħafna.

Il-qtugħ isir b’mod li ż-żewġt irjus prinċipali fix-xifer tal-apparat imissu s-superfiċe b’mod uniformi. Wara t-test, il-qatgħat jiġu eżaminati b’lenti sabiex jiġi ċċekkjat li jilħqu s-sottosuperfiċe. It-test isir mill-anqas f’żewġ pożizzjonijiet differenti tal-kampjun. Wara li jsiru l-qatgħat, huma jiġu mfarfra 5 darbiet bi pressjoni ħafifa fiż-żewġ direzzjonijiet dijagonali bi xkupilja tal-idejn b'lanżit tal-poliamid.

13.4.   L-interpretazzjoni tar-riżultati

Il-qatgħat gradilja huma eżaminati b'lenti. Jekk ix-xfar maqtugħin jkunu perfettament lixxi u jekk l-ebda parti mill-kisi ma tkun distakkata, f’dak il-każ hija tingħata valur tas-sega ta' Gt0. Jekk ikun hemm frammenti żgħar distakkati fl-intersezzjoni tal-qatgħat u jekk l-erja esposta tammonta għal madwar 5 fil-mija tal-gradilja, il-valur tal-qatgħa jkun Gt1.

Erjas akbar ta' stakkament jingħataw grad fil-medda ta' Gt2 sa Gt5.

Grad tal-valur tal-qatgħa	Erja esposta tal-erja tal-gradilja
Gt2	bejn 5 u 15 fil-mija
Gt3	bejn 15 u 35 fil-mija
Gt4	bejn 35 u 65 fil-mija
Gt5	iktar minn 65 fil-mija

---

(1)  Strument xieraq li jobrox jigi provdut minn Teledyne Taber (L-Istati Uniti tal-Amerika).

(2)  Roti li joborxu xierqa jistghu jinkisbu minn Teledyne Taber (L-Istati Uniti tal-Amerika).

(3)  Bħal Atlas Ci Series, Heraeus Xenotest Series, jew Suga WEL-X Series.

(4)  Bħal Corning 7740 Pyrex jew Heraeus Suprax.

(5)  L-ultravjola totali hija kkunsidrata r-radjazzjoni kollha bi frekwenza ta' inqas minn 400 nm.

(6)  Il-Kummissjoni Internazzjonali dwar l-Illuminazzjoni

(7)  Hekk kif definiti fl-Anness 7 tar-Riżoluzzjoni miġbura dwar il-manifattura tal-vetturi (R.E.3) (dokument TANS/WP.29/78/Rev.2/Amend.2).

ANNESS 4

WINDSKRIJNS TAL-ĦĠIEĠ IMSAĦĦAĦ

1.   DEFINIZZJONI TA’ TIP

Il-windskrijns tal-ħġieġ imwebbes għandhom jitqiesu li jappartjenu għal tipi differenti jekk jiddifferixxu f'mill-inqas waħda mill-karattestiċi prinċipali jew sekondarji li ġejjin.

1.1.

Il-karatteristiċi prinċipali huma kif ġej: 1.1.1. L-ismijiet kummerċjali jew trade marks; 1.1.2. Il-forma u d-dimensjonijiet. Windskrijns tal-ħġieġ imwebbes jiġu kkunsidrati li jappartjenu għal grupp wieħed jew ieħor minn żewġ gruppi għall-finijiet tat-testijiet tal-frammentazzjoni u tal-karatteristiċi mekkaniċi, jiġifieri: 1.1.2.1. Windskrijns ċatti, u 1.1.2.2. Windskrijns ġejjin għat-tond. 1.1.3. Il-kategorija tal-ħxuna fi li fiha tinsab il-ħxuna nominali “e”, (tiġi permessa tolleranza tal-manifattura ta' ± 0,2 mm): Kategorija I e ≤ 4,5 mm Kategorija II 4,5 mm < e ≤ 5,5 mm Il-Kategorija III 5,5 mm < e ≤ 6,5 mm Kategorija IV 6,5 mm < e

1.2.

Il-karatteristiċi sekondarji huma kif ġej: 1.2.1. in-natura tal-materjal (ħġieġ illustrat (pjanċa), ħġieġ float, ħġieġ tal-folja); 1.2.2. kulur (mingħajr kulur jew mogħti kulur ħafif); 1.2.3. l-inkorporazzjoni jew xorta oħra tal-kondutturi; 1.2.4. L-inkorporazzjoni jew xorta oħra tal-oskurazzjoni opaka.

2.   IT-TEST TAL-FRAMMENTAZZJONI

2.1.   Indiċi ta’ diffikultà tal-karatteristiċi sekondarji

2.1.1.

In-natura tal-materjal biss hija involuta.

2.1.2.

Ħġieġ float u ħġieġ tal-folja jiġu kkunsidrati li għandhom l-istess indiċi ta’ diffikultà.

2.1.3.

It-testijiet tal-frammentazzjoni jridu jiġu ripetuti mal-bidla minn ħġieġ illustrat (pjanċa) għal ħġieġ float jew ħġieġ tal-folja, u viċe versa.

2.2.   In-numru tal-biċċiet tat-test

Iridu jiġu ttestjati sitt biċċiet tat-test mis-serje tal-iżgħar erja żviluppata u sitt kampjuni mis-serje tal-ikbar erja żviluppata, magħżula kif preskritt fl-Anness 13.

2.3.   Żoni differenti ta’ ħġieġ

Windskrijn tal-ħġieġ imwebbes irid jinkludi żewġ żoni ewlenin, FI u FII. Jista’ jinkludi wkoll żona intermedjarja, FIII. Dawn iż-żoni huma definiti hawn isfel:

2.3.1.

Iż-żona FI : Żona periferali ta’ frammentazzjoni fina, ta’ wisa’ ta’ mill-inqas 7 cm, mad-dawra kollha tat-tarf tal-windskrijn u li tinkludi strixxa fuq barra ta’ wisa’ ta’ 2 cm li ma tiġix suġġetta għall-valutazzjoni;

2.3.2.

Iż-żona FII : Żona ta’ viżibbiltà ta’ frammentazzjoni li tvarja, li dejjem tinkludi parti rettangolari b’għoli ta’ mill-inqas 20 cm u tul ta’ mill-inqas 50 cm. 2.3.2.1. Għall-vetturi tal-kategorija M1, iċ-ċentru tar-rettangolu għandu jkun ċirku li jkollu radju ta' 10 cm fuq il-projezzjoni ta' nofs is-segment V1-V2. 2.3.2.2. Għall-vetturi tal-kategoriji M u N ħlief M1, iċ-ċentru tar-rettangolu għandu jkun ċirku li jkollu radju ta' 10 cm iċċentrat fuq il-projezzjoni tal-punt 0; 2.3.2.3. Għat-tratturi agrikoli u forestali u għall-vetturi tas-sit tal-kostruzzjoni, il-pożizzjoni taż-żona tal-viżibilità għandha tiġi indikata fir-rapport tat-test. 2.3.2.4. L-għoli tar-rettangolu ta' fuq jista' jitnaqqas għal 15 cm għal windskrijns li għandhom għoli ta' inqas minn 44 cm;

2.3.3.

Iż-żona FIII : Żona intermedjarja, ta’ wisa’ ta’ mhux aktar minn 5 cm, bejn iż-żoni FI u FII.

2.4.   Metodu tal-ittestjar

Il-metodu użat għandu jkun dak deskritt fl-Anness 3, paragrafu 1.

2.5.   Il-punti tal-impatt (ara l-Anness 17 u l-Figura 2).

2.5.1.

Il-punti tal-impatt jintgħażlu kif ġej: Punt 1 : fil-parti ċentrali taż-żona FII f’erja ta’ stress għoli jew baxx, Punt 2 : fiż-żona FIII, kemm jista’ jkun viċin tal-pjan vertikali ta’ simmetrija ta’ żona FII, Punti 3 u 3' : 3 cm mit-truf ta’ medjan wieħed tal-biċċa tat-test; fejn ikun hemm marka tat-tong, wieħed mill-punti tal-ksur irid ikun ħdejn it-tarf li jkollu l-marka tat-tong u l-ieħor ħdejn it-tarf l-oppost, Punt 4 : fil-post fejn ir-raġġ tal-kurvatura huwa l-iżgħar fuq l-itwal medjan, Punt 5 : 3 cm mit-tarf tal-biċċa tat-test fil-post fejn ir-raġġ tal-kurvatura tat-tarf huwa l-iżgħar, jew lejn ix-xellug jew lejn il-lemin.

2.5.2.

Għandu jitwettaq test tal-frammentazzjoni f'kull wieħed mill-punti 1, 2, 3, 3′, 4 u 5.

2.6.   L-interpretazzjoni tar-riżultati

2.6.1.

Test jitqies bħala li jagħti riżultat sodisfaċenti jekk il-frammentazzjoni tissodisfa l-kundizzjonijiet kollha mogħtija fil-paragrafi 2.6.1.1, 2.6.1.2 u 2.6.1..3 hawn taħt. 2.6.1.1. Iż-żona FI: 2.6.1.1.1. In-numru ta’ frammenti f’kull forma kwadra ta’ 5 cm × 5 cm mhuwiex inqas minn 40 jew aktar minn 350; madankollu, fil-każ ta’ għadd ta’ inqas minn 40, jekk in-numru ta’ frammenti f’ xi forma kwadra 10 cm × 10 cm li tinkludi l-forma kwadra ta’ 5 cm × 5 cm mhuwiex inqas minn 160, dan għandu jkun inaċċettabbli. 2.6.1.1.2. Għall-finijiet tar-regola msemmija hawn fuq, il-framment li jestendi tul naħa ta' forma kwadra għandu jgħodd bħala nofs framment. 2.6.1.1.3. Il-frammentazzjoni ma għandhiex tiġi vverifikata fi strixxa b'wisa' ta' 2cm madwar it-tarf tal-kampjuni, fejn din l-istrixxa tirrappreżenta l-frejm tal-ħġieġa, lanqas f'raġġ ta' mhux aktar minn 7.5 cm mill-punt tal-impatt. 2.6.1.1.4. Huwa permess massimu ta' tliet frammenti ta' erja ta' aktar minn 3 cm2. L-ebda tnejn minn dawn il-frammenti ma jistgħu jiġu inklużi fl-istess ċirku ta' dijametru ta' mhux iktar minn 10 cm. 2.6.1.1.5. Frammenti elongati jistgħu jiġu permessi sakemm it-truf tagħhom mhumiex f'forma ta' sikkina u t-tul tagħhom ma jaqbiżx is-7.5 cm, minbarra fil-każ ipprovdut fil-paragrafu 2.6.2.2. hawn taħt. Jekk dawn il-frammenti elongati jestendu sat-tarf tal-ħġieġa, ma jridux jifformaw angolu ta’ aktar minn 45° magħha. 2.6.1.2 Iż-żona FII: 2.6.1.2.1. Il-viżibbiltà residwali wara li windskrijn jitfarrak għandha tiġi vverifikata fl-erja rettangolari definita fil-paragrafu 2.3.2. F’dak ir-rettangolu l-erja tas-superfiċje aggregata tal-frammenti ta’ aktar minn 2 cm2 trid tirrappreżenta mhux inqas minn 15 fil-mija tal-erja tar-rettangolu; madankollu, fil-każ ta’ windskrijns ta’ għoli ta’ inqas minn 44 cm, jew li l-angolu tal-istallazzjoni tagħhom huwa inqas minn 15° mill-vertikali, il-persentaġġ tal-viżibbiltà għandha mill-inqas tkun ugwali għal mill-inqas 10 fil-mija tal-wiċċ tar-rettangolu korrispondenti. 2.6.1.2.2. L-ebda framment ma jista' kollu erja ta' iktar minn 16 cm2 minbarra fil-każ li hemm referenza għalih fil-paragrafu 2.6.2.2 taħt. 2.6.1.2.3. F'raġġ ta' mhux aktar minn 10 cm mill-punt tal-impatt, iżda f'dik il-parti taċ-ċirku biss li hija inkluża fiż-Żona FII, huma permessi tliet frammenti b'erja ta' aktar minn 16 cm + iżda inqas minn 25 cm2. 2.6.1.2.4. Il-frammenti jridu jkunu ta' forma sostanzjalment regolari u ħielsa minn punti tat-tip deskritti fil-paragrafu 2.6.1.2.4.1 taħt. Madankollu, mhux aktar minn 10 frammenti regolari huma permessi fi kwalunkwe rettangolu ta' dimensjonijiet 50 × 20 cm u mhux aktar minn 25 tul il-wiċċ sħiħ tal-windskrijn. L-ebda framment ma għandu jippreżenta punt ta' tul ta' aktar minn 35 mm imkejjel skont il-paragrafu 2.6.1.2.4.1 taħt. 2.6.1.2.4.1. Framment għandu jitqies bħala framment irregolari jekk ma jkunx jista' jiddaħħal f'ċirku ta' dijametru ta' 40 mm, jekk ikollu għallinqas punt wieħed itwal minn 15 mm meta jitkejjel min-naħa ta' fuq tal-punt sas-sezzjoni li l-wisa' tagħha hija ugwali għall-ħxuna tal-glejżing, u jekk ikollu punt wieħed jew aktar li għandu l-angolu ta' fuq iżgħar minn 40°. 2.6.1.2.5. Frammenti ta' forma elongata għandhom ikunu permessi fiż-Żona FII kollha, sakemm ma jkollhomx tul ta' aktar minn 10 cm, minbarra fil-każ ipprovvdut fil-paragrafu 2.6.2.2 taħt. 2.6.1.3. Iż-żona FIII Il-frammentazzjoni f'din iż-żona għandu jkollha karatteristiċi intermedjarji bejn dawk tal-frammenti rispettivament permessi għaż-żewġ żoni ġirien tagħha (FI u FII).

2.6.2.

Windskrijn sottomess għall-approvazzjoni għandu jitqies bħala sodisfaċenti mil-lat tal-frammentazzjoni jekk tiġi ssodisfata għallinqas waħda mill-kundizzjonijiet li ġejjin: 2.6.2.1. Meta t-testijiet kollha mwettqa permezz tal-punti tal-impatt definiti fil-paragrafu 2.5.1 fuq ikunu taw riżultat sodisfaċenti; 2.6.2.2. Meta test wieħed fost dawk imwettqa permezz tal-punti tal-impatt preskritti fil-paragrafu 2.5.1 ikun ta riżultat mhux sodisfaċenti, filwaqt li jitqiesu d-devjazzjonijiet li ma jaqbżux il-limiti li ġejjin: Iż-żona FI : mhux aktar minn ħames frammenti b’tul ta’ bejn 7,5 u 15 cm, Iż-żona FII : mhux aktar minn tliet frammenti b’ erja 16 u 20 cm2 li jinsabu barra mill-anella li għandha raġġ ta’ 10 cm fuq il-punt tal-impatt; Iż-żona FIII : mhux aktar minn erba’ frammenti b’tul bejn 10 u 17,5 cm u jiġi ripetut fuq kampjun ġdid, li jew jikkonforma mar-rekwiżiti tal-paragrafu 2.6.1 jew jippreżenta devjazzjonijiet fil-limiti speċifikati hawn fuq. 2.6.2.3. Meta żewġ testijiet fost it-testijiet kollha mwettqa permezz tal-punti tal-impatt preskritti fil-paragrafu 2.5.1 ikunu taw riżultat mhux sodisfaċenti għad-devjazzjonijiet li ma jaqbżux il-limiti speċifikati fil-paragrafu 2.6.2.2, u serje oħra ta' testijiet imwettqa fuq sett ġdid ta' kampjuni tikkonforma mar-rekwiżiti ta' paragrafu 2.6.1, jew mhux aktar minn żewġ kampjuni tas-sett il-ġdid jippreżentaw devjazzjonijiet fil-limiti speċifikati hawn fuq tal-paragrafu 2.6.2.2.

2.6.3.

Jekk jinstabu d-devjazzjonijiet hawn fuq imsemmija, huma għandhom jiġu nnotati fir-rapport tat-test u r-reġistrazzjoni(jiet) tax-xejra tal-frammentazzjoni tal-partijiet rilevanti tal-windskrijn għandhom jiġu mehmuża mar-rapport.

3.   IT-TEST TAL-FORMA TAR-RAS

3.1.   Indiċi ta’ diffikultà tal-karatteristiċi sekondarji

L-ebda karatteristiku sekondarju m’huwa involut.

3.2.   In-numru tal-biċċiet tat-test

3.2.1.

Għal kull grupp ta' windskrijns tal-ħġieġ imwebbes, għandhom jiġu soġġetti għall-ittestjar, erba' biċċiet tat-test li għandhom bejn wieħed u ieħor l-iżgħar erja żviluppata u erba' biċċiet tat-test li għandhom bejn wieħed u ieħor l-ikbar erja żviluppata, fejn it-tmien kampjuni jkunu tal-istess tipi bħal dawk magħżula għat-testijiet tal-frammentazzjoni (ara l-paragrafu 2.2 fuq).

3.2.2.

Alternattivament, fid-diskrezzjoni tal-laboratorji li qed iwettaq it-testijiet, għal kull kategorija ta’ ħxuna tal-windskrijn, jiġu suġġetti għall-ittestjar sitt biċċiet tat-test bid-dimensjoni (1 100 × 500 mm) ± 5/2 mm.

3.3.   Metodu tal-ittestjar

3.3.1.

Il-metodu użat għandu jkun dak deskritt fl-Anness 3, paragrafu 3.1.

3.3.2.

L-għoli tal-waqgħa għandu jkun 1,5 m ± 0/5 mm

3.4.   L-interpretazzjoni tar-riżultati

3.4.1.

Test jitqies li jkun ta riżultat sodisfaċenti jekk jinkiser il-windskrijn jew il-biċċa tat-test.

3.4.2.

Sett ta' biċċiet tat-test sottomessi għall-approvazzjoni tat-tip tal-komponent jiqiesu sodisfaċenti mil-lat tat-test tal-forma tar-ras jekk tkun ġiet sodisfatta waħda jew l-oħra miż-żewġ kundizzjonijiet li ġejjin: 3.4.2.1. It-testijiet kollha taw riżultat sodisfaċenti; 3.4.2.2. Wara li test ikun ta riżultat mhux sodisfaċenti, serje oħra ta' testijiet imwettqa fuq sett ġdid ta' biċċiet tat-test tkun tat riżultati sodisfaċenti.

4.   KWALITAJIET OTTIĊI

Ir-rekwiżiti li jikkonċernaw il-kwalitajiet ottiċi stabbiliti fl-Anness 3, il-paragrafu 9, għandhom japplikaw għal kull tip ta' windskrijn.

ANNESS 5

ĦĠIĠIET IMWEBBSA B 'MOD UNIFORMI  (*)

1.   DEFINIZZJONI TA’ TIP

Ħġieġ imwebbes b'mod uniformi jitqies bħala li jappartjeni għal tipi differenti jekk ikun differenti f'għallinqas waħda mill-karatteristiċi prinċipali jew sekondarji li ġejjin.

1.1.   Il-karatteristiċi prinċipali huma kif ġej:

1.1.1.

L-ismijiet kummerċjali jew trade marks;

1.1.2.

In-natura tal-proċess tat-tisħiħ (termali jew kimiku);

1.1.3.

Il-kategorija tal-forma; jiġu distingwiti żewġ kategoriji: 1.1.3.1. Ħġieġ ċatt, 1.1.3.2. Ħġiġiet ċatti u għat-tond.

1.1.4.

Il-kategorija tal-ħxuna li fiha tinsab il-ħxuna nominali “e”, (tiġi permessa tolleranza tal-manifattura ta' ± 0,2 mm): Kategorija I e ≤ 3,5 mm Kategorija II 3,5 mm < e ≤ 4,5 mm Kategorija III 4,5 mm < e ≤ 6,5 mm Kategorija IV 6,5 mm < e

1.2.   Il-karatteristiċi sekondarji huma kif ġej:

1.2.1.

in-natura tal-materjal (ħġieġ illustrat (pjanċa), ħġieġ float, ħġieġ tal-folja);

1.2.2.

kulur (mingħajr kulur jew mogħti kulur ħafif);

1.2.3.

l-inkorporazzjoni jew xorta oħra tal-kondutturi.

1.2.4.

L-inkorporazzjoni jew xorta oħra tal-oskurazzjoni opaka.

2.   IT-TEST TAL-FRAMMENTAZZJONI

2.1.   Indiċi ta’ diffikultà tal-karatteristiċi sekondarji

Materjal	L-indiċi tad-diffikultajiet
Il-Ħġieġ oħxon tal-vetrini	2
Ħġieġ float	1
Il-Ħġieġ irqiq tal-folja	1

L-ebda karatteristriku sekondarju ieħor m’huwa involut.

2.2.   L-għażla tal-biċċiet tat-test

2.2.1.   Biċċiet tat-test ta' kull kategorija tal-forma u ta' kull kategorija tal-ħxuna li huma diffiċli li jiġu prodotti għandhom jintgħażlu skont il-kriterji li ġejjin għall-ittestjar:

2.2.1.1.

Fil-każ tal-ħġiġiet ċatti, għandhom jiġu fornuti żewġ settijiet ta' biċċiet tat-test, li jikkorrespondu għal: 2.2.1.1.1. L-akbar erja żviluppata, 2.2.1.1.2. L-iżgħar angolu bejn żewġt iġnub li jmissu ma' xulxin.

2.2.1.2.

Fil-każ tal-ħġiġiet ċatti u kkurvati, għandhom jiġu fornuti tliet settijiet ta' kampjuni, li jikkorrespondu għal: 2.2.1.2.1. L-akbar erja żviluppata, 2.2.1.2.2. L-iżgħar angolu bejn żewġt iġnub li jmissu ma' xulxin, 2.2.1.2.3. L-akbar għoli tas-segment.

2.2.2.   It-testijiet li jitwettqu fuq biċċiet tat-test li jikkorrispondu għall-akbar erja, “S”, għandhom jitqiesu bħala li huma applikabbli għal kwalunkwe erja oħra iżgħar minn S + 5 fil-mija.

2.2.3.   Jekk il-kampjuni sottomessi jippreżentaw angolu γ iżgħar minn 30°, it-testijiet jitqiesu bħala applikabbli għall-ħġieġ kollu li għandu angolu akbar minn γ – 5°.

Jekk il-kampjuni sottomessi jippreżentaw angolu γ ikbar minn 30°, it-testijiet għandhom jitqiesu bħala applikabbli għall-ħġieġ kollu li għandu angolu ugwali għal jew akbar minn 30°.

2.2.4.   Jekk l-għoli tas-segment h tal-kampjuni sottomessi huwa ikbar minn 100 mm, it-testijiet għandhom jitqiesu bħala applikabbli għall-ħġieġ kollu prodott li għandu għoli tas-segment iżgħar minn h + 30 mm.

Jekk l-għoli tas-segment tal-kampjuni sottomessi huwa iżgħar minn jew ugwali għal 100 mm, it-testijiet għandhom jitqiesu bħala applikabbli għall-ħġieġ kollu li għandu għoli tas-segment ta' inqas minn jew ugwali għal 100 mm.

2.3.   In-numru ta’ biċċiet tat-test kull sett

In-numru tal-biċċiet tat-test f'kull grupp għandu jkun kif ġej, skont il-kategorija tal-għamla definita fil-paragrafu 1.1.3 ta' hawn fuq:

It-tip ta’ ħġieġ	In-numru tal-biċċiet tat-test
Ċatti	4
Ittundjati (raġġ minimu tal-kurvatura ≥ 200 mm)
Ittundjati (raġġ minimu tal-kurvatura < 200 mm)	8

2.4.   Metodu tal-ittestjar

2.4.1.   Il-metodu użat għandu jkun dak deskritt fl-Anness 3, paragrafu 1.

2.5.   Il-punti tal-impatt (ara l-Anness 17 u l-Figura 3).

2.5.1.   Għal ħġieġ ċatt u ħġieġ kkurvat, il-punti tal-impatt irrappreżentati rispettivament fl-Anness 17, il-Figuri 3(a) u 3(b) min-naħa l-waħda, u fl-Anness 17, il-Figura 3(c) min-naħa l-oħra, għandhom ikunu kif ġej:

Punt 1	:	Fiċ-ċentru ġeometriku tal-ħġieġ.
Punt 2	:	Għal ħġiġiet tal-ħġieġ ittundjat li jkollu raġġ minimu tal-kurvatura “r” ta’ inqas minn 200 mm. Il-punt għandu jintgħażel fuq l-akbar medjan f’dik il-parti tal-ħġieġa fejn ir-raġġ ta’ kurvatura jkun l-iżgħar.

2.5.2.   Erba’ biċċiet tat-test għandhom jiġu ttestjati minn kull punt tal-impatt.

2.6.   L-interpretazzjoni tar-riżultati

2.6.1.   It-test għandu jitqies li jkun ta riżultat sodisfaċenti jekk it-tifrik jissodisfa l-kundizzjonijiet li ġejjin:

2.6.1.1.

In-numru ta’ frammenti f’kull forma kwadra ta’ 5 × 5 cm mhuwiex inqas minn 40.

2.6.1.2.

Għall-finijiet tar-regola msemmija hawn fuq, il-framment li jestendi tul naħa ta' forma kwadra għandu jgħodd bħala nofs framment.

2.6.1.3.

Il-frammentazzjoni ma għandhiex tiġi vverifikata fi strixxa b’wisa’ ta’ 2 cm madwar it-tarf tal-kampjuni, fejn din l-istrixxa tirrappreżenta l-frejm tal-ħġieġa; lanqas f’raġġ ta’ mhux aktar minn 7,5 cm mill-punt tal-impatt.

2.6.1.4.

Meta l-framment jestendi lil hinn miż-żona eskluża, il-parti tal-framment li taqa' barra miż-żona biss għandha tiġi vvalutata.

2.6.1.5.

Frammenti ta' erja ta' aktar minn 3 cm2 mhumiex permessi minbarra fil-partijiet definiti fil-paragarfu 2.6.1.3 fuq.

2.6.1.6.

Ebda framment itwal minn 100 mm fit-tul ma għandu jkun permess ħlief fiż-żoni definiti fil-paragrafu 2.6.1.3 hawn fuq bil-kundizzjoni li: 2.6.1.6.1. It-truf tal-framment ma jwasslux għal punt. 2.6.1.6.2. Jekk jestendu sat-tarf tal-ħġieġa ma jiffurmawx angolu ta’ aktar minn 45° magħha,

2.6.2.   Sett ta’ biċċiet tat-test sottomessi għall-approvazzjoni għandu jiġi kkunsidrat sodisfaċenti mil-lat tal-frammentazzjoni jekk mill-inqas tlieta mill-erba’ testijiet imwettqa f’kull wieħed mill-punti tal-impatt preskritti fil-paragrafu 2.5.1 hawn fuq ikunu taw riżultat sodisfaċenti.

2.6.3.   Jekk jinstabu d-devjazzjonijiet hawn fuq imsemmija, huma għandhom jiġu nnotati fir-rapport tat-test u r-reġistrazzjoni(jiet) permanenti tax-xejra tal-frammentazzjoni tal-partijiet rilevanti tal-ħġieġa għandhom jiġu mehmuża mar-rapport.

3.   IT-TEST TAS-SAĦĦA MEKKANIKA

3.1.   It-test b'ballun ta' 227 g.

3.1.1.   L-indiċijiet tad-diffikultajiet tal-karatteristiċi sekondarji.

Materjal	L-indiċi tad-diffikultajiet	Kulur	L-indiċi tad-diffikultajiet
Il-Ħġieġ illustrat	2	bla kulur	1
Ħġieġ float	1	ikkulurit	2
Il-Ħġieġ irqiq tal-folja	1

Il-karatteristika sekondarja l-oħra (jiġifieri, l-inkorporazzjoni jew in-nuqqas ta' kondutturi) mhijiex involuta.

3.1.2.   In-numru tal-biċċiet tat-test

Sitt biċċiet tat-test għandhom jiġu soġġetti għal kull kategorija ta' ħxuna kif iddefinit fil-paragrafu 1.1.4 ta' hawn fuq.

3.1.3.   Metodu tal-ittestjar

3.1.3.1.

Il-metodu tat-test użat għandu jkun dak deskritt fl-Anness 3, il-paragrafu 2.1.

3.1.3.2.

Il-għoli tal-waqgħa (mill-wiċċ ta' isfel tal-ballun sal-wiċċ ta' fuq tal-biċċa tat-test) għandu jkun ta' 2,0 m ± 0/5 mm.

3.1.4.   L-interpretazzjoni tar-riżultati

3.1.4.1.

It-test għandu jitqies li jkun ta riżultat sodisfaċenti jekk mill-inqas ħamsa mill-biċċiet tat-test ma jinkisrux.

4.   KWALITAJIET OTTIĊI

4.1.   Id-dispożizzjonijiet li jikkonċernaw it-trażmittanza regolari tad-dawl stabbiliti fl-Anness 3, il-paragrafu 9.1, għandhom japplikaw għal ħġieġ imwebbes b'mod uniformi jew partijiet ta' ħġieġ li jinsabu f'postijiet li huma essenzjali għall-viżibilità tas-sewwieq.

4.2.   Id-dispożizzjonijiet tal-paragrafu 9, tal-Anness 3 għandhom japplikaw għal ħġiġiet mill-ħġieġ imwebbes b'mod uniformi li jintużaw bħala windskrijns ta' vetturi jimxu bil-mod li, mill-kostruzzjoni tagħhom, ma jistgħux jaqbżu 40 km/h. Dan ma għandux japplika għal windskrijns ċatti li jaqgħu fi grupp diġà approvat.

---

(*)  Din it-tip ta’ ħġieġa mwebbsa b’mod uniformi tista’ tintuża wkoll għall-windskrijns għal vetturi li jimxu bil-mod li, minħabba l-mod kif inhuma mibnijin, ma jistgħux jaqbżu 40 km/h.

ANNESS 6

WINDSKRIJNS TAL-ĦĠIEĠ LAMINAT ORDINARJU

1.   DEFINIZZJONI TA’ TIP

Windskrijns tal-ħġieġ laminat ordinarju jitqiesu bħala li jappartjenu għal tipi differenti jekk ikunu differenti f' għallinqas waħda mill-karatteristiċi prinċipali jew sekondarji li ġejjin.

1.1.   Il-karatteristiċi prinċipali huma kif ġej:

1.1.1.

L-ismijiet kummerċjali jew trade marks.

1.1.2.

L-għamla u l-qisien, Windskrijns tal-ħġieġ laminat ordinarju għandhom jitqiesu bħala li jappartjenu għal grupp wieħed għall-finijiet tat-testijiet tal-karatteristiċi mekkaniċi u tar-reżistenza għall-ambjent.

1.1.3.

In-numru ta’ saffi tal-ħġieġ,

1.1.4.

Il-ħxuna nominali 'e' tal-windskrijn, hija permessa tolleranza tal-manifattura ta' 0,2. n mm ('n' huwa n-numru ta' saffi ta' ħġieġ fil-windskrijn) iżjed jew inqas minn valur nominali,

1.1.5.

Il-ħxuna nominali tas-saff jew tas-saffi tan-nofs,

1.1.6.

In-natura u t-tip tas-saff jew tas-saffi tan-nofs (per eżempju, saff jew tas-saffi tan-nofs tal-PVB jew ta’ materjal tal-plastik).

1.2.   Il-karatteristiċi sekondarji huma kif ġej:

1.2.1.

In-natura tal-materjal (ħġieġ illustrat (pjanċa), ħġieġ float, ħġieġ tal-folja),

1.2.2.

Il-kulur (totali jew parzjali) tas-saff jew tas-saffi tan-nofs (bla kulur jew ikkulurit),

1.2.3.

Il-kulur tal-ħġieġ (bi jew mingħajr kulur),

1.2.4.

L-inkorporazzjoni jew xorta oħra tal-kondutturi,

1.2.5.

L-inkorporazzjoni jew xorta oħra tal-oskurazzjoni opaka.

2.   ĠENERALI

2.1.   Fil-każ ta' windskrijns tal-ħġieġ laminat ordinarju, għandhom jitwettqu testijiet oħrajn għajr testijiet tal-forma tar-ras (paragrafu 3.2 taħt) u testijiet ta' kwalitajiet ottiċi fuq biċċiet tat-test ċatti li jew jinqatgħu mill-windskrijns attwali jew isiru speċifikament għal dak il-għan. F'kull wieħed miż-żewġ każijiet, il-biċċiet tat-test għandhom minn kull aspett ikunu rappreżentattivi b'mod rigoruż tal-windskrijns prodotti f'serje li għalihom tkun qiegħda tiġi mitluba l-approvazzjoni.

2.2.   Qabel kull test, il-biċċiet tat-test għandhom jinħażnu għal mhux inqas minn erba’ sigħat f’temperatura ta’ 23 °C ± 2 °C. It-testijiet għandhom jitwettqu malajr kemm jista' jkun fuq il-biċċiet tat-test wara li jkunu nħarġu mir-reċipjent li fih ikunu nħażnu.

3.   TEST TAL-FORMA TAR-RAS

3.1.   Indiċi ta’ diffikultà tal-karatteristiċi sekondarji

L-ebda karatteristiku sekondarju m’huwa involut.

3.2.   It-test tal-forma tar-ras fuq windskrijn komplut

3.2.1.   In-numru tal-biċċiet tat-test

Għandhom jiġu ttestjati erba' biċċiet tat-test mis-serje tal-iżgħar erja żviluppata u erba' kampjuni mis-serje tal-akbar erja żviluppata, magħżula skont id-dispożizzjonijiet tal-Anness 13.

3.2.2.   Metodu tal-ittestjar

3.2.2.1.

Il-metodu użat għandu jkun dak deskritt fl-Anness 3, paragrafu 3.1.

3.2.2.2.

L-għoli tal-waqgħa għandu jkun 1,5 m ± 0/5 mm

3.2.3.   L-interpretazzjoni tar-riżultati

3.2.3.1.

Dan it-test għandu jitqies li jkun ta riżultat sodisfaċenti jekk jitwettqu l-kondizzjonijiet li ġejjin: 3.2.3.1.1. Il-biċċa tat-test tinkiser u jidhru xquq ċirkolari numerużi iċċentrati bejn wieħed u ieħor fil-punt tal-impatt, bix-xquq l-aktar viċin tal-punt tal-impatt ma jkunux aktar minn 80 mm minnu; 3.2.3.1.2. Is-saffi tal-ħġieġ iridu jibqgħu imwaħħla mas-saff tan-nofs tal-materjal tal-plastik. Hija permessa separazzjoni parzjali waħda jew aktar mis-saff tan-nofs b'distanza ta' inqas minn 4 mm bħala wisa', fuq kull naħa tax-xaqq, barra ċirku b'dijametru ta' 60 mm iċċentrat fuq il-punt tal-impatt. 3.2.3.1.3. Fuq in-naħa tal-impatt: 3.2.3.1.3.1. Is-saff tan-nofs ma għandux jitpoġġa għeri fuq erja ta' aktar minn 20 cm2; 3.2.3.1.3.2. Hija permessa tiċrita fis-saff tan-nofs ta' tul mhux itwal minn 35 mm.

3.2.3.2.

Sett ta' biċċiet tat-test sottomessi għall-approvazzjoni għandhom jiġu kkunsidrati bħala sodisfaċenti mil-lat tat-test tal-forma tar-ras jekk tiġi ssodisfata waħda miż-żewġ kundizzjonijiet li ġejjin:

4.   IT-TEST TAS-SAĦĦA MEKKANIKA

4.1.   Indiċi ta’ diffikultà tal-karatteristiċi sekondarji

L-ebda karatteristiku sekondarju m’huwa involut.

4.2.   It-test b'ballun ta' 2 260 g.

4.2.1.   Għandhom jiġu sottoposti għall-ittestjar għaxar biċċiet tat-test kwadri b'ġenb ta' 300 mm ± 0/10 mm.

4.2.2.   Metodu tal-ittestjar

4.2.2.1.

Il-metodu użat għandu jkun dak deskritt fl-Anness 3, paragrafu 2.2.

4.2.2.2.

Il-għoli tal-waqgħa (mill-wiċċ ta' isfel tal-ballun sal-wiċċ ta' fuq tal-biċċa tat-test) għandu jkun ta' 4 m ± 0/25 mm.

4.2.3.   L-interpretazzjoni tar-riżultati

4.2.3.1.

It-test jitqies bħala li jagħti riżultat sodisfaċenti jekk il-ballun ma jgħaddix mill-ħġieġ f'ħames sekondi wara l-mument tal-impatt.

4.2.3.2.

Sett ta' biċċiet tat-test sottomessi għall-approvazzjoni jiġu kkunsidrati bħala sodisfaċenti mil-lat tat-test tal-ballun ta' 2 260 g jekk mill-inqas ħdax mit-tnax-il test ikunu taw riżultat sodisfaċenti.

4.3.   It-test b'ballun ta' 227 g.

4.3.1.   Indiċi ta’ diffikultà tal-karatteristiċi sekondarji

L-ebda karatteristiku sekondarju m’huwa involut.

4.3.2.   In-numru tal-biċċiet tat-test

Għandhom jiġu sottoposti għall-ittestjar għoxrin biċċiet tat-test kwadri b'ġenb ta' 300 mm ± 0/10 mm.

4.3.3.   Metodu tal-ittestjar

4.3.3.1.

Il-metodu użat għandu jkun dak deskritt fl-Anness 3, paragrafu 2.1. Għaxar biċċiet tat-test għandhom jiġu ttestjati f'temperatura ta' + 40 °C ± 2 °C u għaxra f'temperatura ta' – 20 °C ± 2 °C.

4.3.3.2.

L-għoli tal-waqgħa għad-diversi kategoriji ta’ ħxuna u l-massa tal-frammenti li jinqalgħu jingħataw fit-tabella hawn isfel:   + 40 °C ± 2 °C – 20 °C ± 2 °C Il-ħxuna nominali tal-biċċa tat-test (mm) L-għoli tal-waqgħa (m) Il-massa massima permessa tal-frammenti (g) L-għoli tal-waqgħa (m) Il-massa massima permessa tal-frammenti (g) e ≤ 4,5 9 12 8,5 12 4,5 < e ≤ 5,5 9 15 8,5 15 5,5 < e ≤ 6,5 9 20 8,5 20 e > 6,5 9 25 8,5 25

4.3.4.   L-interpretazzjoni tar-riżultati

4.3.4.1.

It-test għandu jiġi kunsidrat li jkun ta riżultat sodisfaċenti jekk jiġu sodisfatti l-kundizzjonijiet li ġejjin: — Il-ballun ma jgħaddix mill-biċċa tat-test, — Il-biċċa tat-test ma tinqasamx f'diversi biċċiet, — Jekk is-saff tan-nofs ma jiċċarratx, il-piż tal-frammenti li jinqalgħu mill-ġenb tal-ħġieġ faċċata tal-punt tal-impatt ma għandux jaqbeż il-valuri xierqa speċifikati fil-paragrafu 4.3.3.2 fuq.

4.3.4.2.

Sett ta’ biċċiet tat-test sottomessi għall-approvazzjoni għandu jiġi kkunsidrat sodisfaċenti mil-lat tat-test b’ballun ta’ 227 g jekk mill-inqas tmienja mill-għaxar testijiet imwettqa f’kull temperatura, ikunu taw riżultat sodisfaċenti.

5.   IT-TEST TAR-REŻISTENZA GĦALL-AMBJENT

5.1.   It-test tar-reżistenza għall-brix

5.1.1.   Indiċi ta’ diffikultà u l-metodu tat-test

Għandhom japplikaw ir-rekwiżiti tal-Anness 3, paragrafu 4, bit-test jitkompla għal 1 000 ċiklu.

5.1.2.   L-interpretazzjoni tar-riżultati

Il-ħġieġa tas-sikurezza għandha tiġi kkunsidrata bħala sodisfaċenti fir-rigward ta' reżistenza għall-brix jekk il-firxa tad-dawl bħala riżultat tal-brix tal-biċċa tat-test ma taqbiżx it-2 fil-mija.

5.2.   It-test tar-reżistenza għat-temperatura għolja

Għandhom japplikaw ir-rekwiżiti tal-Anness 3, il-paragrafu 5.

5.3.   It-test tar-reżistenza għar-radjazzjoni

5.3.1.   Rekwiżiti ġenerali

Dan it-test għandu jsir biss jekk il-laboratorju jqis illi dan ikun utli fid-dawl tat-tagħrif fil-pussess tiegħu li jirrigwarda s-saff tan-nofs.

5.3.2.   Għandhom japplikaw ir-rekwiżiti tal-Anness 3, il-paragrafu 6.3.

5.4.   It-test tar-reżistenza għall-umdità

Għandhom japplikaw ir-rekwiżiti tal-Anness 3, il-paragrafu 7.

6.   KWALITAJIET OTTIĊI

Ir-rekwiżiti li jikkonċernaw il-kwalitajiet ottiċi stabbiliti fl-Anness 3, il-paragrafu 9, għandhom japplikaw għal kull tip ta' windskrijn. Dan m'għandux japplika għal windskrijns ċatt li huma parti minn grupp diġà approvat jekk ir-rake angle tkun inqas minn 40° mal-vertikali.

ANNESS 7

ĦĠIĠIET LAMINATI

1.   DEFINIZZJONI TA’ TIP

Ħġiġiet tal-ħġieġ laminat għandu jitqies li jappartjeni għal tipi differenti jekk ikun ivarja f'mill-inqas waħda mill-karatteristiċi prinċipali jew sekondarji li ġejjin.

1.1.   Il-karatteristiċi prinċipali huma kif ġej:

1.1.1.

L-ismijiet kummerċjali jew trade marks.

1.1.2.

Il-kategorija tal-ħxuna tal-ħġieġa li fiha taqa’ l-ħxuna nominali “e”, fejn hija permessa tolleranza ta’ manifattura ta’ ± 0,2 n mm, (fejn “n” hija n-numru ta’ saffi tal-ħġieġ fit-tieqa): Kategorija I e ≤ 5,5 mm Kategorija II 5,5 mm < e ≤ 6,5 mm Il-Kategorija III 6,5 mm < e

1.1.3.

Il-ħxuna nominali tas-saff jew tas-saffi tan-nofs,

1.1.4.

In-natura u t-tip tas-saff jew is-saffi tan-nofs, eż. saff jew saffi tan-nofs tal-PVB jew ta’ materjal ieħor tal-plastik;

1.1.5.

Kull trattament speċjali li saff wieħed jew aktar mis-saffi tal-ħġieġ ikun għadda minnu.

1.2.   Il-karatteristiċi sekondarji huma kif ġej:

1.2.1.

In-natura tal-materjal (ħġieġ illustrat (pjanċa), ħġieġ float, ħġieġ tal-folja),

1.2.2.

Il-kulur (totali jew parzjali) tas-saff jew tas-saffi tan-nofs (bla kulur jew ikkulurit),

1.2.3.

L-għoti tal-kulur lill-ħġieġ (bi jew mingħajr kulur).

1.2.4.

L-inkorporazzjoni jew xorta oħra tal-oskurazzjoni opaka.

2.   ĠENERALI

2.1.   Fil-każ ta’ ħġiġiet tal-ħġieġ laminat, it-testijiet għandhom isiru fuq biċċiet tat-test ċatti li jew jinqatgħu mill-ħġieġ attwali jew isiru b’mod speċjali. F'kull wieħed miż-żewġ każijiet, il-biċċiet tat-test għandhom, fl-aspetti kollha, jkunu rappreżentattivi b'mod rigoruż tal-ħġieġ li għalihom tkun qiegħda tintalab l-approvazzjoni għall-produzzjoni.

2.2.   Qabel kull test, il-kampjuni tat-test tal-ħġieġ laminat għandhom jinħażnu għal mhux inqas minn erba’ sigħat f’temperatura ta’ 23 °C ± 2 °C. it-testijiet għandhom jitwettqu fuq il-kampjuni tat-test malli l-kampjuni tat-test jinħarġu mir-reċipjent li fih ikun nħażnu.

2.3.   Id-dispożizzjonijiet ta’ dan l-Anness għandhom jitqiesu li ġew sodisfatti jekk il-ħġieġ ippreżentat għall-approvazzjoni jkun tal-istess kompożizzjoni bħal windskrijn diġà approvata skont id-dispożizzjonijiet tal-Anness 6 jew tal-Anness 8 jew tal-Anness 9.

3.   IT-TEST TAS-SAĦĦA MEKKANIKA - TEST B'BALLUN TA' 227 g

3.1.   Indiċi ta’ diffikultà tal-karatteristiċi sekondarji

L-ebda karatteristiku sekondarju m’huwa involut.

3.2.   In-numru tal-biċċiet tat-test

Tmien kampjuni ċatti b’daqs ta’ 300 mm × 300 mm, magħmula apposta jew maqtugħa mill-aktar parti ċatta ta' ħġieġa għandhom jiġu ttestjati

3.2.1.

Il-biċċiet tat-test jistgħu alternattivament jkunu prodotti lesti li jistgħu jiġu appoġġjati fuq l-apparat deskritt fil-paragrafi 2.1.1 sa 2.1.1.3 tal-Anness 3.

3.2.2.

Jekk il-biċċiet tat-test ikunu ttundjati, għandha tingħata attenzjoni biex jiġi żgurat kuntatt adegwat mal-appoġġ.

3.3.   Metodu tal-ittestjar

3.3.1.

Il-metodu użat għandu jkun dak deskritt fl-Anness 3, paragrafu 2.1.

3.3.2.

L-għoli tal-waqgħa mill-wiċċ ta' isfel tal-ballun sal-wiċċ ta' fuq tal-biċċa tat-test jew il-kampjun għandu jkun ta' 9 m ± 0/25 mm.

3.4.   L-interpretazzjoni tar-riżultati

3.4.1.

It-test għandu jiġi kunsidrat li jkun ta riżultat sodisfaċenti jekk jiġu sodisfatti l-kundizzjonijiet li ġejjin: (a) Il-ballun ma jgħaddix mill-biċċa tat-test; (b) Il-laminat ma jinqasamx f'diversi biċċiet; (c) Fil-punt eżatt faċċata tal-punt tal-impatt, frak żgħir tal-ħġieġ jistgħu jitilqu l-kampjun, iżda ż-żona żgħira affettwata b'dan il-mod għandha tesponi inqas minn 645 mm2 ta’ tisħiħ jew materjal ta' tisħiħ, u l-wiċċ għandu dejjem ikun kopert sew b’partikuli żgħar ta’ ħġieġ li jaderixxi b’mod strett. Is-separazzjoni totali tal-ħġieġ mill-materjal tar-rinfurzar jew it-tisħiħ ma għandhiex taqbeż il-1 935 mm2 fuq kull naħa. It-tkissir tal-wiċċ tal-ħġieġ ta’ barra faċċata tal-punt tal-impatt u ħdejn iż-żona tal-impatt m’għandux jitqies bħala nuqqas.

3.4.2.

Sett ta’ biċċiet tat-test sottomess għall-approvazzjoni għandu jiġi kkunsidrat sodisfaċenti mil-lat tat-test tas-saħħa mekkanika jekk mill-inqas sitta minn tmien testijiet ikunu taw riżultat sodisfaċenti.

4.   IT-TEST TAR-REŻISTENZA GĦALL-AMBJENT

4.1.   It-test tar-reżistenza għall-brix

4.1.1.   Indiċi ta’ diffikultà u l-metodu tat-test

Għandhom japplikaw ir-rekwiżiti tal-Anness 3, paragrafu 4, bit-test jitkompla għal 1 000 ċiklu.

4.1.2.   L-interpretazzjoni tar-riżultati

Il-ħġieġa tas-sikurezza tiġi kunsidrata bħala sodisfaċenti mil-lat tar-reżistenza għall-brix jekk il-firxa tad-dawl bħala riżultat tal-brix tal-biċċa tat-test ma taqbiżx it-2 fil-mija.

4.2.   It-test tar-reżistenza għat-temperatura għolja

Għandhom japplikaw ir-rekwiżiti tal-Anness 3, il-paragrafu 5.

4.3.   It-test tar-reżistenza għar-radjazzjoni

4.3.1.   Rekwiżiti ġenerali

Dan it-test għandu jsir biss jekk il-laboratorju jqis illi dan ikun utli fid-dawl tat-tagħrif fil-pussess tiegħu li jirrigwarda s-saff tan-nofs.

4.3.2.   In-numru ta’ kampjuni jew biċċiet tat-test

Għandhom japplikaw ir-rekwiżiti tal-Anness 3, il-paragrafu 6.3.

4.4.   It-test tar-reżistenza għall-umdità

Għandhom japplikaw ir-rekwiżiti tal-Anness 3, il-paragrafu 7.

5.   KWALITAJIET OTTIĊI

Id-dispożizzjonijiet li jikkonċernaw it-trażmittanza regolari tad-dawl stabbiliti fl-Anness 3, il-paragrafu 9.1, għandhom japplikaw għal ħġieġ jew partijiet oħrajn tal-ħġieġ għajr windskrijns li jinsabu f'postijiet li huma essenzjali għall-viżibilità tas-sewwieq.

ANNESS 8

WINDSKRIJNS TAL-ĦĠIEĠ LAMINAT ITTRATTATI

1.   DEFINIZZJONI TA’ TIP

Il-windskrijns tal-ħġieġ laminat ittrattat għandhom jitqiesu li jappartjenu għal tipi differenti jekk jiddifferixxu f’mill-inqas waħda mill-karattestiċi prinċipali jew sekondarji li ġejjin.

1.1.   Il-karatteristiċi prinċipali huma kif ġej:

1.1.1.

L-ismijiet kummerċjali jew trade marks.

1.1.2.

L-għamla u l-qisien Windskrijns tal-ħġieġ laminat ittrattat jitqiesu bħala li jappartjenu għal grupp wieħed għall-finijiet tat-testijiet tal-frammentazzjoni, tal-karatteristiċi mekkaniċi u tar-reżistenza għall-ambjent.

1.1.3.

In-numru ta’ saffi tal-ħġieġ,

1.1.4.

Il-ħxuna nominali “e” tal-windskrijn, hija permessa tolleranza tal-manifattura ta’ 0,2 n mm ('n' hija n-numru ta’ saffi ta’ ħġieġ fil-windskrijn) iżjed jew inqas mill-valur nominali permess,

1.1.5.

Kull trattament speċjali li saff wieħed jew aktar mis-saffi tal-ħġieġ ikun għadda minnu,

1.1.6.

Il-ħxuna nominali tas-saff jew tas-saffi tan-nofs,

1.1.7.

In-natura u t-tip tas-saff jew tas-saffi tan-nofs (per eżempju, saff jew tas-saffi tan-nofs tal-PVB jew ta’ materjal tal-plastik).

1.2.   Il-karatteristiċi sekondarji huma kif ġej:

1.2.1.

In-natura tal-materjal (ħġieġ illustrat (pjanċa), ħġieġ float, ħġieġ tal-folja),

1.2.2.

Il-kulur (totali jew parzjali) tas-saff jew tas-saffi tan-nofs (bla kulur jew ikkulurit),

1.2.3.

Il-kulur tal-ħġieġ (bi jew mingħajr kulur),

1.2.4.

L-inkorporazzjoni jew xorta oħra tal-kondutturi,

1.2.5.

L-inkorporazzjoni jew xorta oħra tal-oskurazzjoni opaka.

2.   ĠENERALI

2.1.   Fil-każ ta’ windskrijns tal-ħġieġ laminat ittrattat, għandhom isiru testijiet oħrajn għajr it-test tal-forma tar-ras fuq windskrijn komplet u testijiet ta’ kwalitajiet ottiċi fuq kampjuni u/jew biċċiet tat-test ċatti magħmulin b’mod speċjali għal dak il-għan. Madankollu, il-kampjuni tat-test għandhom ikunu f’kull aspett rigorożament rappreżentattivi tal-windskrijns prodotti f’serje li għalihom tkun qiegħda titfittex l-approvazzjoni.

2.2.   Qabel kull test, il-biċċiet tat-test jew il-kampjuni għandhom jinħażnu għal mhux inqas minn erba’ sigħat f’temperatura ta’ 23 °C ± 2 °C. it-testijiet għandhom jitwettqu fuq il-kampjuni tat-test malli l-kampjuni tat-test jinħarġu mir-reċipjent li fih ikun nħażnu.

3.   IT-TESTIJIET PRESKRITTI

Windskrijns tal-ħġieġ laminat ittrattat għandhom ikunu soġġetti għal:

3.1.	It-testijiet preskritti fl-Anness 6 għal windskrijns tal-ħġieġ laminat ordinarju,

3.2.	It-test tal-frammentazzjoni deskritt fil-paragrafu 4. hawn taħt.

4.   IT-TEST TAL-FRAMMENTAZZJONI

4.1.   Indiċi ta’ diffikultà tal-karatteristiċi sekondarji

Materjal	L-indiċi tad-diffikultajiet
Il-Ħġieġ oħxon tal-vetrini	2
Ħġieġ float	1
Il-Ħġieġ irqiq tal-folja	1

4.2.   In-numru ta’ biċċiet tat-test jew kampjuni

Biċċa tat-test waħda (1 100 mm × 500 mm) ± 5/2 mm jew kampjun wieħed għal kull punt tal-impatt jiġi suġġett għall-ittestjar.

4.3.   Metodu tal-ittestjar

Il-metodu użat għandu jkun dak deskritt fl-Anness 3, paragrafu 1.

4.4.   Il-punt jew il-punti tal-impatt

Il-ħġieġa għandha tintlaqat fuq kull waħda mill-folji ttrattati ta’ barra fiċ-ċentru tal-biċċa tat-test jew tal-kampjun.

4.5.   L-interpretazzjoni tar-riżultati

4.5.1.   Għal kull punt tal-impatt, it-test tal-frammentazzjoni għandu jiġi kkunsidrat li jkun ta riżultat sodisfaċenti jekk il-wiċċ totali tal-frammenti li għandhom erja tal-wiċċ ta’ aktar minn 2 cm2 li jinsabu f’rettangolu kif definit fl-Anness 4, il-paragrafu 2.3.2, jirrappreżenta mhux inqas minn 15 fil-mija tal-wiċċ ta’ dak ir-rettangolu.

4.5.1.1.   Fil-każ ta’ kampjun:

4.5.1.1.1.

Fil-każ tal-vetturi tal-kategorija M1, iċ-ċentru tar-rettangolu għandu jkun jinsab f’ċirku b’raġġ ta’ 10 cm iċċentrat fuq il-projezzjoni taċ-ċentru tas-segment V1 V2.

4.5.1.1.2.

Għall-vetturi tal-kategoriji M u N ħlief M1, iċ-ċentru tar-rettangolu għandu jkun jinsab f’ċirku li jkollu raġġ ta’ 10 cm iċċentrat fuq il-projezzjoni tal-punt 0.

4.5.1.1.3.

Għat-tratturi agrikoli u forestali u għall-vetturi tas-sit tal-kostruzzjoni, il-pożizzjoni taż-żona tal-viżibilità għandha tiġi indikata fir-rapport tat-test.

4.5.1.1.4.

L-għoli tar-rettangolu hawn fuq jista’ jitnaqqas għal 15 cm għal windskrijns li għandhom għoli ta’ inqas minn 44 cm jew li l-angolu ta’ stallazzjoni tagħhom hija inqas minn 15° mill-vertikal; il-persentaġġ ta’ viżibbiltà trid tkun ugwali għal mill-inqas 10 fil-mija tar-rettangolu korrispondenti.

4.5.1.2.   Fil-każ ta’ biċċa tat-test, iċ-ċentru tar-rettangolu għandu jkun jinsab fuq l-akbar assi tal-biċċa tat-test f’450 mm minn waħda mit-truf tagħha.

4.5.2.   Il-biċċa (biċċiet) tat-test jew il-part(s) lesti sottomessi għall-approvazzjoni għandhom jitqiesu sodisfaċenti mil-lat tal-frammentazzjoni jekk tiġi sodisfatta waħda mill-kundizzjonijiet li ġejjin:

4.5.2.1.

It-test jagħti riżultat sodisfaċenti għal kull punt tal-impatt, jew

4.5.2.2.

Jekk it-test ikun ġie ripetut fuq sett ġdid ta’ erba’ biċċiet tat-test għal kull punt tal-impatt għal liema kien oriġinarjament ta riżultat mhux sodisfaċenti, l-erba’ testijiet ġodda kollha, imwettqa fl-istess punti tal-impatt iridu jagħtu riżultat sodisfaċenti.