This document is an excerpt from the EUR-Lex website
Document 32023R0679
Commission Regulation (EU) 2023/679 of 23 March 2023 amending Annexes II and III to Regulation (EC) No 396/2005 of the European Parliament and of the Council as regards maximum residue levels for pyridaben, pyridate, pyriproxyfen and triclopyr in or on certain products (Text with EEA relevance)
Regolament tal-Kummissjoni (UE) 2023/679 tat-23 ta’ Marzu 2023 li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta’ residwi għall-piridaben, il-piridat, il-piriprossifen u t-triklopir f’ċerti prodotti jew fuqhom (Test b’rilevanza għaż-ŻEE)
Regolament tal-Kummissjoni (UE) 2023/679 tat-23 ta’ Marzu 2023 li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta’ residwi għall-piridaben, il-piridat, il-piriprossifen u t-triklopir f’ċerti prodotti jew fuqhom (Test b’rilevanza għaż-ŻEE)
C/2023/1838
ĠU L 86, 24.3.2023, p. 6–40
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
24.3.2023 |
MT |
Il-Ġurnal Uffiċjali tal-Unjoni Ewropea |
L 86/6 |
REGOLAMENT TAL-KUMMISSJONI (UE) 2023/679
tat-23 ta’ Marzu 2023
li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta’ residwi għall-piridaben, il-piridat, il-piriprossifen u t-triklopir f’ċerti prodotti jew fuqhom
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 396/2005 tal-Parlament Ewropew u tal-Kunsill tat-23 ta’ Frar 2005 dwar il-livelli massimi ta’ residwu ta’ pestiċidi fi jew fuq ikel u għalf li joriġina minn pjanti u annimali u jemenda d-Direttiva tal-Kunsill 91/414/KEE (1), u b’mod partikolari l-Artikolu 14(1), il-punt (a), tiegħu,
Billi:
|
(1) |
Il-livelli massimi ta’ residwi (“MRLs”) għall-piridaben, il-piridat u t-triklopir ġew stabbiliti fl-Anness II tar-Regolament (KE) Nru 396/2005. L-MRLs għall-piriprossifen ġew stabbiliti fil-Parti A tal-Anness III ta’ dak ir-Regolament. |
|
(2) |
Fir-rigward tal-piridaben, tressqet applikazzjoni għat-tolleranzi għall-importazzjoni skont l-Artikolu 6(2) u (4) tar-Regolament (KE) Nru 396/2005 fir-rigward tal-użu ta’ dik is-sustanza fuq il-grejpfrut fl-Istati Uniti. L-applikant ipprovda data li turi li l-użi awtorizzati ta’ dik is-sustanza fuq din l-għalla fl-Istati Uniti jwasslu għal residwi ogħla mill-MRL stabbilit fir-Regolament (KE) Nru 396/2005, u li jeħtieġ li jkun hemm MRL ogħla għall-piridaben sabiex jiġu evitati l-ostakli kummerċjali għall-importazzjoni ta’ dik l-għalla fl-Unjoni. |
|
(3) |
Fir-rigward tal-piridat, tressqet applikazzjoni skont l-Artikolu 6(1) tar-Regolament (KE) Nru 396/2005 li titlob modifika tal-MRL eżistenti għall-kurrat selvaġġ. Fir-rigward tal-piriprossifen, tressqet applikazzjoni bħal din għall-berquq u għall-ħawħ. Fir-rigward tat-triklopir, tressqet applikazzjoni bħal din għal-larinġ, għal-lumi u għall-mandolin. |
|
(4) |
F’konformità mal-Artikolu 8 tar-Regolament (KE) Nru 396/2005, dawk l-applikazzjonijiet kollha ġew evalwati mill-Istati Membri kkonċernati u r-rapporti ta’ evalwazzjoni ntbagħtu lill-Kummissjoni. |
|
(5) |
L-Awtorità Ewropea dwar is-Sigurtà fl-Ikel (“l-Awtorità”) ivvalutat l-applikazzjonijiet u r-rapporti ta’ evalwazzjoni, u b’mod partikolari eżaminat ir-riskji għall-konsumaturi u, fejn rilevanti, għall-annimali, u tat l-opinjonijiet motivati tagħha dwar l-MRLs proposti (2). L-Awtorità bagħtet dawk l-opinjonijiet lill-applikanti, lill-Kummissjoni u lill-Istati Membri, u qegħdithom għad-dispożizzjoni tal-pubbliku. |
|
(6) |
Fir-rigward tal-piridat, l-Awtorità nnutat li l-lakuna fid-data li tikkonċerna l-metodi analitiċi għad-determinazzjoni tar-residwi tal-piridat, li ġiet identifikata fil-qafas tar-rieżami tal-MRL għal din is-sustanza attiva skont l-Artikolu 12 tar-Regolament (KE) Nru 396/2005 (3), ġiet indirizzata fir-rieżami bejn il-pari tal-UE dwar il-pestiċidi għas-sustanza attiva piridat (4), fejn ġie pprovdut metodu vvalidat f’livell suffiċjenti. Għalhekk, huwa xieraq li jitħassru n-noti ta’ qiegħ il-paġna rispettivi fl-Anness II tar-Regolament (KE) Nru 396/2005 li jirreferu għan-nuqqas tad-data. |
|
(7) |
Fir-rigward tal-MRLs għat-triklopir fil-larinġ, fil-lumi u fil-mandolin, l-Awtorità nnutat li d-data mressqa kienet biżżejjed biex tinkiseb proposta għal MRL aktar baxx ta’ 0,07 mg/kg abbażi tal-użu maħsub. Madankollu, l-Awtorità nnutat li d-data konfermatorja li tappoġġa l-MRL eżistenti ta’ 0,1 mg/kg kienet meħtieġa fir-rieżami tal-MRL skont l-Artikolu 12 għal dik is-sustanza attiva, u dan għadu pendenti. Għalhekk, ikkonkludiet li kienet meħtieġa aktar kunsiderazzjoni mill-maniġers tar-riskju. Sakemm issir il-valutazzjoni tad-data konfermatorja, ġie deċiż li huwa xieraq li jinżamm l-MRL tentattiv attwali ta’ 0,1 mg/kg. |
|
(8) |
Fir-rigward tal-modifiki lill-MRLs mitluba mill-applikanti għall-erba’ sustanzi kollha kemm huma, l-Awtorità kkonkludiet li r-rekwiżiti kollha fir-rigward tal-kompletezza tad-data ġew issodisfati u li, abbażi ta’ stima tal-esponiment tal-konsumaturi għal 27 grupp ta’ konsumaturi Ewropej speċifiċi, il-modifiki lill-MRLs mitluba mill-applikanti kienu aċċettabbli mil-lat tas-sikurezza tal-konsumaturi. B’din il-konklużjoni, l-Awtorità qieset l-aktar data reċenti dwar il-proprjetajiet tossikoloġiċi tas-sustanzi. La l-esponiment fit-tul għal dawn is-sustanzi mill-konsum tal-prodotti tal-ikel kollha li jista’ jkun fihom minnhom, u lanqas l-esponiment għal żmien qasir minħabba l-konsum għoli tal-prodotti rilevanti ma wera riskju li d-doża aċċettabbli ta’ kuljum jew id-doża akuta ta’ referenza tinqabeż. |
|
(9) |
Abbażi tal-opinjonijiet motivati tal-Awtorità, u filwaqt li jitqiesu l-fatturi rilevanti elenkati fl-Artikolu 14(2) tar-Regolament (KE) Nru 396/2005, il-modifiki proposti lill-MRLs jissodisfaw ir-rekwiżiti tal-Artikolu 14(2) ta’ dak ir-Regolament. |
|
(10) |
Għaldaqstant jenħtieġ li r-Regolament (KE) Nru 396/2005 jiġi emendat skont dan. |
|
(11) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Annessi II u III tar-Regolament (KE) Nru 396/2005 huma emendati f’konformità mal-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-23 ta’ Marzu 2023.
Għall-Kummissjoni
Il-President
Ursula VON DER LEYEN
(2) Ir-rapporti xjentifiċi tal-EFSA huma disponibbli online: http://www.efsa.europa.eu.
Reasoned Opinion on the setting of an import tolerance for pyridaben in grapefruits. EFSA Journal 2022;20(9):7553.
Reasoned Opinion on the modification of the existing maximum residue level for pyridate in chives. EFSA Journal 2022;20(8):7537.
Reasoned Opinion on the modification of the existing maximum residue levels for pyriproxyfen in apricots and peaches. EFSA Journal 2022;20(9):7567.
Reasoned Opinion on the modification of the existing maximum residue levels for triclopyr in oranges, lemons and mandarins. EFSA Journal 2022;20(8):7545.
(3) Reasoned opinion on the review of the existing maximum residue levels (MRLs) for pyridate according to Article 12 of Regulation (EC) No 396/2005. EFSA Journal 2012;10(4):2687.
(4) Conclusion on the peer review of the pesticide risk assessment of the active substance pyridate. EFSA Journal 2014;12(8):3801, p. 84.
ANNESS
L-Annessi II u III tar-Regolament (KE) Nru 396/2005 huma emendati kif ġej:
|
(1) |
fl-Anness II, il-kolonni għall-piridaben, għall-piridat u għat-triklopir huma sostitwiti b’dan li ġej: “ANNESS II Ir-residwi tal-pestiċidi u l-livelli massimi tar-residwi (mg/kg)
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
(2) |
fil-Parti A tal-Anness III, il-kolonna għall-piriprossifen hija sostitwita b’dan li ġej: “ANNESS IIIA Ir-residwi tal-pestiċidi u l-livelli massimi tar-residwi (mg/kg)
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
(*) Jindika l-limitu l-aktar baxx tad-determinazzjoni analitika
(1) Għal-lista sħiħa tal-prodotti ta’ oriġini mill-pjanti u l-annimali li għalihom japplikaw l-MRLs, għandha ssir referenza għall-Anness I.
(*) Jindika l-limitu l-aktar baxx tad-determinazzjoni analitika
(2) Għal-lista sħiħa tal-prodotti ta’ oriġini mill-pjanti u l-annimali li għalihom japplikaw l-MRLs, għandha ssir referenza għall-Anness I.