This document is an excerpt from the EUR-Lex website
Document 32023D1549
Council Decision (EU) 2023/1549 of 10 July 2023 on the appointment of a Deputy Executive Director of Europol
Deċiżjoni tal-Kunsill (UE) 2023/1549 tal-10 ta’ Lulju 2023 dwar il-ħatra ta’ Viċi Direttur Eżekuttiv tal-Europol
Deċiżjoni tal-Kunsill (UE) 2023/1549 tal-10 ta’ Lulju 2023 dwar il-ħatra ta’ Viċi Direttur Eżekuttiv tal-Europol
ST/10399/2023/INIT
ĠU L 188, 27.7.2023, p. 38–39
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
27.7.2023 |
MT |
Il-Ġurnal Uffiċjali tal-Unjoni Ewropea |
L 188/38 |
DEĊIŻJONI TAL-KUNSILL (UE) 2023/1549
tal-10 ta’ Lulju 2023
dwar il-ħatra ta’ Viċi Direttur Eżekuttiv tal-Europol
IL-KUNSILL TAL-UNJONI EWROPEA,
Wara li kkunsidra r-Regolament (UE) 2016/794 tal-Parlament Ewropew u tal-Kunsill tal-11 ta’ Mejju 2016 dwar l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) u li jissostitwixxi u jħassar id-Deċiżjonijiet tal-Kunsill 2009/371/ĠAI, 2009/934/ĠAI, 2009/935/ĠAI, 2009/936/ĠAI u 2009/968/ĠAI (1), u b’mod partikolari l-Artikoli 54 u 55 tiegħu,
Waqt li jaġixxi bħala l-awtorità li ngħatat is-setgħa li taħtar id-Direttur Eżekuttiv u l-Viċi Diretturi Eżekuttivi tal-Europol,
Billi:
(1) |
Il-mandat ta’ wieħed mill-Viċi Diretturi Eżekuttivi attwali tal-Europol jintemm fil-31 ta’ Lulju 2023. Għaldaqstant, jeħtieġ li jinħatar Viċi Direttur Eżekuttiv ġdid tal-Europol. |
(2) |
Id-deċiżjoni tal-Bord ta’ Amministrazzjoni tal-Europol tal-1 ta’ Mejju 2017 tistabbilixxi r-regoli għall-għażla, l-estensjoni tal-mandat u t-tneħħija mill-kariga tad-Direttur Eżekuttiv u tal-Viċi Diretturi Eżekuttivi tal-Europol. |
(3) |
Waħda mill-karigi ta’ Viċi Direttur Eżekuttiv tal-Europol tqieset battala skont l-Artikolu 3(1), il-punt (b), tad-deċiżjoni tal-Bord ta’ Amministrazzjoni tal-Europol tal-1 ta’ Mejju 2017 mill-1 ta’ Novembru 2022. Avviż ta’ pożizzjoni vakanti għall-pożizzjoni ta’ Viċi Direttur Eżekuttiv tal-Europol ġie ppubblikat f’Il-Ġurnal Uffiċjali tal-Unjoni Ewropea fil-31 ta’ Ottubru 2022 (2). |
(4) |
F’konformità mal-Artikolu 54(2) tar-Regolament (UE) 2016/794, tħejjiet lista qasira ta’ kandidati minn kumitat tal-għażla stabbilit mill-Bord ta’ Amministrazzjoni (il-“Kumitat tal-Għażla”). Il-Kumitat tal-Għażla ħejja rapport debitament motivat u ppreżentah lill-Bord ta’ Amministrazzjoni fit-13 ta’ Marzu 2023. |
(5) |
Abbażi tar-rapport tal-Kumitat tal-Għażla u f’konformità mar-Regolament (UE) 2016/794 u d-deċiżjoni tal-Bord ta’ Amministrazzjoni tal-1 ta’ Mejju 2017, il-Bord ta’ Amministrazzjoni ħareġ opinjoni motivata fit-22 ta’ Marzu 2023 dwar il-ħatra ta’ Viċi Direttur Eżekuttiv ġdid tal-Europol, li fiha ppropona lill-Kunsill lista qasira ta’ tliet kandidati adatti għall-kariga. |
(6) |
Fl-24 ta’ April 2023, il-Kunsill għażel lis-Sur Ștefan-Andrei LINȚĂ bħala l-Viċi Direttur Eżekuttiv il-ġdid tal-Europol u informa lill-Kumitat għal-Libertajiet Ċivili, il-Ġustizzja u l-Intern tal-Parlament Ewropew (il-“Kumitat LIBE”), li huwa l-kumitat kompetenti għall-finijiet tal-Artikolu 54(2), ir-raba’ subparagrafu, tar-Regolament (UE) 2016/794, dwar dik l-għażla. |
(7) |
Fit-23 ta’ Mejju 2023, is-Sur Ștefan-Andrei LINȚĂ deher quddiem il-Kumitat LIBE. Fl-1 ta’ Ġunju 2023, il-Kumitat LIBE ta l-opinjoni tiegħu f’konformità mal-Artikolu 54(2), ir-raba’ subparagrafu, tar-Regolament (UE) 2016/794, |
ADOTTA DIN ID-DEĊIŻJONI:
Artikolu 1
Is-Sur Ștefan-Andrei LINȚĂ huwa b’dan maħtur bħala Viċi Direttur Eżekuttiv tal-Europol għall-perjodu mill-1 ta’ Awwissu 2023 sal-31 ta’ Lulju 2027 fil-grad AD 14.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, l-10 ta’ Lulju 2023.
Għall-Kunsill
Il-President
P. NAVARRO RÍOS