EUR-Lex Access to European Union law
This document is an excerpt from the EUR-Lex website
Document 32023D0269
Council Decision (EU) 2023/269 of 30 January 2023 on the position to be adopted, on behalf of the European Union, within the EEA Joint Committee, concerning an amendment to Annex IX (Financial Services) to the EEA Agreement (Central Securities Depository – Liechtenstein) (Text with EEA relevance)
Deċiżjoni tal-Kunsill (UE) 2023/269 tat-30 ta’ Jannar 2023 dwar il-pożizzjoni li għandha tiġi adottata, f’isem l-Unjoni Ewropea, fil-Kumitat Konġunt taż-ŻEE, rigward l-emendar tal-Anness IX (Servizzi Finanzjarji) tal-Ftehim ŻEE (Depożitarju Ċentrali tat-Titoli — il-Liechtenstein) (Test b’rilevanza għaż-ŻEE)
Deċiżjoni tal-Kunsill (UE) 2023/269 tat-30 ta’ Jannar 2023 dwar il-pożizzjoni li għandha tiġi adottata, f’isem l-Unjoni Ewropea, fil-Kumitat Konġunt taż-ŻEE, rigward l-emendar tal-Anness IX (Servizzi Finanzjarji) tal-Ftehim ŻEE (Depożitarju Ċentrali tat-Titoli — il-Liechtenstein) (Test b’rilevanza għaż-ŻEE)
ST/15839/2022/INIT
ĠU L 39, 9.2.2023, p. 32–35
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
9.2.2023 |
MT |
Il-Ġurnal Uffiċjali tal-Unjoni Ewropea |
L 39/32 |
DEĊIŻJONI TAL-KUNSILL (UE) 2023/269
tat-30 ta’ Jannar 2023
dwar il-pożizzjoni li għandha tiġi adottata, f’isem l-Unjoni Ewropea, fil-Kumitat Konġunt taż-ŻEE, rigward l-emendar tal-Anness IX (Servizzi Finanzjarji) tal-Ftehim ŻEE (Depożitarju Ċentrali tat-Titoli — il-Liechtenstein)
(Test b’rilevanza għaż-ŻEE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 114 flimkien mal-Artikolu 218(9) tiegħu,
Wara li kkunsidra r-Regolament tal-Kunsill (KE) Nru 2894/94 tat-28 ta’ Novembru 1994 dwar l-arranġamenti għall-implimentazzjoni tal-Ftehim dwar iż-Żona Ekonomika Ewropea (1), u b’mod partikolari l-Artikolu 1(3) tiegħu,
Wara li kkunsidra l-proposta tal-Kummissjoni Ewropea,
Billi:
(1) |
Il-Ftehim dwar iż-Żona Ekonomika Ewropea (2) (“il-Ftehim ŻEE”) daħal fis-seħħ fl-1 ta’ Jannar 1994. |
(2) |
Skont l-Artikolu 98 tal-Ftehim ŻEE, il-Kumitat Konġunt taż-ŻEE jista’ jiddeċiedi li jemenda, inter alia, l-Anness IX tiegħu. |
(3) |
Ir-Regolament (UE) Nru 909/2014 tal-Parlament Ewropew u tal-Kunsill (3) ġie inkorporat fil-Ftehim ŻEE permezz tad-Deċiżjoni tal-Kumitat Konġunt taż-ŻEE Nru 18/2019 (4) u huwa msemmi fil-punt 31bf tal-Anness IX tal-Ftehim ŻEE. |
(4) |
L-adattament (c) fil-punt 31bf tal-Anness IX tal-Ftehim ŻEE jagħti lil-Liechtenstein deroga li tippermetti lid-Depożitorji Ċentrali tat-Titoli ta’ pajjiżi terzi li diġà jipprovdu s-servizzi msemmija fl-Artikolu 25(2) tar-Regolament (UE) Nru 909/2014 lil intermedjarji finanzjarji fil-Liechtenstein jew li diġà stabbilew fergħa fil-Liechtenstein biex ikomplu jipprovdu tali servizzi msemmija f’dak l-Artikolu għal perjodu li ma jaqbiżx il-ħames snin wara d-data tad-dħul fis-seħħ tad-Deċiżjoni tal-Kumitat Konġunt taż-ŻEE Nru 18/2019. |
(5) |
Fit-2 ta’ Novembru 2022, il-Liechtenstein ressaq talba għall-estensjoni tad-deroga msemmija fl-adattament (c) fil-punt 31bf tal-Anness IX tal-Ftehim ŻEE lil hinn mit-8 ta’ Frar 2024, għal perjodu li ma għandux jaqbeż is-seba’ snin. |
(6) |
L-Anness IX tal-Ftehim ŻEE jenħtieġ għalhekk li jiġi emendat fis-sens li Depożitorji Ċentrali tat-Titoli ta’ pajjiżi terzi li diġà jipprovdu s-servizzi msemmija fl-Artikolu 25(2) tar-Regolament (UE) Nru 909/2014 lil intermedjarji finanzjarji fil-Liechtenstein jew li diġà stabbilew fergħa fil-Liechtenstein jitħallew ikomplu jipprovdu tali servizzi għal perjodu li ma jaqbiżx is-seba’ snin wara d-data tad-dħul fis-seħħ tal-abbozz anness tad-deċiżjoni. Madankollu, l-adattament (c) fil-punt 31bf tal-Anness IX tal-Ftehim ŻEE jenħtieġ li jiġi rieżaminat jekk l-Artikolu 25 jew 69 tar-Regolament (UE) Nru 909/2014 jiġi emendat matul dak il-perjodu ta’ żmien. |
(7) |
Għalhekk, il-pożizzjoni tal-Unjoni fil-Kumitat Konġunt taż-ŻEE jenħtieġ li tkun ibbażata fuq l-abbozz ta’ Deċiżjoni mehmuż, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tiġi adottata, f’isem l-Unjoni, fil-Kumitat Konġunt taż-ŻEE dwar l-emendar propost tal-Anness IX (Servizzi Finanzjarji) tal-Ftehim ŻEE għandha tkun ibbażata fuq l-abbozz ta’ Deċiżjoni tal-Kumitat Konġunt taż-ŻEE mehmuż ma’ din id-Deċiżjoni.
Artikolu 2
Din id-Deċiżjoni għandha tidħol fis-seħħ fil-jum tal-adozzjoni tagħha.
Magħmul fi Brussell, it-30 ta’ Jannar 2023.
Għall-Kunsill
Il-President
P. KULLGREN
(1) ĠU L 305, 30.11.1994, p. 6.
(3) Ir-Regolament (UE) Nru 909/2014 tal-Parlament Ewropew tat-23 ta’ Lulju 2014 dwar titjib fis-saldu tat-titoli fl-Unjoni Ewropea u dwar depożitorji ċentrali tat-titoli u li jemenda d-Direttivi 98/26/KE u 2014/65/UE u r-Regolament (UE) Nru 236/2012 (ĠU L 257, 28.8.2014, p. 1).
(4) Id-Deċiżjoni tal-Kumitat Konġunt taż-ŻEE Nru 18/2019 tat-8 ta’ Frar 2019 li temenda l-Anness IX (Servizzi Finanzjarji) tal-Ftehim ŻEE [2019/341] (ĠU L 60, 28.2.2019, p. 31).
ABBOZZ
DEĊIŻJONI TAL-KUMITAT KONĠUNT TAŻ-ŻEE Nru ...
ta’ ...
li temenda l-Anness IX (Servizzi Finanzjarji) tal-Ftehim ŻEE
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea (“il-Ftehim ŻEE”), u b’mod partikolari l-Artikolu 98 tiegħu,
Billi:
(1) |
Ir-Regolament (UE) Nru 909/2014 tal-Parlament Ewropew u tal-Kunsill tat-23 ta’ Lulju 2014 dwar titjib fis-saldu tat-titoli fl-Unjoni Ewropea u dwar depożitorji ċentrali tat-titoli u li jemenda d-Direttivi 98/26/KE u 2014/65/UE u r-Regolament (UE) Nru 236/2012 (1) ġie inkorporat fil-Ftehim ŻEE permezz tad-Deċiżjoni tal-Kumitat Konġunt taż-ŻEE Nru 18/2019 tat-8 ta’ Frar 2019 (2) u huwa msemmi fil-punt 31bf tal-Anness IX tal-Ftehim ŻEE. |
(2) |
Il-kundizzjonijiet għall-forniment ta’ servizzi fiż-Żona Ekonomika Ewropea minn depożitorji ċentrali tat-titoli (central securities depositories, CSDs) stabbiliti f’pajjiż terz huma rregolati mill-Artikolu 25 tar-Regolament (UE) Nru 909/2014. |
(3) |
L-adattament (c) fil-punt 31bf tal-Anness IX tal-Ftehim ŻEE jagħti lil-Liechtenstein deroga li tippermetti lil CSDs ta’ pajjiżi terzi li diġà jipprovdu s-servizzi msemmija fl-Artikolu 25(2) tar-Regolament (UE) Nru 909/2014 lil intermedjarji finanzjarji fil-Liechtenstein jew li diġà stabbilew fergħa fil-Liechtenstein biex ikomplu jipprovdu tali servizzi sa ħames snin wara d-data tad-dħul fis-seħħ tad-Deċiżjoni tal-Kumitat Konġunt taż-ŻEE Nru 18/2019 tat-8 ta’ Frar 2019. |
(4) |
Jenħtieġ li l-adattament (c) fil-punt 31b tal-Anness IX tal-Ftehim ŻEE jiġi emendat fis-sens li CSDs ta’ pajjiżi terzi li diġà jipprovdu s-servizzi msemmija fl-Artikolu 25(2) tar-Regolament (UE) Nru 909/2014 lil intermedjarji finanzjarji fil-Liechtenstein jew li diġà stabbilew fergħa fil-Liechtenstein jitħallew ikomplu jipprovdu tali servizzi għal perjodu li ma jaqbiżx is-seba’ snin wara d-data tad-dħul fis-seħħ ta’ din id-Deċiżjoni. Madankollu, jekk l-Artikolu 25 jew 69 tar-Regolament (UE) Nru 909/2014 jiġi emendat matul dak il-perjodu ta’ żmien, jenħtieġ li l-adattament (c) jiġi rivedut skont dan. |
(5) |
Għalhekk, l-Anness IX tal-Ftehim ŻEE jenħtieġ li jiġi emendat skont dan, |
ADOTTA DIN ID-DEĊIŻJONI:
Artikolu 1
It-test tal-adattament (c) fil-punt 31bf tal-Anness IX tal-Ftehim ŻEE huwa sostitwit b’dan li ġej:
(c) |
“Il-Liechtenstein jista' jħalli lil CSDs ta' pajjiż terz li diġà jipprovdu servizzi msemmija fl-Artikolu 25(2) lil intermedjarji finanzjarji fil-Liechtenstein jew li diġà stabbilew fergħa fil-Liechtenstein, ikomplu jipprovdu s-servizzi msemmija fl-Artikolu 25(2) għal perjodu li ma jaqbiżx seba’ snin wara d-data tad-dħul fis-seħħ tad-Deċiżjoni tal-Kumitat Konġunt taż-ŻEE Nru …/… ta' … [din id-Deċiżjoni].”. |
Artikolu 2
Il-Partijiet Kontraenti għandhom jirrevedu l-adattament (c) fil-punt 31bf tal-Anness IX meta jinkorporaw fil-Ftehim ŻEE kwalunkwe att li jemenda jew jissostitwixxi l-Artikolu 25 jew 69 tar-Regolament (UE) Nru 909/2014.
Artikolu 3
Din id-Deċiżjoni għandha tidħol fis-seħħ fi […], bil-kundizzjoni li jkunu saru n-notifiki kollha skont l-Artikolu 103(1) tal-Ftehim ŻEE (*1).
Artikolu 4
Din id-Deċiżjoni għandha tiġi ppubblikata fit-Taqsima taż-ŻEE ta’ Il-Ġurnal Uffiċjali tal-Unjoni Ewropea u fis-Suppliment tiegħu dwar iż-ŻEE.
Magħmul fi Brussell, […].
Għall-Kumitat Konġunt taż-ŻEE
Il-President
Is-Segretarji
tal-Kumitat Konġunt taż-ŻEE
(1) ĠU L 257, 28.8.2014, p. 1.
(2) ĠU L 60, 28.2.2019, p. 31.
(*1) [Ma huwa indikat l-ebda rekwiżit kostituzzjonali.] [Huma indikati rekwiżiti kostituzzjonali.]