EUR-Lex Access to European Union law
This document is an excerpt from the EUR-Lex website
Document 32019D1028
Council Decision (EU) 2019/1028 of 14 June 2019 on the position to be taken on behalf of the European Union within the Council of Members of the International Olive Council as regards trade standards applying to olive oils and olive pomace oils
Deċiżjoni tal-Kunsill (UE) 2019/1028 tal-14 ta' Ġunju 2019 dwar il-pożizzjoni li għandha tittieħed f'isem l-Unjoni Ewropea fil-Kunsill tal-Membri tal-Kunsill Internazzjonali taż-Żebbuġ fir-rigward tal-istandards kummerċjali applikabbli għaż-żjut taż-żebbuġa u għaż-żjut mir-residwi taż-żebbuġ
Deċiżjoni tal-Kunsill (UE) 2019/1028 tal-14 ta' Ġunju 2019 dwar il-pożizzjoni li għandha tittieħed f'isem l-Unjoni Ewropea fil-Kunsill tal-Membri tal-Kunsill Internazzjonali taż-Żebbuġ fir-rigward tal-istandards kummerċjali applikabbli għaż-żjut taż-żebbuġa u għaż-żjut mir-residwi taż-żebbuġ
ST/10117/2019/INIT
ĠU L 167, 24.6.2019, p. 24–26
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
24.6.2019 |
MT |
Il-Ġurnal Uffiċjali tal-Unjoni Ewropea |
L 167/24 |
DEĊIŻJONI TAL-KUNSILL (UE) 2019/1028
tal-14 ta' Ġunju 2019
dwar il-pożizzjoni li għandha tittieħed f'isem l-Unjoni Ewropea fil-Kunsill tal-Membri tal-Kunsill Internazzjonali taż-Żebbuġ fir-rigward tal-istandards kummerċjali applikabbli għaż-żjut taż-żebbuġa u għaż-żjut mir-residwi taż-żebbuġ
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 207(3) flimkien mal-Artikolu 218(9) tiegħu,
Wara li kkunsidra l-proposta mill-Kummissjoni Ewropea,
Billi:
|
(1) |
Il-Ftehim Internazzjonali dwar iż-Żejt taż-Żebbuġa u ż-Żebbuġ tal-Mejda, 2015 (“il-Ftehim”) ġie ffirmat f'isem l-Unjoni f'konformità mad-Deċiżjoni tal-Kunsill (UE) 2016/1892 (1) fit-18 ta' Novembru 2016 fil-Kwartieri Ġenerali tan-Nazzjonijiet Uniti fi New York, soġġett għall-konklużjoni tiegħu f'data aktar 'il quddiem. Il-Ftehim daħal fis-seħħ b'mod provviżorju fl-1 ta' Jannar 2017 skont l-Artikolu 31(2) tiegħu. |
|
(2) |
Il-Ftehim ġie konkluż fis-17 ta' Mejju 2019 permezz tad-Deċiżjoni tal-Kunsill (UE) 2019/848 (2). |
|
(3) |
Bis-saħħa tal-Artikolu 7(1) tal-Ftehim, il-Kunsill tal-Membri tal-Kunsill Internazzjonali taż-Żebbuġ (“Kunsill tal-Membri”) għandu jadotta deċiżjonijiet li jimmodifikaw l-istandards kummerċjali applikabbli għaż-żjut taż-żebbuġa u għaż-żjut mir-residwi taż-żebbuġ. |
|
(4) |
Il-Kunsill tal-Membri, matul il-109 sessjoni tiegħu mis-17 ta' Ġunju sal-21 ta' Ġunju 2019, għandu jadotta deċiżjonijiet li jimmodifikaw l-istandards kummerċjali applikabbli għaż-żjut taż-żebbuġa u għaż-żjut mir-residwi taż-żebbuġ. |
|
(5) |
Jixraq li tiġi stabbilita l-pożizzjoni li għandha tittieħed f'isem l-Unjoni fil-Kunsill tal-Membri, peress li d-deċiżjonijiet li għandhom jiġu adottati jkollhom effetti legali fuq l-Unjoni fir-rigward tal-kummerċ internazzjonali mal-membri l-oħra tal-Kunsill Internazzjonali taż-Żebbuġ (IOC) u jistgħu jinfluwenzaw b'mod deċiżiv il-kontenut tad-dritt tal-Unjoni, b'mod partikolari l-istandards għall-kummerċjalizzazzjoni taż-żejt taż-żebbuġa adottati mill-Kummissjoni bis-saħħa tal-Artikolu 75 tar-Regolament (UE) Nru 1308/2013 tal-Parlament Ewropew u tal-Kunsill (3). |
|
(6) |
Id-deċiżjonijiet li għandhom jiġu adottati mill-Kunsill tal-Membri jikkonċernaw ir-reviżjoni ta' titlu, marġni ta' preċiżjoni u ta' ċifri, kromatogrammi, valuri ta' preċiżjoni, u referenzi għal dokumenti oħra. Dawn ġew diskussi b'mod estensiv bejn l-esperti xjentifiċi u tekniċi tal-Kummissjoni u tal-Istati Membri fil-qasam taż-żejt taż-żebbuġa. Ser jikkontribwixxu għall-armonizzazzjoni internazzjonali tal-istandards taż-żejt taż-żebbuġa, u jistabbilixxu qafas li ser jiżgura kompetizzjoni ġusta fil-kummerċ ta' prodotti tas-settur taż-żejt taż-żebbuġa. Għaldaqstant, jenħtieġ li dawk id-deċiżjonijiet jiġu appoġġati, u bħala konsegwenza ser ikun hemm bżonn ta' emendi fir-Regolament tal-Kummissjoni (KEE) Nru 2568/91 (4). |
|
(7) |
Jekk l-adozzjoni tad-deċiżjonijiet il-Kunsill tal-Membri matul il-109 sessjoni tiegħu tiġi posposta minħabba li ċerti Membri ma jkunux f'pożizzjoni li jagħtu l-approvazzjoni tagħhom, il-pożizzjoni indikata f'din id-Deċiżjoni jenħtieġ li tittieħed f'isem l-Unjoni fil-qafas ta' proċedura possibbli għall-adozzjoni mill-Kunsill tal-Membri permezz ta' skambju ta' korrispondenza, f'konformità mal-Artikolu 10(6) tal-Ftehim. Il-proċedura għall-adozzjoni permezz ta' skambju ta' korrispondenza jenħtieġ li tinbeda qabel is-sessjoni regolari li jmiss tal-Kunsill tal-Membri ta' Novembru 2019. |
|
(8) |
Sabiex jitħarsu l-interessi tal-Unjoni, ir-rappreżentanti tal-Unjoni fil-Kunsill tal-Membri jenħtieġ li jkunu jistgħu jitolbu li tiġi posposta l-adozzjoni ta' deċiżjonijiet li jimmodifikaw standards kummerċjali applikabbli għaż-żjut taż-żebbuġa u għaż-żjut mir-residwi taż-żebbuġ fil-109 sessjoni tal-Kunsill tal-Membri, jekk informazzjoni xjentifika jew teknika ġdida ppreżentata qabel jew matul dik is-sessjoni tixħet xi dubji fuq il-pożizzjoni li għandha tittieħed f'isem l-Unjoni, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tittieħed f'isem l-Unjoni fil-Kunsill tal-Membri matul il-109 sessjoni tiegħu mis-17 ta' Ġunju sal-21 ta' Ġunju 2019, jew fil-qafas ta' proċedura għall-adozzjoni ta' deċiżjonijiet mill-Kunsill tal-Membri permezz ta' skambju ta' korrispondenza li għandha tinbeda qabel is-sessjoni regolari li jmiss tiegħu ta' Novembru tal-2019, fir-rigward tal-istandards kummerċjali applikabbli għaż-żjut taż-żebbuġa u għaż-żjut mir-residwi taż-żebbuġ, hija indikata fl-Anness.
Artikolu 2
Jekk il-pożizzjoni msemmija fl-Artikolu 1 tista' tiġi affettwata minn informazzjoni xjentifika jew teknika ġdida ppreżentata qabel jew matul il-109 sessjoni tal-Kunsill tal-Membri, l-Unjoni għandha titlob li l-adozzjoni mill-Kunsill tal-Membri tad-deċiżjonijiet li jimmodifikaw l-istandards kummerċjali applikabbli għaż-żjut taż-żebbuġa u għaż-żjut mir-residwi taż-żebbuġ tiġi posposta sakemm il-pożizzjoni tal-Unjoni tiġi stabbilita abbażi ta' dik l-informazzjoni l-ġdida.
Artikolu 3
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, l-14 ta' Ġunju 2019.
Għall-Kunsill
Il-President
E.O. TEODOROVICI
(1) Id-Deċiżjoni tal-Kunsill (UE) 2016/1892 tal-10 ta' Ottubru 2016 dwar l-iffirmar, f'isem l-Unjoni Ewropea, u l-applikazzjoni provviżorja tal-Ftehim Internazzjonali dwar iż-Żejt taż-Żebbuġa u ż-Żebbuġ tal-Mejda, 2015 (ĠU L 293, 28.10.2016, p. 2).
(2) Id-Deċiżjoni tal-Kunsill (UE) 2019/848 tas-17 ta' Mejju 2019 dwar il-konklużjoni f'isem l-Unjoni Ewropea tal-Ftehim Internazzjonali dwar iż-Żejt taż-Żebbuġa u ż-Żebbuġ tal-Mejda, 2015 (ĠU L 139, 27.5.2019, p. 1)
(3) Ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (ĠU L 347, 20.12.2013, p. 671).
(4) Ir-Regolament tal-Kummissjoni (KEE) Nru 2568/91 tal-11 ta' Lulju 1991 dwar il-karatteristiċi taż-żejt taż-żebbuġa u l-fdal taż-żejt taż-żebbuġa u dwar il-metodi ta' analiżi rilevanti (ĠU L 248, 5.9.1991, p. 1).
ANNESS
L-Unjoni għandha tappoġġa l-emendi li ġejjin fil-metodi tal-IOC matul il-109 sessjoni tal-Kunsill tal-Membri mis-17 ta' Ġunju sal-21 ta' Ġunju 2019, jew fil-qafas ta' proċedura għall-adozzjoni ta' deċiżjonijiet mill-Kunsill tal-Membri permezz ta' skambju ta' korrispondenza li għandha tinbeda qabel is-sessjoni regolari li jmiss tiegħu f'Novembru 2019:
|
— |
ir-reviżjoni tal-metodu COI/T.20/Dok. Nru 19/Rev. 5 (“Investigazzjoni spettrofotometrika fl-ultravjola”) billi jitneħħa valur assolut u jiġu riveduti l-valuri ta' preċiżjoni; |
|
— |
ir-reviżjoni tal-metodu COI/T.20/Dok. Nru 42-2/Rev. 3 (“Il-valuri ta' preċiżjoni tal-metodi ta' analiżi adottati mill-Kunsill Internazzjonali taż-Żebbuġ”) billi jiġu riveduti l-valuri ta' preċiżjoni marbutin mal-metodi COI/T.20/Dok. Nru 19 u COI/T.20/Dok. Nru 26; |
|
— |
ir-reviżjoni tal-metodu COI/T.20/Dok. Nru 26/Rev. 4 (“Determinazzjoni tal-kompożizzjoni u tal-kontenut tal-isteroli, u tal-komposti alkoħoliċi bl-użu tal-kromatografija b'fażi gassuża f'kolonna kapillari”) billi jiġu riveduti t-titlu, iċ-ċifri ta' preċiżjoni u l-kromatogrammi. |
Ir-rappreżentanti tal-Unjoni fil-Kunsill tal-Membri jistgħu jaqblu dwar adattamenti tekniċi f'metodi jew f'dokumenti oħra tal-IOC mingħajr deċiżjoni ulterjuri tal-Kunsill, jekk dawk l-adattamenti tekniċi jirriżultaw minn emendi msemmija fl-ewwel paragrafu.