Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32016R0442

Regolament ta' Implimentazzjoni tal-Kummissjoni (UE) 2016/442 tat-23 ta' Marzu 2016 li jemenda r-Regolament ta' Implimentazzjoni (UE) Nru 170/2013 li jistipula miżuri ta' tranżizzjoni fis-settur taz-zokkor minħabba l-adeżjoni tal-Kroazja

C/2016/1619

ĠU L 78, 24.3.2016, pp. 49–50 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2016/442/oj

24.3.2016   

MT

Il-Ġurnal Uffiċjali tal-Unjoni Ewropea

L 78/49

REGOLAMENT TA' IMPLIMENTAZZJONI TAL-KUMMISSJONI (UE) 2016/442

tat-23 ta' Marzu 2016

li jemenda r-Regolament ta' Implimentazzjoni (UE) Nru 170/2013 li jistipula miżuri ta' tranżizzjoni fis-settur taz-zokkor minħabba l-adeżjoni tal-Kroazja

IL-KUMMISSJONI EWROPEA,

Wara li kkunsidrat it-Trattat tal-Adeżjoni tal-Kroazja,

Wara li kkunsidrat l-Att tal-Adeżjoni tal-Kroazja (1), u b'mod partikolari l-Artikoli 41 u 16 tiegħu b'mod konġunt mal-punt 4 tat-Taqsima 3(a) tal-Anness IV tiegħu,

Billi:

(1)

Ir-Regolament ta' Implimentazzjoni tal-Kummissjoni (UE) Nru 170/2013 (2) jistipula miżuri ta' tranżizzjoni fis-settur taz-zokkor minħabba l-adeżjoni tal-Kroazja mal-Unjoni. It-Taqsima 2 tal-Kapitolu II ta' dak ir-Regolament tittratta d-determinazzjoni u l-eliminazzjoni ta' kwantitajiet żejda ta' zokkor preżenti fil-Kroazja fid-data tal-adeżjoni tagħha. B'mod partikolari tistabbilixxi skadenzi għad-determinazzjoni tal-kwantitajiet żejda ta' zokkor, għall-eliminazzjoni tagħhom u għall-provi tal-eliminazzjoni li għandhom jingħataw mill-operaturi identifikati fil-Kroazja. Tiffissa wkoll perjodi ta' referenza li għandhom jintużaw għall-kalkolu tal-imposti għall-Kroazja jekk il-kwantitajiet żejda ta' zokkor ma jiġux eliminati.

(2)

Fir-Regolament ta' Implimentazzjoni tal-Kummissjoni (UE) Nru 1345/2014 (3) ġew determinati l-kwantitajiet żejda ta' zokkor fil-Kroazja maħżuna qabel l-adeżjoni tagħha u li għandhom jiġu eliminati mis-suq tal-Unjoni a skapitu tal-Kroazja f'konformità mal-iskadenzi stabbiliti fir-Regolament ta' Implimentazzjoni (UE) Nru 170/2013, kif emendat bir-Regolament ta' Implimentazzjoni (UE) 2015/1407 (4).

(3)

Fl-ittra tagħha tas-26 ta' Jannar 2016, il-Kroazja infurmat lill-Kummissjoni li, filwaqt li ma tqajjimx dubju dwar l-obbligu li tiżgura l-eliminazzjoni tal-kwantitajiet żejda taz-zokkor, kif determinati mill-Kummissjoni, id-diffikultajiet proċedurali mhux previsti fl-implimentazzjoni tal-obbligu li jesiġi li l-operaturi kkonċernati jeliminaw dawk il-kwantitajiet żejda li wasslu għall-estensjoni tal-iskadenzi biex jinqerdu ma setgħux jiġu solvuti kompletament u li huwa meħtieġ ftit żmien addizzjonali. Għalhekk jixraq li l-iskadenzi previsti mir-Regolament ta' Implimentazzjoni (UE) Nru 170/2013 jiġu estiżi b'erba' xhur.

(4)

Għaldaqstant, ir-Regolament ta' Implimentazzjoni (UE) Nru 170/2013 għandu jiġi emendat skont dan.

(5)

Il-miżuri previsti f'dan ir-Regolament huma skont l-opinjoni tal-Kumitat għall-Organizzazzjoni Komuni tas-Swieq Agrikoli,

ADOTTAT DAN IR-REGOLAMENT:

Artikolu 1

Ir-Regolament ta' Implimentazzjoni (UE) Nru 170/2013 huwa emendat kif ġej:

(1)

Fl-Artikolu 9(1), “il-31 ta' Marzu 2016” tinbidel u ssir “il-31 ta' Lulju 2016”;

(2)

L-Artikolu 10 huwa emendat kif ġej:

(a)

“il-31 ta' Marzu 2016” tinbidel u ssir “il-31 ta' Lulju 2016”;

(b)

“it-30 ta' Novembru 2016” tinbidel u ssir “il-31 ta' Marzu 2017”;

(3)

L-Artikolu 11 huwa emendat kif ġej:

(a)

Fil-paragrafu 1, “it-30 ta' Ġunju 2016” tinbidel u ssir “il-31 ta' Ottubru 2016”;

(b)

Fir-raba' subparagrafu tal-paragrafu 2, “il-31 ta' Marzu 2016” tinbidel u ssir “il-31 ta' Lulju 2016”;

(4)

L-Artikolu 12 huwa emendat kif ġej:

(a)

Fil-paragrafu 1, “il-31 ta' Lulju 2016” tinbidel u ssir “it-30 ta' Novembru 2016”;

(b)

Il-paragrafu 2 huwa emendat kif ġej:

(i)

fl-ewwel subparagrafu “il-31 ta' Marzu 2016” tinbidel u ssir “il-31 ta' Lulju 2016”;

(ii)

fit-tieni subparagrafu “it-30 ta' Novembru 2016” tinbidel u ssir “il-31 ta' Marzu 2017”;

(iii)

fit-tielet subparagrafu, “it-30 ta' Settembru 2016” tinbidel u ssir “il-31 ta' Jannar 2017”.

Artikolu 2

Dan ir-Regolament jidħol fis-seħħ fit-tielet jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell, it-23 ta' Marzu 2016.

Għall-Kummissjoni

Il-President

Jean-Claude JUNCKER

(1)   ĠU L 112, 24.4.2012, p. 10.

(2)  Ir-Regolament ta' Implimentazzjoni tal-Kummissjoni (UE) Nru 170/2013 tal-25 ta' Frar 2013 li jistipula miżuri ta' tranżizzjoni fis-settur taz-zokkor minħabba l-adeżjoni tal-Kroazja (ĠU L 55, 27.2.2013, p. 1).

(3)  Ir-Regolament ta' Implimentazzjoni tal-Kummissjoni (UE) Nru 1345/2014 tas-17 ta' Diċembru 2014 dwar id-determinazzjoni tal-kwantitajiet żejda ta' zokkor, isoglukożju u fruttożju fil-Kroazja (ĠU L 363, 18.12.2014, p. 80).

(4)  Ir-Regolament ta' Implimentazzjoni tal-Kummissjoni (UE) Nru 2015/1407 tad-19 ta' Awwissu 2015 li jemenda r-Regolament ta' Implimentazzjoni (UE) Nru 170/2013 li jistipula miżuri ta' tranżizzjoni fis-settur taz-zokkor minħabba l-adeżjoni tal-Kroazja (ĠU L 219, 20.8.2015, p. 1).

Top