Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32014R0304

    Regolament ta’ Implimentazzjoni tal-Kummissjoni (UE) Nru 304/2014 tal- 25 ta’ Marzu 2014 dwar l-awtorizzazzjoni tal-preparazzjonijiet tal- Enterococcus faecium NCIMB 10415, l- Enterococcus faecium DSM 22502 u l- Pediococcus acidilactici CNCM I-3237 bħala addittivi tal-għalf għal kull speċi tal-annimali Test b’relevanza għaż-ŻEE

    ĠU L 90, 26.3.2014, p. 8–11 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document No longer in force, Date of end of validity: 06/10/2024; Imħassar b' 32024R2441

    ELI: http://data.europa.eu/eli/reg_impl/2014/304/oj

    26.3.2014   

    MT

    Il-Ġurnal Uffiċjali tal-Unjoni Ewropea

    L 90/8

    REGOLAMENT TA’ IMPLIMENTAZZJONI TAL-KUMMISSJONI (UE) Nru 304/2014

    tal-25 ta’ Marzu 2014

    dwar l-awtorizzazzjoni tal-preparazzjonijiet tal-Enterococcus faecium NCIMB 10415, l-Enterococcus faecium DSM 22502 u l-Pediococcus acidilactici CNCM I-3237 bħala addittivi tal-għalf għal kull speċi tal-annimali

    (Test b’relevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 9(2) tiegħu,

    Billi:

    (1)

    Ir-Regolament (KE) Nru 1831/2003 jistipula l-awtorizzazzjoni ta’ addittivi għall-użu fl-għalf tal-annimali u r-raġunijiet u l-proċeduri għall-għoti tat-tali awtorizzazzjoni. L-Artikolu 10(7) tar-Regolament (KE) Nru 1831/2003, flimkien mal-Artikolu 10(1) sa (4) tiegħu, jistipula d-dispożizzjonijiet speċifiċi għall-evalwazzjoni tal-prodotti li kienu jintużaw bħala addittivi tas-silaġġ fl-Unjoni dakinhar li daħal fis-seħħ dak ir-Regolament.

    (2)

    Skont l-Artikolu 10(1)(b) tar-Regolament (KE) Nru 1831/2003, il-preparazzjonijiet tal-Enterococcus faecium NCIMB 10415, l-Enterococcus faecium DSM 22502 u l-Pediococcus acidilactici CNCM I-3237 kienu ddaħħlu fir-Reġistru tal-Addittivi tal-Għalf bħala prodotti eżistenti li jiffurmaw parti mill-grupp funzjonali tal-addittivi tas-silaġġ, għal kull speċi tal-annimali.

    (3)

    Skont l-Artikolu 10(2) tar-Regolament (KE) Nru 1831/2003, flimkien mal-Artikolu 7 tiegħu, tressqu applikazzjonijiet biex dawk il-preparazzjonijiet jiġu awtorizzati bħala addittivi tal-għalf għal kull speċi tal-annimali, u ntalab li dawn l-addittivi jitniżżlu fil-kategorija tal-“addittivi teknoloġiċi” u fil-grupp funzjonali tal-“addittivi tas-silaġġ”. Ma’ dawk l-applikazzjonijiet intbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

    (4)

    Fl-opinjonijiet tagħha tat-23 ta’ Mejju 2012 (2), tal-10 ta’ Settembru 2013 (3) u tal-10 ta’ Ottubru 2013 (4), l-Awtorità Ewropea dwar is-Sigurtà fl-Ikel (minn hawn ‘il quddiem imsejħa “l-Awtorità”) ikkonkludiet li, skont il-kundizzjonijiet proposti tal-użu tagħhom, il-preparazzjonijiet ikkonċernati ma għandhom l-ebda effett negattiv fuq saħħet l-annimali, fuq saħħet il-bniedem jew fuq l-ambjent. L-Awtorità kkonkludiet ukoll li l-preparazzjonijiet tal-Enterococcus faecium NCIMB 10415, l-Enterococcus faecium DSM 22502 u l-Pediococcus acidilactici CNCM I-3237 għandhom il-potenzjal li jtejbu l-produzzjoni tas-silaġġ. L-Awtorità tqis li ma hemmx bżonn ta’ rekwiżiti speċifiċi għall-monitoraġġ wara l-kummerċjalizzazzjoni tagħhom. Hija vverifikat ukoll ir-rapport dwar il-metodi ta’ analiżi tal-addittivi tal-għalf fl-għalf, li tressaq mil-Laboratorju ta’ Referenza stabbilit bir-Regolament (KE) Nru 1831/2003.

    (5)

    Il-valutazzjoni tal-preparazzjonijiet ikkonċernati turi li ntlaħqu l-kundizzjonijiet għall-awtorizzazzjoni previsti fl-Artikolu 5 tar-Regolament (KE) Nru 1831/2003. Għaldaqstant, l-użu ta’ dawk il-preparazzjonijiet għandu jiġi awtorizzat kif speċifikat fl-Anness ta’ dan ir-Regolament.

    (6)

    Billi r-raġunijiet dwar is-sikurezza ma jeħtiġux applikazzjoni immedjata tal-emendi tal-kundizzjonijiet tal-awtorizzazzjoni, jixraq li jkun permess perjodu tranżitorju biex il-partijiet interessati jħejju lilhom infushom biex jissodisfaw ir-rekwiżiti l-ġodda li jirriżultaw mill-awtorizzazzjoni.

    (7)

    Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

    ADOTTAT DAN IR-REGOLAMENT:

    Artikolu 1

    Awtorizzazzjoni

    Il-preparazzjonijiet speċifikati fl-Anness li jiffurmaw parti mill-kategorija tal-addittivi tal-“addittivi teknoloġiċi” u mill-grupp funzjonali tal-“addittivi tas-silaġġ”, huma awtorizzati biex jintużaw bħala addittivi fl-għalf tal-annimali, bil-kundizzjonijiet stipulati f’dak l-Anness.

    Artikolu 2

    Miżuri ta’ tranżizzjoni

    Il-preparazzjonijiet speċifikati fl-Anness u l-għalf li jkun fih dawn il-preparazzjonijiet, li jkunu prodotti u ttikkettati qabel il-15 ta’ Ottubru 2014 f’konformità mar-regoli applikabbli qabel il-15 ta’ April 2014, jistgħu jibqgħu jitqegħdu fis-suq u jintużaw sakemm jintużaw il-ħażniet eżistenti kollha.

    Artikolu 3

    Dħul fis-seħħ

    Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, il-25 ta’ Marzu 2014.

    Għall-Kummissjoni

    Il-President

    José Manuel BARROSO

    (1)  ĠU L 268, 18.10.2003, p. 29.

    (2)  The EFSA Journal 2012; 10(6):2733.

    (3)  The EFSA Journal 2013; 11(10):3363.

    (4)  The EFSA Journal 2013; 11(10):3436.

    ANNESS

    Numru ta’ identifikazzjoni tal-addittiv

    Isem id-detentur tal-awtorizzazzjoni

    Addittiv

    Kompożizzjoni, formula kimika, deskrizzjoni, metodu analitiku

    Speċi jew kategorija tal-annimal

    Età massima

    Kontenut minimu

    Kontenut massimu

    Dispożizzjonijiet oħrajn

    Tmiem il-perjodu tal-awtorizzazzjoni

    CFU/kg ta’ materjal frisk

    Il-kategorija tal-addittivi teknoloġiċi. Il-grupp funzjonali tal-addittivi tas-silaġġ

    1k20601

    —

    Enterococcus faecium

    NCIMB 10415

     

    Kompożizzjoni tal-addittiv

    Preparazzjoni tal-Enterococcus faecium

    NCIMB 10415 li fiha ammont minimu ta’ 1 × 1010 CFU/g tal-addittiv.

     

    Karatterizzazzjoni tas-sustanza attiva

    Ċelloli vijabbli tal-Enterococcus faecium

    NCIMB 10415.

     

    Il-metodu analitiku  (1)

    In-numerazzjoni tal-addittiv tal-għalf: il-metodu tat-tifrix permezz tal-agar tal-“Bile Esculine Azide” (EN 15788).

    L-identifikazzjoni: l-elettroforeżi bil-ġell f’kamp pulsat (PFGE).

    L-ispeċijiet kollha tal-annimali

    —

    —

    —

    1.

    Fl-istruzzjonijiet tal-użu tal-addittiv u tat-taħlita lesta minn qabel, indika l-kundizzjonijiet tal-ħżin.

    2.

    Il-kontenut minimu tal-addittiv meta jintuża mingħajr ma jitħallat ma’ mikroorganiżmi oħra bħala addittivi tas-silaġġ: 1 × 108 CFU/kg ta’ materjal frisk.

    3.

    Għas-sikurezza: huwa rrakkomandat li waqt l-immaniġġjar jintużaw il-protezzjoni għall-imnifsejn u għall-għajnejn u l-ingwanti.

    Il-15 ta’ April 2024

    1k20602

    —

    Enterococcus faecium

    DSM 22502

     

    Kompożizzjoni tal-addittiv

    Preparazzjoni tal-Enterococcus faecium

    DSM 22502 li fiha ammont minimu ta’ 1 × 1011 CFU/g tal-addittiv.

     

    Karatterizzazzjoni tas-sustanza attiva

    Ċelloli vijabbli tal-Enterococcus faecium

    DSM 22502.

     

    Il-metodu analitiku  (1)

    In-numerazzjoni tal-addittiv tal-għalf: il-metodu tat-tifrix permezz tal-agar tal-“Bile Esculine Azide” (EN 15788).

    L-identifikazzjoni: l-elettroforeżi bil-ġell f’kamp pulsat (PFGE).

    L-ispeċijiet kollha tal-annimali

     

     

     

    1.

    Fl-istruzzjonijiet tal-użu tal-addittiv u tat-taħlita lesta minn qabel, indika l-kundizzjonijiet tal-ħżin.

    2.

    Il-kontenut minimu tal-addittiv meta jintuża mingħajr ma jitħallat ma’ mikroorganiżmi oħra bħala addittivi tas-silaġġ: 1 × 108 CFU/kg ta’ materjal frisk.

    3.

    Għas-sikurezza: huwa rrakkomandat li waqt l-immaniġġjar jintużaw il-protezzjoni għall-imnifsejn u għall-għajnejn u l-ingwanti.

     

    1k21009

    —

    Pediococcus acidilactici

    CNCM I-3237

     

    Kompożizzjoni tal-addittiv

    Preparazzjoni tal-Pediococcus acidilactici

    CNCM I-3237 li fiha ammont minimu ta’ 1 × 1010 CFU/g tal-addittiv.

     

    Karatterizzazzjoni tas-sustanza attiva

    Ċelloli vijabbli tal-Pediococcus acidilactici

    CNCM I-3237.

     

    Il-metodu analitiku  (1)

    In-numerazzjoni tal-addittiv tal-għalf: il-metodu tat-tifrix permezz tal-agar MRS (EN 15786).

    L-identifikazzjoni: l-elettroforeżi bil-ġell f’kamp pulsat (PFGE).

    L-ispeċijiet kollha tal-annimali

    —

    —

    —

    1.

    Fl-istruzzjonijiet tal-użu tal-addittiv u tat-taħlita lesta minn qabel, indika l-kundizzjonijiet tal-ħżin.

    2.

    Il-kontenut minimu tal-addittiv meta jintuża mingħajr ma jitħallat ma’ mikroorganiżmi oħra bħala addittivi tas-silaġġ: 5 × 107 CFU/kg ta’ materjal frisk.

    3.

    Għas-sikurezza: huwa rrakkomandat li waqt l-immaniġġjar jintużaw il-protezzjoni għall-imnifsejn u għall-għajnejn u l-ingwanti.

    Il-15 ta’ April 2024

    (1)  Id-dettalji dwar il-metodi analitiċi jinsabu fl-indirizz tal-Laboratorju ta’ Referenza li ġej: http://irmm.jrc.ec.europa.eu/EURLs/EURL_feed_additives/Pages/index.aspx

    Top