(1)

Ir-Regolament ta’ Implimentazzjoni tal-Kummissjoni (UE) Nru 391/2013 (2) jistabbilixxi skema komuni ta’ imposti għas-servizzi tan-navigazzjoni tal-ajru. L-iskema komuni ta’ imposti hija element integrali għall-ksib tal-għanijiet tal-iskema ta’ prestazzjoni kif stipulati fl-Artikolu 11 tar-Regolament (KE) Nru 549/2004 tal-Parlament Ewropew u tal-Kunsill (3) u fir-Regolament ta’ Implimentazzjoni tal-Kummissjoni (UE) Nru 390/2013 (4).

(2)

Id-Deċiżjoni tal-Kummissjoni 2011/121/UE (5) stabbilixxiet miri ta’ prestazzjoni kif ukoll mira ta’ kosteffiċjenza għall-forniment ta’ servizzi tan-navigazzjoni tal-ajru mill-2012 sal-2014. Permezz tal-ittri tad-19 ta’ Lulju 2012 u tas-17 ta’ Diċembru 2012, il-Kummissjoni infurmat lill-Istati Membri li l-pjanijiet u l-miri ta’ prestazzjoni riveduti tagħhom huma konsistenti mal-miri ta’ prestazzjoni tal-Unjoni Ewropea kollha li ġew adottati, u li dawn qed jagħtu kontribuzzjoni xierqa lill-istess miri tal-Unjoni Ewropea. Il-miri tal-kosteffiċjenza huma espressi f’termini ta’ rati unitarji ddeterminati.

(3)

L-Artikolu 17(1)(c) tar-Regolament ta’ Implimentazzjoni (UE) Nru 391/2013 jistipula li l-Kummissjoni għandha tivvaluta r-rati unitarji tal-2014 għaż-żoni tal-imposti ppreżentati mill-Istati Membri lill-Kummissjoni sal-1 ta’ Ġunju 2013 bi qbil mar-rekwiżiti tal-Artikoli 9(1) u 9(2) ta’ dak ir-Regolament. Din il-valutazzjoni għandha tivverifika l-konformità tar-rati unitarji tal-2014 mar-Regolamenti ta’ Implimentazzjoni (UE) Nru 390/2013 u (UE) Nru 391/2013.

(4)

Il-Kummissjoni wettqet il-valutazzjoni tagħha tar-rati unitarji tal-2014 għaż-żoni tal-imposti bl-appoġġ tal-Korp ta’ Analiżi tal-Prestazzjoni (PRB) u tal-Uffiċċju Ċentrali tal-Imposti tar-Rotot tal-Eurocontrol, u bl-użu tad-data u l-informazzjoni li ġiet ipprovduta mill-Istati Membri sa Ġunju 2013. Il-valutazzjoni ikkunsidrat ukoll l-ispjegazzjonijiet mogħtija u l-korrezzjonijiet li saru qabel il-laqgħa ta’ konsultazzjoni li saret fis-26 ta’ Ġunju 2013 bħala parti mill-applikazzjoni tal-Artikolu 9(1) tar-Regolament ta’ Implimentazzjoni (UE) Nru 391/2013 kif ukoll il-korrispondenza sussegwenti bejn il-Kummissjoni u d-Danimarka, l-Estonja, l-Irlanda, Spanja, Franza, l-Italja, l-Ungerija, Malta, il-Pajjiżi l-Baxxi, ir-Rumanija, l-Isvezja u r-Renju Unit.

(5)

Id-Danimarka, Franza, l-Italja, il-Pajjiżi l-Baxxi u r-Rumanija pproponew li l-aġġustamenti previsti fir-Regolament ta’ Implimentazzjoni (UE) Nru 391/2013 jiġu kkumpensati b’mod parzjali jew bis-sħiħ bl-għan li jinżamm jew jitbaxxa livell speċifiku tar-rata unitarja. Li jsir hekk huwa fl-interess ta’ min jagħmel użu mill-ispazju tal-ajru. Għalhekk, dawn l-ammonti m’għandhomx jiġu rkuprati waqt snin sussegwenti.

(6)

Il-Kummissjoni tinnota li Spanja beħsiebha tapplika dispożizzjoni transitorja b’konformità mal-Artikolu 2 tar-Regolament tal-Kummissjoni (UE) Nru 1191/2010 (6) Il-Kummissjoni vverifikat l-informazzjoni li ngħatat minn Spanja f’dan ir-rigward, u taqbel li Spanja tissodisfa l-kondizzjonijiet tal-Artikolu 2 tar-Regolament (UE) Nru 1191/2010 u tista’ tiddeċiedi li teżenta l-ispejjeż determinati għall-fornituri tas-servizzi tan-navigazzjoni tal-ajru mill-Artikolu 11a(3) tar-Regolament tal-Kummissjoni (KE) Nru 1794/2006 (7). B’hekk, il-mekkaniżmu tal-qsim tar-riskju tat-traffiku, bil-proporzjon tiegħu ta’ qsim tal-qligħ u tat-telf b’30/70 bejn fornituri tas-servizzi tan-navigazzjoni tal-ajru u utenti tal-ispazju tal-ajru li jirriżulta minn differenza bejn unitajiet ta’ servizz proprja u unitajiet ta’ servizz previsti, għandu japplika diġà bħala differenza ta’ 0 % minflok differenza ta’ 2 %. B’konformità mal-Artikolu 2 tar-Regolament (UE) Nru 1191/2010 u mat-tnaqqis fir-rata unitarja li ġiet deċiża minn Spanja għas-sena 2012, din l-eżenzjoni hija limitata għall-qsim tar-riskju tat-traffiku fir-rigward tad-dħul għal dik is-sena. Fl-2015, Spanja beħsiebha tibda tifrex ir-riport li jirriżulta tul is-snin li ġejjin.

(7)

L-Artikolu 17(1)(d) tar-Regolament ta’ Implimentazzjoni (UE) Nru 391/2013 jistipula li l-Kummissjoni għandha tinnotifika lill-Istati Membri kkonċernati f’każijiet fejn ir-rati unitarji jkunu konformi mar-Regolamenti ta’ Implimentazzjoni (UE) Nru 390/2013 u (UE) Nru 391/2013.

(8)

In-notifika li rati unitarji għaż-żoni tal-imposti huma konformi mar-Regolamenti ta’ Implimentazzjoni (UE) Nru 390/2013 u (UE) Nru 391/2013 għandha tkun mingħajr ħsara għall-Artikolu 16 tar-Regolament (KE) Nru 550/2004,