This document is an excerpt from the EUR-Lex website
Document 32012R0103
Commission Implementing Regulation (EU) No 103/2012 of 7 February 2012 concerning the classification of certain goods in the Combined Nomenclature
Regolament ta’ Implimentazzjoni tal-Kummissjoni (UE) Nru 103/2012 tas- 7 ta’ Frar 2012 dwar il-klassifikazzjoni ta' ċerti prodotti fin-Nomenklatura Magħquda
Regolament ta’ Implimentazzjoni tal-Kummissjoni (UE) Nru 103/2012 tas- 7 ta’ Frar 2012 dwar il-klassifikazzjoni ta' ċerti prodotti fin-Nomenklatura Magħquda
ĠU L 36, 9.2.2012, p. 17–18
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
9.2.2012 |
MT |
Il-Ġurnal Uffiċjali tal-Unjoni Ewropea |
L 36/17 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 103/2012
tas-7 ta’ Frar 2012
dwar il-klassifikazzjoni ta' ċerti prodotti fin-Nomenklatura Magħquda
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (1), u b’mod partikolari l-Artikolu 9(1)(a) tiegħu,
Billi:
(1) |
Sabiex tiġi żgurata applikazzjoni uniformi tan-Nomenklatura Magħquda mehmuża mar-Regolament (KEE) Nru 2658/87, huwa neċessarju li jiġu adottati miżuri li jikkonċernaw il-klassifikazzjoni tal-prodotti msemmija fl-Anness ta' dan ir-Regolament. |
(2) |
Ir-Regolament (KEE) Nru 2658/87 stabilixxa r-regoli ġenerali għall-interpretazzjoni tan-Nomenklatura Magħquda. Dawn ir-regoli japplikaw ukoll għal kwalunkwe nomenklatura oħra li hija bbażata, parzjalment jew kollha kemm hi, fuqha, jew li żżid kwalunkwe subdiviżjoni magħha u li hija stabbilita minn dispożizzjonijiet tal-Unjoni speċifiċi, bil-għan li titwettaq l-applikazzjoni ta’ tariffi u miżuri oħra relatati mal-kummerċ tal-oġġetti. |
(3) |
Skont dawk ir-regoli ġenerali, il-prodotti msemmija fil-kolonna (1) tat-tabella mniżżla fl-Anness għandhom jiġu kklassifikati taħt il-kodiċi NM indikat fil-kolonna (2), minħabba r-raġunijiet stabbiliti fil-kolonna (3) ta' dik it-tabella. |
(4) |
Huwa xieraq li jkun stipulat li tagħrif tariffarju li jorbot u li jkun inħareġ mill-awtoritajiet doganali tal-Istati Membri, li hu marbut mal-klassifikazzjoni tal-prodotti fin-Nomenklatura Magħquda, iżda li mhuwiex skont dan ir-Regolament jista', għal perjodu ta' tliet xhur, ikompli jkun invokat mid-detentur, skont l-Artikolu 12(6) tar-Regolament tal-Kunsill (KEE) Nru 2913/92 tat-12 ta' Ottubru 1992 li jwaqqaf il-Kodiċi Doganali tal-Komunità (2). |
(5) |
Il-miżuri msemmija f’dan ir-Regolament huma konformi mal-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Il-prodotti deskritti fil-kolonna (1) tat-tabella kif imniżżla fl-Anness għandhom ikunu kklassifikati fin-Nomenklatura Magħquda taħt il-kodiċi NM indikat fil-kolonna (2) ta' din it-tabella.
Artikolu 2
Informazzjoni tariffarja vinkolanti maħruġa mill-awtoritajiet doganali tal-Istati Membri, li ma tikkonformax ma' dan ir-Regolament, tista' tibqa’ tiġi invokata għal perjodu ta' tliet xhur skont l-Artikolu 12(6) tar-Regolament (KEE) Nru 2913/92.
Artikolu 3
Dan ir-Regolament għandu jidħol fis-seħħ fl-għoxrin ġurnata wara dik tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jkun vinkolanti fit-totalità tiegħu, u direttament applikabbli fl-Istati Membri kollha.
Magħmul fi Brussell, is-7 ta’ Frar 2012.
Għall-Kummissjoni, F'isem il-President,
Algirdas ŠEMETA
Membru tal-Kummissjoni
(2) ĠU L 302, 19.10.1992, p. 1.
ANNESS
Deskrizzjoni tal-prodotti |
Klassifikazzjoni (Kodiċi TARIC) |
Raġunijiet |
||||
(1) |
(2) |
(3) |
||||
Skrin modulari (hekk imsejjaħ "ħajt LED") li jikkonsisti minn moduli magħmula minn madum, b’kull maduma jkollha daqs bejn wieħed u ieħor ta’ 38 × 38 × 9 ċm. Kull maduma fiha dijodji li jarmu d-dawl (LEDs) ħomor, ħodor u koħol u riżoluzzjoni ta’ 16 b’16-il pixel, bid-daqs ta’ kull tikka jkun 24 mm, luminożità ta’ 2 000 cd/m2 u frekwenza ta’ ripetizzjoni ta’ aktar minn 300 Hz. Ikunu jinkludu wkoll iċ-ċirkwiti elettroniċi li permezz tagħhom ikunu jistgħu jaħdmu. L-iskrin jiġi ppreżentat flimkien ma’ sistema ta’ pproċessar li tinkludi:
Is-sinjal ipproċessat jintbagħat mill-proċessur tas-sinjal lil distributur tad-dejta bl-użu ta’ kejbils tal-fibra ottika. Id-distributur tad-dejta min-naħa tiegħu jibgħat id-dejta lid-diversi madumiet tal-iskrin. L-iskrin mhux iddisinjat biex dak li jkun iħares lejh mill-qrib. Jintuża f’avvenimenti sportivi jew ta’ divertiment, fis-sinjal ta' reklamar, eċċ. |
8528 59 80 |
Il-klassifikazzjoni hija ddeterminata mir-Regoli Ġenerali nri 1 u 6 għall-interpretazzjoni tan-Nomenklatura Magħquda, min-Nota 4 sat-Taqsima XVI u mid-diċitura tal-kodiċijiet tan-NM bin-numri 8528 , 8528 59 u 8528 59 80 . L-iskrin modulari u s-sistema tal-ipproċessar tal-vidjo jitqiesu bħala unità funzjonali fi ħdan it-tifsira tan-Nota 4 tas-Sezzjoni XVI peress li jikkostitwixxu komponenti individwali, konnessi bejniethom minn kejbils elettriċi jew b’tagħmir ieħor, bl-intenzjoni li dawn jaħdmu flimkien għal funzjoni definita b’mod ċar. L-apparat kapaċi juri immaġini bil-vidjo minn diversi sorsi, ħaġa li hija funzjoni individwali speċifikata fl-intestatura 8528 . Peress li l-apparat huwa kapaċi li juri diversi tipi ta’ vidjo, ma jistax jitqies bħala apparat elettriku għal skopijiet ta’ senjalar bl-użu ta’ indikazzjoni viżwali. Il-klassifikazzjoni taħt l-intestatura 8531 bħala pannell ta’ indikazzjoni hija għaldaqstant eskluża (ara ukoll in-Noti ta' Spjegazzjoni (HS) għall-intestatura 8531 , (D)). Għaldaqstant, l-apparat għandu jiġi kklassifikat taħt il-kodiċi tan-NM 8528 59 80 bħala monituri oħra tal-kulur. |